لن نفترق (لبنان وسوريا).........

[صياد الطيور]

يا سيد كميل ( يا أخ طازة )

ا قومي و عربي اكتر من رؤوسائك كلهن

أكتر من رؤوسائك أي ..بس من رؤوسائي .... سمحلي ألك ( فشرت )
بعدين واضح من أسمك ومن كتابتك أنك عربي ...وأصيل كمان

انا ضد نزع سلاح المقاومة و ضد رجوع العملاءء من اسرائيل

كلمة الوحيدة الي بتحكيها صح

و كل مواطن لبناني او مواطن سوري استشهد هو عم بقاوم هو اشرف من كل رؤوساء النظام

برجع وبقلك أشرف منك ومن رؤوسائك نعم وغير هيك ؟؟؟؟

لو بتعرف شو كان عم يسير هون ب لبنان

أنا الي بيعرف ...وما عم قلك كلشي كان يصير صح ...بلعكس ... بس مو هاد هو الحل

بتمنى انو ما بس تقرا جرايد سورية اقراء غير جرايد للتتنور

لمعلوماتك أنا ما قريت جريدة سورية من أكتر من سنة



حماك الله يا سيادة الرئيس بشار الأسد
ومعاً على مسيرة حزبنا العظيم حزب البعث العربي الأشتراكي

[Varon]

شبكون شباب لفوا ....
يعني في حكي صح من الطرفين بس صياد حكيو ادق...

[Tarek007]

عزيزي صياد الطيور لا تسنعمل لغة التجريح

الاخ جديد عنا و ما بيصير هيك


أنا ما قرئت غير اشرف و مدري شو

فما عاد كملت


استعمل اسلوب ارقى شوي


كميل لساتوا ضيف عنا

[architecturer]

تم نقل الموضوع الى منبر اخوية الحر

[صياد الطيور]

شو يعني اذا جديد بخليه يحكي طالع ونازل ؟؟؟؟

[kamil]

يا اخ مستشار عم تحاسبني على اسمي هلق صار اسم كميل منو عربي و كتاباتي منا عربية شو العربي بس لي منتسب للحزب البعث العربي الاشتراكي بعدين خليني احكيك شوي تاريخ لما فات الجبش السوري على بيروت بل 1984 كان بطلب من حركة امل الشيعية لما كان في معركة اسمها معركة العلمين و كان الحزب التقدمي الدرزي مسيطر على بيروت و كان من مصلحة سوريا انو يسيطر الشيعة على بيروت و قبل هيك قامت حركة امل بمعارك للتصفية المرابطون السنية و الاتحاد الاشتراكي السني و قامت بمحاصرة المخيمات الفلسطينية لضرب حركة فتح لي كان بوقتا ياسر عرفات عم بيمضي معاهدة سلام مع الدولة العدوة و رجعوا وقفوا مع المجرم ايلي حبيقة لي عمل مجازر صبرا و شاتيلا ليفوت على منطقة الاشرفية ليسيطر على المنطقة الشرقية لي كانت بوقتا مع القوات اللبنانية بقيادة سمير جعجع و سموا للمجرم ايلي حبيقة ابو علي حبيقة و صار حليف السوريين و صار وطني و هو لي ذبح و قتل المدنيين الفلسطنيين العزل بالمخيمات لانو بوقتا كانت المقاومة الفلسطينية ب تونس هيدا كلو ماشي قدام للصار و لي بدو مجلدات بس خبرني وين العروبة ب انو يوقفوا و يساندو ايلي حبيقة وين العروبة و القومية لما خلو حركة امل الشيعية تدبح بالمسلمين السنة الخ و لمعلوماتك انو ما صار شي اسمو حزب الله الا من وراء القيادة الوسخة لحركة امل بقيادة نبيه بري، لازم بقى نخلص من فكرة انو كل واحد معارضة هو عميل اسرائيلي و كل واحد عم يعارض النظام هو خائن انا يا حبيبي زوجتي سورية و عائلة زوجتي عايشين ب لبنان و ما حدا بفرب صوبن متلون متل كتير من السوريين لي عايشين و بعدون بس لي نضرب هو بياع الكعك لي كان يوقف حدك و يسمعك شو عم تحكي و ينسفك تقرير و يجوا يخدوك و تنزل على البوريفاج و يضل ينضرب ليطلع الدم من راسو، و اخر شي بدي قلك انا ما عندي شي ضد الشعب السوري لي بؤمن بما قلو الرئيس الراحل حافظ الاسد انو شعب واحد في دولتين بس انا برفض يحكمني واحد متل رستم غزالة و جميل السيد و العسكر كلو حلنا بقى نعرف نعيش بكرامتنا و نحس حالنا اون نحنا مواطنين ببلدنا مش نكون مواطن درجة عاشرة و انو انا خائن حت اثبت ولائي للحاكم و مخابارتو

