انا طائفية

[ابراهيم الندم]

كاتب النص الأصلي : wisefamme

انا طائفية

كاتب النص الأصلي : wisefamme

إي...! انا بدي كون هيك ...لانو غصباً عني بدي صير هيك ..كل شي بالحياة مفروض فرض علينا وما في داعي نضل نحارب طواحين الهوا ع شي بعمرو ما رح يتغير ...لاء وكل مانو عم يزيد اكتر يوم بعد يوم ..وكل ما عم نتقدم سنة عم نرجع لورا مية سنة تخلف.... يعني احيانا بقول انو ليش الله بعت انبياء للعالم اذا كان عرفان انو حتصير هل قد خلافات ونزاعات وحروب طائفية!!!
كان عالاقل مافي شي اسمو اديان وطوائف...لاء ومو بس هيك ..مافي طائفة بالعالم بتطيق طائفة تانية مختلفة عنها ...لاء ويبقولولك انو نحنا عم نتطور .... نحنا عرب قال ...
لك ..عرب ولا نخجل...اي اهلين بالعرب والله..
العمى........!!! العالم وين ونحنا وين..؟؟؟.

والله انا ترفزت من كلامكـ ..

لأنه واقعي وبيصير معنا بكل لحظة احنا عم بنعشيها ..

والأهم .. لأنه طالع من ئلب ..

بس بدها طولة بال وتحمل . !!

[COSTA]

كاتب النص الأصلي : leoprad

طيب ممكن تقللي ليش
ليش كل واحد بيطلع من المعتقدات اللي حوليه بيصير ملحد

بالبداية شو تعريفك للملحد؟؟؟؟

هل هو غير مؤمن بالدين ؟؟؟

ام هو يلي كل شي مباح له؟؟

[leoprad]

كاتب النص الأصلي : كوستا

بالبداية شو تعريفك للملحد؟؟؟؟

هل هو غير مؤمن بالدين ؟؟؟

ام هو يلي كل شي مباح له؟؟

خلينا نقول انو اللي غير مؤمن بالله

[ابراهيم الندم]

الملحد ..

يلي بقول انا ملحد !!

اهم شي ..

وتاني شي ..

leoprad

حسب المعتقدات اللي بيطلع عنها ..

لأنه في معتقدات سلبية وايجابيه ..

[leoprad]

انا قصدي اللي غير مؤمن بالله

[Danito]

كاتب النص الأصلي : leoprad

أنا كل واحد من رفقاتي حاول انو يتحرر من القيود و يلاقي لحالو طريق بقناعتو انتهى فيو المطاف انو يكون ملحد

يمكن هادا التجرد الحقيقي.. باعتقد لما بيجي الواحد من خلفية دينية و بيبدى يفكر بيتجرد من نزعاتو الطائفية مو بالضرورة يتخلى عن الروحانيات بس ما في أحلى من التحرر من الخوف

[leoprad]

كاتب النص الأصلي : Danito

يمكن هادا التجرد الحقيقي.. باعتقد لما بيجي الواحد من خلفية دينية و بيبدى يفكر بيتجرد من نزعاتو الطائفية مو بالضرورة يتخلى عن الروحانيات بس ما في أحلى من التحرر من الخوف

طيب و هالخوف اللي بتم ملاحق الانسان (انو بركي حكين صح و بركي في نار و نقضي كل حياتك فيها)

[COSTA]

كاتب النص الأصلي : leoprad

خلينا نقول انو اللي غير مؤمن بالله

هلأ يلي ما بآمن بالله بكون عندو ايمان بشيء تاني
لانو ما في انسان ما عندو ايمان
بس كل انسان بآمن بفكرة معينة
ويلي ما بآمن بالله بيتهمو رجال الدين بالالحاد
بس هو بكون عندو غير معتقدات يؤمن فيها
رح اعطيك مثال
قبل كل الاديان السماوية (اليهودية,المسيحية.الاسلام� �ة)
كان في اديان وثنية
و الشعوب يلي آمنت بالحجر قدرت تصنع علم وحضارة وثقافة لسانا لحد هلأ عم ندرسها
طيب هي ما كانت ملحدة ..... وما بتعرف الله
يا ترى كانت على خطأ ؟؟؟
والنتيجة هي انو كل انسان حسب ايمانو بالشيء يلي بفكرو

[COSTA]

كاتب النص الأصلي : leoprad

طيب و هالخوف اللي بتم ملاحق الانسان (انو بركي حكين صح و بركي في نار و نقضي كل حياتك فيها)

