دمشق... قبل الفتح الاسلامي

[COSTA]

كاتب النص الأصلي : Nabilove

يعني التقارب العقائدي بين المسيحيين اليعاقبة و المسلمين سهل قيام حلف فيما بينهم

شكرا جزيلا على الشرح

صح هاد يللي صار بالمختصر

كاتب النص الأصلي : georgekh

يا مشرف شكرا عالمشاركات
بس ما عم تضيف شي ولا عم تصحح شي سوا انو عم تتشعب بإشيا مالها علاقة بالموضوع نهائياً وعم ترجع تعيد اشياء سبق وحكيناها وناقشناها

اليعاقبة كمذهب غير موجودين على الاطلاق وانت اختلطت الامور عليك رح نوضح :

قديماً: كان هناك رأيين في العالم المسيحي السوري :
الرأي الأول يقول بالطبيعة الواحدة للمسيح, تسمياته: المونوفيزية - اليعقوبية, تبنى هذا الرأي مجموعة من الأقوام التي كانت موجودة ابرزهم السريان - العرب.

الرأي الثاني: يقول بالطبيعتين للمسيح, تسمياته : الخلقيدونيين - الروم - البيزنطيين , تبنى هذا الرأي مجموعة من الأقوام التي كانت موجودة.

بعد فترة من الزمن تراجع جميع من تبع الرأي الأول ( الطبيعة الواحدة بالمسيح ) وتبع تعاليم مجمع خلقيدونية ( الطبيعتين في المسيح ).

يعني حاليا لا يوجد أحد يتبع الرأي الأول واللي عم تذكرهم حضرتك اللي موجودين بسوريا او الهند هم السريان الأرثوذكس, وهم يتبعون تعاليم مجمع خلقيدونية.

وتحياتي لجهودك..

حبيبنا
مشان التشعب ما كان قصدي فيه بس في شغلات وجب الشرح عنها مشان يكون في خلفية عن المطلع على الموضوع
وقلتلك مشان دمشق بالذات امهلني لبكرا حتى ارجع للمصدر عندي ....
وشكرا لوجودكن معنا ومشاركاتكون

[georgekh]

النساطرة هنن من اتباع نسطوريوس وهو بطريرك القسطنطينية ...
وهو من ابتدع هرطقة الطبيعة الواحدة بحسب اليونانيين
وبعد طرده من القسطنطينية مع اتباعه تفرقوا وهرب بعض منهم الى الجزيرة العربية وهناك اسسوا ما يسمى بالمذهب النسطوري ....

مشرفنا العزيز هيك مواضيع لازمها دقة, واذا مانك متأكد من معلومتك لا تكتبها وتفوتنا بشغلات بدنا نضل نشرح عنها ساعات..

نسطوريوس ابتدع الآتي :
كان يؤمن بوجود طبيعتين بالمسيح وكان يفصل بينهما فصلا كاملا مسيح الهي ومسيح بشري واحد قبل التجسد وواحد بعد التجسد و قد ربط بينهما ربط ادبي بسيط .. ( فكرة لاهوتية تختلف كليا عن فكرة الطبيعة الواحدة في المسيح- المونوفيزية وعن فكرة الطبيعتين في المسيح - الخلقيدونية ).
وبسبب آراءوا انعقد مجمع افسس سنة 431 واعتبرو هرطوقي وعزلو, فلجأ الى البلاد التي يحكمها أعداء البيزنطيين وهم الفرس ولقي ترحيب عندهون لانهون شافو عون الهون بمحاربة البيزنطيين وانتشر مذهبو في العراق ( امارة الحيرة ) يعني العرب المناذرة في الحيرة كانوا مسيحيين على مذهب نسطوريوس بالاضافة الى انتشار مذهبو بين عرب الجزيرة العربية.

