إعدام خمسة مجرمين في حلب اثنان منهم من العصابة التي روعت حلب قبل3 شهور

[was616im]

انا مع حكم الاعدام اذا كان ضمن الشروط التي حددها الاسلام
و هون ما شاالله الشباب مو مقصرين من سرقة و قتل و غيرو و غيرواتو اي سيدي الله لا يردهن و الله يعين اهل المغدورين

[جنون أنثى]

قبل ما يجوا يشمروا على أديهم ويفرجونا عضلاتهم بكم شب ومراهقين كمان

يفرجونا عضلاتهم بيلي أكبر منهم بالحكومات ويلي على الكراسي ويلي ويلي .... آلخ

ولا هدول معمين عنهم ثانيا ليش ما بيسألوا حالهم ليه هيك شباب بهالعمر وغيرها كثير

من هالشباب عم تعمل هيك

قبل اعدامهم بيسالو رضوان شو بدك قبل ماتموت برد عليهم بقلهم عطوني ساعة تاحرق حلب

أنا لو مكانوا بقلوا اعطيني ساعة لأحرق كل رؤساء العالم ويلي بيفكر يطلع كمان رئيس

[ASH]

كاتب النص الأصلي : جنون أنثى

قبل ما يجوا يشمروا على أديهم ويفرجونا عضلاتهم بكم شب ومراهقين كمان

يفرجونا عضلاتهم بيلي أكبر منهم بالحكومات ويلي على الكراسي ويلي ويلي .... آلخ

ولا هدول معمين عنهم ثانيا ليش ما بيسألوا حالهم ليه هيك شباب بهالعمر وغيرها كثير

من هالشباب عم تعمل هيك

قبل اعدامهم بيسالو رضوان شو بدك قبل ماتموت برد عليهم بقلهم عطوني ساعة تاحرق حلب

أنا لو مكانوا بقلوا اعطيني ساعة لأحرق كل رؤساء العالم ويلي بيفكر يطلع كمان رئيس

هلأ خلينا نكون واقعين يا اخيت

شو دخل هي بهي ، يعني حلو كتير بروح بحكيلهم قبل ما تشنقوهم شوفو المسؤلين شو عم يعملوا ؟؟

بحياتك شفتي مسؤل قتل عالم يعني و تركو ؟؟؟

بعدين معناة كلامك انا بطلع كل شي بالسجون بحكيلهم طلعو سرحو على كيفكم و بس حاسب الأعلى منكم برجع بمسكم ...

خليك منطقيه ، اعمراهم متل القرود قصدي الورود ، وشوفي كيف تفكيرهم وشو عملو ...

الاعدام كان شي طبيعي معناها

وشكرا لردك

[Miras]

اكيد كان اعدامهن حرام و غلط لأنو كتير صغار كانو لازم يحكمو عليهن بالسجن (بس مو مؤبد لأن هيك بيندفنو هني و عايشين )و بس يطالعوهم بخلوهم تحت المراقبة
هلأ اكيد الشباب عليهن حق و ارتكبو اشياء غلط كتير بس كمان مافي حدا شرير من دون سبب يمكن عملو هيك من الفقر او يمكن يكونو يتامى ماعندن اهل يسألوهم او يربوهم
الله يرحمن

[جنون أنثى]

ASH

أنا واقعية اكثر منك يا اخ

مين من المسؤلين يلي قتل ونهب وعمل السبعة وذمتها

وتحاكم قدام الناس بهيك طريقة مافي غير القليل القليل منهم

وطبعا بتحاكموا بعد ما بيكونوا شبعوا منهم وبدهم يرتاحوا من وجوهم

وأنا ما قلت انوا نطلع الناس من سجونها مشكلة البشر أنها بتحب تفسر

مثل ما بتحب أنا قصدت أشخاص مثل هالأشخاص بسن المراهقة شو يلي

خلاهم يعملوا هيك اكيد مارح يعملوا هالشي هيك من عبط من غير أسباب

والاسباب ما شاء الله كثيرة بتخلي شعر الراس يشيب هله الأشخاص الله

يرحمهم برحمته ويسكنهم جناته يارب بس لازم نصحح من مجتمعاتنا

مو نقول هاي عبرة ويستاهلوا ونمشي ولا ليك رأي آخر وبتمنى إذا كان

فيه أنك تحطوا لناقش أكثر بالموضوع ..


