عودة قناة الشام الفضائية

[الوطواط]

كاتب النص الأصلي : Madmax

ما منقدر نفتش على حدا .......قدام هالشروط التعجيزية

اذا هي تعجيزية
معناتها على "الدنيا" السلام

[yellow]

استمرار توقيف محطة شام ومحطات أخرى تنتظر الفرج

في آخر أيام عيد الفطر السنة الماضية، توقفت فضائية «شام» السورية عن البثّ. يومها، كان مقرّراً أن تعرض القناة التي حققت إقبالاً جيداً، أولى نشراتها الإخبارية بعدما عرضت في رمضان أهم المسلسلات الدرامية المحلية بلا حذف. وقد أشيع آنذاك أن الرعب الرسمي من أول نشرة أخبار سياسية، كان وراء المنع. بينما عزت الجهات الحكومية قرارها إلى عدم حصول القناة على ترخيص رسمي للبثّ من المنطقة الحرّة، المسموح للفضائيات الخاصة البثّ منها. وقالت مصادر مقرّبة من وزارة الإعلام إن شركة «عرب» الفنية للإعلام، وهي الجهة المالكة للقناة، ومقرها دبي، حصلت على الموافقة لإدخال جهاز إرسال فضائي لنقل بعض المواد الإعلامية من دمشق. لذا، أعطيت الموافقة للشركة مؤقتاً ولمدة زمنية محددة، غير أن الشركة «تعاملت مع الموافقة، كأنها ترخيص لتأسيس قناة تلفزيونية في سورية».
اليوم، ها هي «شام» تطلّ على جمهورها من جديد، لكن من مصر. فما الذي حدث؟ ولماذا انتقلت إلى القاهرة؟ في اتصال مع «الأخبار»، أكد محمد عبد الرحيم، رئيس تحرير قناة «شام»: «أن المحطة انتظرت أكثر من سنة أي توضيح رسمي لسبب إيقاف البث، علماً بأن الرخصة موجودة. وبعد المماطلة، قررنا الانتقال إلى القاهرة».
لكن لماذا لم تعط القناة ترخيصاً في دمشق حتى اليوم؟ يستبعد عبد الرحيم أن يعود إيقاف القناة إلى مخاوف سياسية، «فنحن كنّا نبث من داخل البلاد، لذا كان يستحيل أن نجازف في تجاوز الخطوط الحمر. والأهم أنّ المحطة لم تكن تحمل أي أجندة سياسية». ويذهب عبد الرحيم إلى أبعد من ذلك: «يبدو كأن هناك من يريد استنزاف القناة مادياً، لتدمير المشروع أو بيعه لأحد المستثمرين. أنقفنا أموالاً طائلة واستمررنا في دفع الرواتب من دون مردود... لذا انتقلنا إلى مدينة «6 أكتوبر» للإنتاج الإعلامي في القاهرة، بعدما أثبتت حتى اليوم نزاهة في العمل الإعلامي، ووفرت للعاملين سقفاً عالياً من الحرية».
لكن هل تتجاوز «شام» الخطوط الحمر في دمشق، وهي تبث اليوم من القاهرة؟ وماذا عن خصوصية فضائية تتوجه أساساً إلى الجمهور السوري بينما تبثّ من بلد آخر؟
يقول عبد الرحيم إن المحطة ستحاول إنشاء مكتب لها في دمشق ـــــ من دون أن يستبعد صعوبة الحصول على موافقة ـــــ لتقديم تقارير خاصة من سورية، ويؤكد سعيها إلى إرضاء الذائقة العربية. المحطة التي بدأت بثها التجريبي قبل أيام، تنطلق رسمياً في رمضان مع الدراما المصرية: «رجل غني فقير جداً»، «لا أحد ينام في الإسكندرية»، «الإمام الشافعي»، «عيون ورماد»، «قلب امرأة»، والمسلسل السوري «سيرة الحب». على أن تبدأ ببث البرامج السياسية بعد رمضان.
يذكر أن مصر باتت مقصد الفضائيات التي تواجه عراقيل في بلدانها، فالحصول على ترخيص للبثّ لا يستغرق سوى ساعات. كذلك إدارة «نايل سات» لا تدقّق كثيراً في محتوى كل قناة، ما دام ذلك لا يضر بسياسة مصر الخارجية. أضف إلى ذلك التسهيلات المادية التي تقدمها «نايل سات» ومدينة الإنتاج الإعلامي لأي محطة جديدة.
يمكن التقاط القناة على «نايل سات» تردد: 11843(H) - 27500 – 4/3

