مقلاية أخوية (6) بحلتها الجديدة

[boy freind]

شو لسه ما خلصتو

خرجك يا قرصان مشان تاني مرة تسمع كلامي و تتطلع من المقلاية

[قرصان الأدرياتيك]

قرصان يحيّيكم من شهباء سوريّة... من حلب السوريّة أرضَ البياض ومثوى بلاك وأبو طوني!

أنا وصلت... يعني وصلت. هلا تأخّرت وبعتذر، ورح كفّي تنزيل رأيي القاصر بالأعضاء...

بس قبل ما كفّي حابب عبّر عن إعجابي بمشاركة مشاعر لغويّاً بس... أوّل مرّة بشوف هيك مشاركة كاملة... عن جد بهنّيكي من كل قلبي وصدقيني أوّل مرّة بشوف حدا يكتب بدون أغلاط إملائيّة... عندك بس همزتين ناقصين وما رح قلّك وين! .

رح جاوب على المشاركات الأخيرة بعد إكمال القائمة نهائياً وهيك بختم مقلايتي بــ 3 أيام بالتمام والكمال ورح سلّما لواحد مجنون أكتر منّي... روحو انبسطو .

[sandra]

الحمدلله عالسلامة طولت
أنت بحلب قلتلي لئيم
ليش ما اخدتني معك

[yass]

بتروح و انت طالع من حلب ع طريق المطار.. تضل ماشييييييييي لتوصل جسر, بعد ما تمرق الجسر في تحويلة عاليمين بتخليك تطلع فوق الجسر.. بتعبر الجسر و توصل لأوتوستراد تمشي فيه 196 كيلومتر, بعد 90 كيلو تتطلع ع يمين الأوتوستراد بتشوف مجسم لسد الفرات مكتوب عليه"الرقة ترحب بكم".. بتمشي كمان 35 كيلومتر لتوصل لضيعة اسمها "شعيب الذكر" بتوقف جنب استراحة صغيرة كتير و شكلا قديمة دائما قداما كميونات.. بتطلب طواية لحمة.. بتاكلها و تدعيلي و تكمل الطريق لتوصل عالطبقة.. ما بتوقف بالطبقة انما تكمل شي 50 كيلو تانيات لتوصل منطقة اسمها (المقص) و انت بالمقص بتلاقي كباريه اسمو البستان بتلف عاليسار و تمشي شي 3 كيلومتر بتوصل لساحة الرئيس بالرقة.. بس توصل هنيك خبرني و ببعتلك برايفت باللي لازم تعملو بعدين


الحمد لله عالسلامة.. و سلملنا عالبلد

[مشاعر]

كاتب النص الأصلي : مشاعر

4- أيهما أصعب الابحار في البحر أم الابحار في أعماق النفس الإنسانية؟

إذا كان قصدك على هاتين الهمزتين فهما طعم لأرى مدى خبرتك في القرصنة اللغوية.

[قرصان الأدرياتيك]

abosleman ما بعرفو . وما بعرف شو بدّي أكتب.

AbuGuzef عرفتو بالمقلاية. نهفة هالزلمة... عندو مشكلة مع دقّ الباب...

AbuToNi هاد يا سيدي أخي! إي أخي... شلون ما بعرف اسألو ألو. الزلمة مبدع وبيحب الحياة ونيّال قلبو على هيك محبّة. الله بالزمانات كان قاتل ابن عمّو من هيك في عداوة بيناتن وما رح تنحل إلا لما يصدق الشب أنّو مو الله كان القاتل. بسبب ضغوط البلد الأمنيّة عالمنتدى قلّت مشاركاتو. حابب قلّو كلمتين نظاف... كل ما بتكبر أكتر كل ما رح تشوف أكتر وكون أكيد أنّو الإنسان بيتغيّر وكتير من اليقينيّات تتحوّل شوي شوي لأشيا تتراوح بين الــ "إي" والــ "لأ".

