من أخوية .. إلى أخوية

[سرسورة]

نيرفانا اول شي عنجد مشكوره كتير عالموضوع...
وانتي جبتي التعبير المزبوط كتيير...انو انا جد بحس حالي موجودة و مو موجودة....يمكن الملل هوي العامل الاساسي.....ماعد حسيت في شي شدني....متل اول.....عم فوت شوي و مل....انا متضايقة من هالشغلة ..بس وجود ناس متلك بيرجع الامل انو لسا في امل......انو ممكن يرجع كلشي احسن من الاول و نبطل نتغنى بالماضي ...نصير نحكي عن اخوية هلأ.....

بدي اذكر كام شخص...وجودون اثر فيي كتير...و لما غابو حسيت اخوية فقدت كتيير .....
يمكن انذكرو من قبل بس بدي ارجع اذكرون....
me2.krimbow, here iam, لاوديساو فادي جوفنتس.....

شكرا نيرفانا

[MadMax]

كاتب النص الأصلي : Syrian__Angel

ردّ عفلقي

ليش انتي ....... ما اشتقتيلو ..؟؟!!

[Syrian__Angel]

لاء ... بفترتا كنت غايبة عن المنتدى

بس ذكــّرني ردّك بسجــّاد العراقي ، و ردودو العفلقيــّة

[Nirvana]

كاتب النص الأصلي : سرسورة

نيرفانا اول شي عنجد مشكوره كتير عالموضوع...
وانتي جبتي التعبير المزبوط كتيير...انو انا جد بحس حالي موجودة و مو موجودة....يمكن الملل هوي العامل الاساسي.....ماعد حسيت في شي شدني....متل اول.....عم فوت شوي و مل....انا متضايقة من هالشغلة ..بس وجود ناس متلك بيرجع الامل انو لسا في امل......انو ممكن يرجع كلشي احسن من الاول و نبطل نتغنى بالماضي ...نصير نحكي عن اخوية هلأ.....

بدي اذكر كام شخص...وجودون اثر فيي كتير...و لما غابو حسيت اخوية فقدت كتيير .....
يمكن انذكرو من قبل بس بدي ارجع اذكرون....
me2.krimbow, here iam, لاوديساو فادي جوفنتس.....

شكرا نيرفانا

شكرا الك .. وشكرا لانك موجودة ..

[yass]

أنا بقول أنو سعيد أحسن من حشت نشت.... بس أبو نهلة أحسن شي!!!

[MadMax]

كاتب النص الأصلي : سرسورة

بدي اذكر كام شخص...وجودون اثر فيي كتير...و لما غابو حسيت اخوية فقدت كتيير .....
يمكن انذكرو من قبل بس بدي ارجع اذكرون....
me2.krimbow, here iam, لاوديساو فادي جوفنتس.....

شكرا نيرفانا

بالفعل ....
و كريم بالذات ..... كان من أعمدة أخوية
أنا أول ما سجلت بأخوية ........ حبيتها من خلال مشاركات تنين krimbow , hashtnasht

[Nirvana]

بمناسبة الحكي عن كريم .. krimbow
أنا ما نسيت ازكرو .. بس غيابو كان غصب عنو ..
أحلى شي .. كريم من اكتر الاشخاص اللي لفتو نظري بأخوية ومن أكتر الاشخاص اللي ردودهم بتعجبني .. وكنت تابع ردوده ومواضيعه .. بس عقد ما كان يعجبني عقد ما كان يستفزني ..ما بعرف ليش .. يمكن السخرية اللي بردودو كانت ذو حدّين ..

بتمنى يرجع (يطلع) عن قريب ..

[was616im]

يالله همة همة خلونا نرجع النبض و الحياة لاخوية يالله
مو حلوة يرجعوا الغايبين ويلاقو الوضع هيك
خلي عالاقل اذا شي مرة حدا فيهن طل بالغلط ع اخوية يشوف انو لسى اخوية متل ما هيي و انو العالم لسى هون متذكرتهم بلكي بيحن و بيرجع يالله

[Nirvana]

كاتب النص الأصلي : yass

أنا بقول أنو سعيد أحسن من حشت نشت.... بس أبو نهلة أحسن شي!!!

