اغتيال عماد مغنية في دمشق ... يا عيب الشوم علينا

[شب الكوبة]

يعني انا ما بستغرب يكون للنظام السوري ضلوع بالموضوع يعني تقديم ورقة للاميركان مقابل عدم توجيه المحكمة الدولية نحو سوريا خاصة في ظل عدم ثقة حزب الله بسوريا وهيدا الشي انا سامعو شخصيا من كذا مسؤول بحزب الله منهم نائب الأمين العامز يعني بضل النظام السوري مستعد يبيع مين ما كان مقابل بقاؤوا في الحكم والدليل انو تحقيق حزب الله بالقضية منفصل عن التحقيق الرسمي السوري.

اي شو هالورقة الخازوقية ليكوينن مبارح طلعوا قرار مشان فرض عقوبات جديدة ع دمشق ..
كمان شو ما فينا نقدم ورقة غير بهالأسلوب الغبي يللي ما بيطلع منو ولا عشر1\10 ورقة


كمان شو انتي بتعرف اكتر من السيد حسن أو ايران .. كلن قالوا هي اسرائيل .. في حين أصحابك تبعون 14 شباط و اولن جنبلاط فورا و كالعادة اتهموا سوريا

على كلن سوريا ما الها مصلحة ابدا ابدا بهالموضوع

ياسلام ..
يعني مدام القيادات تبعتك بحزب المدري شو اسمو مو واثقين بسوريا وبالنظام السوري شو قاعدين عبيعملو بعض القيادات لعنا هلأ ..
وهو هادا زاتو اللي مات شو كان عبيمعل بسوريا
مدام مالك ثقة بسوريا والنظام السوري
فرقونا يا اخي
لعبو بعيد من عنا .. منيح اجت من طرفكن مو من طرفنا ..
اخي بلا هيك ثقة ..
وبيني وبينك بترتاحو وبتريحو ... ووالقيادات اللي سمعت منا هاحكي كمان
يعني اول الشي منرتاح منكن ومن وجع راسكن .. وبتلعبوا بعيد عنا لانو نحن ماناقصنا اللي عنا بكفي
بعدين بركي اميركا بتحل عنا شوي لما بتلعبوا بعيد عنا كمان ..

يعني ع الطرفين نحن ربحانيين ..
الحمدلله انو طلع اخيرا سبب يخليكن تبعدوا عنا شوي وترتاحو وتريحو

درر

[fady juventus]

كاتب النص الأصلي : شب الكوبة

يعني ما شاءالله ثقافة الانهزام ع أصولها

هاد النصر وهم بالنسبة الك ... بس بالنسبة لأغلب الشعب العربي و الاسلامي هو واقع وسيتحقق ان شاءالله

مرحليا ليس المهم النصر بحد ذاته بل النضال من أجل تحقيق النصر

وفي النهاية اذا الشعب يوما اراد الحياة....... فلا بد ان يستجيب القدر "ع قولة سمير جعجع مبارح"

اجل يا صديقي رح نطردهم كما طردنا الصليبيين والمغول والاتراك والغرب كما طردناهم من الجنوب كما طردناهم من غزة
سنطردهم من حبل الغسيل ومن اناء الزهور سنطردهم من حجارة هذا الطريق الطويل ......

و ما بدنا منك شي لا انتي ولا غيرك بس" فكوا عنا" متل ما قال السيد حسن


ترونه بعيدا ونراه قريبا و دائما مع احترامنا لرايك الاخر

أنا واقعي .. و إذا قلت رأيي مو معناتا ما بدي اسرائيل تنتهي وماني انهزامي .. وااااقعي
بقى يستر عرضك خليك بعيد عني لأني شبعان خطابات

[yass]

يرجى الابتعاد عن الشخصنة بالحوار و الالتزام بالرد على الافكار دون اقحام الشخص

مصطلحات مثل "أصحابك" "أسيادك" " حل عنا" ...الخ ياريت ما تستعمل مشان ما اضطر آسفا اني احذف الرد


شكرا للتعاون

[fady juventus]

كاتب النص الأصلي : yass

يرجى الابتعاد عن الشخصنة بالحوار و الالتزام بالرد على الافكار دون اقحام الشخص

مصطلحات مثل "أصحابك" "أسيادك" " حل عنا" ...الخ ياريت ما تستعمل مشان ما اضطر آسفا اني احذف الرد


شكرا للتعاون

صح معلم ياس و شكراً لتدخلك
يا ريت الكل يلتزموا بهالشي

[ظل جيفارا]

