مــقـــلاية أخــويــــة ((5))..!

[MaTyA]

بنكمّل:

7) بينطلق شخص من النقطة "أ" إلى "ج" خلال النقطة "ب", سرعتو بين "أ" و "ب" هي 30 كم/س اما سرعتو بين "ب" و "ج" هي 45 كم/س, معلوم انو المسافة بين "أ" و "ج" (خلال "ب") هي 80 كم وتم قطعها خلال ساعتين , بدك تلاقي المسافة بين "أ" و "ب" ؟

1) 20 كم
2) 30 كم
3) 40 كم
4) 36 كم

8 )شخص بينطلق لـ المدرسة بسرعة مضاعفة لسرعتو وقت بيرجع من المدرسة ,
المسار بيحتاج ساعة وحدة (روحا رجعا - يعني ذهابا ايابا ),
ومعلوم عندك يا راغب انّو طول المسافة من البيت للمدرسة هو 2 كم تمام؟! يكتر خيري على هالمعلومة,
اي بئا بدّك تلاقي سرعتو بالذهاب للمدرسة (بالكم/س) ؟

1) 3
2)4
3) 6
4) 12

9) معروف ان X يقسم على 19 بدون باقي , ما هو الباقي من قسمة
( x-8 ) ( x+8 ) على 19 ؟

1) 7
2) 12
3) 3
4) جميع الاجابات خاطئة

10)على طول مسار ركض طولو 30 متر تم نصب 8 حواجز, المسافة بين خط البداية والحاجز الاول هي 3.3 متر وهو بيساوي المسافة بين الحاجز الأخير وخط النهاية..المسافة بين كل حاجزين متجاورين ثابتة وعرض كل حاجز هو 30 سم, لاقي المسافة بين كل حاجزان متجاوران ؟

1) 2.33 متر
2) 3 امتر
3) 3.3 متر
4) 2.5 متر

وآخر سؤال بالرد التالي لاني بدّو مساحة

[MaTyA]

11) وصلنا لـ آخر سؤال ... خود لقلك :

عم ئلك انّو في جرتان : جرة "أ" فيها 10 طابات لونهن ابيض..وطابتين لونهن اسود
وبالمقابل يا راغب عندك جرة "ب" فيها 5 طابات لونهن ابيض..و7 طابات لونهن اسود تمام لهلأ مركز؟!
جيت انا عميمتك ماتيا اخترت بشكل عشوائي جرة من هالجرتين وكمان بشكل عشوائي طالعت طابة من بين الطابات ..
يعني خلطت خلطت خلطت وطالعت طابة حتى عذبك اي المهم انّو السؤال هو :

أ) شو احتمال انو انا كون طالعت طابة لونها ابيض ؟!
ب) انا عم قلك وخدها منيّة مني ع هالمعلومة انّو هالطابة اللي انا سحبتها لونها ابيض يا راغب..تمام؟!
حلو كتير .. هلأ سؤالي انّو ئلي بحيات شرفك انّو هالطابة البيضا اللي انا طالعتها شو هو احتمال انها تكون من الجرة "ب" ؟!

وخلص ما عاد رح اسألك

[MaTyA]

كاتب النص الأصلي : matya

أ) شو احتمال انو انا كون طالعت طابة لونها ابيض ؟!
ب) انا عم قلك وخدها منيّة مني ع هالمعلومة انّو هالطابة اللي انا سحبتها لونها ابيض يا راغب..تمام؟!
حلو كتير .. هلأ سؤالي انّو ئلي بحيات شرفك انّو هالطابة البيضا اللي انا طالعتها شو هو احتمال انها تكون من الجرة "ب" ؟!