Abu William هالشبّ كتير لطيف وبيعطي حيويّة للمكان يللي بينوجد فيه. وبيعبّر بالنسبة ألي عن قوس قزح يللي بيظهر بين غيوم كتيرة بعد جو ماطر.

Achelious التقيت فيه مرّة وحدة لما علّق على مشاركتي بطريقة ما فهمتا! ما بحب ضيف غير هالشي.

AHMAD.. فنّان وصاحب موهبة بس كونو إداري هالشي عم يأثّر عليه بطريقة سلبيّة!

asakli ما بعرفا . في جملة عندا بتلفت "تفو عالطائفيّة ويحيا الانتماء الوطني". في قدّامك مشوار طويل فعلى مهلك!

Barleb ما بعرفو . طوراني من أرضنا وبلادنا.

BL@CK بعرفو . لسانو متل المبرد بيشيل عالطالعة والنازلة. الله لا يعلّق حدا بين إيديه! حابب قلو "وفوق كلّ ذي علمٍ عليم".

black_iris ما بعرفا إلا من خلال مشكلة صغيرة حول مشاركة لأحد الأعضاء. أنوثتا بتبيّن بقسم الخواطر والخربشات.

boy friend صاحب المقلاية... ولي أدي أكل مسبّات مالبشر! مواضيعو بتسلّي كتير وبتعجبني شخصياً.

butterfly أمينة المكتبة بأخويّة. جديّة كتير وأحياناً بتبالغ بجدّيتا خارج مجتمعها الصغير. تتحسّس بطريقة خاصّة. عطت كتير للأخويّة بس هالشي ما لازم يخليها تميّز نفسها عن الآخرين. تفتقد للحسّ بالآخر.

COSTA ما بعرفو . متأثّر كتير بالفيلم الأميركي "الرقص مع الذئاب". صورة ملفّو سيكسيّة بامتياز.

cuty ما بعرفا . ما بعرف شو بدي قول.

Fernanda ما بعرفا . إذا هي صاحبة الاسم الطويل فمقضيتها بالتشريفات وأخبار الفنّ.

fofo besset syria ما بعرفا . هي بتعتقد أنها تهتمّ بكل شي بس في الحقيقة ما بتهتمّ إلا بأشيا قليلة!

Government ما بعرفو . مشوار العمر لسّاتو مفتوح قدّامو... الطابة عندو أقدس ما في الوجود!

Gazita ما بعرفا . البنت فرنكفونيّة... بتحبّ الفراغ كتير!

handsome ما بعرفو . صورو مميّزة وبتذكّر بأفلام الكرتون. شلة حبايبو كتير صغيرة، ليش؟!

hanny dagher بسمع عنّو كتير... وبسمع أنّو شب حبّاب. قبل المقلاية كنت ملتقي فيه مرة وحدة بس. بحب قلّو البشر بيبقو بشر... والطوباويّة غير موجودة عالأرض! ألك مني أحلى تحيّة.

Hashtnasht التقينا من فترة قريبة. ومعرفتي فيه مقتصرة بس على هداك اللقاء. الزلمة بيحب يحكي بس بدون براهين! الدّفاع عن آرائه هو دفاع عن نفسو والجمع بين التنين شي غلط.

HUS ما بعرفو . وما بعرف شو بدّي قول... بس كأنّو توقيعو غريب شوي!!!

layla ما بعرفا . ألها سوابق بمقلاية الأخوية التالتة، الله يسامحها هي التانية!

LiOnHeArT ما بعرفو . الشب عندو الأخويّة أهمّ من درسو بكتير... لك عود شوي عالطاولة وادروس وحاجتك نت... هالشي ما بيطعمي خبز!

MadMax بعرفو. إداري. بنصحو يرجع يصير عضو بلكي بيطلع من عقدة الرّقابة! نحن هون لنفيد ونستفيد مو لنضحك على فلان ونتمسخر على علتان... ويا ريتو يراعي شوي الضعاف والجداد ويساعدون بدل ما يفوتن بستين حيط!!!

