قاطعوا قناة العربية .. (العبرية)

[ارسلان]

للقناة أبجديتها وطريقة المُقاطعة لا تسمن ولا تغني من جوع
وبرغم أن القناة مصرة على تسمية شهدائنا بالقتلى الا انها نافذة لعدد كبير من الناس ولها متابعيها
وبقتبس من gabriel ليس من المنطق أن من تناول بخبر أو ببرنامج واقع معين يمسنا بأنه امبريالي وخائن وتجدر مقاطعته وتكفيره لدى بعض العقول

[مايا *]

كاتب النص الأصلي : gabriel

بالاخير القناة تنقل الوقائع باسلوبها اخص وهاد حقها ما بحق لنا نتفلسف ونعترض عليه .

إي غابي منتفلسف و منعترض ..
لما بسمعها من أسبوعين المزيعة عم تزيع نشرة الأخبار بتقول حرفياً :

و ننتقل إلى مراسلنا في القدس الإسرائيلية ..

هاي الكلمة عملت أكس كتير كبير عليها ..

عن إي طريقة عم نحكي .. ؟؟

[MadMax]

كاتب النص الأصلي : gabriel

بالاخير القناة تنقل الوقائع باسلوبها اخص وهاد حقها ما بحق لنا نتفلسف ونعترض عليه .

اي أكيد حقها
و كمان من حق المشاهد أنو يغيّر المحطة ..... لما بشوفها ما عم تحترم عقلو و تفكيرو

[MadMax]

كاتب النص الأصلي : ارسلان

وبقتبس من gabriel ليس من المنطق أن من تناول بخبر أو ببرنامج واقع معين يمسنا بأنه امبريالي وخائن وتجدر مقاطعته وتكفيره لدى بعض العقول

مو قصة تكفير
القصة أنو المحطة مسيسة بشكل غبي و سطحي ...... لدرجة انها ما قدرت حتى تضحك عالجمهور العربي يللي أغلبو جمهور بسيط و ببعض الاحيان ساذج

[ارسلان]

في كل نشرات الاخبار انظري جيدا لخارطة فلسطين تجدي ... كلمة اسرائيل في اكبر وسائل الاعلام والوسيلة المحسوبة على محور الممانعة مع التحفظ على المصطلح
انا لا أبرر لها هذا الخطأ ان كان مقصود بالطبع ولم تتراجع عنه

ولكن بأنصحك تعملي إكس كبير كمان للوسائل الاعلامية المشار اليها

[ارسلان]

Madmax
أفهم رأيك بكثير من الحب
الا انني لا أرى فيها الشر المُطلق بين القنوات الاعلامية, قد يظهر لديها توجه مانحيها في برناج ما, ولكن لا أرى من الصواب أن نقوم بحذفها من قائمة القنوات ارضائا لرغبة ما , وبالنسبة لانها ما قدرت تضحك على عقوول الناس فأنا معك , وبزيد ان هناك محطات ارتدت ثوب العربة والحيادية الا انو بنظري الثوب أبلته مواقف واحداث يندى لها الجبين ..
يعني بالمختصر قنواتنا ستبقى مجرد "قنوات"

[MadMax]

كاتب النص الأصلي : ارسلان

Madmax
أفهم رأيك بكثير من الحب
الا انني لا أرى فيها الشر المُطلق بين القنوات الاعلامية, قد يظهر لديها توجه مانحيها في برناج ما, ولكن لا أرى من الصواب أن نقوم بحذفها من قائمة القنوات ارضائا لرغبة ما , "

الكل صار بيعرف الظروف يللي انوجدت فيها قناة العربية ....و شو سبب وجودها ...و من ثم وجود الحرة

و الشغلة مو مقتصرة على توجه معين .. برنامج معين ...
القصة قصة نهج مرسوم للمحطة .....و ما بتقدر تطلع عنو
و مقدار تقبلك للمحطة .... مرتبط بمقدار قبولك لهالنهج و اتفاقك معو

[المحارب العتيق]

