شبان يروون علاقاتهم الجنسية

[Danito]

هو هادا سؤال مهم و حساس و بالأخص أنو ألو أبعاد اجتماعية و دينية متشابكة بمجتمعنا..
أنا رأيي أنو هادا موضوع شخصي و خاضع لطرفي العلاقة بما يخضعون له من ضغوطات اجتماعيات و دينية و ما شابه بالإضافة إلى أهدافهم من العلاقة ...
أنا ضد الدعارة و تجارة الجسد ..
شخصياً ما عندي مشكلة بالموضوع و حرية ممارسة الجنس هي جزأ أساسي من حرية الإنسان إذا هو قبلها لنفسه فهي له و لا يحق له أن يمنع الآخرين (و المقصود هنا الذكور الذين يفرضون رأيهم على الإناث) و هون أسمحولي وضح يعني أنا ما عم أدعوا للفلتان بس أنا عم أحكي من مبدأ أساسي هو مبدأ الحرية الشخصية .. و جسد الإنسان ملك له و ليس ملك لغيره ليقرر عنه بغض النظر عن الحجج.. و أنا وضحت أعلاه مو يعني بيع و شري و دعارة منظمة أو غير منظمة و إنما العلاقة بين شاب و بنت و بالأخص إذا كانت طويلة الأمد و فيها عواطف جياشة لا بد ما تتطور و تصل لنقطة اللقاء الجسدي.. و هون هني أصحاب الحق في تقرير و الاتفاق على طبيعتها.. يعني شي ملائم لمجتمعنا.. لأنو حتى بالمجتمعات المتحررة جنسياً في ضوابط فردية و إنسانية نابعة من داخل الإنسان و احتراموه لذاته..

هلاء لا بد من الإشارة إلى أهمية الثقافة الجنسية و اللي بتكون جزأ من النظام التعليمي لكثير من الأسباب:
- ناحية صحية من شان تفادي الأمراض المنقولة جنسيا و الأذي الناجم عن الجهل
- ناحية نفسية و اجتماعية من شان تحديدا ما حدا يوقع ضحية تغرير أو قلة معرفة.. من منشان العالم ما تكون جاهلة و تدخل الخزعبلات على الخط..
- إيضا من شان إذا صار ما يصير حمل غير مرغوب فيه و بالتالي يجي مخلوق بريء على العالم .. بيجوز هدا الخيار ظاهرياً بعيد عن مجتمعنا بس الحقيقة و أنا عن أحكي عن احتكاك مباشر مع حالات من الأطفال اللي مجهولي الأب و تم إهمالهون في الشوارع أو حتى قتلوا أو ماتوا نتيجة الإهمال و هي ناحية إنسانية شديدة السواد و موجودة بمجتمعنا و بالتالي قضية الوعي الإنجابي بتحد منها ..

هلأ بالنسبة للشباب و الصبايا اللي بيرددوا عنا كثير أنو الجنس عبارة عن شهوة و الحب العذري.. الخ لا بد من الإشارة هون إلى أنو هادا عبارة عن نظرة دونية للجنس ناجمة بجزأ كبير عنها للجهل و الكبت و محاولات ردم هوة التناقض مع الذات (مو القصد الإهانة) بس كيف الحكي: إذا كان شخصين بيحبو بعض و كان حبون سامي .. يعني حب نبيل مو أساسوا الشهوة.. معناتو الهدف الأسمى لألون يكونوا مع بعض .. و برابط مقدس.. يعني زاوج .. بس ركن أساس من نجاح الزواج هو الجنس و هي ما حدا في ينكرها لأنوا أصلاً نحنا منحافظ على عذريتنا منشان الزواج .. و هي حاجة و رغبة ما فينا نكبتها إلى الأبد و إذا كان الزواج ما في يلبيها لأنو الحب عذري.. يعني مقسوم لا تاكل و صحيح لا تقسم و كول لتشبع..

بتمنى كون وضحت وجهة نظري و منطقها بشكل موجز نسبياً من شان ما يصير إساءة فهم بسبب تنافيها مع الكثير من العادات و التقاليد..

