ربما...وداعا..

[ابو عمير السوري]

الموضوع أخد حجم أكبر من حجمه سمحولي ادلي بدلوي وكت شوية كاز حتى يلهلهب الموضوع
عمنا ياس ولاتزعل بس بحسك كأنو ناطر تمسك كلمة على حدا حتى تسلخ جلده عن عضمه طول بالك شوي على البشرية بيكفي الواحد عم بيدابل طول النهار وعم بيكافح بهاالوطن العربي
هي أول نقطة النقطة التانية الفراشة او مرسيل مابينزعل منها لأنو عاطيه جهدها وقتها لخدمة أخوية وأعضائها وملاحظاتها غالبا بمحلها
وخاطركم لنهرب بجلدنا حاكم العلقة مع ياس مو علقة بنوب بنوب

[LiOnHeArT.3LA2]

اول شي شكرا لكل اللي وقفو جنبي ... تاني شي ياس انا ماني هربان .. وازا بدك وضح انتي وجهة نظري على فكرة انا رجعت اكتب موضوع واحد ورد واحد...

بعدين الشغلة ما تبلي ... اوكي وانا قلت اني غلطاااااااان

هوي صحي الحق عليي لاني نقلت .. وحطيتو بالخواطر والخربشات

هوي ما معي حق اني ازعل

بس ما بعرف ليش زعلت....

يعني قرا الرد اوكي حبيبي ...

ومتل ما انتي بصفتك مشرف بيحقلك تدافع عن رفيقتك بالاشراف ((المذوقة))

وصحي شكرا مرسيل عنجد شكرا كتير...يا مزوقة على هالرد الحلو

اي وانا من حقي كمان دافع عن رفيقتي

فيعني المخلوقة ما حكت شي اوكي ...
ما رح كتّر حكي

سلام عليكم اخوية

هدا هوي الرد

وهدا الموضوع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما بعرف يمكن منقول ها انتبهو

سلام اخوية

[Nabilove]

يعني مع كامل احتراماتي رد فعلك اخ ياس مبالغ فيه جدا الموضوع اصغر من تتهم الاعضاء بالكذب و بعدم الفهم.
و بالنسبة لك اخ علاء فالامر لا يستاهل انك تترك المنتدى مخافة و بتفوت و لا حدا بيموت

[بنفسجة]

روق يلا روق
والا بزعل منك كتيييييييييييييييييير

[باشق مجروح]

يا شباب علاء ترك المنتدى عنجد
أنا صرلي ساعة عم احكي معو عالمسنجر وما مشي الحال
وهاد الي وصلنالو
هيك حكا:

* انا فوتة على اخوية معت الي
* باشق انا قلت كلمة وما برجع عنها

أنا جد متدايق والحق مو على علاء الحق على الاسلوب الي بيتعاملو فيه المشرفين
*أنا أكتر من مرة اتدايقت مشان شغلات بس بطنش
بس لايمتا ما بعرف
رح اقدر اتحمل

[yass]

عمنا ياس ولاتزعل بس بحسك كأنو ناطر تمسك كلمة على حدا حتى تسلخ جلده عن عضمه طول بالك شوي على البشرية بيكفي الواحد عم بيدابل طول النهار وعم بيكافح بهاالوطن العربي
هي أول نقطة النقطة التانية الفراشة او مرسيل مابينزعل منها لأنو عاطيه جهدها وقتها لخدمة أخوية وأعضائها وملاحظاتها غالبا بمحلها
وخاطركم لنهرب بجلدنا حاكم العلقة مع ياس مو علقة بنوب بنوب

بدون تعليق ابدا... و على فكرة ما بتذكر اني زعجتك شي مرة أنا.... اذا غلطان صلحلي


تائه في النور

اوكي وانا قلت اني غلطاااااااان

و ليش معناتو هالبلبلة اذا بتعرف حالك غلطان؟؟؟ سؤال يعني, أخي غلطت و تخالفت و انتهى الامر, شو يعني؟ و ين الغلط بحقك اللي خلاك تعمل هيك موضوع؟


و بالنسبة للسيدة أو آنسة اللي جاية على ما يبدو يعلمنا اشراف... أنا مازلت عند كلامي انو هي ما أكلت مخالفة و هيي قالت انو أنا الكذاب... يا هيي تثبت انو انا الكذاب يا أما تتحمّل مسؤولية اهانتي لأنو انا مسؤول عن كلامي بانو هي ما أكلت مخالفة انما تنويه و قادر اثبت كلامي... بعتقد ما عدنا ولاد صغار بالمدرسة لحتى نزت كلام شروي غروي عن ناس جدا متفانية في خدمة أخوية