كاتب النص الأصلي : gabriel

طب نحن ليش حتى نعترض على الحكي اللي عبتنقله القناة

هلق في شي غريب النقطة من حق كل قناة تنقل الخبر على طريقته وباسلوبها الخاص بالاخير في قناة وفي ومراسلين كون القناة ما عبتنقل الاخبار بالشكل اللي عبيعجبنا هاد ما بيعني ان القناة منحطة بالاخير في وقائع وفي اسلوب يمكن كان البعض بيعترض على اسلوبها بس انا بقو لكم اقناة هي متفردة باسلوبها الشي اللي ما بيتفق معنا ما بيعني نه لازم نقاطعه ولازم مدري شو نعم معه وننسبه للصهيونية والامبريالية ومدري لفين بكرا بدها تنسب ادارة القناة .

بالاخير القناة تنقل الوقائع باسلوبها اخص وهاد حقها ما بحق لنا نتفلسف ونعترض عليه .

عمنعترض لأنو موجه بطريقة واحدة واضحة ولهدف واضح . وأقتباسك كان عن كلام قلتو لفكرة حكاها الموسيقار عن توجه القناة ضد سورية . هلأ لما كل النجاح يلي حققوا المسلسل مابيتاخد منو مثلا المنظومة الأخلاقية يلي حاول يسوقها كاتب المسلسل . ويحاول ياخد نقطة الضعف بالمسلسل كنقطة وحيدة . مابيكون حيادي أو حتى غير موجه ضد سوريا . وأنا ذكرت الجزء المتعلق بالشق السوري بسياسة القناة دون ذكر باقي مأخذي عليها وعلى سياستها . بالنتيجة أنا لا أؤمن بالمقاطعة . وعلينا أن نطلع على كل مايجري حوالينا ومن وجهات نظرهم . وهاد الشي يلي بيخليني مشغل البي بي سي . والفرنس 24 أكتر من الجزيرة والعربية . وجاوبي الأول بيشرح وجهة نظري بالتعاطي مع القناة

[SaKRaN]

شباب مافي شي اسمو اعلام حر 100% بالعالم
لازم يكون في اعلام موجه بس طبعا بتختلف فيه النسب

بالنسبة للعربية هي اكيد موجهة من الخليج وخاصة من السعودية واذا بدنا نحكي الصراحة هادا حقهم لانو عميدفعو مصاري مشان ايش ؟!؟؟
يعني هنن ليش يدفعو مصاري ومارح يستفيدو منها ؟!!
حتى قناة الجزيرة موجهة مع انو بعتبرها افضل الموجود لانو موجهة لصالحنا نحن العرب بس اذا بدنا اندقق على برامجها واخبارها ما منشوف في حيادية 100% بس افضل بكتييير من العربية !
يعني الجزيرة بدافع كتير عن قطر وبتنشر كتييير اخبار اجتماعية عن قطر وانو قطر هيك عملت وهيك ساويت وهل الشي حقهم !

اذا جينا على قنواتنا الحكومية الي عمتقص دهب من ورا الاعلانات منشوف شلون اخبار الفضائية السورية مثلا ما بتحكي شي صح الا اذا كان بجنوب افريقيا او بالبرازيل وبتكون ناقلتون نقل !!!
يعني بتلمع صورة الي داعمها فمشان هيك انا براي هل النقاش مالو لزووم لانو كل واحد حر والي ما بيعجبو العربية يروح يفتح قناة ويخليها موجهة ضد السعودية !!
بس وقتها اكيد حيجو شباب سعوديين ويسبو القناة متل ما صار هلق الشباب السوريين عمسبو القناة والسعودية !!!!!!

[ارسلان]

Madmax
أنا مُتقبل المحطة في برنامج اضائات مثلا مع تركي الدخيل ... هل سأحسب على نهج القناة وتوجهها وهل هذا يعني أنني موافق على كل ما يخرج من القناة .. لا بالتاكيد ... انا لا اتقبل دور الجزيرة المؤجج للانقلاب العسكري في غزة هذا لا يعني أنني ضد الزيرة بشكل عام بالعكس

المشكلة في التفكير العام وهو أن الامة مقسمة لدول شر محض ودول خير محض وهذا ما اراده لنا العدو الامريكي وانسقنا مع هذا التقسيم

بالغ حبي .