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما بعرفو . الزلمة حاطط بملفو صورة علم سوريّة والعقيد أبو شهاب وعم يحيي يللي رح يدمر حياتو... هالشب وجو كالحة وما بيحب حدا!!!

marioma alghzayala هادئة . صوت رائع . أنا رح ضل مدين ألها... يا ريت تشارك أكتر!

*Marwa* ما بعرفا كتير... التقينا بمقلايتا وكان الزيت عم يغلي فما قدرت تطلع من الانطباع الأوّل يللي بتاخدو عالبشر! بتمنّى تعطي الآخرين فرصة تانية مو بالكتابة، بل بالفكر والنظرة!

marwa hanna صديقة عزيزة على قلبي. حسّاسة وعاطفيّة لأبعد حدّ... بتمنّى تنظر للواقع دائماً بالعقل ولو على حساب أي علاقة! بالمنتدى جريئة ومحتاجة لتعمّق ثقافتا بالقراءة أكثر من الرؤية الاجتماعيّة!

matya لسان طويل. مشاركاتا جريئة وقويّة. بتحب لغتا. شجاعة. بحبّا برغم الاختلاف الكبير. حابب قلا شغلة أنّو المعرفة أكبر بكتير من أنّو نستوعبها بأشخاص متلنا.

M.E.e.R.O بحبّو مدري ليش. مفكّر أنّو الدنيا رح تخلص بسرعة. طوّل بالك يا زلمة في فرق بيني وبينك أكتر من جيل ولساتني عم أمشي على مهلي! المشاكل بتنحل بالعقل والصبر. حاول تبعد عن المشاعر لأنّا طاغية بحياتك. محبوب ومسالم عموماً.

Nirvana ما بعرفا . منسقة عنا وصحفيّة برا. ما قريتلا شي منشور...

Ooopss ما بعرفا . شايف إنّي مليت من حالي قد ما عم قول ما بعرف! يا ريتا تكفّي موضوعا في نصوص الفلسفة بشكل زمنيّ متواتر.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الزلمة مغيّر اسمو. بيعتبر حالو يعرف كل شي. بيشارك كتير بالسياسة. عندو موضوع مميز وهو "نور القمر". فعّال في الأخويّة.

Raw ما بعرفو . حابب قلو أنّو كنت أكره الرياضيّات وأنا صغير كتير بسبب قتلات أمّي اللي كان تدرّسني!!! فدخيلك بعّد الله عن الرياضيّات... ما بدّي أكرهو هو كمان!!! هلا هو منسّق بس ما بعرف لأي حد هو منسّق!

Reemi من الإداريين القلال المحترمين. وكرمال ما بتنفهم كلمتي غلط: مالإداريين يللي بيفرضو احترامهون. عادلة غالباً. بتداري الضعيف متلو متل القوي. بتستحق تكون مشرفة وعن جدارة.

Roaa ما بعرفا إلا من مرّة وحدة بس وما كانت كتير حلوة هديك المرّة! صغيرة عالإشراف!!!

SABE ما بعرفو . الزلمة مشرف إداري يعني بيخوّف والله يسترنا ما ناكل شي لطشة إذا فتحنا تمنا!!! أحياناً الإشراف بالأخويّة بيذكّرني بشغلات بتبكّي وتضحّك بنفس الوقت... تركيّا قبل 30 سنة وسوريّة حاليّاً والخازوق العثماني!!!

Sandra لك هي يللي بعرفا ببوس روحا أنا. يعني إذا حكيت ما رح خلّص... قلبا أبيض وطيّب بس ما بتقدر إلا لتوجّع راسا... يا أخي شو دخلك أنت؟! تعودت هيك... سكّر تمّك لكن! حاضر. إذا تعبت شي مرّة بتفكّر أنّو هيّ مسؤولة عن كوارث البشريّة وخاصّة عن آخر إعصار ضرب أميركا. ذكيّة ومحبوبة وبتخلق جوّ حلو بالمكان اللي تتواجد فيه... حاجتك، في غيرك والوقت خلص والحكم صفّر والنتيجة طلعت 1 ألي وصفر ألك .