[Nabilove]

كاتب النص الأصلي : باشق مجروح

يا شباب علاء ترك المنتدى عنجد

أنا صرلي ساعة عم احكي معو عالمسنجر وما مشي الحال
وهاد الي وصلنالو
هيك حكا:

أنا جد متدايق والحق مو على علاء الحق على الاسلوب الي بيتعاملو فيه المشرفين
*أنا أكتر من مرة اتدايقت مشان شغلات بس بطنش
بس لايمتا ما بعرف
رح اقدر اتحمل

المشكل اخي هو عدم مراعاة شعور الاعضاء فبعض المشرفين يعطيك الشعور انك في مخفر او معتقل يعني الديكتاتورية متجدرة في البعض رغم مناداتهم بالديموقراطية لكن هذا لا يفاجئني لان المنتدى ليس الا صورة مصغرة للمجتمع هناك المتطرف و الجاهل و الثائر و ليبرالي و المسلم سني و شيعي و المسيحي و العلماني و الملحد.... فلما نتعجب من و جود الدكتاتور؟؟؟ ناهيك عن المحسوبية التي تتجلى في حذف مواضيع بعض الاعضاء بمجرد انها لا تتماشى مع تفكير احد المشرفين رغم انها غير مخالفة بينما تثبت بعض المواضيع المخالفة و التي يكون فيها تهجم على معتقدات دينية او يسمح لها بالبقاء اذا كان صاحبها مشرفا او احد صحبه او لمجرد انها تتماشى مع فكره.

[بنفسجة]

كاتب النص الأصلي : Nabilove

المشكل اخي هو عدم مراعاة شعور الاعضاء فبعض المشرفين يعطيك الشعور انك في مخفر او معتقل يعني الديكتاتورية متجدرة في البعض رغم مناداتهم بالديموقراطية لكن هذا لا يفاجئني لان المنتدى ليس الا صورة مصغرة للمجتمع هناك المتطرف و الجاهل و الثائر و ليبرالي و المسلم سني و شيعي و المسيحي و العلماني و الملحد.... فلما نتعجب من و جود الدكتاتور؟؟؟ ناهيك عن المحسوبية التي تتجلى في حذف مواضيع بعض الاعضاء بمجرد انها لا تتماشى مع تفكير احد المشرفين رغم انها غير مخالفة بينما تثبت بعض المواضيع المخالفة و التي يكون فيها تهجم على معتقدات دينية او يسمح لها بالبقاء اذا كان صاحبها مشرفا او احد صحبه او لمجرد انها تتماشى مع فكره.

كلام صحيح وانا هيك بحس
ياريت علاء ماتفكر بالشيء السيء بالمنتدى
فكر بيلي بيحبوك وبيتمنو دائما يشوفو ردودك الحلوة
باشق
ياريت توصلو
انو في باخوية ناس تعودو كتير انو يقرو مشاركاتو باهتمام
وانو هالناس كتير بيعني الون
وهالناس فعلا بحبو ومابدها ياه يترك

[باشق مجروح]

هاد كلام علاء الأخير للجميع:

اخواتي .. انا ما حابب اترك اخوية وانا مزعل حدا وما بدي حدا يحكي عني بالعاطل بغيابي .. واكيد ما حدا بيعملها
المشرفين بشر متلنا متلن مانون واصلين درجة الكمال... وكلياتنا منخطأ
شكرا مرة تانية لكل عضو حب انو يساعدني ورجاء لا تتخانقو مشاني ...لاني ما بحب اخر شي اعملو باخوية ..انو ساوي مشاكل

سلام..

تعليقي شخصي على الهامش:
هي الرسالة أمانة عم وصلا
يا خوفي بكرا شي حدا يوصل عني شي رسالة من هالتعامل الدكتاتوري
الي عم شوفو
كل الشباب الي عم يتركو أخوية او الي بيعرفو أخوية وبينتقدوها بكون أنا أول المدافعين عنها
بس للأسف جد أنا مزعوج من هالأساليب
قال شو لازم ما نعلم المشرف الاشراف لأنو هو معصوم ونحنا جحاش ما منفهم شي.