[phoenixbird]

كاتب النص الأصلي : ارسلان

Madmax
... انا لا اتقبل دور الجزيرة المؤجج للانقلاب العسكري في غزة

كيف بقا؟

[باشق مجروح]

أنا مُتقبل المحطة في برنامج اضائات مثلا مع تركي الدخيل

برنامج مميز وبضيف عليه صناعة الموت.

[ارسلان]

phoenixbird
بدون اعتبارها خروج عن النص الاصلي للموضوع ظهرت الجزيرة بخلفيتها الاخوانية وكانها بوق اعلامي لحركة حماس ولاحظ بأنها لا تنقل 1% من أعمال الاجرامية والقمعية لحركة حماس في غزة لا بل بالعكس تقدم التبريرات الواهية والتافهة للطرف الاخر ..

واخبرك قول السيد المراسل وائل الدحدوح الذي قابلته شخصيا وهو أن الجزيرة قناة مسيسة ولن تخرج عن سياسة قطر ولا يخفي عليكم دور قطر الاساسي في تنمية الانقلاب ورعايته حيث ان البعثة الوحيدة المتحركة في غزة هي البعثة القطرية لصالح حماس

تجدر الملاحظة أن تسيبي ليفني وزيرة الحاريجية الاسرائيلية قد انفردة مع الطاقم الاداري لقناة الجزيرة في الزيارة الاخيرة لها لقطر ..

وعليه ننعود للموضوع الاصلي وهو المقاطعة والله اذا كانت المقاطعة تحت حجة أن العربية قناة موجهة ومسيسة ضد نظام لصالح نظام آخر فتجدر مقاطعة الكل الاعلامي لانه بالمجمل كل مسيس ...

شديد حبي

[Abu ToNi]

كاتب النص الأصلي : Madmax

اي أكيد حقها
و كمان من حق المشاهد أنو يغيّر المحطة ..... لما بشوفها ما عم تحترم عقلو و تفكيرو

بس بدي اقول نقطة مهمة

في فرق بين المقاطعة والدعوة إلى المقاطعة

انت بدك تقاطع راحتكم ما حدا واقف جنبك جابرك انك تحضر القناة او جابرك تفتح الأنترنت على موقع القناة

بس انك تقول عنها مدري شو ومدري شو
انت بتكون عبتتعدى حقك خصوصا انه مافي تصريح واضح على الشي اللي عبتقوله
كله بناء على تحليلك الشخصي انت والشباب اللي هون و اللي شفتوه " واضح " وضوح الشمس عبارة عن شيء انتوا استشفيتوه بطريقتكم الخاصة فلا تعمم افكارك وتعطيها مصداقية بالاخير افكارك افكار شخصية بحتة لا تملك اي جانب موثق ومدعوم

عبتحاول تعبر عن رأيك عبر ما حدا ماسكك بس كيل الشتائم والاتهامات اللي عبتوجوه إلى المحطة هاد مانه من حقك خصوصا انك عهبتتهجم عليها فقط لأنها ما عبتتفق مع معتقداتك ونظرتك للأمور .


بالأخير اي شي ما بيتوافق معنا منرفضه هي قاعدة ماشية بكل أنحاء العالم

بس القاعدو الماشية عندنا نحن الشرقيين اي شي ما بيتفق معنا منحقره ومنسبه ونبدا من عندنا نحط له جذور وانتماءات هاد لا من حقك ولا من حق غيرك وذكرتني بالموضوع هاد وقت ياسين اعتبرني من " الشيوعيون الجدد " لمجرد اني تخالفت معه على واقع الشعب بسوريا .


بالنهاية بحب اعطيك المعلومة القانونية هي لو كانت شخصية مرموقة " بلا صغرة طبعا " بالمجتمع بحيث في الك كلمتك المسموعة ووزنك السياسي وقعدت انت او اي واحد عبيحكي هاد الحكي من حق القناة انها ترفع عليك دعوة وبدها تربحها لو شو ما صار بالأخير انت عبتشوه صورة قناة بناء على قناعة شخصية وهاد الشي غير مقبول لو كنت ساكن بجيبوتي حتى .

