ما هو الفكر

[امير الاردن]

يسلمو على المعلومات

[The morning]

كاتب النص الأصلي : ظل جيفارا

نسيت علق على رد الاخ وائل على نقطة العادة اللي طرحها ابو مزيد
انه لمن الهراء ان نعتبر العادة نقطة تستحق النقاش في قضية الفكر الانساني انا معتاد على ان امارس فعلا معينا ما علاقة هذا الفعل بأفكاري لربما انا من داخلي مثلا لا أؤيد هذا الفعل ولكن العادة جعلتني امارسه فلما يعتبر جزءا من أفكاري
مثلا انا معتاد على السجائر ولكن من داخلي أكره اليوم الذي بدأت به بأول سيجارة
هذه ارائي بحب
اقدمها بحب
أخوكم بحب
ظل جيفارا

و انا معك و بأيد الفكره انو العاده هي ليست الا لمسات اضافيه من الحياه على واقعنا و هي في كثير من الاحيان قد تكون واحده من تلك الظروف الضاغضه ...........
و بعدين يا اخ ظل جيفارا انت لا ما عم تحكي لحالك و ما نك مجنون بس يعني هلق لفضينا نرد لا تواخذنا

[The morning]

كاتب النص الأصلي : krimbow

الكفر (مع احترامي للجميع) ليس فكر
و الفكر لا يتولد عن الضغوط
بأحد الايام، من زمان كتيييييييييير كان في امير هندي، مدلل كتير، و معزز و مكرم و ابوه مو منقص عليه شي.. بس هالزلمة (على الرغم من انو ما كان عندو ضغوط إطلاقا) اوجد واحد من ارقى الافكار البشرية.. البوذية، و صار اسم هالامير، بوذا و تعني المستنير

هل يمكن ان نقول ان المفكر الذي اكتشف قانون الجاذبية كان عم يتعرض لضغوط؟
هل يمكن ان نقول ان اينشتاين حين فكر بنظريته النسبية كان عم يتعرض لضغوط؟
يعني اكيد معسكرات الاعتقال الالمانية مش هيي الدافع يللي خلا اينشتاين يفكر بالنظرية النسبية

و كذلك الفيلسوف "كانت" كان دوق على ما اذكر، و كان يعاني من داء النقرص (داء الملوك، ينتج عن كثرة تناول اللحم الاحمر)

و كذلك عمر الخيام كان عايش حياة ترف حين وضع اجمل الرباعيات و روزنامتو الشهيرة ... عدا عن مساهمتو العظيمة بالفلك و الرياضيات...

اما الكفر فهوي الجحود بالنعمة
و اذا في جهة مخولة بتكفير الناس، فهوي الله فقط و حصرا، لأنو الوحيد العالم ما في القلوب (حسب نظرة الديانات السماوية) و كل انسان بيكفر انسان آخر هوي كافر اكتر من غيرو، لأنو اعتدى على شغلة الله

مين فيكم مخول يقول عني اني كافر؟
ولا حدا
ما بقبل من اي انسان انو يكفرني على سبيل المثال، و كل انسان بيقول عني اني كافر، فهوي يللي عم يكفر

اهل الامتال قالوا: الله ما انشاف بالعقل انعرف
يعني لولا الفكر، لما عرف الله

برأي الماديات تهون امام الفقر المعنوي .. لانو و كما هو معروف ان الترف اساس هذا الفقر .. ما بدي روح لموضوع ابعد بس يعني الفكر لما بيتعب بيتعب من الجوع و من البرد و من الوحده و من الملل و من اليأس ...
و هاد كلو بخلق تمرد ع الواقع و منو ببلش الكفر يعرف طريقو لقلوب امنت بالحق يوم من الايام ولا انت شو رأيك اخ كريم

[وائل 76]

