هل قتل داروين الله !

[..Jimy]

كاتب النص الأصلي : abo aljoud

اولا ياعيني انا ئريت الموضوع كلوا بالبداية انا ماعم اسأل بس عم اكتب ما قالته النظرية
تانيا انا ما حكيت انو انت قلت اصل الأنسان قرد بل اكرر تقول النظرية ان الأنسان تطور من سلالة القرود (كلام ما إلو معنى غير فكرة نكران الله)
والصور هادي لاتدل على شيء بل العكس. وتظهر تشابه السلالتين وهذا لا يعني انهم من سلالة واحدة

عفوا منك..أنا فكرت انو اشارة الاستفهام بتعني سؤال..كما انو فكرت انو انتي بس قلت"بعد ما ئريت كتير من المكتوب"..خطرلي انك ما قارء كل شي..مدري ليش.. على كل الاسئلة تم الاجابي عنها سابقا..
مشان التشابه فهاد بيعني تشابه بالتركيبي الوراثية..وتاكيد للداروينية..


عزيزي Eleohant آخر مشاركة إلك..إذا ممكن تعمل عليها تبليغ مشاركة عاطلة..لأنها خارجي عن الموضوع..

[Raw]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

®

[..Jimy]

كاتب النص الأصلي : Raw

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

®

ممكن نعرف شو النقطة يلي متحاول توصلنا ياها تحديدا

[Elephant And Castle]

عزيزنا Raw ...بفهم من اللينك انو عم تقول داروين اسلم ...طيب حلو كتير ..

كلامك هاد تماما متل كلام المسيحين ببريطانية يلي بأمنو انو داروين على فراش الموت آمن بالله ...يعني على فكرى النغمة دايما منسمعها من الدينيين ,,انو كل شخصية تاريخية بيطالعا عنها حكايا بعد موتها ..و قصص خيالية عن اعترافات صارت على فراش الموت ...داوكينز بيقول ب ردو على الشي هاد ,," و انا على فراش الموت بدي شغل مسجل صوتي و خلي الناس كلها تسمع شو قلت و انا عم موت مشان ما يصير فيني متل اللي صار بقبلي !!"

داروين لما توفى كانت الأجراء انو يتم دفنو The Village Of Downe بس رئيس ال Royal Society و هي جمعية نخبوية للعلماء ببريطانية ارسل رسالة لرئيس دير ويستمينستر و طلب منو دفنو بمقبرتها الشهيرة يلي بضم كمان قبر اسحاق نيوتن ...طبعا الدينيين شافوها فرصة و وافقو على قبرو بالدير و من هداك الوقت طلعت القصص هي انو داروين آمن بالله ...و هلئ حضرتك عم تقول انو اسلم !! ما بستغرب ,,,لأنو بدل من مناقشة افكارو ..اسهل شي انو نقول انو هو شخصيا آمن !! ,,,,,,بس بالنهاية داروين لا آمن و لا اسلم !

عزيزي Jimy

انا ما بظن اني طلعت عن الموضوع ,,,بس في شغلة ما بعرف اذا انبهت الها ,,صار الموضوع اربع صفحات و ما في غيرك انت و The Morning و انا يلي عم ناقش الموضوع و عم نحاول نحكي شوي بطريقة علمية ,,غيرنا ما عم يكلف خاطرو حتى انو يعمل بحث صغير لهيك اذا لاحظت انو نفس الأسئلة عم تتكرر نفس كل مرة ...كل الصور يلي ادرجتها بسياق برهان نظرية التطور عن طريق المستحاثات مصورها بأيدي و على فكرة البيولوجيا مو اختصاصي ,,بس غيري ما عندو الرغبة حتى يعمل بحث صغير على Google !! ....بتعرف بالمناسبة ليش هيك ...لأنو نحنا شعب عاطفي ...مو علمي ! و هدا السبب يلي خلاني ضيف الصور هي بردي الأخير ..لأني حبيت خاطب عاطفتون ,,لأنو بشكل واضح النقاش العلمي ما الو مكان هون ,,,ما في غيري انا و انت و The Morning يلي كان مهتم بالنقاش بهيك طريقة ...