[Atramez_Zeton]

حلو هادا الحكي كتير....يعني تقريبا فينا نقول انو العلاقة الجنسية بين الشب و البنت قبل الزواج خطا.... -هادا راي الاغلبية-

بالنسبة يلي بيشوفو انو في تخلف جنسي للشباب اليوم شو برايكون رح بيكون الحل لهل الموضوع ؟؟؟
الاهل بيلعبو دور
المدرسة
المجتمع
الدين ؟؟؟

هاتو لنشوف شو رايكون
و بتمنى من الشباب يلي ما شاركت تشارك بالموضوع....و يا ريت الكل يعطي رايو بدون ما بشوف اراء الاخرين

[Syria Man]

نشرت جريدة الشرق الاوسط ان( طفلة في الثالثة عشرة من عمرها حضرت إلى المستشفى في حالة نزيف ليتبين بعد الكشف عليها أنها تعرضت للإجهاض رغم أنها غير متزوجة وبالعودة لإفادة المدرسة لوحظ أن الطفلة كانت منتظمة ومؤدبة وغير مشاغبة، ولم تظهر عليها أي بوادر حمل إلا أنه في أحد الأيام أصيبت بمغص في إحدى الحصص وبالعودة للمدرسات تبين أن الطفلة قضت وقتاً طويلا في الحمام وخرجت بملابس ملوثة بالدم فظنوا أنه ناتج عن الدورة الشهرية ولكن عمالا في الشركة التي تتولى أعمال نظافة المدرسة وجدوا طفلاً مولوداً بعد سبعة أشهر من الحمل متوفى وملقى بالحمام في نفس اليوم، وبعد التحقيقات تبين أن المعتدي هو ابن عم الأم (45 سنة) وكان بدأ بممارسة الإعتداء على الطفلة منذ كان عمرها تسع سنوات وكان يهدد الطفلة ويخوفها ويحضر أثناء غياب الوالدين عن المنزل فيقفل على اخوتها الصغار في إحدى الغرف ثم يعتدي عليها.
وسجن المعتدي وجلد 30 جلدة وسلمت الطفلة لدار الرعاية إثر الحكم عليها بالبقاء في دار رعاية الفتيات لمدة سنة، ثم التغريب لمدة سنة، ثم الجلد، إضافة إلى حرمانها من التعليم عقاباً لها وعادت الطفلة لأسرتها وعمرها 15 سنة).
اورد الحادثة لاتوقف عند عقاب الطفلة واتسائل كيف يتم عقاب الضحية ؟
ولماذا لم تشمل العقوبة الاسرة التي لم تحمي الطفلة ؟
ولماذا لا نتحرك لايجاد دار ايواء لحماية الاطفال من اسرهم المهترئة اجتماعيا ؟

[Syria Man]

شوفو هالصورة بتعبر عن هالشي اللي عم يصير

[layla]

كاتب النص الأصلي : waleed_daoud

وسجن المعتدي وجلد 30 جلدة وسلمت الطفلة لدار الرعاية إثر الحكم عليها بالبقاء في دار رعاية الفتيات لمدة سنة، ثم التغريب لمدة سنة، ثم الجلد، إضافة إلى حرمانها من التعليم عقاباً لها وعادت الطفلة لأسرتها وعمرها 15 سنة
:

هلأ هوي الاعدام قليل عليه
بس البنت شو ذنبها حتى يعقبوها يعني شو عملت

[حمصي]

Ana shakhsyan ahtarem kel el araa, bas ende weghet nazar khassa, enno nehna el arab(kell el adyan)enaa kteer takhallof o kteer omoor la nastamel el aakel nehayan wa khasatan maodoo el gens welle be sammo sharaf, lan onakesh fee hada el maodoo ella baad 1020 sene, bas nwassel la kanaat mukhtalefe fee el aalam el arabe, ma howa el sharaf?' ma howa el gens?? ma heya el maraa???, ma hoa el ensaaaaaaaaaaan?????, endha bedde naeesh bel maodoo, el ashyaa mesh hek baseeta wa tafha le hada el had, el ashyaa laha ossol, ahla shabab , o ahlaa feker.
Ala fekra el shab yalle beyehkee an mugamarato el aatefeye ho nakes el shakhseye, laysa be ragol baad.

