المثليين جنسيا - الزواج و تغيير الجنس

[saman]

طيب انا ما فهمت كيف اخواتك مو مثليين وانت تقريبا مثلي مابدنا نقول مثلي تمام على قولتك
وبتقلي السبب هو التربية
يعني اهلك واهلن مو نفس الاهل وتربيتهن مو نفس الترباية طيب وين الفكرة
انا لاحظت انك عم تناقض حالك فكيف فهمني

لأ اكيد مو نفس الترباية اولاً في أختلاف بالأعمار ..بيناتنا ....
تانياً ترباية البنت مو متل ترباية الشب صح !!!؟

[ظل جيفارا]

كاتب النص الأصلي : yass

اللي يحدد الجنس هو التزاوج الصبغي (XX-XY) و مالو علاقة الهرمونات لأنو أساسا الجنس يتحدد من بويضة واحدة ملقحة, يعني لسا لا في هرمونات و لا هم يحزنون


على هالأساس ردك مو دقيق أبدا زميل لأنك عم ترتكز على معلومة خاطئة

حلو كتير رح ابعتلك رسالة خاصة حاليا ... يا ريت ترد عليها بأسرع وقت .
تحياتي الحارة
ظل جيفارا

[Nabilove]

كاتب النص الأصلي : ويجا

انا اسف حبيبي بس ما قدرت انزل لمستواك فبعتذر عن نقاشك

باييييييييييييييييييييييي ييييييي

لا اخي لا تنادني بحبيبي المهم متمنياتي لك بالشفاء و خليك فمستواك وبعيد كمان

[W.E.G.A]

كاتب النص الأصلي : Nabilove

لا اخي لا تنادني بحبيبي المهم متمنياتي لك بالشفاء و خليك فمستواك وبعيد كمان

كمان مارح ارد عليك بلكي بيطلع منك اكتر من هيك وبتبدع زيادة
بس يعني على فكرة الادب والذوق ماله علاقة بكونك مثلي او لا فهمت علي يا حبيبي

[W.E.G.A]

كاتب النص الأصلي : saman

لأ اكيد مو نفس الترباية اولاً في أختلاف بالأعمار ..بيناتنا ....
تانياً ترباية البنت مو متل ترباية الشب صح !!!؟

اي عزيزي بس يعني مدام الام والاب نفسهم فتربيتهم مارح تتغير حتى لو تغير العمر او الجنس
هو انا ما رح اقدر اناقشك كتير لان مالي مطلع على القصة من كل جوانبها فاكيد انت عارف اكتر

[Odell]

بصراحة الموضوع عملي حالة غثيان ..

انا متعصب برأيي ... لانو لو المثلية موجودة كانت الاديان ماحاربتها... والقرآن بعلمي لو شبين مارسو الرذيلة .. بهتز عرش الرحمن غضبا ..


لذلك انا بعارض انو السبب جيني او وراثي او اشي لا يمكن التحكم فيه ... والا كان القران سمح فيه متل ماسمح باكل لحم الخنزير بحالات معينة وبشرب الخمر بحالات معينة

الله لا يبلينا .. ولا يبلينا ..

[W.E.G.A]

كاتب النص الأصلي : Odell

بصراحة الموضوع عملي حالة غثيان ..

انا متعصب برأيي ... لانو لو المثلية موجودة كانت الاديان ماحاربتها... والقرآن بعلمي لو شبين مارسو الرذيلة .. بهتز عرش الرحمن غضبا ..


لذلك انا بعارض انو السبب جيني او وراثي او اشي لا يمكن التحكم فيه ... والا كان القران سمح فيه متل ماسمح باكل لحم الخنزير بحالات معينة وبشرب الخمر بحالات معينة

الله لا يبلينا .. ولا يبلينا ..

طيب يا استاذي الكريم يعني سؤال صغير انت برايك ان الموضوع موضوع قناعات ولا موضوع تجارب ودراسات
يعني انا ممكن اقلك انا برايي وقت الغروب ممل وانت ممكن تقلي انا احلى وقت عندي وقت الغروب هون منحسن نحكي بالاراء
بس اجي اقلك انا براي السرطان سببه كثرة الجنس وهو اصلا سببه معروف فبتقلي اذا ممكن تخرس لان في بحوث ودراسات بتاكد انه مو هاد السبب
فيعني عدم الماخذة ما بهم جضرتك بشو او حضرتي بشو مقتنعين

[ظل جيفارا]

كاتب النص الأصلي : ويجا

طيب انت مين فيقك وخلاك تشارك

خليك في برجك العاجي ومحترم نفسك
يا استاذ يا فهمان انت يا ذوق
بعدين انت لسا في منك لك حاج بقى اصلا العرب ما وصلو لهالتخلف غير من ورا تجاهل واقعن وعيشن على اطلال الماضي

انا هون أؤيد موقفك لإنو ما هيك بيصير النقاش وهيك طرق نقاش هيي اللي خربت بيتنا

كاتب النص الأصلي : karim94

العرب كانو أسياد العالم....عندما كانو أمة ذات أخلاق


وهي ضفتك لشلة المطنشين أو المطنشات, إبسط يا عم!

يا سيدي لما كان العرب اسياد العالم ...بسيوفهم وبعلوم الشعوب المحتلة من بلاد فارس حتى اسبانيا كان في بالقصر غلمان مخصيين الله يعلم شو شغلتهن وكان في ناس حكوا بشكل علني عن اعجابهم بالغلام الفلاني .
انا مو عم قول إني مع المثلية او ضدها بس عم قول خلونا نكون اكتر منطقية بكلامنا يعني نحكي حكي ممكن نفيد ونستفيد منه يعني انا مثلا كنت اخد فكرة بيولوجية عن الموضوع وطلعت غلطت لأني ياس وضحلي وانا برأيي استفدت ...خلونا نفكر انو الإفادة المتبادلة هيي سبب وجودنا مو الشتائم والبهادل ..
تحياتي الحارة
ظل جيفارا