اضطرابات في سجن صيدنايا

[الموسيقار]

كاتب النص الأصلي : ayhamm26

فيك تقلي بما انك هيك يعني شكلك مثقف ثوري شو بتعرف انت عن ماسي سجن تدمر؟؟ سمعت عن ال 800سجين اللي اعدمتن عصابات رفعت الاسد ب 26 حزيران 1980 من دون محاكمة او اي دليل بس لانن بينتمو لطائفة صار كل افرادها فجاة متهمين انن اخوان
سمعت عن ال 150 شاب اللي كان يعدمون بكل اسبوع واللي اعترف طلاس بانو كان يوقع على اعدامن ومن دون اي فرصة لمحاكمة عادلة وكلن اعتقلوا بناء على تقارير ومعلومات ملفقة من المخبرين

عن جد ما بعرف البروباغندا شو ممكن تعمل بعقل الانسان ليوصل لدرجة يحط الحق على الضحية ويمجد المجرم يعني انا مابستغرب ابدا لما بشوف ناس باوربا عم تدافع عن اسرائيل وتهاجم الضحية طالما نحن بهيك عقلية ليش نعيب على غيرنا

تصور معي لو انقلب الحكم في سوريا هلق واجى حكم دكتاتوري بس معاكس تماما لنظام بشار الحالي و طبقوا نفس السياسة الاجرامية على الشعب بس هالمرة ضدك انت واخدوك هيك من دون تهمة شو رايك لو اجى واحد وقال انو بتستاهل اللي رح يعملو فيك؟؟

البروباغاندا فعلا ً بتعمل كتير .. و خاصة أزا كان مدفوع عليها ومتعوب عليها .. متل القنوات الأخبارية التحليلية اللي صارت موضة هالأيام .. أنو كل واحد معو قرشين بيفتح قناة أخبار وبينتف بالدقن اللي بدو ياها ..

هلأ ما علينا .

أنت زكرتها بالـ 80 .. يعني مو هلأ .. ونحن عم نحكي عن هلأ .. أنا ما عم بحكي عن هديكـ المرحلة أبدا ً ..

بس او فرضنا جدلا ً .. أنو نحكي بهديكـ المرحلة .. دخلكـ أنت كنت عايش بالـ 80 أصلا ؟

كنت قاعد معهون لما أعدموهن ؟؟ لختى أنت بتعرف المآسي الي صارت .. ؟ ا


بهديكـ المرحلة صار كتير كفر ع أيام رفعت أنا بقللكـ .. ما كان لازم تكون هيكـ .. بس كمان الواحد بيحكي لما ما بيتصصحح الوضع .. شوف هلأ ما في حدا بيدخل كـ سجين رأي .. الا و بتنعرف كل تفاصيل سجنه . مو تطور كتير ايجابي هاد ؟

يعني الشغلة بتصير خطوة خطوة مو شلف .. يا صديقي .


يعني أنو ينقال في ألفين سجين سياسي .. بسوريا .. ومن قبل منظمات خارجية (يعني مبالغة بالرقم ) تطور كتير منيح .. وكتير لقدام ..

[yass]

كل هالدول الي ذكرتها أنت .. هي دول لاتينية .. يعني لساتنا بالغرب . يعني شعوب اسبانية وبرتغالية بالأصل . ما صرلها ميت سنة ناقلة ع أميركا .. وبتعرف كمان أنو نسبة السكان الأصليين فيها أقل من عشرة بالمية .

يعني كنت عرفان ما راح توافق ع كلامي و راح تجيب "ان" ثانية.. على كل طلبت دول نامية ديمقراطية و جبتلك دول نامية ديمقراطية...

دول لاتينية يعني غرب؟؟ الله يسامحك ع هالحكي يا زلمة... اذا أميركا اللاتينية غرب معناتو مين خلينا دول نامية..

