مقلاية أخوية (( الجزء التاني ))

[المستحيل]

مرحبا سيد جاد انا كتير بحب ارائك وكتير بحسك انسان رائع لهيك قررت اني اتعرف عليك اكتر لاني مسموعاتك بالمنتدى حلوة كتير معناها بعد هل الزتة بالمقلاية والاجوبة بتعرف عليك اكتر
الاسئلة هية كالأتي
1/ شو هو اجمل احساس عشتو
2/ شو بتفكر تكون وشو بتغكر وتحلم تصير
3/ شو هية الروح والقلب والعقل والجمال واليقين برأيك
4/ الوداع والفراق شو رأيك فيهم
5/ شو هية الغربة برأيك
6/شو بيعنيللك الهروب
7/ شو امنية حياتك
9/ الحضارة : كلمة اخترعها الغرب لإبدالها مستقبلأ بكلمة (الأصالة). هل الشي صح
10/معنا الانوثة الحقيقي شو هو بالنسبة الك
11/.. لا تحزن على الأمس فهو لن يعود
ولا تأسف على اليوم .. فهو راحل شو رأيك هل الحكي صح
12/ من هم افضل الشعوب
13/افضل العقول
14/ أسوأالأزمنة
15/ أسوأ الاذكريات
16/أجمل شعور
بكفي هيك وأحلى جاد يالله جاوب ناطرك

[Willi]

لعمى لعمى في سؤالين لديما نسيت جاوب عليهون

- شو بتعنيلك الصداقة ؟؟ وهل -برأيك - طبيعتها بتتغير لو كانت بين جنسين مختلفين ؟!

انو يخرب بيت الاسئلة المفزلكة
شو بتعنيلي الصداقة
الصداقة بتعنيلي كلشي
مندون الصداقة مافي صديق
ومندون الصديق مافب حدا احكي معو وفضفضلو
ومندون ما فضفض لحدا بنفجر
واذا انفجرت بروح حالي وبروح اللي حواليي

القسم التاني من السؤال ما فهمتو
يا ريت توضحيه اكتر

- لو كنت مسؤول عن وزارة بسوريا .. عن شو بتتمنى تكون مسؤول .. وليش ؟!

ولا شي
مستحيل رشح حالي لوزارة
بكل بساطة لان منصب وزير مو الي

[محمد ابراهيم]

بعض اسئله خفيفه

الجزء النفسي :هاد اختبار النسب المئويه والاجابه فيه تتراوح بين 0% و 100%
تضعها انت كما تعتقدها تماما .
1. مجنون
2.متردد
3.ذكي
4.واثق في نفسك
5.رومانسي
6.ظالم
7.مظلوم
8.تصل الى من حولك
9.تحليلك للمواقف صحيح
10.حساس
11.جذاب(بالنسبه للصبايا)
12.كسول
13.متهور
14.عنيد
15.محب للي حولك

[Varon]

تعى لهون جيت والله جابك ..
خود هالكم سؤال المعتادين تسلى فيون بعد ما نتفوك الشباب
شو اصعب موقف بحياتك؟؟
اكتر موقف خجلت في؟؟؟
احلى موقف؟؟؟؟
شو رايك بالحب والصداقة؟؟؟
مين برايك احسن انواع البنات؟
واخر سؤال شو بتعتبر المرحلة اللي حسيت انو تغيرت فيا حياتك؟
شو رايك بالاعضاء :
varon
sweetbaby
hanny dagher
kakabouda
dr.hus
layla
توت توت توت
marie sou
god father
sabe
silen
سنفورة
geeny
here i am
المستحيل

[Willi]

مرحبا سيد جاد انا كتير بحب ارائك وكتير بحسك انسان رائع لهيك قررت اني اتعرف عليك اكتر لاني مسموعاتك بالمنتدى حلوة كتير معناها بعد هل الزتة بالمقلاية والاجوبة بتعرف عليك اكتر

اي على راسي شكرا

الاسئلة هية كالأتي

يا ساتر يا رب

1/ شو هو اجمل احساس عشتو

اجمل احساس عشتو
ممممم................
يا سيدنا لما دريت انو وحدة عزيزة على قلبي كتير خطبت ورح تتزوج
فرحتلها من كل قلبي