Sarita يا إخوة إيطاليا... إيطاليا استفاقت! هيك بيبلّش النشيد الوطني الإيطالي. بتمنّى تحط صور أحلى من يللي بتحطّن، وتشارك بمحلات أكتر من المحلات المعتادة. بحبّا على كل حال.

Selav1 بيحب الأدب. تعرفت عليه من فترة قريبة. من شلّة الحبايب.

Sezar ما بعرفو .الزلمة مختار وأي شخص بتنقصو شي ورقة بيقطع تذكرة لقطر!

sona78 ما بعرفا إلا من خلال المقلاية... سألتني عن العشق المتبادل بيني وبين الهمزة! يا أختي ما في لا حب ولا عشق في عقدة نفسيّة ويا ريت حدا دارس علم نفس يطالعني منها! حاسّا كتير متأثرة بجزيرة الكنز... وأنا كمان .

suryoyo صديق عزيز. هادئ ومسالم. بيحب قوميتو وبينشر لغتا على قد ما يقدر. محبوب. محضرو على طول محضر خير وأنس. بس في عندو أنّو التركيز عالعلاقة مع الآخرين بيخليه يتجاوز الحقيقة والحق لدرجة أنّو ممكن يتنازل عنّن. من شلّة الحبايب.

Sweetbaby ما بعرفا . مشرفة وما بعرف شو بدي قول...

Syrian Gay ما بعرفو . بس حابب قلّو شغلة صغيرة: كل البشر عندا عيوب وأخطاء، هاد مو مشكلة. المشكلة بتصير لما أسعى أنّو أنشر هالغلط وخليه غصبن عن الطبيعة صح!

the light ما بعرفو . صورتو بتعجبني... ملفتة حقيقةً. توقيعو لازم ياخد وسام الأريح في الأخويّة!

the morning ما بعرفا . مبدعة. فنّانة. هادئة عموماً.

THE PUNISHER ما بعرفو غير لما علّقت على اسمو على سبيل الدعابة قام زعل! وهاي وردة .

Urhoy غالي على قلبي. معرفة شخصيّة. مثقف. منطقي. عقلاني. نمطو بالحياة بيعجبني. صفات مشتركة كتيرة. بس عندو سلبيّة أنّو علاقاتو بتتّسم بالطابع المؤقّت! من شلّة الحبايب. عنّا مشاريع رح نقضيها مع بعض... حضّر الصنّارات من هلا والطعومة لا تكون كتير غالية بشان لا نقضّي الصّيد ندم وبكا!

viva Syria حياتو ألها طابع مختلف عن البقيّة. مشاركاتو قويّة وفعّالة. عنيد. بيجرح بحكيو الغريب (أحياناً) وبيداري كتير الصديق (غالباً). غيور على بلدو. شايف كتير.

was616im عرفتو من قلبو الطيّب... دخل عالمقلاية متل الأسد وبلّش يضرب هون وهون والشباب خافو وبطلو أسئلة. الله محيي أصلك!

whiterose بعرفا من بعيد لبعيد... كلتنا بشر حبيبي وايت روز وبظن الله ما خلق حدا أحسن من حدا... الأديان والشّرائع هي لمجرّد تنظيم مو لتمييز وفصل... وخليلي الله ودينو للقلب والعبادة الشخصيّة!

wild_angel صديقة عزيزة على قلبي وبتمنّى خيرا ونموّا متل ما بتمنّاه لحالي. حسّاسة جداً وعلاقتا مع الآخر وسلوكا بيعودو لحالتا يللي بتعيشها باللحظة... فرحانة بتفرحك معا، زعلانة بتزعلك معا. محتاجة لشوي جرأة ولتطبيق النظري اللي بيدور براسا! من شلّة الحبايب.

yamen_h ما بعرفو . الزلمة جامع بين يسوع وبشّار الأسد ومحمود درويش وزياد الرّحباني... حابب أعرف شو هوّ الرابط؟!