[Zanobia]

كاتب النص الأصلي : SaKRaN

والله شكلك (حضرتك) ما بتعرفي منيح او مو مطلعة منيح او بس بتتفرجي على الفضائية السورية وبس بتقري الثورة و تشرين والبعث !!!

فاذا كان هل الحكي صحيح فانتي اكيد معذورة لانو ما عندك خلفية عن اعلان دمشق !!
اما اذا كان الحكي الي كتبتو انا فوق مو صحيح يبقى حضرتك بتعرفي انو هنن صح بس من حبك للنظام فكل شي بيطلع ضدو بيكون غلط ! ويمكن انتي اتكوني مفكرة انو اذا بتحبي سوريا يعني لازم تكرهي كل شي ضد النظام !!!!

فلنفرض انو انتي بتحبي سوريا كتيير فانتي مفكرة انو لازم اتحبي النظام !

بس انا بحب سوريا متلك فرضا او اكتر بس ما بحب هل النظام ! ... بتصير ولا لأ؟؟؟

اذا بحب سوريا لازم احب النظام ؟؟ اذا كنت ضدو يعني انا عميل وما بحب سوريا ؟!!

اعلان دمشق انا ما حدافع عنو لانو افكارو وتصرفات اعضائو بتدل على حب وطنون وخوفون عليه

اكتير شي ضحكني الدبابة الامريكية !! وعبد الحليم خدام !!! انتي من قبل ما يهروب خدام ووقت ما كان عميسرق وينهب بالبلد اكيد كان رايك عنو انو كويس !!
بس هلق بعد هي المهزلة غيرتي رايك مو !!
اصلا من مبادئ اعلان دمشق انو يكون التغيير من الداخل وبدون عون خارجي متل العراق !
لك تحية لفداء حوراني والله ينصر اعلان دمشق


ولما لا تطبق السلطة السورية العهد الدولي الخاص بالحقوق المدنية والسياسية، والعهد الدولي الخاص بالحقوق الاجتماعية والاقتصادية والثقافية في تعاملها مع المواطنين مع أنها صادقت عليهما منذ عام 1976؟ . ألا يستحق الشعب السوري نظاما وطنيا ديمقراطيا يعمل على حفظ سيادة الوطن وحرية المواطن، ألا يستحق المواطن السوري حياة حرة كريمة وعزيزة ؟.
إن الأمانة العامة في إعلان دمشق للتغيير الوطني الديمقراطي إذ تدين، وبأشد العبارات، فرض واستمرار حالة الطوارئ والأحكام العرفية، وكل ما ترتب عليها من ممارسات قمعية وتمييزية، وهيمنة أجهزة الأمن على حياة المواطن، وطمس الحقوق الثقافية والاجتماعية للسوريين من غير العرب، وسجن المواطنين لأسباب مرتبطة بحق التعبير والتنظم التي أقرتها المواثيق والعهود الدولية، تدعو المواطنين السوريين للتعبير عن رأيهم في الأوضاع السيئة التي تعيشها بلادنا الحبيبة ويعانيها مواطنونا الأعزاء نتيجة القمع والبطش والفساد الإداري وانتشار المحسوبية والتمييز بين المواطنين واستغلال النفوذ ونهب المال العام، وتدعوهم للجهر باعتراضهم على هذه الممارسات والسياسات التي وضعت المواطنين تحت سيف القمع والبطش والحرمان والفقر، وزرعت الخوف في ضمائرهم، ودفعت المؤسسات الدستورية، التشريعية والقضائية، خارج دورها الحقيقي فدمرت الحياة الوطنية ومزقت الاندماج الوطني وعمقت هشاشة الدولة والمجتمع، وإلى العمل يدا بيد لإخراج سوريا من حالة الاستثناء بتطبيق العهدين الدوليين ورفع حالة الطوارئ وإطلاق سراح معتقلي الرأي والضمير من مثقفين وناشطين سياسيين وحقوقيين على طريق إقامة نظام وطني ديمقراطي قائم على سيادة القانون يحقق المساواة بين المواطنين.