كاتب النص الأصلي : ظل جيفارا

قبل أن أبدأ لي تعليق صغير
لما يا اصدقائي علينا ان ننقل أي حوار الى حوار لاديني
صحيح اني طرحت فكرة المد الاسلامي ولكن من قرأ المقال علم ان فكرة المقال فكرة حياتية تعتمد على دراسة ظاهرة المد الاسلامي المغيب فيه دور العقل بلا تشعبات وهذا افضل ننتقل الى دراسة الفكرة الاولى البالغة الاهمية وأود عندها ان اشكر الاخ وائل على طرحه لقضية الفكر
نعم أخ وائل اؤيد ان الفكرة هي طاقة والطاقة لا تفنى ولا تخلق من عدم فإذا العقل البشري لا يولد هذه الطاقة , هذه الطاقة موجودة في الكون انتقلت الى دماغ الكائن البشري عبر البيئة والمحيط وما ذكرت حضرتك من مؤثرات
أزيد على هذه المؤثرات1 _ قضية الموروث الذي ينشأ عليه الانسان وتلعب دورا هاما لربما أهم من كل العوامل أو المؤثرات الاخرى وهذا لن مجتمعنا العربي بالتحديد ملتزم بما يسمى بر الوالدين وانا اراه العبودية للموروث العائلي
2_أنا لم اوافق على ان الفكر ينضح من الدماغ على شكل طاقة فهذا يعارض التعريف العلمي للطاقة التي لا تفنى ولا تخلق من عدم ,ارى من الافضل ان نقول هذه الطاقة هي مؤثرات في الوسط المحيط تنتقل للإنسان ويحولها الانسان الى فكرة بعد عملية نشاط مخي فهذا افضل من ان نقول ينضح الدماغ بالفكرة أو تنمو الفكرة في الدماغ
صحيح ان تنفيذ الفكرة هو هو انتقال للطاقة من شكل لأخر من الشكل الكامن الى الشكل الحركي 3_وعندما تكبت الطاقة داخل الانسان تشكل الطاقة السلبية التي تتحول بدورها الى ذلك الحاجز الذي يفصل بين الانسان وبين محيطه بعد كبت اكثر من طاقة (فكرة) في داخله
أعارض نقطة ان الفكر انعكاس لرغبات الانسان تعريف الفكر ابسط من هذا التعريف بكثير
4_الفكر هو انتقال المؤثرات الخارجية -التي هي ايضا طاقة- الى داخل العقل البشري وترعرعها فيه
اذا ما عارضت فكرة ان الفكرة تنشأ عن عدم الاستقرار فسندخل في الموضوع بشكل فلسفي عميق
5_إن اعتبرنا ان الفكر ينتج عن عدم الاستقرار فهذا يعني ان الانسان المستقر لا يفكر ؟
لربما اذا اعتبرنا ان الانسان المستقر غير موجود اصبح بإمكاننا ان نقبل بهذا ولكن الانسان في حالة لا استقراره مستقر ويفكر
فإذا الفكر لا ينتج عن حالة عدم استقرار لأن المستقر يفكر
اما عن سؤالك عن الافكار المصطنعة علينا اولا ان ندرس ماهيتها ما هي الافكار المصطنعة ببساطة هي شطحات خيال الانسان تولدتعن طريق اكتساب الانسان لمؤثرات تعتبر بالنسبة لوضعه خرافية مثلا رجل فقير يحلم بانه يقود سيارة جميلة جدا فهو اكتسب هذه الشطحة من شطحات خياله عبر رؤيته لسيارات جميلة في الشارع
اتوقع انها قابلة لأن تحقق شيئا جميلة اذا ما قادها قيادة جيدة
لمن يرغب في التوسع في قضية فيادة الافكار وغرسها قراءة كتاب العقل الباطن للمؤلف الدكتور جون كيهو
هذه افكاري حيال الموضوع وهي ناتجة عن مؤثرات خاريجة منها تحمسي للموضوع
اخوكم بحب
ظل جيفارا

اسفين جداً يا غالي محسوبك كان من اسبوع نايم بالمقلاية يدوب افرجوا عني تحممت واجيت بسرعة اعذرنا حبيب
هلاء نبلش بقصتنا انتا طرحت مليون فكرة وفكرة راح حاول ناقشك فيها كلها ولو ما ركزت بشي برجع بعمل مشاركة تانية المهم تكون راضي
1_اتفق معك بان الموروث جزء اساسياً وهاماً في تشكيل وصياغة الفكر الانساني بل ان اهمية الموروث تظهر بجلاء في في تشكيل الحاجات الانسانية بإعتبار ان الموروث جزاً اساسياً من البيئة الخارجية التي تساهم في صياغة الفكر الانساني