yass في كتير أشيا لازم قولا عنّو. اليوم عندو بيتألف من 36 ساعة، لك كيف بتلحق هون وهون لساتني مو مستوعب! طويل النفس بالحوار. خدوم ومستعد للمساعدة بكل وقت (هالشي بيعود لبيئتو). بس عنيد ومن النادر ما بيتراجع عن رأيو حتّى لو اكتشف بعدين أنّو غلط! لغتو بتبيّن للي ما بيعرفو فجّة وهالشي هو سبب بإطلاق حكم خاطئ عليه... بس يللي بيعرفو عن قرب أكتر بيتمنّى يكون صديقو.

YaSer ما بعرفو . توقيعو بيدلّ على أنّو منسّق وخاصّة العلم السّوري وأحسن شي بملفّو... قصدي أوضح شي هو "سيرتو الذاتيّة".

zen ما بعرفو . ربّ السمايليات في الأخويّة. خود لقلّك ... وهاي واحد عالبيعة .

[THE_unforgiven]

THE PUNISHER ما بعرفو غير لما علّقت على اسمو على سبيل الدعابة قام زعل! وهاي وردة .

كلك ذوء حبيب القلب ..
بس صرت عم خاف عليك .. كتير نتفو بريشك هاليومين .. وجعني قلبي عليك .. صار لازم تتقاعد ..
شباب .. حلو عنو بقى حرام

[قرصان الأدرياتيك]

كاتب النص الأصلي : مشاعر

مرحبا قرصان
يا قرصان أخبرني بما هو آت

ميت وردة وأهلين... رح خبرك بما هو جاي عالطريق!

1- ما هو أجمل بحر رأته عيناك؟
البحر الأبيض المتوسّط من شاطئين اثنين: لبنان وصقليّة (الجزيرة الإيطاليّة).

2- ما هو أصعب شيء في الغربة؟
الوحدة!

3- تنوع دراساتك العلمية اخترتها عن حب للعلم أم لرؤية مستقبلية تخدم عملك؟
بالطّبع عن حبّ للعلم والرّغبة في هذه الاختصاصات.

4- أيهما أصعب الابحار في البحر أم الابحار في أعماق النفس الإنسانية؟
الثّاني.

[Reemi]

بس بدي خبرك انو انا استمتعت بمقلايتك جدا جدا ..وللصراحه انا ما بقرا كل المقلايات بنوب..بس مقلايتك يمكن تاني او تالت وحدي بقراها..فشكرا جدا جزيلا

[قرصان الأدرياتيك]

كاتب النص الأصلي : وشم الجمال

يسعدو خجلني انا.....قرصان سؤال صغير....عمركـ رح تتهور وتحط حالك بالمقلاية مرة تانية؟

وشّومتي... هاي أنت هون كمان؟! ولي على حظّي... أنا ما تهوّرتْ هنّ يللي هوّروني... .

كاتب النص الأصلي : boy freind

شو لسه ما خلصتو خرجك يا قرصان مشان تاني مرة تسمع كلامي و تتطلع من المقلاية

إي والله خرجي الله لا يقيمني... بس أنت السبب، يلعن... لأ بلاها!!! خيّو مشكور .

كاتب النص الأصلي : sandra

الحمدلله عالسلامة طولت
أنت بحلب قلتلي لئيم
ليش ما اخدتني معك

الله يسمنك... عفواً، كان قصدي قول... نسيت! إي إي يسلمك .
إي بحلب حاليّاً . عم بضحك لأنّي بحلب... برّات البلد بيبكّي من هيك ضحكت!!!
رح آخدك بس مو لحلب .

