رأيك في مشكلة تواجد العراقيين في سوريا

[أإأبو العبد]

غريبة مو كانو نفس مشكلة الوافدين بالسعودية او دول الخليج؟؟؟

[أإأبو العبد]

كاتب النص الأصلي : MadMax

أنو لازم يكون وجودون مدروس و منظم أكتر من هيك
و لازم يمنحوهون اقامات مؤقتة .... قابلة للتجديد


بس أهم شي برأيي ....... ما لازم يسمحولون بالتملّك لا بطريقة مباشرة و لا غير مباشرة

شو شايفلك رح تطالب كمان شوي بكفيل لكل عراقي

كاتب النص الأصلي : sweetyjojo

سوريا طول عمرها ورح تبقى هي البلد الوحيد اللي بيمثل القومية العربية


بس للاسف مو كل الشعوب بتقدر هالشي


يعني انا مثلا ساكنة بمنطقة راقية جدا وبيوتها من الاصل غالية


والاجور الشهرية فيها شي لا يطاق من الغلا



ورغم هيك في عنا عراقيين كتييييييييييييييييير



يعني هل هدول بيتسموا لاجئين؟؟؟؟؟؟؟؟؟؟؟؟؟


زادوا الاجارات اضعاف واسعار البيوت اضعاف


بشكل غير مباشر طبعا لانو السبب كمان من المالك الاصلي للبيت



يعني نحن شفنا قبلهم الفلسطينيين دخلوا سوريا ويمكن اعدادهم كانت اكبر من هيك



لكن ما عملوا هالمشاكل اللي عملوها العراقيين مع انو الشعب السوري هو نفسه


لانو الفلسطينيين لما دخلوا البلد دخلوا مستهلكين وليسوا مستثمرين متل العراقيين


اليوم بالحريقة مثلا ((منطقة تجارية )) بتلاقي التجار العراقيين مليانين


وكرمال يحصروا البيع فيهم بتلاقيهم بيدفعوا اسعار خيالية


ومين هالتاجر الامني اللي ما رح يرضى بيبع بهيك اسعار


في منهم والله وانا بعرف ومسؤولة عن كلامي كله


بيشتروا انتاج معامل بحالها ...................


فتخيلوا بقية المعامل اللي بتنتج نفس الصنف شو رح تعمل؟؟؟؟؟؟؟؟؟


اكيد رح تغلى الاسعار بسبب قلة السلع بالسوق


بيرورحوا العراقيين عالمزراع بيشتروا محاصيل اراضي بكاملها


شو بدو يصير ببقية المزارعين..................؟


اكيد رح يرفعوا الاسعار بسبب قلة الانتاج


اما قصة الدعارة فهم من الاصل في عندهم هالقصة ببلادهم



من وقت صدام لدرجة انو بالنهاية منع سفر اي بنت بدون محرم


وانا بعرف وحدة ما قدرت تجي لهون وقت صدام رغم انو امها سورية


الا لحتى ابوها اخد اجازة من شغلو وجابها لهون لتزور اهل امها



هدا كلو عدا عن انهم متعودين غالبيتهم مو كلهم على الحياة العشوائية



يعني عنا مثلا بيدفعوا كتير ليسكنوا بهيك منطقة بس ما حدا طايقهم


لحتى صار كل واحد بدو ياجر بيتو يتعرف عليهم بالاول


وما خلصت هالمشكلة عنا لحتى صاروا ما ياجروا الا دكاترة اومهندسين او محاميين


بقا شو رايكون بعد كل هالامور اللي ما كتبتها الا وانا متاكدة منها


ما بيكونوا عملوا ازمة ؟؟؟؟؟؟؟؟؟؟؟؟؟؟؟؟؟؟



ليش الفلسطينيين واللبنانيين لما دخلوا ما عملوا مشاكل



ليش الايرانيين وعنا اعداد منيحة منهم لا يستهان بها مو عاملين مشاكل


انا ما بنكر انو شعبنا شجعهم بس الطمع من شيم كل الناس مو بس تجارنا



اسمهم تجار يعني شغلتهم المصاري...........................



