السلطات السورية تقمع بوحشية احتفالات ليلة نوروز

[yass]

كاتب النص الأصلي : Madmax

أنا عندي ملاحظة زغيرة
انك عم تعتبر اي تصرف غلط من الجانب الكردي ... بيندرج ضمن اطار رد الفعل ..و عم تبرئهن من المشكلة تماماً

أنا شايف أنو هني كمان بيتحملوا مسؤولية جزء من المشكلة ...بالرغم من أنو الجزء الأكبر بتتحملوا الحكومة

سامر ما اعتقد انو هنن, ولما أقول هنن عم احكي عن أكراد سوريا.. عم يتحملو خطايا سوء سيط الطبقة السياسية تبعهون ان كان بتركيا أو بالعراق... يعني عم احكي عن المواطن الكردي العادي.. يبدو انو عم يتحمل خطايا ناس حتى بيجوز خارج التعاطف ما بيتوافق معهون...

لاحظ بسوريا مافي جماعات ارهابية كردية... يعني جل ما يفعلونو هي حوادث شغب غير مقبولة طبعا, لكن ليست ذات أهمية, و لو تم التعامل معها صح كان ما تخطت أكثر ما هي عليه.. يعني حوادث الشغب بتصير يوميا و بأرقى دول العالم... الرد المفرط عليها يخليها تتكرر لأنو تكسب العالم تعاطف.. يعني شوفة عيني لما تعلق بالنيروز تشوف الزعران عم يرمو حجار ع سيارات الدولة أو عالمدارس, و تشوف وراه زلمة كردي عم يحاول يمسكو و يبهدلو, و تشوف الكبار منهون يحاولو يتفاهمو مع الشرطة.. يعني عدم التعامل مع الجانب المعتدل المتزن منهون... و اللي موجود دون شك.. انما رفضهون بشكل كامل هو اللي عم يزيد المشكلة

الله وكيلك لما يخسر المدريد هون حوادث الاولتراسور و شغبهون يتجاوز كل شغب الاكراد بالنيروز

[yass]

كاتب النص الأصلي : Madmax

أنا برأيي أنو أساس المواطنة ..... هو الشعور بالانتماء للدولة (أو الوطن ) قبل الانتماء لأي شي تاني




يعني ما بعرف كيف الواحد بدو يشعر بانتماءو لسوريا .....و هو عم يحلم باللحظة يللي بدو يرتاح فيها من رب الدولة السورية

أهاااااااا تمام...

ما بدي اطرح مثال الدولة السورية... بدي اطرح نموذج جاهز و عايش فيه بس كمثال.. ما عم قول لازم نصير متلو بس انو ينفعني لشرح قصدي

باسبانيا في 18 مقاطعة, أربعة منهون معترف بها بالدستور السوري كمقاطعات قومية تاريخية.. بس مشان يصير هيك اسبانيا كنظام دولة هي دولة متعددة القوميات أو ما فوق القومية.. يعني الكاتالاني أو الباسكي قوميا هو كاتالاني... بس جنسيتو اسباني و مشارك ببرلمان اسبانيا.. لأنو نظام الحكم مانو قومي اسباني...

ما بحسو الأمثل لأنو دائما راح يكون في فرق حتى لو معنوي, مو على مستوى حقوق و واجبات... انما يظل الكاتالاني كاتالاني و الباسكي باسكي حتى بس هنن جنسيتهون اسبانية.. بقول ما بحسو الأمثل لأنو قناعتي تتنافى مع أي فكرة قومية من أي نوع... بس كنظام هو نظام جيد

عنا المشكلة انو حتى اسم بلدنا الجمهورية العربية السورية... و دستورنا عروبي و قوانيننا عروبية, فهنن كمان حاسين حالهون مهمشين و هالتهميش ولّد عندهون شعور قومي و هالشي دايما يصير ((كل قومية انما هي ناتجة عن قومية أخرى)

[MadMax]

كاتب النص الأصلي : yass

سامر ما اعتقد انو هنن, ولما أقول هنن عم احكي عن أكراد سوريا.. عم يتحملو خطايا سوء سيط الطبقة السياسية تبعهون ان كان بتركيا أو بالعراق... يعني عم احكي عن المواطن الكردي العادي.. يبدو انو عم يتحمل خطايا ناس حتى بيجوز خارج التعاطف ما بيتوافق معهون...