2/ شو بتفكر تكون وشو بتغكر وتحلم تصير

شو بفكر كون يا سيدنا بالنسبة للدراسة والشغل
لساتني شوي متردد باللي بدي ادرسو
عم حط احتمالات كتير مع الطب
هلق اللي عم فكر فيه هوي الطب بس يا ترى رح ادرسو وصير طبيب؟؟
لسى ما اخدت قراري النهائي
بالنسبة للحلم حلمي كبير اذا تحقق حلو كتير
ما تحقق بفضل احتفظ فيه لحالي

3/ شو هية الروح والقلب والعقل والجمال واليقين برأيك

كلمات حلوة معانيها صعبة
لما حدا يوصل لمعانيها
ممكن انا كون قادر فكر فيها

4/ الوداع والفراق شو رأيك فيهم

كلمتين بيعنو نفس الشي
البعد
رأيي فيهون
اول فترة بتتأثر فيهون
بس الوقت بنسيك

5/ شو هية الغربة برأيك

انك تحس حالك غريب عن كلشي حواليك

6/شو بيعنيللك الهروب

الهروب هو انك تبلش بشغلة وما تكملها لمجرد تفكيرك بانك ما بتعرف تخلصها

7/ شو امنية حياتك

امنية حياتي اني شوف سوريا بلد متطورة (بكل الاصعدة) واقدر ارجع عيش فيها وما اندم على رجعتي

9/ الحضارة : كلمة اخترعها الغرب لإبدالها مستقبلأ بكلمة (الأصالة). هل الشي صح

بدك تعرفلي كلمة أصالة لجاوبك على هالسؤال

10/معنا الانوثة الحقيقي شو هو بالنسبة الك

ما عندي تعريف للاسف

11/.. لا تحزن على الأمس فهو لن يعود
ولا تأسف على اليوم .. فهو راحل شو رأيك هل الحكي صح

حلو كتير, ممكن نفكر بالامس ونشوف ليش الامس كان بحزن مشان المستقبل نقدر نتفادة هالحزن.
برأيي الاسف ما بينفع, في كتير شغلات بحياتنا بتمر بطريقة غلط اذا بدنا نوقف عند كل شغلة ونتأسف عليها فهاي رح تكون حياتنا. "اسف"
فلهيك انا بأيد هالقول

12/ من هم افضل الشعوب

الشعب اللي ما بقول انو نحنا كنا بالماضي شي عظيم
الشعب اللي بقول نحنا شي حاليا شي عظيم بس لازم نضل نشتغل لنضل عم نتقدم
الشعب اللي ما بيعتمد على غيرو بلبسو واكلو والتكنولوجيا اللي عم يستعملها
الشعب اللي ما بياكل وبينكر
الشعب اللي بيشتغل دائما وبحالو يوصل للدرجة اللي بعد اللي هوي واقف عليها

13/افضل العقول

هممممممم....(يعدمني ياك الهي على هالاسئلة)
العقول اللي بتستخدم لشي بساعد بتطور البشرية
بدل من الضحك عليها

14/ أسوأالأزمنة

من انو ناحية؟؟ ما فهمت هالسؤال

15/ أسوأ الاذكريات

للصراحة وقت برجع بذاكرتي لورا
اكيد في كتير شغالت بقول يا ريت او لو او ليش
بس بنفس الوقت بقول صارت وخلص
ما عندي ذاكرة بفكر فيها على انها الاسوأ
بس الذاكرة الاسوء هيي اللي بكون بوقتها قادر اعمل شي وما بعملو وبفكر انو ليش ما عملتو

16/أجمل شعور

على قولة الشاعرة اليسا
اجمل احساس بالكون.......انك تعشق بجنون

لا لاتصدي يقطع عمرها
اجمل شعور بنظري
لما تحس انو الناس اللي حواليك بالفعل بتحبك ومستعدة تعمل كتير مشانك

بكفي هيك وأحلى جاد يالله جاوب ناطرك

يعدمني ياك الهي ولي على قلبي
انا قلت اسألوني مو عجزوني

[Willi]