لروحكــ

[Willi]

طيب لنحكي طبيب نفسي و هل حكي هاد كلو و ما جاب نتيجه و طلعو و قتلو رجعو 12 واحد كمان شو بتكون النتيجه بهل حاله ؟؟؟
عدم الثقه بالأمن كلو لانهم تركوهم
قتل 12 واحد زياده
زيادة الألم للناس ؟؟

يعني ما بعرف انتو برايكم يلي بعمر ال 18 قتل 12 ، معناها من امتى عندو هل سلوك هاد ، معناها الغلط بالتربيه و العيله
طيب لو نترك و وصل لعمر ال 25 شو مقدار نزعتو الاجارميه يلي لح تكون صارت و شو كمية الجرائم يلي لح يوصلها ، وغير هيك اديش لح يصير عندو خبره بالهروب و الأختباء من الشرطه ...

ليش منفترض الاسوء؟؟
يعني ليش مثلا ما افترضنا انو مشي حالهون.
اكيد ما لازم تكون عقوبتهون كام شهر ويطلعو. طبيعي لازم ياخدو عقابون. مثلا السجن لفترة محددة, وما يطلعو الا بكفالة حدا.

المشكلة صراحة مو بطريقة العلاج. في مليون طريقة بيقدرو يغيرولون هالفكر الاجرامي تبعهون. بس المشكلة انو عنا بسوريا مافي هيك شي. وهاد انا بشوفو غلط وغلط كبير.

انو ما حدا قال انو خليهون يطلعو من الحبس (سامحوهون يعني) فالجزء التاني من ردك ما رح يصير. لانو هني بالاصل عم يكونو بالحبس و عم يتعالجو.

[Roaa]

من العصابة التي روعت حلب قبل3 شهور

من 3 شهور .. غريبه ما سمعت فيهم ... بس انوو الحلبيه ..

يا عمي يقبروني شو قبضايات

[s1_daoud]

كاتب النص الأصلي : Willi

ليش منفترض الاسوء؟؟
يعني ليش مثلا ما افترضنا انو مشي حالهون.
اكيد ما لازم تكون عقوبتهون كام شهر ويطلعو. طبيعي لازم ياخدو عقابون. مثلا السجن لفترة محددة, وما يطلعو الا بكفالة حدا.

المشكلة صراحة مو بطريقة العلاج. في مليون طريقة بيقدرو يغيرولون هالفكر الاجرامي تبعهون. بس المشكلة انو عنا بسوريا مافي هيك شي. وهاد انا بشوفو غلط وغلط كبير.

انو ما حدا قال انو خليهون يطلعو من الحبس (سامحوهون يعني) فالجزء التاني من ردك ما رح يصير. لانو هني بالاصل عم يكونو بالحبس و عم يتعالجو.

انت عم تحكي بمنطلق انساني بحت والشي يلي عم تحكيه صح وفي وجهة نظر
طيب اخي لنفترض حكيك صح
تحاكمو وتقدملون معالجة نفسية النزعة الاجرامية يلي عندون انت ضامن ماتعود وترجعلون
وشو بدو يكون الرادع للناس التانيين يلي على امثالهم
والمجتمع يلي تعرض لازمة من خلف هيك عصابة ياهل ترى رح يتناسى ماضيون ويتعامل معون ولا كان في شي

اخي اذا كل ماواحد ارتكب جريمة وقلنا هاد لازمو معالجة نفسية وبيطلع بعد كم سنة
صار هل الشي حافز لغيروا انو يعمل نفس الشي تقريبا اذا عند الشخص نزعة اجرامية
الشي يلي انعمل بغض النظر عن العمر هو الشي الصح ((بنظري طبعا))

[Willi]

اي ما انت اذا بدك ترد على كل شغلة بقولها الناس, ففي ناس مستعدين يطالبو باعدامك بس لانك اختلفت معون بفكرة.
انو اوكي انا بفهم وجهة نظرك, انا يمكن لو كانو هدول بالاربعينات او حتى بالتلاتينات ما كانت فرقت معي كتير.

