موضوع خرج المناقشة

[handsome]

يا جماعة اول الشي بتشكر هاني كتير عهالموضوع المشوق ... وعنجد يا جماعة هلق فت عالاخوية مشان شوف شو صار بالموضوع وإذ بشوف انو صار في كتير ردود جديدي .. وانشالله ققدر لحق عالكل .. مع انو الشغلي صعبي شوي بس رح حاول ...
اول الشي طبعا رح حاول رد عالاخ محمد وبتشكرك عمدحك كتير وانشالله كون عند حسن ظنك ...

انا لا ارفض الحكي بجميع انواعه.
ولكن الحكي الرومانسي والغرامي .(هذا ما ارفضه).
طبعا انا شوفت شباب كتير بيتسلو بصبايا بحجه الحب والرومانسيه .وبيضحكو على الصبايا.
ويتقابلو من ورى اهلهم .مثل اللصوص.ويسرقو القبلات والاحضان.بموافقه الصبايا.
ومثل هذه الاشياء تجعل الصبايا رخيصه.في نظر من تعتقد انها تحب قبل غيره .
اما الخطوبه .
فيتقابل الخطيبين في بيت العروسه.تحت نظر اهلها.فلا يحتاجو للاختباء
ويحافظ الشاب عليها لانه يعلم انو سيتذوجها (مثل ما يكون عندك جوهره تحافظ عليها لانها ملكك ولكن اذا كنت لا تملكها فانك لن تحافظ عليها)

اخ محمد انا معك وما معك بنفس الوقت بهالحكي .. لانو في كتير اوقات بيكونوا الشباب عما يضحكو عالبنات متل ما كنت عما تقولو مشان يوصلوا لكام شغلي مافينون يوصلولوا لو ما كانو هيك .. وهي الشغلي معروفي تماما وعند الكل كمان .. بس انتي ما اخدت بعين الاعتبار انو نفس الشي ممكن يصير من طرف الصبيي .. يعني انا بعرف كتير صبيايا هني بيبلشو بهدول الشغلات وبيلطشو حكي وحركات اكتر من الشب .. لانو متل ما بتعرف الشب اد ما كان جريء ما سهل علي بنوب يوصل لهل مرحلي .. وهي احد صفات البنات انو هني بس بيلطشو كام شغلي و وقت بيحس الشب بالمان بيكفي هو لحالو وبيفكر حالو هو الشاطر و وصل للبدو ياه من البنت مع انو كان كلشي نتيجي لخطت البنت الي هي عطتو الضو الاخضر وبعدين هوي كفا مشي بهالطريق الي دلتو عليه ... واغلب العلاقات الي بتوصل لمرحلة متقدمي شوي بمجتمعنا بتكون البنت هي الي بلشت بالموضوع والشب بيكون مبسوط عالاغلب .... وبهالحالي بتكون الصبيي هي الي ماشي ورا غرائزا .( لانو ما بعتقد في حدي فينو يقاوم الغريزي بين الزكر و الأنثى بين كل الكائنات الحي ما بس الانسان .. واذا حدي بيحس حالو مسيطر علية .. هو بيكون بس عما يخفية ويحاول انو ما يأظهرة ... بس هو بيكون حتى ولو بتفكيرو الباطني موجودي وهادا شي طبيعي وما حدي فينو يغيرو ...) وبهل حالي بتكون البنت بمجتمعنا بنت ما حبابي او رخيصة او في كتير تعابير مشابهة والكل بيعرفوا....
ومشان الخطبي انو بتصير الشغلي ادام الاهل .. فما بعتقد انو رح تضل كل الوقت ادام الاهل ..( او عالقليلي بسوريا ما بعرف الوضع كيف بباقي البلدان العربيي) و وقتا كمان بيكون احتمال ما قليل بنوب اذا لو كان بدو يصير شي بين لتنين مشان يصير .. و بنفس الوقت رح ضيف شغلتين ... انو شو هالمعرفي الي رح يتعرف الشب فيا عالبنت اذا كان كل الوقت قاعد عندا بالبيت واذنين اهلة متل الرادارت عليون .. هي غير اذا ما كانو عما يسجلو كل الحكي الي عما يقولو ... والشغلي التاني انو ليش الحكي الرومنسي او الغزل مرفوض وشكلو مرفوض عالاخر كمان ... مع انو حتى لهدول الشغلات في كتير مستويات الي بتبلش من المديح بين الاصدقاء وبتوصل لغزل الحيبيبن لبعض ... يعني مافي احلى من الكلمات الحلوي الي بتتوجه للطرفين بالحديث وبتخلي الشخص يشعور بسعادي كبيري حتى لو كانت كلمي عابرة ....

