|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
15/02/2008
|
#1460 | ||||||
|
مشرف متقاعد
 |
Gazita
كيفك وسيم تيك هالاسئلة ماشي الحالني عايش .. هاتي لنشوف -شو هو الحرف الاول من اسم زوجة المستقبل اول حرف ممممم - كم طفل ناوي يكون عندك اسا ما بين .. بس 2 مناح -اول طفل شو بتسميه سهيل -اول طفلة شو بتسميها ما مبين .. ممم بتسمية -شو النصيحة اللي غالبا بتسمعها من باباك وماماك ييي في كتير نصايح ... بس اكتر الشي بيكون شي بيتعلق بالدرس  وبالفترة الاخيرة عن شوية علاقات اجتماعية الواحد لازم يدير بالو علية -شو اخر هدية وصلتك ومن مين هلق اخر هدية وصلتني من مممم ... واخر هدية عرفت انو اجتني كمان من ممم بس اسا ما وصلتني .. انا بروح جيبة هديك  واخر هدية ... بجوز تكون كتير بسيطة.. بس ما طبيعية شو حلوي ... شغلة بتضل عند الواحد سنة كاملة .. وبكل شهر بيشوف شي بيزركو بالايام الحلوين  ووردة حمصية حمرة وكتير حلوي  وكمان اسا بخور .. للحقيقة ماني عما اسخى شعلو مشان ما يخلص -شو اخر مسج وصلك بموبايلك واحد من التنين هوي رقم التليكوم... وهوي الي لازم يلتغى الاشتراك تبعو  * انو قبل ما ابعت الرد اتغير هادا الجواب ... فقلت بخلي هادا وبكتب الجديد, باعتبارو شي مهم: قاعدين انا رشا إيفا يارا ساره بلبلو ستون ومنسلم عليك بحبك  يقبشني الله...  -شو الصفة اللي بتكرهها في حالك اوقات بكره شوي بحالي طيبة قلبي الزايدي عن اللزوم, يعني كتير صعب حدي يطلب مني طلب او يقلي جاي لعندي مثلا وانا قول لاء ... مع اني بكون عما دايق حالي مشان ما قول لاء -ليش ما عم تفوت عأخوية كتير من جهة عما فوت عما فوت .. بس فينك تسالي ليش ما عما اكتب بالاخوية كتير .. وهادا السؤال بيكون جوابو , قلة الوقت .. وقت الواحد بيكتب شي بالاخوية بيضل كل الوقت عما يتشوق مشان يشوف اذا حدي رد عليه .. او اذا بلش يحكي بشي موضوع ما بيكون فينو يقطعو من نصو.. مشان هيك بضلني عما اتفرج من بعيد لبعيد .. وبين الفترة والفترة بغير شكل ... وفينك تقولي كمان انو اوقات الجامعة ما بكتب كتير .. واوقات الفحصوات برجع بكتب  لمين تهدي هالصور *اشخاص بأخوية*   باترفلايتنا... وخاصة وهي عما تهتم هلق بالتصوير .. فمتأكد انو رح تقدر تقدر جمال هاي الصورة  واذا كان ما بدا اياه ببقي الي ... شكلو بيطير لانو  بعطي لكل شخصين بالاخوية او براتا ما قدرانين يشربو فنجان قهوة مع بعض ... ما في شخص معين وصافي.. ميغسي بوكو عالاسألة .. وهاي الوردة بس قلك فينك تحطية مع الوردتين تبعوتك وتحطيون بفاز صغير عالشباك
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله عقلي يخبرني اني لن استطيع فهم هذا الالله وقلبي يخبرني انه لا داعي لكي افهمه We ask the Syrian government to stop banning Akhawia |
||||||
|
15/02/2008
|
#1461 | |||||||
|
مشرف متقاعد
|
اقتباس:
واذا عندك هيك دفعة كبيري .. فخلية للطبخة الجاي  |
|||||||
|
16/02/2008
|
#1462 | ||||||
|
مشرف متقاعد
|
Abu Guzef
