جماعة الاخوان المسلمين في سورية ؟ ما لها وما عليها ؟

[phoenixbird]

بايخة كتير العب غيرها ايه
لاتبصم الحكي وانت مو عارف شو هو بالاساس
هاد اسمه طق الحنك
وهو اكتر شي ماشي هالكم يوم

[Roaa]

كاتب النص الأصلي : سوري2007

السلام عليكم
كيف حالكم أعضاء أخوية
بصراحة ... في أول موضوعاتي سأطرح موضوعا يتحاشى الكثير الدخول فيه
وهو موضوع الاخوان المسلمين في سورية

أتمنى أن أسمع رأي كل عضو بــــ

جماعة الاخوان المسلمين في سورية ؟ ما لها وما عليها ؟ ما تنتظر منها وما تقول فيها ؟

بانتظار ردودكم واجاباتكم ؟

والى لقاء

هلا انا كمان ما كتير بعرف عنهم ..


انوو الي بعرفو انو كتير منعم انقتلوو والي نفد اغلبهم اجو للسعوديه ..

في كتار سوريين هون من معارفنا ما بينزلو لسوريا من زماان

ولما سالت عن هالشي قالولي انهم من الاخوان

هلا كمان من كم سنه سمعت انو صار في عفو عنهم ..


بس انو كمان ما عم يرجعوو ..

الله يحمي الكل ..

[صياد الطيور]

حلوة هي الحركة ... الواحد بيضعف بالرد المنطقي .. بعدها بيدخل باسم جديد و بيبلش مساب و كلام وسخ ... قديمة يا وسخ

[Syrian Gay]

كاتب النص الأصلي : صياد الطيور

حلوة هي الحركة ... الواحد بيضعف بالرد المنطقي .. بعدها بيدخل باسم جديد و بيبلش مساب و كلام وسخ ... قديمة يا وسخ

انا كمان لاحظت هالملاحظة العظيمة

والاضرب انو مسمي حالو "مجهول"

يعني قمة الغباء


الضعيف بيستخدم الالفاظ الجميلة متل هالضعيف هو وشلتو الارهابية

[فاوست]

جماعة الاخوان المسلمين هي جماعة أصولية فاشية لاتختلف عن أي حركة او حزب فاشي
ومهما حاول البيانوني(جماعة الاخوان في سوريا مثالاً)أن يتخفى وراء أفكار حضارية من مثل الدولة المدنية لكنه لا يستطيع إخفاء الوجه الأصولي والفاشي لهذه الجماعة

وهنا أسأل الشاب الأخونجي الموجود في المنتدى
هل يقبل البيانوني بأن ينضم مسيحي أو درزي او علوي للجماعة؟
هل يقبل البيانوني بولاية غير المسلم على المسلم أو ولاية المرأة؟
أسس الأخوان اللجنة السورية لحقوق الإنسان ويديرها على ما أعتقد عبيدة نحاس فالسؤال هنا هل يقبل البيانوني والنحاس ومن معهم بمبادئ الإعلان العالمي لحقوق الإنسان التي تببنته لجنتهم وبالتالي هل يؤمنوا بحرية العقيدة وتغيير الدين التي نص عليها الإعلان أي هل يمكن للمسلم ان يغير دينه أم ان حكم الردة سيطبق عليه؟
هل يسمح الإخوان إن وصلوا إلى الحكم أن تسير النساء في الشارع دون غطاء رأس "سافرات"كما يلقبهم الإسلاميين
هل يجوز بناء البارات وأماكن الشرب ومعامل المشروبات الكحولية؟

مازال الإخوان يتخذون شعار البنا وهو السيف والقرأن أي نشر شريعة الله كما يقولون وإحقاقها على الأرض وحتى لو بقوة السيف

أما عن ممارسات الإخوان في سوريا وعلى الرغم من اجرام النظام معهم إلا أنها لا تبرر
وكما قال الأخ يعسوب الشامي إن النظام يتخذ من الإخوان ذريعة لبقائه ليقول للعالم إما أنا أو إخوان الشياطين