1. مجنون 30%
2.متردد 50%
3.ذكي: روح 95% (هاي قللتها كمان)
4.واثق في نفسك 83%
5.رومانسي 1%
6.ظالم20%
7.مظلوم 5%
8.تصل الى من حولك 75%
9.تحليلك للمواقف صحيح 78%
10.حساس 85%
11.جذاب(بالنسبه للصبايا) هاي بقا بدك تسأل الصبايا
12.كسول 60%
13.متهور 2%
14.عنيد 97%
15.محب للي حولك 80%

[Willi]

تعى لهون جيت والله جابك ..
خود هالكم سؤال المعتادين تسلى فيون بعد ما نتفوك الشباب

الله يخليلنا ياك
منيح ما كملت نتف

شو اصعب موقف بحياتك؟؟

اني كون مفروض اتخير بين شغلتين عزيزتين عليي

اكتر موقف خجلت في؟؟؟

والله يعني اذا اكتر موقف خجلت فيه اكيد ما رح قولو هون
وخجل حالي مرة تاني
بس للصراحة مو متذكر

احلى موقف؟؟؟؟

انسألت السؤال من قبل
بس ما لقيتلو جواب
يمكن مع الايام الجاي يصير احلى موقف

شو رايك بالحب والصداقة؟؟؟

الحب؟ بحسب ما عم شوف هالايام؟؟
مجرد تسالي لا اكتر ولا اقل
الكل بدو يحب على اساس شغلة cooooooooooooool
الصداقة سألتني ياه ديما

مين برايك احسن انواع البنات؟

رح قلك اكتر نوع بكرهو وغير هاد ما عندي مشكلة معو
اكتر نوع بكرهو هوي البنت اللي لسانها طويل

واخر سؤال شو بتعتبر المرحلة اللي حسيت انو تغيرت فيا حياتك؟

اكيد ومافي مجال للكلام بالموضوع
الفترة اللي اجيت فيها على اميركا
يعني اول ما اجيت لهلق


شو رايك بالاعضاء :

varon

ابو اللول شغلة كبيرة بعرفو من وقت كنت بسوريا ما كنت احكي معو كتير ( فيني قول ما كنت بعرفو منيح) بس هلق تعرفت عليه اكتر وصار من اكتر الاشخاص اللي بحبهون وبعزهون باخوية.

sweetbaby

رتروت
اول شخص بتعرف عليه باخوية (من اول نهار) كانت معي بنفس المدرسة بسوريا بس ولا مرة اشتلقتلها
بنت طيوبة وحبابة كتير وبتنشرب مع المي العكرة.

hanny dagher

هاني, هاد يا سيدنا هاني يمكن اول شب تعرفت عليه باخوية نظرتي الو انو حساس كتير. وبحب كل اللي حواليه. بفترة قبل ما يجي على اميركا صرنا صحبة كتير. باخر فترة ما عاد شفتو كتير

kakabouda

ابو جريج
للاسف ما بعرفو
بس بشوف مشاركاتو باخوية
بس ما بتوقع اني قادر اوصفو من المشاركات اللي شفتها الو

dr.hus

ما بعرفو (ولو انو المفروض نعرفو)

layla

ام اللول ام اللول ام اللول
لو بدي بلش احكي عنها من اليوم لبكرا مستحيل اقدر خلص
قلبها اطيب قلب ممكن اي شخص يكون عندو ياه
انسانة رائعة بكل معنى الكلمة نيالو سعيد الحظ فيها (بالفعل رح يكون محظوظ)
بس شايفة حالها علينا باخر فترة
وما تحكي معنا (مو من مستواها) بس بحقلها شو بدنا نساوي

توت توت توت

اسامة زلمة مرتب و حباب كتير وبيلقى مزح
ما صار حكي كتير بيناتنا فما بقدر اوصفو باكتر من هيك

marie sou

ما صار حكي بيناتنا

god father

كمان ما بعرفو الا من هالكام مشاركة بالمنتدى
زلمة مهيوب
بس لولا هالخمسمية علة اللي فيه

sabe

ما بعرفو

silin

ام السوس البطلة مافي منها طيوبة وحبابة كتير كمان ما عم شوفها كتير هيي التاني متقلة حالها علينا