هات لنشوف عطيني رأيك بالتالي : اي عراصي .. عملت من قبل طلة هيك صغيري عالاسألة فوجعني راصي شوي ... هلق منشوف شلون بيطلعو عرواق ----------------- الإنسان : الانسان بنفس الوقت اغلى شغلة وارخص شغلة بالعالم ... لازم يكون شي مقدس ... بس للاسف حقو ارخص من حق سيغارة الله : والله الله شيخ الشباب.. شو بدك بالحكي .. يمكن بحياتي اسا ماني سمعان بشي محبوب ومكروه ومشهور قد الله .. والحلو انو صرلو زمان .. وبعتقد انو رح يضل اسا كتير ... ------------------- الدين : شوية قواعد ومعتقدات وقناعات بيحطوة مجموعة من الاشخاص مشان يمشو علية .. وبتكون بتحكي عن طرق الحياة و الحياة بعد الموت و هالقصص .. وبنظري الأنبياء هني فلاسفة قدرو يقنعو الناس بفسلفتون .. ومشيو علية واساتون عما يمشو علية لهلق الطائفية : لما بيكون بكل دين من هالاديان افكار بتكذب الغير .. بيصير كل شخص يكره كل العالم الي ما بتتبع نفس المذهب بالحياة .. عالم بتقول انو المي هي الي رح تسبب الحرب العالمية التالتة . بس انا بقول الطائفية.. ومبلشي منيح بالقصة الإلحاد : لما واحد بيفكر بهاي الفلسفات الي حطو الفلاسفة وبيحس انو هاي الفلسفة ما بتنطبق على مجال تفكيرو .. او بتتعارض مع كام شغلة هو بيأمن فيا .. فبيبعد عن هالاديان وبيضل لحالو العلمانية :وقت الواحد بيشوف شي شغلة جديدة , ما بيحاول يدور علية بين كتب الدين , بيحمل حالو وبيروح عشي مكتبة او عالنت وبيقعد يدور على الاسباب العلمية تبعيت هاي الشغلة بعيد عن الدين وهالقصص --------------------------- السياسة : جاوبت قبل امريكا : كمان سوريا : احلى محل بالعالم . بتمنى لو بقدر ضل عايش في كل حياتي وما احتاج اطلع منو ولا لحظة .. بس للاسف الواحد اوقات بيتطر يعمل شغلات ما كتير بيفضل انو يعملة .. العراق : ما بعرف من ايمت كانت الثروات الطبيعية هي مصيبة بتجي عالبلدان الي بيمتلكوا .. بلشت الشغلة هيك .. وهلق الشعب عما يقتل بعضو .. لما واحد بيضل مدري كام سنة مانو قدران يفتح تمو .. وبين ليلة وضحاهة بيقولولك روح عميل الي بدك اياها .. وقتا بيصيرو الكل يعيطو مشان يسمعو صوتون للكل . ويأرجو العالم انون اساتون هون ... بس يا خسارا ما بتروح غير عالعالم الي بيكون بالزمان والمكان الغلط الجولان : يعني اذا الواحد بدو يفكر بالقصة بتفائل بيشوف انو الجولان زاد خيرات شوية عالم .. يعني واكيد هني بيكونو استفادو من المصاري وشغلون منيح .. يعني خلي الواحد يكون متفائل بالحياة .. وشكلو هلق غليت الاسعار شوي .. وعما يطالبو بالفوائد ... بس الي راح راح ... -------------- مين اقرب واحد الك هون سعيد واذا غير حدي ... جيني مين ابعد واحد واحد قبل شوي سجل معك 5 وردات لمين بتهديهون وحدة لسارة توصلة ل وحدة لميمو ووحدة لريم لانو مأكول حقون كتير خطي والتنتين الباقيات بزرعون مشان يكترو ويطلع منون 116 الف وردة وزعة للكل الاخوية وخمس شوكات لمين ما بحب اعطي شوك لحدي .. بحطون حوالين الوردتين الباقيات مشان ما حدي يقرب عليون معك 200 الف دولار لمين بتعطيهون ما لحدي ببقيون الي شو سيارتك عندي سيارة عدولابين وكم حادث سويت ببسكليتي كتير وبسيارتي اسا ما جبتة لاعمل حوادث فيا .. بس بشكل عام ما بيخلة الامر شو اول سيارة كانت عندك يعني انو تلت اسألة اذا كان جواب الاول نفي بيبطل في للباقين مغزى ------------------- كلمتين منك لاخوية كبري يا صبيتنا شو عطتك اخوية عطتني شغلات كتير حلوي .. خلتني اتعرف على كتير عالم ما كنتب عتقد معقول اتعرف عليون بارض الواقع .. وعطتني الفرصة ققدر كون بجو حلو كتير كتير .. غير المشاكل الي بلاقيلة كتير حلول هون .. وغير الشغلات الي بنزلة من هون كمان شو اخدت منك ( غير الوقت ) خليت كتير عالم تقعد مع شخص غريب عليون ------------- تكنولوجيا: _________ شو نوع موبايلك Nokia E90 شو اخر