بس انا ضد الاعدام لهلحالات الاصغر, ليش؟؟
يعني انا ما عم يفوت بمخي سبب يخليهون يعملو هيك جرائم!!
انا بشوفو هو بسبب تقصير, ان كان من الحكومة ولا من المجتمع ولا من تخلف اهلون.
لو كان عندون حيات ما كانو عملو هيك

برجع بقول انو الاعدام مو رادع.
لو رادع كنا شفنا ليبيا لهلق بايد الطليان, وسوريا لهلق بايد الاتراك, وفلسطين ما كان طلع فيها مقاومة, والعراق كانت من اامن دول العالم. ومنرجع لسوريا, كان ما طلع فيها رصاصة ولا انشال فيها خنجر, كلنا منعرف من التمانينات لهلق (وحتى قبل) كام حكم اعدام طلع, وكام شخص انشنق. ومع هيك لسى عم نشوف جرائم.

[ليندا]

الله يرحمك يابلد

[betty_palestine]

بيستاهلو

[مايا *]

أنا ضد الأعدام بالساحات العامة ..
لأنو هلـ الشي عاملة عقدة من أنا و صغيرة ,, و خصوصا عنا لا براعو انو ولاد رايحين على مدارسهون .. لا و إنو وش الصبح لما الطلاب كلها بتكون طالعة من بيوتها ..
عن جد ما بعرف إذا كنت ضد أو مع ..
بس برأيي أنو المشكلة هيي أكبر من هيك عصابات .. و أكبر من حالة إعدام وحدة ..
المشكلة بمجتمعنا في عالم عم تموت من الجوع و ماحدا بيقلها شبك ..
و في أطفال عم تنتهش طفولتهون بأحقر الطرق , ليطلعو بعدين ناس معقدة و بدها تنتقم من العالم كلو ..
نحنا ما منعرف نعالج السبب .. و منعالج النتيجة بأسلوب برأيي غلط ..

كاتب النص الأصلي : s1_daoud

وشو بدو يكون الرادع للناس التانيين يلي على امثالهم

إلنا 70 سنة عم نعدم ناس و بالساحات العامة ياترى جابت نتيجة ..
و بطلت العالم تقتل و تسرق ؟؟

[مايا *]

كاتب النص الأصلي : Willi

برجع بقول انو الاعدام مو رادع.
لو رادع كنا شفنا ليبيا لهلق بايد الطليان, وسوريا لهلق بايد الاتراك, وفلسطين ما كان طلع فيها مقاومة, والعراق كانت من اامن دول العالم. ومنرجع لسوريا, كان ما طلع فيها رصاصة ولا انشال فيها خنجر, كلنا منعرف من التمانينات لهلق (وحتى قبل) كام حكم اعدام طلع, وكام شخص انشنق. ومع هيك لسى عم نشوف جرائم.

كتبت ردي قبل لا شوف ردك ..
بدك ما تواخذنا جاد .. بس أنو باصمـــــــــــــــــة ..

[Nabilove]

ماهو عقاب القاتل في نظركم ؟؟ نأخذه على السجن واكل شارب مع قاعة العاب؟؟ وزيارات عائلية و توفير غرفة خلوة له و لزوجته؟؟ واهل المسكين الذي قتل؟؟ من يغتصب الاطفال او النساء و يقتلهم نطبب عليه و نقول مسكين مريض لا تلوموه؟؟
عقاب القتل هو القتل في جميع الشرائع , باستثناء اذا كان القتل غير عمد او ان القاتل بدون عقل ام غير ذلك فالاعدام ثم الاعدام.
العين بالعين و السن بالسن و العضو الفاسد علاجه هو البتر

[sOoOonia]

حكم عاااااااااااااااااااااااا ااادل و قصاص عااااااااااااااااااااادل
ليكونو عبره لكل من تسول له نفسه بترهيب أمن و استقرار المواطن السوري

يحيــــــــــــــــــــــ ـــــــــــــــــــا العـــــــــــــدل

[Nabilove]

كاتب النص الأصلي : Willi

اي ما انت اذا بدك ترد على كل شغلة بقولها الناس, ففي ناس مستعدين يطالبو باعدامك بس لانك اختلفت معون بفكرة.
انو اوكي انا بفهم وجهة نظرك, انا يمكن لو كانو هدول بالاربعينات او حتى بالتلاتينات ما كانت فرقت معي كتير.