[Hussam dr]

... طب كيف ما بيعطوا ترخيص بإنو يصورو أخبار ومشاهد من سوريا ,,, وبيعطو تراخيص لكتير من القنوات اللي مو سورية ؟
غريبة هي ...

[sezar]

سخرية البلد
قناة " شام " تبث من القاهرة .. بأي منطق هذا

[Government]

كاتب النص الأصلي : أبو السييم العظيم

أها رجعت محطة الشام ..........

يا أهلا وسهلا ظريفة هالقناة لا بأس معو إنو عندي شوية تحفظ عليها ... يعني كان في إلها توجه ديني ملحوظ كتيير مو شوي ....

فنحنا منتمنى إنو تصير في قنوات سورية بتدفع بعجلة التطور في سوريا ولا تغذي النعرات الطائفية و بتشجع التديّن ...

على كلّن نتمنى إنو تكون هي القناة بداية تشجيعية لقنوات تلفزيونية حرة و غير موجهة دينياً تفتتح لاحقاً ....

و شكرا حبيبنا مادو على الموضوع
ً

لك ياحببيي ..
يعني اذا مالك مدين وما بتامن با الله
في غيرك كزا مليون سوري بامنو بالله ومدينين لابعد الحدود

يعني بدك يبعدوا القناة عن التدين مشان حضرتك انت
شو هالمنطق هادا

يرحم روحوا بياع العجة

[Government]

هلأ مزبوط انو القناة عبتيتث من دبي ولا شلون

[MadMax]

كاتب النص الأصلي : GOVERMENT

لك ياحببيي ..
يعني اذا مالك مدين وما بتامن با الله
في غيرك كزا مليون سوري بامنو بالله ومدينين لابعد الحدود

يعني بدك يبعدوا القناة عن التدين مشان حضرتك انت
شو هالمنطق هادا

يرحم روحوا بياع العجة

بدو القناة تبتعد عن التدين ....مشان تكون لكل السوريين ....و لحتى ما تنحصر بفئة و حدة من الشعب السوري




ما بدنا يصير فينا متل لبنان ...... لكل طائفة وسيلة اعلام

[MadMax]

كاتب النص الأصلي : GOVERMENT

هلأ مزبوط انو القناة عبتيتث من دبي ولا شلون

لا ....
من مصر

[Hussam dr]

كاتب النص الأصلي : Madmax

بدو القناة تبتعد عن التدين ....مشان تكون لكل السوريين ....و لحتى ما تنحصر بفئة و حدة من الشعب السوري




ما بدنا يصير فينا متل لبنان ...... لكل طائفة وسيلة اعلام

حكيك صحيح ... يعني التلفزيون السوري الحكومي وقت عيد الميلاد بيعرض كيف الإحتفالات ... وبحط ميلاد مجيد وهيك ... كمان نفس الشي بلأضحى وبرمضان وهيك ... يعني علأقل إذا قناة شام بدا تحط شي ديني ,,, تحط من الطرفين "" إسلام ومسحية"" وقتا بتكون شملت أكبر قدر من الشعب السوري كونو في ملحدين ..

هاد هوة رأيي ,,
تحياتي

[أبو السييم العظيم]

كاتب النص الأصلي : Madmax

بدو القناة تبتعد عن التدين ....مشان تكون لكل السوريين ....و لحتى ما تنحصر بفئة و حدة من الشعب السوري




ما بدنا يصير فينا متل لبنان ...... لكل طائفة وسيلة اعلام

لك يسلملي ربك يا أحلى أبو سمرة والله

هيك العالم يللي بتفهم هيك بتفكر

[Government]

كاتب النص الأصلي : Madmax

بدو القناة تبتعد عن التدين ....مشان تكون لكل السوريين ....و لحتى ما تنحصر بفئة و حدة من الشعب السوري

هلأ بربك انت عبتحكي من كل عقلك


هلأ اذا القناة بعدت عن التدين متل ماقلت وشطحت كتير
الناس اللي مدينة بسوريا هيك مارح تكون موجه الن
بعدين بصراحة التدين بسوريا يعني انو اغلبية مارح او بمعنى افضل منتشر
فمثلا لما رح تكون القناة ما مدينة وبعيدة عن التدين ..

