مسابقة حرك مخك ... متجددة ..

[handsome]

هلق اول الشي رح اكتب الجواب الصح ..

أ) x = 3

ب) اذا بدنا احتمال السبحة الاولة يكون بنت .. بيكون الجواب .. 6 على 9 .. يعني 1 على 3
واذا بدنا احتمال السبحة التاني تكون بنت .. بيكون الجواب .. 5 على 8

هلق مشان الشرح..
اخواتي انا بعتقد انو المشكلة عندكون هلق بقياني بفهم المسألة بالشكل الصح ..
رجعو قرو هون

احنا معلوم عنّا انو بيطلع شخصين..بالمسائل الطبيعية..لما يكون الـ x معلوم..ممكن يسألنا شو احتمال انو يكون الشخصين احدهما رجل والاخر مرا..لاحظ هوّي ما حددلك انو الاول رجل او التاني..هو قلك احدهما رجل..طيب وقتها بنتبع طريقة معينة..وبنوجد الجواب.. بينما هون الطريقة معكوسة..هون احنا معنا الجواب..بس بدنا الـ x...على عكس المسائل العادية اللي فيها بدنا نوجد الجواب..مو متغير..

بعتقد انو هون المشكلة عندكون
بطريقة الحكي تبعك يمان فينك تطلع اديش احتمال يطلع بالسحبة شب, واديش الاحتمال تطلع بنت
هلق هون انتي عرفان سلفا انو طالع اكيد مرة شب . ومرة بنت .. مشان هيك بتحسب بهاي الطريقة

بعدين خيو متل الجواب الي جاوبتو انا اول الشي .. يعني شو معنى انو يكون في بالغرفة 1\3 رجال؟؟؟ شي مرة شفت بغرفة تلت رجال؟ او تلتين مرة؟؟
هادا الجواب الي طلع معك هوي جواب اديش نسبة تطلع بالسبحة الاولة شب واديش تطلع بنت .. بغض النظر عن ال x
يعني بهالحسابات .. احتمال يطلع شب هوي 1\3 واحتمال تطلع بنت هوي 2\3

وصلت شي الفكرة اما ارحع مرة تاني بطريقة تاني؟

[handsome]

كاتب النص الأصلي : matya

لا صح..

الاجوبة

أ ) X=3

ب) الاحتمال هو 5/8 (5 على 8 )


خيو على شو عم تتخانقوا؟!

سيد وسيم بدك تدرج حل البندين (كـ حل مو بس شرح)

يمّا انا بدرجهن عنك؟!

بلكي بشرحي انا بيفهموا

اول الشي بحب العن طح طح تبع السيرفر تبع الاخوية على الطح طح تبع الانترنت الي بيشتغل عالبروكسي

تاني الشي بحب اشكرك انك قلتي عن جوابي صح

تالت الشي مشان الشرح . خيتو شكلو في مشكلة عويصة بالطلب الاول .. واكيد بس ينحل الطلب الاول بيبطل في مشكلة بالطلب التاني لانو نسبيا سهل

هلق انا حاولت اشرح اد ما فيي .. اذا ضلو الشباب مصرين انو ما يفهو.. فحاولي انتي قنعيون . بركي بيقتنعو من حكي صبية متلك اكتر

وعكل الاحوال اذا حسيتي انو حكي غلط .. فينك كمان تصلحيلي انا ما عندي اي مشكلة بالموضوع .. وخاصة باعتبار انتي شكلك قديرة بفن الاحتمالات

ورابعا .. ميرسي

[MaTyA]

ب) اذا بدنا احتمال السبحة الاولة يكون بنت .. بيكون الجواب .. 6 على 9 .. يعني 1 على 3
واذا بدنا احتمال السبحة التاني تكون بنت .. بيكون الجواب .. 5 على 8

خيو..انت هيك ما شرحت..انت عم تعطي جواب مو شرح
متل اني قول لنلاقي x بيطلع 3..هادا جواب..مو طريقة..