بعدين شغلة تانية... تاريخية و ديموغرافية:

بأميركا اللاتينية رغم بطش المستعمرين الاسبان و البرتغاليين ما صار في الانهاء اللي صار بالشمال.. لذلك.. بأغلب دول اميركا اللاتينية (ما عدا الأرجنتين و تشيلي.. اللي تعمدت ما أذكرهم) السكان الأصليين هم أكثرية و أكثرية ساحقة بدول الداخل مثل أوروغواي و باراغواي.. و ما زالو محافظين على عاداتهم و تقاليدهم... في نسبة مهاجرة مزبوط لكن شعوب اميركا اللاتينية ليست شعوب اسبانية و برتغالية أبدا

زد على ذلك ان فترة ارتباطها باسبانيا و البرتغال كانت فترة الهمجية القصوى لدى الدولتين المستعمرتين... و جميع التجارب اللاتينية في مجال الحريات و الديمقراطية ولدت على يد الحركات التحررية من الاستعمار الاسباني و البرتغالي (اللي فيك تقول عملو بهالبلاد ما عمله العثمانيين ببلادنا) مثل سيمون بوليفار و أيميليانو زاباتا و بانشو فيجا..

اسبانيا خسرت آخر مستعمراتها (كوبا) سنة 1898 و البرتغال قبل ذلك بمئة سنة أو اكثر.. و كلا الدولتين لم ينعما بالديمقراطية حتى عهد متوسط و متقدم من القرن العشرين (اسبانيا في عهد الجمهورية الثانية 1931- 1939 ثم منذ 1975 حتى الآن و البرتغال حتى ثورة الورود بنيسان 1974) لذلك ربط الديمقراطية بأميركا اللاتينية بالتأثير الاسباني و البرتغالي خاطئ تاريخيا مع احترامي لعلمك و معلوماتك... و تجربة أميركا اللاتينية جديرة بالمتابعة و الملاحظة...



آسف للخروج عن الموضوع بس اقتضى التوضيح

[الموسيقار]

كاتب النص الأصلي : حلبي

أخي أرجع الى الوراء قليل

من كان يدعم أشد المتطرفين الأكراد و أشد الأرهابيين عبدالله أوجلان

ألم يكن في لبنان و تحت أشراف الجيش السوري

ألم يأتي الى سوريا قبل أعتقاله بأيام أو أختطافه بالتنسيق مع الموساد الصهيوني

يعني كيف لسوريا التعامل مع أرهابي كردي

و وضع الأكراد العقلانيين في السجون و منعهم من أدنى حقوقهم الأنسانية

أنا لست محامي عن أخوانا الأكراد لكن لا يمكن الغائهم و منهعم من الأعلام بلغتهم و التدريس و الدعاية لمحلاتهم باللغة الكردية

و للعلم يربطنا بهم تراث قديم و لهم أفضال علينا كأبناء في الحضارة الأسلامية و العربية

لماذا الأرمن لهم حقوق في كل شيئ

لا داعي لذكر مايحصلون عليه و هذا برائي من حقهم

أيصا التركمان لهم حقوق و السريان و الأشور لكل قومية لها الحق بأن تتكلم لغتها الأم و أن يكون لهم مثل باقي النحل و الملل

و بعدين من وضعكم أوصياء على البلد من أنتم لتعزو من تشائون و تزلو من تشائون

و هل دامت لغيركم لكي تدوم لكم

مين جاب سيرة الأكراد ؟؟ ك شعب كردي بسوريا .. أنا قلتلكـ كل شي اسمو مواطن سوري .. بفديه بعيوني .

بس بتعرف أنو .. أغلب الأحزاب الكردية ماسكة خريطة كردستان .. اللي بتاخد أكتر من 20 بالمية من الأراضي السورية بطريقها .. ومعلقينها ببيوتهن .. وهدفهن أنو يعملو دولة مستقلة .. شوف بالعراق ركبوا عالأميركان وفاتو وشلخو نص العراق .. ونص النفط .. ونص الدنيا .. ولو بيصحلهن يعملو هالشي بسوريا ما بيقصروا .. أبدا ً ..

أنا لسا عم أحكي عن الأحزاب .. وثوريي ما يسمى بكردستان ..