لاحظ بسوريا مافي جماعات ارهابية كردية... يعني جل ما يفعلونو هي حوادث شغب غير مقبولة طبعا, لكن ليست ذات أهمية, و لو تم التعامل معها صح كان ما تخطت أكثر ما هي عليه.. يعني حوادث الشغب بتصير يوميا و بأرقى دول العالم... الرد المفرط عليها يخليها تتكرر لأنو تكسب العالم تعاطف.. يعني شوفة عيني لما تعلق بالنيروز تشوف الزعران عم يرمو حجار ع سيارات الدولة أو عالمدارس, و تشوف وراه زلمة كردي عم يحاول يمسكو و يبهدلو, و تشوف الكبار منهون يحاولو يتفاهمو مع الشرطة.. يعني عدم التعامل مع الجانب المعتدل المتزن منهون... و اللي موجود دون شك.. انما رفضهون بشكل كامل هو اللي عم يزيد المشكلة

الله وكيلك لما يخسر المدريد هون حوادث الاولتراسور و شغبهون يتجاوز كل شغب الاكراد بالنيروز

أنا معك أنو المواطن العادي هو يللي بياكلها على طول .....و أنا معك أنو أغلبية الأكراد هني مواطنين عاديين و همهون الكبير هو نفس هم كل مواطن سوري ..و يللي مو تاركلو وقت يفكر لا بقومية و لا بدولة ..

و أنا معك أنو التعامل من قبل الدولة غلط .....و في تقصير كبير من الدولة بالنسبة لحقوق الأكراد

بس بنفس الوقت القضية يللي عم يطالوا فيها قضية كتير حساسة ....و بتندرج تحت عنوان أمن الدولة



بس تصور لو أنو كل سنة ......و بمناسبة معينة ... بيطلع مجموعة من الزعران ....و بطالبوا باستقلال طرطوس عن سورية ....برأيك ما كانت الحكومة رح تتعامل معهون بنفس الطريقة ..؟؟

[yass]

كاتب النص الأصلي : Madmax

أنا معك أنو المواطن العادي هو يللي بياكلها على طول .....و أنا معك أنو أغلبية الأكراد هني مواطنين عاديين و همهون الكبير هو نفس هم كل مواطن سوري ..و يللي مو تاركلو وقت يفكر لا بقومية و لا بدولة ..

و أنا معك أنو التعامل من قبل الدولة غلط .....و في تقصير كبير من الدولة بالنسبة لحقوق الأكراد

بس بنفس الوقت القضية يللي عم يطالوا فيها قضية كتير حساسة ....و بتندرج تحت عنوان أمن الدولة



بس تصور لو أنو كل سنة ......و بمناسبة معينة ... بيطلع مجموعة من الزعران ....و بطالبوا باستقلال طرطوس عن سورية ....برأيك ما كانت الحكومة رح تتعامل معهون بنفس الطريقة ..؟؟

أي هون لازم نقعد نفكر هدول ليش بيفكرو بالاستقلال... يعني يصير الأمر فيو ديالكتيك فلسفي طويل عريض..

برجع ع مثال اسبانيا .. ع أيام فرانكو كانو المناطق القومية بيتعامل معهون نفس معاملة الأكراد حاليا, يعني مانع لغاتهون و مانع تاريخهون و مانع كل شي... كان في 19 منظمة ارهابية بدها تنفصل رسمي.. يعني مو دفاعا عن حقوق بس و القتلى من الطرفين بالمئات كل سنة..

اجت الديمقراطية و عطوهون حقوق ثقافية و حقوق مقبولة نوعا ما... بدون ما يتفرط بشي من الدولة أبدا... انحلت كل المنظمات الارهابية لأنو ما بئا حدا يدعمها من هالأقليات... صار اللي كان بزماناتو يخبيهون و يمولهون هو نفسو اللي يبلغ عنهون... لأنو ما بئا يحس حالو مهمّش... هلأ هون ما بقيان غير أيتا و مالها قاعدة شعبية بنوب و عبارة عن أربع زعران

مافي جهات ارهابية كردية بسوريا و لا راح يكون في... يعني شلف الحجر يوم النيروز هاد مانو أمر شديد الأهمية.. يخوفني أكتر بكتير مثلا جند الشام و الارهاب الاسلامي.. الأكراد مانهون مشكلة.. لو في تعامل متزن معهون كان ما عملو مشاكل بنوب

[MadMax]

كاتب النص الأصلي : yass

أهاااااااا تمام...