خيو وسيم...ع كل حال قلتلك تكتبها كـ حل مو كـ شرح

هيك قوانين اللعبة بعتئد

الشرح انا بشرحلون اذا ما فهموا عليك

[MaTyA]

كاتب النص الأصلي : handsome

تالت الشي مشان الشرح . خيتو شكلو في مشكلة عويصة بالطلب الاول .. واكيد بس ينحل الطلب الاول بيبطل في مشكلة بالطلب التاني لانو نسبيا سهل

هلق انا حاولت اشرح اد ما فيي .. اذا ضلو الشباب مصرين انو ما يفهو.. فحاولي انتي قنعيون . بركي بيقتنعو من حكي صبية متلك اكتر

وعكل الاحوال اذا حسيتي انو حكي غلط .. فينك كمان تصلحيلي انا ما عندي اي مشكلة بالموضوع .. وخاصة باعتبار انتي شكلك قديرة بفن الاحتمالات

ورابعا .. ميرسي

بالنسبة لتالتاً..انت اكتب الحل..ادا ما فهموا انا بشرحلن باسلوبي
قلتلك اختصاصي الشرح يعني مو لانو شرح من صبية

واذا في غلط..طبيعي صلحلك..شكراً انك شايفني قديرة بالاحتمالات..
بس هاد مستوى سهل..يعني يمكن استصعب مستوى اعلى

[MaTyA]

كاتب النص الأصلي : gabriel

انه صار لي ساعة عبدور على المسألة فينها وما عبشوفها ( هيئتها تخبّت منّي )
بس انه يا جماعة طلب صغير كون الموضوع بالصفحة 35 كل واحد بده يحكي على المسألة يرجع ينسخ نصها مشان نعرف فين اللطش صاير ومن فين القواس عبيطلع

خيو بعد ما انحلت جاي تعمل انك كنت بتدور عليها؟

لو صحيح..بسيطة تعا قلي يا ماتيا هاتي المسألة..وبجبلك ياها..ما ببخل عليك

[يمان Rooooonaldo]

ب) اذا بدنا احتمال السبحة الاولة يكون بنت .. بيكون الجواب .. 6 على 9 .. يعني 1 على 3

هي اول مفلوج وسيمو

!! انو 6\9=2\3 مو 1\3 ..

هلق هون انتي عرفان سلفا انو طالع اكيد مرة شب . ومرة بنت .. مشان هيك بتحسب بهاي الطريقة

ما اختلفنا انو عرفانين هيك .. بس يا وسيمو .. انت عم تنقي شب من اصل 3 شباب على هوا ما انت حكيت .

شوف لح فهمك اعتراضي تمام وين ..

انت كتبت

يعني بيطلع 1 على ايكس
وبالبنات نفس الشي .. وبيطلع معك 1 على 2 ايكس
بتجمع الشغلتين سوا .. وبتحطون بيساو 0,5.. وبتحل المسالة على هاللاساس

طيب هلا وقت انت بكون عندك صندوق فيو هال 3 رجال وال 6 نسوان ..فلنفرض .. واجيت بدك تسحب عشوائيا ..

كيف طلع معك احتمال سحب الرجل .. 1\3 .. يعني بالاحرى اوكي نحنا عرفانين انو بدنا نسحب رجل من اصل 3 .. بس انت ما عم تسحب من غرفة مفصولة يعني التنين موجودين سوا .. لزلك حكيك لازم يكون عبارة عن

3\9 اللي هوة مجموع البنات والشباب سوا .. هلا بعرف انو الجوابين .. بييساوو بعض اللي انت كتبتو وانا كتبتو بس الفرق .. انو نحنا هون عم نحكي على اعداد معلومة .. وقت بدك ترجع للرموز ..
انت كتبت ..

(1\x)
+
(1\2x)
=
1\2 ..

وهاد الحكي مانو صحيح .. لانك وقت عم تكتب ال 1 فوق انت هيك بهي الحالة بتكون عرفان ايا شخص معين بدك تاخد من الرجال لانو الرجال المحتملين عنّا هني ... 3 رجال للسحب ..

وبعدين اهم نقطة للحل يا وسيمو .. بدي ياك تركز فيا شوي .. وهية انك نسفت ابو لعدم الارجاع .. هيك بهي الحالة ما عاد استخدمتو ابدا .. انت لانك عم تنقي رجال .. لحالو من الرجال ومرة من النسوان لحالو ..

خيو انا وصلت للحل الصح .. برايي وما بعرف .. بدك بحطلك ياه . لعل وعسى تفهم عليي ..

عراسي اب السيم

[يمان Rooooonaldo]

خيو .. انا طالع هلا .. هي حلي .. حليلتك ياه ..

شوفو شو بصير معكم وخبروني

هي حلي .. هووون

سلامووو

[MaTyA]

100 ، 100 ، يمان..خطك ما اشبو شي

وسيم شغلة..لما بدنا نختار حدا..بيكون عدد الامكانيات على العدد الكلي..
ممنوع على عدد قسم واحد..