سنفورة

ريم تعرفنا على بعض باول فترة وطلعت بتعرف جوز عمتي (استاذها)
الي شي شهرين ما شفتها بس ليش يا حزركون؟؟

geeny

جيني تعرفت عليها من فترة قصيرة كتير يمكن اقل من اسبوع
غنوة بتدخل عالقلب دغري و بدون اذن
حبابة كتير وطيوبة وذكية (بتعرف ايمت بكولك عليها)
بتمنى مع الايام اتعرف عليها اكتر و اكتر

here i am

مجد العيسى
شاعرنا العظيم
كل يوم بكتشف فيه موهبة جديدة
اشيك عضو باخوية
كل ما بيدخل عالماسنجر بحط انو اوي (بس بكون مو اوي يعني احكو معو مافي مشكلة) (هيك قالتلي ليلى انا ما دخلني هاه)
المهم
كمان من الناس اللي كتير حبيتهون باخوية
وانشالله كمان مع الايام اقدر اتعرف عليه اكتر

المستحيل

ما بعرف شي عن مستحيل بعرفو بس من مشاركاتو بالمنتدى
مواضيعو كتير حلوة
ودائما موجود باخوية
بتمنى الوقت يسمحلي اتعرف عليه اكتر واكتر

[Reemi]

كاتب النص الأصلي : Varon

شو رايك بالاعضاء :
varon
sweetbaby
hanny dagher
kakabouda
dr.hus
layla
توت توت توت
marie sou
god father
sabe
silen
سنفورة
geeny
here i am
المستحيل

شكرا لانك ما حطيت اسمي...لانك لو حطيتو..
كان شمسني ابو لسان طويل حبيبي جادو... .!

[محمد ابراهيم]

الاول كيفك في هاللحظه ؟؟
نخش عالشغل

1.عليك قراءة جميع الاسئله جيدا قبل البدء في الاجابه عن اي سؤال
2.زمن الاختبار 30 دقيقه تبدأ من رؤيه هذا الرد
3.ممنوع التحدث او الالتفات داخل قاعه الاختبار

السؤال الاول

في حياتنا نمر جميعا باوقات او مراحل سعيدة تاتي بعد تحقيق بعض اهدافنا المهمه او حدوث شيء سعيد غير متوقع حدوثه في هذه الفترة .وعلى النقيض تاتي اوقات (الله يلعنها)حزينه بعد الفشل فيتحقيق هدف او بعض اهداف مهمه او يحدث شيء حزين جدا ويكون غير متوقع.

*ماهو شعورك في الحالتين (صف بكل دقه وبايجاز في حدود سطر واحد )20 درجه لهالسؤال.


السؤال الثاني
اكتب مذكرات مختصرة عن التالي:.
1.الحب
2.الزواج
3.الصداقه
4.المدرسه
5.استاذ الرياضيات
6.بنت الجيران
7.فيروس الكمبيوتر
8.التسول (الشحاذة على قارعه الطريق)
9.القمر
10.عن نفسك

* لاحظ ان اجابتك لابد وان تكون في حدود سطرين (حتى لاتضيع وقتك ووقتنا )في القراءة والتصحيح
لهذا السؤال 20 درجه

السؤال الثالث
في حياة كل انسان يوجد شخصيتان
احدهما مصدر تفوقه وسبب نجاحه والاخرى مصدر انهياره وسبب فشله

اذكر لنا موقف فيه قمه النجاح وانسبه الى شخصيه .
واذكر لنا موقف فيه قمه الفشل وانسبه الى شخصيه.
لهذا السؤال 10 درجات
السؤال الرابع
الي اي مدى تثق بالاخر في تعاملك معه ؟؟؟
وماذا يعني لك الاخر(اي شيء ماعدا انت)؟؟
ما هي الصورة التي تعتقد ان الاخر يراك فيها ؟؟
ماهي الصورة التي تحب ان يراك فيها الاخر؟؟
لهذا السؤال 20 درجه