كلنا بنزعل لما نسمع عن اي واحد عراقي مات او انجرح او تاذى


لكن لما نتذكر انو هم اللي سلموا اراضيهم برخيص ليخلصوا من صدام


ولما نتذكر انهم عملوا عرس ورفعوا علم اميركا ونزلوا تمثال صدام


ما بنقدر نفرح ونحن عم نشوفهم بيننا ونحن شعب القومية العربية



اسفة للاطالة لكن الموضوع بحسه بيقهرني من جوا والله


لانو العائلات البسيطة عنا بطلت تقدر تاكل بسبب هالغلا


ولانو شبابنا ما عاد يقدروا يتزوجوا بهالغلا


والناس لما بتمشي بالطريق بتشوف شي ما بتقدر تشتريه



بالوقت اللي بتشوف العراقي راكب احلى سيارة ونمرة سورية كمان



((((((((((((((((طبعا مو الكل))))))))))))))))))))))))



والبنت العراقية حاملة احلى موبايل ولابسة احلى لبس



وعائلاتهم ساكنين باحلى المناطق واحلى البيوت


والسوريين لسا على حالهم ما تغير شي الا انهم نزلوا شي 7 او 8 مراتب لتحت


وما استفاد من وجودهم غير التجار الكبار والصناعيين الكبار واصحاب العقارات

يعني مابعرف شو بدي اقلكن يعني والله شو احترمت العنصرية الموجودة بالسعودية قدام هالردود

والانسة الي عمتقول انو البنت العراقية حاملة احلى موبايل ولابسة احلى فستان ومابعرف شو يعني شو انو لهالدرجة صارت عيونا فارغة لك هدول الي انت حاسدتيهن هن وكل العراقيين الي برا العراق عميحسدوكي على اغلى شي هن فقدو وهو الوطن
والله اني انصدمت بهالردود يعني عنجد خسا السعودية كلا قدامكون


لك بس بدي افهم انتو عن شو عمتحكو لك العراقي لما طلع من العراق لاراح على السعودية ولا لكويت ولا ايران لك راح على سوريا طمعان بكرمكون و وطنيتكون وعروبتكون ما راح علة سوريا مشان يدور على شغل ولا راح مشان يتقل عليكون لك والله والله والله لو انو مو غصب عنهون طلعو والله مابيطلعو وبيتحملو جميلة حدا

وتعقيبا عالحكي الي بالاحمر يعني سبحان الله نفس الحكي الي بيحكو السعوديين عن الفلسطينية
وبالنسبة انو انتي مابتقدري تشوفيهم لانك شعب قومية كمان نفس مبدأ (نحن شعب الله المختار)
بتوقع انو صدام كان ظالم بحق العراقيين وخانقون
وبعدين بالنسبة للدعارة رجاءأً الي بيتو من قزاز لايرمي الناس بالحجارة فيكي تنكري انو في دعارة بسوريا
يعني معقول انو العراقيين هن الي جابو الدعارة لسوريا

وبالنسبة لايجارات لبيوت وغلاء العقار هي المشكلة من ضعفاء النفوس ملاك العقارات

وفي نقطة انتي ناقدتي حالك فيها كتيييييييير وهاد بيكشف انو الدوافع الي خلتك تحكي هيك هي مجرد غيرة لااكتر ولا اقل
وهاي النقطة هي:

انا ما بنكر انو شعبنا شجعهم بس الطمع من شيم كل الناس مو بس تجارنا



اسمهم تجار يعني شغلتهم المصاري...........................

