عندما تتحول الصداقة .. حباً !!

[قهوة دايمي]

كاتب النص الأصلي : Reemi

بهنيكي...تشخيص للحاله صاب بنسبة 101%

ما قلتلك دكتورة .. تقبر عدوّينا !!

[Gazita]

كاتب النص الأصلي : قهوة دايمي

ما العمل عندما تتحول الصداقة حباً ؟
هل يجب أن تقودنا مشاعرنا ... أو انه ينبغي السيطرة على أنفسنا ؟
هل الصداقة بين الرجل والمرأة مجرد وهم !!؟
.....
في علم النفس ، الصداقة ( بين رجل و إمراة ) هي علاقة حب !! لكنها ليست علاقة غرامية .
....
ماذا عن تجاربنا ... ؟؟
هل الصداقة .. نهاية الحب ..؟ أم العكس ؟؟
هل نخاف من الحب !!؟
......

**اذا الصداقة تحولت لحب لك شو بدي قلك شعور لا يوصف انو يكونو اول شي صديقين بعدين علاقتهم تتحول لحب.اكيد بيكونو فهمو بعضهم اكتر وصداقتهم كانت بمثابة امتحان غير مباشر مشان يتعرفو عالنقط السلبية والايجابية تبعهم بدون ما حدا يكون متصنع .لانو اذا بلشت علاقتهم بحب بيضل كل شخص بدو يفرجي للتاني طباعو الايجابية .
برأيي انو الحب من بعد صداقة بينجح متل ما بينجح الحب اللي ما بييجي بصداقة*طبعا على حسب توافقهم*
*بس انو يتحول الحب لصداقة ف برأييي مستحييييييييلبيتضل ديما حساسية بين الطرفين وما فيهم ينكرو الحب اللي كان بيناتهم او يغطوه بصداقة مزيفة.
*الصداقة بين الشاب والبنت موجودة واذا كانت مبينة على الاحترام والاخلاص اكيد بتدوم اكتر بكتيييير من الصداقة بين نفس الجنس.
مو ضروري تكون نهاية الصداقة هي الحب.بس اذا كانت نهايتها هي الحب بيكون الطرفين ضربو عصفورين بحجر .وهي الصداقة والحب .
واخر سؤال الك جوابو هوي ما بخاف ابدا من الحب...

وشكرا بزااااااف قهوة دايمي موضوع أثر فيييي كتير

[قهوة دايمي]

كاتب النص الأصلي : Reemi

الصديق المقرب...او...الحبيب؟

هلاء انا عم بلعب درو محامي الشيطان ...
رح إلك الصديق المقرب ...

[Reemi]

كاتب النص الأصلي : قهوة دايمي

هلاء انا عم بلعب درو محامي الشيطان ...
رح إلك الصديق المقرب ...

خطي وحبيبها

[قهوة دايمي]

كاتب النص الأصلي : Gazita

**اذا الصداقة تحولت لحب لك شو بدي قلك شعور لا يوصف

أكيد لا يوصف ... لهيك ما قادرين نوصف الحالات المشابهة !!
خاصة إذا على حساب علاقة حب تانية كمان !!!

مرورك نورنا Gazita

[butterfly]

كاتب النص الأصلي : Reemi

بهنيكي...تشخيص للحاله صاب بنسبة 101%

بعيدا ً عن الدور الشرير اللي عم يلعبو قهوة
بداية برأيي انها تبعد قليلا عن التنين .. لأنو الزحمة والعجقة وشعورا بالذنب هي وعم تحكي صديقا .. وشعورا بالشوق هية وعم تحكي حبيبا رح يعملا لخبطة كتير ..
بعدين برأيي ترجع تقيم العلاقة ..( بمعزل عن الصديق ) يعني تحط أكس عالصديق تماما وتقيم علاقتا .. تعتبر الصديق بس مجرد .. نقطة مفترق طرق جبرتا تعيد التفكير بعلاقتا ..
هل الخلل بالعلاقة اكتر من مجرد الملل ؟؟
هل نحنا عم نكمل العلاقة لأنو منحب ومنريد ومنتمنى نبقى سوا .. ولا لأنو قررنا من قبل وخايفين ننسحب ؟؟
بعدين تقرر .. مصير علاقتا " دون ما تفكر أنو رح تكون بعلاقة جديدة "
غالبا ً لأنو هية مانا حاببتو للصديق وهوي مجرد شي جديد ..
والشعور الجديد ألو قوة .. وتأثير كبير ... طبعا ً
بس لازم تتذكر انو دايما في شعور جديد بيكون قوي كتير كتير كتير وبيتخامد

اما طرق التجديد بخجل اكتبلك ياها عالعلن في صغار

[قهوة دايمي]

كاتب النص الأصلي : Reemi

خطي وحبيبها

ايه لكان متل ما قالت ميمو ... بدها تجديد مع الحبيب !!!
يعني عرفتي كيف .. قصص وحركات ...

