مقلاية أخوية (6) بحلتها الجديدة

[قرصان الأدرياتيك]

Abu Guzef

خيو كيفك انتي
مسيك ت قلك
مسيك مسيك لا تستحي يازلمة نقرش شوي

آني زين... كلش زين. وأنت أشونك يا بعد عمري؟! يا قرّة عيني أنت!

الحيوان حيّ بيذكّر الإنسان بالطّبيعة وبيعلمو كتير أشيا

الجراثيم انوجدت بشان تحطّ على المحكّ قدرة الإنسان على الدّفاع وعلى البحث!

الإنسان رائع وعظيم... بس أحياناً يصل لمرحلة يكون فيها أسفل المخلوقات.

الله يا ريت البشر تؤمن فيه متل ما هوّ على حقيقتو...

الدين مجموعة من الشّرائع للتنظيم بتتحوّل لفخّ إذا اُعتبرت أسمى من الإنسان!

الطائفية هي انعزال بشكل هجومي.

الإلحاد رفض علني لشيء غير علني.

العلمانية حاجة قصوى لأيّام اليوم وبوجود كل هالاختلافات بين البشر.

السياسة بالمفهوم اللغوي رائعة (النظري) وبالمفهوم التطبيقي ساقطة (العملي).

الحروب الإقتصادية هي الضّغط على الآخر بورقة الحياة!

امريكا أكتر الدّول المتحضرة داخليّاً وأسفل الدّول خارجياً.

روسيا عجوز عايش عالإبر وعلى بطولات الماضي... تماماً متل الأسد لما يختير!

سوريا وطني، بلد الحضارات والأبجدية يللي انتقلت لكلّ العالم... الله يرحم أيّام السوريّين (السريان) القدماء.

العراق بلد حضاري بس عم ينزف وخسر كتير من دمّو...

الجولان أرض مغتصبة لازم ترجع...

كوبا أكتر شي بيمثّلي كوبا شغلتين: السيجار وفيديل كاسترو.

مين اقرب واحد الك هون في كتار بيناتن أورهوي وساندرا واللامنتمي وسوريويو وأبو طوني وياس وفيفا... إلخ.

مين ابعد واحد ولا واحد.

معك 5 وردات لمين بتهديهون ساندرا واللامنتمي وأورهوي وسوريويو وأبو طوني... يا زلمة كتّر شوي الوردات ما بحب هيك! في كتيرين يستحقو الورد منّي.

وخمس شوكات لمين الشّوك لا يُهدى.

معك 200 الف دولار لمين بتعطيهون \ مو لئلك لازم تعطيون لحدا \ للي محتاجن أكتر... وبما أنّو ما بعرف مين محتاجن أكتر فبعطيهن للأخويّة.

شو سيارتك طرطيرة موديل 1674. قصدي ما عندي سيّارة.

وكم حادث سويت سويت حادث واحد بس لما اشتغلت على باص نقل عام (ما كان في ضحايا غير الطبون القدماني والضوء الأيسر).

شو اول سيارة كانت عندك ما كان عندي بعمري سيّارة.

كلمتين منك لاخوية الربّ يديم أيّامك.

شو عطتك اخوية رؤية جديدة لشباب اليوم...

شو اخدت منك ( غير الوقت ) ما بعرف هذا الشي يعود ألها... بس أنا اللي عم آخد.

شو نوع موبايلك نوكيا.

شو اخر رقم بموبايلك لحظة لشفلك... يعني لازم قول... رقم صديق بسوريّة واسمو زياد مكتوب بحروف أجنبيّة شنّو أنّو يعني ما بكتب بحروف عربيّة بالموبايل!

كمبيوترك مواصفاتو عالماشي توشيبا محمول السرعة 1,60 والرامات 512 والهارد ديسك 60 جيجا.

شو سرعة النت عندك بظنّ 1 ميجا.

شو نظريتك بالحياة المحبّة والخدمة.

شو بتعنيلك الحياة ما كتير... لولا الأشخاص اللي بحبن ويحبوني ما ألها قيمة عندي.

قديش معك بالبنك ليش الفضايح؟! بالبنك ما عندي شي... كنت تارك ميت يورو بس .

شو أحلا اغنية للتالي:
لفيروز: كنّا نتلاقى من عشيّة.

أم كلثوم: والله كتار يللي بحبن بس بختار من أجل عينيك عشقتُ الهوى.