فاكيد انو مثلا مارح تعجب هالناس اللي مدينة وتعبيلن مخن
فجرعنا لنقس الفكرة ومارح تكون لكل الشغب
رح تكون عبتمشي ع هوى فئة من الشعب وتكون بعيدة عن التدين
بينما الباقيين مارح تفيدن بشي ..

[Government]

كاتب النص الأصلي : Hussam dr

حكيك صحيح ... يعني التلفزيون السوري الحكومي وقت عيد الميلاد بيعرض كيف الإحتفالات ... وبحط ميلاد مجيد وهيك ... كمان نفس الشي بلأضحى وبرمضان وهيك ... يعني علأقل إذا قناة شام بدا تحط شي ديني ,,, تحط من الطرفين "" إسلام ومسحية"" وقتا بتكون شملت أكبر قدر من الشعب السوري كونو في ملحدين ..

هاد هوة رأيي ,,
تحياتي

ياعيييييييييييييييييييييي يييييييييني علييييييييييييييييك
بربي انك وصلت الفكرة ع المزبوط ..


ملبون وردة

[أبو السييم العظيم]

كاتب النص الأصلي : GOVERMENT

لك ياحببيي ..
يعني اذا مالك مدين وما بتامن با الله
في غيرك كزا مليون سوري بامنو بالله ومدينين لابعد الحدود

يعني بدك يبعدوا القناة عن التدين مشان حضرتك انت
شو هالمنطق هادا

يرحم روحوا بياع العجة

أولا هاد الموضوع ما إلو علاقة بالإيمان بالله و مافي حدا بحدد إيمان الآخرين ما شي يا حبيب

كمان إذا قريت مشاركة أخونا Madmax بتقرا فيه جملة كتيير مهمةما بدنا يصير فينا متل لبنان

هاد الموضوع لازم نكون حذرين منّو ... كمان كتيير فرحان إنو الشعب في فئة كبيرة منّو متدين والله صدقني إنو هاد الموضوع يعني بحز بنفسي و بيؤلمني يكون شعبي لاحق كم شيخ نازلين على فتاوي و إنو الناس صارت تقيّم بعضا من خلال معتقداتهن ... للأسف هاد هو شكل التدين عند أغلبية الشعب السوري هو تدين سطحي و فهم غبي للمبادئ السامية للأديان ...

مو شايف شو عم يصير بلبنان بسبب التدين الأعمى ..... ما بتعرف المقولة الخالدة الدين أفيون الشعوب ...

كمان في شغلة على الهامش: في فرق بين الملحد و اللاديني ، يللي ما بيؤمن بالله و يللي بيؤمن بالله بس ما بيؤمن بالدين المتداول بين البشر


( الدين لله و الوطن للجميع ) اتذكر هي المقولة كمان منيحة إذا عدتا مرة الصبح و مرة بعد العشا

[Government]

كاتب النص الأصلي : أبو السييم العظيم

أولا هاد الموضوع ما إلو علاقة بالإيمان بالله و مافي حدا بحدد إيمان الآخرين ما شي يا حبيب

كمان إذا قريت مشاركة أخونا Madmax بتقرا فيه جملة كتيير مهمةما بدنا يصير فينا متل لبنان

هاد الموضوع لازم نكون حذرين منّو ... كمان كتيير فرحان إنو الشعب في فئة كبيرة منّو متدين والله صدقني إنو هاد الموضوع يعني بحز بنفسي و بيؤلمني يكون شعبي لاحق كم شيخ نازلين على فتاوي و إنو الناس صارت تقيّم بعضا من خلال معتقداتهن ... للأسف هاد هو شكل التدين عند أغلبية الشعب السوري هو تدين سطحي و فهم غبي للمبادئ السامية للأديان ...