يا شباب .... انا طبعا وبعد تقديم التعازي بوفاة الشهيد .... بقول ....
طبيعي نلاحظ انو نسبة الامن اللي كنا نحكي فيها بسوريا انخفضت كتير اخر فترة
بس ممكن نحس نفس احساسي انو في ناس من داخل الأجهزة الأمنية باعوا ضميرهن لتمر العملية بنجاح وسلام ....>
هيدول الخداميين اللي من مصلحتن يضلوا على رأس عملهن مشان يخربوا بزيادة ...
لازم نفكر منيح
تحياتي الحارة
ظل جيفارا

[toocoolfriend]

شايف الشباب عملوني 14 آذار!! وأسيادي جنبلاط ومدري مين
عكل حال انا قلت مجرد تخمين نشالله ما يكون صحيح

[فاوست]

يعني منذ فترة دخل المراسل الحربي لصحيفة إسرائيلية إلى سوريا بالرغم من إستخدامه لاسمه الحقيقي
مع العلم ان أجهزة الأمن السورية تتلقى أي مواطن سوري من المطار حتى لو كان قد كتب مقال ضدد النظام منذ عشرين سنة!!!!

منذ شهر أِستنفرت كل الأجهزة الأمنية من أجل أجتماع المجلس الوطني لإعلان دمشق
لكن الإنفجار حصل في منطقة مليئة بالأفرع الأمنية المخابراتية ولم تأتي اجهزة الامن إلا بعد الإنفجار

فما هو نفع قانون طوارئكم والأحوال العرفية،أليست كل قوانينكيم ومحاكم الإستثنائية هي موجهة ضدد الشعب السوري وتغفو عن العدو

فليسقط هذا النظام العميل
والحرية لسوريا من الإحتلال الأسدي

[ayhamm26]

كاتب النص الأصلي : فاوست

يعني منذ فترة دخل المراسل الحربي لصحيفة إسرائيلية إلى سوريا بالرغم من إستخدامه لاسمه الحقيقي
مع العلم ان أجهزة الأمن السورية تتلقى أي مواطن سوري من المطار حتى لو كان قد كتب مقال ضدد النظام منذ عشرين سنة!!!!

منذ شهر أِستنفرت كل الأجهزة الأمنية من أجل أجتماع المجلس الوطني لإعلان دمشق
لكن الإنفجار حصل في منطقة مليئة بالأفرع الأمنية المخابراتية ولم تأتي اجهزة الامن إلا بعد الإنفجار

فما هو نفع قانون طوارئكم والأحوال العرفية،أليست كل قوانينكيم ومحاكم الإستثنائية هي موجهة ضدد الشعب السوري وتغفو عن العدو

فليسقط هذا النظام العميل
والحرية لسوريا من الإحتلال الأسدي

كلام درر وبيلخص اساس المشكلة لانو مستعبدين الناس و ممنوع الواحد يفتح تمو بحجة المعركة ومصاري الدولة كلها عم تروح على اجهزة المخابرات والجيش وما عم نشوف نتيجة وكل يوم بتطلع قصة بتبين بشكل اوضح بشاعة هالنظام وحقيقتو

[الراصد السوري]

يعني لما بقرأ الردود في عناية وكل مصداقية بشوف أنها هي حملة شنيعة ضد النظام الحاكم

وعم تحمله المسؤولية .. يعني منطقة التفجير صارت في تجمع كبير فارغ لركن السيارات

ومكان تجمع سكاني من يقطنه هو من أغنياء مدينة دمشق والسكان الأصليين كفرسوسه للشام

وبعيد مسافة عن أجهزة الأمن وأمن الدولة وقريب كتير على مكان المركز الثقافي العربي وكلنا نعرف أن يد

الغدر الصهيونية الأمريكية المتعربة الغادرة إنها عن طريق أحد الخونه والمأجورين إستطاعوا النيل من

القائد الحاج رضوان ( عماد مغنية ) رحمة الله عليه ورضوانه .. وكل من قام وخطط ودبر فهو خائن للضمير

السوري وخائن الأمة العربية و الإسلامية وخائن لعروبته إن كان مأجوراً متآمراً .. والأيام ستكشف ذلك ونحن أيضاً

[الراصد السوري]

[quote=فاوست;915139]

لكن الإنفجار حصل في منطقة مليئة بالأفرع الأمنية المخابراتية ولم تأتي اجهزة الامن إلا بعد الإنفجار


شو يا فاوست بدك الأجهزة تكون قبل الإنفجار واقفة وعم تنتظر ليصير او تتفرج و.....