[ابو عمير السوري]

[quote=yass;880373]بدون تعليق ابدا... و على فكرة ما بتذكر اني زعجتك شي مرة أنا.... اذا غلطان صلحلي

الحق يقال معي لا بل أسعد بقراءة ردودك وهي ملاحظة ود مع غيري وليس معي ربما تكون جدي وصارم ولكن اترك مساحة للتنفيس قليلا
مع احترامي أخ ياس

[BL@CK]

شو كل هالديماغوجيا ؟!

يعني تايه في مدري شو اعترف بخطئو , و تخالف على هالشي ..

شو مشان صارت المخالفة كفريّة , ليش الكل انجر وراه عواطفه ..

أنو ترك عمي الله معو ترك , اي ضروري لو بدو يترك نقعد نشوح و ننوح و يلعن دين هالمشرفين ما بيفهموه

مالي شايف أي داعي , اللي صار كالآتي :

شخص نزل مواضيع بالخواطر , طلعوه المواضيع منقولة , تخالف من قبل الجهاز الإشرافي كما هو المفروض , طلع بالخجلة قدام الجميع , هون هوي انزعج و قرر يترك , الكل انجر وراه مشاعروه أنو يا عمي تايه تركنا ومعد نشوفه و اشتغل النواح , و صار الجهاز الإشرافي عضمة كلب ,

هاي تسلسل الأحداث ..

[pioneer]

شايفلك بهالمنتدى عشرة بيحكوا وواحد بيسمع
طولوا بالكن الامر ابسط من هيك
بكرة علاء بيحكو جلده على ما يرجع على اخوية وبيرجع ان شاء الله وبينسى لانو محبينه كتار
اما مشان المشرفين الله يعينن علينا ويعينا عليهن
بقترح وبتمنى تتقبلوا مني الاقتراح انو يلي تخانقوا ما يعتذروا من بعض بس على الاقل ينسوا يلي انكتب وانحكى وكانو ما صار شي مشان مصلحة اخوية مو اكتر
تقبلوا مروري برحابة صدر ولكم الشكر الجزيل ودمتم بود

[yass]

الحق يقال معي لا بل أسعد بقراءة ردودك وهي ملاحظة ود مع غيري وليس معي ربما تكون جدي وصارم ولكن اترك مساحة للتنفيس قليلا
مع احترامي أخ ياس

يا أخي مو قضية تنفيس أو غير تنفيس... في قسم كامل اسمو بريد المنتدى للشكاوي و الاعتراضات, و لا عم نقول انو المشرف لا منزّه عن الخطأ و لا شي.... هالحالة الاشرافية صحيحة جدا و تصرّف المشرفة صحيح تماما. يعني ما بعرف ليش هالهجمة الديماغوجية على مرسيل, ماني فهمان ليش..... طبعا المشرف يغلط. أنا بزماناتي غلطت بحق عضو اسمو قصي مجدي سليم و ظل موضوع الاعتذار تبعي مثبت اسبوعين... أي غلطت و اعتذرت, ما عندي مشكلة أبدا.

اللي ما يجوز هو الاتهام الباطل, لا الدين و لا اللادين يقبلو. أنا قلت انو العضوة جانبت الحقيقة لما قالت انو مرسيل خالفتها, هالعضوة ما تخالفت أبدا. و صلها تنويه اللي هو عبارة عن ابلاغ بأنو صار في خطأ من قبلك بالموضوع الفلاني و لهذا السبب.... ما فيها زعل

بالنسبة لرد الأخ نبيلوف اللي جدا آلمني صراحة لأنو ما توقعت منو يحكم بهالشكل المتسرّع و الظالم لأنو تعودنا منو الموضوعية رغم الاختلاف بالرأي..... حابب بس احكي شغلة وحدة بخصوص المحسوبيات و العلاقات. أنا مشرف سابق للمنبر و علاقتي جيدة مع زملاءي المشرفين... أنا تنحذفلي ردود و مواضيعي تنقل متلي متل غيري... و لسا ما صارلي شهر آكل مخالفة.... تنتهي بـ 17 الشهر


تحية ليلي تفهمونا, و ليلي ما تفهمونا, وحتى ليلي عملونا ولاد كلب على آخر هالمسا

[باشق مجروح]

كاتب النص الأصلي : BL@CK

شو كل هالديماغوجيا ؟!

يعني تايه في مدري شو اعترف بخطئو , و تخالف على هالشي ..

شو مشان صارت المخالفة كفريّة , ليش الكل انجر وراه عواطفه ..