2_اعتقد اننا اتفقنا سابقاً ان الفكر الانساني لا ينتج من عدم وصفة الاستمرارية والتواصل مرتبطة بالفكر الانساني بحيث انه كلما اشيع حاجة معينة تطور الامر لديه ليطمح للمزيد ويلعب هنا التطور المعرفي واذدياد الخبرات الدور الاكبر في تشكيل مفهوم الحاجات لدى الانسان انطلاقا من هنا اعتقد انه لا يضيرنا ان نطلق مفهوم الطاقة على الفكر الانساني المتجدد والذي لا يخلق من عدم



3_الان انت وصلت لمربط الفرس (كبت الافكار ) هذا ما اريد التركيز عليه لاصل للنتيجة التي اصبوا اليها لان فكرتي قائمة على ان ما نشاهده الان من انهيار لمنظومات الفكر الانساني والتوجه نحو الاشيئ او العدم انما نتيجة منطقية لواقع يأبى ان نحقق من خلاله اقكارنا او تطلعاتنا حتى البسيطة منها فيخلق ذلك البعد او الحاجز بين ما نريد وبين ما يريد لنا الواقع لتبدا بعدها مرحلة الشك بكل القيم والمعرف بل وحتى المقدسات في كثير من الاحيان


4_اخي العزيز الفكر هو انعكاس للرغبات ممثلة في اشباع الحاجات وتحقيق المصالح وخدمة القيم والمبادئ وكثير مما يدور في خلجات الانسان مضافاً لها ما يكتسبه الانسان من البيئة المحيطة ممثلة بالموروث كما تكرمت واسلفت و التنشئة الدين الظروف السياسة الاجتماعية الاقتصادية التي يعيشها الانسان حيث تنصهر جميعاً في بوتقة واحدة وهذا ما نطلق عليه الفكر الانساني



5_انا هنا لا اقصد بكلمة عدم الاستقرار انه ليس مستقراً نفسياً بالمعنى الدارج وانما قصدت ان تولد الحاجات وتجددها وتجدد البيئة المحيطة انما يجعل الانسان في حالة حركة دائمة لتلبية تطالعاته اي انني قصدت في حالة عدم الاستقرار عكس حالة الخمول
فكلما اذدات الحاجة وكانت الصعوبة في اشباعها كلما عززت مفهوم عدم الاستقرار لدى الانسان



بالنسبة للافكار المصطنعة بعمل رد لوحدها لانو اصبعي تعب من الكتابة هلاء


اقبل مني كل الشكر والتقدير اخي العزيز ظل جيفارا على مشاركتك القيمة والرائعة

[ظل جيفارا]

معك مئة بالمئة سيدي الكريم وائل
عاشت مقاومتكم الشريفة -ليس الغبية- الشريفة فقط
أخوك بحب
ظل جيفارا

[ابو مرسيل]

انا بعتقد انو فكر الانسان هم نتاج شخصيتو اتلاساسية مو المكتسبة يعني بتشوف في ولاد صغار من لما بيولدو
تلاقيون تنحين و بيحنتروا هذا الولد بس يكبر اذا كان عايش ببيت حقاني بيطلع معارض لانو ما بيقبل الغلط على حالو متل حكايتي يعني مثلا ههه يعني و بالاخير هلي جاييك بل DNA ولي اكتسبتو من شطحاتك و قرااتك هوي الي بيكون فكرك تقريبا .
(مع العلم ان هذا باعتقادي يعني بعيدا عن العلم )

[ابو مرسيل]

بعدين في عندي سؤال هوي خارج عن الموضوع او بالاحرى اطراء صغير عن الفكر في فيا احبائي المستمعين في عالم وصلوا لحالة من الثورية و الانتفاض على كل شئ بحيث اذا ما عاد في غلط بالموضوع الي كانو معترضين على بيعترضوا احيانا على قصص هنة مختارينة لانو صار هذا اي الثورية داء فيون

وما احلى هذا الداء و يا ليتني اصاب به ....