عاشت سوريا حرة وطنا ومواطنين.
دمشق في :10/12/2007 ـــ إعلان دمشق للتغيير الوطني الديمقراطي



ا

لحظة لحظة لحظة ........... يا أخونا لحظة
لو سمحت عطيني دلالة وحدة بس دلتك إني عميلة للنظام السوري الشمولي التعسفي الديكتاتوري المجرم
عطيني لوسمحت !!

أنا إزا كان عندي موقف ضد الولايات المتحدة الأمريكية وضد شي إسمو إمبريالي وصهيوني بكون مخبرة لأحد الأفرع الأمنية في سوريا ؟؟؟؟؟؟؟؟؟
أنا إزا عندي موقف ضد قناة العربية و الزيف الدعائي لقناة العربية بكون قارئة لتشرين والبعث والثورة ؟؟؟؟
أنا إزا بكون عندي موقف داعم للمقاومة ، بكون بعثية او موظفة بالقصر الجمهوري ؟؟
ليش إنته بتعرفني ؟؟
إنته قريتلي شي غير ردي على موضوع قناة العربية ؟؟؟

على فكرة .. إنته ديكتاتور أكتر من البعثيين
السلطة بتقول أنو أي معارض للنظام هو عميل
وأنتو بتقولوا أنو أي معارض للولايات المتحدة وإسرائيل هو عميل للنظام ومخابرات .. يعني مصادرة + تجريد من الموقف الوطني .. والله عال !
ونحن نقول : الإثنان وجهان لعملة واحدة
وعودة للإعلان إنتظر مني قريباً موضوع عن إعلان دمشق وعمالة إعلان دمشق وعملاء إعلان دمشق ... وخونة إعلان دمشق ،من رياض الترك الذي طلب الدعم الأمريكي علناً والتغطية المادية والإعلامية والسياسية ، ومقترح إدراج مسودة إلى مجلس الأمن (يعني بدو المارنز أخونا) عذراً من المشرف yass الذي لم يقتنع بفكرة الدبابة الأمريكية (الإعلان دمشقية)
إلى عبد الحليم خدام الماسوني رقم 2 في سوريا رجل النفايات والـ 50%
إلى الأخوان المسلمين الجالسين في حضن السكوتلانديارد في بريطانيا وأوربا
إلى رياض سيف صاحب الإتصالات والأقنية الممتااااااازة مع الـ cia ، وقالها أمامي وبشكل مباشر وعلناً بعد أن خرج من السجن: التغيير يأتي من الخارج


من صاغ إعلان دمشق .... بالمحصلة هم نفسهم من سلموا الجولان 1967 وخانوا الخيانة العظمى وجلسوا على العرش وعلى استعداد أن يسلموا سوريا كلها
على سبيل المثال ..أنتم من لديه التباس حول عبد الحليم خدام وغيره من (معارضين) وليس نحن
النظام السوري ذكي ، بل قمة في الذكاء ، النظام الذي استطاع أن يكذب عليكم جميعاً ويوهمكم أن التناقض بين معارضة وإعلان من جهة وبين النظام واستخباراته من جهة ثانية ! هذا النظام يستحق الشهادة له بالذكاء أو الشهادة لكم ... بالسذاجة (السياسية على الأقل)

وعذراً من السيد المشرف Yass الذي طردني من أول مشاركة في هذا الموضع وقام بتجميد حسابي ولم أتمكن من الدخول والرد إلا اليوم ، كون أننا خرجنا عن موضوع قناة العربية

وأتابع معك في موضوع منفصل (إزا ما قلعوني)

[yass]

وعذراً من السيد المشرف Yass الذي طردني من أول مشاركة في هذا الموضع وقام بتجميد حسابي ولم أتمكن من الدخول والرد إلا اليوم

