هل الشخص الأخلاقي هو الشخص المتدين حكماً

[عبر المحيط]

شكرا يابو طوني على التعقيب ......مع الاستمتاع بالحوار معك

من خلال خبرتي المتواضعة جدا بالعمل التطوعي مع الشبيبة المراهقة تأكدت ( فوق تأكدي المسبق ) بأن الترهيب والتهديد بالعقاب يعتبر أسوأ الطرق المستخدمة لبناء العلاقات وللتقرب من الاشخاص ولتوعيتن وتهذيب تصرفاتن .
واجتماعيا فيني احكيلك على طريقة سوريا مثلا والتوعية بالترهيب وقت بتقلك بأن الإكثار من الاستهلاك يؤدي إلى انقطاع التيار الكهربائي بشكل مستمر .. ما حدا كان عم يسأل وما حدا اهتم
بينما وقت تم استخدام النموذج الألماني بعرض صور لأحياء مرمي فيها القمامة عن طريق الاعلام العام في المدينة بشكل صامت دون وضع أي تعقيب .. لمست شخصيا الفرق من ناحية اهتمام الناس وتجاوبن ( إلى حد ما ) مع الحملة الاعلانية .

خلاصة القول.. التوعية بالترهيب بالعقاب وسيلة بيتبعها فاقد الحيلة أو الانسان الضعيف لفرض سيطرته بطريقة قسرية .

العقاب احيانا هو وسيلة لردع وليس شرطا لسيطرة..

في حال ايجاد واقع أفضل وأكثر منطقية من الشروط الدينية .. فينك تتبع التعاليم ( غير الدينية والأفضل بنفس الوقت ) ولا بترفض أيا سقف خلقي جديد يعلوا فوق السقف الديني ؟

فيه امور يصعب تجاوز الدين فيها وفي بعض الامور اعطى الدين باب الاجتهاد وهنا تكمن المشكلة حيانا يظلم الدين من بعض الاجتهادات الخاطئة

في حال وجود تشاريع أعدل من الدين ببعض النقاط ( وهلشي موجود على ارض الواقع بأكتر من ناحية ) هل سنكتفي بالحد المرسوم من قبل النصوص الدينية واجتهادات المفسرين ولا بدنا نتماشى مع الواقع وتطورات الفكر الانساني الحي ؟!

اعطني قوانين عادله متطورة مع الواقع الفكري للانسان الحي اتفق عليها العالم؟ ولن يتفقوا لان هذي طبيعة الفكر الانساني الحي

[nour333]

كاتب النص الأصلي : zen

هلق في شي انو القرآن حسب الشريعة الاسلامية لازم ينقبل كلو متل ما هوي ومالازم نقبل جزء ونترك جزء
بأي زمان ومكان
طيب اللي عم يقولو انو قصة الجواري العبيد ضلت موجودة بمجتمع متعودين عليها وبما انو مالازم يكون الدين صادم بهالامور ما حرمها لانو هي راح تزول مع الايام حسب ما سمعت
انو ما بعرف ليش هالقصة ما تطبقت مع الخمر
بس السؤال
انو بالقرأن في أية بتقول أنو الرجال بيحقلوا يتجوز أربع نسوان وغير هيك في ملكة اليمين يعني ماملكت أيمانكم
وبما انو القرآن من المستحيل التعديل عليه أو أخذ جزء وترك جزء
فهاد نص صريح جدا بأنو الجواري والعبيد مانهون لزوال صح لا أنا علطان
يعني لو متل ما عم تحكوا هالقصة ضلت موجودة لمراعاة المجتمع الآني بوقتها ما كان لازم يكون في نص قرأني بيحكي عنها وانها ملكة يمين ويسار وما بعرف شو

في شغلات سيئة بالحياة بس ما بنقدر نلغيها او لأشرحلك
متلا الاسلام طلب انو نزكي ونتصدق ع الفقراء بس ما حرم الفقر مثلا لأنو ناتج عن حالة بتعيشها البشرية هلا الطموح انها تلغى بس ازا ما نلغت بسبب الظروف نقدر نتعامل معها ونقللها
والعبودية من وين ناتجه ناتجه عن الحروب وألاسر وهيك امور هلا تشريع العتق متلا لو قضى ع العبودية ورجعت الحروب مرة ثانية وثالثة رح نرجع للعتق
هلا مثلا بس نفكر بالعبودية ممكن نصير نضحك انو عصرنا ما عاد في هالشي بس بنقدر نتأكد انو بعد 100 سنه ما يكون في عبيد

[wile]

والله يا جماعة الإسلام مو بس لمبارح ما بصير ننسى إنه المستقبل جاية وما حدا بيعرف شو جايب معوه وبظن إنه هي الحضارة الي عايشين فيها ستنتهي عاجلا أم آجلا بإحدى الحروب العالمية القادمة...

مشان هيك لازم نستنى وبنعرف الحكمة من السماح بإبقاء العبيد عاجلا أم آجلا

[Abu ToNi]

كاتب النص الأصلي : عبر المحيط

شكرا يابو طوني على التعقيب ......مع الاستمتاع بالحوار معك




العقاب احيانا هو وسيلة لردع وليس شرطا لسيطرة..