[blue eyes]

حرام شو ذنبها للطفلة ليعملوا فيها هيك اذا هوي الي عم يستغلها واهلها ماعم ينتبهوا الها لازم يتعاقب الاهل اول شي...

[حمصي]

a la fekra ana maa toot toot, raeo areeb men raee bas mo be kel shee.

[حمصي]

Blue eyes moo maaol hada el tafkeer el mahdood,

[Syria Man]

كاتب النص الأصلي : layla

هلأ هوي الاعدام قليل عليه
بس البنت شو ذنبها حتى يعقبوها يعني شو عملت

أنا رأيي من رأيك
((أحيانا أشك في حصول الحادثة وأقول لنفسي ربما أنا أتخيل ، فعقلي لا يصدق أن " خالي " هو سبب تعاستي لكنني الآن وفي هذا العمر (26) عاماً أعرف أن الآثار النفسية التي أعاني منها تؤكد حدوث ذلك .. فعندي موقف عدائي تجاه الرجل دون مبرر، زوجي يحبني ولكنني أعاني من البرود وأشعر حين يقترب مني كأنه يحاول اغتصابي أيضا أتأثر كثيرا حينما أسمع بحكايات ايذاء للاطفال )
((كان عمري 7 سنوات ولدينا في بيت جدي مسبح ، ذلك اليوم دعاني خالي وعمره آنذاك ( 13 ) عاما للسباحة معه كنت أخاف السباحة لكنه طمأنني بأنه سيحملني على ظهره واشترط أن أحمله أيضا على ظهري ، فرحت لأنني كنت أريد أن أسبح في أمان حملني على ظهره ، كنت سعيدة ثم جاء دوري لأحمله لم يكن ثقيلا فبنيته كانت ضئيلة ، حملته على ظهري وبدأت أدور فيه لكنني شعرت أن ثمة شيء يلامسني من الخلف واكتشفت أنه نزع ملابسه الداخلية ، غضبت وخرجت من المسبح وعدت إلى منزلنا دون أن أبيت في بيت جدي كما اعتدت كل أسبوع ..
(عدت سريعا واستسلمت للنوم وكأنني نسيت الحادثة حيث استيقظت في الصباح بشكل اعتيادي لكنني بعد ذلك بدأت أشعر بعنادي وتمردي على كثير من الأوامر في الأسرة وازداد انطوائي ورغبتي في العزلة ..)

(في أول ليلة في زواجي لاحظ زوجي ولاحظت أنا خوفي من العلاقة العاطفية الخاصة وكذلك برودي رغم أن زوجي من أقربائي, ولكنه كأي رجل شرقي لم يساعدني لأتخلص من مخاوفي بل ذهب بي إلى طبيبة نساء لتسهل له الطريق التقليدي للعلاقة االخاصة , لكن حياتنا لم تكن تستمر بسبب برودي وعنادي وحساسيتي المفرطة تجاه كل شيء ....).
والسؤال الذي يطرح نفسه لماذا اقدم الخال مصدر الامان على التحرش بابنة اخته ؟ وهل كان يدرك وهو مراهق نتائج سلوكه ؟من المسئول هنا ؟

[layla]

كاتب النص الأصلي : حمصي

Ana shakhsyan ahtarem kel el araa, bas ende weghet nazar khassa, enno nehna el arab(kell el adyan)enaa kteer takhallof o kteer omoor la nastamel el aakel nehayan wa khasatan maodoo el gens welle be sammo sharaf, lan onakesh fee hada el maodoo ella baad 1020 sene, bas nwassel la kanaat mukhtalefe fee el aalam el arabe, ma howa el sharaf?' ma howa el gens?? ma heya el maraa???, ma hoa el ensaaaaaaaaaaan?????, endha bedde naeesh bel maodoo, el ashyaa mesh hek baseeta wa tafha le hada el had, el ashyaa laha ossol, ahla shabab , o ahlaa feker.
Ala fekra el shab yalle beyehkee an mugamarato el aatefeye ho nakes el shakhseye, laysa be ragol baad.