عالهامش: طبعا هذا الكلام كذب سافر و افتراء من الدرجة الأولى.. فكما يعرف جميع الاعضاء لا صلاحية لمشرف لتجميد حساب أبدا الا عن طريق المخالفة المتكررة جدا... و من الممكن الاثبات بسهولة جمة ان السيدة أو آنسة صاحبة الرد لم تتم مخالفتها أبدا لا من قبلي و لا من قبل أي مشرف آخر.. قد لا تكون صاحبة الرد على علم بمشكلة الملقم التي نعاني منها جميعا لكن هذا لا يعطيها الحق بالاتهام الباطل و اختراع نظرية مؤامرة لا أساس لها من الصحة

لذلك... اطالب فورا باعتذار عن هذه الاساءة الكبرى بحقي و الطعن بامانتي

[SaKRaN]

كاتب النص الأصلي : Zanobia

لحظة لحظة لحظة ........... يا أخونا لحظة
لو سمحت عطيني دلالة وحدة بس دلتك إني عميلة للنظام السوري الشمولي التعسفي الديكتاتوري المجرم
عطيني لوسمحت !!

أنا إزا كان عندي موقف ضد الولايات المتحدة الأمريكية وضد شي إسمو إمبريالي وصهيوني بكون مخبرة لأحد الأفرع الأمنية في سوريا ؟؟؟؟؟؟؟؟؟
أنا إزا عندي موقف ضد قناة العربية و الزيف الدعائي لقناة العربية بكون قارئة لتشرين والبعث والثورة ؟؟؟؟
أنا إزا بكون عندي موقف داعم للمقاومة ، بكون بعثية او موظفة بالقصر الجمهوري ؟؟
ليش إنته بتعرفني ؟؟
إنته قريتلي شي غير ردي على موضوع قناة العربية ؟؟؟

على فكرة .. إنته ديكتاتور أكتر من البعثيين
السلطة بتقول أنو أي معارض للنظام هو عميل
وأنتو بتقولوا أنو أي معارض للولايات المتحدة وإسرائيل هو عميل للنظام ومخابرات .. يعني مصادرة + تجريد من الموقف الوطني .. والله عال !
ونحن نقول : الإثنان وجهان لعملة واحدة
وعودة للإعلان إنتظر مني قريباً موضوع عن إعلان دمشق وعمالة إعلان دمشق وعملاء إعلان دمشق ... وخونة إعلان دمشق ،من رياض الترك الذي طلب الدعم الأمريكي علناً والتغطية المادية والإعلامية والسياسية ، ومقترح إدراج مسودة إلى مجلس الأمن (يعني بدو المارنز أخونا) عذراً من المشرف yass الذي لم يقتنع بفكرة الدبابة الأمريكية (الإعلان دمشقية)
إلى عبد الحليم خدام الماسوني رقم 2 في سوريا رجل النفايات والـ 50%
إلى الأخوان المسلمين الجالسين في حضن السكوتلانديارد في بريطانيا وأوربا
إلى رياض سيف صاحب الإتصالات والأقنية الممتااااااازة مع الـ cia ، وقالها أمامي وبشكل مباشر وعلناً بعد أن خرج من السجن: التغيير يأتي من الخارج


من صاغ إعلان دمشق .... بالمحصلة هم نفسهم من سلموا الجولان 1967 وخانوا الخيانة العظمى وجلسوا على العرش وعلى استعداد أن يسلموا سوريا كلها
على سبيل المثال ..أنتم من لديه التباس حول عبد الحليم خدام وغيره من (معارضين) وليس نحن
النظام السوري ذكي ، بل قمة في الذكاء ، النظام الذي استطاع أن يكذب عليكم جميعاً ويوهمكم أن التناقض بين معارضة وإعلان من جهة وبين النظام واستخباراته من جهة ثانية ! هذا النظام يستحق الشهادة له بالذكاء أو الشهادة لكم ... بالسذاجة (السياسية على الأقل)

وعذراً من السيد المشرف Yass الذي طردني من أول مشاركة في هذا الموضع وقام بتجميد حسابي ولم أتمكن من الدخول والرد إلا اليوم ، كون أننا خرجنا عن موضوع قناة العربية