[صياد الطيور]

مابدنا نرجع للماضي ونحكي بشغلات صارت من عداد التاريخ...
بس بدي قلك أنو السياسة لعبة وسخة ...
أنا بحيي كل لبناني شريف ..و بلعن كل خاين ومتعامل مع الصهيونية وبيحكي بأسم لبنان لمصلحتو الشخصية أو لمصلحة طائفية

انا ما عندي شي ضد الشعب السوري لي بؤمن بما قلو الرئيس الراحل حافظ الاسد انو شعب واحد في دولتين بس انا برفض يحكمني واحد متل رستم غزالة و جميل السيد

أنا بحييك بهالجملة ...وأنا معك فيها ...وأنا ما غلطت عليك ألا لأنك شتمت الحكومة والنظام ...يمكن هادا رأيك وانت حر فيه بس بدون شتم ومسبات لأنو نحنا كمان شاطرين بهاالموضوع كتير

بس لي نضرب هو بياع الكعك لي كان يوقف حدك و يسمعك شو عم تحكي و ينسفك تقرير و يجوا يخدوك و تنزل على البوريفاج و يضل ينضرب ليطلع الدم من راسو

معلشي كمان هي هية شغلتو لبياع الكعك والفول والدرة والفوشار

يا خيي ..الله يلعن الي كان السبب ...وفرق هالشعبين

[krimbow]

تم نقل الموضوع الى منبر اخوية الحر

يكسر ايديك ع هالعملة عم امزح

هلأ لشفتو للموضع و فيو كتير قصص للتعديل فطولولي بالكم

بالنسبة لموضوع انو اللبناني بسوريا بيتقاضى 8000 $ و السوري بلبنان بيتقاضى 400 $ هي شغلة طبيعية جدا

اللبناني (و خصوصي بالمجال المصرفي و البنوك ) دراستو من اقوى الدراسات بالعالم و خبرتو مكتسبها من العمل مع ارقى البنوك العالمية
و بيعتمدوا عليه بدول الخليج و سويسرا و فرنسا و اميركا و صيتهم بالمجال المصرفي واصل للمريخ ... فكتير طبيعي انو يتقاضى رواتب عالية
علما انو 8000$ راتب سخيف قدام رواتب النظام المصرفي يللي بتوصل للمليونين و التلات ملايين دولار

هلأ المشكلة انو بسوريا معظم الاختصاصيين بهالموضوع خريجين من جامعات سورية اساتذتهم دارسين اقتصاد شيوعي منقرض و ما حدا عم يستعملو و بالتأكيد ما الهم خبر انو في شي اسمو بنوك
و بالتالي مضطرين اصحاب البنوك السورية انو يعتمدوا ع اللبنانيين لأنو عنا سلامتك ما حدا دريان انو سعر العملة بيختلف من ثانية لثانية ع سبيل المثال من غير ما يعرفوا ليش هيك عم يصير مطبقين المقولة الشهيرة " الاعمار و الاسعار بيد الله"

بينما العمال السوريين بلبنان كمان معاهم شهادات ممتاز من نمرة " معلم باطون (بيتون) و خبير كباب" فشي كتير طبيعي انو تكون رواتبهم 400$ علما انو ما بيحلموا بربع هالراتب ببلدهم

يللي صار انو بعد ما طلعوا هدول انحط بدالهم كم واحد سوري .... براتب فلكي ... 18000 ل.س ( = 350 $)

تخيلوا واحد عم يشتغل محل شخص كان يتقاضى 8000 $ باقل من 10% من راتبو ... و المصيبة انو اقل من راتب " خبير الكباب " السوري يللي كان يشتغل بلبنان

[Tarek007]

حبيب القلب كريم

انا كنت عم احكي عن طريقة المعاملة اولاً " التشفي و اخذ الثأر "

و ثانياً موضوع انو العامل السوري ...انشالة كان بالتواليتات ....ما بيقدر يطالع : تصريح عمل


.................


هلء الموضوع تبع الاجور و الخبرات .....ما لنا علاقة فيه حالياً

و يلي بيسمعك بيفكر انو ما عنا حدا فهيم


بس قصة العمالة اللبنانية صارت موضة


اذا بدك تنجح بشغلك

اعمل دورة لهجة لبناني و روح وين ما بدك ( اقل ما يمكن بسوريا )


انا بشتغل بشركة كبيرة
و عنا واحد لبناني :

شو اختصاصو ؟

ذواق !


لانوا نحنا ما عنا ذوق بنوب

هاد بس منشان الطنبرة

[silent_storm]

فليفصل ما يفصل
وليلحم ما يلحم
ويقطع ما يقطع
ويوصل ما يوصل

المهم ان فكر الصمود والتحدي ومقاومة المتامرين والمرتزقيين ومستوردي الافكار والايدولوجيات
ان يبقى قائما على راس الاولويات السياسية .