نسيت قلك انو بالنسبة للسؤال الاخير (اللي اقتبسته بالاقتباس اعلاه) بدي ياك تحلّو حسب شجرة الاحتمالات..يعني بترسم شجرة الاحتمالات وبتحط الحل..بدّك ترسمها بـ برامج خصوصي للرياضيات لمّا بـ خط ايدك وتحطها هون انت حر..المهم بدّي الحل حسبها ... ويا ويلي كم رد ورا بعض صرت كاتبة..كلّو كرمالك Raw

[Raw]

الله لا يوفئك يا ماتيا

لك مييييييييين كلّفك انتي ؟؟



بس كأنو الشباب مو جاي على بالهن يسألو

®

[MaTyA]

كاتب النص الأصلي : Raw

الله لا يوفئك يا ماتيا

لك مييييييييين كلّفك انتي ؟؟



بس كأنو الشباب مو جاي على بالهن يسألو

®

لأ جاي بس لسة مالهن خبر

انت رد عليي..وبكفيك انا..انا عن الف عضو لا تقلق

ما تخاف رح شغلك بالمقلاي يعني ما رح تلاقي وقت بدون اسئلة

[Raw]

ما شفت حدا فرحان بنزلة حدا بالمقلاية ئد ما هلأ حضرتك فرحانة

و من فرحتك نازلة رشّ رسائل خاصّة

ئال شفت تنبيه رسالة خاصّة ئلت أوووووووووه تطبيئة جديدة ئام طلعت ئوم تفضلّ على المقلاي

®

[MadMax]

كاتب النص الأصلي : Raw

ئال شفت تنبيه رسالة خاصّة ئلت أوووووووووه تطبيئة جديدة ئام طلعت ئوم تفضلّ على المقلاي

®

اي ...
لا تستغرب ..... يمكن هي بحد ذاتها ......... تطبيئة

[سرسورة]

كاتب النص الأصلي : مسطول على طول

نشالله موفقه سرسوره

انو صرلي باخويه شي سنتين وماحتكيت معك ابداً .. يعني مبسوط كتير أنو تعرفت على جزء كبير من شخصيتك

أنو كتير أنتي شفافه ومرحه ونيالو صاحب النصيب ... ياعمي يتهنا

شكرا كتير هاد من ذوقك و لطفك....

كاتب النص الأصلي : وشم الجمال

سرسورة بيشرفني اني قولك جد جد ما كانوا بيبالغوا لما كانوا يقولوا انو سرسورة غير شكل

جد انت غير شكل وربي يكون معك لتكوني متل ما بدك ويحفظك يا حئ

نفسي هلأ نط وبوسكـ وقلكـ انت كتير حلوة

شكرا كتير كتير وشم.....انتي اللي غير شكل.....

كاتب النص الأصلي : matya

خلص راغب ع المقلاية...Raw

جهزولوا الاسئلة

ادا اكلت مخالفة لاني اخترته انا.. فدا راغب معليشي

هي الاوكي من عندي....
وانا اسفة لاني تأخرت بالدخول .....حقكون عليي.....

و راغب ع المقلاية ...منبطحاااااااااااااااااا� �.......

[Raw]

أسئلتي هي بيعطوها بامتحانات القبول للجامعة بس انّو سهلة نوعا ما
يكتّر خيرك.
1) عمتك ريمي بتبيع 4-6 قطع قماش بـ اليوم , يا عمي راغب كم قطعة بتبيع ريمي بـ 30 يوم ؟هون بدنا نعتمد على ضرب مجال بعدد حقيقي؛ يعني المجال [6،4] مضروب بـ 30 بيطلع الجواب المجال [180،120] يعني الحدّ الأعلى 180 و بالتالي الجواب الأوّل 180 على الأكثر.

2) ئال بيئلك انّو قدرة مصنع للاطارات بـ احدى الدول العربية هي 300 اطار لليوم تمام؟!, بحيث ان 0.2 من الاطارات بس بتصلح للاستعمال , يعني كم اطار صالح للاستعمال بينتج المصنع خلال 30 يوم ؟شو هاد مصنع أفاميا؟؟ 20% بس شغّالين ههههه ؛ إيه حجّة ماتيا ليكي 0.2*300=60 و 60*30=1800 يعني الجواب التالت.
3) (سؤال ابسط من البساطة نفسها-حطيتلك ياه للتسلاية يعني)العملية %x معرفة كالتالي:-
x%= (x-1)(x-3)(x-5)(x-7)(x-9)+0
كم يساوي %5:-بالتعويض كلّ × بـ 5 بيطلع صفر يعني الجواب التالت.