بعدين الأرمن ما عم يدعو ليساوووا أرمينيا جوات سوريا .. الأرمن أقلية . وبيعرفو حالون أقلية .. وعم يتصرفوا ع هالأساس .. لو الأكراد عم يتصرفوا ع هالأساس .. كان الحكي غير الحكي .

[الموسيقار]

كاتب النص الأصلي : YaSeR

سجن تدمر تسكر
وسجن المزة كمان تسكر


شكلك ما بتعرف كتير متل مو مفكر حالك بتعرف

أنا ما قلت سجن المزة تسكر ..
بس سجن تدمر أنا متأكد أنو للفرارية من الجيش .. وللقضايا العسكرية .. حصرا ً ..

بالاضافة لأنو .. التعذيب صار ممنوع .. هي ما حدا ذكرها أبدا ً .

[yass]

شوف هلأ ما في حدا بيدخل كـ سجين رأي .. الا و بتنعرف كل تفاصيل سجنه . مو تطور كتير ايجابي هاد ؟

التطور الايجابي يكون ساعة ما يظل في سجين رأي... بعدين حتى هالشي اللي عم تقول عنو تطور ايجابي أنا ماني شايفو... لليوم الناس عم تروح شهور سجن و حتى سنين و ما حدا يعرف عنها شي و لا تنعرف شو تهمتها... و عندك كمثال كريم عربجي... لليوم مو معروف شو تهمتو و مين محكمتو..

[الموسيقار]

كاتب النص الأصلي : yass

يعني كنت عرفان ما راح توافق ع كلامي و راح تجيب "ان" ثانية.. على كل طلبت دول نامية ديمقراطية و جبتلك دول نامية ديمقراطية...

دول لاتينية يعني غرب؟؟ الله يسامحك ع هالحكي يا زلمة... اذا أميركا اللاتينية غرب معناتو مين خلينا دول نامية..

بعدين شغلة تانية... تاريخية و ديموغرافية:

بأميركا اللاتينية رغم بطش المستعمرين الاسبان و البرتغاليين ما صار في الانهاء اللي صار بالشمال.. لذلك.. بأغلب دول اميركا اللاتينية (ما عدا الأرجنتين و تشيلي.. اللي تعمدت ما أذكرهم) السكان الأصليين هم أكثرية و أكثرية ساحقة بدول الداخل مثل أوروغواي و باراغواي.. و ما زالو محافظين على عاداتهم و تقاليدهم... في نسبة مهاجرة مزبوط لكن شعوب اميركا اللاتينية ليست شعوب اسبانية و برتغالية أبدا

زد على ذلك ان فترة ارتباطها باسبانيا و البرتغال كانت فترة الهمجية القصوى لدى الدولتين المستعمرتين... و جميع التجارب اللاتينية في مجال الحريات و الديمقراطية ولدت على يد الحركات التحررية من الاستعمار الاسباني و البرتغالي (اللي فيك تقول عملو بهالبلاد ما عمله العثمانيين ببلادنا) مثل سيمون بوليفار و أيميليانو زاباتا و بانشو فيجا..

اسبانيا خسرت آخر مستعمراتها (كوبا) سنة 1898 و البرتغال قبل ذلك بمئة سنة أو اكثر.. و كلا الدولتين لم ينعما بالديمقراطية حتى عهد متوسط و متقدم من القرن العشرين (اسبانيا في عهد الجمهورية الثانية 1931- 1939 ثم منذ 1975 حتى الآن و البرتغال حتى ثورة الورود بنيسان 1974) لذلك ربط الديمقراطية بأميركا اللاتينية بالتأثير الاسباني و البرتغالي خاطئ تاريخيا مع احترامي لعلمك و معلوماتك... و تجربة أميركا اللاتينية جديرة بالمتابعة و الملاحظة...



آسف للخروج عن الموضوع بس اقتضى التوضيح

مو مشكلة .. ياس .. وبحترم كم المعلومات اللي عندكـ


يمكن .. ما كتير أنا متبحر بتاريخ البارغواي والاورغواي اللي بتصور أنو الغالبية .. الأزتكيةحتى فيها .. محدودة ... لأنو سيمون بوليفار ..وبيزارو .. وماركوس .. لعنوا الدين تبلع السكان الأصليين .. ويمكن بتعرف قصة بيزارو بالكامل .. هلأ مو هون نقاشنا ..