ما قلتلنا شو رأيك بـ ياس ؟

[yass]

ما قلتلنا شو رأيك بـ ياس ؟

مين هاد ؟؟

[Nirvana]

كاتب النص الأصلي : yass

مين هاد ؟؟

هاد واحد ما بدي قلك عنو .. بس انا كتير انبسطت برجعتو الغراندابزرية ..

[ASH]

هلا انو يا ريت بيرجعو القدام هاد شي اكيد الكل بيأجمع عليه ، وانا بتمنى اني ختلط بالناس القدام بالموقع ...

بس يلي لفت انتباهي كتير باكتر من رد بهل موضوع جملة :

يا ريتهم بيجرعوا لنتعلم منهم !!!

انو بس لو رجعو لح نتعلم منهم ، يعني مثلا هنه مالح يتعلموا منا شي او يستفادو منا شي .؟؟؟؟

طيب و يلي زكر انو هدول غايبين شو سبب غيابهم انو ليش ؟؟؟ معقول مافي حدا بيحكي معهم لا على المسنجر او حتى مباشرة كلتلفون لنعرف شو صاير معهم ؟

[قليل مروة]

كاتب النص الأصلي : Nirvana

بدي ازكر انسانة من معرفتي فيها بأخوية .. كانت اكتر من رائعة واشتقتلها كتير ... ري مي

انا بعرف اخبار
ري مي
عم تعمل معسكر تدريب جامعي لانو ناطرة تخرجا من الكلية على هي المادة وشو واسطة قوية عم تعمل المعسكر لحالا

[Nirvana]

كاتب النص الأصلي : قليل مروة

انا بعرف اخبار
ري مي
عم تعمل معسكر تدريب جامعي لانو ناطرة تخرجا من الكلية على هي المادة وشو واسطة قوية عم تعمل المعسكر لحالا

شكرا الك .. طمنتنا عنها ...

وبنتمنى ترجع بيناتنا قريبا ..

[BL@CK]

كتبت الرد عشر مرات و مسحتوه ..

في أشخاص ما بينتسوه ..

Krimbow ..

Fares .. زمان عن المكتبة و مسابقة القصة و خربشاتوه ..

The morning , Raw .. صحيح أنو في متناول اليد بس وجودون معنا بالأخوية غير نكهة

Geeny .. يا أخي التأنيف الي بردودا غير شكل ..

[Willi]

بدي العي, معلش. ردي رح يكون طويل, بس الموضوع بيجبرني العي...

رغم انو اسماء منهون انذكرو, بس بدي ارجع اذكرهون.

me2- هالزلمة من اول ما سجلت كان متقاتل مع الاشراف مدري الاعضاء انو هالشي, وترك ورجع دخل, ورجع ترك. مع انو كان كتير صاحب مشاكل, بس كان الكل يحبو. ردودو القوية بالمنبر, صعب انساها, يا ريت يرجع. من فترة نهارين قريت رد الو وسألت كام شخص اذا بيعرفو اخبارو, مع الاسف ما حدا بيعرف.

محمد ابراهيم- من اكتر الناس المتعقلين بالمنتدى, رغم انو اذا منقارن بيني وبينو من الخارج, رح نلاقي اختلاف كبير جدا جدا جدا, بس مع هيك ولا مرة تقاتلت معو, ولا مرة تخابطنا . ودايما دايما دايما كنا نلاقي نقاط منجتمع فيها حتى باشد حالات اختلافنا. اللي خلا هالعضو الرائع, يترك انا بعرفو. وهو نفس السبب اللي خلاني لفترة اترك اخوية. بس بقلو انو السبب اللي خلاك تترك, ما عاد موجود, خلينا نشوفك.

The morning- هالانسانة الرائعة, عم شوفا كل يوم, بوجهلا تحية كبيرة, وبقلا خلينا نشوف. وبقلا يعدمني ياكي (الباقي بقلا ياه بعدين)

هاني داغر- ابو الهن العظيم, التشابه بيناتها مو طبيعي, احيانا بس اقرا ردودو بقول لعمى شو بيعرف بشو عم فكر هاد!!! اول ايامنا انا وياه باخوية. كانت رائعة, من الناس اللي ارطبت اسمهون باسم اخوية بالنسبة الي. ابو الهن بعرف انك مشغول, بس دايما بيلتقا عندك وقت اتطل.