شو هالمبدأ الغريب هاد شو يعني الطمع من شيم كل الناس

طيب الي اجو عالعراق مو ناس ولا صارت عند تجار سوريا شيم وعند العراقيين عيوب
وكتار من العراقيين الي اجو على سوريا هن تجار والعراقيين معروفين انهم تجار
وعلى فكرة نظرتك الديقة للاشياء نستك شغلة مهمه انو العراقيين انعشو السوق السورية
يعني العراقي الي عميتاجر بالسوق السورية المصاري وين عميوديها عالعراق ولا عمتنصرف بسوريا
لك والله خجلتونا والله عيب

[أإأبو العبد]

كاتب النص الأصلي : ورده بغداد

في سنة 1979 وبعد زيارة الرئيس صدام حسين للقاهره

والطلب الى الحكومه المصريه بحاجه العراق الى ايادي عامله مصريه دخل الى العراق من الاخوه المصريين الى العراق اضعاف العدد من العراقيين الموجود حاليا في سوريا,

ولك يكتف الامر الى هنا فقد ارسلت المغرب عوائل فلاحيه كثيره ومدينة ابو منيصير في العراق شاهده على ذلك فقد انشئتها الحكومه خصيصا للعوائل المغربيه التي فاق عددها في الثمانينات ال150 عائله معدل افرادها 5 ,

في الجانب الاخر المهم قامت الحكومه بأنشاء شارع حيفا الشهير في قلب بغداد

والذي انشئته شركه بريطانيه قبرصيه ويضم الحي بحدود عئرات الابراج السكنيه

وجميع العراقيين والى اليوم يعرفو ان سكان هذه الابراج كانو من الاخوه السوريين فقط وبالذات من المعارضه او المحكوميين غيابيا لاسباب سياسيه .

وحبنما ضاقت الابراج بساكنيها السوريين باشرت شركه كوريه بانشاء ضعف العدد من الابراج الاولى كي يستوعب الاعداد الغفيره من الاخوه السوريين ,

بالاضافه الى الشقق الفاخره في مجمع 28 نيسان الواقع بالقرب من القصر الجمهوري ومقابل بنايه الاذاعه والتلفزيون ,.

في الجانب الاخر كان احياء سكنيه قد انشئت بأمر من الرئيس صدام لاسكان العوائل الفلسطينيه

منها مجمع دور الشؤون المكون من حوالي 3000 دار لم يكن يسكنها غير اخوتنا الفلسطينين .

كل هذا كان في وقت يعيش العراق حرب طاحنه ظروس مع ايران استمرت 8 سنوات

كانت تستنزف فيها يوميا اقتصاد البلد وخيراته لانها لم تكن حرب بسيطه او قصيره المدى,,....


رغم كل هذا وماكان يمربه المواطن العراقي لم نكن نسمع شكوى او تضجر او ملل من اخوتهم

المصريين او السوريين او المغاربه او الفلسطيينين,.

عنجد عنجد بهنيكي من كل قلبي على هالرد الحلو
على فكرة الاجانب مابيطلعو علينا انو هاد سوري وهاد عراقي وهاد فلسطيني وهاد مابعرف شو كلنا بنظرهن عالم ثالث لحتى هيك بس تكونو فخورين بحالكون كتير
لك والله بعمرنا مامنصير بشر ولا حتى حيوانات طبعا يكرمو البشر والحيوانات وحتى الحشرات قدام العرب
طول مانحنا عمنحمل بعض جميلة وداقين ببعض
كان في رد يعجبني مابعرف شو اسم صاحبو بس عذرا منو بدي استعملو
بلاع ياالله بلاع
هاي اخرت الي بيخلق عرب
اي فلسطين واي عراق بدون يرجعو لك من الشوإسمو شيتي اذا شمينا ريحتا لفلسطين ولا العراق
ولا تفكرو انو الموضوع وقف عند العراق وفلسطين
بس الدور على مين الله اعلم
خليكون هيك قد ماتقدرو اخلقو خلافات بيناتكون
لك تؤبشوني شو زراف
اي روحو تلحفو ونامو والله بترتاحو وبتريحو

[oaddah]

ما حدا جبر الشعب يستقبل العراقيين

فتحملو ايها الشعب .