على العلم في سوريا لا يوجد أي تنظيم حقيقي وفعلي للإخوان وكما قال نبيل فياض في مقالته "أسطورة التمثيل العددي للأخوان" إن الأخوان لايمتلكون أي قوة حقيقية على أرض الواقع

نهاية لن يقبل سوري يحب بلده بهذا التنظيم الفاشي المقتصر على أهل السنة والذي يرفع من مكانة أهل السنة ويجعلهم فوق الجميع مثله مثل أصحاب نظرية العرق الأري
إلا إذا أصبح هذا الحزب وطنييا أو إسلاميا على نسق الأحزاب التركية الإسلامية التي تفصل بين الدين والدولة

[Barleb]

كاتب النص الأصلي : سوري2007

الغريب ان الجميع حاول ان يثبت على الاخوان انهم قتلة ارهابيون ...
وهذا هو كلام النظام السوري نفسه !!!

هي حقيقة ..

بعدين انت يعني مفروز عـ موقع أخوية .. كان لازم يبعتو واحد فهمان أكتر منك

[صياد الطيور]

كاتب النص الأصلي : Barleb

بعدين انت يعني مفروز عـ موقع أخوية .. كان لازم يبعتو واحد فهمان أكتر منك

هادا أفهم واحد عندهم ...
أو يمكن مفكرين موقع أخوية متل المواقع الخليجية بكلمتين بتقدر تضحك عليهم ..

على سيرة المفروز ... في حملة ألكترونية كتير كبيرة من طرف أخوان الشياطين و حركة عبد الحليم خدام لتوصيل أفكار معينة للشارع العربي بشكل عام و الشارع السوري بشكل خاص ..
في حملة منظمة و مرتبة متزامنة مع الأخبار المغرضة الي عم تتعرض ألها سوريا و نظامها

[صياد الطيور]

كاتب النص الأصلي : فاوست

وهنا أسأل الشاب الأخونجي الموجود في المنتدى
هل يقبل البيانوني بأن ينضم مسيحي أو درزي او علوي للجماعة؟
هل يقبل البيانوني بولاية غير المسلم على المسلم أو ولاية المرأة؟
هل يسمح الإخوان إن وصلوا إلى الحكم أن تسير النساء في الشارع دون غطاء رأس "سافرات"كما يلقبهم الإسلاميين
هل يجوز بناء البارات وأماكن الشرب ومعامل المشروبات الكحولية؟

كلام سليم يا فاوست جاوب يا أخونجي

على العلم في سوريا لا يوجد أي تنظيم حقيقي وفعلي للإخوان وكما قال نبيل فياض في مقالته "أسطورة التمثيل العددي للأخوان" إن الأخوان لايمتلكون أي قوة حقيقية على أرض الواقع

بهي بدي خالفك يا فاوست ... لأنو في شريحة كبيرة من مجتمعنا أفكارها مغسولة أو قابلة للتأثر بأي معتقدات ممكن تمس طريقة حياتهم ( و السبب الأساسي لهيك شي هو ضعف الثقافة .
الأخوان يا فاوست موجودين بسوريا و بحجم لا تستهين فيه و ممكن ينفجروا بأي لحطة و هنن متل الجمر الي تحت الرماد ....

[Barleb]

كاتب النص الأصلي : صياد الطيور

هادا أفهم واحد عندهم ...
أو يمكن مفكرين موقع أخوية متل المواقع الخليجية بكلمتين بتقدر تضحك عليهم ..

على سيرة المفروز ... في حملة ألكترونية كتير كبيرة من طرف أخوان الشياطين و حركة عبد الحليم خدام لتوصيل أفكار معينة للشارع العربي بشكل عام و الشارع السوري بشكل خاص ..
في حملة منظمة و مرتبة متزامنة مع الأخبار المغرضة الي عم تتعرض ألها سوريا و نظامها

شعبنا أكبر من انو هيك شكيلات تلعب بعقلو ..يا سيدي هل اخونجي كان بدو مي تو يرد عليه ..