عبد الحليم: فاتت جنبنا... ما بعرف ليش بحبها كتير!

وديع الصافي: طلوا حبابنا طلوا.

جورج وسوف: بتعاتبني على كلمة.

أبو جوزيف: ما سمعتلو شي... هات روابط!

شاي أخضر ولا أحمر‏ أخضر.

قهوة ولا نسكافه نيسكافه.

ميلو ولا كاكاو كاكاو.

عرق ولافودكا فودكا.

نبيد مز ولا حلو مزّ.

فوكس ولا هنكن شو هاد؟!

ريد لابل ولابلاك لابل ولا واحد.

ويسكي ولا كونياك ويسكي.

وينستون ولا لوكي وينستون.

مرسيدس ولا بي ام بي إم.

لوس انجلس ولا لاس فيغاس لوس أنجلوس.

ماي سبيس ولا هاي فايف ما بعرف الجوز ما فين... ما بفوت على هيك أشيا.

دودج ولا فورد دودج.

انا ولا هوي أنت.

لاب توب ولا كمبيوتر مكتب أكيد لاب توب.

نوكيا ولا سوني اركسون نوكيا.

شام خودور ولا سابا ! ما بعرف شو هدول!

سبور ولا رسمي سبور.

باريس ولا روما مو عيب تسألني هيك سؤال؟! أنت ما بتستحي على دمّك... أكيد روما.

سوفييت ولا أمريكا واحد أضرب مالتاني بفضل ما أختار.

انا مساويلك شي؟ لأ.
انت بتكرهني شي؟ لأ.
ليش آخر مرة تخانقنا؟ ما تخانقنا.
‏
شو بتقرأ أكتر شي بأخوية مواضيع الأكشن .
‏
وإزا طلع في جنة ونار وقالولك لازم تاخد معك7 من أخوية مين بتاخد إزا عالنار مين وإزا عالجنة مين
إذا النار بروح لحالي... فوق ما نار كمان أعضاء الأخويّة .
عالجنّة باخد الكل.

شو تعريف الروح؟ عكس الجسد.
‏
إزا صرلك شي وماعاد تفوت ع أخوية بعيد الشر يعني شو بتوصينا حبّو بعض الدنيا ما فيها شي والرأي يللي عم تقاتل مشانو اليوم ما رح يضل لبوكرا فعلى شو عم تتفذلك؟!
‏
شو تعريف الحشيش نوع من أنواع قلّة العقل!

وكيف يتم تمييز النظامي عن المروكب أوّل شي مالشكل وإذا مو قدران تميّز فمالطعمة وإذا ما مشي الحال فمالريحة وإذا لأ فمالمفعول وإذا كمان راحت عليك فمن ما بعد المفعول وإذا ما قدرت تميّز بعد هالأشيا فأنت حمار بهالشغلة وبعد عنها أشرفلك!

إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك
بسألو: تبع الأخوية؟! إذا قال إي، بقلو: تفضّل حابب حشّش معك شوي!

[Abu Guzef]

أبو جوزيف: ما سمعتلو شي... هات روابط!

لك هاد انا يا الله

شام خودور ولا سابا ! ما بعرف شو هدول!

هلق لتوضيح هالمقارنة
خيو السابة سيارة ايرانية معبية البلد

الشام خودور اول سيارة سورية وبالعالم بتتصنع ببلدنا وبتنزل مجمركة

شو تعريف الحشيش نوع من أنواع قلّة العقل!

بسألو: تبع الأخوية؟! إذا قال إي، بقلو: تفضّل حابب حشّش معك شوي!

ايونا هون حطنا ابو احمد

حشش معك شوي

شو مشان الهية

[ِAbu Alzooz]

كاتب النص الأصلي : suryoyo

انا زين و فوق النخل !

و انت الك 100 سؤال اذا تريد



اي رج يجيك الدور لا تخاف

هلق عما نعمل مراجعة لمقلاية اب سارة

طلع معي هالرد

و الله يا قرصان

باين انو الجريمة

عن سابق اصرار و ترصد يعني عمدا

كونان

[قرصان الأدرياتيك]

sandra

وهي سؤال حسن .......

مين بتحب اكتر ؟ (بتجاوب وبتختار واحد بس وممنوع عدم الاجابة )

الله يسامح حسن ويللي نقل عن حسن...

حومص ولا حلب ؟ حلب.

طرطوس ولا اللادقية ؟ اللاذقيّة.