وأتابع معك في موضوع منفصل (إزا ما قلعوني)

شو مشانك ؟؟؟؟!!!!!!!!!!!!!!!!!!!!!!!!!!!!!!!!!!!!!!!!!
شبك عمتردحي ؟؟ نحن هون مشان نتناقش مو مشان هيك نحكي عن الهوى ونخترع ونألف ؟ وانا قلت عنك انو انتي مخبرة لافرع المخابرات ؟!! ركزي الله يوفقك وعلى مهلك واقري كل شي كتبتو قبل شوي شوي ووحدة وحدة بدون انفعال مشان نعرف نوصل لحل واوصل فكرتي الك وتفهميها متل ما انا قصدي مو هيك متل ما انتي بتتخيليه؟!!


جيبيلي دليل واحد او جملة او كلمة قلت عنك انو انتي عميلة للنظام ؟!!

انا كلامي واضح انتي هاجمتي العربية هادا حقك وانا ما بحب العربية ولا بتفرج عليها وبعرف انو موجهة بس سبق وحيكنا انو كل القنوات موجهة وكل قناة بتمشي على سياسة معينة والي بتشوفو هي صح !
يعني الجزيرة موجهة والحرة موجهة والعالم موجهة .............الخ
بس انتي وانا يمكن انحب الجزيرة مع انو منعرف انو موجهة بس يمكن بتمشي مع عقليتنا وفي غيرنا ما بيحبها ....الخ
انا قلت انو انتي بتقري الثورة وتشرين لانو من كلامك ما بتعرفي اعلان دمشق ولا تحكيلي انو قريبك او قريبتك باعلان دمشق و قطعتي الصلة معو لانو هل الشي ما بيهمني ولا بيهم حدا هاد شي بينك وبينو !

وبعدين 1967 مين سلم الجولان ؟؟؟ اول مرة بسمع فيها هي القصة ياريت تشرحيلي ؟! كيف العرب سلمو اراضيون ؟! الا اذا كان جمال عبد الناصر عميل كمان !!!!
ياريت ما نحكي هيك من عقلنا ونحكي شي واقعي وشي موثوق وانا ناطر موضوعوعك عن اعلان دمشق وبرهنيلي انو هو عميل وانو هم نفس النظام !
بعدين انا مالي ديكتتاتور لانو انا ما اتهمتك باي اتهام متل ما امتي عمتتخيلي !!!!!!
وانتي بتحبي المقاومة هاد شي كويس واكتر الشعب السوري بيحب المقاومة بس وين مقاومة الشعب السوري ؟!!! وين مقاومة النظام ضد اسرائيل ؟؟
النظام عميقاوم الشعب مشان ما ينهار هاد هو النظام !
واذا انتي ما بتحبي النظام ليش بتكرهي اعلان دمشق ؟؟!
رياض الترك كيف عرفتي انو بدو دعم امريكي ؟!! ليكون مخربطة بينو وبين الغادري الي عايش بامريكا وهو الي بدو دعم امريكي وراح على الكونغرس وطلب بكل صراحة مساعدة امريكا لضرب النظام !!
اما رياض الترك شو عمل وشو قال ؟!!
ورياض سيف قال قدام انو التغيير بيجي من الخارج ؟!!
ليش مين حضرتك بلا صغرة ؟؟
هل الحكي كل افتراء ومالو مبني على شي دقيق ولا مصدر موثوق بس هيك عمتحكي من اجل الحكي !
بعدين ليش عمتقولي نحن اكتر من مرة ليش مين انتو بالله ؟؟؟
اعلان دمشق واضح وصريح وهو اول معارضة بالداخل السوري وهو الوحيد هلق الي اهم قياداتو بالسجن وعلى راسهم وردة سوريا فداء حوراني
اعلان دمشق طلباتها معروفة وهو تغيير سلمي ويكون من الشعب وهل الشي معروف وما تقعدي تخترعي الله يرضى عليكي والنظام غبي مالو ذكي لانو قمع اعلان دمشق وحط قيادتو بالسجن !!
اعلان دمشق مو متل الغادري ومو متل جبهة الخلاص الي فيها عبدالحليم والاخوان !
اعلان دمشق جبهة وطنية داخلية متفردة بالقرار وبدون دعم غير من الشعب السوري والله ينصرون