نقاشنا بتقسيم العالم بين شرق وغرب أنو صح .


يعني كـ دول قريبة من مركز الغليان الحضاري وحولها دول كبيرة متل البرازيل والأرجنتين ..

وأنا وأنت لحالنا بذكر انو تناقشنا .. بطبيعة التعصب الديني .. والتخلف الدني .. يعني في فرق بين المفهومين ..

التعصب الدني ... غير تمام عن التخلف الديني..

والدين الاسلامي .. غير الدين المسيحي .. ولا يمكن تقارن بنتيجة التعصب هون لنتيجة التعصب هنيكـ .




تعصب للدين الاسلامي .. + تخلف بالمفاهيم الدينية الي شغل مشايخ = تطرف ..

تخلف لحال = الدين يحكم العقلية ... وبيوجه تصرفاا ..

هاد اللي بيفرقنا عنهون .. بكل بسااطة ...

العالم _حتى لو مصالحيا ً) شئنا أم أبينا مقسم لشرق وغرب .

[الموسيقار]

كاتب النص الأصلي : yass

التطور الايجابي يكون ساعة ما يظل في سجين رأي... بعدين حتى هالشي اللي عم تقول عنو تطور ايجابي أنا ماني شايفو... لليوم الناس عم تروح شهور سجن و حتى سنين و ما حدا يعرف عنها شي و لا تنعرف شو تهمتها... و عندك كمثال كريم عربجي... لليوم مو معروف شو تهمتو و مين محكمتو..

أنو ما يضل في ولا سجين رأي .. هاد موتطور ايجابي .. هاد نتيجة نهائية ايجابية .

بعدين كريم عربجي .. في صبية هون قالتلي اخبار تفصيلية عن شو وضعو ووين قاعد ..

وقالت أنو مقعدينو بصيدنايا هللأ .. وقالتلي التهم الموجهة لالو .. بالتفصيل .

بعدين . خلينا نحكي بموضوعية .. بأميركا . معتقلين غوانتانامو .. معروف ألله وين حاططهون ؟

رح تقللي ما دخل هي .. بهي.

رح قللكـ اتطلع عالدول اللي حواليكـ .. في سجين سياسي بيطلعلو محاكمة ..

ياسين ما فينا ننسلخ عن محيطنا التاريخي و الجغرافي ..

[yass]

يا زلمة تعا نوصل للأخير و بلا ما ننفخ قلوب بعض

لأنو سيمون بوليفار ..وبيزارو .. وماركوس .. لعنوا الدين تبلع السكان الأصليين .. ويمكن بتعرف قصة بيزارو بالكامل .. هلأ مو هون نقاشنا ..

سيمون بوليفار قاد ثورة ضد الاسبان و ما لو علاقة ببيزارو و ألماغرو (ما بعرف مين ماركوس), و طبعا بعرف قصص بطش الاسبان بس مع ذلك ما انهو السكان الأصليين متل ما عملو بأميركا الشمالية.. لذلك أغلبية ساحقة من دول اميركا الجنوبية (متل ما قلت سابقا ما عدا تشيلي و الأرجنتين) ذات اغلبية ساحقة native

نجي لأخر الكلام...

انت شايف انو شعبنا متخلف و جاهل و ما بينحكم غير بالكرباج من قبل جماعة ما بعرف شو تقييمك الها من حيث التخلف و التقدم ( وما راح احرجك بالسؤال حول هذا التقييم)... زين؟

تجاه هالحكي أنا بتبلكم بشكل انو اعجز عن مناظرتو.. عن جد... يصير فيني متل اللي ع غفلة ياكل كف و ما بيعرف شو بيساوي من الخجل... بتبلكم لأنو شايف السوري اللي حقو فرنكين ببلدو يطلع برا و يبدع و يصير بالمقدمة بكل شي... بالطب بالعلم بالثقافة بالسياسة... بكل شي... نفس السوري اللي بيطاحش عالخبز بالفرن بالبلد يوقف عالدور للباص بلندن و باريس.. نفس السوري اللي يصرع الدنيي زمامير و مسبات و يطاحش عالكوع بحلب و الشام تلاقيه يسوق أخر رواق و حلاوة ببروكسل... ليش يا ترى؟ أنا بقول لأنو في هيبة ببلدو ناقصة... هيبتو كمواطن و هيبة الدولة اللي يفترض راعية مواطنتو و حقو كمواطن ناقصة مشان ما نقول مو موجودة...


