رأيك بصراحة بخطاب الرئيس الدكتور بشار الاسد

[amir 2006]

شوف حبيبي تمام كلامك فيه شوي من الصحه بس بعض الاشياء لا يمكن هيك تنحل ببعض الوقت بعدين يا حبييبي سوريا عليها حصار اقتصادي متل ما بتعرف

[صياد الطيور]

كاتب النص الأصلي : amir 2006

شوف حبيبي تمام كلامك فيه شوي من الصحه بس بعض الاشياء لا يمكن هيك تنحل ببعض الوقت بعدين يا حبييبي سوريا عليها حصار اقتصادي متل ما بتعرف

فيه شوية من الصحه ... و الله ما فيو غير 0.5 % من الصحة والباقي تعفيس بتعفيس

[فوضوي]

يعني تحويل سوريا من دولة ذات نظام اميل الى الاشتراكي الى نظام نيوليبرالي

الصراحة النظام النيو ليبرالي أحسن بكتير من النظام يلي عنا بسوريا
النظام بسوريا فاشستي
و أنا يساري و ضد النيو ليبراليي بس ما بعتبرها بنفص صف الفاشيي

بعدين يا حبييبي سوريا عليها حصار اقتصادي متل ما بتعرف

هلأ أنتو عن جد مصدقين أنو في حصار اقتصادي

[TammamD]

كاتب النص الأصلي : amir 2006

سوريا عليها حصار اقتصادي متل ما بتعرف

والله الحصار اللي عم ينحكا عنو حاليا هو حصار وهمي (لعبة سياسية )والحصار الحقيقي كان زمان وتجاوزته سوريا ايام اللي كان عنا قطاع عام بامكاننا نستند عليه اما حاليا ومن خلال التحول الى الخصخصة وما يتم رسمه من قناع جميل على وجهها الدميم فاذا صار حصار كون على ثقة انو رح نموت من الجوع نتيجة تعاظم دور الكومبرادور في اللعب باقتصاد البلد "بقيادتو الحكيمة"

[amir 2006]

حبيبي اللي ما بيعرف بالسياسة ما يحكي فيها أوكي

[brave heart2]

يا شباب سوريا العظيمة

خلي النقاش موضوعي لانو نحن شعب واعي
ولا تنزعو هالصورة

[صياد الطيور]

كاتب النص الأصلي : فوضوي

هلأ أنتو عن جد مصدقين أنو في حصار اقتصادي

لاه يا شباب
الحصار على سوريا معروف و كل دول العالم بتعرفو
روح شوف مسودات الأحتجاج السورية على اميركا بمجلس الأمن لانو اميركا مانعة تصدير قطع غيار الطائرات عن سوريا و الي عم تتأثر بهالشي كتير
و في كتير بلاوي عم تصير و سوريا عم تحارب هالحصار

[فاتي 19]

هادا الشاطرين فيه ....بس ...ياحسرتي على شعبنا السوري من وين ولا وين بدو يلاقيها ...

[brave heart2]

كاتب النص الأصلي : فاتي 19

هادا الشاطرين فيه ....بس ...ياحسرتي على شعبنا السوري من وين ولا وين بدو يلاقيها ...

صلي على النبي اول مشاركة الك ............ وفايتة فينا بالعرض

[ما بعرف]

هادا الشاطرين فيه ....بس ...ياحسرتي على شعبنا السوري من وين ولا وين بدو يلاقيها ...

كاتب النص الأصلي : brave heart2

صلي على النبي اول مشاركة الك ............ وفايتة فينا بالعرض

ما في احلى من الصراحة
لازم تورجيكون العين الحمرا دغري

ان لم تكن ذئباً اكلتك الذئابو

[amir 2006]

ولاهي كلامك موضوعي يا صياد كتير أنت عن جد أعجبتني

[فوضوي]

ايام اللي كان عنا قطاع عام بامكاننا نستند عليه

هون بدي غحكي عن شغلي
القطاع العام يمكن إدارته بطريقتين
1- طريقة لينين : و بهالطريقة سوفيتات الطبقة العاملي بتدير المصنع
2- طريقة استالين : و بهالطريقة البيروقراطيين المدراء بديروا المصنع
الطريقة الأولى بكون الحكم اشتراكي و التانيي رأسمالية دولي و سوريا بحياتها ما اتبعت الطريقة الأولى يعني بحياتو ما كان النظام اشتراكي كان فيما مضى رأسمالية دولي

الحصار على سوريا معروف و كل دول العالم بتعرفو

لك هاد حكي عالتلفزيونات و بس

[صياد الطيور]

كاتب النص الأصلي : amir 2006

ولاهي كلامك موضوعي يا صياد كتير أنت عن جد أعجبتني

على عيني يا غالي
أنا ما عم جيب شي من عندي بس هاد هو واقعنا و بستغرب ليش البعض بيغمض عيونو وعقلو عليه

تحياتي ألك

[amir 2006]

على راسي

[ابو قطيط]

ok....... انا اول مرة بشارك بس اسمحولي اني اعطي رايي بصراحة
حاب اعلق على قولة بشار الاسد انو تم انتخابة
على فرض انو تم انتخابة متى رشح حاله؟
معقول انو تقريبا 100% من الشعب انتخبوا؟ يعني ما حدا بظن انه في انسب منه؟
في اي جمهورية ابن الرئيس بصير رئيس؟
و سيدي اعتبرها صارت... هب بوش في اميركا.......بس المهم قديش ناوي يضلو رئيس؟؟؟ لحد ما احنا نموت و لا هو يموت؟؟؟

احبائي بكفي هبل الله اعلم مين حطو رئيس بس اكيد مش الشعب السوري