ما بدي اطرح مثال الدولة السورية... بدي اطرح نموذج جاهز و عايش فيه بس كمثال.. ما عم قول لازم نصير متلو بس انو ينفعني لشرح قصدي

باسبانيا في 18 مقاطعة, أربعة منهون معترف بها بالدستور السوري كمقاطعات قومية تاريخية.. بس مشان يصير هيك اسبانيا كنظام دولة هي دولة متعددة القوميات أو ما فوق القومية.. يعني الكاتالاني أو الباسكي قوميا هو كاتالاني... بس جنسيتو اسباني و مشارك ببرلمان اسبانيا.. لأنو نظام الحكم مانو قومي اسباني...

أنو الواحد يفتخر بانتماءو لقومية معينة ... أو حتى دين معين ..... هاد حقو .....
بس هاد ما بيمنع أنو مصالح اسبانيا ككل بتجي بالمرتبة الاولى بالنسبة لأولويات كل هالجماعات

ما بحسو الأمثل لأنو دائما راح يكون في فرق حتى لو معنوي, مو على مستوى حقوق و واجبات... انما يظل الكاتالاني كاتالاني و الباسكي باسكي حتى بس هنن جنسيتهون اسبانية.. بقول ما بحسو الأمثل لأنو قناعتي تتنافى مع أي فكرة قومية من أي نوع... بس كنظام هو نظام جيد

عنا المشكلة انو حتى اسم بلدنا الجمهورية العربية السورية... و دستورنا عروبي و قوانيننا عروبية, فهنن كمان حاسين حالهون مهمشين و هالتهميش ولّد عندهون شعور قومي و هالشي دايما يصير ((كل قومية انما هي ناتجة عن قومية أخرى

أنا معك ( متل ما قلت بردودي السابقة ) أنو الاكراد في الون كتير حقوق مهضومة ...
بس هاد ما ببررلون أنو يطالبو بالانفصال عن الدولة السورية
المفروض يطالبوا بحقوقون المسلوبة .... مو بشي تاني

[yass]

أي انو يطالبو بالانفصال طبعا أمر غير مقبول... وحدة سوريا قبل كل شي...

الغير مقبول هو انو يتحملو كل الأكراد خطايا فئة معينة منهون عم تطالب بالانفصال... انو نحط اتيكيتة بجبين كل كردي انو هاد انفصالي لما الواقع و المعطيات تدل انو ما في هيك شي

[مايا *]

راح قلك وين بالغت ياس , لما قلت مثلاً :

و بيتجوزو منا و بنتجوز منهون على عكس فئات أخرى من الشعب ما حدا بيسترجي يقول عنها انو "مو منصهرة".

هون بدك تسمحلي .. الأكراد ما بيتجوزو غير من بعضهون ..

حتى بالمزهب اليزيدي التابع إلهون ما بيتجوز مريد من شيخ او العكس ..
أزا صدفت و صارت بتكون حالة نادرة جداً و كتير .. !!
( و أنا بهاي النقطة تحديداً معهون )
ما بعرف ليش إستعنت بهاي النقطة . انا ما قصدت هاد الإنصهار ..
انت عم تقول دكاكينهون و بيوتون .. صح بس مو بخاطرهون ,..
أنا عم أحكي عن الإنصهار الإيجابي .. الي بيحتم عليهون يندمجو بالمجتمع لنقول ثقافياً مسلا ..
نسبة الأمية عندون رهيبة .. ليش .؟ كمان الدولة بتمنعهون إنهون يروحو مدارس و يتثقفو و يطرحو قضيتهون بشكل منطقي و عقلاني .. ؟؟

متل ما قلت بالاول .. أنو عندون يا كل شي كردي يا و لا شي .. !!


صار بالموضوع مبالغة لما إنقال أنو الكردي ممنوع من اللبس الكردي ,و لأنو ما بظن انو هاد الشي صحيح إلا إزا عن جد تغير كتير من آخر مرة كنت فيها بسوريا

كاتب النص الأصلي : yass

الكاتالاني كاتالاني و الباسكي باسكي حتى بس هنن جنسيتهون اسبانية.. بقول ما بحسو الأمثل لأنو قناعتي تتنافى مع أي فكرة قومية من أي نوع... بس كنظام هو نظام جيد

)

طيب رغم انو هاد النموزج الأنسب من وجهة نظرك .. الي بتفق معك فيها ..