ستتعجب اذا علمت انني انهيت اربع سنوات في الجامعه وحصلت على البكالريوس ولم اصادق فتاه واحده.ولكنك ستفهم لماذا بعد ان تكمل كلامي للنهايه.
انا لا اؤمن بوجود صداقه بين الرجل والمرأه.فالعلاقه في نظري تنحصر بين (الزماله والحب)
يعني اما زميلتي في العمل او الدراسه او ما شابه او احبها فقط لا غير .

والله لحقيقة اذا قلتلك اني ماني مستغرب الموضوع بكون عما كذب عليك .. يعني ما بعرف كيف بس انت كأنك حاطط حاجز من الفولاذ بين الشب والبنت مع انو من وجهت نظري انو مافي اي فرق بين نفسيت شب او نفسيت بنت .. او عالاغلب انا بعتقد انو وقت بيكون الشخص عندو اعز رفيق من الجنس الاخر بيكون اريح بكتير من اذا كانو التنين من من نفس الجنس .. وانا عما قول بس رفقة ما اكتر .. لانو وقتا بتصير العلاقة ما طبيعي .. والشخص وقتا بيشعر برياحة كبيري كتير .. ما بعرف اذا كان هادا الحكي عند كل العالم بس انا عما احكي عن تجربتي و وجهت نظري الشخصيي بالموضوع ... وانا بنفس الوقت ما بعتقد انو في طالب باي كلية من الكليات السوريي ما عندو شلة صبايا وشباب .. وانا عنجد متفاجء بسماع وضعك بالجامعة ... بس متل ما قلت انك انتي كتير مكبر الفرق بين الشب والصبيي وبوجهت نظري الشخصيي بدون داعي ... و بتصير عطول علاقات بين الشب والصبي ققوة بكتير من علاقت الحب والزمالي مع انو كل مين بيناتون بيكون عندو رفيق او رفيقة .. والشغلي بنوب مانة مقتصرة على صح او خطاء . او جني او نار ..

انا راييي شخصي خاص بي وانا مقتنع فيه ومستعد ادافع عن ارائي امام الجن الازرق كيف ما بنقول باللغه العاميه.وانا امام المجتمع في ثلاثه اختيارات.
1. اقنعه برايي وان لم استطع.انتقل للخطوه التانيه
2.افرض عليه رايي وان لم استطع.انتقل للخطوه التالته.
3. اتجنبه وابتعد عن المجتمع وافعل ما انا مقتنع فيه.

وبخصوص رأيك وقناعتك انا بنوب ماني عما حاول غيرلك اياه لانو في كتير اوقات بتصير حروب بس مشان شغلة قناعات وفي كتير عالم مستعدين يضحو بحياتون كرمال قناعاتون .. وانا متأكد انو هي شغلي شخصيي ما دخلني فيا .. او بالأصح ما بيحقلي ادخل فيا بصفتي تكون شو ما تكون ....

الخطبه مو لتسكيت الجو العام.
والدليل انو في كل المجتمعات في بعض افراد بيقدروا يفرضوا ارادتهم على المجتمع ومع ذلك لا يخرجوا عن الاطار العام .(هناك فرق بين الرغبه والقدره)
وممكن تعتبر الخطبه لدراسه كل طرف للاخر .واالا فماذا تكون . يعني كان من الممكن الزواج مباشره يعني فما الحاجه الي الخطبه

وللحقيقة مشان شغلت الخطبي .. انا هادا راي تماما .. انو بكل المجتمعات المتفتحة شوي مافي شي اسمو خطبي .. و وقت بدي اشرح لرفقاتي هون شو معنات خطبي بعد شي ساعة من النقاش والحوار بيقولوي شو الفرق بين التين ابل الخطبي وبعدا ... على فرض انو الشخصين بيكونو بيعرفو بعض من ابل .. ومعد بقيان شي اسا ينحكة .. ( مع انو هادا الشي بيخالف رايك اخ محمد ) .. مشان هيك انا مع انو الخطبي ما لازمي بنوب .. وبتكون فرد مرة الزاجي .. طبعا اذا التنين بيعرفو بعضون كويس ومعد في شي ينحكا ... والوقت لحالو بيكون بين الصالح والطالح من الطرفين ابل الزواج ....

لا حبيبي ممكن كل واحد يدرس الطرف الاخر في فتره الخطبه وان لم يجدوا تقارب وارتياح وقبول
يتم فسخ الخطبه.وهذا افضل من السقوط ضحيه من ضمن ضحايا الزواج التعيس.

