مقلاية أخوية (6) بحلتها الجديدة

[MaTyA]

كاتب النص الأصلي : was616im

شبكي انتي؟؟ قال بعمرها ما ضحكت باخوية قال بعدين شبها اخوية بعبع لحتى ما بتضحك ؟؟

لك بقصد اليوم

[was616im]

كاتب النص الأصلي : sandra

اي اي مقبول منك الجكر
بس للتوضيح كنت غايبة بهالدرس أنا .... يعني مو ذنبي

اي بالامتحان ما رح تقوليلهن انك كنتي غايبة بيجوز ما هيك ؟؟

[was616im]

كاتب النص الأصلي : matya

لك بقصد اليوم

ايواااااااااااا اي هيك احكي من الصبح

على كل منتحاسب نحنا ..... بس على شو؟؟

[قرصان الأدرياتيك]

عليك السلام يا سيّدَ القَراصِنة ...

وعليك بمثله وأفضل!

ما دام بحر الادرياتيك ليس بحرا عربياً ... و بالطبع كلمة الأدرياتيك ليست عربية ... فلا عتب و لا هم يجزنون على همزة الالف في بداية الكلمة ... اي ان الهمزة واجبة جوازا ... و تقدر أن تقول سقطت سهوا !!

لكن مع إدخالها لفظاً وكتابةً إلى العربيّة كما جاءت في لغتها الأصليّة (تعريب) عليها أن تخضع لنحوها وصرفها.
ولو ما سقطت سهواً كان الدم صار للركب... منيح أنّو بررت .

انا شخص ما احب الانتقام بس قلت لازم ابن عمنا يفوت معنا ....
والنّعم منّك يا ابن العمّ.

اما الهمر و الأپاتشي ... خليهم يطلعلوك بالاحلام
شفتن عالحقيقة فما في داعي شوفن بأحلامي.

نرجع للجد ...
صدقني الكل يحبوك هوني و انت حبيبنا و حبيب الكل
حلو يكون الإنسان محبوب بس مو هيئتي على هالشاكلة... راجع المعارك الطاحنة .

هي كانت مقدمة بسيطة بس راجعلك للقلي ....
الله يستر عالبشر وإذا رجعت... إذا يعني فلا تتقّل .

[MaTyA]

عمي قرصان.. بس بدك تجاوب.. اكتب اسم يللي سألك..لنعرف يابا

[وشم الجمال]

سؤال كتير ضروري

ما بتحس انو كلامك بالعربية وبهالاسلوب بيعمل حاجز بينك وبين الناس؟؟؟؟
يعني ما بقصد بلاها بس يعني كتير الجرعة عالية

[قرصان الأدرياتيك]

في حدا افتكرني وبدو ياخدني عالقمر !
بدنا نطلع عالقمر

إي بس كل واحد يقعد بزاوية ونحن عم نتأمل بالأرض وبركي بتأملنا نشوف المحارب العتيق وهو ماشي على سور الصين العظيم!
هلا ليش القعدة منفردة كرمال فتنة القلب أعاذنا الله منها ومنّي.

[قرصان الأدرياتيك]

بناءً على رغبة ماتيا رح عدّل شغلة. كتبَ سوا ربينا يقولُ:

قرصان يا قرصان .... انا سؤالي واحد بس ...شو السبب انو اذا بدك تطلع عالقمر بدك تاخدني انا ... يعني اشمعنى انا .... بس هالسؤال البسيط ؟؟؟

لأنّي ما بعرفك... وهيك القعدة بتكون رايقة .
هلا ليش اخترتك أنت من بين كل اللي ما بعرفن فالمفضل تسأل فيفا بن سيريا!

[MaTyA]

كاتب النص الأصلي : قرصان الأدرياتيك

مشاغب او مشاغبة ، يعني اصحاب مشاكل بكل موضوع بيفوتوه: أنتِ. يعني ماتيا.

إي شكراً... والصفة الوحيدة يللي كنتِ بتخافي منها ما طلعلا عندي جواب لأن لساتني عم شوف الكل صادق.