[Willi]

شعبنا أكبر من انو هيك شكيلات تلعب بعقلو

متأكد انو شعب سوريا اللي عم تحكي عليه؟؟
شعبنا اي واحد معو عصاي بيعمل اللي بدو ياه هني وعم يضحكولو وعم يتطنو من الفرح. (باستثناء اقليات)
ولو الاخوان هلق ماسكين البلد, كنت شفت تلت ارباع الشعب عم يعملولون متل ما هلق عم يعملو "جمهور" الحكومة

[سوري2007]

اود أن أبدأ من اتهام البعض لي بأنني دخلت باسم جديد
وانني قمت بالسب والشتم
أنا لم أدخل بأي اسم آخر .. (( ويمكن للمشرفين أن يعرفوا ذلك ))
أمر آخر لست ممن يهربون الى السب والشتم فلست ممن ينزل نفسه الى هذا المستوى
=================
نقطة اخرى :
الغريب أن اسم المنتدى " أخوية " ولكن كثير من الردود كانت تنم عن نفس " اقصائي وابعادي للغير "
وهذا في الغالب كان من الذين يتهمون الاخوان بانهم اقصائيون ومتفردون !!

================
ايضا أريد الاجابة عن الذي سأل .. هل يقبل الاخوان في صفوفهم المسلم ( الدرزي او العلوي )وغير المسلم ( المسيحي ) ؟
وأقول نعم .. ويمكنك البحث في المشاريع والدراسات والرؤى التي أطلقها الاخوان بهذا الخصوص .
================
بالنسبة للسؤال عن قبول الاخوان بولاية غير المسلم؟
قال الاخوان أكثر من مرة أنهم يقبلون بما تفرزه صناديق الانتخاب ...
فلو اتفق الشعب على رئيس مسيحي او من أي ملة أخرى ... سيقبل به الاخوان .
================
نقطة أخرى ..
لماذا دائما يوجه الاتهام للاخوان بأنهم يرغبون بتولي الحكم في سورية
ألا يمكن أن تدرس قضية الاخوان دون توجيه الاتهام لهم بأنهم يسعون للحكم ؟!!
================
نقطة أخيرة
سيقوم البعض بالرد علي وسيتهمون الاخوان بأنهم يطلقون شعارات كاذبة وأنهم " يتمسكنون حتى يتمكنوا "
سأرد عليهم بنموذج اسلامي ناجح
وهو نموذج حزب العدالة والتنمية في تركيا
ألم ينجحوا في رفع مستوى الاقتصاد التركي من الحضيض ...
وألم يكن لهم بصمات واضحة في السياسة التركية

[صياد الطيور]

كاتب النص الأصلي : Willi

متأكد انو شعب سوريا اللي عم تحكي عليه؟؟
شعبنا اي واحد معو عصاي بيعمل اللي بدو ياه هني وعم يضحكولو وعم يتطنو من الفرح. (باستثناء اقليات)
ولو الاخوان هلق ماسكين البلد, كنت شفت تلت ارباع الشعب عم يعملولون متل ما هلق عم يعملو "جمهور" الحكومة

لا ولو جاد مو للدرجة هي ...

الوعي بسوريا كبير كتير ... و اذا قارنتوا بجيرانوا رح تلاقيه ممتاز جداً ..

شعبنا واعي و فهمان و عرفان اللعبة صح ...

حتى بالوضع الحالي بوجود ( جمهور ) الحكومة .... فيك تعرف عدد المعارضة المثقفة بسوريا ..رغم كل الضغوط السياسية .. و رغم الأعتقالات بتلاقي فيه طبقة كبيرة من الشعب الي ما عاجبو الوضع ..
ولو كان التعامل الأمني مع هيك أمور أخف شوي كنت شفت أعداد هائلة .. بس كتير من الشعب بيقلك ما بدي وجعة هالراس ..

من رأي شخصي : بحكم مهنتي و طبيعة شغلي تعاملت مع كل الجنسيات العربية .. ما شفت أوعى و لا أفهم ولا وطني أكتر من الشعب السوري ... و تعاملت مع عدد من الجنسيات التانية آسيوية و أوربية و أفريقية ... ( بس ما تعاملت مع أمريكي .. مو مقاطعة بس لأنو ما رضي يحكي معي ) مو كل هالقد وطنيين ولا كتير بحبو بلدهم ولا بهمهم رئيسهم ... ولا كتير فهمانين اللألعاب السياسة بالعالم صح ... بس من ناحية الفهم ... يا أخي أفهم منا .. بكتير .

