لماذا الزواج من ثانية وثالثة ورابعة

[شاطئ البحر]

انا معك
بس احساس الرجل تجاه المراة يختلف عن احساس المراة تجاه الرجل من شأن هيك ما اقدر اشرح لك اكثر من هيك ..
على العموم انا اتكلم عن نفسي ممكن بحبهم من روحي وقلبي بجد وافديهم وسعدهم واقدم لهم الدنيا والي فيها بس ........هم فين !!!!!!!

[maro18]

كاتب النص الأصلي : شاطئ البحر

بس ........هم فين !!!!!!!

ما بتلاقيهم لانك ما بتلاقى المراة اللى بترضى بحب يشاركها فية امراة اخرى

[حيفاويه]

كاتب النص الأصلي : liu kang

تقتليه .......ولي عليكي .. العلقة معك مو سهلة بنوب

اي لكان يصحله

[حيفاويه]

كاتب النص الأصلي : liu kang

...كانك اكلتي كلمة (ما).... لتكوني جوعانة


حكي تاني انا عرفت شو بدك تعملي الله لايعلق مخلوق بايدك

كيف لاقطا هي

[حيفاويه]

كاتب النص الأصلي : شاطئ البحر

مابيهمني لا علوووش ولا غيرة وحيات الله بتصير تحبك اكثر لما تتزوج عليها

انت فجعاااااااان

[sous]

الحقيقة هادا موضوع كبير كتير وما بيتاخد بالمزح ..انا برأيي طالما انو في دين بيسمح ودين بيمنع معناتا في موقف واحد منهم صح والتاني غلط..ولو بالاساس الله سامح بالزواج باكتر من واحدة كان خلق لادم اكتر من امرأة مش بس حواء؟؟( وخلقهما ذكرا وأنثى مو ذكر واربع اناث؟؟) ولو كمان سامح ما كان تركلنا الاغلاط يلي ارتكبها الملك سليمان لوجود اكثر من أمرأة في حياته موجودة في الكتاب المقدس لتنهي الناس عن هالخطأ أما ليش الاسلام حلل هالموضوع فهذه قصة كبيرة( لا تنسوا هون أن تعدلوا ولن تعدلوا!!!)...اما الغلط برأيي يبدأ من الفتاه ذاتها او المرأة التي تقبل أن تكون زوجة تانية..فلو كل بنت أو امرأة ترفض أن تكون الزوجة الثانية لتخلص المجتمع من هذه الظاهرة المتخلفة ..عندها لن يجد صاحب النزوات المتعددة اي واحدة تقبل ان تكون زوجته الثانية والثالثة والرابعة ثم الطلاق والاستئناف..ويلي ما بتشبعو وحدة ما رح يشبع من عشرة.. اما موضوع الزواج من وحدة تانية لان زوجته عاقر فهذا ايضا غير مقبول ومن قال ان الاولاد يجلبون السعادة؟؟ ومن قال ان عدم وجود الاولاد في العائلة يعني النهاية؟؟؟ وهل الاولاد لنا؟؟ خاصة في ايامنا هذه الاولاد هم اولاد الحياة والحياة لا تقيم في منازل الامس ( على قولة جبران خليل جبران) ولو كان هو العاقر الن تقبل زوجته وتبقى معه وترضى بالامر الواقع ويا سيدي على فرض انهم لا يطيقون الحياة من دون اولاد لم لا يتبنون من المياتم الملانة بالاولاد المظلومين؟؟؟ بالعكس بيكسبو ا حسنة فيهم فقد اوصت المسيحية والاسلام باليتيم....على كل انه رأيي مع احترامي لكل الاراء الاخرى..مع العلم اني متزوج منذ سنتين وانا لا ازال اعيش أسعد الايام مع زوجتي وسنبقى هكذا ولا افكر بخيانتها حتى بالاعجاب بامرأة أخرى فقد حذرنا في الكتاب المقدس : (من نظر الى امرأة أخرى واشتهاها في نفسه فقد زنى بها في قلبه) فلا داعي ان نقول نتزوج افضل من ان نخون ونزني ففي الحالتين انت تخون زوجتك وشريكة عمرك وتظلمها وهل اشد من ظلم كهذا أن تشعر المرأة ان هناك من تشاركها زوجها؟؟؟؟ وهل تقبل انت ايها الرجل يا من تقول لقد سمح الله لي بذلك أن تكون زوجتك يوما معك ويوم اخر مع غيرك؟؟ اذا رفضته على زوجتك كيف تقبله على نفسك؟؟ ضع نفسك مكانها ولو للحظة واحدة ثم أنصف...أما انتن أيها النساء لا تقبلن بهذا الواقع وثرن عليه ويبدأ ذلك من رفضكن ان تكن الزوجة الثانية فالذي تخلى عن زوجته لاجلك سيتخلى عنك يوما لاجل واحدة اخرى..فهل هو مصدر ثقة يا ترى؟؟؟
مع تحياتي

[nabeel]

كاتب النص الأصلي : راديا

يا روحي الرجال بيحب المنظرة و الفزلكة مشان هيك و بيتباهى بالكم الهائل اللي عندو بس ما بيفتش عالجوهر و المضمون عرفت كيف؟؟
شكرا موضوع احلى تعيش و تجيبلنا غيرو كلام الناس و الله و ابو وديع غيرووووو

هيك رايك يمكن انت صح

[ranouch]