رقم بموبايلك 9 كمبيوترك مواصفاتو عالماشي 1,8 غيغا المعالج ثنائي النواة 100 غيغا الهارد 2 غيغا رامات 256 ميغا كرت شاشة ( بس ما كتير تشد ايدك )اي وباقي الشغلات العادية شو سرعة النت عندك 10 ميغا بيت بالثاني -------------- عالماشي __________ شو نظريتك بالحياة اذا لم يكن ما تريد.... فأرد ما يكون شو بتعنيلك الحياة الحياة هي فرصة الواحد بيعيشة مرة وحدة ... يا بيقدر يوصل للشي الي بدو اياه .. يا اما بتروح عليه قديش معك بالبنك هي هي .. احلى الشي وقلك .. مشان تجي تغتالني ما مممم بس بيكفوكي هدول راجعلك اي بقا رجاع رجعت قليلي مأسرعك مقارناتتت. شاي أخضر ولا أحمر يا زلمي اسمة سودة ما حمرا .. وشاي سوداقهوة ولا نسكافه نسكافيه .. ما بشرب قهوة .. اساتني صغير ميلو ولا كاكاو ميلو عرق ولافودكا استغفر الله ... وقت بيكون العرق متواجد بدون مشاكل .. فعرق .. بس مافي عندي اي مشكلة مع الفودكا .. لا بل .. نبيد مز ولا حلو مز فوكس ولا هنكن هنكن لاني ما بعرف فوكس ريد لابل ولابلاك لابل بلاك ويسكي ولا كونياك ويسكي وينستون ولا لوكي ولا شي مرسيدس ولا بي ام بي ام عالاغلب لوس انجلس ولا لاس فيغاس لاس فيغاس ماي سبيس ولا هاي فايف ولا شي دودج ولا فورد مع انو دودج بتصرف اكتر .. بس بتضل غير انا ولا هوي انتي واياه لاب توب ولا كمبيوتر مكتب لاب توب نوكيا ولا سوني اركسون نوكيا.. قال سوني اريكسون قال كيا ولا سابا ! بأمن ببسكليتي اكتر  انا مساويلك شي؟ بجوز.. بس ما حدي قلي اسا  انت بتكرهني شي؟ لاء اسا ليش آخر مرة تخانقنا؟ لاني ما جبتلك دخان شو بتقرأ أكتر شي بأخوية جديد المواضيع كلمتين منك إلي دير بالك عحال, ولا تطوش صحي شو التفسير العلمي للشمس انو تطلع من الغرب روح عقسم العلوم والتكنلوجيا .. هنيك في موضوع مثبت بهالخصوص وإزا طلع في جنةونار انا بكون عشت جنتي عالارض .. وما رح ازعل ععحالي وقالولك لازم تاخد معك7 من أخوية ازا عالنار مين رح تاخد وازا عالجنة مين رح تاخد مين بتاخد باخد ميمو .. بركي بتنزعني وبتخليني ققرا هالالفين كتاب الي هون ريم لانو الواحد اد ما كان لازم يضل متابع امور التكنلوجية حتى لو بالجنة او بالنار بلاك مشان يسلينا شوي شوي ياس مشان بركي بيعلمنا شوية سياسة جاد مشان يقفل على هالشعب المعتر هاني مشان يضل في معنا شب اكابر وين ما كنا وجيني لانا بنت ما طبيعية بنوب شو تعريف الروح؟ ما بعرف .. ما الي خلاق فكر فيا هلق إزا صرلك شي وماعاد تفوت ع أخوية بعيد الشر يعني شو بتوصينا احبو بعضكم بعضا شوتعريف الحشيش شي بيتحشش عن طريق جرعات تتعطى بعدة طرق .. منها الصواريخ والاكل والشرب و .... هيك بيكون الواحد الي بيحشش  لازم تنتبه على ادق التفاصيل بوجهو وكيف يتم تمييز النظامي عن المروكب ما بعرف .. شي بيسطلك .. وشي بيسطلك لانو ما سطلك إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك أهلين باب جوزيف والله ... فوت فوت شو موقفك عالباب يا شيخ عراصي حارتك يا با بقا خبرني اذا جاوبت صح سلامز  |
||||||
|
16/02/2008
|
#1463 | ||||||
|
مشرف متقاعد
|
matya