وبتسدئو..اني هلأ قريت كل الردود

[handsome]

هي اول مفلوج وسيمو

!! انو 6\9=2\3 مو 1\3 ..

هلق من كل الحكي ما لقيت غير هالشغلة تعلق علية
شو اسا بيحاتك ما مخربط بالحساب

وبعدين اهم نقطة للحل يا وسيمو .. بدي ياك تركز فيا شوي .. وهية انك نسفت ابو لعدم الارجاع .. هيك بهي الحالة ما عاد استخدمتو ابدا .. انت لانك عم تنقي رجال .. لحالو من الرجال ومرة من النسوان لحالو ..

يا عيني عربك
تماما هاي هي النقطة الي انا عما جرب احكية ..
انا عما نقي مرة رجال من بين الرجال . ومرة بنت من بين البنات.. بغض النظر عن ترتيب السحب . يعني ما حدي جاب سيرة انو اول الشي لازم تسحب بنت او شب . ومتل ما بتعرف الجمع عملية تبديلية

اذا بدي اعملة بنفس الطريقة تبعيتك بتكون
مشان الحساب .. حت = p ( بحساباتك ) = احتمال
0,5 = حت( شب ) + حت (بنت)

0,5 = 1 على عدد الشباب + 1 على عدد البنات
لانك انتي عما تسحب مرة شب ومرة بنت .. والترتيب مانو ضروري ... فبتعرف انو عما تسحب واحد ( مشان منين اجا الرقم واحد . انو نحنا عرفانين انو بسحبة من السحبات طلع معنا شب .. مشان هيك هي اكيدي انو واحد) على عدد الاحتمالات الممكنة انو يطلع معنا شب ( والي هوي عدد الشباب الموجودين بالغرفة والي هي x )


مثلا لو كان بدك يكون في شبين
كان بيكون
النسبة الي بدك اياها ( الي بمثالنا 0,5 ) = 2 على عدد الشباب (x) وهكذا....

وبتكفي بعدين حساب متل ما بدك


يعني بالنهاي انا بنظري الشخصي انو الطريقتين صح .. وكل الطرق بتودي عالطاحون
انتي حسبت نسبة انو يطلع باول سحبة شب وبتاني سحبة بنت + اول سحبة بنت وتاني سحبة شب
وانا عملت شو احتمال يطلع معنا بسحبة وحدة شب + احتمال يطلع معنا بسحبة وحدة بنت

يا رب كون عما ققدر وصل فكرتي

وسيم شغلة..لما بدنا نختار حدا..بيكون عدد الامكانيات على العدد الكلي..
ممنوع على عدد قسم واحد..

متل ما سبق وقلت .. رح اشرح مثلاً ( عفكرة ال تنوين علمني اياه بلاك من شوي) 1 على x
نحنا منعرف من الطلب انو بالسحبة طلع معنا شب, صح ما؟
ومنعرف انو عدد الشباب الموجودين بالغرفة x, كمان صح ما؟

معناتا بيطلع معنا احتمال انو يطلع معنا شبب هوي واحد (هادا عدد الامكانات, متل ما سبق ووضحت انو اكيد لازم يطلع شب واحد) على العدد الكلي والي هوي ال x ( العدد الكلي للشباب الموجودين بالغرفة)
فبيطلع متل حكيك تماما
انوالنسبة هي 1 على x

يا رب تكونو فهمتو عليي .. لانو اذا ما فهمتو رح قول خلص متل ما بدكون .. معكون حق انا كنت غلطان ( مع اني متأكد من حلي)

[handsome]

كاتب النص الأصلي : matya

بالنسبة لتالتاً..انت اكتب الحل..ادا ما فهموا انا بشرحلن باسلوبي
قلتلك اختصاصي الشرح يعني مو لانو شرح من صبية

واذا في غلط..طبيعي صلحلك..شكراً انك شايفني قديرة بالاحتمالات..
بس هاد مستوى سهل..يعني يمكن استصعب مستوى اعلى

اي اي انا معك .. اختصاصك الشرح مشان هيك بيفهمو عليكي بسرعة... بس جربي انتي روحي عشي نقاش نازلين الشباب عما يطحبشو بعضون فيه .. وعيدي الحكي الي كان عما يحكي شي شب درويش متلي .. وشوفي انو دغري بيقتنعو معك

انا لما قلت عنك قديرة , قلت هيك لانو مبين عليكي عرفاني شو عما تحكي بالزبط, بغض النظر عن المستوى.. يعني الواحد بيحس من شرحك انك فهماني المادة ( حسب حكي المدارس)

اي بعدين مشان الطلب التاني ..