في وقت لاحق سيكون تعدد الأزواج مفهوم جديد يعرض للمناقشة
ولماذا نهضم حق المرأة في أن تحب أكثر من شخص معاً مع العلم أن قدرتها على الحب والعطاء أكبر من الرجل
على كل حال هذا ليس رأيي وأنا أجد أن الزواج من أكثر من شخص فيه تقليل من احترام كيان الآخر تقليل من مكانته
حتى بوجود سبب مقنع بالنسبة للشخص فهو غير مقبول لأننا دوماً نبحث عن أسباب نجدها مقنعة
العقم ليس سبباً مقنعاً فالزواج هو قبول الآخر بكل حسناته وسيئاته والتعهد بالالتزام بحبه التزاماً مطلقاً فكيف أقبل ما هو جميل في الآخر وأرفض عيباً فيه لا ذنب له به
وتحياتي لكم

[تايغر]

الرجال لازم دائما يكسر عين الحرمة

[جورج الأول]

الرجال لازم دائما يكسر عين الحرمة

تسلم لهالصالون شو رجال مكدع. (فتيشة مفشفشة )

تعدد الزوجات شئ طبيعي لالكون ليش
لأنو الرجال هو يلي بيتجوز المرأة مو هي. و كمان هو يلي بنقيها كأنو رايح يشتري سيارة
أما هي فتكون جاهزة لتنباع أو عفوا تتجوز
بيطلبو صحابا أو أهلا سعر ,فاذا ناسب الرجل السعر بيشتري
و بما أنو كل شئ الو تمن معناتو بينباع و بينشراء فيمكن أن تبيع و تشتري بما أنك تحمل الثمن؟؟
للأسف يلي زكرتو منطق بحت و مطبق ولا يمكن أن تعترف به مرأة.
عندما تسطيع المراة أن تطلب الرجال للزواج بها وتتساوى مع الرجل بالواجبات والحقوق عند ذلك
لا يكون هناك ما يسمى تعددالزوجات.

[ranouch]

عندما تسطيع المراة أن تطلب الرجال للزواج بها وتتساوى مع الرجل بالواجبات والحقوق عند ذلك
لا يكون هناك ما يسمى تعددالزوجات.[/quote]
فعلا يا روحي
المشكلة أنو صرنا منتساوى معكن بالواجبات بس
على كل حقنا رح ناخدو بإيدنا وبتشوفوا

[ابومزيد]

كمل النقل بالزعرور
على كللن اذا هيك بيصير والله لطلع عيونها بالطول وبالعرض لحتى وافق

كاتب النص الأصلي : ranouch

عندما تسطيع المراة أن تطلب الرجال للزواج بها وتتساوى مع الرجل بالواجبات والحقوق عند ذلك
لا يكون هناك ما يسمى تعددالزوجات.

فعلا يا روحي
المشكلة أنو صرنا منتساوى معكن بالواجبات بس
على كل حقنا رح ناخدو بإيدنا وبتشوفوا[/quote]

[abu alameer]

كاتب النص الأصلي : GMC

انا رأيي يلي بدو يتزوج مرة و مرتين يبقا لا يتزوج يروح معبا بنات بلا زواج
لانو بنات الناس مو لعبة

اكيد بنات الناس مو لعبة
على شان هيك اتزوجها مش ضحك عليها

[abu alameer]

كاتب النص الأصلي : علوش

طبعا بقتله هو وعروسته قال يتزوج علي قال
ناس عينها فاضيه

بدك اطولي بالك شوي
هدي عمو
مش حرزانة

[Liu Kang]

كاتب النص الأصلي : ranouch

عندما تسطيع المراة أن تطلب الرجال للزواج بها وتتساوى مع الرجل بالواجبات والحقوق عند ذلك
لا يكون هناك ما يسمى تعددالزوجات.

فعلا يا روحي
المشكلة أنو صرنا منتساوى معكن بالواجبات بس
على كل حقنا رح ناخدو بإيدنا وبتشوفوا[/quote]

...ياحبيبي على هالكلام ....موو ناقص غير تجو وتتقدمو لطلب ايد الشب وهو يخجل ويضيفكن شراب ويتفتل حولكن مشان تشوفو بينفع للبنت ولا لا
وشو رايك بفرد مرة انو يصير الشب يحبل بدل البنت ويرضع ولادو

ياحبيبي هاد اللي كان ناقص

[abu alameer]

كاتب النص الأصلي : بنت الاكارم

انا بدي اقول رايي واكيد رح تستغربوا
انا لو زوجي تزوج علي ما رح اتركه وما رح اطلب الطلاق ابدا ،،،، اكيد رح ازعل واتضايق كتيييير بس رح ابقى متل ما انا معه والبالعكس رح اشوف شوالاسباب اللي خلتوا يتزوج وحده تانيه واصلحها في بتعرفوا ليش لانه ما عمل شي حرام ،،،، ولاني كمان متاكده انه في النهايه ما رح يلاقي احسن مني ورح يرجعلي ويعتذر لي كمان ،،،،،، اما بصراحه لو خاني مع وحده بالحرام ما بسامحه ابدا وما بعيش معه ابدا لانها هون تسمى خيانه وهو مابيستاهل اني اعيش مع واحد خاين




غريبه انا صح

انتي اكيد غريبة
لانك واعية اكتر من غيرك بكتييييييير

[abu alameer]

كاتب النص الأصلي : شاطئ البحر

لا والله مو مجرب بس انا اعرف ناس كثير تزوجو اكثر من مرة وكانت حياتهم قبل ما يتزوج مشاكل بس بعد ما تزوجو صارت حياتهم سعيدة جدا جدا

كلام صحيح
وانا بعرف كتير ناس هيك

[Liu Kang]

كاتب النص الأصلي : جورج الأول

تسلم لهالصالون شو رجال مكدع. (فتيشة مفشفشة )

.

حلوة هي