اي بيكون تقمص لـ الفكرة او الاسلوب اللي اخدتو عن هالشخص ... هلق شوف التقمص مين قال انو شئ دائماً ضد..وسئ.. احيان بتقلّد شخص (ارادياً او لا ارادياً)بيكون هالشخص عندو الحكمة والعلم والخ.. بقا هون لما انت تقلدو بتكون كأنك بـ نقطة انتقال لمستوى احلى واعلى.. مثلاً اذا قلدت شخص عاقل بـ اسلوبو بالنقاش المميز..بيكون تمام انت عم ترتقي بهيك اسلوب عقلاني بالنقاش.. التقمص هون حسب كل شخصية عم تتقمصها فيك تحدد اذا سئ او جيد .. اي برجع عالسؤال هلق والي كان "بالنسبة لتقمص شخصية الاخر .. برايك من اين ينبع ,.. من جهل..الخ..؟!" اول الشي قلت عدم الثقة .. بس هيك كتير اوقات بيكون الواحد واثق من حالو .. بس سمع شي شغلة جديدي ما بيعرفة .. او وجهة نظر ما كتير فكر فيا من قبل .. فعادي كتير انو الواحد يغير رأيو ويتقمص الشخص الي ادامو .. وهي بنوب ما بتكون جهل .. لاء بالعكس .. بتكون قدرة عالتطور . ووقتا بيكون الواحد قادر يغير حالو شوي .. طيب رح اشرحلك اكتر عن طريق اعطاء امثلة.. في ناس بتئلك انو يا خيي الزهد انك تاكل ابسط اكل وانك تلبس ابسط لبس.. هلأ انا بئلك هالتفكير هيدا انو هيك معنى الزهد هو غلط.. بقا انت ايمتى بتقول انو يا خيي"هيدا انسان زاهد" بـ اي حالة بتقول هيك.. يعني لما الانسان بيكون شو بتقول هيك؟! اذا ما عرفت تجاوب انا بجاوبك ..لا بأس.. ما بعرف .. ما عرفت جاوب عالسؤال .. يعني متل ما فهمت انو لما الانسان بيترك كلشي صعب بهالحياة ومشاكل الدني .. وبيروح بيعيش بشي بيت صغير بالغابة ... عندو مزرعة صغيري .. وبيحاول يكون اد مافي معتمد عحالو وما ياخد مساعدات من برات هالجو الصغير الي ساوا لحالو .. هيك بيكون متزهد .. بس انتي قلتي انو ما هيك التزهد .. فما بعرف انسان فاشل بكل شي..هيك شرحو ببساطة..طول عمرو فاشل..بكل شي.. فهمتي عليي غلط .. كان قصدي شرحو .. يعني نفس الجواب القبلو .. ووقتا كان الجواب القبلو انو ما بعرف .. يعني ما بعرف لمين رح قولو يعني بئدر ئلك شكراً لانو اعترافك بـ انها صعبة دليل على تعمقي بـ طرح الاسئلة يعني اسئلة مصدرها عقل (اللي هو عقلي)وبدها عقل يجاوب..يعني مش اسئلة ولاد زغار.. لاء بنوب مانا اسألة ولاد صغار بنوب .. لاء بالعكس .. لولاد كبار عزبناكي معنا عمتو .. انشالله منردلك اياها بالافراح سلام |
||||||
|
16/02/2008
|
#1464 | |||||||
|
مشرف متقاعد
|
اقتباس:
خيو مشان استفسارك متل ما سبق وشفت ( او بجوز تكون ما شفت ) بس ديما بهدلتني كمان على الاخطأ الاملائية الي بعملة .. وانا اعترفت بهالشي بهالرد
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
فلذلك .. لا تفكر انك انتي الي عما تكتب عارصي غلط .. هوي انا الغلط .. بس متل ما سبق وقلت .. بحسا هيك طالعة من القلب .. يعني وقت انا بقول عراسي .. بتطلع عراصي ما عراسي .. من هالحكي كلو صرت اكتب ال س ص .. يعني متل ما بلفظة ... وشو هلق لازم قلك عراصي اما عراسي |
|||||||
|
16/02/2008
|
#1465 | ||||||
|
مشرف متقاعد
|
طفوله
هههه يا حرام منيح المانك شمتاني كتير جيت وجيت بئى لازم اشلفك سؤال اي اجباري شو احلى سؤال اجاك بالقلايه سؤال ابو وليم كلمة لكل من: اصعب سؤال سؤال الاعضاء تبع حسون . لانو ضليت عليه كتير اكتر سؤال محرج هادا السؤال .. لانو بجوز كون هربت من هداك السؤال بدون ما بين اني انحرجت .. جاوب يابا.. انشاللة تعتبري اخر جواب ... جواب ليش ما كل العالم بيسألو هيك اسألة خفاف نظاف وولاد عالم وناس ميرسي طفوله |
||||||
|
16/02/2008
|
#1466 | ||||||
|
عضو
-- مستشــــــــــار --
|
لك يللا وسيمو زتلنا شي واحد بهالمقلاية خلينا نقلي والله شتقنا لهالصنعة...(سمايلي ماد ماكس)
تباً إننا جيل كامل من الانتظار .. متى نفرغ من الصبر .. و من مضغ الهواء ..