ما بيمنع هاد الشي من أنو نسمع بين الفترة و التانية مشاكل و مظارهات بتوصل لحد التخريب و هدفها
// مطالبة باستقلال اقليم الباسك !! //
و بتدخل الشرطة و بيوقع جرحى .. و أوقات قتلى ..
و نفس الشي راح يصير عنا
أمن الدولة مطلوب باي بلد مو بس بسوريا ..
يعني كيان بقلب دولة .. و علم غير العلم .. ما كتير راكبة معي ..
و برجع بقول حلم الأكراد ما بيوقف عند لغة او لبس كردي .. لا حلمون اكبر من هيك ..

[yass]

هون بدك تسمحلي .. الأكراد ما بيتجوزو غير من بعضهون ..

حتى بالمزهب اليزيدي التابع إلهون ما بيتجوز مريد من شيخ او العكس ..
أزا صدفت و صارت بتكون حالة نادرة جداً و كتير .. !!
( و أنا بهاي النقطة تحديداً معهون )
ما بعرف ليش إستعنت بهاي النقطة . انا ما قصدت هاد الإنصهار ..

بس مو كل الأكراد يزيدية.. في نسبة كبيرة منهون سنيين و هدول مخالطينا تماما (جوز عمتي كردي!!) و أما اليزيديين منهون فمتلهون متل كل طوائف البلد ما تجوّز الا ببعضها

انت عم تقول دكاكينهون و بيوتون .. صح بس مو بخاطرهون ,..

شلون يعني مو بخاطرهون؟؟ ما فهمت يعني هنن لهالقد ولاد حرام يبطنون الكراهية و على أدنى حركة بدهون يطعنونا و عم يتضحكو علينا... و الله الأمر ما بعرف كيف.. عن جد ما عندي رد ع هالحكي

نا عم أحكي عن الإنصهار الإيجابي .. الي بيحتم عليهون يندمجو بالمجتمع لنقول ثقافياً مسلا ..
نسبة الأمية عندون رهيبة .. ليش .؟ كمان الدولة بتمنعهون إنهون يروحو مدارس و يتثقفو و يطرحو قضيتهون بشكل منطقي و عقلاني .. ؟؟

في نسبة كبيرة منهون ما بيطلعلهون يروحو عالمدارس لأنو ببساطة ما عندهون هوية... و المتمدنين منهم (العايشين بالمدن) على قدر مقبول من الثقافة يتماشى مع المستوى السوري و منهم كثار جامعيين, و قضية طرح قضيتهون بشكل عقلاني.. يعني ما بعرف كيف الشكل العقلاني؟ يا ستي أنا اعتبرهون (الأكراد السوريين) عقلانيين جدا, و رغم كل شي ما عم يعملو مشاكل ذات أهمية.. يعني خناقات العشاير بالجزيرة أخطر و أكثر دموية من كل أحداث الأكراد مجتمعين

الدولة ما تمنعهون يروحو عالمدارس... الدولة عم تمنعهون يتعلمو ثقافتهم.. يعني صعبة انو تكون بأقلية مهمشة.. كيف بدو الواحد يعلّم ابنو انو حبيبي نحنا كراد لما بالمدرسة الابن عم يتعلم تربية قومية اشتراكية شوفينية عروبية... ما عم يتهمشو بالاساس هون.. بيحس حالو برا السرب رأسا..

متل ما قلت بالاول .. أنو عندون يا كل شي كردي يا و لا شي .. !!

أنا هون شايف المبالغة, و هون شايف مع شديد احترامي و تقديري الك لفحة تعميم عنصري تشابه اعتبار كل السنة اخوان مسلمين يا وهابية... أكرر... مع احترامي و تقديري

صار بالموضوع مبالغة لما إنقال أنو الكردي ممنوع من اللبس الكردي ,و لأنو ما بظن انو هاد الشي صحيح إلا إزا عن جد تغير كتير من آخر مرة كنت فيها بسوريا

أنا ما حكيت عن اللباس الكردي بنوب

ما بيمنع هاد الشي من أنو نسمع بين الفترة و التانية مشاكل و مظارهات بتوصل لحد التخريب و هدفها
// مطالبة باستقلال اقليم الباسك !! //
و بتدخل الشرطة و بيوقع جرحى .. و أوقات قتلى ..
و نفس الشي راح يصير عنا
أمن الدولة مطلوب باي بلد مو بس بسوريا ..
يعني كيان بقلب دولة .. و علم غير العلم .. ما كتير راكبة معي ..
و برجع بقول حلم الأكراد ما بيوقف عند لغة او لبس كردي .. لا حلمون اكبر من هيك ..

