أعضاء تجمع انسان بلا حدود

[Nirvana]

كاتب النص الأصلي : butterfly

قرب قرب
الأنسانية بخمسة
قرب قرب
أخر أيامو شعار ( أنسان بلا حدود ) بالأسواق
تعا بوص تعا شوف الأنسانية هنا هو
( عم أمزح ... منرجع للجد )
هلق وقت اعترضت عالشعار
كان لأسباب متل أنو نعتقد نحنا أنو اللي حطو الشعار أكتر أنسانية من غيرون يمكن كتير ناس ما انضمت لألكون وعندن الكثير من الشعور الأنساني ... فورا عملتوهون مو مهتمين وبايعين الأنسان والقضية. ..
عملنا حزب لاحترام الأنسانية .. بأول موضوع ألو ... صار عندو شعور بالأفضلية

الانسان اللي ما عندو انسانية بكون وحش.. وما في وحوش هون . .

وستي بلا ما حدا ينضم .. يعني لا حزب وشلة ولا كتلة

هاي كانت فكرة أنو ناخد على عاتقنا نحاول نعمل شي على الواقع كرسالة أو عمل لتعزيز هالمفهوم.. وكانو قلال اللي تحمسو للفكرة .. وهاد اللي عنيتو بكلامي .
وما حدا قال انو في بيع وشرا ..
وما حدا جرد حدا من انسانيتو ..

واللي حطو الشعار كان بقصد الناس يلتفت نظرها لهالشي، مو فصحنة ولا فلسفة ولا مظاهر.
واذا هالشعار عم بيسبب عدم انسانية وعم يجرخح حدا بشيلو، هه؟
أما بالنسبة النا كأشخاص فمشاركاتنا عبرت عنا وكفاية .

وأنا أقل انسانة عندها انسانية اذا بتحبي مو فارقة معي لانو افعالي هيي بتقيمني مو أقوالي.

[Nirvana]

كاتب النص الأصلي : butterfly

بس اللي زاعجني أنو بدي الحكي كأنو اللي ما انضمو مانون أنسانيين

أنا ما قلت هيك ابدا ولا بقول هيك.

[إنسان وبس]

أنا كنت إنسان وما زلت إنسان بالرغم من اغراءات عالم الحيوان

[MR.SAMO]

بالنهاية الانسانية عمل وليس شعارات
ولكن الشعار الخطوة الاولى
تحياتي للجميع

[Nirvana]

كاتب النص الأصلي : محمد ابراهيم

ههههههههههههههه
انتي بتحكي جد
يعني اللي مارح يشترك مالو نصيب قالانسانيه
وليش لازم نشترك ,الانسانيه مو محتاجه لمبادره .



غلط يا انسانه يا اللي بتنادي بالغاء الحدود
الانسانيه فينا كلنا بدرجه او باخرى , مو شرط نحط شعار او توقيع او نتفق في جماعه مشان نكون انسان او انسانه .
هاد تماما مثل فكرة ان اعضاء الحزب الحاكم هما اللي وطنيين والباقي عملاء خونه ما بدهم مصلحة البلد .

مبدأ حصر صفه عامه او شيء عام في مجموعه تعتبر جريمه انسانيه

كلنا انسان .
يا ريت نكون واقعيين ومنصفين
لان الانسان لازم يكون واقعي ومنصف .

الانسانية محتاجة لمبادرة .. ومو شرط تشترك لتكون انسان، بس اذا بدك تعبر عن هالشي ليكون رسالة بطريقتنا للفت نظر الناس التانية للموضوع .. فانت حر وهاد ما بينقص من شانك أبدا.. ومو المقصود في هيك شي.

اذا اشتركتو فهاي طريقة للتعبير ورسالة بس يا انسان، و اذا ما بدكم فما رح ينقص من انسانيتكم شي ابدا..

انا مو مؤهلة لاحكم عحدا وما حكمت بشي عحدا..

[MR.SAMO]

اذا اشتركتو فهاي طريقة للتعبير ورسالة بس يا انسان، و اذا ما بدكم فما رح ينقص من انسانيتكم شي ابدا..

انا مشترك ولكن غيرت الشعار
انا الانسان والانسانية ديني
هيك حبيتها
تحياتي

[Nirvana]

كاتب النص الأصلي : ameen

ونحنا كلنا عم ندور حول نقطة وحدة بس عم نعبر عنا بأشكال مختلفة

وهاد الصحيح .. شكرا أمين

[Nirvana]

كاتب النص الأصلي : MR.SAMO

انا مشترك ولكن غيرت الشعار
انا الانسان والانسانية ديني
هيك حبيتها
تحياتي

ليش لا كل واحد بعبر عن حالو بهالموضوع بالطريقة اللي بتعجبو ..