و كمان غير هيك ...انطلب مني غير اسم الموضوع !! ,,يارجل معلش خلي الواحد يحكي يلي الو و كمان يلي عليه ...لاحظ بأول رد ,,,المناظرة يلي من اسمها انا استمديت اسم الموضوع صارت بدير ..يعني بكنيسة ,,تاريخيا هي اهم كنيسة ببريطانية ...يعني صحيح دينيين ,,,بس عندون مجال للأخد والعطى ...اما هون عنا ,,,دينيين و نقطة اخر السطر !

على اي حال مكفي انا معك بالمناقشة الظريفة هي ..
بس حبيت وضحلك النقطة هي ..

شكرا

[abo aljoud]

يرجى الذهاب الى هذا الرابط لنرى ريتشارد داوكنز كيف يرد ؟؟؟؟؟؟؟؟
وهذا تحليل علمي غير عاطفي.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[abo aljoud]

بحب ضيف انو كتار هون اللي بدن يثبتوا انو مافي خالق اعتمادا على دارون مع انو ما في دليل بقول انو دارون نفسو كان ينكر وجود الخالق انما كان يعلم بوجود خالق للخلية الأم التي تطورت والتي انكرها العلم قبل الدين والمنكرين لها اناس ليسوا دينيين بل على العكس والأهم ليسوا اسلاميين حتى ما نحط كلشي بضهر الاسلام
بالنسبة لفكرة المصادفة فان النظام البيئي المتزن ودور غاز الأوزون بحماية الحياة على الأرض من الأشعة فوق البنفسجية وغيرها الكثير لايمن أن يكون صدفة بل لابد من منظم ومسير لهذه الدقة العالية التي لا يتخيلها بشر .
وبحب ضيف عندي دراسات مثبتة تدحض نظرية التطور كما يتخيلها البعض فالتطور الطبيعي يختلف 180 درجة عن تطور الخلية المزعوم
وللحديث بقية

[Elephant And Castle]

حابب كمان احكي مرة تانية عن المستحاثات ..يلي دراستها كانت البرهان الأكبر لنظرية التطور ...

يعني الهياكل العظمية لأجدادنا الأوائل بتفرجي كيف بالفعل القرد ابتدا يمشي بشكل منتصب ,,و تغير حجم الجمجمة ليصير متل الأنسان الحالي

اول شي المستحاثات يلي تم تصنيفها على انو الأنواع الأولى للبشر ظهرت قبل حوالي اربعة ملايين عام ..و كان منها لوسي يلي صورتها معروضة فوق ..هدون كانو يمشو منصبين متل البشر ..و الدلالة على الشي هاد رح فرجي بصورة لاحقا خلال الرد هاد ...

بس قبل حوالي مليون و نصف ابتدا النوع هاد يتمايز ليصير بيشبه الأنسان اكتر ..و كان اولها ال Homo Erectus ...وبعدين ال Neandertals و حتى اخر شي الأنسان المعاصر Modern HUman ..

يعني صور ال Neandertals يلي ببداية الموضوع شوفوها ...هي قردة شي ,,طبعا لأ ..هادا انسان معاصر ...كمان لأ ,,,بس اقرب للأنسان المعاصر من القردة ...اقرب بكتيير بالحقيقة ,,




هلئ استنادا على دراسة المستحاثات هي العلماء وضعو شجرة عائلة للبشر ..ابتداء من قبل اربع ملايين عام حتى يومنا هاد ...مع ملاحظة انو الأنسان قبل اختفى لعوامل متل ما قال داروين هي عدم قدرة النوع على مجاراة المحيط فكان لابد من اختفاؤو ليكفي بعد منو النوع الأكتر تطور (هون بقصد بالنوع الجماعة البشرية و ليس نوع حي لأنو هني نفس النوع بس الأحفاد اتطورو عن الأجداد ..)


و هي صورة لعمود فقري لهيكل عظمي قبل حوالي تلاتة مليون عام و بالمقارنة مع الظل لعمود فقري بشري و الظل لعمود فقري من الشيمبانزي بيتبين انو بالفعل انو صاحب العمود الفقري هاد كان يمشي منتصب متل البشر .هو اقرب للبشر ...