مو شايف شو عم يصير بلبنان بسبب التدين الأعمى ..... ما بتعرف المقولة الخالدة الدين أفيون الشعوب ...

كمان في شغلة على الهامش: في فرق بين الملحد و اللاديني ، يللي ما بيؤمن بالله و يللي بيؤمن بالله بس ما بيؤمن بالدين المتداول بين البشر


( الدين لله و الوطن للجميع ) اتذكر هي المقولة كمان منيحة إذا عدتا مرة الصبح و مرة بعد العشا

هلأ مابعرف انت دخلت بموضوع تاني عن اللي انا قصدتو ..
يعني هلأ انا مادخلت الملحدين والمؤمنين بالنص انا قصدت المدينين والغير مدينين
وبظن هدول في فرق بينن وبين الملحدين والمؤمنين لانو الالحاد والايمان هادا موضوغ تاني


هلأ اللي عنيتو انا بالمتدينين ماقصدت انو اللي طول دقنو مترين واللي طول النهار ماسكلك المسبحة وعبسبح واللي عندو مثلا كلشي حرام ولا اللي عندو الشيخ الفلاني هادا تحت الله بدرجة
ماقصدت هالنوع بالمرة لانو هالنوع لاتواخزني بهالكلمة مابنفع معن لا اذا كانت القناة مدينة ولا انا كانت مالا دين ولا اي شي عندو كلو مابشتغل معن


انا قصدت انو مثلا في ناس بتحب مثلا بتحب يطلع الادان وقت بادن ع القناة هادا مثلا فيعني شي حلو لو عملوا هيك
طبعا مو الشيوخة بحبو هالشي لحالن في ناس مالن مدينين لهالدرجة بسو انو بالمصطلح محافظين نوعا ما


هلأ حسام حكى كلمة منيحة بالرد اللي فوق ..

انو النظام اللي عبتتبعوا الفضائية السورية نظام حلو كتير ع فكرة
بالنسبة للمدينين فبتحتفل بالعيد وبتحتفل برمضان وبتحتفل براس السنة والميلاد وعيد السيدة والخ ..
وبترضي جميع الطراف وبصراحة هي سياسة كويسة عبتبوعا ..

بس بالمجمل انا هلأ ماعبقلك انو يخلو القناة طول البوم حاطين قران ودروس دينية والخ ..
بالعكس انا يمكن بمل هالشي

كمان بالطرف التاني ماخلوا انو بالمرة يعني مافيا شي ع الاقل انو الادان يطالعوا مثلا ..
لانو متل ما انت بتحب القناة تكون بعيدة كتير عن الدين
في غيرك بحبو القناة تكون 24 ساعة خطب دينية ودروس فقه وادان ودعاء وشغلة ..

فهنن مابقدروا يمشوا ع طلبك ولا ع طلب المدينين لانو ع الطرفين مارح يمشي الحال معن لانو هالقناة سورية والسوريين الن عت اتجاهات وكل واحد بغني ع ليلو
فهنن ع الاقل لازم يعملوا شي يرضي الطرفين ..
لا يخلوة كلو دينية وللسما خطب ودروس والخ
ولا انو يلغوا كلشي الو علاقة بالدين بالمرة ..


وانا هادا اللي قصدتو براي فقط لاغير ..


ملاحظة: هلأ انا بالرد اللي فوق مالي جاي عبنظر ع القناة ومالي صاحب القناة لحدد شو يعملوا هادا كلو مجرد اراء شخصية يعني


ومية وردة لالك

[MadMax]

كاتب النص الأصلي : GOVERMENT

هلأ بربك انت عبتحكي من كل عقلك


هلأ اذا القناة بعدت عن التدين متل ماقلت وشطحت كتير
الناس اللي مدينة بسوريا هيك مارح تكون موجه الن
بعدين بصراحة التدين بسوريا يعني انو اغلبية مارح او بمعنى افضل منتشر
فمثلا لما رح تكون القناة ما مدينة وبعيدة عن التدين ..