بس انا ضد الاعدام لهلحالات الاصغر, ليش؟؟
يعني انا ما عم يفوت بمخي سبب يخليهون يعملو هيك جرائم!!
انا بشوفو هو بسبب تقصير, ان كان من الحكومة ولا من المجتمع ولا من تخلف اهلون.
لو كان عندون حيات ما كانو عملو هيك

برجع بقول انو الاعدام مو رادع.
لو رادع كنا شفنا ليبيا لهلق بايد الطليان, وسوريا لهلق بايد الاتراك, وفلسطين ما كان طلع فيها مقاومة, والعراق كانت من اامن دول العالم. ومنرجع لسوريا, كان ما طلع فيها رصاصة ولا انشال فيها خنجر, كلنا منعرف من التمانينات لهلق (وحتى قبل) كام حكم اعدام طلع, وكام شخص انشنق. ومع هيك لسى عم نشوف جرائم.

لا تخلط الامور اخي فالقتل دفاعا عن العرض و الارض و الحرية شيء و القتل من اجل المتعة و السرقة..شيء اخر.
تقول الاعدام لم يجدي نفعا اقول لك السجن لم و لن يجدي نفعا لانه صار مدرسة لتخريج اكبر المجرمين يدخل الشخص بتهمة جنحة فيخرج لصا محترف او قاطع طريق ناهيك عن الاغتصاب و الاعتداءات الجنسية الت تحصل في كل سجون العالم

[Nabilove]

كاتب النص الأصلي : مايا *

أنا ضد الأعدام بالساحات العامة ..
لأنو هلـ الشي عاملة عقدة من أنا و صغيرة ,, و خصوصا عنا لا براعو انو ولاد رايحين على مدارسهون .. لا و إنو وش الصبح لما الطلاب كلها بتكون طالعة من بيوتها ..
عن جد ما بعرف إذا كنت ضد أو مع ..
بس برأيي أنو المشكلة هيي أكبر من هيك عصابات .. و أكبر من حالة إعدام وحدة ..
المشكلة بمجتمعنا في عالم عم تموت من الجوع و ماحدا بيقلها شبك ..
و في أطفال عم تنتهش طفولتهون بأحقر الطرق , ليطلعو بعدين ناس معقدة و بدها تنتقم من العالم كلو ..
نحنا ما منعرف نعالج السبب .. و منعالج النتيجة بأسلوب برأيي غلط ..

إلنا 70 سنة عم نعدم ناس و بالساحات العامة ياترى جابت نتيجة ..
و بطلت العالم تقتل و تسرق ؟؟

اتفق معكي ان الظروف المعيشة صعبة ويجب توفير حياة كريمة لكل المواطنين لكن تاكدي انه لو لم يكن هناك رادع فان عدد الجرائم كان ليتضاعف عشرات المرات , انظري للعراق كيف اصبح فيه القتل هواية الكل يتذكر كيف انه بمجرد سقوط بغداد و حل قوات الجيش و الشرطة كيف نهب الرعاع متاحف و جامعات العراق و كيف قتلوا الابرياء.
اعلمي ان عالمنا غابة و الذئاب البشرية تتربص بنا من كل صوب.

[Willi]

ماهو عقاب القاتل في نظركم ؟؟ نأخذه على السجن واكل شارب مع قاعة العاب؟؟ وزيارات عائلية و توفير غرفة خلوة له و لزوجته؟؟ واهل المسكين الذي قتل؟؟ من يغتصب الاطفال او النساء و يقتلهم نطبب عليه و نقول مسكين مريض لا تلوموه؟؟

كأنو لازم تقرا الردود قبل ما ترد؟ ما هيك؟
هاد اسمو محدودية بالتفكير على فكرة. انو ما يكون عندك حل غير يا اتطخى يا تكسر مخا, في شي بين وبين. دايما فكر فيه, هو غالبا الحل الافضل.

عقاب القتل هو القتل

بمجتمع الغاب اي.

لا تخلط الامور اخي فالقتل دفاعا عن العرض و الارض و الحرية شيء و القتل من اجل المتعة و السرقة..شيء اخر.

سبق وقلت بالموضوع, انو هدول بالنسبة ليلي بفكرو متلون هني ابطال. وكلمة واحد منهون الاخيرة لما قال, عطوني ساعة وبحرق حلب كلا, فهاي لكتير عالم رح يعتبروه ضرب من الشهامة والرجولية.
فاتأكد انو رح يكون قتلون لهدول الناس متلو متل الدفاع عن العرض والارض والحرية.

قول لك السجن

لا تقول شي, اقرا الردود منيح بالاول.

انظري للعراق كيف اصبح فيه القتل هواية

مع انو اللي عم ينقتلو وعم يتعذبو اعدادون هائلة.
هاد دليل انو القتل مانو الطريقة الصحيحة