وشغلت فسك الخطبي انا برجع بأكد اعتقادي من الموضوع .. انو هوي لازم يكون بعد فترة طويلي من دراست الطرفين لبعضون و وقتا معد يلزم شي يندرس بزيادي .. او وقت بيكون لابد انو لتنين يخطبو فمعد بيكون في داعي لفسك الخطبي نظرا للمعرفي القائمي بين الطرفين سلفا ومعد محتاجي لتوضيح اكتر ..
واخ محمد انا متل ما قلت من قبل بعبر عن وجهت نظري الشخصي و الشي الي عايشو ومتعود علي بسوريا والشي الي عما شوفو و اتعلمو من حياتي اليوميي بالمانيا ...
واسا في اخر جملي الك اخ محمد انا رح ارجعل بعد شوي اوكي..
وانا هلق برجع كغي النقاش بس استراحة صغيري لصنع كاسة قهوي شكلة السهرة طويلي اليوم ...وهي احلة وردي لكل الي مشاركين بالنقاش .. مابدي قول اسماء مشان ما يصير زعل ...

[sweetbaby]

تسجيل متابعة
والي عودة

[Maher 4x4]

كاتب النص الأصلي : sweetbaby

تسجيل متابعة
والي عودة

لعما شو صايرة موضة هي تسجيل متابعة

شو عم تحلّوا قضية الشرق الأوسط هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

طول بالك علينا شو جريدة هههههههه

[Willi]

تسجيل متابعة
خخخخخ

ولا الكون الموضوع صار فيه شي 4 صفحات مو قريانها
ماني مستعد اقعد ساعة كاملة واقرا

[محمد ابراهيم]

كل اللي سجلوا متابعه بيصعبوا على نفسهم الموضوع .
ادخل شارك برأيك .الاول.
وعلق على اي فقره انت عايزها.

[here i am]

شو مشان تسجيل المتابعة صارت دارجة هالأيام ههههههه
أنا قريت شي 4 صفحات يعني حسيت أنو الكل ماعندون مشكلة أنو البنت تبادر بطرح العلاقة أو موضوع الأعجاب أو أي شي مشابه ماعدا شكيكتي فتوش
بس هيك خبرها شغلة ...
1 - ثقة البنت بحالها و قوة شخصيتها عامل ضروري و إذا كانت بتملكون فشي طبيعي يكون عندها القدرة عالمبادرة
2 - في حال استخفاف الشب من قيمة هالبنت و التقليل من مكانتها فبيني و بينك بالناقص منو لأنو صرنا سنة ال 2006 و شي طبيعي لنوصل لمساواة بين الشب و البنت
3 - قريت هيك شغلة أنو الشب هو القوي بمجتمعنا لهيك هو يلي لازم يبادر هي رسالة تأكيد لسلطة الرجل و صادرة عن أنثى فهيك بقلك من إيدو الله يزيدو
4 - منقدر نشوف طرف للعلاقة هيك أنو نحن ما عم نساوي بين الرجل و المرأة وقت يلي بدنا نحصر طرف المبادرة بالذكر أو بالأنثى
فبرأيي يلي بيحس أنو هو حابب يحكي و يبادر لأنو إذا الطرفين قادرين على تحديد مسيرة علاقة و متفقين و واعين مارح يغير شي أن بادرة البنت أو الشب بادر
تحياتي

[sweetbaby]

مجد الاصة برايي مو اصة ثقة البنت بحالها
لاعطيك مثال
انا كتير واثقة بحالي وكتير عالم بيقولو انو شخصيتي قوية بس انو اجي قللو لشب انا بحبك بلاقيها صعبة شوي لانو اد ماكون بعرف هالشخص بيضل عندي خوف منو

قريت هيك شغلة أنو الشب هو القوي بمجتمعنا لهيك هو يلي لازم يبادر هي رسالة تأكيد لسلطة الرجل و صادرة عن أنثى فهيك بقلك من إيدو الله يزيد

و
اي انا قلت انو بمجتمعنا الرجل اقوى منالمراة بس انا ماقلت انو لازم يبادر مشان ياكد السلطة بس انا بحس انو لازم يضل عند الرجل شي من السيطرة لانو اد ماكانت البنت قوية بدها سند معها يللي هوي الرجل
يمكن مشان هيك بحس هوي اللي لازم يبادر

[yamen_h]

هلق انا بدي احكي فكرتي بشكل مختصر ...
انا بفضل انو البنت تبادر ....(مو تبادر بكل معنى الكلمة) يعني لما الشب بدو يحكي معها ..مو يكبر راسها وتتقل على ربو للزلمة ...

لأنو متى ما عملت معي البنت هيك ...بتكون انتهت بنظري ...

وبيكون افضل لما بتلمحلو انو هيي معجبة ..ومثلا انها بترتاح لما بتكون معو ...ومن هالحكي يعني ..