هاد اللي ببالي... و ما اعتقد يطلع غير شي من راسي غير الله يساعد هالبلد و يحميها... و يجي يوم السوري يرفع راسو انشالله

[yass]

كاتب النص الأصلي : الموسيقار

أنو ما يضل في ولا سجين رأي .. هاد موتطور ايجابي .. هاد نتيجة نهائية ايجابية .

بعدين كريم عربجي .. في صبية هون قالتلي اخبار تفصيلية عن شو وضعو ووين قاعد ..

وقالت أنو مقعدينو بصيدنايا هللأ .. وقالتلي التهم الموجهة لالو .. بالتفصيل .

بعدين . خلينا نحكي بموضوعية .. بأميركا . معتقلين غوانتانامو .. معروف ألله وين حاططهون ؟

رح تقللي ما دخل هي .. بهي.

رح قللكـ اتطلع عالدول اللي حواليكـ .. في سجين سياسي بيطلعلو محاكمة ..

ياسين ما فينا ننسلخ عن محيطنا التاريخي و الجغرافي ..

بخصوص كريم... قلبت النت فوقاني تحتاني و صرعت الناس بالشام ايميلات و مافي شي... ما بعرف شو مصادر الشباب...

و حتى لو متحاكم عن جد امبارح... بعد عشر شهور... عشر شهور يا زلمة ملحوش بهالسجن مو عرفان لشو... سميني متشائم بس ماني شايف ايجابية بالموضوع

و بالنسبة للمحيط... يعني بالله أبو حميد المحيط نتزكرو لما بدنا و ننساه لما بدنا؟ هلأ مو لعننا أبوه للمحيط تبعنا مؤخرا ووقفنا لحالنا ضد الكل و نظريا غلبناهون؟ عاجزين نغلبهون بهاي كمان يا ترى؟ يا سيدي مو عاجزين انما قادرين جدا لأنو قدرنا جدا سابقا... بس بدك ارادة

[الموسيقار]

كاتب النص الأصلي : yass

يا زلمة تعا نوصل للأخير و بلا ما ننفخ قلوب بعض



سيمون بوليفار قاد ثورة ضد الاسبان و ما لو علاقة ببيزارو و ألماغرو (ما بعرف مين ماركوس), و طبعا بعرف قصص بطش الاسبان بس مع ذلك ما انهو السكان الأصليين متل ما عملو بأميركا الشمالية.. لذلك أغلبية ساحقة من دول اميركا الجنوبية (متل ما قلت سابقا ما عدا تشيلي و الأرجنتين) ذات اغلبية ساحقة native

نجي لأخر الكلام...

انت شايف انو شعبنا متخلف و جاهل و ما بينحكم غير بالكرباج من قبل جماعة ما بعرف شو تقييمك الها من حيث التخلف و التقدم ( وما راح احرجك بالسؤال حول هذا التقييم)... زين؟

تجاه هالحكي أنا بتبلكم بشكل انو اعجز عن مناظرتو.. عن جد... يصير فيني متل اللي ع غفلة ياكل كف و ما بيعرف شو بيساوي من الخجل... بتبلكم لأنو شايف السوري اللي حقو فرنكين ببلدو يطلع برا و يبدع و يصير بالمقدمة بكل شي... بالطب بالعلم بالثقافة بالسياسة... بكل شي... نفس السوري اللي بيطاحش عالخبز بالفرن بالبلد يوقف عالدور للباص بلندن و باريس.. نفس السوري اللي يصرع الدنيي زمامير و مسبات و يطاحش عالكوع بحلب و الشام تلاقيه يسوق أخر رواق و حلاوة ببروكسل... ليش يا ترى؟ أنا بقول لأنو في هيبة ببلدو ناقصة... هيبتو كمواطن و هيبة الدولة اللي يفترض راعية مواطنتو و حقو كمواطن ناقصة مشان ما نقول مو موجودة...