[أسير التشرد]

السؤال المطروح...ما دام قائد بهالحجم الكبير والوزن الثقيل ليش عم ينترك من دون نظر الحماية الامنية..؟
ازا ما دام الاعتراف بانو في خونة وماجورين بالبلد..ليش التساهل بحماية قائد كبير..!!؟
بعدين لهلأ ما فهمنا مسألة تثاقل وكالة الانباء سانا والفضائية بنقل الخبر..؟ إلا بعد ما كل الوكالات نقلت الخبر وحللو كل شي..!!
هل يا ترا كان القصد من التثاقل بنقل الخبر من انو يحافظوا ع الأمن..؟
الكل بيتذكر كيف الاعلام الغربي وحتى الاسرائيلي..كيف بينقلوا الخبر وبنفس وقت الحدث.. اما عنا مو شاطرين غير بضرب الامثال بالحريات الصحفية والخبرية..

باعتراف الجميع..مغنية بدأ رحلتو بالقتال من ثأر شخصي وبعدين صعّد الامر بعد اختطاف احد اقربائو..منشان يفرج عنو..
وبدي ضيف انو الالتجاء للاحزاب الدينية وقيادتها امر بغاية الخطورة.. حتى لو كان فكر الحزب الديني فكر منتفح إلا ما يجي يوم ويعلن عن اصالتو الدينية..
لانو وقت بيطوف امور بيتعارض مع مبدأ الاساس للاحزاب الدينية هون ما رح يسكتوا ابداً..

ويا هلا..

[ayhamm26]

هل يتهم التحقيق السوري جهات لبنانية بالتورط في مساعدة " الموساد " على اغتيال عماد مغنية ؟