[ظل جيفارا]

كاتب النص الأصلي : The morning

و انا معك و بأيد الفكره انو العاده هي ليست الا لمسات اضافيه من الحياه على واقعنا و هي في كثير من الاحيان قد تكون واحده من تلك الظروف الضاغضه ...........
و بعدين يا اخ ظل جيفارا انت لا ما عم تحكي لحالك و ما نك مجنون بس يعني هلق لفضينا نرد لا تواخذنا

شكرا إلك يعني بجد استغربت حجم الردود وانا ما حدا ملتكش فيني ولو حتى التكاشة صغيرة
شكرا لك

اما الاخ ابو مرسيل فما بعرف من وين بده يكون لل d n a علاقة بالافكار يعني لنفرض زلمة بيو وامو مسلمين يا خيي وهيدا الزلمة لما كان عمره سنة مات اهله وسكن عند جيرانه المسيحين بتتوقع رح يكون مسلم لما يكبر
طبعا لأ فال dna ما الها علاقة بالافكار
وهيدا الحكي بتوقعه علمي اكتر
اخوك بحب
ظل جيفارا

[ابو مرسيل]

كاتب النص الأصلي : ظل جيفارا

شكرا إلك يعني بجد استغربت حجم الردود وانا ما حدا ملتكش فيني ولو حتى التكاشة صغيرة
شكرا لك

اما الاخ ابو مرسيل فما بعرف من وين بده يكون لل d n a علاقة بالافكار يعني لنفرض زلمة بيو وامو مسلمين يا خيي وهيدا الزلمة لما كان عمره سنة مات اهله وسكن عند جيرانه المسيحين بتتوقع رح يكون مسلم لما يكبر
طبعا لأ فال dna ما الها علاقة بالافكار
وهيدا الحكي بتوقعه علمي اكتر
اخوك بحب
ظل جيفارا

له يا معلم
بس انا قصدي انت حسب مورثاتك تتصرف بطريقة او باخرى تبعا لاحد ابويك

ولانو انت عم تتصرف هيك رح تكون شخصيتك لنفرض من النوع 1

والشخصية من النوع الاول تحكي بهل اسلوب و تقتنع بهل حكي و بتحب هلطريقة

انت عم تتصرف هيك رح تكون شخصيتك لنفرض كمان من النوع 2

و 2 معاكس للشخصية الاولى فهون اجى تاثير ال DNA على طريقة التفكير

[ابو مرسيل]

ما بعرف اذا فهمت


المشكلة مالي خلق اكتب لانو عم بقرا

[ظل جيفارا]

والله بتوقع فهمت بس ما كتير وافق رأيك لي مرور لأشرح وجهة نظري

[The morning]

كاتب النص الأصلي : ظل جيفارا

شكرا إلك يعني بجد استغربت حجم الردود وانا ما حدا ملتكش فيني ولو حتى التكاشة صغيرة
شكرا لك

اما الاخ ابو مرسيل فما بعرف من وين بده يكون لل d n a علاقة بالافكار يعني لنفرض زلمة بيو وامو مسلمين يا خيي وهيدا الزلمة لما كان عمره سنة مات اهله وسكن عند جيرانه المسيحين بتتوقع رح يكون مسلم لما يكبر
طبعا لأ فال dna ما الها علاقة بالافكار
وهيدا الحكي بتوقعه علمي اكتر
اخوك بحب
ظل جيفارا

سلام اخ ظل جيفارا..
انا لا ما معك بانو الولد رح يكبر مسلم لانو الانسان بتبع الوسط اللي بحيط فيه يعني حسب ما بياخد افكار من المجتمع ..
هو بالنتيجه اذا مافي مين يعلمو انو يكون مسلم ما رح يكون مسلم بالفطره و اذا عم يمارس بعض التقاليد المسيحيه مع العائله فهو رح يتأثر بالفكر اللي عايش في و رح يكبر مسلم ع الهويه بافكار مسيحيه ...
اما اذا انوجد مين يعلمو كيف يكون مسلم فوقتها الخيار بيرجع الو باي الدينين ما يعتنق بس يؤمن في و ينظم حياتو ع اساسو ..
و شكرا اخ ظل جيفارا