هاد اللي ببالي... و ما اعتقد يطلع غير شي من راسي غير الله يساعد هالبلد و يحميها... و يجي يوم السوري يرفع راسو انشالله

هههههههههههههههههههه والله كنت رح قلكـ لا تكتر بوينتس .. لأنو شوفة عينكـ لحالي بالميدان

وحاسس بالديسكـ الي صار معكـ متل ما صار معي .

ع كل اسم بوليفار سقط سهوا ً .. لأنو عم أكتب بسرعة .. وعلق براسي لما جبت سيرتو . هلأ مو قصتنا هي . . صحيح ماركوس .. وضعو متل وضع بيزارو .. ببوليفيا كان يخدم . قريت عنو


هلأ شعبنا .. للأسف فيه نسبة تخلف كبيرة .. بس ما عم قول أننو لازم نحكمو بالكرباج .. أنا عم قول أنو أي شخص ممكن يحكمه رح يحكمه بنفس الطريقة .. وبتصور بأسوأ بكتير من الصيغة الحالية ..

لأ الصيغة الحالية .. شوي صيغة رقيقة .. عن الشي الي رح يصير لو حكموا الاخوان المسلمين مثلا ً .

تخيل حالكـ بدولة حاكمينا الاخوان .. يا الهي .. شو لزيز الحكي ..

يعني تخيل العيشة .. بلا عرق !!


ومنشان كريم .


الله يفكـ عنو لأنو انسان رائع ..

بس في موضوع .. أنو قبل عشر سنين .. كان الي يروح .. بخمسطعش سنة .. ما بنعرف عنو شي .


يعني الخط البياني بالطالع مو بالنازل ..


ازا بدكـ نوصل لبعض خليها لبكرة أبو شريكـ .. لأنو صار معي قرحة وفالج وحسر بول .. وشلل أطفال ..

وواضح أنكـ عم تعاني

لزالكـ صب عرق لقللكـ .

[الموسيقار]

صحيح بس نسيت شغلة ننسلخ .. ز

يا سيدي .. في شغلات مننسلخ فيها بارادتنا .. يعني منقدر .. متل التحالفات وهالقصص ..

بس في شغلات أنو هيكـ متل الايدز ما منقدر عليها . كش برا وبعيد ..

[حلبي]

كاتب النص الأصلي : الموسيقار

مين جاب سيرة الأكراد ؟؟ ك شعب كردي بسوريا .. أنا قلتلكـ كل شي اسمو مواطن سوري .. بفديه بعيوني .

بس بتعرف أنو .. أغلب الأحزاب الكردية ماسكة خريطة كردستان .. اللي بتاخد أكتر من 20 بالمية من الأراضي السورية بطريقها .. ومعلقينها ببيوتهن .. وهدفهن أنو يعملو دولة مستقلة .. شوف بالعراق ركبوا عالأميركان وفاتو وشلخو نص العراق .. ونص النفط .. ونص الدنيا .. ولو بيصحلهن يعملو هالشي بسوريا ما بيقصروا .. أبدا ً ..

أنا لسا عم أحكي عن الأحزاب .. وثوريي ما يسمى بكردستان ..


بعدين الأرمن ما عم يدعو ليساوووا أرمينيا جوات سوريا .. الأرمن أقلية . وبيعرفو حالون أقلية .. وعم يتصرفوا ع هالأساس .. لو الأكراد عم يتصرفوا ع هالأساس .. كان الحكي غير الحكي .