الدير ولا الرقة ؟ الرقّة ما شفتها بس الدير ما عجبتني فرح أختار الرقّة.

الاتحاد ولا الكرامة ؟ الكرامة.

ابوك ولا امك ؟ التنين بس كرمال السؤال: أمّي.

سيزار ولا هشت نشت؟ سيزار ما بعرفو وهشت نشت بعرفو من هيك رح أختار هشت نشت.

مايا ولا ليندا ؟ التنين ما بعرفون... نقي أنتِ.

اب سليمان ولا غابي ؟ أبو طوني.

فوفو ولا ريمي؟ ريمي.

يمان ولا رؤى؟ يمان.

جاد ولا هاني؟ جاد ما بعرفو وهاني بعرفو من هيك رح أختار جاد.

ميمو ولا مورنينغ ؟ مين ميمو؟ إذا مورنينغ هي مَتّينا فرح أختار صباح.

محمد ابراهيم ولا مسطول ع طول ؟ محيّر هالاختيار... بيجوز أختار محمّد!

ميرو ولا تائه في النور ؟ ميرو.

هاندسم ولا SABE ؟ ما بعرف التنين. اختاري أنت.

فونيكس بيرد ولا اش ؟ ما بعرفون. بس رح أختار سوراقيا.

وسيم ولا سوريانا ؟ وسيم.

مروى ولا بنفسجة ؟ مروة.

اووبس ولا بلاك ايرس ؟ بلاك إيريس.

طفولة ولا ساندرا ؟ ولو... سؤال بايخ! ساندرا.

ياسر ولا ميدو ؟ أحمد.

زين ولا سيريويو ؟ سوريويو.

سرسورة ولا نيرفانا ؟ ما بعرفن نقي أنت.

الحكيم ولا كريم ؟ ما تعاملت معن... رح أختار كريم.

بلاك ولا برليب؟ برليب.

انا ولا حسن ؟ الحاكم.

حسن ولا انا ؟ جوفيرنمينت.

ليلى ولا ريتا؟ ما بعرفن. ريتا.

غزلان ولا راديا ؟ ما بعرفن. راديا.

ياس ولا ذا لايت؟ ياس.

مرام ولا يامن ؟ مرام.

ظل جيفارا ولا مادماكس ؟ ممممم!!! ظل جيفارا.

اب جوزيف ولا اب وليم ؟ أبو ويليام.

وشم الجمال ولا صبى؟ وشم الحلا.

فيفا سيريا ولا سيريا غاي ؟ فيفا بن سيريا.

ابوك ولا امك ؟ السؤال مكرر!

بتحب الوحدة ولا الزحمة والناس ؟ الوحدة، بس مو على طول.

مين اذكى الحماصنة ولا الكراد ؟ الحماصنة.

مين عقلو حيط اكتر الكراد ولا الحلبية ؟ الكراد.

مين بتشجع من المنتخبات ؟
عالمية ؟ البرازيل.

عربية ؟ سوريّة.

من الاندية ؟
الاجنبية ؟ ريال مدريد.

السورية ؟ الجزيرة .

العربية ؟ ما بعرف.

مين اكتر لاعب بتحبو (سوري او ماسوري مامشكلة) ؟ ما بعرف.
اكتر ممثل / ممثلةسوري ؟ بسام كوسا.
اكتر مغني /مغنية سوري ؟ أصالة.

وحدة في الاخوية انت معجب فيا من زمان وماعبتقد تقول ؟ يللي بعجب فيه بقلو.

واحد بالاخوية معجب في من زمان ومستحي تقول ؟ كما سبق.

مين بتحب اكتر الشي من المشرفين او المشرفات وبتحسو قريب عليك كتير (في حال ازا كنت مالك مشرف او مشابه )؟ ياس.

عضو/عضوة كنت ماتطيقو بس بعدين تبينلك انو كتير حباب وعكس اللي كان ؟ ما لحقت ما طيق لحتى طيق.

عضو/عضوة كنت مفكرو حباب ومنيح واكابر وطلع عكس المتوقع ؟ ما لحقت لسّا.

عضو تقاتلت معو ؟ في أكتر من واحد... بس بحبن متل ما هن: المحارب العتيق والتقرير الجوال وحشت نشت.

عضوة تقاتلت معا ؟ أتار... يومتا شرّمنا بعض وشدّينا الشّعر وكفوف ورفسات وبصراحة طلعت هي من المعركة مورّمة وعم تعرج فاضطرّيت وصّلا عالرّباط لأن ما قدرت تمشي مزبوط.