أي في مظاهرات و أحداث شغب...لأنو دائما في متطرفين... بس بدون أهمية. و مافي قتلى بمظاهرات.. من 30 سنة ما صار في قتيل بمظاهرة باسبانيا... و في مظاهرات يوميا بكومة شغلات.. و ما تتقارن أحداث شغب المظاهرات بحوادث شغب ملاعب الفوتبول مثلا...

طيب رغم انو هاد النموزج الأنسب من وجهة نظرك .. الي بتفق معك فيها ..

شايفة شلون مانك معي ليكي ردي

بقول ما بحسو الأمثل لأنو قناعتي تتنافى مع أي فكرة قومية من أي نوع... بس كنظام هو نظام جيد

مافي شي مثالي... أنا قلت انو جيد.. بمكانو و زمانو جيد, و حكيتو كمثال وضّحت انو مثال بعيد لتبيان فكرة... ما قلت انو لازم يتطبق بسوريا.. لاحظي حكيت انو

ما بدي اطرح مثال الدولة السورية... بدي اطرح نموذج جاهز و عايش فيه بس كمثال.. ما عم قول لازم نصير متلو بس انو ينفعني لشرح قصدي

[أسير التشرد]

شو بصير لو كان للاكراد دولة مستقلة..؟

[مايا *]

طيب مني ,,

و ماعاد عندي شي ضيفو ..

هامش : لاني طائفيي و لاني عنصرية .. بس من جزور كردية ..


.

[أسير التشرد]

كاتب النص الأصلي : مايا *

طيب مني ,,

و ماعاد عندي شي ضيفو ..

هامش : لاني طائفيي و لاني عنصرية .. بس من جزور كردية ..


.

طلعتي كردية يا مايا ام نجمة..!!؟
يعني بتعرفي انو للاكراد مقاصد تانية من حالات التظاهرات اللي بتصير بالمنطقة..؟
متل المطالبة دولة مستقلة..او بشي حكم ذاتي.. مثلاً..؟

[BL@CK]

كاتب النص الأصلي : شب الكوبة

انتي ياما ما فهمت عليي يا اما ما بدك تغهم

و شغلة تانية كان قصدي بباقي الدول الدول يلل موجودين فيها الاكراد كجزء من المجتمع .. مو كلاجئين

عفوا ً بإعتبار ما في معرفة مسبقة بيناتنا بتخاطبني بلهجة المذكر يعني " إنت "

المهم و لأوضحلك الأكراد بألمانيا جزء من المجتمع مش لاجئين .. !!

بتوقع إني عندي إدراك كافي لأفهمك , حضرتك طلبت مقارنة بين وضع الأكراد بسوريا و وضع الأكراد بغير دول ..

و هاي جبلتك مقارنة عمليّة , فيك تسأل أي حدا عايش بألمانيا ..

أخيرا ً بتوقع عندي الإدراك الكافي لأفهم حكيك ما بتوقعك عم تحكي فلسفة ليكون حكيك مش مفهوم ..!!

[مسطول على طول]

شكراً ياس على المداخلات الرائعة أنا معك بـمعظم ماقلتة ولا امتلك الكثير لاضيفة وخاصتاً أن وضع أكراد الشام مختلف عن الشمال أو الشمال الشرقي ,

أثرية الموضوع

.. بس من جزور كردية ..

كشفتلنا هل الجذر الي كان مخبا .. وخليتو يشعبر

[L.A.]

