اغتيال الشيخ محمود قول آغاسي " أبو القعقاع " أثناء خروجه من جامع الإيمان في حلب

[samsoum]

كاتب النص الأصلي : *Marwa*

اه وكيف بدك يصير عندك مقاومة حقيقية تشمل كل الطوائف لما عملاء امريكا منتشرين بكل مكان عم بزرعوا بذور الكراهية بين البشر؟! وكيف بدك ينتصر هالشعب العراقي المعتر ينتصر لما عندك قيادات فاسدة ولما عم تحاربو قوة عظمى متل امريكا؟!!

عندك المقاومة اللبنانية أفضل اجابة على سؤالك... صحيح معظم المقاتلين من حزب الله، ولكن كمان كل الاحزاب اللي عم تدعم المقاومة من جميع الاديان والطوائف تعتبر مقاومة، وبرغم القيادات الفاسدة، و عملاء امريكا (اللبنانيين) اللي عم يشتغلو علناً، انتصرت المقاومة

[MadMax]

كاتب النص الأصلي : GOVERMENT

[/color][/size]


بربك
مين قلك حسن نصرالله قلك هالشي

صرت قايلك الف مرة ..... بشغلة حزب الله بالذات .... احتفظ برأيك لحالك
أحسن ما احكي شو خلفية هالرأي
و شو رأيك بكتير ناس من ورا طوائفون

[Government]

كاتب النص الأصلي : Madmax

صرت قايلك الف مرة ..... بشغلة حزب الله بالذات .... احتفظ برأيك لحالك
أحسن ما احكي شو خلفية هالرأي
و شو رأيك بكتير ناس من ورا طوائفون

لك احكي عيني احكي احكي ولاتخاف من حدا


بعدين قلتلك انا هالسيرة بالذات بتكهز منا
مابعرف ليش مابحسن ما ارد ماعبقدر امسك حالي وخاصة لما بقرا كلام بعض الناس اللي روح قلبا تمدح وتمجد بهالجماعة وبعملون تحت الله بدرجة

[samsoum]

كاتب النص الأصلي : *Marwa*

انو فهومني! انتو كل اللي هون ضد المقاومة والجهاد؟؟!!
انو بدكو نترمل ونتيتم ونعيش الذل والاهانة ونقول اه اضربني كمان اعمل فيي كمان؟!!
اي لا صديقي يسمونا ارهابية بس ما نرضى الذل والهوان!

ماحدا ذكر اطلاقا انو ضد المقاومة، بس أي مقاومة؟؟ هل بتقارني المقاومة بفلسطين ولبنان، بالشي اللي عم يسموه بالعراق مقاومة؟؟
اللي عم نحاول نقوله، واظن انه بعض الاخوة بيشاركوني بهالرأي، انو اي مقاومة بتكون بدافع ديني ولأهداف دينية بحته،وليست اهداف وطنية، بتكون (عن قصد او عن غير قصد) عم تهيء البلد لحرب طائفية مؤكدة، وهذا تماما اللي صار بالعراق
كل طائفة صارت تخاف على وجودها وكيانها، والاخطر انه كل طائفة صارت تقتل الناس من الطوائف الاخرى وهي مقتنعة انها عم تدافع عن حالها، ولحتى نربط الموضوع بأبو القعقاع.. كان يرسل الناس الى العراق لحتى يآزرو السنة ضد الشيعة وغير الشيعة من العراقيين بدعوى انو هذا نوع من انواع المقاومة..متل ما عم يعملو المتطرفين من السعودية ودول اخرى. هل هذه مقاومة برأيك؟؟ من خلال متابعتي للكثير من مشاركاتك، اكيد رح يكون جوابك لأ
هدول الناس هني اللي عم يشوهو صورة المقاومة الشريفة في العراق وفلسطين ولبنان، وعم يخلقو المبرر لحتى أمريكا وغير امريكا تطلق عليهن صفة الارهابيين، وبالتالي تحشد لمعاقبتهم والتضييق عليهم والعمل على محوهم من الوجود.
بتمنى كون وفقت بالتوضيح
سلامات

[ASH]

هلا يلي وصلناه بالاخير انو الموضوع كلو فات بقلب بعضو

بين العراق و بين حزب الله و بين هاد ابو القعقاع ، و امريكا و مخابرات و و و و و و و

بس الشي يلي لهلا ما كنت شوفو بالردود انو شو حقيقة هل موضوع ، يعني هل شخص كان مع المقاومه ولا مع اخد الشباب لمجرد انتمائات لبيت خالتهم ولا فعلا مشان يحاربو ..

والسؤال المهم ليش ليبعت ناس من سوريا للعراق ، ليش ما يبعت العراقيه يلي بسوريا لحتى يحاربو الاحتلال عندهم ، ولا نحنى كشعب سوري مكتوب علينا نظل ندافع عن قضايا الشعوب الاخرى ؟؟؟

و انا مع الحكي يلي قالو بلاك انو امريكا شغلتها بس تعطي الناس سلاح و تقوي النزعه الطائفيه ، و فعلا الكل بالعراق صار بيقتل الواحد على الهويه السني مع الشيعي و العكس .. و هاد الشي بياثبت انو عقلية الشعب العربي بالملقوب ، كل يوم بيروح منهم كمثال 300 واحد و بيموت امريكي لا و الامريكي يلي بيموت بيكون من اصل مكسيكي مامعو جواز اصلن !!!

يعني هنه ماعم يبعتو امريكان اصل غير يلي مستلمين قيادة او رتب ، بس الجنود بمعظمهم مرتزقه او ناس اصلن مو مجنسه بيحكولو روح علعراق سنه او سنتين و خود الجواز و صير مقيم بشكل شرعي ...

هلأ اولا و اخير مو رايحه غير على هل شعب الأهبل

[على دلعونا]

المؤسف بالموضوع أن هنالك الكثير من الشبان غرر بهم وكان من الممكن أن نعتمد عليهم في بناء المستقبل
ولقد قتل أبو القعقاع عندما انتهت مهمته مثله مثل أغلب الدمى التي تموت بانتهاء دورها وهذه النتيجة الطبيعة التي كان يجب أن يعرفها مدير المدرسة الشريعة ( المدراء حزبيون بطبيعة الحال والدين والسياسة لا يلتقيان ) .
لمن اراد ان يرى
{محمود قول آغاسي } قبل اطلاق لحيته , وهو يغني يا ليل يا ليل , مع الاركيله , وبجانبه شاب ملتحي بالشورت , فعليه الذهاب الى هذا الرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[samsoum]

واضح انو مقطع الفيديو حديث
بس والله صوته ماشي حاله على كل الله يرحمه