أخي أنت جبت سيرة الأكراد

و حتي أذا بدو كل العالم يصير دولة كردية من حقه يحلم متل ما العربي بيحلم بالوحدة العربية

و بنسبة للأكراد في العراق بالله عليك هذا ماهو دليل ضد كلامك

اللي في العراق حاليا مين كان عما يدعمهون أليست سوريا ألم يكونو في سوريا و كانت الحكومة السورية ترعاهم و توأمن لهم كل ما يلزمهم من رواتب و خدمات و مواصلات و سهرات الملاح في أفخم الفنادق و النوادي الليلية

أضافة الى تأمين العلاقات مع السفارات الغربية لم تكن علاقاتهم مع السفارات من دون موافقة الحكومة السورية

يعني كيف بتتعامل مع من هدفهم تكوين دولة كردستان في العراق دون سوريا

أضافة الى التعامل مع الموساد و فتح لهم مكاتب في شمال العراق و و و و و و

هذه هي الأزدواجية في المعايير

[الموسيقار]

كاتب النص الأصلي : حلبي

أخي أنت جبت سيرة الأكراد

و حتي أذا بدو كل العالم يصير دولة كردية من حقه يحلم متل ما العربي بيحلم بالوحدة العربية

و بنسبة للأكراد في العراق بالله عليك هذا ماهو دليل ضد كلامك

اللي في العراق حاليا مين كان عما يدعمهون أليست سوريا ألم يكونو في سوريا و كانت الحكومة السورية ترعاهم و توأمن لهم كل ما يلزمهم من رواتب و خدمات و مواصلات و سهرات الملاح في أفخم الفنادق و النوادي الليلية

أضافة الى تأمين العلاقات مع السفارات الغربية لم تكن علاقاتهم مع السفارات من دون موافقة الحكومة السورية

يعني كيف بتتعامل مع من هدفهم تكوين دولة كردستان في العراق دون سوريا

أضافة الى التعامل مع الموساد و فتح لهم مكاتب في شمال العراق و و و و و و

هذه هي الأزدواجية في المعايير

أنو تساعدهم بالعراق شي ... وأنو تمنعهم بسوريا شي تاني .
ليش لنعتبر أنو العراق .. دولة شقيقة .. العراق مو دولة شقيقة ولا في دولة شقيقة .. أصلا ً ..

وهالكلام .. تعفيس بتعفيس وكلام اعلامي ..

في مصلحة بتقتضي عليكـ خارجيا تتصرف ..

طبعن بيستاهل الحرق كل شخص بيحاول يقسم سوريا .

[حلبي]

كاتب النص الأصلي : الموسيقار

أنو تساعدهم بالعراق شي ... وأنو تمنعهم بسوريا شي تاني .
ليش لنعتبر أنو العراق .. دولة شقيقة .. العراق مو دولة شقيقة ولا في دولة شقيقة .. أصلا ً ..

وهالكلام .. تعفيس بتعفيس وكلام اعلامي ..

في مصلحة بتقتضي عليكـ خارجيا تتصرف ..

طبعن بيستاهل الحرق كل شخص بيحاول يقسم سوريا .

أوكلت لما أوكل الثور الأبيض

[الموسيقار]

كاتب النص الأصلي : حلبي

أوكلت لما أوكل الثور الأبيض

شو أمرت ؟

[sezar]

شبه ضاع الموضوع و تشعب و نقاط الحوار عم تتلاشى
السلبي سلبي .. مافي سلبي منيح و سلبي سيء
لما يكون في سجين رأي مش فضيلة من الأمن انو ينعرف أخبارو أو مو منيّة ننضرب فيها .. لذلك عدم وجود الأخبار في وقت سابق خاضع لقصور في التواصل و حصار أكبر ..
لا تقلي منعو التعذيب و الفروع و و جلاديها مازالو يعملون ..
+
في حال " ان وجد " انو بطلو تعذيب فهذا كمان ليس فضيلة يعني ما بنحكا انو هة بطلو تعذيب
لأنو اذا كانو منعو فانتقلنا من الـ -10 للـ -09 يعني لسعتنا سالب بامتياز ..
لا تقلي هي امور تحتاج وقت و مو كبس زرار
لأ هي بالزات كبس زرار و سماعات تلفون
رح اقتبس من دستور سوريا 1950

