انا طائفية

[abosleman]

كاتب النص الأصلي : TheLight

هلق انا حسب قاموسي بفضل ميز بين اربع شغلات
الملحد هو يللي ما بيؤمن بوجود الله ولا بوجود الاديان
الكافر هو الذين ما بيؤمن بالله ولا بالاديان رغم انو عندو اعتقاد او شك بوجود الله
اللاديني هو يللي بيؤمن بوجود الله ولا يؤمن الاديان (اما لا يؤمن بوجودالاديان او لا يؤمن بالوهية الاديان)
وغير الممارس هو الذي يؤمن بوجود الله والاديان بس ما بيمارس الطقوس والشعائر
اما العلمانية فهو مصطلح لا يتداخل مع الدين كعقيدة او اعتقاد انما هو مصطلح يعبر عن فصل الدين عن الدولة وعن الحياة اليومية بكل جوانبها عدا الجانب الشخصي يعني ع سبيل المثال مدارس اللاييك هي يللي ما بتعتم ع الدين بتدريسها

ع هالاساس انا ضايع بين ملحد ولا ديني يعني بأمن بالدين كطريقة للعيش وما بأمن بالالوهية او بفكرة انو الانبياء نزلوا من عند الله و ع هالاساس ممكن كون لا ديني بس شكي بوجود الله قائم
وع هالاساس انا احيانا ملحد

اما الشي الاهم انو انا بكره التهجم من قبل الاخرين يعني ما بقبل انو حدا يتهجم ع الدين المسيحي او اي دين اخر مو لاهمية الاديان بنظري بس لانو اي شخص بيتهجم ع دين التاني بيكون مفكر حالو انو صاحب الدين الاصح وبالنهاية تنياتهن اضرب من بعض
يعني انا احيانا بدافع عن المسيحية بس مو لاني مؤمن وبدافع عن التهجم ع المسلمين بس ما بقدر انتقص من اي دين او اتهجم او اتدى

ان شاء كون وصلت شو بدي قول لانو الافكار شوي مكركبة

هلئ الفكرة وصلت وانا مع انو الايمان مابدو دين او عقيدة
وكمان بعتقد انو الاديان مكمله لبعضها
والاديان نزلت لتنظم العلاقات الانسانيه
وطريقه العباده

[Gazita]

كاتب النص الأصلي : كوستا

انا بعتقد انو ضمن مجتمعنا الشرقي كل طفل مارس الطقوس الدينية
الا اذا كان الاهل متحررين من شغلة الدين

ايوا مزبوط و الله فطرة من عند الله

[TheLight]

كاتب النص الأصلي : gazita

طبيعي تدافع عن الدين المسيحي ما دام عشت طفولتك تحت طقوس الدين.
بس سؤال بليز .بطفولتك كنت بتمارس الطقوس الدينية او لا.
ملحوظة=اعتبروه سؤال فضولي ليس الا

ابدا
بحيات ما جبروني اهلي روح ع كنيسة
بس امي علمتني صلي بس ما حدا جبرني ع شي
وانا صليت بكنيسة مرة واحدة بكل حياتي بس
وابي نفس الشي مع فرق انو اي بحياتو ما قلي امن بالله او صلي او عمل اي شي
كل عمرهن اهلي علموني اني احترم الاخر وما كذب وما اسرق وما اعتدي ع حدا و...و....والشغلات هي

[COSTA]

كاتب النص الأصلي : ري مي

هلق ممارسة الطقوس الدينية ما بتتنافى مع فكرة احترام الاخر وعدم الطائفية

هي المشكلة يلي عم نعاني منها

انو ما في احترام

ومتل ما قال ذي لايت انو كل واحد بفكر انو دينو افضل

[ري مي]

بحيات ما جبروني اهلي روح ع كنيسة
بس امي علمتني صلي بس ما حدا جبرني ع شي
وانا صليت بكنيسة مرة واحدة بكل حياتي بس
وابي نفس الشي مع فرق انو اي بحياتو ما قلي امن بالله او صلي او عمل اي شي
كل عمرهن اهلي علموني اني احترم الاخر وما كذب موما اسرق وما اعتدي ع حدا و...و....والشغلات هي

بعتقد يا كوستا هيدا هوي الاستعداد اللي حكى عنو دانيتو
يعني انو الاهل بالاساس ما يكونو متشددين
ولكن بالمقابل يعلموهم المبادىء الصحيحة بالحياة ويتركو لاولادن حرية التفكير ب الله

[Gazita]