وشكرا لهاني مرة تانية ...لأنو موضوع كتير مهم

[toocoolfriend]

أنا بدي احكي بوجهة نظري وبوجهة نظر علمية كمان
نظرا لطبيعة الرجل المتقلبة يرى علماء النفس انو لازم الفتاة دايما تعبر عن مشاعرها تجاه الشاب ليبقى على حبه لها. والأمر أخف بالنسبة للفتاة وذلك لأنها أكثر وفاء.

باختصار وبلا جعدنة, غلط انو البنت تكون بوضع تصارح في الشب وما تصارحوا لأسباب "تافهة"
وأكيد هيدا مش معناه انو تموت عليه وتفقد رزانتها

بس على الفتاة ان يكون لها موقف في المبادرة وفي الاستمرار بالعلاقة وفي النطق بكلمات الغزل والحب. والا قد يتناقص اعجاب الرجل فيها تدريجيا حين يحس ولو بشكل ضئيل بأن مشاعره من طرف واحد.

مشكورين عالموضوع

[hanny dagher]

كاتب النص الأصلي : handsome

وانا اول الشي مع انو مافي فرق مين بيبلش بالتلميح وبالاشارات وتسميع الحكي .. لانو في كتير اوقات بيكون الطرف الاول معجب ( لانو هاي الكلمة احسن وادق تعبيرا بهالمرحلي ) بالطرف التاني ويا اما ما قدران يعبر عن مشاعرو يا اما ما عندو الجرأة ليعبر عنا .. والحالتين بيصيرو كتير ...
وانا مشان التصويت بصوت لانو ما في فرق بين الطرفين مين بيبلش. بس هادا الاحتمال ما كان موجود للاسف ...
وانا بأكد مرة تاني على حكي الاخ محمد . انو ما بعتقد لازم يكون في هالفرق الكبير بين الشب والبنت .. انو يعني ليش البنت اذا عبرت عن حبة للشخص الي بتحبو بتكون نزلت من مستواها .. يعني مستوى الشب واطي وتنازلت هي وصارت من هالمستوة ... ما بعرف ليش بحس انو الشغلي هيك غلط .. وانا بعتقد كمان انو ما لازم يكون ولا مرة بداية الاعجاب وقت احد الطرفين بيقو للطرف التاني انو بيحبو ... لانو عنجد الشغلي بدا وقت اكتر من هيك ... و وقت بيصير الوقت مناسب بيكون معد في مشكلي بين الطرفين لانو بعتقد انو لازم يكونوا حاكين مع بعضون منيح وصارت الفكرة موصلي للطرفين التنين ومتقبلينة ... فوقتة بيروح بين التنين الفرق الكبير الي بيكون بالاول انو انا بنت ما لازم بلش بالحكي ... هي وجهت نظري الشخصيي الي كنت مأمن فيا بسوريا ولهلق اساتني مأمن فيا وذاد كمان بعد ما تعرفت عالمجتمع الغربي ..
و اخ محمد ... بعرف كتير انو الشغلي بدايقك وقت منكون عم نحكي عن اختك بس هادا موضوع نقاش ما اكتر فبتمنا ما تزعل .. وانا رح حول السؤال عن بنت عاديي بمجتمعنا بس مع الاحتفاظ بوجهت نظرك ..
انا ما بعتقد انو في بنت او انسان او حتى اي كائن حي ما بيعجب او بحب .. وفي كتير انواع مختلفي للطريقة او للشي المعبر عنا ... وفي كتير اوقات البنت بتنعجب بشب كتير وبتحس حالة ما بتقدر تعيش بلا ولا دقيقة ... بس بعد فترة من الاختلاط بتلاحظ في الشغلات الي بتكرها في بس اول الشي ما كانت قدراني تشوفا ( لانو كان مغمي عقلبة من الحب ) وبعتقد هادا الشي بيصير بكل محل وبيصير كتير كمان .. فانا برجع للبنت الي لازم يكون الحب عندا مرتبط بالجواز او باضعف الايمان خطبي ... فانتي كنت عما تقول انو البنت لازم ما تشوف الشب و تحكي معو لحتى تخطبو يعني بهالحالي بيكون احسن بشوي من الجواز ... و وقت بيصيرو يشوفو بعضون ويحكو مع بعضون لانو كان هادا الشي ممنوع ابل الخطبي .. وحست البنت او الشب انون ما كتير لابقين لبعضون وشو الحل بيكون بهالحالي . انون يفكو ... مع انون كانو بيقدرو يدرسو بعضون ويشوفو نمط تفكر كل واحد ابل ما يخطو هالخطوي الي ما كان الا ضرورة بهالوقت .. وبعد فك الخطبي بعتقد انا انو رح يضل في نقطة سودا بملف البنت الي معد يروح بنوب بغض النظر عن الاسباب لانو عالاغلب بتكون اسباب شخصية وما حدا بيعرف فيا .. هي كانت مرة وحدي وقت كانو تنين معجبين بعض وما نسجمو مع بعضون .. وبعتقد انو بالحياة العادي بتصير هالشغلي ( الاعجاب من اول نظرة ) كتير فاذا كل مرة الواحد حس انو الشغلي حب ولازم يخطب وبعدين ما بينسجمو بتروح الشغلي عالتنين وبيطلعو بعدين بسواد الوش...
ما بعرف اذا وجهت النظر هي بترضي الكل او في حتى عالم بيعتبروا غلط مي بالمي بس انا هي وجهت نظري بالموضوع ... وانشالله ما كون دايقت حدي ... وانا نشالله رح ضل متابع الموضوع مع اني بعرف انو عما ديقلكون خلاقون شوي ... بس منكون السماح ..