[ورده بغداد]

كاتب النص الأصلي : oaddah

ما حدا جبر الشعب يستقبل العراقيين

فتحملو ايها الشعب .

كلمة حق ,,,,,,,,,,,يراد بها باطل

[maged-syrian]

اهلا وسهلاً بكل عراقي في سورياً شرط أن لايشكل ذلك عبئاً على حياة المواطن السوري اليومية ... بعض السوريين منعوا من دخول المدارس والجامعات الحكومية بسبب ازدحام الطلبة العراقيين واضطروا الى ان يتكلفوا ويدخلو جامعات ومدارس خاصة ... هل الحكومة في سوريا ترضى ذلك على مواطنيها خصوصاً الفقراء منهم ومااكثر الفقراء بسوريا ؟؟؟....
ايضاً بالنسبة للعقارات ... العراقي يعتبر ضيف مؤقت فلماذا يسمح له بالتملك في بلد تعتبر أسعار العقارات فيه من أغلى الاسعار في العالم ... أعطيكم مثال محل بالشام بنص البلد مساحته 28 م2 ب 6 ملايين ليرة ؟؟؟ بينما كان سعر هاذا المحل لايتجاوز المليونين قبل حرب العراق .. 4 ملايين ليرة فرقت مع المواطن السوري البسيط والسبب معروف لديكم

[The morning]

لك بس بدي افهم انتو عن شو عمتحكو لك العراقي لما طلع من العراق لاراح على السعودية ولا لكويت ولا ايران لك راح على سوريا

طبعا ما راح لا عالسعوديه و لا عالكويت و لا ايران ليش ليروح عليهم و سوريا دقاقه على صدرها و فاتحه كل الابواب و مسهله كل الامور للعراقيين .. يعني صار العراقي بحقلو يحط رجلو بضهر السوري و يقلعو برّا البلد بكل بـساطه و بدون ايّ مـشكله ..

بتوقع انو صدام كان ظالم بحق العراقيين وخانقون

هممممممم , اي بس ما بتوقع انو الحل كان الاستعانه باميركا و الاختباء ورائها لتحويل العراق لكرت شدّه و اعدام رئيييسها على يد اميركا بليله راس السنه و وقفه عيد الاضحى !!

وبالنسبة لايجارات لبيوت وغلاء العقار هي المشكلة من ضعفاء النفوس ملاك العقارات

اي بس مافيك تنكر وجودها كمشكله جوهريه .. مافيك تنكر انو صار حلم السـوري بعد ما فات العراقي عالبلد انـّو يلاقي بيت بقلب الشام بسـعر مناسب .. فاللي صار انـّو كل السورين تركو و طلعو بعيدا عن مركز المدينه لانو ما عاد قدرو يلاقو بيوت و يدفعو اسعارها .. و العراقي اللي قدر يطلع من العراق بكم قرش مرتبين صار ملاك بنـص المدينه .. و لا فيك تنكر أيـضا انـّو احتلّو العراقين العديد من الوظائف اللي الـسوري اكيد احق فيها كونو البلد بلـــــــــــــــــــــــ ــــدو ..

هاد بيكشف انو الدوافع الي خلتك تحكي هيك هي مجرد غيرة لااكتر ولا اقل

اي يا اخي غيره .. انا شـخصيا عندي غيره كبيره جدّا على سـوريا و السورين و شايفه انّـو اللي عم يعملوه العراقين بسوريا عم يطلع من جيبه المواطن الـسوري .. يعني الله يعين هالمواطن شو بدو يطلع من جيبته ليطلع .. صار حامل على راسه \ الفلسطينين , الـعراقين , في فتره لا بأس بها حامل اللبنانين \ و هاد كلّـو على حساب مين ؟ على حسـاب السـوري و عيلته .. انـّو عمّـي الواحد لما يكون متفضي بيستقبل ضيوف ببيته بس لما يـكون مزنوق و مدايق و فايت بالحـيط مافيه يتحمّل الضيف اكتر من تلات ايام ؟ مظبوط هالحكي او لا ؟

وعلى فكرة نظرتك الديقة للاشياء نستك شغلة مهمه انو العراقيين انعشو السوق السورية

انعشو مين و الناس نايمين ؟ انعشوها اي بس لوين عجيبتهم الهم و جيـبه كم تاجر كبار سـورين على حسـاب باقي الشـعب كلّـــه ..