دمشق ، الحقيقة ( خاص) : قال مصدر سوري إن النظام ، وعلى مختلف مستوياته ، يعيش حالة إحراج وارتباك غير مسبوقة على خلفية اغتيال القائد العسكري في حزب الله الشهيد عماد مغنية على أراضيه . وأكد المصدر على أن ارتباكه وحرجه يتجاوز بكثير ما تعرض له من ذلك عقب مجموعة الاختراقات الجوية الإسرائيلية ، وبشكل خاص قصف مركز " حلبية ـ زلبية " في حوض الفرات قبل بضعة أشهر . وشرح المصدر أسباب ذلك على النحو التالي :
أولا ـ إن الخروقات الجوية التي قامت بها إسرائيل كان بإمكان النظام ـ وإن صوريا ـ مداراة الحرج الذي سببته و تبرير عجزه عن التصدي لها من خلال الاتكاء على مقولة التفوق الجوي الإسرائيلي الحاسم والمعروف ، و عدم توفر الإمكانات التقنية الحديثة لدى وسائط الدفاع الجوي السورية ، وأن هذا خارج عن إرادة الدولة لجهة اتصاله بشكل أساسي بسوق السلاح الحديث ومحدودية الوصول إليها كميا ونوعيا لاعتبارات سياسية تتصل بخطوط حمر لا يستطيع الروس تجاوزها بسهولة . هذا فضلا عن الاعتبارات المالية .
ثانيا ـ حتى الخروقات الإسرائيلية " الأرضية ـ البشرية " التي حصلت في السابق وأدت إلى سقوط كوادر فلسطينية ، كان بإمكان النظام تبريرها ، وإن صوريا ، من خلال الحديث عن أنها حصلت في أماكن خارج المراقبة والحماية السورية المباشرة ، فضلا عن تهاون هذه الكوادر فيما يخص أمنهم الذاتي .
ثالثا ـ إن هذا المنطق لا يمكن اللجوء إليه بالنسبة لقضية عماد مغنية . فالمغدور كان شخصية شبحية منذ أكثر من ربع قرن ، وباستثناء عدد محدود جدا من قيادة حزب الله ، لا أحد يعرفه سوى عدد صغير جدا من ضباط الجيش والمخابرات في سوريا ، الذين كانت تحتم طبيعة عمله ومهماته ـ كمسؤول عن الجهاز العسكري والمقاومة ـ التعامل معهم. ولهذا فإن أي حديث عن خرق أمني لا يمكن استساغته أو قبوله منطقيا إذا لم يشر بشكل واضح إلى خرق على هذا المستوى . وهذا ما لايمكنه القيام به ، لأنه سيكون فضيحة كبرى غير مسبوقة ... إلا إذا كان يفكر بكبش فداء من الرؤوس الكبيرة . وهذا مستبعد وفقا لآخر المعلومات والمعطيات المتوافرة .
رابعا ـ إن عملية الاغتيال ، وهنا أحد الجوانب الأكثر إحراجا وإثارة في القضية ، حدثت في منطقة تقع على مرمى حجر من قيادة المخابرات العسكرية بالدرجة الأولى وإدارة المخابرات العامة بالدرجة الثانية . وفي محيط الإدارتين عدد من الفروع والمفارز التابعة لهما يتجاوز تعدادها الخمسة عشر فرعا ومفرزة ونقطة ، فضلا عن كاميرات المراقبة . فبالنسبة للإدارة الأولى هناك فرع المنطقة ( فرع دمشق ) المسؤول عن أمن العاصمة ، وفرع التحقيق العسكري ، وفرع فلسطين ( المفترض أنه مسؤول أولا وأخيرا عن مكافحة التجسس والتخريب الإسرائيلي ) والسرية 215 ( ولو أنها فرع إداري في المخابرات العسكرية غير معني مباشرة بالعمليات الأمنية ) و فرع الضباط 293 / 1 و فرع القوى العاملة 293 / 2 . وهذه كلها متلاصقة . أما المفارز ونقاط المراقبة فحدث ولا حرج . وينطبق الأمر نفسه على إدارة المخابرات العامة ، فهناك ـ فضلا عن مقر الإدارة ـ فرع الكومبيوتر و فرع التحقيق ( 285 ) .وفروع أخرى عملياتية وفنية . وبناء عليه ـ يتابع المصدر ـ من المستحيل على أي عاقل يعرف المنطقة استساغة وجود ثغرة أمنية فيها ـ بافتراض حسن النية واستبعاد عملية " البيع ـ الصفقة " . وحتى في حالة وجود خرق أمني ، فإنه سيكون على المستوى العالي جدا بالنظر لطبيعة " الهدف " الذي كانت علاقاته محصورة بهذا المستوى .
خامسا ـ إن كافة المعلومات والمؤشرات تؤكد أن عماد مغنية تم " بيعه " للإسرائيليين عن طريق الولايات المتحدة . وقد أراد النظام ضرب أكثر من عصفور بحجر واحد :
1ـ فهو يريد إثبات حسن النية لدى واشنطن في مكافحة " الإرهاب " ، خصوصا وأن الولايات المتحدة كانت قد طلبت رأسه من دمشق أكثر من مرة خلال السنوات الخمس الماضية ، كان أبرزها خلال اجتماع وزير الخارجية الأميركي السابق كوان باول مع الرئيس السوري ربيع العام 2003 ( بعد احتلال العراق).
2 ـ وهو يريد ثانيا قبض ثمن هذه الصفقة في مجال تخفيف الضغوط عنه على الجبهات الأخرى المفتوحة ضده ، لاسيما " جبهة المحكمة الدولية " . وفي هذا السياق لم يستبعد المصدر وجود سيناريو صفقة أميركية ـ سورية أكثر فظاعة وداءة يقضي بـ " تلبيس " عماد مغنية تهمة المشاركة باغتيال الحريري مع ضباط سوريين من الحلقة الوسطى ( على مستوى جامع جامع مثلا) . وفي هذه الحالة يكون كل طرف قد حقق من الصفقة ما يريده لنفسه ، فضلا عن إغلاق المحكمة عمليا ( من حيث مترتباتها القانونية والسياسية) قبل افتتاحها . فالسوريون يكونون قد تخلصوا من هذا الكابوس عبر التضحية بواحد أو أكثر من الضباط الأقل أهمية ، فضلا عن تحسين وضعهم لدى الولايات المتحدة . وهنا يكون رأس مغنية قد لعب الدور نفسه الذي لعبه تسليم عبد الله أوجلان لجهة تطبيع العلاقات السورية ـ التركية . أما الأميركيون ( ومعهم الإسرائيليون ) فيكونون قد صفوا حسابهم مع عماد مغنية . ولفت المصدر الانتباه إلى أن المستشار القانوني للأمم المتحدة نيقولا ميشيل كان أكد في مقابلته الأخيرة مع " الحياة " على أن المحكمة ستحاكم أفرادا وليس دولا أو مؤسسات ، أي المتهمين بصفتهم الطبيعية لا الاعتبارية ( استنادا إلى المنطق الحقوقي الفرنسي الذي تأخذ به المحكمة لجهة المسؤولية الشخصية ).

