ضمن حملة النظافة في حلب : شبان من الكشافة يشاركون مع مديرية خدمات السليمانية العمل في

[Abu ToNi]

تقيم مديرية خدمات السليمانية بمدينة حلب حملة نظافة لعدة أيام في حي الميدان لتفعيل العمل التشاركي بين المواطن ومجلس مدينة حلب .

وبدأت الحملة منذ صباح يوم أمس الأحد على عدة محاور في شوارع حي الميدان حيث يشترك 300 من شباب الفوج السابع والثامن من كشاف حلب بطلاء الأرصفة باللونين الأبيض والأسود ، وتشترك عدد من آليات مديرية السليمانية في هذه الحملة من ضاغطات وتركسات لترحيل القمامة .

وقال المهندس " سنحاريب عنتر " مدير خدمات السليمانية لـ عكس السير : " نؤكد على التشاركية في موضوع النظافة بيننا وبين المواطن فلا يمكن أن تستمر هذه الحملة دون وعي السكان لهذه الحملة التي ستستمر لأسبوع وسوف يكون هناك تسطير مخالفات بحق أي مخالف في توقيت رمي القمامة وإسالة المياه في الطريق ، لقد قمنا بتوزيع منشورات منذ الصباح الباكر لتعريف السكان بهدف الحملة "

وتمنى مواطنون عبر عكس السير أن تستمر هذه الحملة طوال العام دون أن تكون لفترة محدودة ومن ثم يعود الوضع إلى ما كان عليه .

وكان رئيس مجلس مدينة " معن الشبلي " قال في حديث لـ عكس السير في لقاء سابق بأن هذه الحملة تتألف من خمسة مراحل و سوف يتم انجازها في هذا العام ، حيث تم انجاز من المرحلة الأولى وبمشاركة مجموعة من وسائل الإعلام إضافة للمنظمات الأهلية مع الجوامع والكنائس وأيضا مديرية التربية .

عمار دروبي -عكس السر - حلب

[Abu ToNi]

اليوم كنت بدي اكتب على هلشغلة بس منيح شفت عكس السير حاكي عليها فسهلت مهمتي

من فترة شهر تقريبا اقترحت على العالم اللي بشتغل معن بالمنظمة التطوعية نعمل شي على مستوى المحافظة ونشارك بأعمال خدمية للمدينة ، بعد ما شفت هلمقال صار عندي بأول اولوياتي في حال ما تغير شي وبقيت بالمنظمة تبعي اني اعمل شي من هلنمط

وديارك داريها

[sandra]

حبيت هالخبر
هلا حسب اللبس بالصورة الأولى هدول كشاف الأرمن ... أما التانية فما عرفت مين
أبو طوني مين الكشافة المشاركين عحد علمك ؟

[ابو نجبو]

والله شي حلو ....

الكشافة من يوم يومن الن هيك نشاطات....
بتزكر من شي خمسطاعش سنة كان في حملة تعشيب و دهن الارصفة شاركت فيها مدارس منطقة السليمانية و التلفون الهوائي و بالتعاون مع الكشّافة.....
وكان اللي شرف المشاركة بهالحملة....

[عياش]

هلق الخبر حلو كتير وفكرة العمل التطوعي الخدمي فكرة راقية بس إنو المشكلة ما فينا نضف غير الميدان والسليمانية ويمكن العزيزية يعني تخيلو لو طلعو ينضفو الحارات البدها تنضيف فعلا (السكري - بستان القصر - .....الخ) شو كان صار يا حزركن؟؟؟؟؟؟
على كلن برافو عليون شي حلو عملو بهل الصيفية.

[أم الجود]

ايـــــــــــــه ..

ذكروني بمعسكرات الصيف تبع صف العاشر

[Nay]

كاتب النص الأصلي : عياش

هلق الخبر حلو كتير وفكرة العمل التطوعي الخدمي فكرة راقية بس إنو المشكلة ما فينا نضف غير الميدان والسليمانية ويمكن العزيزية يعني تخيلو لو طلعو ينضفو الحارات البدها تنضيف فعلا (السكري - بستان القصر - .....الخ) شو كان صار يا حزركن؟؟؟؟؟؟
على كلن برافو عليون شي حلو عملو بهل الصيفية.

اي والله مزبوط.. بس هوي الحركة بحد ذاتها حلوة..
بحب ضيف بالاذن من ابو طوني
مشروع المبادرات المجتمعية "القرى الصحية سابقا" بسوريا بالتعاون مع اليونيسيف عم يعمل شغل حلو كتير.. وحطيت عنو موضوع سابقا بموضوع القرية الاكثر ديمقراطية بسوريا..
وعم يطور هادا المشروع مفهوم العمل التطوعي عند اهل القرى اللي عم ينشط فيها.. وعم يصير شغل الو علاقة بتنظيف الطرق وزراعة نباتات.. ودهان الجدران المتروكة.. وتطوع شباب بقياس ضغط وسكر بأجهزة الكترونية مجانا مرة بالاسبوع للكبار بالسن ..اضافة لنشاطات الها علاقة بورشات عمل مع الاطفال مسرح عرائس وصناعة أفلام كرتون على مبدا ال cut out كمان بالمشاركة مع الاطفال .. وكلو بإطار تطوعي مجاني.. طبعا حاليا العمل خافف بسبب الامتحانات الجامعية..
تحياتي

[ابو نجبو]

كاتب النص الأصلي : عياش

(السكري - بستان القصر - .....الخ) شو كان صار يا حزركن؟؟؟؟؟؟
على كلن برافو عليون شي حلو عملو بهل الصيفية.

هدول بدهن الجيش الشعبي و الدفاع المدني و المطافي حتى يقدرو ينظفوهن....

[mhsen77]

يا ريت يكون هالعمل التطوعي من الكل و بدون مبادرة من اي جهة كانت كنا عايشين بالجنة و عالارض

يا ريت يكون بدافع شخصي و كل واحد من بيتو وشغلو ما كنا بحاجة حملات العمل التطوعي للكشافة


طبعا مع الشكر للكشافة على عملون

[saman]

ايه ... يا ريت يصير هالشي عنا بالشام ... مو ضروري بكل الشام (شنو حارتي كل يوم بيجيها مسؤول فا بتنضف بسرعة ) يعني ع القليلة منطقة جرمانا