[صياد الطيور]

كاتب النص الأصلي : سوري2007

بالنسبة للسؤال عن قبول الاخوان بولاية غير المسلم؟
قال الاخوان أكثر من مرة أنهم يقبلون بما تفرزه صناديق الانتخاب ...
فلو اتفق الشعب على رئيس مسيحي او من أي ملة أخرى ... سيقبل به الاخوان .
================
نقطة أخرى ..
لماذا دائما يوجه الاتهام للاخوان بأنهم يرغبون بتولي الحكم في سورية
ألا يمكن أن تدرس قضية الاخوان دون توجيه الاتهام لهم بأنهم يسعون للحكم ؟!!

ما بعتقد بصحة هالكلام
و أخوان مصر أثبت دليل

[سوري2007]

كاتب النص الأصلي : صياد الطيور

ما بعتقد بصحة هالكلام
و أخوان مصر أثبت دليل

عفوا أريد أن أؤكد على نقطة
الاخوان في كل بلد هم أدرى بأنفسهم .. ولا يمكن أن تقيس الاخوان في احدى الدول على اخوان دول أخرى
هناك الكثير من القضايا التي اختلف فيها الاخوان
مثلا : هناك قضايا يوافق عليها اخوان مصر لكن لا يوافق عليها اخوان سوريا أو لا يتبنوها .. والعكس ايضا صحيح

[Barleb]

كاتب النص الأصلي : Willi

شعبنا اي واحد معو عصاي بيعمل اللي بدو ياه هني وعم يضحكولو وعم يتطنو من الفرح. (باستثناء اقليات)

خليني قلك ليش الشعب مبسوط عـ هيك نظام ..

1- نظام اعد ما يكون عن الطائفية .. المسيحي ألو حقوق و واجبات متل المسلم تماماً ..

2- نظام ناشر أمن شكل رهيب .. سوريا 3 أامن دولة بـ العالم

3-شعبنا متأكد انو فـ ظل هل نظام .. مستحيل يصير حروب ...

[Barleb]

كاتب النص الأصلي : سوري2007

عفوا أريد أن أؤكد على نقطة
الاخوان في كل بلد هم أدرى بأنفسهم .. ولا يمكن أن تقيس الاخوان في احدى الدول على اخوان دول أخرى
هناك الكثير من القضايا التي اختلف فيها الاخوان
مثلا : هناك قضايا يوافق عليها اخوان مصر لكن لا يوافق عليها اخوان سوريا أو لا يتبنوها .. والعكس ايضا صحيح

نهياتو .. شو الغاية .. تتوصل فكرة أنو الأخوان جماعة حبابين .. فكرتك مرفوضة و ما حدا بيهضمها .. وروح قول للي فرزك لهون .. الشعب السوري غاسل ايدو منكن

[tiger]

كاتب النص الأصلي : سوري2007

1 - ايضا أريد الاجابة عن الذي سأل .. هل يقبل الاخوان في صفوفهم المسلم ( الدرزي او العلوي )وغير المسلم ( المسيحي ) ؟
وأقول نعم .. ويمكنك البحث في المشاريع والدراسات والرؤى التي أطلقها الاخوان بهذا الخصوص .
================
2 - بالنسبة للسؤال عن قبول الاخوان بولاية غير المسلم؟
قال الاخوان أكثر من مرة أنهم يقبلون بما تفرزه صناديق الانتخاب ...
فلو اتفق الشعب على رئيس مسيحي او من أي ملة أخرى ... سيقبل به الاخوان .
================
3 - نقطة أخرى ..
لماذا دائما يوجه الاتهام للاخوان بأنهم يرغبون بتولي الحكم في سورية
ألا يمكن أن تدرس قضية الاخوان دون توجيه الاتهام لهم بأنهم يسعون للحكم ؟!!
================
4 - نقطة أخيرة
سيقوم البعض بالرد علي وسيتهمون الاخوان بأنهم يطلقون شعارات كاذبة وأنهم " يتمسكنون حتى يتمكنوا "
سأرد عليهم بنموذج اسلامي ناجح
وهو نموذج حزب العدالة والتنمية في تركيا
ألم ينجحوا في رفع مستوى الاقتصاد التركي من الحضيض ...
وألم يكن لهم بصمات واضحة في السياسة التركية