عضو ما هضمتو ؟ بحتفظ برأيي لنفسي.

عضوة ماهضمتا ؟ ما في.

بتحب المحشي مخبوص ولا مفلفل؟ بحب المحشي بكل الأحوال.

بتحب البيبسي ولا الكوكاكولا ؟ الكوكا.

مين من الاعضاء جاي عبالك تشوفن ؟ إذا لقاء شخصي في تنين: أورهوي وياس... وإذا حابب شوف صورتو فهو سوريويو، بس هالشي ما بيعني إني ما بحب ألتقي بسوريويو. الجواب كان طرح أسماء فقط!

بتحب البطاطا لحالا ولا مع كاتشب ؟ لوحدا.

اكتر كلمة بتحب تسمعا ؟ بحبّك.

اكتر موقف ضايقك بالاخوية ؟ لمّا يوصّل الاختلاف لرفض الآخر وكرهو. في كتير مواقف. بيجوز آخر موقف زعلني كتير.

[قرصان الأدرياتيك]

ABU WILLIAM

خيو قرصان شي حلو
مع انو ما ئدرت اقرا كلشي
بس انو شي حلو

الله يحلي أيّامك بس بسكّر القصب شنّو لأنّو سكّر الشمندر أسمر! والشمندر يكثر في دير الزور ودير الزور يكثر فيها سوراقيا وما أدراك من سوراقيا؟!

انت مين بتلت كلمات
أنا، وأعوذ بالله من كلمة أنا، همزة عالسطر... لأ لأ عالألف. ولا قلك على كرسيّ الياء... إي هي عجبتني لأن فيها كرسي وأنا تعبت مالوقفة... ارحموني!!!
خيّو أنا زلمة... والله السؤال صعب! شو قصدك؟ أفصح وأوضح بلكي بتساعدني!!!

انا مين بتلت كلمات
أنت شب حبّاب وحبشبّاك كمان... بتساعدني لأفهم أنّو مو كل شي بهالحياة أساسي... الثانويّات كتيرة فلا تدقّق خيّي قرصان. تجاوزت الكلمات التلات ولا لساتني عند أوّل وحدة؟!

الأخوية شو بتلت كلمات
محفل رائع لعدد كبير من الأصدقاء. منتدى ثقافي مميّز. جذبتني بقوّة آخر فترة.

الحياة و الموت كمان بتلت كلمات
الحياة حلوة ومرّة وتجنّب المرارة يكون باستخدام العقلانيّة في قبول الواقع.
الموت أمر محتوم فليش لنعتبرو شي شغلة يعني. هلا أنا هون بوكرا ميت بالقبر إي وبعدين؟! الموت بالنسبة ألي هو باب لحياة أوسع وأصفى وأشمل وأطول.

[قرصان الأدرياتيك]

Abu Guzef يعود من جديد لتوضيح ما التبس على قرصان.

لك هاد انا يا الله

ما اختلفنا خيّي بس أنا ما سمعتلّك شي... قريتلك أي نعم. وإذا حابب تسمعّني هات روابط .

هلق لتوضيح هالمقارنة
خيو السابة سيارة ايرانية معبية البلد
الشام خودور اول سيارة سورية وبالعالم بتتصنع ببلدنا وبتنزل مجمركة
لا لا خيّو... شو ما كانت البضاعة نظيفة فأنا زلمة وطني وبفضل الصناعة الوطنيّة. بس أنّو وطنيّة ومجمركة؟!!!
عكل حال الله يسامح اللي كان السّبب... ولا قلّك الله لا يسامحو إذا كان عندو عدل!!!

وأهلين بأبو الزوز... .

[قرصان الأدرياتيك]

ABU WILLIAM

و الله يا قرصان
باين انو الجريمة
عن سابق اصرار و ترصد يعني عمدا
كونان

لَه لَه لَه... شلون هيك؟!
تاريه حالفلي ياها من ورا السّؤال... طيّب كونان كان يحلّ القصص والجرايم بس وين الحلّ؟!
بما أنّو أنت قفشتو لهالزلمة فاختار الموتة يللي رح موتو فيا .
شو رأيك بتبع الأتراك؟! ما ظريفة؟! طيّب السعوديّة؟! ولا قلّك ليش لنبعّد مو بالعراق... سيّارة مفخّخة أو دبح على أصول الشّريعة الإسلاميّة.

