حرام على المسلمين حلال ع المسحيين ..فيصل القاسم

[التقرير الجوال]

كاتب النص الأصلي : Willi

يعني هلق بعد كل هالحكي..
لشو وصلتو؟؟
او بالاحرى حدا فهمان عن شو عم تحكو؟؟
يعني شو الغاية. او بالاحرى شو لب الموضوع؟؟
انا صراحة ما فهمت شي!! حدا يشرحلي. بما لا يتجاوز السطرين.

يا عزيزي في جدل حول العلمانيه و اليبراليه و رفضهم اشراك التشريع الديني ايّاً كان في امور الدوله و المجتمع, مع العلم بان العلمانيه مذهب غربي و كمان اللبراليه, فالحوار عم يخاطب العلمانيين بانه هي اميركا سياستها ما عم تهمّش الدين, يعني الدين معتقد أساسي في آيديولوجيات الدول اما العلمانيين فشو هدفهن من رفض الدين.

[Willi]

فالحوار عم يخاطب العلمانيين بانه هي اميركا سياستها ما عم تهمّش الدين,

ليش يعني اذا اميركا عملت شي معناها لازم يكون هو الصحيح؟؟

[التقرير الجوال]

كاتب النص الأصلي : Willi

ليش يعني اذا اميركا عملت شي معناها لازم يكون هو الصحيح؟؟

مو القصد يا عزيزي بس فعلا في ناس هلأ عم يخربو بستار آيدولوجيا الدين.

[Willi]

الدين من طول عمرو هو يستخدم كأدات ليوصل الشخص لغايتو.
ورح يضل طول عمرو هيك.
لهلسبب بحياتو ما رح ينجح اي نظام محكوم من قبل الدين.

انت عايش باميركا, والمفروض تكون بتعرف انو المجتمع الاميركي بعيد كل البعد عن الدين.
لما عم يطلع هيك كام واحد عم يحكو بالدين, غالبا غالبا عم يكونو حمير وعم يخربو بالدولة, متل هالحمار اللي هلق رئيس اميركا.
يمكن التأثير ما ببين كبير باميركا, لانو المجتمع ككل مانو محكوم من قبل الدين.

[التقرير الجوال]

كاتب النص الأصلي : Willi

الدين من طول عمرو هو يستخدم كأدات ليوصل الشخص لغايتو.
ورح يضل طول عمرو هيك.
لهلسبب بحياتو ما رح ينجح اي نظام محكوم من قبل الدين.

انت عايش باميركا, والمفروض تكون بتعرف انو المجتمع الاميركي بعيد كل البعد عن الدين.
لما عم يطلع هيك كام واحد عم يحكو بالدين, غالبا غالبا عم يكونو حمير وعم يخربو بالدولة, متل هالحمار اللي هلق رئيس اميركا.
يمكن التأثير ما ببين كبير باميركا, لانو المجتمع ككل مانو محكوم من قبل الدين.

عزيزي الدين لترتيو و تنسيق العلاقات بين الناس و الشعوب من جهه, و بين الناس و الخالق من جهه
الدين توجيه و تعليم و افكار مُوجهه, منشان هيك صار آيديولوجيا للناس و للحكومات.
يعني قناعه البابا أثناء الحرب الصليبيه بان العرب مجرمين, طيب ليش جيت عابلادهن اذا بدك تندبح
نحن عنا مسيحيه بالشرق الاوسط و بظن قادرين على القياده الدينيه فيه.
ليش جون أشكروفت ضد الناس لما يطالبو بحقوق الانسان و بيبدّي على هالشي أمن اميركا مع انه غير مهدد بالمعنى التجريدي...شو قصه بوش بصوماليا منشان يبعت عسكر هنيك..ليش..!؟
شو قصه اكتر القساوسه الاميركان لما يسبّو الرسول عليه الصلاه و السلام.. ليش..!!؟
السبب معتقد ديني

طبعا المسيحيه منزّهه عن كل هذا.

[Willi]

اي؟؟
وشو علاقة الدين و الدولة بالموضوع!!
ما فهمت؟
يعني لهلق ما فهمت شو وجهة نظرك من الموضوع. طبعا انت او اللي كانو عم يحكو!!

[التقرير الجوال]

كاتب النص الأصلي : Willi

اي؟؟
وشو علاقة الدين و الدولة بالموضوع!!
ما فهمت؟
يعني لهلق ما فهمت شو وجهة نظرك من الموضوع. طبعا انت او اللي كانو عم يحكو!!