أنو ترك عمي الله معو ترك , اي ضروري لو بدو يترك نقعد نشوح و ننوح و يلعن دين هالمشرفين ما بيفهموه

مالي شايف أي داعي , اللي صار كالآتي :

شخص نزل مواضيع بالخواطر , طلعوه المواضيع منقولة , تخالف من قبل الجهاز الإشرافي كما هو المفروض , طلع بالخجلة قدام الجميع , هون هوي انزعج و قرر يترك , الكل انجر وراه مشاعروه أنو يا عمي تايه تركنا ومعد نشوفه و اشتغل النواح , و صار الجهاز الإشرافي عضمة كلب ,

هاي تسلسل الأحداث ..

بالله عم تحكي جد انت.
لأنو الحزف شغال والاحساس انك بمخفر كمان على طول.
علاء الو ناس بتحبو انت شو زاعجك ازا فتحتالو موضوع وداع ماني فهمان
اي وخلي يكون هالموضوع فرصة لانتقاد سياسة المشرفين.
بس في ناس ما بيعجبا شي وبدها تضل تنبش ما في مجال.

[TheLight]

مرحبا...للكل...قاتلا ومقتولا...

بصراحة ومن زمان كتير ما رديت بكتير مواضيع بس للأسف بلاقي حالي هلق أني مضطر وللأسف كمان مو هاد هو نوع الردود يللي بحبها...بس مضطرين....

بالبدء لفت نظري موقف الاخ تائه في النور يللي خالف وبشكل فج قوانين القسم واعترف بشكل صريح أنو مخطئ وبالرغم هالشي مش قادر انو ييقبل فكرة اخذه لمخالفة هي مستحقة وصريحة وما فيها أي تجنّي....
والمزعج أكثر في الامر أنه وبسياق رده ع بلاك بالموضوع يللي اتخالف منشانه...كان جدا مصر على أنه الموضوع من تأليفه ووصل فيه الامر أنو يقول....

طبعا هي أول باشتان

تاني باشتان...المشرفة المسؤولة عن القسم ما غلطت بتوجيه مخالفة للاخ علما انو مش هاد اول موضوع بينزلو بقسم الخواطر والخربشات وبينقل الموضوع الى قسم الملطوشات كونه غوغل الحمد الله موجود والعالم صارت بتعرف تحط أي جملة وتغوغلها وتعرف هل هو موجود في منتدى أخر...
السؤال يللي بيستحق أنو ينطرح بهالسياق...هل نسب العديد من الخواطر والخربشات للذات وانكار نقلها يندرج تحت تسمية ( الاستخفاف بعقول الناس) او بالاصح (استحمار الناس)؟؟؟؟

تالت باشتان....
بالنسبة للاخت بيتي فلسطين...لفت نظري قدرتها الفجة ع اطلاق التهم بسهولة متذرعة انو الموضوع كتير قديم وادعت بكل وقاحة (وللاسف مضطر وجه هالصفة الها رغم انو مافي اي معرفة مسبقة ويعني اذا بتحبو تقولو...هيك من الباب للطاقة)...ادعت انها اخدت مخالفة وليس تنويه وكان عندها القدرة الاستمرار بالكذب والتهرب من الرد ع سؤال ياس
واذا بيحب حدا يعرف حقيقة الموضوع فما عليه الا انو يطلع ع هالصورة ويشوف هل هي تنبيه أم مخالفة وقديش عدد الزعلات

رابع باشتان
والغرابة الاكبر تأتينا من بعض الاصوات يللي عم يعتبرو حالهم مضطهدين ومظلومين وعم يعانوا من تأثيرات الدكتاتورية ع نفوسهم المرهفة واحاسيسهم الرقيقة...وما بيسعني هون الا أني وقف باستغراب عند تعليقات أحد الاخوة وهو نبيلوف يللي عم يعاني من الظلم كتير وأسالو سؤال....
مين قرب عليك ومين غلط بحقك بهالمنتدى من المشرفين؟؟؟


مجددا بكرر أسفي واعتذاري أني اضطريت رد بموضوع أكثر ما يمكن أن يقال عنه أنو تسالي...بس لما يصير الموضوع فيه تهجم ع المشرفين وع ألية عملهم ويصير تقييم مجحف بحقهم..فهون بلاقي حالي بدي أحكي كلمة حق....