[قرصان الأدرياتيك]

وبعدَ معركةٍ طاحنة دارتْ بين أسطول قرصان القراصنة وأساطيل التجّار بالقرب من سواحل البندقيّة في بحر الأدرياتيك في غرّة الشهر التاسع من السّنة الرّابعة لحكم أنطونيو ميديتشي، انكفأ التجّارُ عائدين إلى الموانئ خالين الوفاض وقد سُرقتْ تجارتهم وموادّهم، بينما رحل القراصنة مثخنين بالجراح حاملين كلّ ما لذَّ وطاب.
رحلوا وقد استعدّوا للمعركة المقبلة إذا حلّت!!!

[sona78]

سلامات قرصان
هي قبل ما تنتهي المعركة كان في حدا بدو يدحش حالو
لهيك طولها لسا شوي
اسئلتي :
ليش اخترت اتكون قرصان؟؟ ما رئيس جمهورية ديكتاتوري مثلا؟؟
ليش كنت تكتب التعليقات بالفصحى الكاملة
ليش هون بطلت هالشغلة؟؟ كنت ناطرة محاضرة تقوية للغتي العربية
واخيرا وليس اخرا شو قصة الهمزة معك

[MaTyA]

كاتب النص الأصلي : Reemi

سمرا بيضا أبتفرق..اهم شي ما يكون معلاقا كبير متلك بنت العم ...حاجي خروج عن الموضوع

لاء هوي انتا شوف مين عم يحكي..
لو كان السبام بيعني انو صاحب هالسبام معلاق .. كان بتطلعي من المعاليق بنت العم
محي سبامك .. بنمحي سبامنا

المهم:

كاتب النص الأصلي : قرصان الأدرياتيك

و- مريومة الغزيالة (كـ فنانة بتغني مو كـ مشرفة بالاخوية).
ليش مريومة فنّانة؟ طيّب وشو هو نوع الفنّ تبعا؟! غناء؟! وين بلاقي مواضيع عن هالشي؟!
أنا بلّشت فيك قلي... بس الموضوع بيهمني كتير ويا ريت حضرتك تكلفي نفسك وتجاوبيني .
أو أي حدا تاني ما عندي مشكلة.
القصّة وما فيا أنّو أنا صرّخت بوجه مريوما بدون مبرّر ولهلا ما عم بعرف كيف أعتذر... بيجوز قلا آسف مرّة تانية قدّام الكل يكون أفضل! .

ماتيا... أنا بلّشت حبّك أكتر... ديري بالك مالفتنة .

بالنسبة لمرام فهي فنانة بتغني .. صوتها حلو جدًا ..
في موضوع لسامر خاص عنها فيك تسمعو وتحطلنا رايك

كمان آخر سؤال .. خلص بقلك آخر سؤال لان حرام تعبتك :

بخصوص يللي بيجو بيقلولك انو ما تعمل هالشي وينهوك عن صفة ، عن خلق ، عن تصرف ، وبينظرو عليك انو انتا كذا وكذا لانك عملت هيك .. علمًا انو هني بيعملو هيك بس خلينا نقول ما مكشوفين .. وفي بيت بخصوص هالشي انو لا تنه عن خلق وتأت بمثله عار عليك لو فعلت عظيم...مدري اذا فعلت عظيم..المهم بهالمعنى.. بقا هالنوعية من الناس.. هالنوعية من الاشخاص كيف بتطلعلهون .. شو بتقلهن .. وهل صادف انك تعاملت مع هيك اشخاص؟!!

[jano.]

يا سلااااام القرصان في الطوّاية!!!
يا هلا بصديقي العزيز في مطبخ الاخوية...خيو مبارح اجتني تنكة سمن عربي من جنوب الردّ.. رح أقليك بالسمن ورح استعمل طنجرة الجينكو الي اجتني هدية بعيد ميلادي...

مابدي استعمل الطواية لانو ما رح أقليك راس عصفور او شرحات (ما بتهون عليّ)، بدي اعمل "قليّة" والقليّة بدها طنجرة...

