هل ترضى أن تتزوج فتاة كنت على علاقة معها ؟

[أبو الوليد]

ماعندي مانع ولكن مو تكون سنترال حاكية مع مية شاب

[bboobb]

ههههههه شو الشغلة سحب يانصيب ولا غرض لقيتو عل البسطة بدك تشتريه لك عمي هي حياة بدك تعيشها لازم تاخد وقتك وتشوف الناس اللي بتعرفها وبتعرف تاريخها واخلاقها يعني من قلة البنات حولين بيتكون مثلا , هلأ هي قصة النت وخلافه مضيعة للوقت ويمكن تزبط ويمكن و90 بالمية لأ ,شنو لأنو ماحدا بيقول عن زيته عكر

[shymaa]

فى مثل بيقول اللى تعرفه احسن ماللى ماتعرفوش يعنى هو لو اتجوز واحده ماكانتش على علاقه بيه ايه اللى يضمنله انها ماكانتش بتكلم غيره وغيره وغيره الموضوع كبير اوى ومايتحكمش فيه بالشكل ده لكن بالحب والعقل يعنى من خلال ارتباطه بيها يقدر يحدد شخصيتها وهل هى مناسبه للزواج ام لا يعنى انا مثلا مخطوبه لشخص كنت بكلمه قبل الخطوبه وهنتجوز قريب ان شاء الله فا كويس انه معملش زى حسام ده

[syria1star]

الموضوع كبير ومافينا نحكي فيو كل واحد ئلو عئل بفكر فيه و ع حسب البنت او الشب !! والمكان الي تعرفنا على بعض او الطريئة .... تشات ( شو كان التشات سيئ كويس للتسلية وهيك ) - تلفون ( كيف عرفت رئما .رئمو ومن وين جبتو ) اكيد هالموضوع كبير وبوجع الراس ازا واحد فكر فيو وما عندو هالثقة الي يعطيها للطرف التاني

>>
انا هالشغلة صارت معي وهلئ عايشا وكتير مبسوط لانو البنت طلعت هيه الي عبدور عليها وهيه الي متمني عيش معا وما بتخيل حالي او بفكر باني اتخلى عنا وفكر بوحده تانيه لانو بصراحة ما بئدر وانا بئول انو بنت بحياة الشب ( بتكفي ) المهم يكون الحب و التفاهم متبادل بين الطرفين والثقة ((موجودة)) وهي لوحدها بتحسم الأمر ..


و سلامتكون من وجع هالراس فكرو تحبو وبس لانو الحب بيخلق قلب للي ما عندو قلب وبيخلق احساس للي ما بحس دايما فكرو بالايجابيات قبل السلبيات و لا تتسرعو كل واحد فينا عندو اخطاء بحياتو بيتمنى يمسحا وينساها مو يتناساها .. وانا منون ..

تحياتي ..

[ظل جيفارا]

خلاصته .... شو طلع معكن ...

طيب بسأل كل شب قال لأ .... حضرتك ليش اذا رفضيتك بإعتبار إنو جضرتك حاكي مع مليون بنت قبلا شو بيكون موقفك ...
بعدين تخيل بالقرن الواحد والعشرين ومفهوم المساكنة منتشر بالعالم كله لساتنا عم نسأل هيك أسئلة ....
يا اخي وسعو احيانا حكي ويلي صح ....!

كان في شخص بدي رد عليه بالصفحة الأولى كان كاتب رده .... بس لما شفت المطرح بطلت .
تحياتي الحارة
ظل جيفارا

[Odell]

حكت معي والا الف غيري ازا حلوة وحبيتا وارتحتلا ليش لاء

بعدين ازا بتحبني مابتخوني وبتكون اخدتني عن نظرة واقتناع


غير عن وحدة مغمضة ماباسا الا اما بتاخدني لاسباب سطحية ومصرياتي ومدري شو


وعند اول مشكله بتصفي ببيت بيا هيك بتخيل ,,

[*Marwa*]

كاتب النص الأصلي : Moonlights

من مبدأ المساواة في الظلم عدل !

أهذا هو الحل أم هي صرخة عاطفية تتردد في صدى نفسك فقط

سيدي ازا كانت الخطبة رح تكفي وتوفي بجميع شروط التعارف السليمة ورح تمكّن الطرفين من التعرف على بعض حقا فأنا مع منع الجنسين من الدخول بعلاقات قبل الزواج

*انا فهمت انك معترض على مبدأ المنع للطرفين..ازا فهمت غلط يا ريت تصححني

[سكر نبات]

عاداتنا وتقاليدنا فعلاً مابتسمح بأي علاقه بين شاب وبنت

بس انا بإعتقادي ان الحل اللي بيرضي الجميع هو التعارف بفترة الخطوبه

يعني لما ينغرم شاب ببنت بيخطبها ويبدأ يتعرف عليها وهيك بيكونوا بالنور

وبعدين مافي شي بالدنيا بيضمن للشاب ان حبيبته مالها أي علاقات سابقه

حتى لو ماشافها بحياته إلا يوم الزواج

[Moonlights]