يتكرم علينا الدينيين و يشرحولنا عن المستحاثات هي ...و اذا هدون مو بشر ....و مو قردة ...شو هدون ... نصف بشر و نصف قردة !!

ولا المستحاثات هي كلها كذبة بكذبة !!

من اخي ابو الجود ...

رجاء بلا هيك فيديوهات استفزازية الواضح منها انك بتعتبرنا بهايم قدامك و جايبلنا فيديو مبين انو تطبيق متل عين الشمس ..يعني لما انسأل داوكينز ,,جابولنا مقطع من مشهد تاني و فرجونا انو كان عاجز عن الجواب ,,,

ثانيا يا أخي ابو الجود ..
كل شت بالفيديو كان لغط ب لغط ...يعني مزجوا تأثير الأشعاعات على الصيغة النووية للكائنات مع نظرية التطور ...

برجع بقلك ..

رجاء اقرا الردود ..معلش و لو اخدت من وقتك ,,بس فيها جواب للشي يلي عم تسأل ...

داوكينز معروف عنو انو من افضل المتحدثين ...رجاء بلا تشويه مزيف !!

راجع اللينك هاد

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و شكرا

[abo aljoud]

أخ (castle) يا ريت ما تعتبر أي شي استفزازي شخصي ليكن مجرد نقاش للكل الحق بابداء الرأي تانيا ماني مفكر اللي قدامي (بهايم ) يرجى اختيار ألفاظ مناسبة .


بالعودة للموضوع هلأء ما كل ما واحد حكي كلمة بجيب رسومات أصحابا تخيلوها ليثبتوا كلامن ويثبتوا افتراض التطور المزعوم وهون رح جبلك اشيا كتبت بمجلات علمية بحتة لتبطل هذا الافتراض.


أول دليل على بطلان هذا الافتراض ما ثبت من عدم توافق التكاثر التناسلي بين الإنسان وأنواع القرود والشمبانزي

والغوريلا· وهذا معناه في ضوء علم التقسيم أن الإنسان نوع منفرد وراثياً· حاول بعض علماء الأجنَّة مجاراة نظرية التطور فزعموا أن جنين الإنسان مزود بفتحات خياشيمية زائدة وأنها تمثل مرحلة تطور الإنسان من الحيوانات المائية مثل الأسماك ـ إلا أنه أخيراً في العام 1959م استطاع العالم >راندل شورت< Rendle Short الذي قضى حياته في دراسة تشريح جسم الإنسان ـ أن يثبت خطأ هذا التفسير وأثبت أن ما يسمى بفتحات خياشيمية ليست زائدة بل هي عبارة عن ثنيات في الأنسجة لازمة لتثبيت الأوعية الدموية في جنين الإنسان· وقد كان هذا التفنيد قاطعاً حتى إن >جوليان هاكسلي< في كتابه عن التطور في صورته الجديدة قد اضطر للتسليم بما أثبته عالم التشريح >راندل

كما نشر فريق علماء الأنثربولوجي المكون من عشرة مختصين بقيادة Tim White الأستاذ في جامعة >كاليفورنيا بيركلي< العام 1987م ـ نتائج دراساتهم المضنية لفحص 302 من هياكل وعظام الحفريات Fossils لما سُمِّي ببقايا إنسان ما قبل التاريخ الذي يفترض أنه عاش في جنوب شرق أفريقيا منذ أكثر من 1.5 مليون عام، والذي يسمَّى (homo hobilis)
والذي كان يعتقد أن له صلة النسب في التطور بين الإنسان الحالي كما نعرفه وبين أجداده المزعومة من القرود أو الغوريلا أو الشمبانزي· وقد أثبتت نتائج دراسة الفريق الأميركي أن ما سُمِّي بإنسان ما قبل التاريخ يختلف تماماً عن الإنسان الحالي لأن العظام قد أثبتت أنه يتحرك على أربع وأنه ليس منتصب القوام كالإنسان، كما أن طوله أقصر بشكل واضح، كما أن عظام الرأس وتجويف المخ تختلف تماماً عن الإنسان الحقيقي، وقد اختتم فريق علماء الانثربولوجي الأميركي تقريرهم العلمي في العام 1987م بأن هناك فرقاً شاسعاً يعكس فراغاً واضحاً زمنياً وتشريحياً من ناحية التطور بين ما سُمِّي بإنسان ما قبل التاريخ والإنسان الحقيقي، وأنه من المقطوع به أن هناك تغييراً درامياً ضخماً قد حدث نتج منه ظهور الإنسان على الأرض بحيث يصعب تصور ارتباط الإنسان الحقيقي بما يفترض أنه نشأ من نسلهم ـ حيث إن الإنسان الحالي متميز تماماً ظاهرياً وتشريحياً وسلوكاً وعقلاً وقدرة وملكات عن أي كائن آخر