اول شي.. انا مشاغبة؟ عاد انا دايمًا بهدي الوضع بالمواضيع وما بدخل بمشاكل
تاني شي..ماني خايفة من الصفة..مين قال اني خايفة..ومن شو..من صفة؟هه
القصة انو حفاظًا ع مشاعر العضو اذا ما ناسبتلو هالصفة..

كاتب النص الأصلي : قرصان الأدرياتيك

ماتيا

اي اي هاد سمايلي بحبو انا ولسّة لو في سمايلي مأنف كان هديني ياه

[sandra]

كاتب النص الأصلي : was616im

اي بالامتحان ما رح تقوليلهن انك كنتي غايبة بيجوز ما هيك ؟؟

بالك ما صارت معي من قبل

كاتب النص الأصلي : قرصان الأدرياتيك

إي بس كل واحد يقعد بزاوية ونحن عم نتأمل بالأرض وبركي بتأملنا نشوف المحارب العتيق وهو ماشي على سور الصين العظيم!
هلا ليش القعدة منفردة كرمال فتنة القلب أعاذنا الله منها ومنّي.

اي بس ما فيك تخبي يلي بقلبك
أفشتك

شو مشان هلا رح يستلمنا الشعب بقا خلص اجل الحكي بهالموضوع

يلا كمل الاسئلة لنشوف

[MaTyA]

كاتب النص الأصلي : قرصان الأدرياتيك

بسبب زيادة بإفراز أنزيم المحبّة.

يه يه .. طيب بما انو هيك وبما انو:

كاتب النص الأصلي : matya

لاني فهمتك .. رح بعطيك اسئلة غير هاد

وعد الحر (انا) دين فـ الك مني هالاسئلة..

هي هدية بما انو صرنا برمضان و ع السيرة بنقلكن رمضان كريم

اسئلتي القديمة ( ابسط يا عم بدأت من سؤال 4 ) عيش بهالنعمة :
.
.

4)بالنسبة لتقمص شخصية الاخر .. برايك من اين ينبع ,.. يعني من جهل..الخ..؟!

5)برأيك هل يستطيع (القلب / العقل) استيعاب اكثر من حب في نفس الوقت ؟هنا الحب بمعنى حُب الحبيب ...

6)الحب عبر الانترنت.. الى اي مدى تؤمن بـ وجود هذا الحب؟!!

7) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟! وَ علل.

8 )بتفرق معك ادا كان الزواج نتيجة حب انترنت او نتيجة حب على ارض الواقع ؟ ولا نفس الشي بالنسبة الك ؟!!

9) لمين بتقول من الاخوية (ادا في حدا ينقلو )
(يعني كأنك بحوار مع شخص بتقوم بدك توصفو فبتقلو قول من هالاقوال) :


أ- "وما خاطبتُ جاهلاً الا وغلبني".

ب- " ولا خير في ودّ امرئ متملق حلو اللسان وقلبه يتلهبُ".

جـ-"ولا خير في ودّ امرئ متلون اذا الريح مالت مال حيث تميلُ".

د- الكذب عندك صنعة.

10) بدي توصف صوت او اغاني او موسيقى :

أ- فيروز.
ب- زياد الرحباني.
ج-شربل روحانا.
د- ميادة بسيلس.
هـ- لينا شاماميان.
و- مريومة الغزيالة(كـ فنانة بتغني مو كـ مشرفة بالاخوية).

[قرصان الأدرياتيك]

المحارب العتيق:

أبو قريص ( عجبتني هي قريص )
أول شي ليش الأدرياتيك وبعدها ليش قرصان
تاني شي ليش عصبي لما بيكون مافي داعي . ورايق لما المفروض تكون معصب
تالت شي ياريت تشرحلنا شو طبيعة العلوم الأسلامية يلي دارسها
رابع شي كيف برأيك الوطن العربي أو العرب فيهم يتقدمو ويتطورو
خامس شي شو طموحك بالحياة

أبو قريص على وزن أبو بريص...
بتعرف أنّو أنت شغلة وخاصّة بالجدل معي... وشغلة على وزن بغلة.
ما عجبني هالاسم وبفضّل أنّو محدا يناديلي فيه وقد أعذر من أنذر .
أنا ما توقّعتك تفوت! لكنّك فتَّ... وكنت حابب أسألك عن تعليق أوردته بموضوع ياس عن حلقات داروين، بس كرمال اشتداد وطيس المعركة حسيت أنّو سؤالي رح يعيد القصّة للأذهان فاعتزلت.
وما بظن أنّو السؤال ألو موقع هون فراحت عليّ وعليك.