يعني مشكور وسيم على توضيح الفكرة ولا تفكر انو في حدي مل منك يعني نحنا عم نتناقش وكل واحد عم يعبر عن فكرتو ولو كتر حكي

اول الشي انا ما بعرف كيف انقلب الموضوع لموضوع خطبة وجواز مع انو ما هادا الموضوع
يعني من ناحية الخطبة والزواج هاي امر مفروغ منو انو الشب هوي اللي لازم يبادر وطبعا بيكون احسن بعد ما يكونو دارسين بعضن منيح وعرفانين كلشي مشان متل ما تفضلت انتي ما تروح الشغلة على التنين
بس انا عم احكي عن المبادرة بالحكي قبل ما يكون في حكي بخطبة وزواج
وانا معك بكل شي قلتو
ومشان الخيار التالت اللي حكيت عنو انو ما في فرق
هلأ كلنا متفقين انو الشب يباشر ما فيا مشكلة بس الموضوع اللي عم يصير في جدل تبليشة البنت بالحكي اوكي ؟

كاتب النص الأصلي : Kakabouda

هلأ أنا شخصياً بلاقيها عادية اذا البنت بادرت بالخطوة الأولى بس يني بضل اقوى اذا الشب هو اللي قام فيها مو من منطلق أنو الشب أقوى أو ..... بالعكس بالأخير الحب ما بيعرف ولا بنت ولا شب ولا كبير ولا صغير ....

هاد رأيي و أنا بحترم رأي الجميع

اهلين ابو جريج
خيو انا معك بيضل الشب اقوى اذا هوي بادر بس في حالات بيكون الشب فيا مو قدران يبادر وانتي وضحت وجهة نظرك انو بتلاقيها عادية البنت تبادر

مع الاحترام لرايك

كاتب النص الأصلي : sweetbaby

هلا يمكن هادا برايننا انو صح انو البنت تعرف الشب من قبل
بس برايي المجتمع انا متاكدة غلط

كانت غلط بس بهالايام صار في شوية انفتاح او خلينا نقول تطور بالعقلية
بس مو لحد كبير

[magictouch]

يعني هل البنات بيحكو عن المساواة وقفت ع هالشغلة....................

[troublemaker]

انا بعتقد الكل عرف رأيي بالموضوع لانو لما البنت بتصارحو بتحس بأرتياح اكتر

[hanny dagher]

كاتب النص الأصلي : محمد ابراهيم

انا ضد اي علاقه قبل الخطوبه.وممكن الطرفين يدرسو بعض اثتاء فتره الخطوبه.
وانا اسف في التعبير .
متخلف.
كل فرد بالمجتمع بيعتبر البنت اللي مااكتملت خطتبطها بالزواج ان بيها عيب ولا يصح ان يتقدم لها اخر.
هذه المفاهيم لابد وان تنتهي .لان ليس هناك نمط محدد للفتاه.يعني مواصفات شكليه او جوهريه .للقياس عليها.
يعني ان البنت التي اكتشف بعد الخطوبه انها لاتناسبني او لا استطيع ان اكون فتى احلامها.(نتيجه الدراسه وقت الخطبه .فقط)
من الممكن والمؤكد انها تناسب غيري .ويكون فتى احلامها.فكلنا يجب ان يفكر بعقله ويبحث عن سعادته مع الطرف الاخر.
وفي رايي ان سبب فشل معظم حالات الزواج في مجتماعتنا ترجع لعدم التفكير العقلاني قبل الزواج. والمصيبه تكون قد وقعت .والحل لن يجدي كثيرا.