4) كم مثلثاً مختلفاً ومتساوي الساقين ممكن يكون فيه زاوية رأس بتساوي ضعفي زاوية القاعدة ومحيطو بيساوي 40 سم ؟
الجواب الأوّل و الحلّ كمايلي؛ يعني في جملة ست معادلات بستّة مجاهيل حلّها وحيد.





5) عند تمرير وترين في دائرة تنقسم إلى 4 أجزاء على الأكثر , إلى كم جزء على الأكثر تنقسم الدائرة عند تمرير 3 أوتار ؟سبعة يعني التالت صحّ و الشكل كمايلي أو أحد الأشكال؛؛





6) عند يا عمي راغب 3 عمال بينجزوا بناء حائط بـ 3 ساعات, إنضمّـلّون عامل رابع وانجزوا الحائط بساعتين, طيب بكم ساعة بينهي العامل الرابع الحائط لوحدو ؟خلال الساعتين اللي أنجزوا فيها الأربعة الحائط ؛ اشتغل التلاتة الأوائل تلتين الحائط و التلت التالت اشتغلو الرابع لحاله؛ صحّ؟ طبعاً صحّ ؛؛ معناها الرابع بينجز تلت الحائط خلال ساعتين و بالتالي لحاله بينجز الحائط كاملاً بست ساعات، يعني الجواب الأوّل صحّ.




®

[Raw]

بنكمّل:كملّي شو خيفان منّك!!؟

7) بينطلق شخص من النقطة "أ" إلى "ج" خلال النقطة "ب", سرعتو بين "أ" و "ب" هي 30 كم/س اما سرعتو بين "ب" و "ج" هي 45 كم/س, معلوم انو المسافة بين "أ" و "ج" (خلال "ب") هي 80 كم وتم قطعها خلال ساعتين , بدك تلاقي المسافة بين "أ" و "ب" ؟ المسألة مفصّلة بالشكل التالي (باعتبار a,b,c تقابل أ ب ج على الترتيب)





8 )شخص بينطلق لـ المدرسة بسرعة مضاعفة لسرعتو وقت بيرجع من المدرسة , المسار بيحتاج ساعة وحدة (روحا رجعا - يعني ذهابا ايابا ), ومعلوم عندك يا راغب انّو طول المسافة من البيت للمدرسة هو 2 كم تمام؟! يكتر خيري على هالمعلومة, اي بئا بدّك تلاقي سرعتو بالذهاب للمدرسة (بالكم/س) ؟بما إنو سرعته بالذهاب ضعب الإياب منعتبر مسافة الذهاب نصّ الإياب و السرعة نفسها بصير هيك بيقطع تلاتة كيلو متر خلال ساعة يعني سرعته بالذهاب تصير 6 كم و بالإياب 3 كم
9) معروف ان X يقسم على 19 بدون باقي , ما هو الباقي من قسمة ( x-8 ) ( x+8 ) على 19 ؟
الحلّ بالتفصيل كمايلي؛؛





10)على طول مسار ركض طولو 30 متر تم نصب 8 حواجز, المسافة بين خط البداية والحاجز الاول هي 3.3 متر وهو بيساوي المسافة بين الحاجز الأخير وخط النهاية..المسافة بين كل حاجزين متجاورين ثابتة وعرض كل حاجز هو 30 سم, لاقي المسافة بين كل حاجزان متجاوران ؟بطرح 3.3 م مرتين و كذلك طرح 0.3 م ثمان مرّات بضلّ عندنا 21 م موزّعة بين سبع فراغات يعني المسافة بتصير 3 م بين كلّ حاجزين متتاليين.
وآخر سؤال بالرد التالي لاني بدّو مساحة
ما بدّك احسب المساحة؟!!