السؤال الخامس
عن الحب والصبايا وغرامياتك
1. هل تعتقد نفسك جذاب للصبايا(لا تقلي سألن)انا قلت (تعتقد)
2.باستثناء الصبايا الثلاثه اللي قلت لي انك تحبهم وحكيت معي عنهم .
هل هناك صبايا غيرهن تحبهن؟؟؟؟؟
3.هل تعتقد ان قلبك يستطيع ان تجلس في داخله اكتر من صبيه عنجد ؟؟(تنتين مثلا)
4.عندما تكون في مشكله غراميه .
ماذا تفضل ان تفعل (المواجهه/ الهروب /الانتظار /التهور)
5.كم مرة احببت ؟؟وهل يدق قلبك الان؟؟
6.هل تقبل ان تتفوق عليك مرتك(مستقبلا)؟؟؟
مجموع درجات هالاختبار 100درجه النجاح فيه من 70 درجه

[Kakabouda]

كاتب النص الأصلي : Reemi

شكرا لانك ما حطيت اسمي...لانك لو حطيتو..
كان شمسني ابو لسان طويل حبيبي جادو... .!

لك تحبّك حية بسبع روس ان شاء الله هلأ قوليلي كمان هو اتحركش فيكي

[محمد ابراهيم]

كاتب النص الأصلي : Kakabouda

لك تحبّك حية بسبع روس ان شاء الله هلأ قوليلي كمان هو اتحركش فيكي

خليك سبور
وكول
بصراحه جاد ما سوى شيء
وريم هي اللي بتعاكسو
وهو اشتكى الي منها كتير
حوش مرتك عنو
ولا شاطر تطول لسانك عالغلبان هاد

[Kakabouda]

كاتب النص الأصلي : محمد ابراهيم

خليك سبور
وكول
بصراحه جاد ما سوى شيء
وريم هي اللي بتعاكسو
وهو اشتكى الي منها كتير
حوش مرتك عنو
ولا شاطر تطول لسانك عالغلبان هاد

هيك قولتك

[محمد ابراهيم]

كاتب النص الأصلي : Kakabouda

هيك قولتك

ايوا

ومستعد اقول كدا في المحكمه ادام القاضي لو طلبت

حتى شوف
اقسم ان اقول الحقيقه .كل الحقيقه ولا شيئ غير الحقيقه.
على غرار المحاكم الامريكيه

[Kakabouda]

كاتب النص الأصلي : محمد ابراهيم

ايوا

ومستعد اقول كدا في المحكمه ادام القاضي لو طلبت

حتى شوف
اقسم ان اقول الحقيقه .كل الحقيقه ولا شيئ غير الحقيقه.
على غرار المحاكم الامريكيه

اذاً خليك ستاند باي

[Willi]

شكرا لانك ما حطيت اسمي...لانك لو حطيتو..
كان شمسني ابو لسان طويل حبيبي جادو... .!

لا كنت تركت اسمك بدون شي
لان حتى تشميس ما بتستاهلي

[Reemi]

كاتب النص الأصلي : Willi

لا كنت تركت اسمك بدون شي
لان حتى تشميس ما بتستاهلي

اي لسا ما اجى وقت البرونزاج............. ......



هههههييهههيههه!

[Geeny]

حيو أبو الجووووووود
خيو أنا سؤال واحد صغير ومرتب
شو مفهوم الله عندك؟ ايمت تعرفت على الله شخصيا؟ انت والله صحبة؟

[Willi]

السؤال الاول

والله يا زعيم شي طبيعي كل انسان لمى ينجح بينبسط كتير وبحس حالو شغلة كبيرة
انا نفس الشي اكيد بنبسط وبنغر بحالي بعض الاحيان

بالنسبة للمواقف اللي بفشل فيها
بحاول شيلها من راسي بس بتضل بذاكرتي وبتزعجني كتير
طبعا كتير بقول لحالي انو ما انها شي فيني ارجع عيد المحاولة وبتنجح معي بس ما بيخفي اني بضل من وقت لوقت بفكر فيها