الأدرياتيك لأنّي لمّا سجّلت بالأخويّة كنت موجود بمدينة على بحر الأدرياتيك. وقرصان لأن القراصنة كانوا منتشرين جداً بهالبحر بحكم أساطيل التجارة بالبندقيّة. وكون حياة هالنوع مالبشر ما ألا أساس ولا مستقرّ وتقريباً حياتي لهلا هيك.

عصبي هاي علّة فيّ وعم حاول بطّلها بس قدّام الغباء والنّفاق ما بقدر!
فأمّا ليش أنّو مو بوقتها لأنّو أنت هيك بتشوف... وبظنّ أنّو مو بإيدي هوّ إفراز الأدرينالين ولا بإيدي مو إفرازو!!! بس أنا بشوف أنّو هي بتجي بالوقت والمكان المناسبين وخاصّة كمان مع الشخص المناسب.

العلوم الإسلاميّة هي دراسة تتألّف من مرحلة الديبلوم فالليسانس فالدكتوراه.
أول سنة بيدرس الطالب باللغة الإيطاليّة وتاني سنة بلغة يختارا بين الفرنسية والإنكليزية وتالت سنة حكماً بالعربيّة.
طبيعتا أنّو هي دراسة تتوزّع على مواد وأعمال بحث وامتحانات تتعلّق بمواد إسلاميّة بحت، متل: القرآن ونصوص، الحديث والسنّة، الفقه والشريعة، الكلام، التفسير، تاريخ الإسلام، الشيعة، العلمانيّة في المجتمعات الإسلاميّة، الشيع الأخرى الإسلاميّة، التصوف والمتصوفة، الفلسفة الإسلاميّة، المنظمات الإسلاميّة... إلخ. وفي مواد أخرى كتيرة.

العرب فين يتقدّموا لمّن يتعلّموا شو بتعني كلمة المساواة بين البشر. ولمّا يوصلوا لمرحلة يعزلوا فيها الدين عن الدولة وهالشي حالياً مستحيل لأنّو الدين والدّولة واحد بحسب العقيدة الإسلاميّة الأرثوذكسيّة.

طموحي في الحياة أنّو أقدر أقدّم شي لبلدي ولو على مستوى صغير كتير. وخاصّة في المجال الاجتماعي والثقافي. وما بالضّرورة كون أنا اللي عم قدّم، بقصد أنّو التقديم يكون كمان بالتربية ومساعدة الآخر على النموّ والعطاء.

مع التحيّة الفائقة لأحلى المحاربين .

[black_iris]

ما بعتقد ضل أسئله .. كل ما فكر بسؤال بلاقيه موجود !!
بس انو .. ما بصير نطلع هيك بدون ما نسأل .. مشان واجبك


* ممكن تعصب لدرجة تفقد فيها اعصابك ؟ لدرجة تدفعك مثلا للضرب ؟ (إذا اي )في حالات معينه ؟

* جرى حديث بينك وبين شخص تاني .. وكان كل كلام الطرف التاني أقل ما يقال عنو "سخيف " .. ردة فعلك رح تكون ؟؟ ( اي يعني شو بتعمل )

*آخر سؤال .. إذا كانو السؤالين اللي فوق مكررين .. رح
1- بتطنش 2- بتعمل حالك مو شايف 3 - بتقول بقلبك ( تضربي .. مكررين )

وسلامتك
كل مقلاية وانت بخير

[The morning]

مافي عندي اسئله لكن من اجمل المقلايات اللي قريتها لهلئ .. تابع

[VivaSyria]

أبو قريص على وزن أبو بريص...

عالقافية يعطيك العافية

[قرصان الأدرياتيك]

الباشق المجروح:

خود جاوب ع هالكم سؤال :

أهلين بالمجروحين وميت مرحبا...