كاتب النص الأصلي : *Marwa*

سيدي ازا كانت الخطبة رح تكفي وتوفي بجميع شروط التعارف السليمة ورح تمكّن الطرفين من التعرف على بعض حقا فأنا مع منع الجنسين من الدخول بعلاقات قبل الزواج

*انا فهمت انك معترض على مبدأ المنع للطرفين..ازا فهمت غلط يا ريت تصححني

لنفرض السيناريو التالي "وهو متوائم مع شروط المجتمع ألذكوري" :
-بعد ما يرى الشاب صورة الصبية عن طريق والدته أو "في ظروف شكلية أفضل" بعد أن يرى الشاب الصبية في الحارة أو في أي مكان
-يفاتح أهله بالموضوع ويسألون عنها وعن عنوانها وإن كانت السمعة بخير تذهب الأم للتعارف ومن ثم الخطبة
-ثم يبدأ الشاب والصبية برؤية بعضهما بوجود أحد من أقارب الصبية كما هو معروف.
أي تعارف هذا الذي تتكلمين عنه هنا, هذا إذا تجاوزنا الرؤيا الموجودة لمثل هذا الشاب للمرأة ودورها, هل تعتقدين بأن شاب يرتبط بمثل هذه الطريقة – حتى لو استطاع التعرف على الصبية وهي استطاعت العرف عليه في مرحلة الخطوبة – هل تعتقدين بأن يكون لديه أي اعتراف بأي دور لهذه الصبية خارج إطار أنها وعاء جنسي له وآلة تفريخ وخادمة في المنزل, هذا من جهة ومن جهة أخرى الصبية التي ترتضي لنفسها انتظار الشاب ليتقدم لها بهذه الطريقة حتى لو رفضت عشر متقدمين من الواقفين بالدور أمام منزلها هل تستطيع إلا الرضوخ لمتطلبات هذا الشاب "الزوج" وشروطه المدعومة من قبل المجتمع , وأي خبرة حياتية ستكون لها وهي لا ترى العالم إلا من خلال هذا الزوج ومن خلال نظرته للعالم .
ثم عن أي تعارف نتكلم هنا, بالتأكيد لا مجال لأي تعارف حقيقي بين الطرفين بل حي ساحة للتملق والكذب تحت شعار – أنا لا أكذب لكني أتجمّل – لذلك تشاهدين الخيبات والانتكاسات والمآسي التي تحدث بعد الزواج .
طبعاً أنا مع أن يكون للشاب والفتاة مطلق الحرية في التعارف الحقيقي قبل أن تتخذ أي خطوة عملانية على أرض الواقع .

[ظل جيفارا]

كاتب النص الأصلي : *Marwa*

سيدي ازا كانت الخطبة رح تكفي وتوفي بجميع شروط التعارف السليمة ورح تمكّن الطرفين من التعرف على بعض حقا فأنا مع منع الجنسين من الدخول بعلاقات قبل الزواج

صديقتي لما تبدأ العلاقة على انها مشروع علاقة زواج تخيلي قديش ممكن يكون فيها كذب ونفاق ولهيك بنشوف نسب الطلاق بتكتر وكتير بنسمع كلمة متل " ما كنت شايفها هيك ايام الخطبة " او " ما كان هيك ايام الخطبة مدري شو صرله "
والتتمة لديكِ
تحياتي الحارة
ظل جيفارا

[*Marwa*]

ممكن يكون حكي مونلايتس وظل جيفارا صحيح..بس ما فيكو تعمموا هالتجربة الفاشلة بالتعارف اثناء الخطبة على جميع الناس!
بقصد مش كل الناس بنافقوا!..وخاصة لانو مشروع زواج..يعني انا بشوف انو اللي داخل ع مشروع زواج المفروض مش داخل يتسلى ويلعب! ولذلك لازم يبين وجهه الحقيقي وتصرفاته البعيدة عن التصنع! حتى لو كان في تجمل بس انو الطبع يغلب التطبع!