المادة السادسة عشر:
للسوريين حق الاجتماع والتظاهر بصورة سلمية ودون سلاح ضمن حدود القانون.
المادة السابعة عشر:
للسوريين حق تاليف الجمعيات والانتساب إليها على أن لا يكون هدفها محرماً في القانون.
ينظم القانون طريقة اخبار السلطات الادارية بتاليف الجمعيات ومراقبة مواردها.
المادة الثامنة عشر:
للسوريين حق تأليف احزاب سياسية على أن تكون غاياتها مشروعة ووسائلها سلمية وذات نظم ديمقراطية.
ينظم القانون طريقة اخبار السلطات الادارية بتأليف الأحزاب ومراقبة مواردها.

عطيني سبب بيمنع تطبيق هي القونين ما بعرف ازا عدلوها بتعديل الـ 1970
هاد كان دستورنا

[حلبي]

كاتب النص الأصلي : الموسيقار

شو أمرت ؟

يعني حلال يتقطع

الأن أكتشفنا أن العراق ليس بلد شقيق

[ayhamm26]

كاتب النص الأصلي : الموسيقار

البروباغاندا فعلا ً بتعمل كتير .. و خاصة أزا كان مدفوع عليها ومتعوب عليها .. متل القنوات الأخبارية التحليلية اللي صارت موضة هالأيام .. أنو كل واحد معو قرشين بيفتح قناة أخبار وبينتف بالدقن اللي بدو ياها ..

هلأ ما علينا .

أنت زكرتها بالـ 80 .. يعني مو هلأ .. ونحن عم نحكي عن هلأ .. أنا ما عم بحكي عن هديكـ المرحلة أبدا ً ..

بس او فرضنا جدلا ً .. أنو نحكي بهديكـ المرحلة .. دخلكـ أنت كنت عايش بالـ 80 أصلا ؟

كنت قاعد معهون لما أعدموهن ؟؟ لختى أنت بتعرف المآسي الي صارت .. ؟ ا


بهديكـ المرحلة صار كتير كفر ع أيام رفعت أنا بقللكـ .. ما كان لازم تكون هيكـ .. بس كمان الواحد بيحكي لما ما بيتصصحح الوضع .. شوف هلأ ما في حدا بيدخل كـ سجين رأي .. الا و بتنعرف كل تفاصيل سجنه . مو تطور كتير ايجابي هاد ؟

يعني الشغلة بتصير خطوة خطوة مو شلف .. يا صديقي .


يعني أنو ينقال في ألفين سجين سياسي .. بسوريا .. ومن قبل منظمات خارجية (يعني مبالغة بالرقم ) تطور كتير منيح .. وكتير لقدام ..

لا صديقي البروباغندا اللي عم احكي عنها هي بروباغندا الانظمة الديكتاتورية اللي وضع اسسها جوزف غوبلز بزمانو وضلت متبعة حتى ايامنا هي وخاصة عند الانظمة العربية اللي مثلا بتجيب اطفال عمرن 6 سنين و بتوقفن كل يوم بكير ليرددوا الى الابد الى الابد واللي بتخلي الواحد يفكر تلقائيا انو كل شي بيجي من الدولة مظبوط ومنيح وانو الرئيس هدا شي سوبرمان ما بيموت ولا بياكل ولا بيشرب متلنا

المهم الماسي اللي صارت اوضح من عين الشمس وعم قلك مصطفى طلاس اعترف لصحيفة المانية بلسانو انو كان يوقع على اعدام 150 شاب اسبوعيا وهي الجرائم لحالها بدها مواضيع

اما ليش ما في بسوريا هلق غير 2000 سجين فهدا مو من كرم بشار الاسد على الشعب وانما لانو كل هدول عم يشتغلو بشكل فردي يعني بسوريا ما في احزاب تنظم الناس بحركات احتجاجية ولو كان في لكنت شفت سياسة التمانينات والمجازر رجعت ببساطة الشعب اتربى من شدة القمع اللي شافها وبطل حدا يسترجي يحكي بالسياسة مو يشتغل بالسياسة