بمعنى آخر كان عندنا بهداك الوقت قبيلتين عربيتين مسيحيتين مهمين :

الأولى : الغساسنة , في بلاد الشام , حليفة للرومان , خط الدفاع الاول للرومان من هجمات الفرس , تتبع مذهب اليعاقبة.
الثانية: المناذرة, في العراق, حليفة للفرس, خط الدفاع الأول للفرس من هجمات الرومان, تتبع مذهب النساطرة.
القبيلتان كانت في حالة عداء شديد استفاد منو الدولتين المتحاربتين....

[georgekh]

لبين ما قدرنا نستوعب اليعقوبية والخلقيدونية ضلينا صفحتين ...

شلون على ما نذكر انو جماعة لبنان بهداك الوقت كمان كان الهون مذهب لحالهون ؟؟!!!

[ASH]

هلا لحد الأن انا متابع تمام ، صحيح عبية بالحيطان وفي شغلات ما ستوعبتها وهلا عم اعمل بحث عنها لافهمها اكتر ، بس انو لحد الأن الموضوع كتير مميز ، و بنتظار التتمه ..

طبعا الشكر كل الشكر ل جورج ، كوستا و مارون ، على كل شي معلومات ذكرتوها

[ASH]

كاتب النص الأصلي : زوربا

أي والله يسلمو....كنت مفكر أنو دمشق كانت عبارة عن مدينة تافهة هيك حتى مجيء الاسلام...لأنو هادا اللي أخدناه بكتب التاريخ....

شو هل كتاب لاتاريخ يلي درستو ، يلي بيوصف اقدم عاصمه بالعالم بانها كانت تافها لوقت وصول الاسلام لها

كاتب النص الأصلي : Barleb

ليش الفتح الأسلامي و مو الأحتلال الأسلامي .. ؟

سؤال يستحق الطرح

لانو الفتوحات الاسلاميه صارت لنشر دين ، مو للسلب او الاحتلال ، او هيك فكرة المسلمين

[Nabilove]

ممكن ذكر ابرز معالم دمشق القديمة ليكون هناك اثراء للموضوع؟؟

[Willi]

لبين ما قدرنا نستوعب اليعقوبية والخلقيدونية ضلينا صفحتين ...

شلون على ما نذكر انو جماعة لبنان بهداك الوقت كمان كان الهون مذهب لحالهون ؟؟!!!

بعتقد هالشغلة اغنت الموضوع كتير. يعني انو كانت لشي منيح.
انا شخصيا ما كنت سمعان باليعقوبية والخلقيدونية!!

لانو الفتوحات الاسلاميه صارت لنشر دين ، مو للسلب او الاحتلال ، او هيك فكرة المسلمين

نظرة الشخص اللي عم يعمل الحرب دايما بتكون, الفتح. ما حدا بقول عن حالو انو محتل. مشان هيك تسمى فتوحات بالنسبة للمسلمين, او للعرب بشكل عام.

[COSTA]

كاتب النص الأصلي : georgekh

لبين ما قدرنا نستوعب اليعقوبية والخلقيدونية ضلينا صفحتين ...

شلون على ما نذكر انو جماعة لبنان بهداك الوقت كمان كان الهون مذهب لحالهون ؟؟!!!

المشيئة الواحدة ( المونوتيلية)

كاتب النص الأصلي : Willi

بعتقد هالشغلة اغنت الموضوع كتير. يعني انو كانت لشي منيح.
انا شخصيا ما كنت سمعان باليعقوبية والخلقيدونية!!
.