على فكرة الاجانب مابيطلعو علينا انو هاد سوري وهاد عراقي وهاد فلسطيني وهاد مابعرف شو كلنا بنظرهن عالم ثالث لحتى هيك بس تكونو فخورين بحالكون كتير

مش دقيق حكيك خيـّو .. الاجانب بيعرفو تماما هاد عراقي و هاد لبناني و هاد سـعودي و هاد سوري وقت بتقلّون انا سوري \ عراقي \ لبناني \ الخ .. و بيسـمّو المنطقه ككل باسم الشرق الاوسط متل ما بسمّـو كل الصينين و اليابانين و الخ الخ منطقه اسـيا .. لكن وقت بيجي شي فهيم بقلهم انا عربي و هو مبسوط بحاله هون بقى بتضيع الطاسه تبعهم و بفكروه عايش بخيمه و عنده جمل و عشر نسوان ..

اي فلسطين واي عراق بدون يرجعو لك من الشوإسمو شيتي اذا شمينا ريحتا لفلسطين ولا العراق

عفوا يعني بس بعتقد هي شغلتكم \ العراقيّه يرجعو العراق \ و الفلسطينيه يرجعو فلسطين \ يعني انو فينا ندعمكم .. نساعدكم بس هي شغلتكم بالدرجه الاولى لانو الارض ارضكم يعني و الوطن وطنكم و ما بحك جلدك الّا ضفرك فرجاء لا تحمـّل هالمسـؤوليه للكل لانو هي مـسؤوليتكم انتو ..

[ربيع دمشق]

على الحكومة السورية اذا كانت تعرف مصلحة الشعب ان تقوم بفرض القيود على حركة الدخول لكل العرب (العراقيين والاردنيين ووو) كدولة سوريا ذات موارد على قد حاجة شعبها يعني اي زيادة متل الزيادة المليونية من قبل العراقيين هاد طبيعي رح يشكل ضغط على كل مواطن سوري
بقا الرأي هون كان الافضل انشاء مخيمات للوافدين العراقيين على الحدود العراقية السورية وخلي هالامم المتحدة والمجتمع الدولي يستلم ملفاتهم تحت ادارة سورية وهيك هنن رح يدفعوا كل المبالغ ووو للاجئيين

بحب اني ضيف على انو الغلا وارتفاع الاسعار بالعقارات بسبب الطلب الزايد بمعنى انو اي زيادة بالسكان اكيد رح يكون زيادة طبيعية بالطلب على السكن وهالشي خلا الاسعار متل النار على المواطن السوري
ياريت الحكومة كانت ذكية متل حكومات ايران اللي استفادة من الوجود الافغاني على ارضها واستغلت التواجد بانعاش اقتصادها بزمن الحرب وللآن الحكومة الايرانية عم تسلخ فواتير للامم المتحدة قسم اللاجئيين باعتبار ايران تستضيف على ارضها مليون لاجئ افغاني وهالعدد بحاجة الى مساعدة ومال ووو وبالاخير هنن المستفدين من العملة الصعبة الداخلة للبلد باسم اللاجئيين الافغان

[ورده بغداد]