يالله مارح كتّر الاسئلة بعرفك مشغول كتير اليوم، والشباب والصبايا ما قصّرو يعني ... بس مع هيك يمكن ارجع بدفعة تانية

- شو رأيك بالمكتبات بسوريا من حيث المضمون والتنظيم؟
- كيف بتتمنى يكون منهاج التاريخ بالمدارس السوريّة؟
- برأيك رح تطول المدة لبين ما تصير سوريا دولة علمانية "حقيقية"؟
=========

رأيك بالاقوال التالية؟
- الموت يضحك لنا جميعنا، الشيء الوحيد الذي نستطيع فعله هو ان نضحك له ايضاً..
- تستطيع ان تحب أيّ إنسانٍ كان او أي شيءٍ كان اذا فكرت باحتمال فقدانه يوماً ما..
- سامح اعدائك ولكن لا تنسى اسمائهم..
- يجب ان يكون كل ما ننطق به مبنياً على الحقيقة، ولكن لا يجب ان ننطق بكل الحقائق..
==========

- ايمتا رح نروح سوا عالصيد؟
نجي للاسئلة المهمّة
صيد السمك:
- شو اكبر سمكة صدتا بحياتك؟ (عم احكي عن السمك الحقيقي، لا يروح فكرك لبعيد! )
- وين بتستمتع أكتر: الصيد عنّا بالبلد بالمعدات التقليدية ولّا الصيد بأوربا بالمعدات الحديثة والمزركشة (سوكو سوكو) والدود الاوروبّي (400 غرام ب 3 يورو!! )
- اذا كنت عم تصيد عالسدّ بالصيف وانقطعت من الدود- حفرت ومالاقيت شي- وما معك أي شي تاني لتستعملو كطعم! شو بتساوي؟
الصيد البرّي:
- شو عملت لما صدت أول عصفور
- شو الأطيب: الفرّي والّا ديك البور؟
==================
قرصان الأدرياتيك انت انسان رائع واعتزّ بك واتمنى ان نلتقي عن قريب

[Reemi]

ريمي محترمة لحد يخلي الآخر يحبّا. بنصحها تضلا عنصر سلام في الإدارة.

[وشم الجمال]

اول شي بدي قلك انو كتير اجوبتك على اسئلتي كانوا حلوين خاصة بخصوص الكتّاب ....حبيت اسلوبك ونقدك ,,,,
اما بالنسبة للغة العربية فصدقني يا عزيزي انا ما بنكر الجمالية يللي بتتميز فيها بس بمجرد انو مو الكل بيحكي فيها فهاد بحد ذاتو بيشكل حاجز بينك وبين المتلقي ,,,,بمعنى انو فيك تستخدمها بس مو بهالشكل,,,,طبعا رأي مو اكتر وكمان حلو رأيك بالغروب وفي اشيا كتير عجبتني وبصراحة قربتك مني لانو انا من قبل ما تنقلي بصراحة ما كنت كتير بستوعبك

وبالنسبة لانو تتعرف على ذاتك فانا لما حطيت حالي بهالموقف حسيت قديش الواحد بيكون بمتاهة مو لانو ما بعرف يجاوب لكن لانو رح يكون متلو متل غيرو عم يحاول يعرف مين هوي وشو هوي,,,,فيعني مية وردة الك قرصان ...بس وشم الجمال مو وشم الحلا بس منك مقبولة

تعليق,,,كتير الازرق مع نوع الخط وحجمه بيعملي حالة تعصيب فالسؤال ما بدك تغير تنسيق الخط يللي بتستخدمو

سؤال تاني هلق ليش عطيتني هديك النصيحة يعني انت اكيد ما عطيتها من فراغ فشو السبب يللي خلاك تنصحني فيها؟؟؟؟

[قرصان الأدرياتيك]

sona78

سلامات قرصان
هي قبل ما تنتهي المعركة كان في حدا بدو يدحش حالو
لهيك طولها لسا شوي

المعركة ما انتهت، بس معارك مبارحة خلصتن قبل ما فوت نام... ونمت متل هداك الصرصور يللي تقاتل مع أم أربع وأربعين وما بقى يعرف الكفّ من وين يجيه... مقتول وطب! اليوم متل ما عم شوف هي مجرّد مناوشات لسّا ما صار اشتباك حقيقي!!!
أهلين فيكِ .