كاتب النص الأصلي : yass

بتروح و انت طالع من حلب ع طريق المطار.. تضل ماشييييييييي لتوصل جسر, بعد ما تمرق الجسر في تحويلة عاليمين بتخليك تطلع فوق الجسر.. بتعبر الجسر و توصل لأوتوستراد تمشي فيه 196 كيلومتر, بعد 90 كيلو تتطلع ع يمين الأوتوستراد بتشوف مجسم لسد الفرات مكتوب عليه"الرقة ترحب بكم".. بتمشي كمان 35 كيلومتر لتوصل لضيعة اسمها "شعيب الذكر" بتوقف جنب استراحة صغيرة كتير و شكلا قديمة دائما قداما كميونات.. بتطلب طواية لحمة.. بتاكلها و تدعيلي و تكمل الطريق لتوصل عالطبقة.. ما بتوقف بالطبقة انما تكمل شي 50 كيلو تانيات لتوصل منطقة اسمها (المقص) و انت بالمقص بتلاقي كباريه اسمو البستان بتلف عاليسار و تمشي شي 3 كيلومتر بتوصل لساحة الرئيس بالرقة.. بس توصل هنيك خبرني و ببعتلك برايفت باللي لازم تعملو بعدين
الحمد لله عالسلامة.. و سلملنا عالبلد

الله يسلمك والبلد كلا تسلّم عليك وبتبوّس إيديك!
هلا المشوار يللي نصحتني فيه حابب قوم فيه بطريق الرّجعة عالبلد .
بس ليش صعّبتا؟ .
بدّا والله زيارة .

كاتب النص الأصلي : مشاعر

إذا كان قصدك على هاتين الهمزتين فهما طعم لأرى مدى خبرتك في القرصنة اللغوية.

شطّورة... عرفت أنها ما رح تفوتك... هلا أنت ليش ما بتخربطي بالإملاء... جاوبي بعد مقلايتي مو هلا ها... اعتبريه تهديد .

كاتب النص الأصلي : THE PUNISHER

كلك ذوء حبيب القلب ..
بس صرت عم خاف عليك .. كتير نتفو بريشك هاليومين .. وجعني قلبي عليك .. صار لازم تتقاعد ..
شباب .. حلو عنو بقى حرام

رح أتقاعد بس عطوني نفس نزّل اسم يللي بعدي... ببوس إيديكن وج وقفا .

[VivaSyria]

كاتب النص الأصلي : Reemi

بس بدي خبرك انو انا استمتعت بمقلايتك جدا جدا ..وللصراحه انا ما بقرا كل المقلايات بنوب..بس مقلايتك يمكن تاني او تالت وحدي بقراها..فشكرا جدا جزيلا

وأنا أؤيد حكي ريم وبشدة.. بالفعل أمتعتنا بهالمقلاية المميزة صديقي...

تحيه إلك

[sandra]

ما بدنا نوقف
جد استمتعت معك بمقلايتك خصوصي بحكيك عني
بس طولت علينا بالقائمة كنا جد متلهفين الها بس لشوف رأيك فيني

الله يسمنك... عفواً، كان قصدي قول... نسيت! إي إي يسلمك .
إي بحلب حاليّاً . عم بضحك لأنّي بحلب... برّات البلد بيبكّي من هيك ضحكت!!!
رح آخدك بس مو لحلب .

اي الله يسمنك قصدي يسلمك
لوين رح تاخدني ؟؟؟

[قرصان الأدرياتيك]

كاتب النص الأصلي : Reemi

بس بدي خبرك انو انا استمتعت بمقلايتك جدا جدا ..وللصراحه انا ما بقرا كل المقلايات بنوب..بس مقلايتك يمكن تاني او تالت وحدي بقراها..فشكرا جدا جزيلا

هلا أنت من وين طلعتِ؟! بورقة يانصيب معرض دمشق الدولي... الجائزة كانت الشي اللي بتقوليه بالعادة واللي يعبّر عنّك "من فيض القلب يتكلّم اللسان".
هلا بدي أسألك: ريمي تبع فلام الكرتون بيقربك شي؟!
لك تسلمي ميت ألف مرّة... .


وبما أنّو ختامها مع ريمي كان مسك وعنبر ألي وألها ، فرح أعتزل وأستقيل.
وهاي منّي للجميع بدون استثناء وخاصّة يللي رح يزعلو منّي بعد نشر الغسيل .