[wile]

أولا صورة البنات الي لابسين حجاب شو فيها؟؟؟؟؟؟؟؟؟؟؟؟؟؟؟؟؟؟؟؟؟
ثانيا هلأ إذا داروين بقول مافي الله وأثبت - للبعض - إنه كل الكائنات الحية كانت كائن وحيد الخلية
طيب والنبات؟؟؟
والأرض؟؟؟؟
من وين إجت؟؟؟
لازم داروين ورفقاته يفسرو كل شي عن عدم وجود إله

[wile]

كاتب النص الأصلي : abo aljoud

أخ (castle) يا ريت ما تعتبر أي شي استفزازي شخصي ليكن مجرد نقاش للكل الحق بابداء الرأي تانيا ماني مفكر اللي قدامي (بهايم ) يرجى اختيار ألفاظ مناسبة .


بالعودة للموضوع هلأء ما كل ما واحد حكي كلمة بجيب رسومات أصحابا تخيلوها ليثبتوا كلامن ويثبتوا افتراض التطور المزعوم وهون رح جبلك اشيا كتبت بمجلات علمية بحتة لتبطل هذا الافتراض.


أول دليل على بطلان هذا الافتراض ما ثبت من عدم توافق التكاثر التناسلي بين الإنسان وأنواع القرود والشمبانزي

والغوريلا· وهذا معناه في ضوء علم التقسيم أن الإنسان نوع منفرد وراثياً· حاول بعض علماء الأجنَّة مجاراة نظرية التطور فزعموا أن جنين الإنسان مزود بفتحات خياشيمية زائدة وأنها تمثل مرحلة تطور الإنسان من الحيوانات المائية مثل الأسماك ـ إلا أنه أخيراً في العام 1959م استطاع العالم >راندل شورت< Rendle Short الذي قضى حياته في دراسة تشريح جسم الإنسان ـ أن يثبت خطأ هذا التفسير وأثبت أن ما يسمى بفتحات خياشيمية ليست زائدة بل هي عبارة عن ثنيات في الأنسجة لازمة لتثبيت الأوعية الدموية في جنين الإنسان· وقد كان هذا التفنيد قاطعاً حتى إن >جوليان هاكسلي< في كتابه عن التطور في صورته الجديدة قد اضطر للتسليم بما أثبته عالم التشريح >راندل

كما نشر فريق علماء الأنثربولوجي المكون من عشرة مختصين بقيادة Tim White الأستاذ في جامعة >كاليفورنيا بيركلي< العام 1987م ـ نتائج دراساتهم المضنية لفحص 302 من هياكل وعظام الحفريات Fossils لما سُمِّي ببقايا إنسان ما قبل التاريخ الذي يفترض أنه عاش في جنوب شرق أفريقيا منذ أكثر من 1.5 مليون عام، والذي يسمَّى (homo hobilis)
والذي كان يعتقد أن له صلة النسب في التطور بين الإنسان الحالي كما نعرفه وبين أجداده المزعومة من القرود أو الغوريلا أو الشمبانزي· وقد أثبتت نتائج دراسة الفريق الأميركي أن ما سُمِّي بإنسان ما قبل التاريخ يختلف تماماً عن الإنسان الحالي لأن العظام قد أثبتت أنه يتحرك على أربع وأنه ليس منتصب القوام كالإنسان، كما أن طوله أقصر بشكل واضح، كما أن عظام الرأس وتجويف المخ تختلف تماماً عن الإنسان الحقيقي، وقد اختتم فريق علماء الانثربولوجي الأميركي تقريرهم العلمي في العام 1987م بأن هناك فرقاً شاسعاً يعكس فراغاً واضحاً زمنياً وتشريحياً من ناحية التطور بين ما سُمِّي بإنسان ما قبل التاريخ والإنسان الحقيقي، وأنه من المقطوع به أن هناك تغييراً درامياً ضخماً قد حدث نتج منه ظهور الإنسان على الأرض بحيث يصعب تصور ارتباط الإنسان الحقيقي بما يفترض أنه نشأ من نسلهم ـ حيث إن الإنسان الحالي متميز تماماً ظاهرياً وتشريحياً وسلوكاً وعقلاً وقدرة وملكات عن أي كائن آخر