فيه امور يصعب تجاوز الدين فيها وفي بعض الامور اعطى الدين باب الاجتهاد وهنا تكمن المشكلة حيانا يظلم الدين من بعض الاجتهادات الخاطئة






اعطني قوانين عادله متطورة مع الواقع الفكري للانسان الحي اتفق عليها العالم؟ ولن يتفقوا لان هذي طبيعة الفكر الانساني الحي

بالضبط هاد اللي بدي قوله وهاد اللي بدي احكيه
الاجتهادات الشخصية مسموحة وفي بعض الاحيان بتتحول لضرورة
لو أدرجنا الفكر الاجتماعي واحكام المجتمع على انها (اجهتادات شخصية )
فبالتأكيد اذا فيها خير للبشرية الدين ما رح يعارضها وما رح يوقف بوجها ولا هية ردها تكون واقفة ضد جوهر الدين لأن الصالح ما بوقف ابدا بوج الصالح

تقريبا انا وانت متفقين بكل النقاط باستثناء اني بشوف ان التجمعات اللي ما بتحمل ايا صفة دينية معينة
يعني تجمع انساني بحت ممكن يمشي بطريق الاجتهادات ويصل لقيم راقية وأخلاق عالية

ألف تحية الك ولفكرك

[VivaSyria]

فيني إعكس السؤال؟؟

هل الشخص اللاديني أو غير المتدين هو شخص لا أخلاقي حكماً؟؟

[nour333]

كاتب النص الأصلي : VivaSyria

فيني إعكس السؤال؟؟

هل الشخص اللاديني أو غير المتدين هو شخص لا أخلاقي حكماً؟؟

ممكن يكون عندو اخلاق وممكن لأ

[wile]

مافي شي مستحيل
يعني ممكن يكون أي إنسان أخلاقي أو غير أخلاقي مهما كانت معتقده

[zen]

كاتب النص الأصلي : nour333

في شغلات سيئة بالحياة بس ما بنقدر نلغيها او لأشرحلك
متلا الاسلام طلب انو نزكي ونتصدق ع الفقراء بس ما حرم الفقر مثلا لأنو ناتج عن حالة بتعيشها البشرية هلا الطموح انها تلغى بس ازا ما نلغت بسبب الظروف نقدر نتعامل معها ونقللها
والعبودية من وين ناتجه ناتجه عن الحروب وألاسر وهيك امور هلا تشريع العتق متلا لو قضى ع العبودية ورجعت الحروب مرة ثانية وثالثة رح نرجع للعتق
هلا مثلا بس نفكر بالعبودية ممكن نصير نضحك انو عصرنا ما عاد في هالشي بس بنقدر نتأكد انو بعد 100 سنه ما يكون في عبيد

بما أنك ما جاوبتي ع سؤالي بشكل كامل وبالذات فيما يخص ملكة اليمين
بس راح قلك
ع هالحالة اللي أنتي عم تحكي فيها ما كان في داعي يتحرم أي شي مثلا الخمر
تحرم الخمر بس العام لهلاء عم تشرب فاذا كلامك صح لازم ماكان تحرم شي

[suryoyo]

كاتب النص الأصلي : nour333

والعبودية من وين ناتجه ناتجه عن الحروب وألاسر وهيك امور هلا تشريع العتق متلا لو قضى ع العبودية ورجعت الحروب مرة ثانية وثالثة رح نرجع للعتق
هلا مثلا بس نفكر بالعبودية ممكن نصير نضحك انو عصرنا ما عاد في هالشي بس بنقدر نتأكد انو بعد 100 سنه ما يكون في عبيد

في ثورة الزنج اللي صارت بالاحواز و البصرة ... و استمرت 10 سنين ... زمن العباسيين ..

كلهم كانوا عبيد "سود" او من الزنج.. جاءوا بهم للعمل في تلك المنطقة ....

و ما زال هناك اعداد كبيرة من السود البشرة في البصرة و باقي دول الخليج .. و اكيد عؤلاء اولاد من بقي من العبيد الزنج ذلك الوقت ..


و على علم التاريخ انو العرب حاربوا الروم و حاربوا في اواسط آسيا ... بس ما اجتاحوا افريقيا بالشكل اللي يخليهم يجيبوا مليون عبد


على العموم .. العبودية ظلت موجودة الى سقوط الدولة العثمانية .. وتدريجيا انتهت بعد قيام الجمهوريات بالخمسينات ...

و بكل الاحوال هي شي لا انساني و غير منطقي بس الأديان حللتها و تساهلت معها بدرجات مختلفة ..

[HashtNasht]

ممكن حدا يفسرلنا شو يعني ( أخلاق ) ...مشان نعرف نتفاهم ؟

[..Jimy]

كاتب النص الأصلي : hashtnasht

ممكن حدا يفسرلنا شو يعني ( أخلاق ) ...مشان نعرف نتفاهم ؟

مجموعة القيم الانسانية يلي بتضبط سلوك الفرد ضمنها..

[zen]

بطل حدا يجاووب بيجوز لانو مافي جوااب

[BL@CK]

كاتب النص الأصلي : nour333

ممكن يكون عندو اخلاق وممكن لأ

متل ما المتديّن ممكن يكون عندو أخلاق ممكن لأ ..

شو ولاد البطة السودا "اللادينيين" ؟!