ع الهامش...مضطر أحكي شغلة بالرد ع نبيلوف يللي اعتبر أنو المحسوبيات عم تلعب دورها بالمنتدى...مضطر خبر ولو همساً أنو Yass المشرف حاليا... تمت مخالفته من قبل مشرف المنبر الحر الشهر الماضي بسبب الخروج عن سياق الحوار في أحد المواضيع...
أمام هيك حقيقة...هل برأيكم أنو للمحسوبيات مكان في أخوية؟؟؟

بتمنى من يللي بحب يرد أو ما بيحب يرد...أنو يدعملنا رأيو بشوية لينكات وشوية دلائل بدون ما يكون ما سيقوله كلام في الهواء...

ودمتم....للتسالي

[BL@CK]

كاتب النص الأصلي : باشق مجروح

بالله عم تحكي جد انت.
لأنو الحزف شغال والاحساس انك بمخفر كمان على طول.
علاء الو ناس بتحبو انت شو زاعجك ازا فتحتالو موضوع وداع ماني فهمان
اي وخلي يكون هالموضوع فرصة لانتقاد سياسة المشرفين.
بس في ناس ما بيعجبا شي وبدها تضل تنبش ما في مجال.

اي عم أحكي جد و جد الجد ..

أنا من فترة قريبة تنوّهت لأسباب أقل من سخيفة و تمام التمام متأكد أني ما غلطت , بس لا عملت زيطة و لا زنبليطة .. و لا فتحت موضوع سبيت فيه المشرفين ..

علاء إلو ناس بتحبو أوكي , فتحتولو موضوع كمان أوكي , كل هالشي على عيني

أما ينقلب الموضوع من توديعة علاء لـ ذم سياسة المشرفين أنو يا عمي الشب غلط ليش الحكي الفاضي و بلا طعمة .. و أنو العالم تغلط على صديقتي اللي هيه المشرفة اللي خالفت علاء هاد ما يزعجي و يزعجني جدا ً ..

عرفت شو اللي زاعجني و لا بدك أشرح أكتر من هيك ..!!

[BL@CK]

و لأخذ العلم

المشرفة اللي خالفت الشب هي أوّل مين قال لا تضخمو الموضوع كنت رادد أول ما نزل الموضوع ف طلبت مني أحذف الرد و أنا حذفتو و بعتو برسالة خاصة لتايه في النور ,,

و ليكو نص الرسالة ..

هاد الرد رديتو بموضوعك " ربما .. وداعا ً .."

حذفتو و ارتئيت أنو هون أفضل من الحكي على العلن

اقتباس:
كاتب النص الأصلي : تائه فـــ النور ــــي
وهي اول مرة بعملها وازا مانكون مصدقين دورو بكل مواضيعي

واللي ناقلو بقول انا ناقلو ....

ليك لقلك , أنا وقت اللي سألتك منقول أو لأ , قلت و حيات ابي مش منقول

ما ردت أخجلك و أكسر يمينك مع أني شايفوه و قاريه و متأكد أنو منقول ف سكتت

عموما ً بتوّقع في شي تاني من مواضيعك و عالأاخص الأدبية منقول .. لذا لا تقول أوّل مرة

انتهينا من هالفكرة لنحكي عن المشكلة بشكل عام

نحنا عنا شي مية ألف عضو و في كميّة إبداعات كتيرة يعني ما عم نلحق نقرا شو في بالقسم و فوق كل هالشي بتيجي العالم بتنقل مواضيع ع اساس من كتابتا طبعا ً الحديث مو عليك لأني في كتير غيرك , اي عمي من وين بدو الواحد يلحق يقرا إبداعات الأعضاء ليلحق يقرا الشي المنقول

أنا واحد من الناس ما بستجذبني موضوع منقول و لا بفكر أقراه , أما لو موضوع إنت كاتبوه ف رح أترك الشغل اللي بإيدي و أقراه ..

بقا بتمنا إنك تتفهم القصة .. و موفق يا حبيب و الله معك ..

فـ المشرفة اللي عم تتهموا و عم تحكو عليها بالطالع و النازل هيه أول شخص طلبت أنو عمي هدو اللعب ما عم نطفش العالم نحنا و ما بدنا ياخد الموضوع أكتر من حجموه


فعلا ً ناس ما ببان فيا المعروف ...

[TheLight]

كاتب النص الأصلي : باشق مجروح

قال شو لازم ما نعلم المشرف الاشراف لأنو هو معصوم ونحنا جحاش ما منفهم شي.

فاتني هالرد علّق عليه بردي السابق....

بس ممكن تعطينا مثال عن استجحاس شي حدا من المشرفين ألكون؟؟

وشكرا سلف...

في خدمة حوار بناء وهادف...ولو أنّي من زمان مقتنع أنو ثقافة الحوار انتحرت...