الداعية الاسلامي عمرو خالد أغنى "نجوم الدعاة" في العالم العربي

[oliver68]

كاتب النص الأصلي : مسطول على طول

فكر بالرقم منيح معلم وبالخبر والجهه الوحيده والمصدر الوحيد لهل الخبر فوربز العرب أنا من جهتي أول مره بسمع فيها
يامعلم الرقم مبالغ فيه

قناة الجزيره الآخباريه بلغت ميزانيتها لعام 2006 "120" مليون دولار بلغت حصة التمويل الحكومي القطري منها %55

وعلى ذمة قناة الجزيره في احتفالها بمرور عشر سنوات على أنطلاقها

مايهمنا الرقم 120 مليون دولار

وكلنا يعلم حجم الكادر الهائل لهذه القناة والاعلاميين والمراسلين ومعدي البرامج الوثاقيه الخ...

وأذا حسبنا ميزانية عمر خالد على ذمة المجله فا ميزانيتو لح تكون شي 30 مليون دولار في العام مايعادل مليار والنصف مليار ليره سوريه

وشغله تانيه عمر خالد غير محبوب من التيار السلفي الوهابي وفي شبه أجماع على أنو عميل وكافر و.و. و.

وخاصتاً برنامجو ( دعوة للتعايش) ويلي تكلم فيها عن قضايا تعتبر مساس بالنصوص المقدسه وبشكل خاص الحوار وحقوق الاقليات الدينيه وشعبيتو تراجعت بسبب هل الباب الي فتحو على حالو

ذهابو الى الدينمارك بسبب الرسوم المسيئه للرسول (ص) في المره السابقه شو نتج عنو وشقالو عنو ؟

تلبيتو دعوات أمريكيه شو قالو عنو

رغم أنو مابحب ظاهرة الشيخ المتلفز الفضائي بس الي بيتابع تحركاتو وكلامو وتصريحاتو بأمور معينه بيكتشف أنو الزلمه عم يحاول يغير بمجتمع وعقول ناشفه ومتحجره وفي كلام تاني عندو بدو يقولو بس مو قادر بسبب لوبي الديني

برأيي الشخصي حطو الزلمه تحت المجهر وشوفو وعملو مقارنه مع غيرو

بيجوز الخبر كلو على بغضو بروغو والله اعلم

يا معلم كل يللي عمبساويه هوي مشان تلمع صورتو قدام أصحاب القنوات الفضائية الدينية، ومعظمهن خليجيين، ومقابل كل قناة دينية في مية قناة رقص وفلتنة، يعني ليش ما بيحكي عليهن؟!!!!!!

بعدين الزلمي أول ما طلع كان ماشي حالو، لحتى بلش يفتي إنو حجاب المرأة فرض، والمرأة إيمانها ناقص بدون الحجاب، يعني باختصار ساوى المو محجبات متل العاهرات تقريبا!!!! بعدين بإدني سمعتو عمبحرم الحب!!!! آل إذا بتحب وحدة لا تجتمع معها لحالكن حتى لو بمكان عام متل الجامعة أو مطعم، وممنوع تلمسها حتى لو بدك تسلم عليها!!!!!!! يعني نسف الحب من أساسو!!!!! والأهم من كل هاد، إنو بحياتي ما اسمعت إنو عامل برنامج منح دراسية للطلاب العرب مشان يدرسوا بالخارج، مع إنو بيقدر يحصل هالشي من خلال علاقاتو مع الأمراء والأغنياء الخليجيين، وهالشي أهم للعرب والمسلمين من القنوات الفضائية يللي الفقير ما بيقدر يشوفها،وعلى الفكرة الإسلام إجا نصرة للفقراء والمستضعفين بالدرجة الأولى، يعني متل ما قال ياسيين إنو الرسول-عليه الصلاة والسلام- كان يسند بطنو بحجر-فداك روحي يا رسول الله- مع إنو انعرض عليه كل كنوز قريش والحكم، حتى عرضو عليه كل هالرزق الوفير وفينو يكمل دعوتو بس عالخفيف وبشكل سطحي وبدون لهفة ورغم هيك رفض!!!!!!!!

فمشان هيك عمنقول إنو الزلمي عميستغل عاطفة العرب والمسلمين، وما بظن إنو بيشتغل لله 100% أو حتى متل ما عميتروجلو.

[حلبي]

هههههههههههههههههههه
مسلم مجدد بتاع كله

[Donald Duck]

بس يعني .. لو كان راتبوا 250 جنبية بالشهر ..

بصير 100% !!!

يعني ما في عليه حكي ؟؟

[TheLight]

أي ما بيدفع ضرايب...

الحكي ماعليه جمرك...