لك هادا حكي بيتصدق
الله يعطيك العافية

[abo aljoud]

الأخ wile رح جاوبك عنن اصلن دارون كما قلت لم ينكر وجود إله وليس هناك أي دليل يقول بأن دارون انكر وجود الخالق لكن دارون قال ان الكون خلقه خالق انما ما نحن عليه جاء نتيجة التطور .
لكن البعض أخذ هذه النظرية العلمية حجة له (دينيا) ليثبت عدم وجود خالق وهنا اقول بأن 99% من الملحدين لهم تصرفات دينية يمكن بدون ما يحسوا

[abo aljoud]

ع راسي يا طيب مستر (wile)

[..Jimy]

كاتب النص الأصلي : wile

ثانيا هلأ إذا داروين بقول مافي الله وأثبت - للبعض - إنه كل الكائنات الحية كانت كائن وحيد الخلية
طيب والنبات؟؟؟

عم مو كأنو جاوبناك هالسؤال سابقا..ليش بترجع بتسألو من جديد..بالنسبي للأرض فهاد كمان موضوع تاني (فيك تتطلع عنظرية الانفجار الكوني)..

لازم داروين ورفقاته يفسرو كل شي عن عدم وجود إله

كاتب النص الأصلي : abo aljoud

بالعودة للموضوع هلأء ما كل ما واحد حكي كلمة بجيب رسومات أصحابا تخيلوها ليثبتوا كلامن ويثبتوا افتراض التطور المزعوم

عزيزي الرسومات مبنية عمستحاثات موجودي..مو لعبي الشغلي ..

كاتب النص الأصلي : abo aljoud

بالعودة للموضوع هلأء ما كل ما واحد حكي كلمة بجيب رسومات أصحابا تخيلوها ليثبتوا كلامن ويثبتوا افتراض التطور المزعوم وهون رح جبلك اشيا كتبت بمجلات علمية بحتة لتبطل هذا الافتراض.

مجلات علمية!..ممكن تقلنا شو اسماء هالمجلات والحكي بأي عدد صدر..لنشوف المقال الكامل
وبعدين بنرد عليه..

كاتب النص الأصلي : abo aljoud

بالنسبة لفكرة المصادفة فان النظام البيئي المتزن ودور غاز الأوزون بحماية الحياة على الأرض من الأشعة فوق البنفسجية وغيرها الكثير لايمن أن يكون صدفة بل لابد من منظم ومسير لهذه الدقة العالية التي لا يتخيلها بشر .

تاريخ الارض الجيولوجي تم اكتشافو وتم اكتشاف تاريخ الغلاف الجوي وكيفية تشكلو ومافي قوى خارقة بالموضوع..

(كمان شغلي هـ "التنظيم" ابدا ما بيثبت وجود الله..لأنو مستحيل نعرف مين يلي نظم.. الله أو زيوس(إله الاغريق) أو فيشنو(إله الهندوس) أوسعدو(إله السعدويين) ..فـ "التنظيم" المزعوم مانو دليل ابدا عوجود الله)

[..Jimy]

كاتب النص الأصلي : wile

ثانيا هلأ إذا داروين بقول مافي الله وأثبت - للبعض - إنه كل الكائنات الحية كانت كائن وحيد الخلية
طيب والنبات؟؟؟

عم مو كأنو جابناك هالسؤال سابقا..ليش بترجع بتسألو من جديد..بالنسبي للأرض فهاد كمان موضوع تاني (فيك تتطلع عنظرية الانفجار الكوني)..

