الحجاب مشكلة الباحثات عن عمل:خلعت حجابها لايجاد فرصة عمل!

[*Marwa*]

في حال كان هالحكي عن دين, او عرق, فهالشي صحيح.
لاكن اذا كان مشان صليب او حجاب او دقن. فلاء هالشي مو صحيح.

ليش الصليب والحجاب ما بعبروا عن الدين؟؟
انو دخلك السائق عماد خوري (الله يرحمو) لما قتلو الصهيوني قبل كام يوم من وين عرف انو مسيحي؟ مش من صليبو؟
وقال شو ..بدهن يعملو انو القاتل الصهيوني مختل عقليا لحتى ما يفوتوه عالسجن

حسب رايي شي مقرف جدا انك تهضم حقوق اشخاص لمجرد انهم لابسين رموزهم الدينية..بس بالنهاية يمكن الموضوع بتعلق بشخصية الانسان ومدى تقبلو للشيء..يمكن انتي تشوف هالشي صح وتقتنع بهالحرية الشخصية لصاحب العمل بينما انا رح شوف انو هضم للحقوق

[Willi]

ليش الصليب والحجاب ما بعبروا عن الدين؟؟

مظاهر, وهاد سبب برأيي مقنع كتير لمنعها

العمل للعمل, العمل مانو مكان كل واحد يجي يظهر فيه دينو وعرقو وهالشغلات كلها.
من حق صاحب الشغل انو يكون مكان شغلو بروفيشينال, خالي من اي مظهر ديني او طائفي.

[*Marwa*]

يا جاد..

مظاهر, وهاد سبب برأيي مقنع كتير لمنعها

العمل للعمل, العمل مانو مكان كل واحد يجي يظهر فيه دينو وعرقو وهالشغلات كلها.
من حق صاحب الشغل انو يكون مكان شغلو بروفيشينال, خالي من اي مظهر ديني او طائفي.

انتي شايفو مظهر لان الصليب مش فرض لبسو..لكن البنت اللي بدينها الحجاب فرض..والشاب اللي بدينو ممنوع يبين جزء كبير من بطنو ولازم يخبي جزء كبير من رجليه (باختصار التستر)..كمان هدول لانهن ملتزمين بدينهن ولانو هاي فرائض يجب تأديتها نهضم حقوقهن الطبيعية لمجرد انو نحنا شايفين انو هاي مظاهر طائفية؟

بعدين حق العمل هو من اهم الحقوق ازا ما كان اهمها اطلاقا في الدول الديموقراطية..ويمنع منعا باتا انو يكون في اخلال بحقوق العمال لمجرد التزامهن الديني..

[Willi]

عيوني ببلادنا الحجاب مظهر, فقط لا غير, هالشي لا انا ولا انت فينا ننفيه

[*Marwa*]

كاتب النص الأصلي : Willi

عيوني ببلادنا الحجاب مظهر, فقط لا غير, هالشي لا انا ولا انت فينا ننفيه

هلأ مش عم نناقش ازكان منظر او اكتر من هيك..بس بعتقد انو حتى لو كان مجرد مظهر فالانسان هو اللي اختار هالمظهر وهاي (على حد علمي) حريته الشخصية!!

[Willi]

اكيد, لاكن لما الواحد بكون عندو شركة خاص, فهو بحقلو يختار المظهر اللي بدو موظفيه يطلعو فيه.
وهاد شي بتم قبل ما الشخص ياخد العمل. يعني بقلولو شو اللي بدون ياه يلبس, قبل ما يقلولو انك انقبلت.

[Nirvana]

كاتب النص الأصلي : *Marwa*

معك حق في تفاوت بين المحجبات من حيث اللباس ومن حيث كمان مدى الالتزام الديني..ومشان هيك انا قلت انو في اعمال اللي هي بالفعل لا تلائم ولا تليق لفتاة ملتزمة دينيا..لكن بكل الاحوال ممنوع انو يكون في كبت لعمل المحجبة وغير المحجبة..هلأ انا اللي لا حظتو من التعليقات انو انتو لانكو عايشين بدول نوعا ما (اسلامية) فا بتحسوا يمكن انو في تمييز لصالح المحجبة ..لكن انا لاني عايشة بدولة يهودية صهيونية فا بحس العكس تماما انو في تمييز ضد المسلمات (المحجبات خاصة) وكمان ضد المسيحية يعني لسا من كام يوم في شاب صهيوني قتل سائق تاكسي مسيحي (عرف انو مسيحي من الصليب على رقبتو)
يمكن هالاختلاف بالحياة بيناتنا يمكن يعلمنا نكون منصفين بحق الناس كل الناس..ويمكن البيئة اللي عشت فيها هي اللي علمتني انو احب ديني وبنفس الوقت احترم باقي الاديان..لذلك خلينا ما نكون متحيزين بتعليقاتنا.. (الحكي موجه للجميع بشكل عام)