[باشق مجروح]

وبدي ضيف انو الالتجاء للاحزاب الدينية وقيادتها امر بغاية الخطورة

فهمني هالشغلة
اعربلي ياها ما نعربت معي.
هلأ حزب الله كتنظيم لو كان بغاية الخطورة متل تنظيمات دينية تانية كتنظيم القاعدة ما بتكون بينت أهدافو الي بتحكي عنها بكل هالسنين و معو كل هالقوة.
لا تعزف على هالوتر لأنو مو كل الاحزاب الدينية متل بعضها.
والايام رح تثبت لهالجميع هالشي متل ما أثبت تاريخ الحزب لغاية هاللحظة.
الأحزاب القومية والشعارات ما رجعت من أرضنا شبر.
المجد والخلود لروح الشهيد عماد مغنية رضوان الله عليه.
ان حزب الله هم الغالبون.

[ayhamm26]

كاتب النص الأصلي : الراصد السوري

يعني لما بقرأ الردود في عناية وكل مصداقية بشوف أنها هي حملة شنيعة ضد النظام الحاكم

وعم تحمله المسؤولية .. يعني منطقة التفجير صارت في تجمع كبير فارغ لركن السيارات

ومكان تجمع سكاني من يقطنه هو من أغنياء مدينة دمشق والسكان الأصليين كفرسوسه للشام

وبعيد مسافة عن أجهزة الأمن وأمن الدولة وقريب كتير على مكان المركز الثقافي العربي وكلنا نعرف أن يد

الغدر الصهيونية الأمريكية المتعربة الغادرة إنها عن طريق أحد الخونه والمأجورين إستطاعوا النيل من

القائد الحاج رضوان ( عماد مغنية ) رحمة الله عليه ورضوانه .. وكل من قام وخطط ودبر فهو خائن للضمير

السوري وخائن الأمة العربية و الإسلامية وخائن لعروبته إن كان مأجوراً متآمراً .. والأيام ستكشف ذلك ونحن أيضاً

شو تجمع سكاني وبطيخ لك اذا اربع شباب اجتمعوا ببيت ليلعبوا شدة بهيك محلات عم يعرفون شلون منطقة متل هي مليانة مخابرات من كل الانواع بيقدر شخص يدخل سيارة مفخخة ومو بس هيك يقعد على مهلو مرتاح يراقب الزلمة لحتى يمر جنب السيارة وبالليل وبعدين يفجرها.
بعدين تعى لقلك منين عرفوا انو هدا هو عماد مغنية لو قدروا يعرفوا من مصادر لبنانية او عبر اختراق حزب الله نفسو كانو قتلو بلبنان لانو لبنان ساحة مفتوحة للموساد

[أسير التشرد]

كاتب النص الأصلي : باشق مجروح

فهمني هالشغلة
اعربلي ياها ما نعربت معي.
هلأ حزب الله كتنظيم لو كان بغاية الخطورة متل تنظيمات دينية تانية كتنظيم القاعدة ما بتكون بينت أهدافو الي بتحكي عنها بكل هالسنين و معو كل هالقوة.
لا تعزف على هالوتر لأنو مو كل الاحزاب الدينية متل بعضها.
والايام رح تثبت لهالجميع هالشي متل ما أثبت تاريخ الحزب لغاية هاللحظة.
الأحزاب القومية والشعارات ما رجعت من أرضنا شبر.
المجد والخلود لروح الشهيد عماد مغنية رضوان الله عليه.
ان حزب الله هم الغالبون.

يا سيدي الكريم...ما عم نقارن الحزب بتنظيم..هاد اولاً..
انا قلت بردي السابق..ووضحت ورح وضح اكتر.. الاحزاب الدينية شو ما عملت بتضل احزاب ضيقة بفكرها..
الاحزاب الدينية اغلبها احزاب عسكرية وميلشيات..بالرجوع لأي تاريخ حزب ديني..بنلاقي هالشي..
ما رح فوت بنقد حزب الله هون..لكن مجملاً رح قلك انو اي حزب ديني مالو قدرة انو يستوعب كامل الشعب..
يمكن بالبداية تلاقي شي من المرونة لكن بالنهاية رح تلاقي التشدد..
اتمنى اني وضحت شي من فكرتي..
ويا هلا..