[حلبي]

كاتب النص الأصلي : أبو طريق

إي لكن لشو الزلمي ترك دراستو وأهلو وراح عالدعوة؟؟!!!! هلأ ما بدي انكر عليه تعبو، بس خلينا نكون صريحين، هي وسيلة للكسب المادي السهل والسريع، والشاطر يلحق حالو، بالذات إذا كانت عندو القدرة على الإقناع وجذب الناس.
أنا إذا فشلت بدراستي واتسكرت الدنيا بوشي شو رح أعمل يا حزركن؟؟!!! أكيد رح اتجه للشريعة وأعلن "توبتي عن الوقت الضائع الذي قضيته أيام الشباب بأخذ العلم الذي لا ينفع والركض وراء الشهوت" وهيك مع شوية حربقة بالحكي على كام دعاء مصحوبين بالدموع والآهات، بكون ملك زماني!!!!! ومرة تانية بأكد،حلال عالشاطر

هههههههههههههههههههه
مسلم مجدد بتاع كله

[فيروزة]

الله يزيد ويبارك ...
عرف يمشي بالطريق الصحيح

[عمرو الحسيني]

يعني لازم الداعية لحتى يكون مقبول من قبل هدول الناس يلي عم يتمنطقوا ويحكوا حكي من فوق الأساطيح

لازم يكون مشحر وعايف التكنة وقاعد بشي بيت بالأجرة غرفة وصالة وبيروح على شغلو بالمكرو أو مشي لك إذا معو سيارة فوكس فاغن سلحفة بيحطو عليه وحده

ولازم يكون لابس ثياب من البالة كاحتة ومهرية وصرماية كل فرد شكل ولون أو أحسن والله يجي حافي

هيك يعني بيكون مقبول إنو داعية ومخلص وقلبو لله وما لو طمعة بالدنيا يكون شحاد ومشحر
بس إذا عندو بيت ولا سيارة يا لطيف هادا عم يتاجر بالدين

يعني بلا مؤاخذة شوفولي كم الدخل الشهري لواحد من كبار الحرامية ببلدنا

شوفولي خدام بعد ما طلع من سوريا قديش ترك وراه مصاري وأملاك

شوفولي ولاد المسؤولين قديش بيصرفو كل ليلة بالكازينوهات والمراقص وبالقمار والعربدة

يقول السيد المسيح عليه السلام عن الزانية التي جاءه اليهود بها من كان منكم بلا خطيئة فليرمها بحجر

[المحارب العتيق]

بس بدي اعرف مين قال أنو التدين بيساوي الفقر
مابتحسو انو هي نظرتنا للمتدين .. حرام كيف منفكر

[yass]

كاتب النص الأصلي : المحارب العتيق

بس بدي اعرف مين قال أنو التدين بيساوي الفقر
مابتحسو انو هي نظرتنا للمتدين .. حرام كيف منفكر

لأ التدين مو الفقر.... بس انو داعية يقبض 2,5 مليون دولار لقاء برنامج تلفزيوني اسمو الصريح تجارة, يعني ما بيفرق عن أي Showman بنوب.... ما حدا قاللو ما يعملها, بس معناتو تنحط مسميات أخرى

[عمرو الحسيني]

يعني يلي بيسمع حكيكون بيفكر أنو الزلمة سرق هالمصاري من خزنة أبوه وجاية يحاسبو عليهون

وبالنسبة لعائض القرني مؤلف كتاب لا تحزن والذي وصلت عدد نسخه المباعة في الأسواق إلى ما يزيد عن مليون نسخة رغم أن الكاتب كان قد باع حقوق هذا الكتاب بخمسين ألف ريال لا غير
وسعر الكتاب وصل إلى حوالي 350 ليرة أي 7 دولار

فلو كان الكاتب لم يبع حقوق الكتاب واكتسب عوائد بيع هذا الكتاب بالكامل فاضرب مليون نسخة بسبع دولارات وشاهد الربح الذي كان يمكن أن يحصل عليه عائض القرني

هناك أكثر من 500 مادة صوتية ومرئية لعمرو خالد عدا المحاضرات التي يتم تفريغها في كتب وتباع بأعداد خيالية في معارض الكتاب وفي مختلف الدول الإسلامية

يعني أعتقد أن هناك احتقار واستهبال لجمهور القراء والمثقفين الذين يقبلون على شراء هذه الكتب وسماع تلك الأشرطة ومتابعة تلك المرئيات ، يعني كل هؤلاء يتم الضحك عليهم ولا يدركون الفارق بين الحق والباطل وفيما إن كان عمرو خالد صادقاً في وعظه ودروسه

أم أنه مجرد دجال يتاجر بالدين ، معظم المهاجمين له لم يسمعوا حرفاً واحداً من كلامه ولا قرؤوا سطراً واحداً من كتبه ومدفوعون بحقد أعمى لمهاجمة كل مظاهر التدين لسبب هم أدرى به ،
بسبب إفلاسهم وإفلاس برامجهم وضمور تياراتهم
والله غالب على أمره ولكن أكثر الناس لا يعلمون