لازم داروين ورفقاته يفسرو كل شي عن عدم وجود إله

كاتب النص الأصلي : abo aljoud

بالعودة للموضوع هلأء ما كل ما واحد حكي كلمة بجيب رسومات أصحابا تخيلوها ليثبتوا كلامن ويثبتوا افتراض التطور المزعوم وهون رح جبلك اشيا كتبت بمجلات علمية بحتة لتبطل هذا الافتراض.

عزيزي الرسومات مبنية عمستحاثات موجودي..مو لعبي الشغلي ..

كاتب النص الأصلي : abo aljoud

بالعودة للموضوع هلأء ما كل ما واحد حكي كلمة بجيب رسومات أصحابا تخيلوها ليثبتوا كلامن ويثبتوا افتراض التطور المزعوم وهون رح جبلك اشيا كتبت بمجلات علمية بحتة لتبطل هذا الافتراض.

مجلات علمية!..ممكن تقلنا شو اسماء هالمجلات والحكي بأي عدد صدر..لنشوف المقال الكامل
وبعدين بنرد عليه..

كاتب النص الأصلي : abo aljoud

بالنسبة لفكرة المصادفة فان النظام البيئي المتزن ودور غاز الأوزون بحماية الحياة على الأرض من الأشعة فوق البنفسجية وغيرها الكثير لايمن أن يكون صدفة بل لابد من منظم ومسير لهذه الدقة العالية التي لا يتخيلها بشر .

تاريخ الرض الجيولوجي تم اكتشافو وتم اكتشاف تاريخ الغلاف الجوي وكيفية تشكلو ومافي قوى خارقة بالموضوع..

(كمان شغلي هـ "التنظيم" ابدا ما بيثبت وجود الله..لأنو مستحيل نعرف مين يلي نظم الله أو زيوس(إله الاغريق) أو فيشنو(إله الهندوس) أوسعدو(إله السعدويين) ..فـ "التنظيم" المزعوم مانو دليل ابدا عوجود الله)

[wile]

كاتب النص الأصلي : ..Jimy

[b]

(كمان شغلي هـ "التنظيم" ابدا ما بيثبت وجود الله..لأنو مستحيل نعرف مين يلي نظم الله أو زيوس(إله الاغريق) أو فيشنو(إله الهندوس) أوسعدو(إله السعدويين) ..فـ "التنظيم" المزعوم مانو دليل ابدا عوجود الله)

ما هون صار في إختلاف بالديانة مو نكران لوجود خالق
و

[..Jimy]

كاتب النص الأصلي : Elephant And Castle

ع عزيزي Jimy انا ما بظن اني طلعت عن الموضوع ,,,بس في شغلة ما بعرف اذا انبهت الها ,,صار الموضوع اربع صفحات و ما في غيرك انت و The Morning و انا يلي عم ناقش الموضوع و عم نحاول نحكي شوي بطريقة علمية ,,غيرنا ما عم يكلف خاطرو حتى انو يعمل بحث صغير لهيك اذا لاحظت انو نفس الأسئلة عم تتكرر نفس كل مرة ...كل الصور يلي ادرجتها بسياق برهان نظرية التطور عن طريق المستحاثات مصورها بأيدي و على فكرة البيولوجيا مو اختصاصي ,,بس غيري ما عندو الرغبة حتى يعمل بحث صغير على Google !! ....بتعرف بالمناسبة ليش هيك ...لأنو نحنا شعب عاطفي ...مو علمي ! و هدا السبب يلي خلاني ضيف الصور هي بردي الأخير ..لأني حبيت خاطب عاطفتون ,,لأنو بشكل واضح النقاش العلمي ما الو مكان هون ,,,ما في غيري انا و انت و The Morning يلي كان مهتم بالنقاش بهيك طريقة ... شكرا