اتعرى من الجميع كي أجدني,,,, فأضيع !!!! حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح! |
||||||
|
16/02/2008
|
#1468 | ||||||
|
مشرف متقاعد
|
hanny dagher
هدول الاجوبة بشك فيهن له يا هاني بتشك بحكيي محمد ابراهيم ثانيا - انا معك ضد وسيم (العبارة صحيحة) شكرا عالتوضيح خيو محمد was616im لك وسيم فضحتنا يا رجل  الجواب ...( صح ).....مو (خطأ ) يعني 2ع - س اكبر من ص ولي عليك...قال طالب هندسة قال لك اخص عالرجال اخص .. يا باطل يا وسيم .. ما كان لازم توقف معي حتى لو كان جوابي غلط وفضحتك لكن ما هيك ... ايه كلو بيصير .. Raw إذا كانت س اكبر من ص و ع اكبر من س فإن 2ع - س اكبر من ص خطأ هاد بس غلط الباقي أجوبتهن صحّ و للتوضيح فإنّ H هو خارج المجموعة و التعليل: الأحرف الثلاثة الأخرى تكتب بجرّة قلم واحدة يعني بدون ما نشيل إيدنا عن الورقة أمّا الـH لازم نشيلها و نرجع نحطها مرتين   بتعرف انو شلفت معي التشليفي العجيبي بتبعيت ال H ماني متزكر هلق انا شلون قررت انو هادا الجواب الصح .. بس اكيد ما متل ما انت قلت هلق منرجع لألكون كلياتكون .. وخاصة بعد ما استلمتوني هيك كل الي صار يا جماعة وانا عما اقرا المسألة صار في خطأ فني صغير ... وانا كل الوقت كنت مفكر المسألة على الشكل التالي س > ص ع > ص فهل 2 ع - س > ص وبهالحالة بتكون الاجابة خطأ ايه معليش .. بهدلتونا ادام العربان وكلو من ورا خطأ زغنطوط بس رح كون اكوس منكون .. وقلكون شكرا عالشرح عراصي الشبيحة الطيبة كلون  سلام |
||||||
|
16/02/2008
|
#1469 | ||||||
|
مشرف متقاعد
|
sarah
هاي ابو سهيل يا اهلين بهالعينتين والله اول الشي كل فلانتاين وانتي بخير وانتي بخير يا رب .. وانشالله سنة الجاي نشوفك واقعة بالحب وطابة عخلقتك تاني الشي قلي اليوم شو فكرت من الصبح لقبل ما تنام واذا ما شفت شو كتبتلك اليوم فمنيح هيك بتحكيلنا عن بكرا كمان بس انتبه لازم تحكي كل شي فكرت في من اصغر شغلي لاكبر شغلي اوكي هلق هادا السؤال كان ب 14 شباط .. يعني مرق الوقت الي كان لازم جاوب عليه وما بعتقد هيك سؤال رح جاوب عليه هون , ولا انت كان عندك شك بالموضوع؟ اذا مصرة تعرفي الجواب ببقا بحكيلك اشلغلات عرواق شي مرة لحالنا .. مع اني بشك شوي انك تكوني بتعرفي قسم كبير من الشغلات الي فكرت فيا وباقي الشغلات منيح الي ما بتعرفي .. بعدين كنتي اخدتي فكرة سيئة عني ويعني للحقيقة يومتا كنت فترة كتير طويلي بالمكتبة ... يعني كان قسم كبير من تفكيري رايح عالمحولات .. والموتورات .. ومولدات الطاقة .. ووجعة راس ما بدك اياها .. بس ما يعني هادا انو بالمكتبة الواحد مافينو يوصل بتفكيرو لمحل بعيد 3500 كيلو متر وبالمناسبي اجتك معايدي حلوي كتير من ... بتقلك الله يخليك الا وتضل عم تتحملا ايه ايامك يا عمي ما حدا قدك يلعن ديبي .. بعرف مية بالمية انو ما حدي ادي .. في كتير عالم بيجيبو بعيد الحب 10 بطاقات مكتوب عليون " الي حبيبي الوحيد " بس انا من حبيب واحد اجاني عشر معيدات ولحق عاد كنك بتلحق يا وسيم ... بس شو بدك بالحكي .. مافي احلى من المعاديات الي بتنزل متل زخ المطر عالواحد ... بقلك الك كل عام وانتي بخير كمان __________________________________________________ _________ وباعتبار هادا كان اخر سؤال بمقلايتي بقول لكل العالم كل عام وهني بخير .. وانشالله عيد الحب الجاي يكون عيد حب عادي من سنة فيا 365 عيد حب بشكر الكل عالاسئلة الحلوين كتير .. وانشالله ما كون خيبت امل عالم كانو اخدين فكرة غير عني بس هادا انا . ما بعتقد الي بيعرفني عالواقع كان عندو شك باجاباتي.. وحاولت كون صريح فيون اد ما بقدر شكرا مرة تاني اخوية عالمقلاية الحلوي .. وهلق برجع مع طبخة جديدة .. ومقلاي جديد |