هون بلشت اختلف انا وياك وكتير كمان (يعني فوتونا غصب بموضوع الخطبة والزواج )
انو خيو ليش انتي ضد انو البنت تحكي مع الشب قبل الخطبة
ليش وين الغلط بالموضوع بالعكس اذا بتتحدد قبل الخطبة بيكون احسن سالني ليش
سالتني طيب رح جاوبك بقصة صغيرة عشتا انا وصارت مع وحدة من عنا من الضيعة
بجوز تقول الضيعة متخلفة (انا بقلك بالعكس ) ضيعتنا متل مجتمعنا على نفس العقلية (وانا عم احكي على زمن القصة لانو هلأ اختلفت الامور )

القصة وما فيا انو في وحدة كانت خاطبة واحد من عنا من الضيعة وبعدين اكتشفو انو ما عم يتفاهمو مع بعضن ففسخو الخطبة وراح كل واحد لحالو بعد ما فسخو الخطبة كل ما يتقدملا واحد يقلولو اهل الضيعة شو بدك تخطب "فتات خبز"(سوري على استعمال التعبير بس احسن من غير تعابير اللي انقالت ) وكانت العالم اللي بدا تجي تخطبا تبطل بسبب هالحكي
طيب هون انتي مو برايك انو لو يكونو متعرفين على بعض اكتر قبل ما يخطبو مو احسن ؟

يعني انا معك انو هالمفاهيم لازم تنتهي بس شو بدك تساوي وضع هيك

وفي سبب تاني لفشل العلاقات الزوجية
انو الشب والبنت ما بيحكو مع بعضن قبل الزواج
يعني رح ارجع للعصر الحجري يعني للعصر لما كانت الشب ما يشوف البنت لقبل ليلة الزواج
هون كان في مشكلة كبيرة وهون كان سبب كبير لفشل العلاقات الزوجية

[hanny dagher]

كاتب النص الأصلي : handsome

هاي الشغلي الاسمة خطبي( الي انا بعتبرا من وجهت نظري ضحك عالحة وتسكيت للجو العام الي ماحدي فينو يكون ضدو )

يعني انا معك ومو معك

معك انو الخطبة هيي من العادات اللي درجت مشان تسكيت الجو العام
بس ماني معك انو فترة الخطبة مانا حلوة ومفيدة ومانا شغلة شكلية ابدا
يعني هيي انحطت مشان تسكيت الجو العام بس بعدين ادت كتير فوائد

[محمد ابراهيم]

كاتب النص الأصلي : hanny dagher

هون بلشت اختلف انا وياك وكتير كمان (يعني فوتونا غصب بموضوع الخطبة والزواج )
انو خيو ليش انتي ضد انو البنت تحكي مع الشب قبل الخطبة

انا وضحت من قبل.هوى انت ما بتعرف تقرى عربي .

كاتب النص الأصلي : hanny dagher

ليش وين الغلط بالموضوع بالعكس اذا بتتحدد قبل الخطبة بيكون احسن سالني ليش
سالتني طيب رح جاوبك بقصة صغيرة عشتا انا وصارت مع وحدة من عنا من الضيعة
بجوز تقول الضيعة متخلفة (انا بقلك بالعكس ) ضيعتنا متل مجتمعنا على نفس العقلية (وانا عم احكي على زمن القصة لانو هلأ اختلفت الامور )

القصة وما فيا انو في وحدة كانت خاطبة واحد من عنا من الضيعة وبعدين اكتشفو انو ما عم يتفاهمو مع بعضن ففسخو الخطبة وراح كل واحد لحالو بعد ما فسخو الخطبة كل ما يتقدملا واحد يقلولو اهل الضيعة شو بدك تخطب "فتات خبز"(سوري على استعمال التعبير بس احسن من غير تعابير اللي انقالت ) وكانت العالم اللي بدا تجي تخطبا تبطل بسبب هالحكي
طيب هون انتي مو برايك انو لو يكونو متعرفين على بعض اكتر قبل ما يخطبو مو احسن ؟

لا يعرفوا بعض بالخطوبه افضل.
الخطأ لا يبرر خطأ اخر

كاتب النص الأصلي : hanny dagher

يعني انا معك انو هالمفاهيم لازم تنتهي بس شو بدك تساوي وضع هيك

اعترض.

كاتب النص الأصلي : hanny dagher

وفي سبب تاني لفشل العلاقات الزوجية
انو الشب والبنت ما بيحكو مع بعضن قبل الزواج
يعني رح ارجع للعصر الحجري يعني للعصر لما كانت الشب ما يشوف البنت لقبل ليلة الزواج
هون كان في مشكلة كبيرة وهون كان سبب كبير لفشل العلاقات الزوجية

انت بتلف تلف وترجع لنفس النقطه.
وين بيحصل هالكلام في سوريا ولبنان والاردن ومصر وتونس والمغرب والجزائر.