[aaamer]

عندك حق

[مالك الحلبي]

العلاقات تختلف
حسب تركيبة الناس وطريقة تربيتهم ونظرتهم
بس بالنهاية ما بيصح إلا الصح
طيب وين الصح
الصح بنجاح نسبة العلاقات وما تؤول إليه هذه العلاقات
من زواج أو خطبة أو فراق أو حب وأنتقام
كل فعل نقبله يحسب علينا
ونرد به بفعل يحسب علينا
بحجم تركيبة فهمنا وحساسيتنا ونظامنا
إذا الموضوع أجمله بهذه الجملة من وجهة نظري والله أعلم

طيب وين الصح
الصح بنجاح نسبة العلاقات وما تؤول إليه هذه العلاقات والتعلم من العلاقات السابقة

[ظل جيفارا]

كاتب النص الأصلي : *Marwa*

ممكن يكون حكي مونلايتس وظل جيفارا صحيح..بس ما فيكو تعمموا هالتجربة الفاشلة بالتعارف اثناء الخطبة على جميع الناس!
بقصد مش كل الناس بنافقوا!..وخاصة لانو مشروع زواج..يعني انا بشوف انو اللي داخل ع مشروع زواج المفروض مش داخل يتسلى ويلعب! ولذلك لازم يبين وجهه الحقيقي وتصرفاته البعيدة عن التصنع! حتى لو كان في تجمل بس انو الطبع يغلب التطبع!

تحياتي صديقة ....
لحنا بخيار بسيط بنقدر نستغني عن قصة المجالات هيدي ...
بكل بساطة لو تعرفوا ع بعض ع مهل وبعيد عن عجقة الأهل كانوا رح يعرفوا بعضهن اكتر
واكيد رح تكون علاقتهن اوضح وامتن
تحياتي الحارة
ظل جيفارا

[taha_17]

بصراحة يا شباب الي يحب عن جد ومتاكد انو البنت بتحبو من كل قلبها ما في غلط لان الحب ثقة واحترام ...
واذا كان ما يثق فيها على ايش بيحبها ... هو حابب يتسلى
البنت اذا حكت مش غلط ... الغلط اذا بتخلي الشب يضحك عليها
والزواج بعد علاقة حب خالية من الشكوك والاحترام يكون متبادل تكون علاقة ناجحة جدا
الشك والغيرة بدمر اقوى علاقة

[عمرو الحسيني]

الحقيقة يلي عم يقول إنو نسب الطلاق عم تزيد فهو غلطان

في إحصائية نشرت في جريدة الثورة بالعدد يلي صدر بالضبط قبل عيد الأضحى بيومين تقريباً كان مستند لأوراق المحكمة العدلية التي توثق معاملات الزواج وكانت الإحصائية عن الأعوام 2005 حتى 2007 نشرت عدد معاملات الزواج وعدد معاملات الطلاق فكانت النسبة بشكل ثابت ومحدد بين 6 و 7 % فقط لا غير
كان الملاحظ ان عدد معاملات الزواج ازدادت في كل سنة عن التي قبلها بمقدار 4 او 5 آلاف ولكن نسبة الطلاق لم تتغير بقيت ضمن معدلاتها 5.8 إلى 7.2

وبرأيي إن نسب الطلاق هذه هي بسبب العلاقات اللاأخلاقية قبل الزواج وكثرة العلاقات التي يدعو إليها ولنشرها وتعميمها أصحاب الدعاوى الإنحلالية ومن يحرص على إفساد المجتمع وتخريبه وبث الرذيلة والإباحية فيه
مثل الذي كان يتحدث عن المساكنة ويدعو لتطبيقها في سورية وهذا يعكس خلفيته

وأنا مع المقولة التي تقول إن فترة الخطبة قبل الزواج والتي تمتد فترة قد تطول في بعض الأحيان هي فترة مناسبة وملائمة جداً للتعارف والتفاهم بين الخطيبين وليفهم كل واحد منهما عقلية وطبع صاحبه وليست فترة للتهريج والتمثيل
والدخول إليها يكون جدي وليس بغرض اللعب واللهو واستغلال الفرصة

وما قاله بعض الأعضاء عن تقاليد قديمة جداً وما عادت موجودة إلا على نطاق ضيق للغاية
ذكرتني بباب الحارة

[مالك الحلبي]

كاتب النص الأصلي : عمرو الحسيني

وبرأيي إن نسب الطلاق هذه هي بسبب العلاقات اللاأخلاقية قبل الزواج وكثرة العلاقات التي يدعو إليها ولنشرها وتعميمها أصحاب الدعاوى الإنحلالية ومن يحرص على إفساد المجتمع وتخريبه وبث الرذيلة والإباحية فيه
مثل الذي كان يتحدث عن المساكنة ويدعو لتطبيقها في سورية وهذا يعكس خلفيته

وأنا مع المقولة التي تقول إن فترة الخطبة قبل الزواج والتي تمتد فترة قد تطول في بعض الأحيان هي فترة مناسبة وملائمة جداً للتعارف والتفاهم بين الخطيبين وليفهم كل واحد منهما عقلية وطبع صاحبه وليست فترة للتهريج والتمثيل
والدخول إليها يكون جدي وليس بغرض اللعب واللهو واستغلال الفرصة
ذكرتني بباب الحارة

كلامك جواهر تقبل تحياتي

[عمرو الحسيني]

عراسي أبو حلب