كاتب النص الأصلي : فاوست

مرة أخرى تتصدى القوى الأمنية السورية، وقوات حفظ النظام التابعة للداخلية السورية، للاحتفالات السلمية الحضارية الكردية، فلقد تم مساء اليوم الخميس 20 مارس / آذار هجوم أمني سوري كاسح على المواطنين الكرد العزل في كل من مدينتي قامشلو وحلب، وذلك بالرصاص الحي والهراوات المطاطية والغازات المسيلة للدموع ورش المياه بوساطة الإطفائيات على الناس المتجمهرين احتفالاً بقدوم نوروز.
ففي مدينة " قامشلو " ( شمال شرق سوريا ) تجمع الناس في الطريق المؤدي إلى بلدة " عامودا "، وحاول الأمن السوري وقوة حفظ النظام وقطعة من الجيش النظامي بداية تفريق المحتفلين عبر رشهم بمياه الإطفائيات التي جلبت خصيصاً لذلك وإطلاق الغاز المسيل للدموع، ولما لم تفلح في تفريقهم لجأت إلى إطلاق الرصاص الحي على المتجمهرين، ما أدى كحصيلة أولية إلى مقتل ثلاثة شبان برصاص الأمن
كما ويلاحظ في " قامشلو " هدوء وخلو الشوارع من المارة بعد فرض حظر التجول في المدينة عقب الأحداث. (شو مافي غير كراد بالقامشلي)

بداية.....مع احترامي لناقل الخبر
في فبركة واضحة من كاتب الخبر و اللي حسب ما مبين من تعبيرو إنو "كردي"

أولا : الإحتفالات ما كانت سلمية و حضارية لأنو الأكراد قطعوا طريق عامودا و منعوا بني آدم يسافر من هاد الطريق و أشعلوا الدواليب بكل مكان عدا عن الأعيرة النارية اللي رح احكي عنّا

ثانيا : قوات الأمن ما نفذت هجوم بل حاولت إنو تحاوط بعض المحتفلين منعاً لتطور الأحداث اللي بدأت بشكل تجمعات سياسية طالبت بالإستقلال عن سوريا و الإطفائيات كانت لإطفاء الدواليب اللي سكّرت الشوارع.....هي احتفالات؟؟

ثالثا : الأكراد ما كانو عزّل...أصلا مين بدأ باطلاق الرصاص على أفراد الشرطة حتى قبل ما يجي الجيش و مين بدأ يسب و يشتم بالدولة و ايدور بأعلام كردستان في الشوارع و يطلق الرصاص بالهوا

رابعا : شو هدوء و حظر تجول مين فرض على مين....الله وكيلكم الله وكيلكم مبارح خلصت القصة بساعتين تلاتة حتى إنو احتفلوا بالأعراس بالليل (كتيير بيتجوزوا الأكراد بهاد اليوم)



و أخيرا و حسب مشاهدتي الشخصية.....الشرطة كانت تحاوط الأكراد متل أي مظاهرة أو مسيرة بأي مكان
لكن المتجمعين بلشوا يضربو حجر و شحاطات و رصاص و ما إلى زلك و من هون بلّشت القصة و اتطورت الأحداث
اشتغلوا الإطفائيات و ما نفعوا و استدعوا مكافحة الشغب و ما نفعوا و الغاز المسيل ما نفع و هربت الشرطة و هربوا العالم و احترقوا عيوني و ما شفت قدامي و هربت أنا كمان و نفدت بريشي
و احزروا مين وصل آخر شي!!!.....الجيش اي الجيش
بعد ما علقت مزبوط استدعوا الجيش و بلّشوا قواص بقواص

و بزكّر إنو عدة طرق-مو بس طريق عامودا- أغلقت و صار فيها تجمعات (الغربية_السياحي_قدور بك_الهلالية)



فاوست

[المحارب العتيق]

من فترة والأكراد عم يغنوا خارج لحن الوطن
وما بعتقد من مصلحة أي جهاز أمني أو مسؤول تسخين الوضع

[المحارب العتيق]

من فترة والأكراد عم يغنوا خارج لحن الوطن
وما بعتقد من مصلحة أي جهاز أمني أو مسؤول تسخين الوضع قبل القمة العربية . فيعني باينة أسباب المشاكل يلي صارو يعملوها الأكراد من لما أجا الجيش الأميركي على العراق . البعض ماعند عندو أي وطنية حتى بالخبر ذاكرينها قامشلو مو قامشلي . وكانو حاملين علام كردية . بقال مو معقول نتركون يعملو يلي بدون ياه . ويتعرضوا لرجال الأمن . وبعدين نتركم ينسلخوا عن سورية ونقول ياريتنا كنا ردينا
لو كانوا وطنيين عن حق ومظاهراتون محقة . كنا شفناهم عم يتظاهروا ضد الغلاء والأحوال الأجتماعية السيئة . مو حاملين علام كردستان وعم يسبوا سورية

[مايا *]

بعيد عن الموضوع الرئيسي :

كاتب النص الأصلي : أسير التشرد

طلعتي كردية يا مايا ام نجمة..!!؟

أنا مالي كردية , أنا إنتماءي سوري و قوميتي سورية للعضم .. يعني الأصل شي .. و الإنتماء شي تاني ..