1 - شو رأيك بالوضع العام بالبلد .. هل انت من المتفائلين ؟ ولا خلص من الي سلموا بالأمر الواقع وقالو ما في امل . ؟ هل نحنا عم نمشي بخطوات للأمام ام للخلف ؟

الوضع مبهدل لأبعد الحدود وعلى كلّ المستويات عدا الأمنيّة! نعم أنا من المتفائلين والخطوات دائماً هي لقدّام... وإذا كانت لورا رح توصل لمرحلة انفجار وهالشي يعني أنّو رح يصير شي لقدّام!


2- هل دائما ً الحوار هو الحل ام ان هناك لحظات يجب ان لا يستخدم الحوار بل الالغاء والهيمنة ؟

الإلغاء والهيمنة غير واردين بقاموسي، الحوار لمرحلة وبعدين تنبيه وتحذير وأكتر من هيك ما فيّ روح!


3- كتبنا بتحكي كتير عن أمجادنا . وعلمونا انو نحنا صنعنا كل حضارات العالم ؟ هل برأيك هالحكي مبالغ فيه ؟ هل معقول ناس صدروا الحضارة عايشين بدون آثارها ؟ وليش نحنا دايماً منبكي ع الاطلال ؟

مبالغ فيه طبعاً وعم أحكي عن آخر حضارة بالشرق. صدروا بالحضارة بفترة كان العقل ألو قيمة بحياة الشرق. نبكي عالأطلال لأنّو ما عنّا غير شغلة!


4- ما رأيك بما يلي :
حكم الدين : فاشل تماماً.
الحمل قبل الزواج : إذا في حب وصار بغير قصد فالموضوع يتعالج بكتير طرق.
منع الرموز الدينية : لحد معيّن، يعني ما بيوصل الحد لاضطهاد.
التبني : رائع وإنساني.
بيع الاعضاء : للأسف كيف يضطرّ الإنسان لهيك شي.
الاعدام : مرفوض قطعاً.
الثأر : غير وارد.
قيود المجتمع : بدّا فكفكة شوي وبلاها هالحنبليّة تبعنا... كلنا بشر وعنّا أخطاء!
حماية الملكية الفكرية : مقدّسة.
تعدد الزوجات : مرفوض ومنبوذ ومكروه.
تغير الجنس : شي فظيع وبيقرف صراحةً.
قيادة الرجل للمجتمع: أنا ما بسمّيها قيادة، بل اشتراك لأن الرّجل ألو ميزتو والمرأة ألا ميزتا والاختلاف بكل شي بيناتون ما رح يوصل لمساواة وأنا بفضّل قول مساواة بالحقوق. وكل إنسان بمكانو المناسب!
رجال الدين : بدل ما يكونوا دعاة سلام صايرين دعاة حرب وتمزّق وكره... وخود على الشغلات الشريرة.
المثلية الجنسية : ما برفض وجودا لأن ألها أسبابا بس برفض يكون ألها تشريع بما يختصّ الزواج والتبنّي... إلخ. بعتبرا نقص بالمجتمع البشري!
تحديد النسل : واجب غالباً.


5-جاوب على هالاسئلة :
بلد ما زرتو وحابب تزورو: فلسطين.
نقص طفولي عندك حابب تعوضو لأبنائك: حرية شوي.
شي فيك بتخجل فيه :احتدادي.
حدا من اهلك بتخجل فيه :ما في حتّى الأشرار منّن ما بخجل فين.
هل عملت خيانة بحياتك :أبداً.
هل سرقت بحياتك :إي.
قديش كان المبلغ ومن مين :ربع ليرة سوريّة وسرقتو من جيب أمّي بالخزانة. بس والله اعترفت فيها مباشرةً... كلّو من الصّراحة!
5 امنيات الك بتتحقق فوراً :السّلام في منطقتنا. العدل والمساواة بين البشر. رفع الاهتمام بالثقافة والتعليم ومؤسسات العمل الاجتماعي. انتشار المحبّة والخدمة... ما عندي خامسة!
شخصيات رحلت وصعب تتعوض كل دعاة السّلام وأعلام الفنّ والثقافة ما بيتعوّضوا.