نسبه حدوثه ضعيفه جدا.
لا تغالط.

[محمد ابراهيم]

كاتب النص الأصلي : handsome

اخ محمد انا معك وما معك بنفس الوقت بهالحكي .. لانو في كتير اوقات بيكونوا الشباب عما يضحكو عالبنات متل ما كنت عما تقولو مشان يوصلوا لكام شغلي مافينون يوصلولوا لو ما كانو هيك .. وهي الشغلي معروفي تماما وعند الكل كمان .. بس انتي ما اخدت بعين الاعتبار انو نفس الشي ممكن يصير من طرف الصبيي .. يعني انا بعرف كتير صبيايا هني بيبلشو بهدول الشغلات وبيلطشو حكي وحركات اكتر من الشب .. لانو متل ما بتعرف الشب اد ما كان جريء ما سهل علي بنوب يوصل لهل مرحلي .. وهي احد صفات البنات انو هني بس بيلطشو كام شغلي و وقت بيحس الشب بالمان بيكفي هو لحالو وبيفكر حالو هو الشاطر و وصل للبدو ياه من البنت مع انو كان كلشي نتيجي لخطت البنت الي هي عطتو الضو الاخضر وبعدين هوي كفا مشي بهالطريق الي دلتو عليه ... واغلب العلاقات الي بتوصل لمرحلة متقدمي شوي بمجتمعنا بتكون البنت هي الي بلشت بالموضوع والشب بيكون مبسوط عالاغلب .... وبهالحالي بتكون الصبيي هي الي ماشي ورا غرائزا .( لانو ما بعتقد في حدي فينو يقاوم الغريزي بين الزكر و الأنثى بين كل الكائنات الحي ما بس الانسان .. واذا حدي بيحس حالو مسيطر علية .. هو بيكون بس عما يخفية ويحاول انو ما يأظهرة ... بس هو بيكون حتى ولو بتفكيرو الباطني موجودي وهادا شي طبيعي وما حدي فينو يغيرو ...) وبهل حالي بتكون البنت بمجتمعنا بنت ما حبابي او رخيصة او في كتير تعابير مشابهة والكل بيعرفوا....

انا متفق معاك تماما.

كاتب النص الأصلي : handsome

ومشان الخطبي انو بتصير الشغلي ادام الاهل .. فما بعتقد انو رح تضل كل الوقت ادام الاهل ..( او عالقليلي بسوريا ما بعرف الوضع كيف بباقي البلدان العربيي) و وقتا كمان بيكون احتمال ما قليل بنوب اذا لو كان بدو يصير شي بين لتنين مشان يصير .. و بنفس الوقت رح ضيف شغلتين ... انو شو هالمعرفي الي رح يتعرف الشب فيا عالبنت اذا كان كل الوقت قاعد عندا بالبيت واذنين اهلة متل الرادارت عليون .. هي غير اذا ما كانو عما يسجلو كل الحكي الي عما يقولو ...

الوضع بمصر شديد التقارب من سوريا.ومن خلال كلامك اعتقد اننا في مجتمع واحد مع بعض الاختلافات البسيطه.
وانا معك لابد ان يترك مجالا للحريه بان يتحدث الخطيب مع خطيبته دون ان يسمعهم احد .ولكن ليس خارج بيتها.

كاتب النص الأصلي : handsome

والشغلي التاني انو ليش الحكي الرومنسي او الغزل مرفوض وشكلو مرفوض عالاخر كمان ... مع انو حتى لهدول الشغلات في كتير مستويات الي بتبلش من المديح بين الاصدقاء وبتوصل لغزل الحيبيبن لبعض ... يعني مافي احلى من الكلمات الحلوي الي بتتوجه للطرفين بالحديث وبتخلي الشخص يشعور بسعادي كبيري حتى لو كانت كلمي عابرة ....

انا قولت عن الصداقه رايي وعدم ايماني بها.وفرضا اذا كان لي شله فيها اربع بنات .وانا بتكلم مع الاربعه كلام جميل ورومانسي يعني بعتقد الاربعه ممكن يحبوني.