كاتب النص الأصلي : maged-syrian

اهلا وسهلاً بكل عراقي في سورياً شرط أن لايشكل ذلك عبئاً على حياة المواطن السوري اليومية ... بعض السوريين منعوا من دخول المدارس والجامعات الحكومية بسبب ازدحام الطلبة العراقيين واضطروا الى ان يتكلفوا ويدخلو جامعات ومدارس خاصة ... هل الحكومة في سوريا ترضى ذلك على مواطنيها خصوصاً الفقراء منهم ومااكثر الفقراء بسوريا ؟؟؟....
ايضاً بالنسبة للعقارات ... العراقي يعتبر ضيف مؤقت فلماذا يسمح له بالتملك في بلد تعتبر أسعار العقارات فيه من أغلى الاسعار في العالم ... أعطيكم مثال محل بالشام بنص البلد مساحته 28 م2 ب 6 ملايين ليرة ؟؟؟ بينما كان سعر هاذا المحل لايتجاوز المليونين قبل حرب العراق .. 4 ملايين ليرة فرقت مع المواطن السوري البسيط والسبب معروف لديكم

صح احد الاسباب هي وجود العراقيين

بس لا تنسى جشع تجار العقارات

[ورده بغداد]

كاتب النص الأصلي : The morning

.. يعني صار العراقي بحقلو يحط رجلو بضهر السوري و يقلعو برّا البلد بكل بـساطه و بدون ايّ مـشكله ..

مرسي ................. كلام يدل على ذوق كاتبه

مابستغرب وجود ناس تقول مثل هذا الكلام للاسف بس الحمد لله دايما يكونو على باطل

[ورده بغداد]

كاتب النص الأصلي : The morning

طبعا ما راح لا عالسعوديه و لا عالكويت و لا ايران ليش ليروح عليهم و سوريا دقاقه على صدرها و فاتحه كل الابواب و مسهله كل الامور للعراقيين .. يعني صار العراقي بحقلو يحط رجلو بضهر السوري و يقلعو برّا البلد بكل بـساطه و بدون ايّ مـشكله ..

مرسي ................. كلام يدل على ذوق كاتبه

مابستغرب وجود ناس تقول مثل هذا الكلام للاسف بس الحمد لله دايما يكونو على باطل

[ورده بغداد]

كاتب النص الأصلي : The morning

اي يا اخي غيره .. انا شـخصيا عندي غيره كبيره جدّا على سـوريا و السورين و شايفه انّـو اللي عم يعملوه العراقين بسوريا عم يطلع من جيبه المواطن الـسوري .. يعني الله يعين هالمواطن شو بدو يطلع من جيبته ليطلع .. صار حامل على راسه \ الفلسطينين , الـعراقين , في فتره لا بأس بها حامل اللبنانين \ و هاد كلّـو على حساب مين ؟ على حسـاب السـوري و عيلته .. انـّو عمّـي الواحد لما يكون متفضي بيستقبل ضيوف ببيته بس لما يـكون مزنوق و مدايق و فايت بالحـيط مافيه يتحمّل الضيف اكتر من تلات ايام ؟ مظبوط هالحكي او لا ؟

عفوا يعني بس بعتقد هي شغلتكم \ العراقيّه يرجعو العراق \ و الفلسطينيه يرجعو فلسطين \ يعني انو فينا ندعمكم .. نساعدكم بس هي شغلتكم بالدرجه الاولى لانو الارض ارضكم يعني و الوطن وطنكم و ما بحك جلدك الّا ضفرك فرجاء لا تحمـّل هالمسـؤوليه للكل لانو هي مـسؤوليتكم انتو ..