وبعد ما أرتحلي شي دهر بعد الكفوف والرّفسات يللي تعرّضتلها عن رضى، رح رشّح بكل فخر واحد من الغوالي هون مو بس على قلبي... على قلوب الكلّ...

أصعب شي عليكن أنّو الزّلمة ما بينتمي لشي بنوب... هيك اسمو خيّو هيك وإذا مو عاجبك في ستين صفحة بالأخويّة اضرب راسك فين.

فليتفضّل مشكوراً صديقنا اللامنتمي .

ليش محدا صفّق... عيب والله!!!
.

[MadMax]

كاتب النص الأصلي : قرصان الأدرياتيك

Hashtnasht الزلمة بيحب يحكي بس بدون براهين! الدّفاع عن آرائه هو دفاع عن نفسو والجمع بين التنين شي غلط..

شو بدك بهالحكي
حشت نشت يمكن ما بيعرف وين الله حاطتو ..
على امل يستفيد على ايدك .....و يتثقف شوي .....و يصير يعرف يناقش مزبوط متلك

Reemi من الإداريين القلال المحترمين.

دخيلك انت شو محترم و بتفهم

[قرصان الأدرياتيك]

كاتب النص الأصلي : VivaSyria

وأنا أؤيد حكي ريم وبشدة.. بالفعل أمتعتنا بهالمقلاية المميزة صديقي...
تحيه إلك

كاتب النص الأصلي : sandra

ما بدنا نوقف
جد استمتعت معك بمقلايتك خصوصي بحكيك عني
بس طولت علينا بالقائمة كنا جد متلهفين الها بس لشوف رأيك فيني
اي الله يسمنك قصدي يسلمك
لوين رح تاخدني ؟؟؟

بلّشت عصّب ها... ليش نزعتو المسك والعنبر؟!!! .
مشكورين ، بس الله يعين يللي رح يعيدها!

خلّونا هلا بالشب الجديد... بشرفي رح طالع غلّي فيك، وكل القتل يللي أكلتو رح عوضو فيك.
بلشو بنوّار يا شباب!

[MaTyA]

كاتب النص الأصلي : قرصان الأدرياتيك

فليتفضّل مشكوراً صديقنا اللامنتمي
.

يعني اللامنتمي..سمحلي كون اول المرحبين فيك

والاسئلة لبعدين

ما تفكر نسيانتهون

[قرصان الأدرياتيك]

كاتب النص الأصلي : MadMax

[/size][/font][/color][/size][/font]
شو بدك بهالحكي
حشت نشت يمكن ما بيعرف وين الله حاطتو ..
على امل يستفيد على ايدك .....و يتثقف شوي .....و يصير يعرف يناقش مزبوط متلك
دخيلك انت شو محترم و بتفهم

أهلين مادماكس . والله أنا بحبّك!
شكراً خال عالتقييم!
بس أنا خلّصت... وحاجتنا سبامات...
وين الإشراف؟! بلشو حذف يا شباب من ردّي وأنتو نازلين بس بتمنّى تخلّو رد مادماكس...

[MaTyA]

بداية اسئلتي التقليدية..

السؤال الاول:
قدامك صفات.. بدي كل صفة تلائمها لعضو او عضوة..يعني هالصفة مين بتناسب من الاعضاء (برايك):

العصبية:
العند ( تناحة ):
صفة الجاذبية ، يعني بيجذب ، بيلفت:
حباب او حبابة (بينحب يعني):
مميز او مميزة:
مثقف او مثقفة:
مهضوم او مهضومة..خفيف دم يعني:
محترم او محترمة:
( طبعًا عند ذكر اسم لا يعني انو غيرو مش محترمين..لكن لما بتسمع باحترام مين دغري بيخطرلك)
نقاق او نقاقة:
جدي او جدية:
هادئ او هادئة:
مشاغب او مشاغبة ، يعني اصحاب مشاكل بكل موضوع بيفوتوه:
مسيح جوخ او مسيحة جوخ:
صادق او صادقة:
.
.
.