كاتب النص الأصلي : TheLight

ابدا
بحيات ما جبروني اهلي روح ع كنيسة
بس امي علمتني صلي بس ما حدا جبرني ع شي
وانا صليت بكنيسة مرة واحدة بكل حياتي بس
وابي نفس الشي مع فرق انو اي بحياتو ما قلي امن بالله او صلي او عمل اي شي
كل عمرهن اهلي علموني اني احترم الاخر وما كذب وما اسرق وما اعتدي ع حدا و...و....والشغلات هي

ميرسي على صراحتك وعن جد يا ريت في احترام وما في سرقة ......لانو بنلاقي في ايامنا هادي كتير ناس متمسكين بدينهم بس الشر بيملي قلوبهم.عدا عن الاجرام والسرقة وهيك شي.بحيييييييك

[ري مي]

كاتب النص الأصلي : gazita

ميرسي على صراحتك وعن جد يا ريت في احترام وما في سرقة ......لانو بنلاقي في ايامنا هادي كتير ناس متمسكين بدينهم بس الشر بيملي قلوبهم.عدا عن الاجرام والسرقة وهيك شي.بحيييييييك

معك كل الحق

[Gazita]

كاتب النص الأصلي : ري مي

معك كل الحق

تسلمي

[سهرت الليل]

كاتب النص الأصلي : wisefamme

انا طائفية
إي...! انا بدي كون هيك ...لانو غصباً عني بدي صير هيك ..كل شي بالحياة مفروض فرض علينا وما في داعي نضل نحارب طواحين الهوا ع شي بعمرو ما رح يتغير ...لاء وكل مانو عم يزيد اكتر يوم بعد يوم ..وكل ما عم نتقدم سنة عم نرجع لورا مية سنة تخلف.... يعني احيانا بقول انو ليش الله بعت انبياء للعالم اذا كان عرفان انو حتصير هل قد خلافات ونزاعات وحروب طائفية!!!
كان عالاقل مافي شي اسمو اديان وطوائف...لاء ومو بس هيك ..مافي طائفة بالعالم بتطيق طائفة تانية مختلفة عنها ...لاء ويبقولولك انو نحنا عم نتطور .... نحنا عرب قال ...
لك ..عرب ولا نخجل...اي اهلين بالعرب والله..
العمى........!!! العالم وين ونحنا وين..؟؟؟.

انت طائفية؟؟؟ طيب شو بعملك يعني؟؟ برقصلك
ككككككككككككككككككككككككك ك
تحياتي

[Danito]

كاتب النص الأصلي : كوستا

عفوا دانيتو
بس انا ما فهمتها هي انو الانسان لازم يكون عندو استعداد

يا ريت تشرحها

استعداد قصدت أنو يعني الشخصية تبع الناس مختلفة بس في شخصيات بتميل للعلمانية و العلم و المنطق و النقاش و السؤال و في ناس بتميل لما يسمى عقيدة الجبر و العقلية الماورائية و اللي بتستسهل التفسيرات والغيبيات و الأميل للخرافة و طبعا في ناس بتتدرج بين هالعقليتين و خارج نطاقهن و بالتالي في ناس بالأصل عندها استعداد للألحاد أو اللدينية أو النقاش و في ناس كلمة "مقدس" بتشمل كتير أشياء و أشخاص و أفكار و محاطة بهالة و غير قابلة للنقاش (ماعندهم استعداد)
هلق لنرجع للفكرة الأساسية للموضوع
بعتقد الطائفية مثل العلمانية .. يعني هي صفة مو نظيرة للتدين
يعني في ملحدين طائفيين و في علمانيين طائفيين بعتقد أنو مفهوم الطائفية لازم نوسعه لأنه هو شكل من أشكال العنصرية و أسوء مظاهره هو القيام بجرائم الكره التعصب لفكرة أو دين أو شخص بشكل غير عقلاني و غير موضوعي و تصنيف الناس بدرجات مرتبطة بهادا التعصب و معاملة الناس على أساس هالتعصب هي كلها مشاكل عنصرية ببلدنا أسوء أشكال العنصرية هي العنصرية الدينية و العنصرية الطائفية الدينية و ما بيمنع أنو عنا اشكال تانية (عنصرية طبقية)

[ري مي]

[QUOTEبعتقد الطائفية مثل العلمانية][/quote]
كيف؟؟؟

و في علمانيين طائفيين

يعني قصدك انو بعض العلمانيين متعصبين ل علمانيتهم انا ما بتصور هيكالعلمانية مو تعصب بالمرة

[Danito]

كاتب النص الأصلي : ري مي

كيف؟؟؟

يعني قصدك انو بعض العلمانيين متعصبين ل علمانيتهم انا ما بتصور هيكالعلمانية مو تعصب بالمرة