اشك فيكي انك من سوريا

[ورده بغداد]

كاتب النص الأصلي : ربيع دمشق

على الحكومة السورية اذا كانت تعرف مصلحة الشعب ان تقوم بفرض القيود على حركة الدخول لكل العرب (العراقيين والاردنيين ووو) كدولة سوريا ذات موارد على قد حاجة شعبها يعني اي زيادة متل الزيادة المليونية من قبل العراقيين هاد طبيعي رح يشكل ضغط على كل مواطن سوري
بقا الرأي هون كان الافضل انشاء مخيمات للوافدين العراقيين على الحدود العراقية السورية وخلي هالامم المتحدة والمجتمع الدولي يستلم ملفاتهم تحت ادارة سورية وهيك هنن رح يدفعوا كل المبالغ ووو للاجئيين

بحب اني ضيف على انو الغلا وارتفاع الاسعار بالعقارات بسبب الطلب الزايد بمعنى انو اي زيادة بالسكان اكيد رح يكون زيادة طبيعية بالطلب على السكن وهالشي خلا الاسعار متل النار على المواطن السوري
ياريت الحكومة كانت ذكية متل حكومات ايران اللي استفادة من الوجود الافغاني على ارضها واستغلت التواجد بانعاش اقتصادها بزمن الحرب وللآن الحكومة الايرانية عم تسلخ فواتير للامم المتحدة قسم اللاجئيين باعتبار ايران تستضيف على ارضها مليون لاجئ افغاني وهالعدد بحاجة الى مساعدة ومال ووو وبالاخير هنن المستفدين من العملة الصعبة الداخلة للبلد باسم اللاجئيين الافغان

الاخ ربيع نسى او تناسى

ان الغالبيه العظمى من العراقيين الي دخلو سوريا نقلو معهم اموال طائله

وهذا بحد ذاته انعاش لاقتصاد البلد

والشيء المهم ان un بالتعاون مع الحكومه العراقيه هي من تتكفل نفقات العراقيين

ولا يعيش العراقي كقاطع ارزاق لاخيه السوري .

ولا تتكفل الحكومه السوريه اي نفقات للعراقيين

[ورده بغداد]

كاتب النص الأصلي : أإأبو العبد

غريبة مو كانو نفس مشكلة الوافدين بالسعودية او دول الخليج؟؟؟

لا اخي

السعوديه مااستقبلت اي عراقي لاهي ولا دول الخليج

لانهم لليوم ينظرون له نظرة خوف وريبه لما حدث من غزو للكويت

وفي شيء مهم

ان العراقيين 60% منهم شيعه و40% حنفيه وهذول المذهبيين تكفره السعوديه (( الوهابيه )) وتعتبرهم من الكفار وعبدة القبور

[The morning]

كاتب النص الأصلي : ورده بغداد

اشك فيكي انك من سوريا

و طبعا طبعا طبعا و بكل بسـاطه أنا ما بسـمحلك تشـككي بـسوريتي .. فيكي تشككي بعروبتي لانو انا لا اؤمن بالعروبه و الدوله الواحده و هالقصص و لكن نهائيا ما بـسمحلك تقربي او تشـككي بكوني سوريه ..

و رجاء وقت ما بتلاقي شي تردي فيه ففيكي ببساطه ما تردي بدون ما تحتاجي تحكي أيّ كلام لمجرّد الرد ..

[حنين.]

صراحة استغربت انو يكون وجود العراقيين بسوريا مزعج للشعب السوري
صحيح متل ما قلتو ارتفعت الاسعار والمشاكل التانية اللي ممكن تصير بوجود وبغياب العراقين بس لو ارتفعت الكثافة السكانية بس قد ما كانت هالمشاكل كبيرة سوريا اللي بعرفها مستحيل تدير ظهرها وتقفل حدودها في وجه اخوتها الهاربين من الموت مهما كانت ظروفها صعبة - ما بعارض قوننة وتنظيم وجود العراقيين وغيرهم بسوريا هدا حق وواجب بس بتمنى ما تضيقو عليهم اكتر وتقدرو ظروفهم القاهرة-
ولو بايدي كان اخدت لقب ام الدنيا من مصر واعطيتو لسوريا
انا كجزائرية ما بقدر ما احكي هالنقطة اللي هيا دين برقبة كل جزائري
سمعت برلمانيين جزائريين يحكو ان وقت الثورة الجزائرية العلم الجزائري كان يرفع كل صباح فالمدارس العراقية جنب العلم العراقي
واللي مستحيل انساه حتى بعد ما اموت انو الحكومة العراقية كانت تتقاسم اموالها وتعطي النصف كامل للثوار الجزائريين وهذا كان سبب موت عدد من الجزائريين بالسكتة القلبية يوم سقوط بغداد وشعورنا بالخزي انو بعاد جدا وما نقدر نساعد بشيء
عودة العراق لقوته رح يعود بالفائدة على فلسطين وعلى كل العرب ما فيها شيء لو تحملتو شوي
والله هدا شرف يسجلو التاريخ لسوريا ومواقفها الشجاعة
ادا السعودية بعظمتها الروحية ما قدرت تحتل هالمركز بقلوب العرب اللي احتلتو سوريا بمواقفها الشجاعة
اسفة على الاطالة