فاكيد انو مثلا مارح تعجب هالناس اللي مدينة وتعبيلن مخن
فجرعنا لنقس الفكرة ومارح تكون لكل الشغب
رح تكون عبتمشي ع هوى فئة من الشعب وتكون بعيدة عن التدين
بينما الباقيين مارح تفيدن بشي ..

طيب أنا بدي اسألك سؤال ....و يا ريت تجاوبني بصراحة
انت ليش بتفتح التلفزيون بشكل عام ..؟؟
و اذا كنت متدين و رب ربك على رب الايمان ...هل بتفتح التلفزيون و بتتفرج عالناس كيف عم يصلّوا صلاة الجمعة مثلاً
و أصلاً اذا كنت متدين .....شو مقعدك قدام التلفزيون بوقت الصلا ..؟؟

[MadMax]

كاتب النص الأصلي : GOVERMENT

هلأ حسام حكى كلمة منيحة بالرد اللي فوق ..

انو النظام اللي عبتتبعوا الفضائية السورية نظام حلو كتير ع فكرة
بالنسبة للمدينين فبتحتفل بالعيد وبتحتفل برمضان وبتحتفل براس السنة والميلاد وعيد السيدة والخ ..
وبترضي جميع الطراف وبصراحة هي سياسة كويسة عبتبوعا ..

انت بتعرف انو في بسوريا أكتر من 20 طائفة ( بين أديان و مذاهب )
اذا بدون يخصصوا لكل طائفة برنامج خاص ..... فيعني ....يعوضنا بسلامتك ....
أحسن شي .....تطنش عن الكل ....و تكون قناة للوطن مو للدين

[maged-syrian]

كاتب النص الأصلي : Madmax

طيب أنا بدي اسألك سؤال ....و يا ريت تجاوبني بصراحة
انت ليش بتفتح التلفزيون بشكل عام ..؟؟
و اذا كنت متدين و رب ربك على رب الايمان ...هل بتفتح التلفزيون و بتتفرج عالناس كيف عم يصلّوا صلاة الجمعة مثلاً
و أصلاً اذا كنت متدين .....شو مقعدك قدام التلفزيون بوقت الصلا ..؟؟

العجب العجاب من هذا الجواب

يااستاذ طبعاً صلاة الجمعة فريضة على الرجل بس مو فريضة على المرأة يعني شو ذنب المرأة المتدينة ماتتابع صلاة الجمعة على التلفزيون !!!
شو ذنب العجائز يلي مابيقدرو يروحو عالجامع مايشوفوا صلاة الجمعة مباشرة على التلفزيون !!
وكمان كيف بتكون روحانية بيوم الجمعة اذا ماكان في نداء لصلاة الجمعة !!!



تحياتي الك

[maged-syrian]

كاتب النص الأصلي : Madmax

انت بتعرف انو في بسوريا أكتر من 20 طائفة ( بين أديان و مذاهب )
اذا بدون يخصصوا لكل طائفة برنامج خاص ..... فيعني ....يعوضنا بسلامتك ....
أحسن شي .....تطنش عن الكل ....و تكون قناة للوطن مو للدين

يامعلم الاديان الرسمية معروفة هية الاديان السماوية الثلاثة ( الاسلام , المسيحية , اليهودية ) ... لامانع لدينا نحن كسوريين ان تعرض المراسم الدينية لتلك الاديان على شاشة التلفزيون ... أما بالنسبة للطوائف فأنا كأنسان مسلم من الطائفة السنية لامانع لدي من الاستماع لخطبة رجل دين شيعي شرط عدم التطرف في القاء الخطبة ... نفس الشيء بالنسبة للشيعي المعتدل .. صحيح ان هناك اختلاف بين السنة والشيعة من نواحي عدة انا اعتبرها اختلافات ثانوية لكن المعبود واحد والعقيدة واحدة وهذا هو المهم

ملاحظة جانبية : دين الاغلبية في سوريا هو دين الاسلام تقريبا 85% من السكان ولايجوز حرمان 85% تقريبا من ممارسة طقوسهم ومعتقداتهم من اجل 15% والعكس صحيح