[فاوست]

عملية إغتيال مغنية حدثت في منطقة تقع على مرمى حجر من قيادة المخابرات العسكرية بالدرجة الأولى وإدارة المخابرات العامة بالدرجة الثانية . وفي محيط الإدارتين عدد من الفروع والمفارز التابعة لهما يتجاوز تعدادها الخمسة عشر فرعا ومفرزة ونقطة ، فضلا عن كاميرات المراقبة . فبالنسبة للإدارة الأولى هناك فرع المنطقة ( فرع دمشق ) المسؤول عن أمن العاصمة ، وفرع التحقيق العسكري ، وفرع فلسطين ( المفترض أنه مسؤول أولا وأخيرا عن مكافحة التجسس والتخريب الإسرائيلي ) والسرية 215 ( ولو أنها فرع إداري في المخابرات العسكرية غير معني مباشرة بالعمليات الأمنية ) و فرع الضباط 293 / 1 و فرع القوى العاملة 293 / 2 . وهذه كلها متلاصقة . أما المفارز ونقاط المراقبة فحدث ولا حرج . وينطبق الأمر نفسه على إدارة المخابرات العامة ، فهناك ـ فضلا عن مقر الإدارة ـ فرع الكومبيوتر و فرع التحقيق ( 285 ) .وفروع أخرى عملياتية وفنية . وبناء عليه من المستحيل على أي عاقل يعرف المنطقة استساغة وجود ثغرة أمنية فيها

أما رأيي بالإتفجار فأعتقد بان هناك إحتمالين

إما النظام السوري أو النظام السوري

الإحتمال الأول:وهو أن النظام السوري خطط ونفذ عملية الإغتيال تلك بطريقة مباشرة فهو الوحيد القادر في المنطقة المشروح عنها إعلاه على القيام بهكذا عملية خصيصاً ان صورة عماد مغنية ليست معروفة حتى لأهله ومن يعرفها في سوريا سيكون إثنان أو ثلاثة وهم رأس النظام بشار وبعض معاونية رؤساء أجهزة المخابرات

لكن السؤال لماذا قام النظام بتصفية حليف له؟

الجواب :لايوجد للنظام رادع اخلاقي يمنعه من القتل أولاً(أنظر إلى تاريخ النظام في الإغتيالات)ثانياً لايوجد رادع اخلاقي للنظام أيضاً يمنعه من قتل حلفائه أو تصفيتهم او تسليمهم(عبد الله أوجلان مثلاً وأتباعه من حزب العمال الكوردستاني)

وغالباً مايتم هذا لإقامة صفقات سياسية(تخفيف الضغوط،ملف المحكمة الدولية،وغيره وغيره) أو حتى تجارية(قتلة مأجورين)

الإحتمال الثاني:وقلت فيه بأن النظام مسؤول عن هذا أيضاً لكن بطريقة غير مباشرة،أي أن عماد مغنية كان يعد سيارة مفخخة في سوريا وأنفجرت فيه السيارة عن طريق الخطاً،وكانت السيارة تعد بهدف إدخالها للبنان في وقت كان فيه اللبنانيون يستعدون لإحياء ذكرى الحريري في الرابع عشر من شباط في يوم سيجتمع فيه كافة قادة القوة الإستقلالية في لبنان والتي تسمى بقوة 14 أذار

يعني هادا بيضل رأي وقابل للنقاش

[أسير التشرد]

او تسليمهم(عبد الله أوجلان مثلاً وأتباعه من حزب العمال الكوردستاني)

بتذكر انو هالشي تم منشان ابعاد شبح الحرب مع تركيا اللي حشدت جيوشها ع الحدود مع سوريا..منشان هالقضية وقتها..
ومتل ما بتعرف انو المسألة بدأت بالقنابل الصوتية..بدمشق..وبعدين تم الاتفاق ع ابعادو لكن تحت نظر عيون تركيا ومساعدة بعض الدول..تم تسليمو لتركيا..

في امور هيك بتحصل بين الانظمة منشان الفوائد المستقبلية..وبعض المصالح المشتركة بينهم..
تصفيات وامور تانية..من اجل تخفيف ضغوط والخ..

[Barleb]

اغتيال مغنية لصالح مين صار .. أممممم ..

اغتيال مغنية > اعتصام في بيروت
> سوريا دولة تتعرض لـ أعمال أرهابية
> المقاومة حطت وحدة عـ الموالاة
كـ سوريين شو كنا مستفيدين من مغنية ؟

امممم ..