أنا لست علمانيّاً و لن أكون قط

[إم العز]

سؤال في محـــله والجواب مفهــومـ ...وواضح للجميــع ...

[abdelouahed]

كاتب النص الأصلي : التقرير الجوال

يسم اللّه الرحمن الرحيـــم

"ولن ترضى عنك اليهود ولا النصارى حتّى تَتّبِعَ ملّتهم قل إن هُدَى الله هوالُهدَى ولئن اتبعت أهوآءهم بعد الذي جآءك من العلم مالك من الله من وليّ و لا نصير"

للتذكير بين خطاب بوش الإبن بعد 11 أيلول و خطبة البابا "أوربانوس الثاني"، أول وأشهر دعاة الحرب الصليبية، في كليرمون سنة 1095 ، كان البابا في تلك الخطب في أوج البلاغة وقوة الصدق وهو يقول للمؤمنين من فرسان المسيحية:

" ترد علينا أخبار السوء كل يوم ومن كل حدب وصوب بأن جنسا من أشرار البشر دينهم مختلف عن ديننا، أتراك وفرس وعرب ومن كل عرق ملعون ومنبوذ من الرب قد أغرقوا أورشليم بالنار والدم وكسروا سيف القديس جاورجيوس. إن هؤلاء الأتراك (يقصد المسلمين) قد بقروا بطون خدام المسيح وانتزعوا أحشاءهم وراحوا يستعرضونهم في الساحات وقد حمّلوا كل واحد منهم (خازوقه) وصبغوا الأرض بدماء ضحاياهم، إنهم يشقون صدور المؤمنين ويجلدونهم بالسياط حتى الشهادة، فهل ننتظر المزيد ؟ أفلا يكفينا هذا ؟ ومن للمؤمنين من إخوتكم غير سيوفكم"
أفليس هذا هو خطاب بوش الأب وهو يودع جنوده الذاهبين إلى الصومال بقوله: ( إننا نتمم مهمة الرب ولن نتخاذل وليبارك الله تحالفنا ).
بوش الابن هو من اختار جون أشكروفت وزيرا للعدل والذي كان يجمع موظفي وزارة العدل كل صباح لإقامة قداس ديني . وجون أشكروفت هو القائل في كتابه "أقسم بشرفي" On my honor ": (ليس الدستور الأميركي هو الذي منحنا حرياتنا بل إن حرياتنا هبة من عند الله ) . وهو القائل أيضا: "إن الذين يرفعون في وجهنا اليافطات بحقوق الإنسان إنما يسعون لتفريق الصفوف ويدعون الشعب الأميركي للهزيمة والتخاذل أمام أعدائه.
معتقدات دينيه صريحة وواضحة لقياديين أمريكان, و مثل ما صرّح اشكر وفت و ضرب بحقوق الإنسان عرض الحائط من أجل هدف أسمى و هو النيل من أعداء الدين.
أي يا عزيزي " العلمانية" بيقلّك لا للتشريع الإسلامي أو الديني و نعم لتغييب الدين عن الساحة, بس لما بتسألهن عن معتقداتهن و منهجهن بتلاقي في شوي لبراليه على شوي تشريعات إسلاميه بتناسبهن و دخللي بهالخلطه و هالمعمعه يا صاحبي.
طيب..! إذا كان اصلاً منهجهم غربي, فليش ما بينغذو مثل ما عم يساوي الغرب, هي الغرب بصراحه بين فتره و التانيه بيعترف بالتاثير اللا متناهي للدين في سياسه القياده.

أحسنت رد ممتاز
شكرا لك

[امير الاردن]

كاتب النص الأصلي : COSTA

اي مزبوط ما بيتدخلو بالسياسة
بس اذا اعلنو الجهاد ...... معليش ... هي مسموحة ....وعلى كل مسلم في العالم ان يحمل الكلاشنكوف ويقاتل ...... بس مين بدو يقاتل ؟؟..............
يا لطيف على صغر العقل

لما سيدك بوش يعلن الحرب على بلدك ويغتصبوها حضرت جنابك شو بتعمل تتفرج عليهم زي النسوان
يلي مش عاجبك الجهاد

[امير الاردن]

كاتب النص الأصلي : Willi

اي؟؟
وشو علاقة الدين و الدولة بالموضوع!!
ما فهمت؟
يعني لهلق ما فهمت شو وجهة نظرك من الموضوع. طبعا انت او اللي كانو عم يحكو!!