ليش اخترت اتكون قرصان؟؟ ما رئيس جمهورية ديكتاتوري مثلا؟؟

هلا إذا عملتيلك شي قراءة سريعة شغل عشر ساعات رح تشوفي الجواب... عم أمزح . اخترت هالشي بحكم مكاني يللي كنت فيه وبحكم حياتي يللي مو مبيّن لسّا راسا من عقبها. ما عندي مكان ثابت بحياتي ضلني فيه! عطول لازم سوح وجول... وما اخترت كون رئيس جمهوريّة ديكتاتوري لأسباب كتيرة أنّو ما بحب عيش طول عمري خايف ومرعوب ومحصّن وما فيّ شارك البشر متل ما عم تعيش... وبعد كل شي بروح اغتيال ناهيك عن المسبّات والشتايم والدعوات يللي رح تنهال عليّ ليل نهار وإلا ما ربنا يستجيب وحدة منن!!!

ليش كنت تكتب التعليقات بالفصحى الكاملة

هيك تعوّدت بحياتي وهيك كنت حسّ إنّي عبّر عن حالي أكتر... وحتّى هيك أكتب رسائل البريد الإلكتروني لمين ما كان... قريب أو غريب! ولسبب أخير حابب أذكرو يللي هوّ أنّو مشاركة الآخر كل شي باللغة المكتوبة مو المحكيّة بيصقل فينا موهبة التعبير والكتابة، ولمّا نحتاج حقيقةً أنّو نكتب شي معيّن بتعبير سليم معنى ومبنى رح نكون مستعدّين وقتها لهالشي مو خايفين من كلمة إذا أجت بمحلا ولا لأ!


ليش هون بطلت هالشغلة؟؟ كنت ناطرة محاضرة تقوية للغتي العربية

هون لأنّا متل ما قالت وشم الجمال رحلة داخل الذّات وما بدّي خلي أي عائق بين السائل والمجيب وإذا لاحظتِ مو بس هون... بلشت أكتب باللهجة بكتير محلات ولو لساتني عم أتضايق، بس الآخر هو الأهمّ هلا مو أنا... وخاصّة لما كون قادر أعمل هالشي بغضّ النّظر عن انزعاجي أو عدمه.



واخيرا وليس اخرا شو قصة الهمزة معك

هلا أنا كتير كنت دقّق عالإملاء وبما أنّو الشعب العربي بكل جملة بيخطيلو ستلاف غلط مع الهمزة فأكيد رح أذكر هالشي مع العلم أنّو الخطأ بالهمزة هو خطأ مزدوج إملائي ونحوي بنفس الوقت كون الهمزة حرف معتبر!!!
بس غالباً ما كون عم أمزح ولمجرّد الدعابة إلا اللهمّ بالمواضيع الأدبيّة يللي بحب نحوّلها شوي لجدية أكتر... يعني الكتابة مو بس للغة، كمان للمعنى، ولهلا محدا عم يشفي غليلي بالجواب عن معنى يللي عم يكتبو غير اللامنتمي لأن الكلمة بتطلع من قلبو وألها مكان عالسطر... مو مجرّد كتابة.
وإذا تابعتِ هالشي كتير كنت أسأل عالمعاني وبطريقة كتير تفسيريّة بس الغالبيّة صدّوني والبعض خافو يعطو تفاسير... إلخ.
عكل حال الهمزة متلا متل غيرا وما في شي خاصّ غير اللي ذكرتو!

وميت همزة... عفواً... ميت وردة ألك .

[suryoyo]

كاتب النص الأصلي : قرصان الأدرياتيك

وبعدَ معركةٍ طاحنة دارتْ بين أسطول قرصان القراصنة وأساطيل التجّار بالقرب من سواحل البندقيّة في بحر الأدرياتيك في غرّة الشهر التاسع من السّنة الرّابعة لحكم أنطونيو ميديتشي، انكفأ التجّارُ عائدين إلى الموانئ خالين الوفاض وقد سُرقتْ تجارتهم وموادّهم، بينما رحل القراصنة مثخنين بالجراح حاملين كلّ ما لذَّ وطاب.
رحلوا وقد استعدّوا للمعركة المقبلة إذا حلّت!!!

و قبل أن يعودوا جاءت قوات دوق بيروجيا (فالنتينو) و اعلنت الحرب من جديد على البنادقة و على القراصنة أيضا ... بتدخل الاسطول الفرنسي ايام لويس السادش عشر ... و بدهاء فالنتينو و الكساندر !

[hanny dagher]

سؤال واحد

هل في معرفة بيني وبينك غير القصة تبعيت الغلط النحوي اللي صار ؟

[قرصان الأدرياتيك]

matya

بالنسبة لمرام فهي فنانة بتغني .. صوتها حلو جدًا ..
في موضوع لسامر خاص عنها فيك تسمعو وتحطلنا رايك

وين هالموضوع؟! يا ريت حدا يعطيني شي رابط؟! أو يدلني عالقسم بس.