هلق صرنا نحنا نعرف انو في بالغرفة 9 اشخاص .. 6 بنات و 3 شباب
بدنا نشوف اديش احتمال يكون اول شخص منختاور بنت
والي هوي عدد البنات على المجوع الكلي .. 6 على 9 .. ومتل ما لاحظ يمان اني خبصت بالحساب شوي .. منقسم البسط والمقام على 3 .. بيقوم يطلع معنا 2 على 3 .. ( ما 1 على 3 لانو 6 تقسيم 3 بتساوي 2 ( الله يعلقك بين ايدي يا يمان ))

واحتمال انو الشخص التاني يكون بنت .. فكمان نفس الشي .. يعني عدد البنات على العدد الكلي .. فبيصير 5 على 8 .. لانو البنات نقصو بنت والاشخاص ككل نقصو شخص ( بعد السحبة الاولة يعني )

وبقا حسب ما الواخد يفهم الطلب التاني .. يا بياخد ال 2 على 3 يا بياخد ال 5 على 8

[يمان Rooooonaldo]

يا عيني عربك
تماما هاي هي النقطة الي انا عما جرب احكية ..
انا عما نقي مرة رجال من بين الرجال . ومرة بنت من بين البنات.. بغض النظر عن ترتيب السحب . يعني ما حدي جاب سيرة انو اول الشي لازم تسحب بنت او شب . ومتل ما بتعرف الجمع عملية تبديلية

وسيم .. قربت من الحيط ترا انا ها

لح بلش انطح يعني

لك يا ابو السيم .. هلا بدي اسالك سؤال .. وين عدم التكرار .. بالحل تبعك .. او بالاحرى لو اجاك السؤال الماضي نفسو .. وقلك مع العلم .. انو مع تكرار بالحسب اللي بصير يعني مع اعادة . حلّك ما لح يتاثر بس هاد غلط ..

لانو الحل لح يتاثر .. لح يصير المجموع الكلي يرجع .. ل 9 كل مرة عند كل عملية سحب ..

يعني بالنهاي انا بنظري الشخصي انو الطريقتين صح .. وكل الطرق بتودي عالطاحون

نو نو نو .. عكلن لح شو رايك ناخد راي تالت .. ناخد راي راغب مثلا ؟ موافق ؟

[fernanda bachchan kfoury]

ولي شو هاد؟
مافهمت شي

[MaTyA]

وسيم..بدي عقب ع شغلة بـ ردك..

0,5 = 1 على عدد الشباب + 1 على عدد البنات
لانك انتي عما تسحب مرة شب ومرة بنت .. والترتيب مانو ضروري ... فبتعرف انو عما تسحب واحد ( مشان منين اجا الرقم واحد . انو نحنا عرفانين انو بسحبة من السحبات طلع معنا شب .. مشان هيك هي اكيدي انو واحد) على عدد الاحتمالات الممكنة انو يطلع معنا شب ( والي هوي عدد الشباب الموجودين بالغرفة والي هي x )

مثلا لو كان بدك يكون في شبين
كان بيكون
النسبة الي بدك اياها ( الي بمثالنا 0,5 ) = 2 على عدد الشباب (x) وهكذا....

احنا سواء عارفين انو بالسحبة طلع شب او اكتر..نسبة الاحتمال رح تبقى عدد الامكانيات على العدد الكلي..رح بشرحلك ليش غلط تقول 1 على عدد الشباب..ورح بشرحلك شو بقصد بـ (عدد الامكانيات )..عدد الامكانيات مش عدد الرجال اللي بدنا نسحبهم..عدد الامكانيات هو عدد الرجال الموجودين..

يعني

لما يقلك عنّا بغرفة 3 شباب و6 بنات..العدد الكلي هو 9 .. شو احتمال يطلع شب؟!..هون ما فيي قول 1 على 3 او 1 على 9..لانو الموجودين هنّي 3 شباب ... رح ارمز لكل واحد منهم بـ حرف.. يعني خلينا نقول في بالغرفة .. أ .. ب .. ج .. لما انا قول 1 على (رقم)..هيك كأني عطيت احتمال اني طلّع واحد (معيّن) منهم..يعني كأني عم قول انو الرجل اللي بيطلع هو أ..وهالشي غلط..لانو مين قلك انو الشب أ هو يللي طلع.. بلكي اللي طلع هو ب او ج..

الحسابات بتصير على الشكل التالي..