انا شخصيا احترم كل الاراء بس عندي وجهة نظر خاصة . انو نحنا العرب ( كل الاديان ) عنا كتير تخلف وكتير امور لا نستعمل العقل نهائيا و خاصة موضوع الجنس واللي بيسموه شرف لن اناقش في العالم العربي ما هو الشرف ؟
ما هو الجنس؟ ماهي المرأة ؟ ماهو الانسان ؟
عندها بدي ناقش بالموضوع الاشياء مش هيك بسيطة و تافهة لهادا الحد الاشياء لها اصول
احلى شباب واحلى فكر
على فكرة الشب يللي بيحكي عن مغامراتو العاطفية هوي ناقص الشخصية وليس برجل بعد

انشالله كون مترجمة مظبوط

[Atramez_Zeton]

الحادثة هي مثال عن يلي عم بيصير
و نحنا مانا بموقف نحكم مين صح ولا لا
بس يلي بعرفو انو المعتدي عندو عقدة جنسية
...........
و هل الحادثة متكررة على مستوى كبير بالعالم و هادا دليلي على انو الثقافة الجنسية للعالم متدينة ......
و هلا انا براي يلي رح بيلعب دور اساسي بالثقافة الجنسية هي الاسرة بالدرجة الاولى لانو هي واجهة الطفل بعدين بيجي دور المدرسة و المجتمع بالدرجة التالتة.....الدين يدخل بهدول كلون و بيأثر فيهون كلون ....
كل واحد فينا لازم يعلم ولادو شلون بيصير التعامل مع العالم...شلون لازم تكون العلاقة بين الشب و البنت ...كل واحد بحسب يلي بيشوفو مناسب و الافضل لاولادو و لمستقبل احافدو و تذكرو هاي الشغلة انو مصير عائلة كاملة من بعدكون بتعتمد عليكون و على تريتكون لاولادكون لانو هنن يلي رح بيحملو الراية بعدين و يكفو مسيرتكون و يلي ما بيحب انو اسم عائلتو يوصل للحضيض لازم يهتم بولادو

[ملك الهكرز]

[حمصي]

Mashkora kteer Layla, el targame mukhtasara bas fazeea, yeslamo ana mamnunek, ahla Laya o ahla homsyee

[خليل 9]

اي علاقه قبل الزواج خطا كبير تترك اثرها عند اي انسان وتفقدو الثقه بنفسه وباهله وممارسة الرياضه او هوايات اخرى تبعد الانسان عن الفراغ والتفكير بها الموضوع شو راي اي واحد بيكتشف ان شريكته كانت على علاقه مع شخص اخر
والثقافه الجنسيه ضروريه بس مع الشريك والاطلاع وقراءة الكتب الخاصه في هالموضوع

[krimbow]

اي علاقه قبل الزواج خطا كبير تترك اثرها عند اي انسان وتفقدو الثقه بنفسه وباهله وممارسة الرياضه او هوايات اخرى تبعد الانسان عن الفراغ والتفكير بها الموضوع شو راي اي واحد بيكتشف ان شريكته كانت على علاقه مع شخص اخر
والثقافه الجنسيه ضروريه بس مع الشريك والاطلاع وقراءة الكتب الخاصه في هالموضوع

على هالاساس صارت المطلقة حرف ساقط بنظرك
طيب هي مبلوعة
شو عملت الارملة ؟؟؟؟

كلام دانيتو لهلأ اكتر كلام بيعبي الراس

رأيي الشخصي انو هاد الموضوع ما فينا نحدد فيه الصح من الخطأ بحالة معينة بيكون منيح و بحالة تانية كتير مشابهة بيكون غلط
الشغلة براغماتية بحتة