واذا فعلا ما حدا تحمس حقي قول انو ما حدا تحمس للموضوع غير قلة ومو قصدي عن اللي ما حطو الشعار قصدي عن اللي ما فاتو عالموضوع من اساسو ولا عنالهم شي..

[Nirvana]

كاتب النص الأصلي : MR.SAMO

اذا كان الشعارات من ذهب فالتطبيق من ألماس
وشكرا نيرفانا على هالمبادرة الثورية بأسم الانسانية
ثورة بأسم الانسانية

للاسف ما حدا فهم الموضوع هيك ..


أنا هون رح قول للي اتضايق مني اني ما قصدت هالشي وما قصدت نقص من قيمة أي حدا.
وكلكم انسانية

[MR.SAMO]

كاتب النص الأصلي : Nirvana

ليش لا كل واحد بعبر عن حالو بهالموضوع بالطريقة اللي بتعجبو ..

واذا فعلا ما حدا تحمس حقي قول انو ما حدا تحمس للموضوع غير قلة ومو قصدي عن اللي ما حطو الشعار قصدي عن اللي ما فاتو عالموضوع من اساسو ولا عنالهم شي..

المشكلة ليست مشكلة كمية
أهم شي النوعية
تحياتي

[إنسان وبس]

والله انا فهمتك من الاول خلص بقا يا معشر الانسانية

[القنــاص السوري]

اقنعوني اني اشترك معكم

بس موبالطريقه هذه

بالتفاهم كل شي بصير

[ameen]

كاتب النص الأصلي : القنــاص السوري

اقنعوني اني اشترك معكم

بس موبالطريقه هذه

بالتفاهم كل شي بصير

و محد طلع عن نطاق التفاهم و اللي بدو ينضم ميت أهلا وسهلا

[ري مي]

صار نقاش طويييييييييييييييييييييل حول الموضوع
برأيي الشخصي اللي مو بالضرورة حدا يقيمو من أرضو
ما عاد تحكو بالموضوع
اللي كتير مآمن بالفكرة يطبق عملي
والله معكون

[ابومزيد]

كاتب النص الأصلي : Nirvana

كلام سليم ..
وانا بقدر أفهم هالشي لو انو الموضوع ما بيتعلق بالانسانية ..
يعني الموضوع هدفو الانسانية كيف بينحطلو حدود ، ما فهمتها ابداً.

يعني تخيل ناس ييجو لحتى ينضمو من امريكا أو البرازيل أو المانيا بتقلهم هاي الانسانية تبعة سوريا بس..
ما بتزبط من الاساس.
وهادا رأيي مع احترامي الكبير للجميع .

الوطنيةما بتلغي الانسانيةومن هاد المنطلق انا جاي حطايدي بايدكون واعلن عن نفسي انسان بلا حدود
القريةاللي رح نبنبها نحنا السوريين ما بتتعارض مع هاد الكلام ابدا
وبعد التشاور مع اعضاء القرية كافة قررنا انو ننضم لتجمع انسان بلا حدود
مع الاحتفاظ بوطنية القرية وخصوصيتها
مع انو كان رايي انويكون بكل بلد قرية وتللاقى القرى بالنهاية

[ابومزيد]

كاتب النص الأصلي : ري مي

صار نقاش طويييييييييييييييييييييل حول الموضوع
برأيي الشخصي اللي مو بالضرورة حدا يقيمو من أرضو
ما عاد تحكو بالموضوع
اللي كتير مآمن بالفكرة يطبق عملي
والله معكون

بعدين انتي كيف ما بتخبريني عن الموضوع صرلوا 3 ايام

[ري مي]

كاتب النص الأصلي : ابومزيد

بعدين انتي كيف ما بتخبريني عن الموضوع صرلوا 3 ايام

ليش حضرة سموك شو قاعد عم تعمل من الصبح ل بالليل عالنت نكوش شوي

[ابومزيد]

كاتب النص الأصلي : ري مي

ليش حضرة سموك شو قاعد عم تعمل من الصبح ل بالليل عالنت نكوش شوي

لاء لانو الحكي صار عليي بقى الاصدقاء بيقولوا لبعض بهيك حالات