بخصوص يللي بيجو بيقلولك انو ما تعمل هالشي وينهوك عن صفة ، عن خلق ، عن تصرف ، وبينظرو عليك انو انتا كذا وكذا لانك عملت هيك .. علمًا انو هني بيعملو هيك بس خلينا نقول ما مكشوفين .. وفي بيت بخصوص هالشي انو لا تنه عن خلق وتأت بمثله عار عليك لو فعلت عظيم...مدري اذا فعلت عظيم..المهم بهالمعنى.. بقا هالنوعية من الناس.. هالنوعية من الاشخاص كيف بتطلعلهون .. شو بتقلهن .. وهل صادف انك تعاملت مع هيك اشخاص؟!!

من زمان كنت ما أستحي من جوابي ومين ما كان يكون كنت قلّو مثل حبيتو كتير قريتو بمذكّرات عراقي واسم الكتاب "يوميّات غجري لا يجيد الرّقص" مطبوع بلبنان. المثل بيقول: "لا أحبُّ مشهدَ عاهرةٍ تعلّم العفّة"!!!
هلا الوضع اختلف شوي لأنّي صرت أنظر للإنسان بطريقة واقعيّة أكتر ومو بالضّرورة يكون مثاليّ أو كامل ليحكي عن الأخطاء... رح أعطيكِ مثال حيّ ومباشر ومن وحي مجتمعنا الصغير هاد!
تعوّدنا هون ننتقد كل شي وإذا لاحظتِ غالبيّة المشرفين بيذمّوا الديكتاتوريّة السوريّة والمحاكم العشوائيّة والعرفيّة والاعتقالات غير المبرّرة وكمّ الأفواه... إلخ. بس بتلاحظي كمان أنّو البعض منّن بيتصرّفو تماماً على نفس النسق وخاصّة مع عدم إعطاء تبريرات حقيقيّة لتصرّفاتن (وأنا عم قول البعض وبدّي ركّز عهالشي لأن في كتيرين ما بيقومو بعملن إلا عن حق). بتشوفي مشرف أو منسّق بيطيّر شي معيّن ولما تسأليه عن السّبب بيقلك مخالف للقوانين... تقوليلو طيّب المشاركة السابقة كمان مخالفة للقوانين بس لأنّو كاتبا فلان ما طارت. شو يجاوبك: أنا هيك فهمتا أو هيك قريتا أو هيك بيقصد صاحبا!!! .
طيّب ليش ما سألتني عن شو بقصد أنا كمان قبل ما تلعن غيما؟! ما في جواب...
هاد المثل باختصار بيدلّ على حالات المجتمعات العربيّة ونادراً ما تشوفي في الغرب حدا ينهى عن شي هو غرقان فيه. ومتل ما قلتلك بالبداية أنا صرت أنظر للموضوع بطابع مختلف عن ذي قبل وخاصّة بوجودي بالأخويّة...
ما بعرف إذا كنت جاوبتك منيح لأن الموضوع خلقي سلوكي وبدّو دقّة أكتر وكنت بفضل أستعمل الفصحى بهيك جواب .

ملاحظة: عارٌ عليك إذا فعلتَ عظيمُ. متل ما كتبتيها بتاني احتمال.


أهلين متيوشكا... .

[suryoyo]

مرحبا قرصان ... اجا دوري بالاسئلة ..

1. هل تجيبك احلام اليقظة و اذا نعم ... هل هي متعلقة بالواقع و هموم الواقع اكثر من احلام النوم (اللي نتمنى تكون وردية دائما) .. ؟؟

2. هل تعتقد ان العشائريات هي تقدم او معوقات للتقدم ؟؟

3. تعتقد انو ثقافتك و بيئتك قريبة الى العراق ... و الى أي درجة تحسهم قراب الى نفسك كشعب ... ؟؟


4. هل تعتقد ان بيث نهرين هي تسمية حصرية على الجويرة ككل ... لو تعتقد هذه المنطقة هي بيث نهرين العليا ... و العراق اليوم هو بيث نهرين ؟؟

5. من وحي دراستك لحوار الاديان .. على أي اساس ممكن يكون حوار الاديان ؟؟



الي رجعة ب 5 اسئلة جديدة !