The light- الشباب اللي انحسبو ضحو مشان بلدنا, تضحيتون ما لازم الا انو تكون دافع النا انو نضل موجودين ونضل شوكة بحلق اللي حبسهون. اذا وقفتنا معهون رح تحرمنا من انو نرجع لبلدنا هالكام سنة, فاتأكد انو رح نرجع رافعين راسنا قريبا جدا. ردودك رائعة وانت رائع, لا تحرمنا منك.

سبيكتر- (كاسر رجلو هاه) انو كاسر رجلك وقاعد بالبيت, يعني لا شغلة ولا عملة, طل علينا وحاج تشوف حالك, يعدمني ياك.

ري مي- ماكتير صرلي اتعرف عليها, بس من البنات القلال (مع الاسف) اللي لفتو نظري باخوية, وخلوني حس انو لك بنات بلدنا فهمانين ومثقفين وقادرين يعملو كتير اذا انعطو الفرصة. بحييها وبقلا خلصي دراستك وارجعيلنا.

بارليب- عم اتطل, بس ارجع نسر السريان, من لما غيرت اسمك حسيت انك تغيرت معو... (طبعا ما عدا المسبات هدول ما تغيرو ) بس جد ارجع متل اول.

joe- ما اتثنالي اتعرف عليه كتير, بس دايما ردودو بتعلمني شي جديد, وكتير عم ارجع لردودو لافهم شغلات مو فهمانا, ما بعرف ليش غايب, بس منتمنى انو يرجع كمان.

here I am- مجد, الشاعر الكبير, كتب تلت اشعار, حط نزار قباني والمتنبي بجيبتو, انو سفرتك كان لازم تخليك معنا اكتر من قبل. اكيد في عندك وقت فاضي, خلينا نشوفك فيه.

handsome- عم يشارك, بس بدي قلو شارك اكتر, اكيد عندك وقت اكتر من هاد.

واخيرا وليس اخرا
krimbow- واحد من اعمدة اخوية, اللي غيابو ترك فجوة كبيرة, مع الاسف ما بظن حدا قادر يسكرها. كريم اللي كنت كل ما افقد الامل ببلدنا, احكي معو, وبعدها تكون تغيرت نظرتي 180 درجة, انسان رائع. فقدانو هزني كتير. حابب بس قلو, انو نحن ما رح ننساك, وانت دايما ببالنا. والله يرجعك بالسلامة.

willi- (هاد رد على نيرفانا يعني) فيكي تسميه نوع من الاستسلام, من فقدان الثقة بانو اللي كت معتقد فيه فعلا رح يصير. حاولت كتير اني ضل, رغم انو كتير عالم راحو. بس بعدين استسلمت, ورفعت الراي البيضة. اخوية هية اللي تغيرت معي, مو انا اللي تغيرت معي. كتير اشخاص من اللي تركو, اخدو معهون شقفة مني. والحياة صعبة مو ناقصنا شي يصعبها بزيادة.
وينك ترا اذا بيرجعو اللي كتبت اسمائهون فوق, او حتى نصهون. انا ممكن ارجع معهون.


بعتذر من اللي ما ذكرت اسمائهون, بس هدول اللي خطرو على بالي

[Reemi]

يا جماعه ري مي صديقتي العزيزه دايما انا واياها ع اتصال..اتخرجت وتوظفت ببنك صارلها متخرجه شي سنه ...وهلا هيي موظفه ببنك بطرطوس ...وشغلها كتييييييير دوامو طويل ..وبترجع هلكاني يا حرام.. ع كل الاحوال رح خبرها انو في مين عم يسأل عليها وبقلها تحاول ترجع معنا اكتر

[Roaa]

هلأ المميزين باخويه .. الكل بحبهم ..

ومبينين متل عين الشمس ..

ومني .. لـ يلي بحبهم بالاخويه .... \واكيد بيعرفو حالهم \


من غير ما اذكر اسماء...