[MadMax]

يللي بيقرا بعض الردود هون
بيعرف ليش هالدعاة عم يضرب سوقون ...و عم يعلا أجرون

مجتمعنا لحد الآن ... بتحركوا غرائزو الدينية





للأسف

[yass]

معظم المهاجمين له لم يسمعوا حرفاً واحداً من كلامه ولا قرؤوا سطراً واحداً من كتبه ومدفوعون بحقد أعمى لمهاجمة كل مظاهر التدين لسبب هم أدرى به ،
بسبب إفلاسهم وإفلاس برامجهم وضمور تياراتهم

معلم احكي فكرتك بهدوء و أدب و الكل يحترمك... مافي داعي لهيك ألفاظ لأنو اللي ما بيفكر متلك بيحقلو يحكي كمان بدون ما يسمع تنقيراتك عن دوافعو و نظريات المؤامرة هاي


اعتبر هالحكي انذار اشرافي...

[حلبي]

سؤال الى السادة المشرفين
ما هو رائيكم لو نعرض تقارير عن أموال مشاهير دعات النصرانية
و عن الخمس الذي تجيبه الحوزة
وعن القادة اللذين هم قدوة للأخرين
و الفضائح الذي لها أول و ليسى لها أخر

هل بهذا الأسلوب يمكن أن نجتمع كأبناء وطن ونحل مشاكل البلد

جميل أن ترى مسيحي يدافع عن المسلمين
والمسلم يدافع عن المسيحي

وهكذا

أخوكم حلبي

[المحارب العتيق]

كاتب النص الأصلي : Madmax

يللي بيقرا بعض الردود هون
بيعرف ليش هالدعاة عم يضرب سوقون ...و عم يعلا أجرون

مجتمعنا لحد الآن ... بتحركوا غرائزو الدينية





للأسف

تماما يلي بيقرا بعض الردود هون في يحدد مذهب كل شخص وليش عميكتب هيك
على الأقل معروفين المذاهب السني والشيعي بأنون مذاهب دعوية بعكس مذاهب تانية مخباية

[المحارب العتيق]

كاتب النص الأصلي : yass

لأ التدين مو الفقر.... بس انو داعية يقبض 2,5 مليون دولار لقاء برنامج تلفزيوني اسمو الصريح تجارة, يعني ما بيفرق عن أي Showman بنوب.... ما حدا قاللو ما يعملها, بس معناتو تنحط مسميات أخرى

غريب عالم فيزيا معلش اذا قبض
عالم جيولوجيا معلش أذا قبض
عالم دين مابيصير

[عمرو الحسيني]

مع احترامي لك يا حضرة المشرف أنا لم أهاجم أحد بعينه واللي في شوكة بتنغزوه

وحابب أسأل ماد ماكس إذا الشعب بيحركو غرائزو الدينية أحسن ولا لازم تتحرك غرائزو الأخرى لحتى تنبسط ويعجبك الوضع
ثانياً الآخرين الذين يعبرون عن آرائهم يجرحون في شخص وينسبونه للإتجار بالدين وغيره نتيجة كونه حصل على مبلغ مالي خلال عام من أعمال تجارية شريفة حرة قام بها وكلاء مكتبات ومطابع واستديوهات تسجيل وصوتيات تعاقد معها
يعني الزلمة ما نزل عالسوق وصار ينادي على بضاعتو

فأعتقد أن التجريح ليس من أركان أو أسس الحوار العقلاني
وأتيت بمثال واضح تماماً عن ما يمكن أن يحصل عليه الشخص من أرباح نتيجة رواج كتاب من الكتب ولا أدري بأي صفة وبأي تبرير تسمي هذا إتجاراً بالدين

[yass]

كاتب النص الأصلي : حلبي

سؤال الى السادة المشرفين
ما هو رائيكم لو نعرض تقارير عن أموال مشاهير دعات النصرانية
و عن الخمس الذي تجيبه الحوزة
وعن القادة اللذين هم قدوة للأخرين
و الفضائح الذي لها أول و ليسى لها أخر

هل بهذا الأسلوب يمكن أن نجتمع كأبناء وطن ونحل مشاكل البلد

جميل أن ترى مسيحي يدافع عن المسلمين
والمسلم يدافع عن المسيحي

وهكذا

أخوكم حلبي

هاد خبر منشور بأكثر من موقع اخباري عربي و ما فيو مس للعقيدة بأي جانب من الجوانب... يعني التغميز هاد بلاه أوكي؟

[yass]

كاتب النص الأصلي : المحارب العتيق

تماما يلي بيقرا بعض الردود هون في يحدد مذهب كل شخص وليش عميكتب هيك
على الأقل معروفين المذاهب السني والشيعي بأنون مذاهب دعوية بعكس مذاهب تانية مخباية

مافي داعي لهالطريقة بالحكي...