6- رأيك بالأشخاص التالية اسمائهون:
1- باراك اوباما : منافق.
2- فلاديمير بوتين : محافظ.
3- حسن نصر الله: لو ما بيبني كل شي عندو على أسس دينيّة كان رح يكون شخصية مميّزة بالنسبة ألي.
4- صدام حسين : الله يرحمو... دكتاتور، بس دكتاتور غبي!
5- الوليد بن طلال: بتشكروا على كل شي عم تقوم فيه مؤسساتو بالحقل التعليمي والاجتماعي وما بدي أحكي عن السلبي.
6- محمد بن راشد ال مكتوم : ما بعرف شي عنّو.
7- اوبرا ونفري : مين هاد؟!


وبكفيك...

حاجتي دبحتني... الله لا يعطيك إلا العافية .

[yass]

هير وي آر


خيو أسئلة خفيفة نظيفة:

- ما بعرف ليش عندي مفهوم انك جزراوي (من الجزيرة).. بئا شو قولك ازا هالكلام من حيث التأكيد أو الرفض, و ازا جزراوي شو رأيك نعمل حزب الجزراوية بأخوية

- بالزمانات (بالمقلاية الماضية يعني) مدري شو كان السؤال و أنا جاوبت بالشكل التالي:

أحلى الايام لسا ما أجت... دائما حتى آخر لحظة لازم نفكّر هيك منشان ما يضيع الأمل

هاي متل ما تقول حكمتي بالحياة (رغم انو أنا نوستالجيك كتير.. بس بحسن وافق بين الشغلتين).. بئا شو رأيك بهالحكي؟ فيو وجهة نظر و للا علاك مصدي وللا شي متوسط بين الحالتين؟


نخلي 3 أسئلة بدون استعمال و بستعملهون لاحقا

[قرصان الأدرياتيك]

اسبيرانزا

هلا قرصان ...وقعت تحت ايدينا ...بس متخاف رح نقليك بزيت طعمية نضيف ونضيفك عصرتين ليمون عشان ما تنحرق

متشكّر يا عسل... الطعميّة عجبتني كتير! ميت هلا بأحلى صديقة مصريّة... كل مكان هون بيفكّرني فيك!


كيف بدئت علاقة عشقك الغير عادية للغة فانت يا زلمة سيبوية فى عصر المعلم اللغوى ريكو !!!!

أنا في الحقيقة ماني شي باللغة العربيّة وإذا في حدا مختصّ يطالعلي ستميت خطأ نحوي وصرفي بكل نصّ! العشق لأنّا لغتي الأمّ وما في أحلى من الأمّ. والفضل الأكبر بهالعشق هو لشخص رح ضل ادعيلو طول عمري... بصف الثامن يعني الثاني من المرحلة الإعداديّة مدرّس فلسطيني اسمو أحمد. وكنت وقتها أكسل طالب بهاللغة لدرجة أنّو أختي الأصغر منّي كانت تكتبلي وظائف التعبير!!! إلهي يبعتلو الخير وين ما كان. بتمنّى شوفو من كل قلبي كرمال بوس إيدو وأجرو!


انت قرصان بالفعل بتهوى السفر فيك تقولى السبع فوايد للسفر ؟ اذا بتزود مو مشكلة

السفر بيعلّم الإنسان الصّبر، والتأقلم، والقناعة، والمعرفة، وبيزوّد الاختبار، وبيرفع من رصيد الثقافة، بيعلّم كمان محبّة الآخر وقبول الاختلاف، بيعرّف الإنسان على نفسو أكتر، وبيقول للذات كل ما كبرتِ بتضلّك صغيرة كتير.


قل رئيك بكل صراحة ووضوح فى بلدى مصر ...سلبا وايجابا ...لان نظرة الزائر بتختلف شوية عن نظرة المواطن
بتلاحظو السلبيات اكتر منا

إيجاباً بلد كبير ومتنوّع الثقافة ومغمور بالحضارة الماضية.
سلباً مشبع بالجهل والتعصّب الديني ورفض الآخر مهما كان.


لك اسلوب ادبى حقيقى بتحلم فى يوم تكون قرصان ادبى ك ....سويفت مثلا .....تكتب فى ادب الرحلات؟

بتمنّى بس ما عندي ثقة أنّو رح أبلغ مرحلة الكتابة كالكتّاب الحقيقيّين!
رح نزّل كتاب أكيد عن الرّحلات والمذكّرات.


ودمتم

ودمتِ يا سمراء .