والله بعرف..بس ما بظن انو الصور رح يأثرو بشي..عدا عن اني ما قدرت شوفهن.. (مو متعود عنشرات الاخبار انا)
وكانت مشاهد دموية جدا (يعني فيني كوني طفل ارفع عليك دعوة وطالبك بتعويض لايذاء مشاعري )

سلام

[Elephant And Castle]

اسف كتير عزيزي Jimy لأنو الجزئية يلي ذكرتها سقطت مني سهوا ...بالفعل في كتير ممكن يتأذوا من رؤية هيك صور ...بس كمان في شوية ظلم انك تجرجرني عالمحاكم لوحدي بسبب الصور هي ...لازم يكون معي هدون يلي اعطوا الناس هي التبرير الأخلاقي ليعملو هيك شي ...

و مشان اخي Wile عم يسأل البنات المسلمين المحجبين بالصور وين الغلط!! بقلوا انو ما في غلط غير انو اكبر وحدة فيون عمرها اربع سنين !!

للمرة المليون ...شباب ..يلي ما بيعرف داروين ,,يقرا عنو ,,,

المشكلة انو انا مسافر هلئ ,,بس اول ما ارجع رح فرجيكون صور معروضين بمتحف التاريخ الطبيعي للمذكرات الشخصية يلي كاتبها بأيدو ..و يلي فيها واضح حجم المعاناة يلي عاناها من ورا قناعاتو ,,و محاولتو لتغيير مفاهيم الدينية ,,,رجاء ,,رجاء ,,ما حدا يقول عنو كلام مو صحيح

اخي ابو الجود ...تسع و يسعين بالمية من الدراسات بتقول انو ال Homo Erectus و homo Hobilis و Neandertals هني اسلاف البشر و مو نوع تاني ...اذا صدف و قريت شي غير هيك ,,لازم تعرف انو هدون بكونو من الواحد بالمية يلي قدرت الدينية تأثر عليون ...بطريقة او اخرى !

ثانيا برجع بقلك انو المستحاثات يلي عرضتها انا مصورها بأيدي ,,,فما ما في داعي لتقول انو هي خيال و رسوم خيالية


و شكرا

[wile]

كاتب النص الأصلي : Elephant And Castle

اسف كتير عزيزي Jimy لأنو الجزئية يلي ذكرتها سقطت مني سهوا ...بالفعل في كتير ممكن يتأذوا من رؤية هيك صور ...بس كمان في شوية ظلم انك تجرجرني عالمحاكم لوحدي بسبب الصور هي ...لازم يكون معي هدون يلي اعطوا الناس هي التبرير الأخلاقي ليعملو هيك شي ...

و مشان اخي Wile عم يسأل البنات المسلمين المحجبين بالصور وين الغلط!! بقلوا انو ما في غلط غير انو اكبر وحدة فيون عمرها اربع سنين !!

للمرة المليون ...شباب ..يلي ما بيعرف داروين ,,يقرا عنو ,,,

المشكلة انو انا مسافر هلئ ,,بس اول ما ارجع رح فرجيكون صور معروضين بمتحف التاريخ الطبيعي للمذكرات الشخصية يلي كاتبها بأيدو ..و يلي فيها واضح حجم المعاناة يلي عاناها من ورا قناعاتو ,,و محاولتو لتغيير مفاهيم الدينية ,,,رجاء ,,رجاء ,,ما حدا يقول عنو كلام مو صحيح

اخي ابو الجود ...تسع و يسعين بالمية من الدراسات بتقول انو ال Homo Erectus و homo Hobilis و Neandertals هني اسلاف البشر و مو نوع تاني ...اذا صدف و قريت شي غير هيك ,,لازم تعرف انو هدون بكونو من الواحد بالمية يلي قدرت الدينية تأثر عليون ...بطريقة او اخرى !

ثانيا برجع بقلك انو المستحاثات يلي عرضتها انا مصورها بأيدي ,,,فما ما في داعي لتقول انو هي خيال و رسوم خيالية


و شكرا

الله يخليك بس على ما يبدو إنك بحياتك ما شفت مسلمين
وإن شاء الله تروح وترجع بالسلامة
و