||||||
|
16/02/2008
|
#1470 | ||||||
|
مشرف
 |
شو مشانك اب السيم .. كأنو نسيت مين بدك تزت بعدك
اللــي طــــالع الجحش ع المأدنة .. بنزلـــو
|
||||||
|
16/02/2008
|
#1471 | ||||||
|
عضو
|
اخي خليه مستمتعين معه
وحياة سواد عينيك يا حبيبي غيرك ما يحلالي
we ask syrian goverment to stop panding akhawia نقسم سنبقى لاننا وارضنا والحق اكثرية |
||||||
|
16/02/2008
|
#1472 | ||||||
|
مشرف متقاعد
|
المكونات الرئيسة لطبختنا الجديدي هي عضو اد ما الواحد حكا عنو بيضل مقصر بحقو
في كتير عالم منا بتقدر ترفع الاخوية هلق بشي صغير .. باعتبار في اكتر من 100 الف عضو .. بس على ايام صديقنا الجديد ما كان بيتجاوز عدد الاعضاء فئة المئات .. ومع هيك ضلت بصمتو معلمة بالاخوية من وقتا لهلق ضيفنا الجديد هوي ديموزي
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
كتار منا هون ما بيروح هالاسم عن بالون .. مع انو ما ضروري يكون بيعرفو شخصي .. وللاسف كتير غيرون ما سمعانين بهالاسم من قبل ديموزي اختصاص قسم الخواطر ..( ما في داعي نقول خربشات . لانا بنوب مانا خربشات ) رح بلش هلق انا شوي شوي عالهادي اول الشي خيو ليش هيك قطعتنا ؟ غبت فترة تلت سنين عن الاخوية, كنت تطلطل عالاخوية بين فترة والتاني ؟ اما كنت نسيانة عالاخر وكانت طالعة من حياتك؟ لما تركت كان في شي قصة دايقتك وتركت على اثرة , اما بس شوية مشاغل؟ انت كنت العضو رقم 356 ... وسجلت بتاريخ 11/12/2003 يعني كنت من اول العالم بالاخوية .. كيف بتشوف الاخوية هلق بعد ما صارت صبية كبيري كتير .. عندا اكتر من 100 الف مشترك . وانت واحد من اول كام مية زلمي فية بعد هالغيبة الطويلة صارت الاخوية احسن اما اسوء؟ بتتمنا ترجع الاخوية متل ما كانت سنة ال 2004 شي؟ واخر سؤال حاليا , شو الي رجعك عالاخوية؟ موفق خيو .. نتمنى لك طيب الاقامة بمقلايتنا استلمو اخواتي  * بتمنى من الشباب والصبايا الطيبة انو يرتبو شوية الاسألة الجاهزة .. في اسألة كتير حلوين .. بس عما تضيع بالعجقة ويا ريت شوية تنسيق للنصوص, لانو وقت الواحد بيكون عما يجاوب عشوية اسألة .. بيضل عما يضيع وقت اكتر عتنسيق الاسألة اكتر من الاجابة عالاسألة بتمنى ما حدي بتدايق من حكي بس هي شغلة كتير صغيري من كل واحد بيسأل وبتريح كتير كتير الشخص الي عما ينقلة بالتوفيق للجميع |
||||||
|
16/02/2008
|
#1473 | ||||||
|
عضو
|
 يا هلا يا هلا يا هلامعلم هات لنسالك كم سؤال استفتاحي مع ام ضد 1- المساكنة قبل الزواج 2- انفصال الاولاد عن اهلون عال18 سنة 3- عمليات التجميل 4- ان تشن سوريا حرب على اسرائيل لاسترجاع الجولان 5- حظر موقع الفيس بوك 6- منع هيفا من الغناء في سوريا 7- خصخصة قطاعات حكومية 8- الزواج المدني 9- قيام المحكمة الدولية 10- ولا قلك بلاها سؤال ثاني كلمة ميت خسة اللي بتختم فيها لشو بتعني سؤال ثالث من فترة حضرتك كتبت موضوع بالمنبر عن الاخر برايك هل تعتقد ان ما قامت به عدد من الصحف في اوربا في نشر كاريكترز عن النبي محمد ينتج الى عدم تقبل الاخر ؟ اليوم الكل يتحدث عن قبول الاخر طيب هل ترى ان الجيل الشباب السوري الحالي متقبل للاخر ؟ بغض النظر عن مين الاخر ( ريف مدينة دين رجل وامراة اتجاه فكري او سياسي او الخخخخخخخخخخخ) مالخطوات التي تراها ملائمة برايك لقيام حرية اعلام في سوريا سؤالي الاخير لو تركتكلك هالمساحة فاضية وقلتلك احكيلي احكيلي شو بتحكيلي مع ميت وردة |