قلت أصلي كردي ... يعني جدي التاني .. و ما ورتنا شي عن الكردنة إلا الآغاوية الي طارت و الأراضي الي شلحتهون ثورة 8 آدار ..
و ما كتبت هالـ شي لإحكي بالسياسة إلي بكرر إني ما بفهم فيها
كتبت لإدحض إتهامي بالعنصرية .. لو كنت فعلاً لكنت سقت معكون و سقفت لأسطوانة عقدة النقص و الإضطهاد الي بدو يبلعونا اياها ..

كشفتلنا هل الجذر الي كان مخبا

مشاركتي هامش بتقدرو تحزفو مع الي قبلو .. بس نقطة حبيت وضحها ..

[فاوست]

أولا أنا ما قلت أني مع إقامة دولة كردية انا ضدد إقامة دول كردية متل ماني ضد إقامة دولة عربية أي على أساس عربي
أنا مع إقامة دولة ديمقراطية تعددية مدنية الإنتماء الاول فيها للمواطنية ويعامل الجميع كمواطنين

لكن انا قلت لا نستطيع نمنع الكردي القومي من الحلم بالدولة الكردية كما اننا لا نستطيع ان نمنع القومي العربي أو البعثي مثلا من أن يحلم بالدولة العربية الواحدة
أنا لم أقل أن الاكراد يريدون دولة مستقلة انا قلت هناك عدد من الأكراد من يحلمون بكردستان ولانستطيع ان نصادر من اي أحد حلمه لكك وكما قلت جميع الأحزاب الكردية في سوريا تطالب بالوطن السوري الواحد الذي يكون فيه كل المواطنين سواء
بعض الأكراد يستخدمون كلمات مثل كردستان وهم ولو قالوها فهذا لا يعني بأنهم يريدون الإنفصال فكلمة كردستان كما قلت تعني أرض الأكراد وبالتالي هذا صحيح فالأرض التي يعيشون عليها هي أرضهم كما نسمي مناطق أحياناً بأنه للعرب
على كل سياسة النظام الحالية ستزيد من الشعور بالإنفصال عند بعض الاكراد وستولد شعوراً لم يكن موجود عندهم سابقاً
فأي شريحة عرقية أو دينية حتى تندمح في المجتمع يجب أن تعطى كل حقوقها
فكيف الحال مع الأكراد الذين يملكون كل مقومات الدولة لكن هم لايردونها بالرغم من ان النظام يقمعهم ويضطهدهم
بالنسبة للباس الكردي هل سمعتم بان عمال مطعم إعتقلوا منذ سنة تقريبا بسبب وضعهم للخيط الكردي الملون في معصمهم لن نذهب بعيداً إلى سنة من فترة أيام قليلة تم إعتقال خياطين في دمشق بسبب خياطتهم لأزياء كردية تقليدية من اجل نيورز وإليكم الخبر
علمت لجان الدفاع عن الحريات الديمقراطية وحقوق الانسان في سورية, ووفقا لمصادر حقوقية سورية: أن دورية تابعة للأمن السياسي بدمشق، اعتقلت يوم 13 / 3 / 2008 أربع أشقاء ثلاثة منهم يعملون في إحدى ورشات الخياطة بدمشق، والرابع كان في زيارة لهم، وهم
1- جمعة عبد العزيز حمدو
2- أحمد عبد العزيز حمدو
3- محمد أمين حمدو
4- بهمن عبد العزيز حمدو. وهذا الأخير كان في زيارة أشقاءه الثلاثة الذين يعملون في إحدى ورشات الخياطة بدمشق
ووفق المصادر الحقوقية السورية,يعتقد أن يكون اعتقالهم جاء بذريعة خياطتهم لألبسة فلكلورية من التراث القومي الكردي. حيث تم اقتيادهم إلى جهة مجهولة، دون بيان أسباب الاعتقال أو وجود مذكرةتوقيف أو حكم صادر من الجهات القضائية المختصة. ولا يزال مصيرهم مجهولاً حتى لحظة كتابة هذا التصريح