هي كلمة بركي ....عم بضيع الانسان فيها
لانو عندو شكوك داخلية

[COSTA]

كاتب النص الأصلي : Danito

يمكن هادا التجرد الحقيقي.. باعتقد لما بيجي الواحد من خلفية دينية و بيبدى يفكر بيتجرد من نزعاتو الطائفية مو بالضرورة يتخلى عن الروحانيات بس ما في أحلى من التحرر من الخوف

انا بعتتقد انو التحرر من الخوف ينبع من التربية بالبيت من وقت ما بكون الواحد صغير
وهون دور الاهل لما بكونو متجردين من العاطفة الدينية
بس مو بالضرورة انو ما يكونو مؤمنين

[leoprad]

كاتب النص الأصلي : كوستا

انا بعتتقد انو التحرر من الخوف ينبع من التربية بالبيت من وقت ما بكون الواحد صغير
وهون دور الاهل لما بكونو متجردين من العاطفة الدينية
بس مو بالضرورة انو ما يكونو مؤمنين

كيف متجردين من العاظفة الدينية و مؤمنين

[COSTA]

كاتب النص الأصلي : leoprad

كيف متجردين من العاظفة الدينية و مؤمنين

بسيطة كتير

عندو ايمان بدينو
بس بفكر بعقلو وبالواقع يلي عايش فيه
يعني ما بخلي عاطفتو تغلب على قراراتو بالحياة

[leoprad]

كاتب النص الأصلي : كوستا

بسيطة كتير

عندو ايمان بدينو
بس بفكر بعقلو وبالواقع يلي عايش فيه
يعني ما بخلي عاطفتو تغلب على قراراتو بالحياة

معلش كوستا يلي عندو ايمان بدينو
و بيتصرف حسب عقلو (بكون عند اهل الدين اللي مأمن في قد خرج عن الدين و بالتالي ماعاد مؤمن )
هلق خلينا نقول انو في واحد مسلم و بتفكيرو اقتنع انو مافي الله
طيب هيك لأنو ما التزم بعاطفتو بكون طلع عن الدين
لأن الايمان بيلزمك بأشياء معينة ممنوع انك تستخدم عقلك فيها

[ري مي]

الحكي اللي قلتو يا كوستا ما بيدل ع الالحاد ابدا وانما على انك علماني
وانا هيك منطقي
وبهالطريقة منكون:

كيف متجردين من العاظفة الدينية و مؤمنين

[ري مي]

وكلنا منعرف انو العلمانية ما بتعني انكار الله
وانما عبادته وبس بتجرد عن اي تعصب

[leoprad]

هلق دقيقة شوي
انا بعرف انو العلمانية تعني فصل الدين عن الدولة فحدا يصححلي اذا كان خطا و اذا كان صح معناها ريمي انو كلامك مدري شلون

[COSTA]

كاتب النص الأصلي : leoprad

معلش كوستا يلي عندو ايمان بدينو
و بيتصرف حسب عقلو (بكون عند اهل الدين اللي مأمن في قد خرج عن الدين و بالتالي ماعاد مؤمن )
هلق خلينا نقول انو في واحد مسلم و بتفكيرو اقتنع انو مافي الله
طيب هيك لأنو ما التزم بعاطفتو بكون طلع عن الدين
لأن الايمان بيلزمك بأشياء معينة ممنوع انك تستخدم عقلك فيها

حبيب روق شوي خلينا وحدة وحدة
الايمان شغلة اختيارية مانها التزام ..... يعني متعلقة بنفسية الانسان
الالتزام هو بالشي يلي بيفرضو الدين من صلاة او صيام او زكاة
اما عن الاقتناع بالله هي بتوقف حسب كل انسان وحسب البيئة يلي عاش فيها

طيب في كتير ناس مؤمنة بدينها وبتصوم وبتصلي
بس تفكيرها بالحياة مختلف

[COSTA]

كاتب النص الأصلي : ري مي

الحكي اللي قلتو يا كوستا ما بيدل ع الالحاد ابدا وانما على انك علماني
وانا هيك منطقي
وبهالطريقة منكون:

هو يمكن فيه مغالطة عم تصير عند الناس بكلمة الالحاد
يعني هالكلمة صارت صفة ونعت لكل واحد لا يؤمن بوجود الله

وكلامك مزبوط ري مي ..... انا علماني