وفي كتير شغلات لسا اذا بدك .......
بس صار بدها موضوع لحالو ... ومخمخة

[maroun]

كاتب النص الأصلي : COSTA

رح نوضح شغلة بالنسبة للخلقيدونيين مشان الاعضاء يعرفوا شو معنى هاد المصطلح
هاد المصطلح اطلق بعد المجمع المكسوني الرابع في مدينة خلقيدونية ومن نتائجوا انو خرج المونوفيزيت ( اصحاب الطبيعة الواحدة ) من المجمع غير موافقين على قراراته .. بينما خرج البيزنطيين موقعين عليه ( بعد ان هزمو في مجمع افسس اللصوصي )
وهنا يقال لاصحاب الطبيعة الواحدة اللا خلقيدونيين ..... ( المونوفيزيت)
بينما لا يوجد مصطلح خلقيدونيين بل هم البيزنطيين اليونان الاورثوذكس
هلأ مشان تكون واضحة الصورة اكتر بدها موضوع وبدها مخمخة كبيرة عليه ... وعندي مرجع كبير بهذا الشان ... لكن لضيق الوقت ما عم اقدر اكتب عن الصراع يللي صار .....
اما عم العلاقة بين المسلمين واليعاقبة فهي بدها كتير من الحيادية ومع الاسف في كتير من الناس صعب تتقبلها الحقيقة .. بس البداية نشات من عند النساطرة ومعلهم نسطوريوس وقبله اوطيخا ....
وهاد الشي يللي بيجمع بيناتون .....

شكراً ريس عـ التوضيحات الرهيبة و على فكرة مار مارون كمان طلع من سوريا بعد اطضهادات اليعاقبة و توجه الى جبال لبنان و اللي تأسست فيه الطايفة المارونية. تشعباً اكتر هيك بس يالله معلم كوستا انت و المعلم جورج بيطلع من بين ايديكون موضوع غير شكل فمخمخو فيه

[COSTA]

كاتب النص الأصلي : fine

انت قلت الشعب الاصليين الاراميين وقلت ( يعني إذا كان العرب هاجروا من زمان على منطقة بلاد الشام واندمجوا بالسكان الآراميين الأصليين هادا ما بيعطي لحدا الحق انو يقول هي أرض عربية والرومان محتلينها وعرب الجزيرة هم الذين فتحوها وحرروها )

شو بتقصد بهي الجملة لانو غير واضحة ؟؟

انت مقهور انو العرب حرروكم وتاريخكم ليس سوى مستعمرات اجنبية دخلو وعمرو بلادكم والعرب ليسو فقط في دولة الخلافة هزموم الروم

اذا كان العرب متل ما عم تدعي انو حرروا هي الشعوب ....
طيب من شو حرروها ؟؟؟................ يا ريت توضح الشي يللي تحرروا منو وليش ؟
وعم تقول تاريخكم .... طيب مين هدول ؟؟
وانو مستعمرات اجنبية .......
وعمروا البلاد كمان ... يعني شلون مستعمرات وشلون عمروا البلاد ؟؟

والعرب هزوم الروم والفرس بنفس الوقت
وسوريا هي سوريا عبدالملك بن مروان ومعاوية بن أبي سفيان الأموي وليست سوريا مستعمريكم تيودوسيوس او ميتروبوليت

اي هنن العرب كانو ابطال زمانون لانو .....
يا fine ..... العرب والروم والفرس كانوا يتصارعوا على منطقة الشرق كافة ... والحروب كانت بيناتون كتيرة وما كان في استقرار طويل .....
ولا تنسى انو الروم استعادوا سوريا لفترة 300 سنة .... وبعدها اجى كتير غير العرب ومنهم السلاجقة والمماليك والايوبيين ....( لا تقلي هدول عرب كمان )
بعدين سوريا مانها عند الملك ولا هي معاوية .....
سوريا حضارة كبيرة كمتير ومانها ملك لاي حدا بتاتا ....
بنصحك تقرا التاريخ منيح ..... ولا تتاثر بالتاريخ يللي بتدرسوا بالمدارس او يللي بيكتبوا ناس لاجل التعظيم والمال

[COSTA]