ياريت بس تكتبي الموضوع عن اعلان دمشق يكون مزبوط وياريت اتجيبي دليل واحد اذا بدك تتهمي اي شخص

[MadMax]

كاتب النص الأصلي : gabriel

بس بدي اقول نقطة مهمة

في فرق بين المقاطعة والدعوة إلى المقاطعة

انت بدك تقاطع راحتكم ما حدا واقف جنبك جابرك انك تحضر القناة او جابرك تفتح الأنترنت على موقع القناة

بس انك تقول عنها مدري شو ومدري شو


انت بتكون عبتتعدى حقك خصوصا انه مافي تصريح واضح على الشي اللي عبتقوله

يحرق حريشك ايمتى حاكي هالجريدة و ماني شايفها

يعني من كل عقلك في محطة بالعالم بدا تنزل تصريح رسمي .. أنو هي محطة غير موضوعية .. و هي محطة مدعومة من الخارج لتسوق فكرة معينة

كله بناء على تحليلك الشخصي انت والشباب اللي هون و اللي شفتوه " واضح " وضوح الشمس عبارة عن شيء انتوا استشفيتوه بطريقتكم الخاصة فلا تعمم افكارك وتعطيها مصداقية بالاخير افكارك افكار شخصية بحتة لا تملك اي جانب موثق ومدعوم

لا أفكاري مو أفكار شخصية .. شو في تار شخصي بيني و بين وليد الابراهيم ..؟
بس أي واحد عندو حد مقبول من التفكير و الوعي .. بتابع هالمحطة ... رح يعرف انها مسيسة و انها غير حيادية
يعني مثلاً :
لما بتنقل جلسة من مجلس الأمن ..و بتذيع كل تصريح المندوب الامريكي و هو عم يكيل الاتهامات لسوريا
و بعدين لما بيجي دور المندوب السوري ليدافع عن سوريا .. بقولو نكتفي بهذا القدر من جلسة مجلس الامن ..أكيد وقتها ما بكونو حياديين
لما بينقلوا مظاهرة الموالاة بلبنان عالهواء مباشرة ...و تاني يوم .. بيعرضوا وثائقي عن الاسماك بوقت مظاهرة المعارضة .. أكيد ما رح يكونو حياديين
لما بذيعوا اشاعة اعتقال شوكت ... بينما .. بيلتزمو الصمت لما سوريا بتنفي هالاشاعة .. أكيد بهالوقت ما بكونو حياديين
لما بذيعو خبر الهجوم الالكتروني عالمواقع السورية ... قبل ما يصير الهجوم .. أكيد مانهون حياديين ..و عالأغلب الون ايد بهيك حركات ..
و غيرو و غيرو من الأمثلة

عبتحاول تعبر عن رأيك عبر ما حدا ماسكك بس كيل الشتائم والاتهامات اللي عبتوجوه إلى المحطة هاد مانه من حقك خصوصا انك عهبتتهجم عليها فقط لأنها ما عبتتفق مع معتقداتك ونظرتك للأمور .

ليش شو بتعرف حضرتك عن معتقداتي .. ..؟

بالنهاية بحب اعطيك المعلومة القانونية هي لو كانت شخصية مرموقة " بلا صغرة طبعا " بالمجتمع بحيث في الك كلمتك المسموعة ووزنك السياسي وقعدت انت او اي واحد عبيحكي هاد الحكي من حق القناة انها ترفع عليك دعوة وبدها تربحها لو شو ما صار بالأخير انت عبتشوه صورة قناة بناء على قناعة شخصية وهاد الشي غير مقبول لو كنت ساكن بجيبوتي حتى .

وفرلي نصايحك القناة سمعتها مشوهة خلقة ....و جمهورها مقتصر حالياً ع هالكم واحد السذج يللي أغلبون من جمهور النظام السعودي و معو أنظمة الاعتدال العربي