وأيضا وفقا لمصادر حقوقية سورية ,بأن مجموعة من طلبة الثانوية في ثانوية أبي ذر الغفاري بمدينة الحسكة،تعرضوا للتحقيق من قبل جهات امنية سورية ,وبوجود ادارة المدرسة,وحسب نفس المصادر فأن الطلبة تعرضوا لمعاملة سيئة ومهينة,وبمشاركة ادارة المدرسة,ويعود السبب في ذلك الى وقوف مجموعة من الطلبة في يوم الأربعاء الثاني عشر من آذار، الساعة الحادية عشرة صباحاً، ولمدة خمس دقائق بذكرى الأحداث المأساوية التي وقعت في 12آذارعام 2004
إننا في لجان الدفاع عن الحريات الديمقراطية وحقوق الإنسان في سوريا ندين اعتقال الاخوة من المواطنين الأكراد ، ونبدي قلقنا البالغ على مصيرهم المعتقلين تعسفيا،ونطالب الحكومة السورية بالكشف عن مصيرهم , والإفراج عنهمكونهم مارسوا حقهم الأساسي في التعبير الذي يضمنه الدستور السوري ، المعطل بموجب حالة الطوارئ غير الدستورية ،كما تبدي قلقها البالغ لظاهرة هيمنة الاجهزة الامنية على كل مرافق الحياة العامة ، وتعرض الطلبة للترويع والاهانة من قبل العناصر الامنية فقط لانهم مارسوا حقهم في التعبير السلمي والحضاري .
وإن ( ل د ح ) ترى أن هذه الاجراءات تصطدم مع العهد الدولي الخاصة بالحقوق المدنية والسياسية ،والعهد الدولي الخاص بالحقوق الاقتصادية والاجتماعية والثقافية ، والاتفاقية الدولية للقضاء على جميع أشكال التمييز العنصري والاتفاقية الدولية لمناهضة التعذيب ، واتفاقية حقوق الطفل ، وجميع هذه الاتفاقيات صادقت عليها سورية ،، وايضا تصطدم مع مع توصيات اللجنة الدولية المعنية بحقوق الإنسان ، ومما يشكل انكارا لمبادئ ميثاق الأمم المتحدة، وانتهاكا لحقوق الإنسان والحريات الأساسية المعلنة في الاعلان العالمي لحقوق الإنسان .
وفي هذا السياق نطالب الحكومة السورية بالإفراج عن كافة المعتقلين السياسيين ومعتقلي الرأي, واتخاذ التدابير اللازمة لضمان ممارسة حق التجمع السلمي ممارسة فعلية، و اتخاذ الإجراءات اللازمية والعاجلة بما يكفل إلغاء كافة أشكال التمييز بحق المواطنين الأكراد ، وان تتيح لهم إمكانيات التمتع بثقافتهم واستخدام لغتهم وفقا للعهد الخاص بالحقوق المدنية والسياسية ، والعهد الخاص بالحقوق الثقافية والاجتماعية والاقتصادية واتخاذ الإجراءات الفورية الفعالة للإلغاء نتائج احصاء عام 1962 وتبعاته,وكذلك العمل على تنفيذ التوصيات المقررة ضمن الهيئات التابعة لمعاهدات حقوق الإنسان الدولية والإقليمية ,والوفاء بالتزاماتها الدولية بموجب تصديقها على المواثيق الدولية المعنية بحقوق الإنسان
دمشق 15\3\2008
لجان الدفاع عن الحريات الديمقراطية وحقوق الإنسان في سوريا
مكتب الأمانة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يعني بالأضافة إلة منع الجمعيات الثقافية الكردية ومنع الأكراد التكلم في لغتهم في وظائف الدولة ومنع طبع الكتب الكردية كل هذا سيزيد من الشعور الإنفصالي لديهم وخصيصاً بأنهم يملكون الأرض وجوارهم هناك اكراد أيضاً في الدول المجاورة يعني هذه المشاكل لم نكن نسمع بها سابقاً أي جدودنا لكن بعد دول الوحدة المزعومة مع عبد الناصر بدأ الأكراد يحسون بالإضطهاد وزاد هذا الإضطهاد مع تسلم البعث ومن ثم بعد إنقلاب حاقظ الأسد