||||||
|
16/02/2008
|
#1474 | ||||||
|
عضو
|
يا هلا يا هلا يا هلا معلم هات لنسالك كم سؤال استفتاحي مع ام ضد 1- المساكنة قبل الزواج 2- انفصال الاولاد عن اهلون عال18 سنة 3- عمليات التجميل 4- ان تشن سوريا حرب على اسرائيل لاسترجاع الجولان 5- حظر موقع الفيس بوك 6- منع هيفا من الغناء في سوريا 7- خصخصة قطاعات حكومية 8- الزواج المدني 9- قيام المحكمة الدولية 10- ولا قلك بلاها سؤال ثاني كلمة ميت خسة اللي بتختم فيها لشو بتعني سؤال ثالث من فترة حضرتك كتبت موضوع بالمنبر عن الاخر برايك هل تعتقد ان ما قامت به عدد من الصحف في اوربا في نشر كاريكترز عن النبي محمد ينتج الى عدم تقبل الاخر ؟ اليوم الكل يتحدث عن قبول الاخر طيب هل ترى ان الجيل الشباب السوري الحالي متقبل للاخر ؟ بغض النظر عن مين الاخر ( ريف مدينة دين رجل وامراة اتجاه فكري او سياسي او الخخخخخخخخخخخ) مالخطوات التي تراها ملائمة برايك لقيام حرية اعلام في سوريا سؤالي الاخير لو تركتكلك هالمساحة فاضية وقلتلك احكيلي احكيلي شو بتحكيلي مع ميت وردة |
||||||
|
16/02/2008
|
#1475 | ||||
|
عضو
-- مستشــــــــــار --
|
مية اهلا مع انّي ما بعرفك بس معنا معنا بنعرف هالشخصية من خلال اجاباتك على الاسئلة..
انّو اسئلتي يا عمتي قليلة يعني ما تخاف .. اسئلتي هي :: 1)شو رايك بـ (الزواج بالبريد المضمون)؟! 2)صف ذوي هذه العقلية(عقلية الزواج بالبريد المضمون)؟ 3)حسب رايك ما هي تداعيات هذه الخطوة؟! 4)ما هي اسباب هذا التصرف؟!! 5)بالنسبة لتقمص شخصية الاخر .. برايك من اين ينبع ,.. من جهل..الخ..؟! *تعريف الزواج المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية. وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..بيقوموا بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا.. تكملة الاسئلة :: 6)برأيك هل يستطيع القلب استيعاب اكثر من حب في نفس الوقت ؟ 7)هل يستطيع العقل استيعاب اكثر من حب في نفس الوقت؟هنا الحب بمعنى حُب الحبيب ... 8 ) برايك : هل الحب الاول لا يـُـنتسى؟؟! 9)الحب عبر الانترنت.. الى اي مدى تؤمن بـ وجود هذا الحب؟!! 10) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟! ان كان جوابك نعم فـ لماذا.. وان كان لا.. ايضاً لماذا؟!!  11)لا فرق لديك اذا ما كان الزواج نتيجة حب انترنت او نتيجة حب على ارض الواقع اي انهما سواسية بالنسبة لك ام تخالف احدهما ؟!! 12) شو هو الزهد بمفهومك؟! مو تجي تقلي صفة حلوة ومنيحة والخ... لانو انا ما طلبت توصفه..انا طلبت تعريفه بمفهومك..شو بتعرف عنه وعن معناه؟! يعني في ناس بتفكّر انو هو بـ انك تاكل اكل بسيط وتلبس لباس بسيط وتتشحتف بس هيدا غلط..بقا انت شو بتعرف عنّو؟ واذا بدك شرح اكتر لـ هالسؤال انا مستعدة.. 13) بيعنيك الرد على الاحاديث الطائفية ام انك ما بتفضّل ترد وتناقش؟! وليش؟! 14) لمين بتقول من المنتدى او برا المنتدى الاقوال التالية، (يعني كأنك بحوار مع شخص بتقوم بدك توصفه فبتقلو قول من هالاقوال) :: أ- "وما خاطبتُ جاهلاً الا وغلبني". ب- " ولا خير في ودّ امرئ متملق حلو اللسان وقلبه يتلهبُ". جـ-"ولا خير في ودّ امرئ متلون اذا الريح مالت مال حيث تميلُ". د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا". 15)كلمة توصف هؤلاء او توصف صوتهن او اغانيهن( كلمة واحدة فقط-مو تطحش بالوصف  ):أ- فيروز. ب- اصالة. ج-ميادة الحناوي. د- ميادة بسيلس. هـ- لينا شاماميان. 