احتمال انو يطلع شب هوي.. يا اما يطلع الشب أ ، او يطلع الشب ب او يطلع الشب ج.. يعني عنّا 3 امكانيات الى انو يطلع شب..من هون احتمال يطلع شب هو 3 على عدد الكل (شباب وبنات)

والقانون (عدد الامكانيات على العدد الكلي )..اجى من خلال الحسابات هي :

احتمال يطلع أ + احتمال يطلع ب + احتمال يطلع ج = احتمال يطلع رجل من الرجال
1 على 9 + 1على 9 + 1على 9 = 3 على 9..

من هون اجى القانون.. عدد الامكانيات على العدد الكلي..ممنوع الاجتزاء

والامكانيات برجع بقلك..ما بتعني عدد الرجال اللي بدنا نسحبهم..الامكانيات هي عدد الرجال الموجودين

وصلت الفكرة؟!

[MaTyA]

بالنسبة للبند ب ..

كاتب النص الأصلي : handsome

هلق صرنا نحنا نعرف انو في بالغرفة 9 اشخاص .. 6 بنات و 3 شباب
بدنا نشوف اديش احتمال يكون اول شخص منختاور بنت
والي هوي عدد البنات على المجوع الكلي .. 6 على 9 ..

واحتمال انو الشخص التاني يكون بنت .. فكمان نفس الشي .. يعني عدد البنات على العدد الكلي .. فبيصير 5 على 8 .. لانو البنات نقصو بنت والاشخاص ككل نقصو شخص ( بعد السحبة الاولة يعني )
وبقا حسب ما الواخد يفهم الطلب التاني .. يا بياخد ال 2 على 3 يا بياخد ال 5 على 8

بجواب الاحتمالات..ما في شي اسمو..يا هيك يا هيك,,(بنحكي كـ جواب نهائي )

كيف بدنا نعرف انو الشخص الذي اختير بالاول هو امرأة..طريقة الحساب هي..

انوا احنا بنعرف تاني شخص هو بنت..فـ عنا احتمالين.. يا اما يكون اول سحبة بنت وتاني سحبة بنت.. يا اما يكون اول سحبة رجل وتاني سحبة بنت.. هو بدو يعرف اديه احتمال انو بالسحبة الاولى كان بنت مو شب..

القانون هو :
( احتمال انو يكون بالسحبة الاولى بنت والتانية بنت ) على [( احتمال انو يكون بالسحبة الاولى بنت والتانية بنت) + ( احتمال انو يكون بالسحبة الاولى رجل والتانية بنت )] = احتمال انو الشخص الاول الذي اختير هو امراة

[MaTyA]

طيب كنت بحب يكتب وسيم ادا عندو اي استفسار

بس حتى ما يـُـترك الموضوع..وحتى يستمر


حطوا مسائل..بس اتفقوا بالاول..هندسة او احتمالات او غير نمط

[handsome]

انا تقريبا اقتنعت بحكيك ماتيا .. وفهمت شو قصدتي بالاحتمالات

بس لهلق اسا ما غرفت ليش طلع الجواب نفسو؟ معقول تشليف؟

عكل اذا عندك شي مسألة احتمالات نزلية .. لبين ما نشوف اذا يمان عندو شي هندسة


عفوا عالتاخير .. وعالاختصار بالرد . بس مكركبة شوي هالفترة

[محمد ابراهيم]

كاتب النص الأصلي : handsome

انا تقريبا اقتنعت بحكيك ماتيا .. وفهمت شو قصدتي بالاحتمالات

بس لهلق اسا ما غرفت ليش طلع الجواب نفسو؟ معقول تشليف؟

لكل مسألة اكتر من حل ولكل مشكلة عدد من الحلول (الحكمة الدراجة بيت علماء الرياضيات)

وممكن تكون تشليف ،بس بيضل الحكي فيو منطق وبالنهاية الناتج صحيح !!


نهاية القول : بدنا مسألة جديدة وياريت تكون بالرياضيات وبعيد عن الاحتمالات (تفاديا للقوانين اللي بعضنا او معظمنا يجهلها )

[MaTyA]

اوكي وسيم..وسؤالك نفسو سالتو لحالي وليمان الحقيقة..
كيف بيطلع جواب صح لطريقة غلط..!!

كاتب النص الأصلي : محمد ابراهيم

وبعيد عن الاحتمالات (تفاديا للقوانين اللي بعضنا او معظمنا يجهلها )

على اعتبار انو اذا انحط هندسة مثلاً..انت باصم قوانينها؟!!