كل الاديان بتعمل طقوس خاصة للزواج دلالة على قدسيتو

ما فيي قول انو الجنس قبل الزواج صح او خطأ متل ما قلت لأنو الشغلة كتير براغماتية و بتتبع للحالة
بس بتمنى من كل الصبايا و الشباب المتزوجين و غير المتزوجين يللي بدهم يمارسوا الجنس انو يتذكروا انو الشخص المقابل هوي انسان له مشاعر و احاسيس و بحالة الارتباط الجنسسي بتكون هي المشاعر بالقمة ... يعني لا الشب حصان و لا الصبية بقرة
و تأكدوا انو الجنس سواء بالزواج او بدون زواج هوي شغلة مقدسة

[krimbow]

الايدز :
او مرض نقص المناعة المكتسب ، بيسببو الفايروس HIV يللي بيحتوي على 10 جينات من البروتين و السكر
يعني بنيتو للفايروس بحد ذاتا ضعيفة جداً بيموت اذا تعرض للهوا لمدة دقيقتين و كمان بيموت بالمي و بيحيا فقط بدرجات حرارة معينة متل درجة حرارة الانسان
بينتقل حصراً عن طريق اتصال الدم بشكل مباشر و اي وسيط ممكن انو يقتلو
الفايروس بحد ذاتو غير قاتل للانسان ... هوي بيدمر الخلايا البيضاء المسؤولة عن الدفاع بالجسم ... و بالتالي بيصير اي فايروس تاني مهما كان ضعيف و غير قاتل بيصير قاتل ... يعني الايدز بذاتو بيقتل المناعة و بتصير الفايروسات بتسرح و بتمرح بالجسم على كيفها

فترة حضانتو بتمتد من ساعات لسنين (اطول حالة مسجلة استمر الفايروس بفترة الحضانة 14 سنة)
الحاضن للمرض هوي شخص غير مصاب بالمرض بس بيحمل المرض و بيقدر ينقلو متل المريض تماماً

عوامل الوقاية :
الايدز متل ما قلنا لا ينتقل إلا عن طريق الاتصال المباشر بدم المريض و بالتالي بتصير طرق الانتقال هيي التالية:

1- نقل الدم : اذا كان الدم ملوث بينتقل ليللي انتقل الو الدم
ملاحظة : بنك الدم بسوريا بيفحص كل اكياس الدم المتبرع بها و بيتلف مباشرة الاكياس الملوثة و بيعطي اشعار لوزارة الصحة لحتى تعمل حجر ع المريض يللي تبرع بدمو
يعني كل اكياس بنوك الدم بسوريا نظيفة

2- استعمال الادوات الشخصية : متل شفرات الحلاقة و المعالق و الشوك و السكاكين و العدسات اللاصقة كلها ممكن انو تنقل المرض
نصيحة : لا تستعملوا الادوات الشخصية لأي شخص و بحالات الحلاقة عند الحلاق اطلبوا من الحلاق انو يغير الشفرة

3- الاتصال الجنسي :
لازم تعرفوا انو الاحتكاك الجلدي بالمريض ما بتنقل المرض ... إلا اذا كان الجلد مجروح ... يعني اللمس ما بينقل المرض
بس في محلات بالجسم ما بيغطيها الجلد و بالتالي بتكون الصفيحات الدموية مكشوفة و هي المحلات هيي :
العضو التناسلي الذكري و الانثوي و فتحة الشرج و العين و داخل الفم
ع فكرة فايروس الايدز بيموت بانزيمات اللعاب بشكل مباشر بس اذا كان الفم مجروح و هي حالة كتير شائعة ممكن انو ينتقل الفايروس بكل سهولة عن طريق القبلة الفموية و خصوصي اذا كانت كتير داخلية

هلأ الواقي الذكري وسيلة حماية ممتازة بس غير آمنة 100% و هاد الشي غالبا بيكون مكتوب ع العبة من برا
برأي انو افضل وسيلة حماية على الاطلاق انكم تكونوا بتعرفوا شريككم معرفة جيدة و يكون عندكم ثقة فيه

يفضل عدم التخبيص

هلأ هي المعلومات قد تكون مقرفة للبعض و مخيفة للبعض الآخر لكنها كتير ضرورية بحياتنا

و بتمنى للجميع الصحة و السلام

[Syria Man]

شكراً كريم عالمعلومات الحلوة والضرورية