كاتب النص الأصلي : handsome

والله لحقيقة اذا قلتلك اني ماني مستغرب الموضوع بكون عما كذب عليك .. يعني ما بعرف كيف بس انت كأنك حاطط حاجز من الفولاذ بين الشب والبنت مع انو من وجهت نظري انو مافي اي فرق بين نفسيت شب او نفسيت بنت .. او عالاغلب انا بعتقد انو وقت بيكون الشخص عندو اعز رفيق من الجنس الاخر بيكون اريح بكتير من اذا كانو التنين من من نفس الجنس .. وانا عما قول بس رفقة ما اكتر .. لانو وقتا بتصير العلاقة ما طبيعي .. والشخص وقتا بيشعر برياحة كبيري كتير .. ما بعرف اذا كان هادا الحكي عند كل العالم بس انا عما احكي عن تجربتي و وجهت نظري الشخصيي بالموضوع ... وانا بنفس الوقت ما بعتقد انو في طالب باي كلية من الكليات السوريي ما عندو شلة صبايا وشباب .. وانا عنجد متفاجء بسماع وضعك بالجامعة ... بس متل ما قلت انك انتي كتير مكبر الفرق بين الشب والصبيي وبوجهت نظري الشخصيي بدون داعي ... و بتصير عطول علاقات بين الشب والصبي ققوة بكتير من علاقت الحب والزمالي مع انو كل مين بيناتون بيكون عندو رفيق او رفيقة .. والشغلي بنوب مانة مقتصرة على صح او خطاء . او جني او نار ..

انا مو حاطط حاجز من فولاذ بين الشب والبنت.ذلك اعتقادك فقط
يعني انا لما احدد من وجهه نظري انو العلاقه بتنحصر بين الزماله والحب. اكون بذلك حطيت حاجز من فولاذ.(توجد علاقه ولا مو كافيه )
انا متأكد انك لم تركز في تلك النقطه.وانتظر تعقيبك عليها .

كاتب النص الأصلي : handsome

وبخصوص رأيك وقناعتك انا بنوب ماني عما حاول غيرلك اياه لانو في كتير اوقات بتصير حروب بس مشان شغلة قناعات وفي كتير عالم مستعدين يضحو بحياتون كرمال قناعاتون .. وانا متأكد انو هي شغلي شخصيي ما دخلني فيا .. او بالأصح ما بيحقلي ادخل فيا بصفتي تكون شو ما تكون ....

انا مو قصدي هيك . انا اعتقدت انك تقصد ان رايي مو عن اقتناع وانما تماشيا للمجتمع.

كاتب النص الأصلي : handsome

وللحقيقة مشان شغلت الخطبي .. انا هادا راي تماما .. انو بكل المجتمعات المتفتحة شوي مافي شي اسمو خطبي .. و وقت بدي اشرح لرفقاتي هون شو معنات خطبي بعد شي ساعة من النقاش والحوار بيقولوي شو الفرق بين التين ابل الخطبي وبعدا ... على فرض انو الشخصين بيكونو بيعرفو بعض من ابل .. ومعد بقيان شي اسا ينحكة .. ( مع انو هادا الشي بيخالف رايك اخ محمد ) .. مشان هيك انا مع انو الخطبي ما لازمي بنوب .. وبتكون فرد مرة الزاجي .. طبعا اذا التنين بيعرفو بعضون كويس ومعد في شي ينحكا ... والوقت لحالو بيكون بين الصالح والطالح من الطرفين ابل الزواج ....

رايك على راسي.
بس مو صح .يعني امريكا وانجلترا وفرنسا.فيهم خطبه وهم من اكتر الدول المتحضره.

كاتب النص الأصلي : handsome

وشغلت فسك الخطبي انا برجع بأكد اعتقادي من الموضوع .. انو هوي لازم يكون بعد فترة طويلي من دراست الطرفين لبعضون و وقتا معد يلزم شي يندرس بزيادي .. او وقت بيكون لابد انو لتنين يخطبو فمعد بيكون في داعي لفسك الخطبي نظرا للمعرفي القائمي بين الطرفين سلفا ومعد محتاجي لتوضيح اكتر ..

الخطبه مهمه جدا في رأيي لانها تحل محل العلاقه التي تتحدث عنها قبل الزواج .(دراسه الخطيبين)

كاتب النص الأصلي : handsome

واخ محمد انا متل ما قلت من قبل بعبر عن وجهت نظري الشخصي و الشي الي عايشو ومتعود علي بسوريا والشي الي عما شوفو و اتعلمو من حياتي اليوميي بالمانيا ...
واسا في اخر جملي الك اخ محمد انا رح ارجعل بعد شوي اوكي..
وانا هلق برجع كغي النقاش بس استراحة صغيري لصنع كاسة قهوي شكلة السهرة طويلي اليوم ...وهي احلة وردي لكل الي مشاركين بالنقاش .. مابدي قول اسماء مشان ما يصير زعل ...

شكرا على الورده
وهذا بوكييه ورد مني . .

[Maher 4x4]

ولووووووووووووووووووووووو أنت وياه وياها و ياه وياااااااااااه

[silin]

شو هلحكي ليكو التصويت ادي

انا مع التانية لانو طبعا الشب هو يلي لازم يصارح البنت بمشاعرو قبل