1 - بظن انو هالشي كلام غير صحيح , يعني حزب الاخوان المسلمين حزب قديم ( عمريا ) يعني خلال كل هالسنين ما كان في اعضاء بهالحزب من برات الطائفة السنية , هلا بدك انو نصدق هاي قصة المشاريع و الدراسات و الرؤى ؟؟!!! , وين كانت طول هالسنين ؟؟!!!!
بعدين ولا حزب اخوان ( مرخص ) في اي بلد عربي في من اعضائه شخص من الطوائف المذكورة ( هاي اذا رضي ابناء هالطوائف الانتساب لحزب متل الاخوان ) , فكيف رح تطبق هالرؤى و المشاريع و الدراسات ؟؟!!!
اي بظن على هالمشوة انو هالمشاريع رح تطبق بيوم القيامة على اقرب تقدير ....

2 - كمان انت عم تحاول انو تتجاهل الحقيقة , القول شي و الفعل شي تاني تماما يعني كل الناس بتعرف انو دستور هالمنظمة مستمد من القرآن , و بهالكلام مخالفة واضحة لاحكام القرآن ؟!!!!
يعني انت عم تطلع بكلامك عن تعليمات القرآن !!!!....
هل يقبل الحزب بنقض دستوره الاساسي ؟؟!!!!
هالحكي يا اما غلط و ما بيعبر عن اكتر من دعاية انتخابية او انكم عم تنافقوا من خلال الدين الاسلامي للوصول للي بدكم ياه , و الاحتمالين اسوء من بعض ......
تناقض جدا واضح و ما بتقدر تخدع فيه احد , العب غيرها .......

3 - الاتهام يوجه دائما لانو الاخوان هم من حاولوا الاستيلاء على الحكم , يعني من فمكم تدانون .....
و اي محاولة منكم للهروب من هالشي رح تكون فاشلة لانو التاريخ لا يتغيير .....
و ياللي ساويتوه بسوريا من وحشية ( انا برأيي ) بيستاهل هيك رد فعل من الدولة اذا مو اكتر ......

4 -كمان مرة انت مصر على انك تفرجي جهلك , تركيا دولة علمانية و هي ابعد ما يكون عن انو تستمد قوانينها من الشريعة الاسلامية حتى ولو كان الحزب الحاكم ذو توجه اسلامي , و الاقتصاد التركي اكيد اكيد نجاحه كان نتيجة سياسات ناجحة تم اتباعها من كذا سنة ( بظن انو بدأت مع الرئيس تورغوت اوزال ) بالاضافة لدعم كتير كبير من الدول الاوروبية و الولايات المتحدة الامريكية , ياللي عم تشوف انو تركيا هي الجسر ما بين العالم الغربي و العالم الاسلامي ....
فمن المستحيل انو حزب العدالة ( او اي حزب تاني ) يعمل نجاح اقتصادي بهيك فترة قصيرة .....
النجاحات الاقتصادية و سياسات التنمية بحاجة لاوقات طويلة نسبيا لتطلع فيها نتائج متل النتائج ياللي عم نشوفها بتركيا حاليا .......
فلا تنسبها لأي حزب لانو هاي نتاج دولة بيتغير فيها شكل الحزب الحاكم لكن ما بتتغير سياستها ابدا ياللي هي متبعة من ايام كمال اتاتورك ......

نتيجة الكلام معلم انتم مرفوضون تماما , لانو حزبك تاريخه دموي ووجشي و من اسود و اسوء ما يكون و غير قابل للتنضيف ابدا ابدا , الشعب عانى الكتير منكم و من افعالكم , سوريا رح تبقى منيعة على امثالكم .....

و ما هالتحالف ياللي عمله مع الخائن الخدام الا دليل افلاس و صغر حجم الطرفين .....

[Willi]

خليني قلك ليش الشعب مبسوط عـ هيك نظام ..

تسق,
لانو حامل عصاي