®

[Raw]

11) وصلنا لـ آخر سؤال ... خود لقلك:هاتيعم ئلك انّو في جرتان : جرة "أ" فيها 10 طابات لونهن ابيض..وطابتين لونهن اسودوبالمقابل يا راغب عندك جرة "ب" فيها 5 طابات لونهن ابيض..و7 طابات لونهن اسود تمام لهلأ مركز؟!جيت انا عميمتك ماتيا اخترت بشكل عشوائي جرة من هالجرتين وكمان بشكل عشوائي طالعت طابة من بين الطابات ..يعني خلطت خلطت خلطت وطالعت طابة حتى عذبكاي المهم انّو السؤال هو:يا ويلك لو تعرف ميس راو بنواياكي تبع التعذيب!!أ) شو احتمال انو انا كون طالعت طابة لونها ابيض ؟!
ب) انا عم قلك وخدها منيّة مني ع هالمعلومة انّو هالطابة اللي انا سحبتها لونها ابيض يا راغب..تمام؟! حلو كتير .. هلأ سؤالي انّو ئلي بحيات شرفك انّو هالطابة البيضا اللي انا طالعتها شو هو احتمال انها تكون من الجرة "ب" ؟!وخلص ما عاد رح اسألك
كذّابة :P
نسيت قلك انو بالنسبة للسؤال الاخير (اللي اقتبسته بالاقتباس اعلاه) بدي ياك تحلّو حسب شجرة الاحتمالات..يعني بترسم شجرة الاحتمالات وبتحط الحل..بدّك ترسمها بـ برامج خصوصي للرياضيات لمّا بـ خط ايدك وتحطها هون انت حر..المهم بدّي الحل حسبها ... ويا ويلي كم رد ورا بعض صرت كاتبة..كلّو كرمالك Raw
كرمالي و لا كرمال تعذبيني ؟؟!!
الحلّ كمايلي:






®

[التقرير الجوال]

سؤال بسيط كتير
شو قصتك انت مع الشبس .

كمان سؤال
بتعتبر الرياضيات ذكاء او ممارسه..؟ يعني الشاطرين بحل الرياضيات اذكى من غيرهن .؟ و الـ IQ تبعهن اعلى من الناس الباقيين .

[Raw]

يا أخي قصتي مو مع الشيبس

قصتي مع الرواااااء


و هاد دليل إنّي مروء


أمّا السؤال :

الرياضيّات يا عزيزي التنتين سوا
ذكاء و ممارسة
مو بس ذكاء في شي اسمه مَـلـَـكة رياضيّة "ما بعرف هاي ملاحظة شخصيّة"

و برأييّ ايه الشاطرين بالرياضيّات أذكى من غيرهن و انتبه الشاطرين بالرياضيّات بالأصل مو الدارسين للرياضيّات ؛ يعني أقلّ شي بيفرئوا فيه عن غيرهن درجة المنطق العالية في تحليل المسائل "ئصدي المسائل بشكل عام مو مسائل الرياضيّات بس".

و كمان الـ IQ أعلى ليه؟؟
لأن متل ما بتلاحظ أكتر أسئلة الـ IQ بتعتمد على المنطق و في أحيان على رياضيّات بحتة.



®

[التقرير الجوال]

هوي صح دفع الدماغ لبذل قصارى جهده بيلعب دور بتنشيطو و بالتالي تفجر ملكان اكبر " معي انت يهيك شي "
يعني تدريب الدماغ على تفجير طاقاته الكامنه .. و هي منلاقيها بالرياضيات عن طريقك التفكير الطويل بتركيز و استخدام طرق مختلفه .