16)رأيك بـ هؤلاء ولو اضطريت انك تتعامل معهم شو بيكون موقفك وتصرفك اتجاههم ؟!! ذوي المصالح: ذوي الافكار السطحية والساذجة: ذوي الاقنعة والوجوهـ المتلونة ( بالعامية "اللعب على الحبلين"): امرئ حلو اللسان وقلبه يتلهب: الحاسد : الحاقد : المنافق والكاذب والمخادع: الغدّار: الجهلة بمعنى انو بتناقشهم بتناقشهم وبتطلع انو عقولهم مقفلة يعني حق باطل ما رح يقتنعوا معك: وقلي اذا صار وتعاملت معهم او مع بعضهم قلي مين ؟ واذا " عبالك " توصف احدى الصفات او كلها او بعضها لحدا من المنتدى فيك توصفه وقلنا لمين؟ واذا مو عبالك توصف انت حر  17)لمين بتقول من الاعضاء "اذا" بتقدر تقول ، يعني يمكن تخجل تقول لكن لو بتقدر لمين بتقول: وقد سقط ما تبقى من ورقة توت لم يعد دونها شئ مستور، على مين بتحس انها بتنطبق: وُلِدتَ فاشل وما زلت فاشل ورح تبقى فاشل: الكذب عندك صنعة: 18 ) يـُـقال ان قوة المرء في كظم غيظه لا بـ ان يرد بالمثل ومن هنا ::: أ)هل انت ممّن يكظمون غيظهم أَم ممّن يجيبون بالمثل ؟؟؟! ب)اذا كنت من كاظمي الغيظ الى اي مدى تستطيع كظم غيظك ؟؟؟! آخر تعديل MaTyA يوم 16/02/2008 في 16:13. |
||||
|
16/02/2008
|
#1476 | ||||||
|
عضو
-- مستشــــــــــار --
|
هلأ مرحبا ]ديموزي ويللا بس لاسليك كمان مو اكتر يعني والك الحق باي دعوة علي  اول شي شو اسم كاتبكـ المفضل؟ بتحب الشعر ؟؟ لمين بتقرا؟؟ شو رأيك بالحب؟؟؟ شو رأيك بالسلام؟؟؟ عمرك حسيت بالظلم؟؟؟ وشو الموقف؟؟ شو طموحكـ في الحياة؟ شو بتعنيلك السياسة؟؟ شو اسم الشب و البنت المفضل عندكـ؟ بشو بتوصف علاقتك بالاخوية؟؟؟ هل بتعتبر الوضع بالبلدان العربية حاليا على شفا جرف هار؟؟؟ الاغتصاب ... شو الشعور اللي بتخلقو هاي الكلمة بأعماقك؟؟؟ هل تؤمن بالسلام ؟ وشو حل القضية الفلسطينية برأيك؟؟؟ شو قمة الصدمة عندك؟؟؟ شو موقع ديموزي من الإعراب يعني انت وين وصلت ولوين بدك توصل ؟؟؟ شو الشي اللي ما فيك تستغني عنو؟؟؟أساسي بحياتك؟؟؟ جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟ شو لونك المفضل ... غنيتك المفضلة؟؟؟ بلد نفسك تزورها؟؟ حدا باخوية نفسك تقلو شي معين... مين العضو يللي اعجبك كتير تفكيرو ونقاشو اكتر عضو حبيتو شو بيعنيلك الشهيد؟؟؟ لما تشوف الوضع والحصار بغزة شو بتقول بنفسك؟ فلسطين احكيلي عنها بسطر. يحيى عياش ... شو بيعنيلك؟؟؟ شو رأيك بنزار قباني... مظفر النواب... محمود درويش... فدوى طوقان... بتقرا شعر جاهلي.... ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟ شو أبشع منظر شفتو بالانتفاضة ... يعني اسرائيلي ... شو أبعد شي ممكن يوصلو خيالك؟ بتحب القهوة؟؟؟ عمرك كتبت شي خاطرة ادبية؟ بتحب الادب؟ شو نقطة ضعفك؟ شو نقطة قوتك؟ كلمة بتوجهها لكريم شو رأيك بهالعبارات... عقب عليها يعني.... 1-ايها المارون بين الكلمات العابرة كالغبار المر مروا اينما شئتم ولكن لا تمروا بيننا كالحشرات الطائرة خلنا في ارضنا ما نعمل و لنا قمح نربيه و نسقيه ندى اجسادنا :و لنا ما ليس يرضيكم هنا حجر.. او خجل فخذوا الماضي،اذا شئتم الىسوق التحف و اعيدوا الهيكل العظمي للهدهد، ان شئتم على صحن خزف لناما ليس يرضيكم ،لنا المستقبل ولنا في ارضنا ما نعمل 2-من أقاصي اليأس يولد دائما منتهى الأمل. 3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب... 4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء. 5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد |
||||||
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 00:33 (بحسب عمك غرينتش الكبير +3)