[ورده بغداد]

كاتب النص الأصلي : h13free

صراحة استغربت انو يكون وجود العراقيين بسوريا مزعج للشعب السوري
صحيح متل ما قلتو ارتفعت الاسعار والمشاكل التانية اللي ممكن تصير بوجود وبغياب العراقين بس لو ارتفعت الكثافة السكانية بس قد ما كانت هالمشاكل كبيرة سوريا اللي بعرفها مستحيل تدير ظهرها وتقفل حدودها في وجه اخوتها الهاربين من الموت مهما كانت ظروفها صعبة - ما بعارض قوننة وتنظيم وجود العراقيين وغيرهم بسوريا هدا حق وواجب بس بتمنى ما تضيقو عليهم اكتر وتقدرو ظروفهم القاهرة-
ولو بايدي كان اخدت لقب ام الدنيا من مصر واعطيتو لسوريا
انا كجزائرية ما بقدر ما احكي هالنقطة اللي هيا دين برقبة كل جزائري
سمعت برلمانيين جزائريين يحكو ان وقت الثورة الجزائرية العلم الجزائري كان يرفع كل صباح فالمدارس العراقية جنب العلم العراقي
واللي مستحيل انساه حتى بعد ما اموت انو الحكومة العراقية كانت تتقاسم اموالها وتعطي النصف كامل للثوار الجزائريين وهذا كان سبب موت عدد من الجزائريين بالسكتة القلبية يوم سقوط بغداد وشعورنا بالخزي انو بعاد جدا وما نقدر نساعد بشيء
عودة العراق لقوته رح يعود بالفائدة على فلسطين وعلى كل العرب ما فيها شيء لو تحملتو شوي
والله هدا شرف يسجلو التاريخ لسوريا ومواقفها الشجاعة
ادا السعودية بعظمتها الروحية ما قدرت تحتل هالمركز بقلوب العرب اللي احتلتو سوريا بمواقفها الشجاعة
اسفة على الاطالة

كلامك جميل جداااااااااااااااا وراقي

ياريت الاخت المنسقه تقرى كلامك

[maged-syrian]

كاتب النص الأصلي : ورده بغداد

ولا تتكفل الحكومه السوريه اي نفقات للعراقيين

مو مظبوط هالحكي ... اذهبي للمدارس والجامعات والمستشفيات الحكومية ... وبتشوفي بنفسك أن هالحكي مو مظبوط .. حبيت أعقب على هالنقطة بس .. ومن حق كل عراقي متل مو من حق كل سوري أنه يحصل على الرعاية الطبية والتعليم والعمل وماهنالك .. ومن منطلق أنساني بحت يجب معاملة العراقي معاملة جيدة وتوفير كل متطلباته شرط أن لاتكون تلك المعاملة على حساب البسطاء من المواطنين السوريين ... يتوجب على الحكومة السورية تنظيم أوضاع العراقيين بالبلد هذا هو المطلوب بحيث يكون العراقي هو المستفيد أيضاً بأن لايتعرض للابتزاز والسرقة ومطالبته بدفع رشاوى لكي يسير أموره ومعاملاته اليومية ...