كاتب النص الأصلي : Nabilove

ممكن ذكر ابرز معالم دمشق القديمة ليكون هناك اثراء للموضوع؟؟

هلأ من ناحية المعالم .....
هي منقدر نقسمها لشقين
اولا المعالم الاثرية
تانيا المعالم الروحية
هلأ من ناحية المعالم الاثرية .... في كتير وما زال منها موجود ....
رح نذكر شوي منها ( او بالاحرى يللي متذكرون )
سور دمشق الاثري ويللي بيتوضح فيه طبقاتو التلاتة
ابواب دمشق السبعة
الاقواس الاثرية وموجود منها قوس النصر في اخر سوق الحميدية وعدة اقواس اخرى منها قوس باخر القيمرية وقوس بمنطقة طالع الفضة .....
الحمامات القديمة
المعالم الروحية
ابرزها الجامع الاموي الكبير .....بجانبه قبر صلاح الدين الايوبي وقبر الظاهر بيبرس
وعدة جوامع قديمة ( اعذروني مشان الاسم ماني متذكرو )
الكنائس القديمة وابرزها كنيسة حنانيا وكنيسة المريمية وكنيسة الزيتون
وايضا في معالم اخرى منها المكتبات ( الظاهرية +الجقمقية )
في كتير معالم بس هدول يللي متذكرون هلأ

[COSTA]

كاتب النص الأصلي : maroun

شكراً ريس عـ التوضيحات الرهيبة و على فكرة مار مارون كمان طلع من سوريا بعد اطضهادات اليعاقبة و توجه الى جبال لبنان و اللي تأسست فيه الطايفة المارونية. تشعباً اكتر هيك بس يالله معلم كوستا انت و المعلم جورج بيطلع من بين ايديكون موضوع غير شكل فمخمخو فيه

على راسي
هو هيك موضوع اذا بدو ينكتب بدو يكون في حيادية كتير وطرح كبير
وانا في مواضيع عم حضرها للقسم بس لحد هلأ ما خلصت منها ( قلة فضا شوي )
على كل الاحوال رح حاول شوف شلون بدنا نحط هيك موضوع وبيتناول هي المواضيع العقائدية


على الهامش
المورانة هنن اصحاب المشيئة الواحدة اذا سمعان فيها
وهي منحكي عنها بالموضوع الجاية

[Nabilove]

كاتب النص الأصلي : COSTA

هلأ من ناحية المعالم .....
هي منقدر نقسمها لشقين
اولا المعالم الاثرية
تانيا المعالم الروحية
هلأ من ناحية المعالم الاثرية .... في كتير وما زال منها موجود ....
رح نذكر شوي منها ( او بالاحرى يللي متذكرون )
سور دمشق الاثري ويللي بيتوضح فيه طبقاتو التلاتة
ابواب دمشق السبعة
الاقواس الاثرية وموجود منها قوس النصر في اخر سوق الحميدية وعدة اقواس اخرى منها قوس باخر القيمرية وقوس بمنطقة طالع الفضة .....
الحمامات القديمة
المعالم الروحية
ابرزها الجامع الاموي الكبير .....بجانبه قبر صلاح الدين الايوبي وقبر الظاهر بيبرس
وعدة جوامع قديمة ( اعذروني مشان الاسم ماني متذكرو )
الكنائس القديمة وابرزها كنيسة حنانيا وكنيسة المريمية وكنيسة الزيتون
وايضا في معالم اخرى منها المكتبات ( الظاهرية +الجقمقية )
في كتير معالم بس هدول يللي متذكرون هلأ

مشكور اخي على المعلومات
المتابعة مستمرة للموضوع في انتظار الجديد

[georgekh]

كاتب النص الأصلي : ASH

هلا لحد الأن انا متابع تمام ، صحيح عبية بالحيطان وفي شغلات ما ستوعبتها وهلا عم اعمل بحث عنها لافهمها اكتر ، بس انو لحد الأن الموضوع كتير مميز ، و بنتظار التتمه ..