[Miss Raw]

رح غض نظر عن حكيك مع البنات هلئ لأنك بالمقلاية

سؤال واحد جاوبني عليه بسرعة لشوف

يعني أدي بتحبني؟؟

[sweetbaby]

كاتب النص الأصلي : Miss Raw

رح غض نظر عن حكيك مع البنات هلئ لأنك بالمقلاية

سؤال واحد جاوبني عليه بسرعة لشوف

يعني أدي بتحبني؟؟

الله حيوووووو
ميس RAW تتكلم فليسكت الجميع ازن

طيب انو بمعيتك خليه يجاوبنا ع هالكم سؤال لكن...

عمرك؟
مهنتك؟
حالتك الاجتماعية؟
بتدخن؟
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب؟
ازا اي من ايمت
واديش؟
وشو اكتر نوع بتحبه
انت ليش هيك؟؟؟
شو اكتر غنية بتحبا؟؟ وليش؟؟؟
مين مطربك المفضل؟؟
.شو المواضيع اللي تقراها بالمنتدى
شو الصفات اللي بتكرهها بالانسان
والصفات اللي بتحبها
شو حكمتك بالحياة
شو هيي صفات امراة احلامك
اذا ربحت مليون دولار, شو بتعمل فيها؟؟
انت سعيد بحياتك وليش
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟
وشو هي اكتر مادة بتكرها و كمان ليش؟
هل بتامن بالابراج ؟ و علل جوابك
هل بتامن بالقدر؟ علل جوابك
هل بتامن بالسحر و المشعوذين؟ علل جوابك
عرفلي البيروقراطية والديكتاتورية
شو اكتر شي بيعصبك؟
شو اكتر شي بيفرحك؟
شو رايك بقضية الشرق الاوسط؟
شلون تعرفت على أخوية ..؟
شو هدفك بالحياة ...؟
مين أكتر أعضاء بتقارلون بالأخوية ..
كم اخ و اخت عندك؟
مين من اخواتك هوي المفضل عندك وليش؟
شو هوي فيلمك المفضل وليش؟
مين ممثلك المفضل وليش؟
شو اكتر شي بتحبو بالحياة وليش؟
شو امنيتك بالحياة؟
شو ناوي تدرس؟
شو أكتر معادلة كيمياء حفظتها بحياتك؟
شو أحلى قصيدة مرقت معك؟
شو درس العلوم المفضل يلي حفظتو؟
شو حدود سوريا الجغرافية؟
شو طبيعة لبسك : سبور -فنكي -رسمي ؟
شو اكتر موقف محرج صار معك؟
بتعتبر حالك ن الناس ياللي بيحكو كتير؟
شو اكتر اسم بتحب للشب وللبنت؟
مين قضوتك بالحياة ؟
شو رأيك بالطفولة و الولاد ؟
مين أعز شخص على قلبك و ليش ؟
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
شو أحلا أيام حياتك؟
شو الحياه بالنسبه إليك؟
شو بنظرك بياثر اكتر دموع الفرح أم بسمة الفرح؟
شوالشي الذي تتمنى أن يرجع؟
موقف صار لك ولا تقدر تنساه؟
شو أفضل لديك بمراحل النمو هل هو الطفوله ام المراهقه ام الشباب أم الشيب؟
زيت المقلاية عم يحرقك شي؟


ازا اضطريت انو تختار بين تتين من رفقاتك شو بتعمل




الاجوبة لازم تكون مختصرة بمالايقل عن ست اسطر




وبالتوفيق


واديش بتحبا ل MISS RAW وبدي جواب مفصل ع هالسؤال

[handsome]

يا اهلين والله براغب
خيو انا عندي سؤال واحد حاليا

شلون بتكتوب هدول المعادلات وبتشحطون لهون؟؟يعني عاي موقع او برنامج او .....؟

وبعدا بركي برجع

طب من هلق لوقتا منبلش عالخفيف

زكاتك عطيني معادلة الاحداثيات الاسطوانية والكروية

(4)^0,5
(-4)^0,5

لوغرتم ( 1 ) للاساس e
لوغرتم ( -1 ) للاساس e

بركي برجع بس تجاوبني عاول سؤال


موفق خيو

[وشم الجمال]

أسألكـ أسئلتي المعتادة والا لأ؟