شلون ما دخلو اقرا الموضوع منيح بتفهم منيح

[ASH]

كل ما دق الكوز بالجره بيحكولك قال تعال و قال الرسول الكريم
و الانجيل
و التورات
و الزبور

وخود على حكي مالو طعمه للصبح شو دخل الموضوع بهل قصص ماعم افهم

[brave heart2]

كاتب النص الأصلي : maroun

هلئ حطيط القوات اللبنانية بنفس البوتقة مع القاعدة؟؟؟؟؟؟؟؟!!!! كتيـــــر منصف انت بتحليلـك القيم هاد!!!

بس لمعلوماتك خطاب القوات من يوم ما تأسس على يد بشير الجمييل الله يرحمو و هو خطاب عن التعايش و السلم .تغير الخطاب لما استلم الدكتور جعجع و لفترى محدودة لان ماحدى من الافرقاء التانيين كان حابب يسمع بعدين طول عمرو وجود القوات ضرورة بلبنان لان اهداف القوات هي المحافظة على الوجود المسيحي المهدد مو بس بلبنان كمان بالمنطقة كلها. فالله يخليك زين كلامك قبل ما تضربو لان مو بمطرحو بخصوص القوات. مع ان الموضوع مو عن القوات بس بتقدر تععطيني و ين التعصب او الطائفية بخطاب القوات؟؟؟

مع الشكر

صديقي انا ما حطيت القوات مع القاعدة بنفس بالبوتقة انا عم بحكي عن التطرف مرفوض بأي شكل
متل مو انا ضد حزب الله كحزب شيعي طائفي مسلح وبكثرة وهاد الشي عم يعطي مبرر للتخوف من الاطراف التانية
ولاحظنا بالفترة الاخيرة تلويح على امكانية استخدام السلاح بالداخل اذا تهدد وجود الحزب من اشخاص من الحزب ومناصريه

لمعلموماتك انا مسيحي (( بالهوية )) وكنا بلبنان وهربو اهلي وقت الحرب وعندي ولاد عمتي 3 قتلو وهم يقاتلون مع القوات اذا بدك استشهدو من وجهة نظرك

وانا ما قلت انو هلق لازم ينحل القوات بالعكس وجودهم ضرورة حتمية بس برأيي اذا حبيت تحترمو الخطاب والشعار لازم يتغير . يلي بحافظ على وجود المسيحين مو الخطاب الاقرب للحربي ولا المظاهر المسلحة
وجود المسيحين وكل الاقليات ضمانو المواطنة والدستور

انا كل اسبوعين بنزل على بيروت وبعرف شو عم بحكي وحضران اكتر من فلم من هالنوع .انا بعرف زين كلامي منيح

بتحب نفتح ملفات الحرب وخطاب القوات اللبنانية وقتها .بالوقت الحالي اكيد اللعبة السياسية بتفرض تغيير صوري بالخطاب بس انا بنزل كتير على الاشرفية وشايف ارض الواقع . ورعرف آراء قواتكم اللبنابنة
الدكتور سمير جعع ظلم هاد شي لايختلف عليه 2 عقلاء

بتمنى تقبل رأيي برحابة صدر
على كل يساري ما رح نتفق بس المفروض ما تتخانق تحياتي الك

[امير الاردن]

كاتب النص الأصلي : ASH

كل ما دق الكوز بالجره بيحكولك قال تعال و قال الرسول الكريم
و الانجيل
و التورات
و الزبور

وخود على حكي مالو طعمه للصبح شو دخل الموضوع بهل قصص ماعم افهم

طب الله يجبر عنك انتا اطلع بحالك منيح ابل ما تحكي الكلمتين هدول بتعرف شو انتا

[suryoyo]

نحن ننتظر من الاخوان اعلان الجهاد ضد القاعدة و الانتحاريين ايضا لان امريكا واجب طردها من المنطقة و كذلك واجب استقصاء الفكر التكفيري و اعوانه


لان الانتحاريين و اصحاب السيارات المفخخة عاثوا في الارض فسادا

و ما حدث في العراق من صحوة عشائرية ضد تنظيم القاعدة خطوة جديرة بالاهتمام

[Willi]

أنا لست علمانيّاً و لن أكون قط

ايواع
يعني هلق كل هالحكي مشان يصير النظام عنا ديني!!

ايه بصير خير

[التقرير الجوال]

كاتب النص الأصلي : Willi

ايواع
يعني هلق كل هالحكي مشان يصير النظام عنا ديني!!

ايه بصير خير

انا ما بعرف انت من يوين منشان تحكي معي هيك
و أنا ما بيهمني النظام عندكن ديني علماني و الا أي شي
انا بيهمني إنك تكون مبسوط حبيب قلبي.

[Willi]

اي على راسي كلك زوق