وانا أؤمن بجق كل انسان بانو تكون الو حريتو الشخصية ..
لكن نحنا مو عايشين بعالم مثالي ... عالمنا كلو أخطاء ..
من هون طلعت بوجهة النظر هاي .. انو متل ما المحجبة اختارت تكون محجبة "وبالدرجة اللي بتناسبها" .. كمان صاحب العمل بيختار الطابع اللي بدو ياه وبكون مناسب لعملو ..
وحتى المحجبة تغيّر هالشي وتطالب بحقها كحق ثابت لازم هيي بدورها تلتزم بثوابتها .. وما تقدم تنازلات .. يعني ان كان الدين بيمنعها من المخالطة ما تخالط .. واذا بيمنعها من اللباس الضيق .. الخ انو تمتنع عنو ... وبما انو الموانع كتير (هيك برأيي) فالمحجبة الحقيقية يجب ان تبحث عن عمل يناسب دينها وحجابها .. وهناك الكثير من المؤسسات الاسلامية اللتي لا تقبل الا بالمحجبات للعمل لديها ..

[Nirvana]

كاتب النص الأصلي : black_iris

مرحبا نيرفانا :
1 - التمييز مرفوض بجميع أشكالو وضد مين ما كان
2- بالنسبه لماهية الحجاب هاد بكون عائد لنفس البنت وحسب قناعاتها .. يعني حريه شخصيه
3- كمان هاد بيرجع للبنت .. يعني ممكن تكون محجبه وما عندها مشكله بالاختلاط ( يعني بتلاقي مبرر)
وممكن لأ .. كمان حسب قناعاتها

اذا أصبح الدين الاسلامي والحجاب حسب قناعات كل شخص .. فما بالك اصحاب العمل والمؤسسات اكيد كمان رح تشتغل حسب قناعاتها !!!

مع احترامي للجميع ..

[Nirvana]

كاتب النص الأصلي : LaMoUsH

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما لاحظت بالردود انو حد من اللي ضد اللي بيصير مع المحجبات بيطالب بقمع حد تاني
بالاخر اللبس مش بيقيس اشي
بالنسبة لأسئلتك بترجع لكل وحدة و قناعتها بتعريف الحجاب
بس هو بالاخر جزء من لبسها وبيعكس طريقة تفكيرها وحياتها وثقافتها ف شو ما كان " طالما بحدود المعقول "
مش مفروض تنحرم وحدة مغطية ع راسها من العمل لأنو مغطية ع راسها
بالنسبة لسؤالك بالسلام
ما بفتي ولا من شغلي أفتي ولا بعمري مشيت ع فتوى بس لمما انت تختاري شغلك بتختاريه عشان يتماشى مع معاييرك انت ومبادئك اللي بتآمني فيها
بتخيل اللبس ما الو بهيك قصة vbmenu_register("postmenu_815558", true);

في ناس بدها تقمع اصحاب العمل .. بكل مؤسسة في نظام داخلي بالمؤسسة .. واذا هالنظام بيفرض هالشي ... الكل لازم يلتزم أو يمتنع عن العمل ..
مثلا لباس التمريض، لباس مضيفة الطيران، لباس الطبيب والطبيبة ، .... وكذلك اللبس في الشركات الخاصة .. احيانا يشترطون بدلات بلون محدد .. أو الالتزام بلبس رسمي .. وحتى دقن الرجل يجب ان تكون محلوقة .. اليست ذلك تعدي على الحرية الشخصية .. لكن من يقبل بذلك يعمل لدى هذه الشركة وان لم يقبل فيبحث عن غيرها ..
فالحرية هنا لدى الشخص ان يقبل العمل أو لا يقبله ..
وبرجع بقول .. لانو تم طرح هالفكرة أكتر من مرة .. اذا المحجبة عم تتحجب حسب قناعتها ..وكل وحدة شكل .. فما بالك بأصحاب العملو المؤسسات .اليس من حقهم ان يختارو مظهر موظفينهم حسب قناعاتهم ..
اللبس الو دخل مباشر بالمعايير والمبادئ وقد يكون من وجهة نظر غير دينية ايضاً .. بعض الفتيات يختارن ان يكونوا محتشمات وبعضهن محجبات واخريات يختارن ان يكشفوا اجزاء من اجسامهن .. وهكذا .. وذلك حسب مبدأ ومعيار كل فتاة ..
أما معيار الحجاب في الدين الاسلامي اعتقد انه ثابت ومن لا تتقيد به فهي بحقيقة الأمر غير محجبة فعلياً حتى وان كانت تضع غطاء على رأسها ..