السؤال الثاني

اكتب مذكرات مختصرة عن التالي:.
1.الحب: الحب ماني رح اشرحلك ياه من منظور شخص عاشق لاني ماني هيك بس بكل بساطة هيي اعلى درجات المودة
2.الزواج : علاقة بين تنين حابين يكملو حياتهون سوا
3.الصداقه: حلوة كتير بدونها الانسان ما بيسوى شي
4.المدرسه: المدرسة حلوة كتير يمكن اكتر مكان بخليك تتواصل مع باقي العالم (البشر) اذا قدرنا نستفيد من الوقت اللي عم نقضيه فيها رح نتخلص من الجهل اللي ضاربنا
5.استاذ الرياضيات: استاذ الرياضيات لو شو ما كان شكلو بحبو لان بحب المادة تبعو
6.بنت الجيران: امورة وحلوة كتير بس ولا مرة حاكي معها
7.فيروس الكمبيوتر: حاد يا سيدنا هلق ببعتلك واحد (وقتها بتعرف شو هوي فيروس الكومبيوتر)
8.التسول (الشحاذة على قارعه الطريق):هاي شغلة اللي ما الو مروة يدور على شغل ويشتغلو, شغلة اللي بحب يعتمد على الناس مو على حالو.
9.القمر:كوكب متلو متل باقي الكواكب الشي المختلف انو اكبر ضو من السما بالليل عم يجي منو
10.عن نفسك: انا يا معلم شغلة كبيرة واثق من قدراتي كتير بس يا اخي بتلبك دايما مع اني بعرف حالي اني قدها وقدود, خجول كتير , عنيد واللي بيغلط عليي مستحيل انسالو غلطو (انتبهو)

السؤال الثالث

اذكر لنا موقف فيه قمه النجاح وانسبه الى شخصيه .
واذكر لنا موقف فيه قمه الفشل وانسبه الى شخصيه.

ما فهمت السؤال يا ريت تعيدو بصيغة تانية

السؤال الرابع

الي اي مدى تثق بالاخر في تعاملك معه ؟؟؟

لمدى بعيد كتير
اذا الشخص ارتحتلو
بحط فيه كل ثقتي لابعد الحدود
بس كمان مو دايما الانسان بنال ثقتي

وماذا يعني لك الاخر(اي شيء ماعدا انت)؟؟

بيعنيلي كلشي ما عدا حالي

ما هي الصورة التي تعتقد ان الاخر يراك فيها ؟؟

انا واثق من محبة الناس الي
بس الناس بتشوفني اني قلبي من حجر وما بتأثر بشي (رغم اني غير هيك تماما)

ماهي الصورة التي تحب ان يراك فيها الاخر؟؟

ما بتفرق معي للصراحة
اي صورة
بس المهم ما تكون سيئة

السؤال الخامس
عن الحب والصبايا وغرامياتك
1. هل تعتقد نفسك جذاب للصبايا(لا تقلي سألن)انا قلت (تعتقد)

انواع من الصبايا (المذوقين) اي
المو مذوقين لاء

2.باستثناء الصبايا الثلاثه اللي قلت لي انك تحبهم وحكيت معي عنهم .
هل هناك صبايا غيرهن تحبهن؟؟؟؟؟

اذا بتقصد حب وغرام ومن هالحكي
لاء مافي بس هدول التلاتة اللي خبرتك عنهون

3.هل تعتقد ان قلبك يستطيع ان تجلس في داخله اكتر من صبيه عنجد ؟؟(تنتين مثلا)

لاء مستحيل

4.عندما تكون في مشكله غراميه .
ماذا تفضل ان تفعل (المواجهه/ الهروب /الانتظار /التهور)

صعب اقدر جاوبك على هالسؤال

5.كم مرة احببت ؟؟وهل يدق قلبك الان؟؟

كنت معجب بوحدة بس مافيني سميه حب
وهلق قلبي اكيد عم يدك شلون عايش لكن انا
لاء ما عم يدق

6.هل تقبل ان تتفوق عليك مرتك(مستقبلا)؟؟؟

هلق اكيد بشجعها كتير مو شوي
بس خليني كون صريح معك
انا ما بحب حدا مين ما كان يكون انو يتفوق عليي
مو شغلة شغلة مرتي

مجموع درجات هالاختبار 100درجه النجاح فيه من 70 درجه

وبكل تواضع انا اخدت 300