إختبار اللهجة الساحلية ( اللادقية جبله طرطوس بانياس والضيع المحيطة)

[فسحة أمل]

خلص هي الجوبة النهائية:
1 : الملعقة.
2: نوع من الجدران الاستنادية .
3:السقرق وعاء الماء.
4:رئيس المخفر (( مع اني مصر أنها ما كلمة لادقانية خاصة باهل الضيع ))
5:الشحاطة " المشاية "
6:الهاتف.
7:الجرابات .
8:فتحة صغيرة .
9:مرجوحة.
10:لفة الرأس.
11:الارض التي لا يوجد لها مالك " كمان البنت الفلتانة "
12:شحار راسي.

[LiOnHeArT.3LA2]

اليوم النتائج...

شو هلأ ؟

اينا ساعة ابي .. بدنا نعرف شو الطرنيب ؟

[بنفسجة]

فسحة
غلط غلط غلط

[بنفسجة]

اذا اليوم النتائج فلا رابح غيري انا وفادي وريم
ياهووووووووووووووووووووو

[cornholio]

والله تابعض بعرفو و البعض التاني لأ
بس انا عندي كلمتين بانياسية و طرطوسية :
الاولى كلمة و هيي رئك
التانية و هيي عبارة طرطوسية بتقول :
الخلد عالحكش ناقوع
اللي بيعرفون الو مني 25 ليرة

[فسحة أمل]

أي خلص بطلت بلاها هالتجرة

كاتب النص الأصلي : بنفسجة

فسحة
غلط غلط غلط

[Abu ToNi]

كاتب النص الأصلي : بنفسجة

على فكرة غابي ياعمي فهمنا انك مابتعرف عن اهل الساحل غير انو بشر متلك متلون
بس وسعدو لو انو عم تشلف بالفحص اجابات كان طلع معك صح اكتر من هيك

المنحوس منحوس ولو علق على باب بيته فانوس

[Reemi]

كاتب النص الأصلي : بنفسجة

اذا اليوم النتائج فلا رابح غيري انا وفادي وريم
ياهووووووووووووووووووووو

بريااااحه

[بنفسجة]

كاتب النص الأصلي : SHIVA

اللي بيعرفون الو مني 25 ليرة

ما محرزة قال 25 ليرة قال

أي خلص بطلت بلاها هالتجرة

اي بلا بلا

المنحوس منحوس ولو علق على باب بيته فانوس

قرد ياحظك شو اقرع

بريااااحه

[LiOnHeArT.3LA2]

اذا اليوم النتائج فلا رابح غيري انا وفادي وريم
ياهووووووووووووووووووووو

ثو مثااااااان
..
وانا ؟

ما زبطو تشلفياتي؟

[بنفسجة]

كاتب النص الأصلي : LiOnHeArT.3LA2

ثو مثااااااان
..
وانا ؟

ما زبطو تشلفياتي؟

لا والله ما زبطتت ولا تثليفة يا علوء
حرام زعلت عليت تير تير
ثوري

[VivaSyria]

1-مامعنى الخاشوقة:

أ- ملعقه: مثال أغنية الفنانة دومينيك ماعندك غير هالصحن وهالخاشوقة وغرفة يادوب فيها تخت وخزانه...

2-مامعنى الرعوش:

ب-نوع من الجدران الاستنادية في الأراضي الزراعية : مثال رعوش أرض عمك بوسالم

2-مامعنى السقرق:

ب- وعاء للماء.

4- ما معنى قوجماني:

ب- بشع جداً

5- مامعنى الشاروخ:

ب- مشاية "شحاطه"

6- ما معنى لاقوش:

أ- هاتف

7- مامعنى قلشين:

ب-جرابات "كلسات"

8- ما معنى درخوش:

ج- فتحة صغيرة

9- مامعنى زنزوقه:

ب- أرجوحه

10-ما معنى جمة:

ب- الرأس : مثال ياشحار جمتي يعني ياشحا راسي..

11-ما معنى شايعه:

أ- الفتاة الشقيه ..

12 ما معنى شحميطي:

ج- لفظ تعجب أو ندب بمعنى "شحاري"


طبعاً هي الاجابات الصحيحة والتي يمكن انها تكون لغوياً غير مسندة.. بس هاد الدارج والمستخدم..

لفتني شغله انو في ناس كانت عم تدمج اجابتين مع بعض رغبةً منون انو يضحكو على لجنة التحكيم... مثل جمة: لفة توضع على الرأس.. يعني دامجين أول احتمالين... طبعاً أهملت الإجابه...

إلنا رجعه مع التفاصيل

[sona78]

لا مو صح ..
الشايعة اذا عم تنقال لبنت بتكون هالبنت اكتر من شقية بكتير
يا فلتانةع حل شعرها...... يا أسوأ

[قرصان الأدرياتيك]

مزبوط حكي السّابقة!

لأن في كلمات ألها معنيين وأكتر وخاصّة "جمّة" يللي بتعني أحياناً راس وأحياناً أخرى اللفة الموضوعة عليه!

وأنا بعترض أنو اللي عامل المسابقة ما ألو علاقة بالعلاقة!
وبعدين الكلمة بقرية تكون شي بقرية تانية تلاقيلها معنى غير...

[بنفسجة]

اي لا
بالتدرج الزمني شايعة اخدت هالمعنى الملطف والناس صارت تحكيها عادي
متل ما كلمات عادية صار الها معنى كتير بشع بالتدرج الزمني

[Abu ToNi]

امتى بدي استلم الجائزة تبعي