تمام أنو التعصب للفكرة و الدفاع عنها بطريقة خاطئة
وهون انتي نبهتيني لشغلة مهمة
نحنا دارج عنا أنو نقول فلان متعصب أو هدول جماعة متعصبين (و احيانا معصبين) بمعنى أنو ناس محافظين و هاد خطأ شائع التعصب مختلف عن المحافظة في ناس محافظين أو متشددين بس هدول مو بالضرورة متعصبين بالمعنى الطائفي مع انو كلما زاد التشدد و الانغلاق بتزداد إمكانية الوقوع بفخ التعصب

يعني لما بيكون الواحد مسلم محافظ أو مسيحي محافظ مو بالضرورة يكون متعصب و طائفي لأنو الطائفية متعلقة مو بمعتقداتنا الروحية الشخصية قد مو متعلقة بنظرتنا للآخرين و تقييمنا للأمور بشكل خاطئ و هي كشكل من العنصرية ألها علاقة بفاهيم "الهوية" "الإنتماء" "التسامح" "الإنفتاح"..
هون بحب شير أنو لما بيصير جزأ من المعتقد التنكيل بالآخرين و التقليل من شأنهم و الإساءة إلى معتقداتهن و التحريض على الكره فهي قضية بتتجاوز بالاعتقاد و لازم يكون علها حظر قانوني لأنو هيك بتصير بخانة

[جورج الأول]

كل الكلام تبع الشبيبة حلو و دليل انو فهمانين المشكلة بس ما حدا قال شو السبب و لا حدا طرح الحل.
يعني بأميركا ما حدا بيسأل شو دينك أو شو معتقداتك بيسألوا شو دارس بأي جامعة وين بتشتغل
أنو فريق بتشجع...
سؤال :ليش نحنا طائفيين ؟
و شو الحل؟؟

[ranouch]

كاتب النص الأصلي : جورج الأول

كل الكلام تبع الشبيبة حلو و دليل انو فهمانين المشكلة بس ما حدا قال شو السبب و لا حدا طرح الحل.
يعني بأميركا ما حدا بيسأل شو دينك أو شو معتقداتك بيسألوا شو دارس بأي جامعة وين بتشتغل
أنو فريق بتشجع...
سؤال :ليش نحنا طائفيين ؟
و شو الحل؟؟

الطائفية هي صورة للتعبير عن الشعور بالانتماء الذي نفقده في كثير من الأحيان ولأسباب متعددة
لذا يرجع هذا الانتماء إلى شكل تعصب طائفي
مع الأسف نحن تربينا على هذا الشعور وانعدام الروح الفردية الضرورية للإبداع لذا نبحث دوماً عن مصدر آخر للفخر وهو انتماءنا المتعصب

[Danito]

كاتب النص الأصلي : جورج الأول

كل الكلام تبع الشبيبة حلو و دليل انو فهمانين المشكلة بس ما حدا قال شو السبب و لا حدا طرح الحل.
يعني بأميركا ما حدا بيسأل شو دينك أو شو معتقداتك بيسألوا شو دارس بأي جامعة وين بتشتغل
أنو فريق بتشجع...
سؤال :ليش نحنا طائفيين ؟
و شو الحل؟؟

هلق من جهة الحكي حكينا بوضوح عن الأسباب (التعصب لفكرة، التربية، عدم قبول الآخر..)
وهون بدي علق على شغلة أنو أميركا بلد مشهور بعدم التسامح بين شعبو يعني بالقانون في مساواة بس التمييز فظيع و العنصرية خطيرة بتبدي بالعرب و المسلمين و بتمر بالمكسيكيين و الإيطاليين و اليونان و ما تبخلص عند اليهود.. يعني في كتير ناس بتهاجم العرب بس بنفس الوقت بتحكي نفس الحكي أو حكي قريب على اليهود.. العنصرية فيها كره و ما بتميز

[جورج الأول]

وهون بدي علق على شغلة أنو أميركا بلد مشهور بعدم التسامح بين شعبو يعني بالقانون في مساواة

أكيد مافي بلد كامل و أميركا ما هي المدينة الفاضلة بس اذا بتلاحظ من كلامك انو في كتير جنسيات فيها وهادا دليل على انو العنصرية قليلة لأن المهاجر لأي بلد بكون هربان من بلدو
لأنها ما بتححقلو شروط حياة كريمة و أميركا أكتر بلد العالم بتهاجر عليه
وعلى فكرة ببلادنا العربية القانون ما في مساواة بين الطوائف .