طبعا الشكر كل الشكر ل جورج ، كوستا و مارون ، على كل شي معلومات ذكرتوها

حبيبنا آش

[georgekh]

المونوتيلية: بدعة المشيئة الواحدة

حاول هرقل التخفيف من الخلاف اللاهوتي بين المونوفيزيين ( اليعقوبيين ) والخلقيدونيين وذلك بتسوية ظن أنها تقرب من المذهبين آم شو ساوا؟؟

إجا طلع ببدعة جديدة سماها بدعة المشيئة الواحدة للمسيح ( المونوتيليين ) يعني للمسيح مشيئة إلهية دون انكار طبيعته البشرية فزاد الطين بلة, واعتبرت هالبدعة هرطقة بحسب المجمع القسطنطيني سنة 681.

هلأ اللي صار انو لما شعر الناس اللي تبعوا هي البدعة انهون مضطهدين من اليعاقبة والخلقيدونيين هربوا الى لبنان ( الموارنة ) وأقاموا بطريركا خاصا ..

بس بعد فترة من الزمن تراجع أصحاب هي البدعة وتبعوا تعاليم الخلقيدونية..

[georgekh]

كاتب النص الأصلي : maroun

شكراً ريس عـ التوضيحات الرهيبة و على فكرة مار مارون كمان طلع من سوريا بعد اطضهادات اليعاقبة و توجه الى جبال لبنان و اللي تأسست فيه الطايفة المارونية. تشعباً اكتر هيك بس يالله معلم كوستا انت و المعلم جورج بيطلع من بين ايديكون موضوع غير شكل فمخمخو فيه

أحلى مارون

[georgekh]

كاتب النص الأصلي : Willi

بعتقد هالشغلة اغنت الموضوع كتير. يعني انو كانت لشي منيح.
انا شخصيا ما كنت سمعان باليعقوبية والخلقيدونية!!

أهلا ويللي .. وهي شرحنالك شو المونوتيلية ..

[maroun]

كاتب النص الأصلي : COSTA

على راسي
هو هيك موضوع اذا بدو ينكتب بدو يكون في حيادية كتير وطرح كبير
وانا في مواضيع عم حضرها للقسم بس لحد هلأ ما خلصت منها ( قلة فضا شوي )
على كل الاحوال رح حاول شوف شلون بدنا نحط هيك موضوع وبيتناول هي المواضيع العقائدية


على الهامش
المورانة هنن اصحاب المشيئة الواحدة اذا سمعان فيها
وهي منحكي عنها بالموضوع الجاية

على راسي ريس كوستا يدووم حبيب ... و الله يا ريت لان التاريخ و تاريخ الشرق الاوسط مليء بالاحداث المهمة و اللي غيرت وجه التاريخ ليس فقط تاريخ اهل المنطقة بل تاريخ العالم. بالنسبة للحيادية اخي كوستا انا و بكل صراحة اعتقد انه من الصعب جداً العثور على مصادر حيادية تماماص لان التاريخ كتب من قبل بشر و من وجهة نظرهم فمن الممكن ان يكون هناك الكثير من التحوير لطرف على حساب الاخر و خصوصاً بالامور الدينية او السياسية ستجد انه من الصعب لا بل في كثير من الاحيان وجود مصدر يتفق مع اخر على نفس القصة لكن هذا لا ينفي اكيد وجود مصادر تحوي على حقائق و لكن.....

بالنسبة للموارنة انا على حد علمي ان الموارنة و المؤسس الاول للطايفة مار مارون هو ارامي (خلقيدوني) اتى من سوريا هرباً من بطش و تنكيل اليعاقبة...اما المشيئة الواحدة فعلى ما اعتقد هي المشيئة التي ترى ان المسيح هو الله اي دون الطبيعة الانسانية اي يعترفون بالطبيعة اللهية فقط. معلوماتي للأسف محدودة عن هذا الموضوع او تسطيع القول شبه معدومة. فيالله ناطرين المواضيع اللي توضح هذه الامور.
و تحية لك