دمشق والغرباء

[saman]

يعني في صيدلة بالشام وبالادقية بس ممكن واحد من الشام ما يحقلوا يدرس بالشام ع فرق علامة فاجباري بيروح ع اللادقية والعكس صحيح

لأ العكس مو صحيح ... لأنو دايماً المجاميع يلي بياخدوها الجامعات التانية (غير جامعة دمشق) بتكون اقل ... فا انو الشامي بيروح على غير محافظة منشان يدرس .. وهادا الامر مو بايدو ... بس لما يكون شخص من حمص مثلاً بيقدر يدرس بحمص كون المجموع يلي بياخدوه هونيك اقل من الشام ... ليش لحتى يجي عالشام ويدرس ..هون .... انا طبعاً ما عم احكي عن شخص .. عم احكي عن عدد هائل من الاشخاص ...
وبالنسبة لحكي زين عن ازمة السكن ... فا انا معو العراقيين وقت اجو ... هني يلي ساووا هالازمة ! بمساعدة السماسرة السوريين الحرمية

[أم الجود]

كاتب النص الأصلي : I_Love_Syria

ممكن تقلي شو الفروع الموجودة بالشام ومو موجودة بالمحافظات التانية كوني ما بعرف أي فرع موجود بالشام ومو موجود بالمحافظات التانية

كتير اختصاصات .. عندك مثلاً العلوم السياسية و الصحافة و الإعلام و كمان معهد الفنون المسرحية ...

[zen]

كمان ادارة المشاريع الصغيرة مافي منها الا بحلب
قولتك بطل روح ع حلب أدرس ؟؟؟

[الأندلسي]

سواء من داخل السور أو خارج السور
الناس هون كلها غرباء
ابن دمشق غريب بين القادمين الكثر
والقادمين الكثر غرباء في أقدم مدينة في التاريخ
(فيلم سنوات الضياع) ؟؟؟
ليش هي قصة طويلة وكتير ... بشعة ؟

[بنفسجة]

كتير عم شوف نبرة عنصرية غريبة عجيبة بهالموضوع صرلو فترة مفتوح وانا عم راقب
بس انو يعني كتير صارت القصة غريبة
الشام متلا متل طرطوس وحلب وادلب مانا ملك ابو حدا
ولانا مطوبة لحدا
وانا الي الحق عيش واشتقر واربى واتفتل محل ما بدي ومو منية من حدا وقت بدو يجي على بالي اشتري بالشام واسكن واشتغل ابقى الشوام لايبيعوني ارض او بيت
شو هالغرابة هي
كنا نحكي قوميات ونسميها عنصرية القومية العربية
صرنا نحكي وطنيات ونكبر معلاق بالعنصرية الوطنية
ياحبيبي ليك وين صرنا
بصراحة شي بيخلي الواحد يقرف كتير

[Reemi]

حزفنا المشاركات الخارجة عن الموضوع وخالفنا الخارجين عن سياق الموضوع

يرجى الالتزام بالموضوع

[maged-syrian]

من المؤكد حق المواطن السوري في التنقل بين المحافظات واختيار المكان الانسب اله ولمعيشته .. هاد حق طبيعي للمواطن السوري ..((اذا العراقي الغريب عم يسرح ويمرح بين المحافظات نستكثر عالمواطن ابن هالبلد هذا الحق ؟؟)) المشكلة ليست باستقبال اكبر مدينتين في سوريا دمشق وحلب للأعداد الهائلة من مواطني المحافظات الأخرى ... المشكلة هي بتجاهل التنمية بالمحافظات الاخرى الامر الذي أدى بأبن حماة مثلاً بأن يحلم أنه يحصل على فرصة عمل بدمشق العاصمة ويستقر فيها .. ويتناسى مدينته حماة باعتبار أن الشي الموجود بالشام لايمكن أنو يكون متوفر بحماة ...
مشكلة تانية .. الواسطات والولائات والتبعيات
شركة البترول تشيلبيرغ وهي شركة عالمية مرخصة من الحكومة بمنطقة الجزيرة عدد عمالها وموظفينها 10000 عامل ... 9000 عامل منهم من منطقة الساحل طب ليش ؟؟!!
خصوصاً أنو منطقة الجزيرة تعاني من بطالة بنسب كبيرة ... شو المغزى أنهم مايوظفوا ابناء منطقة الجزيرة العاطلين عن العمل !وما أكثرهم
نفس الشي بالشام .. التوظيف بالقطاعات الأمنية والمناصب العالية بالوزارات محرمة على ابن الشام .. ومحتكرة على جماعة معينة كمان ليش ممكن حدا يعطينا رأيه بالموضوع ؟! هل الموضوع الو دخل بالولائات مو كلنا على اساس ابناء بلد واحدة !

الحل برأيي الشخصي هو المساواة بفرص التنمية بجميع المحافظات بحيث أن المواطن بأي محافظة لايفكر ابداً بالانتقال لمحافظة أخري لسبب أقتصادي أما لأسباب أخرى (أجتماعية.. سياحية.. دراسية ..الخ) فالوطن للجميع

[maged-syrian]

كاتب النص الأصلي : saman

وبالنسبة لحكي زين عن ازمة السكن ... فا انا معو العراقيين وقت اجو ... هني يلي ساووا هالازمة ! بمساعدة السماسرة السوريين الحرمية

على فكرة مو بس ازمة سكن كمان أزمة أمنية وجرائمهم كترت وآخرها جريمة قتل قام بها عراقي لمواطن سوري على حسب ماسمعت صارت بحلب حيث قام عراقي بقتل مواطن سوري وتقطيع جسمو لأشلاء بواسطة منشار كهربائي مشان مايتم التعرف عالجثة .. وتم القاء القبض على هذا العراقي وقتله على الفور ... ومقطع الفيديو موجود عندي بس مابقدر ارفعه بسبب بشاعة وشناعة هالمنظر ... (( جرائم .. ايدز ... غلاء فاحش ... )) الله يكون بعون البلد