مع الأسف نحن تربينا على هذا الشعور وانعدام الروح الفردية الضرورية للإبداع لذا نبحث دوماً عن مصدر آخر للفخر وهو انتماءنا المتعصب

كلامك صحيح بس نحنا كعرب من صغرنا بعلمونا على خالد بن الوليد و صلاح الدين ....
يعني بحفزونا على البطولة والانتصار و للصراحة في عنا كتير شغلات نفتخر فيها بالتاريخ تبعنا
بس نحنا هلأ مارين بمرحلة صعبة لانتمائنا للعروبة لذلك عم نعمل متل ماقلتي أي شئ لحسسنا بالانتماء و بطريقتنا هي عم نزيد الفرقة بين بعضنا .
وبصراحة أحيانا بخطر على بالي انو لازم نعيد التفكير بشئ اسمو الوطن العربي لأنو نحنا بعاد عن بعضنا أكتر ما نكون قراب يعني متل الموقف الأخير للعرب من حرب لبنان فعلا شئ بخجل و خاصة
انو البعض عبر عن رفضو للحرب ولحزب الله لأنو شيعي ؟؟مع انو الكل مسلمين والحرب مع اليهود
يعني أعداء للاسلام تاريخيا وحاضرا .و المغرب العربي ما سمعنا صوتو وين تونس و الجزائر والمغرب...

[ري مي]

.و المغرب العربي ما سمعنا صوتو وين تونس و الجزائر والمغرب...

كل يغني على ليلاه
وأنا على ليلي أغني
غنيلك آه ... غنيلك آه
يا بلدنا آآآآآه
ع اللي أخدو أرضك مني

[Danito]

كاتب النص الأصلي : جورج الأول

أكيد مافي بلد كامل و أميركا ما هي المدينة الفاضلة بس اذا بتلاحظ من كلامك انو في كتير جنسيات فيها وهادا دليل على انو العنصرية قليلة لأن المهاجر لأي بلد بكون هربان من بلدو
لأنها ما بتححقلو شروط حياة كريمة و أميركا أكتر بلد العالم بتهاجر عليه
وعلى فكرة ببلادنا العربية القانون ما في مساواة بين الطوائف ....

هلق اميركا بتستقبل مهاجرين كتير (ما بعرف إذا كانت اكثر بلد بيصير ألوه هجرة) بس مثلا اكبر مدينة بالتنوع الاثني بالعالم هي لندن ، أكيد دول أوروبا الغربية و اميركا الشمالية هي من اكثر دول استقطاب للمهاجرين لاسباب اقتصادية و إنسانية و كون القانون سائد بس ما بيمنع انو اميركا فيها مشكلة عنصرية حتى للمواطنين السود و يلي هني قديمين قد البيض (الغزوات و الاستيطان الأوروبي من بداياته استجلبوا افاقة) يعني المشكلة موجودة المهم نحنا عم نحكي عن الطائفية بالبلد و يلي هي بتدخل بنفس الفئة مع انواع التمييز العنصري بالعالم بس كل وحد سياقها مختلف (سياسيا و اجتماعيا و تاريخيا

و هون و بما أنو فتحنا هي النقاط و ضمن موضوع الطائفية لازم يكون عن جرأة بقراءة التاريخ و تجرد من العواطف العمياء يلي بتخلينا ندافع و بشكل أعمى و نأله أشخاص أو دول أو حضارات بس لأنهم بيتناسبوا مع معتقداتنا يعني النقد التاريخي لازم يكون موضوعي مو على أساس طائفي و هي جزأ مهم من فهمنا للنزعات الطائفية و التي بلشت قبل الأتراك و تقوت على أيدهم و استمرت من بعدهم

كلامك صحيح بس نحنا كعرب من صغرنا بعلمونا على خالد بن الوليد و صلاح الدين ....
يعني بحفزونا على البطولة والانتصار و للصراحة في عنا كتير شغلات نفتخر فيها بالتاريخ تبعنا
بس نحنا هلأ مارين بمرحلة صعبة لانتمائنا للعروبة لذلك عم نعمل متل ماقلتي أي شئ لحسسنا بالانتماء و بطريقتنا هي عم نزيد الفرقة بين بعضنا

المشكلة فكرت العروبة مشوهة و حتى الانتماء للعروبة صاير قضية سياسية كل واحد بيلوح فيها على كيفه نحنا سوريين بلد عروبي السياق بس فيه عرب و غير عرب و حتى كتير من يلي بيتبجحو بالعروبة هني نفسون ما بيعرف انون عرب..
يعني على نفس النسق لازم نبلش نفكر بطريقة مو عاطفية و نتاخد بالرواية التاريخية على طريقة "كان ياما كان، كنا الأمة المثالية و السما زرقا و العصافير عم تزقزق" بس كمان لما بدنا نقرا التاريخ ما فينا نلوم العالم بالقياس على معايير اليوم