بالنسبة للعمل .. هاد بالزبط اللي عم قولو .. البنت المحجبة لازم تختار عمل يناسب حجابها ودينها ..

[الفيلسوفة]

انو الغريب بدولة متل بريطانيا هيك عمل بيعتبر عمل عنصري وممنوع منعا باتا انو يتقيم الشخص من خلال دينو

بينما هالشي عادي جدا بدولة عربية لا ومعظم سكانها مسلمين ..

وبقولوا بالاخير ليه هالناس عم تطفش..

[Abu ToNi]

غريب مع ان المرأة " المحجبة " ممكن انها تملك كتير مؤهلات مفيدة ؟!

فكيف ما عبتتلاقي شغل بناسبها ؟!؟!

[*Marwa*]

كاتب النص الأصلي : gabriel

غريب مع ان المرأة " المحجبة " ممكن انها تملك كتير مؤهلات مفيدة ؟!

فكيف ما عبتتلاقي شغل بناسبها ؟!؟!

صحيح معك حق يمكن يكون عندها كتير مؤهلات مفيدة

بس صراحة ما فهمت سؤالك منيح ممكن توضحه اكتر؟

انو حسب رايي الشغل اللي مش ممكن يلائم انسانة محجبة(والمفروض ملتزمة دينيا) هي الاعمال اللي رح تقوم من خلالها بتحليل ما حرم الدين ..والتخلي عن بعض او كل مبادئها العقائدية!

[Abu ToNi]

طب السؤال اللي انا بدي اطرحه عليكي

شو هو العمل المناسب للمراة المحجبة ؟!

[*Marwa*]

كاتب النص الأصلي : gabriel

طب السؤال اللي انا بدي اطرحه عليكي

شو هو العمل المناسب للمراة المحجبة ؟!

حسب رأيي هو كل عمل ما بنافي تعاليم الاسلام و يناسب التزامها الديني (وهاد بتعلق بدرجة التزامها الديني)

[Abu ToNi]

كاتب النص الأصلي : *Marwa*

حسب رأيي هو كل عمل ما بنافي تعاليم الاسلام و يناسب التزامها الديني (وهاد بتعلق بدرجة التزامها الديني)

بالضبط هاد الجواب اللي كنت عبنتظره بس انت متل ما بقولوا " فسر الماء بالماء"

يعني شو هو العمل المناسب للمرأة المحجبة واللي ما بنافي تعاليم الاسلام وبناسب التزاماتها الدينية

[*Marwa*]

كاتب النص الأصلي : gabriel

بالضبط هاد الجواب اللي كنت عبنتظره بس انت متل ما بقولوا " فسر الماء بالماء"

يعني شو هو العمل المناسب للمرأة واللي ما بنافي تعاليم الاسلام وبناسب التزاماتها الدينية

لما صير شيخة ومشرعة ببقى بحكيلك بالزبط شو هي الاعمال
لكن تزكر انو الضرورات تبيح المحظورات وانو في احكام كانت سارية ممكن تتبدل وفي احكام بتضل ثابتة..
على كل حال المسلم الملتزم بدينو فيه يسال شيخ محترم وهو اكيد بجاوبو بالزبط..او على الاقل بحكّم عقلو وبعرف ازا اللي عم يعملو ضد او مع الاسلام..وبعرف ازا عم يغضب الله او لا

[التقرير الجوال]

و اللّه يا شباب ما في شي بيناسب المرأه المحجبه على صعيد العمل
بس الناس مضطرّين لـَ ياكلو
و الرجال هلا ما في يسد احتياجات البيت
منشان هيك
عمل المرأه المحجبه صار في نظر.



مرحبا لـَ الكل

[*Marwa*]

كاتب النص الأصلي : التقرير الجوال

و اللّه يا شباب ما في شي بيناسب المرأه المحجبه على صعيد العمل
بس الناس مضطرّين لـَ ياكلو
و الرجال هلا ما في يسد احتياجات البيت
منشان هيك
عمل المرأه المحجبه صار في نظر.



مرحبا لـَ الكل

ولا شي بناسب المحجبات؟؟ ليه يعني ما في عندهن قدرات ولا مجرد حيطان بالبيت؟؟