[samsoum]

كاتب النص الأصلي : قهوة دايمي

أكيد لا يوصف ... لهيك ما قادرين نوصف الحالات المشابهة !!
خاصة إذا على حساب علاقة حب تانية كمان !!!

مرورك نورنا Gazita

اذا فهمت كلامك صح، معناها العلاقة اللي صار على حسابها هالحب، ممكن نطلق عليها أي تسمية تانية غير الحب

[زوربا]

مو هون المشكلة............المشكلة أنو لما الصداقة بتحاول تصير حب وما بيمشي الحال...........ساعنها بتصير عداوة وكره

[قهوة دايمي]

كاتب النص الأصلي : samsoum

اذا فهمت كلامك صح، معناها العلاقة اللي صار على حسابها هالحب، ممكن نطلق عليها أي تسمية تانية غير الحب

اسمها : صداقة غرامية !!
شكرا جدا جزيلا !!

[قهوة دايمي]

كاتب النص الأصلي : زوربا

مو هون المشكلة............المشكلة أنو لما الصداقة بتحاول تصير حب وما بيمشي الحال...........ساعنها بتصير عداوة وكره

لهيك يجب التفكير منيح قبل تطوير الصداقة لحب ..
يعني التفاهم والانجذاب والرغبة لازم تكون تكون متبادلة بين الاثنين !!!!!

صديقي شكرا لمرورك

[butterfly]

كاتب النص الأصلي : samsoum

اذا فهمت كلامك صح، معناها العلاقة اللي صار على حسابها هالحب، ممكن نطلق عليها أي تسمية تانية غير الحب

مو صحيح ابدا .. على الاطلاق .. بتاتا ً والبتة ..
كتير كتير كتير من الطبيعي .. في علاقات الحب " العذرية " طويلة الأمد ..
انو يصير ملل .. يصير انجذاب وتعلق ( فقاعات صابون ملونة ) بأشخاص جدد.. بالعكس إذا ما صار منكون عم نكذب على حالنا .. واللي متوقع انو حبيبتو ما عاد يعجبا حدا بعدو .. أي بدكن تعذروني .. غلطان وغلطان كتير كمان
فينا نقول عنو خيانة ونتخبى ورا اصبعتنا ونندب الحب اللي راح ورحلو هاني شاكر وعلى
وفينا نعتبرو مؤشر ودليل أنو علاقة الحب .. اللي عم نعيشا صارت بحاجة لخطة B ولتجديد ولاعادة خطط هجومية

[قهوة دايمي]

كاتب النص الأصلي : butterfly

وفينا نعتبرو مؤشر ودليل أنو علاقة الحب .. اللي عم نعيشا صارت بحاجة لخطة B ولتجديد ولاعادة خطط هجومية

أفضل طريقة للدفاع عن حب !!! الهجوم ... والخطط الهجومية !!

[BL@CK]

عندما تلقى صديقةً قديمةً فـ لصداقتها ذكرى طيبة ترنُ في عالم النسيان ..

أما عندما تلقى حبيبةً سابقةً فـ لحبّها ذكرى مؤلمة تأتي على ما تبقى من أحلامك ..

اترك لكَ الخيار ..

[Placebo]

كاتب النص الأصلي : زوربا

مو هون المشكلة............المشكلة أنو لما الصداقة بتحاول تصير حب وما بيمشي الحال...........ساعنها بتصير عداوة وكره

اييييييييه جبتها عالجرح وربي يشهد .. وهادا يللي مخليني مكتئب ومتضايق من حياتي .. لأني حبيت وحدة من قلبي وصرت موت على ما إسمع صوتا .. كنت أنا وياها أصدقاء كتير وأنا كنت معجب فيها وهي كانت بتحترمني .. بس كنت خايف قلها إني معجب فيها مشان ما إخسرها .. كان تلفوني ما بيسكت لأنو كل يوم كانت تتصل فيني حتى وقت طلعت على لبنان ..

يوم ورا يوم .. والأمر إستمر 6 أشهر .. وأنا ما قدرت عبرلها عن حبي .. ولكني كنت دائماً بسئل عنها وهي بتعرف أديش كنت بعزها .. كنت دائماً قلها إني مكتئب وزعلان لأنو صار عمري 20 وبدي حدا يكون جنبي .. ولكن للأسف كانت متل كأنو عم تصدني وقت كانت تقللي (إنشالله تلاقي مين يكون جنبك قريباً) .. كانت دائماً متقلبة تصرفاتها معي .. يا بتلاقيها شايفة حالا عليي .. يا بتلاقيها مبسوطة وعم تحاكي الكل .. وقت صدتني آخر مرة وقت حاولت غازلا وقت قلتلها (أسعد يوم بحياتي لما تعرفت عليكي لأنو عم دور على بنت متلك ) .. قالتلي شكراً بتقالة وكأنو مالها متقبلة الكلام تبعي .. بالنهاية صرت قاطعها وفرجيها العين الحمرا وإني مالي آكل هما وصرت إتجاهل تلفونها وحاكيها بنشافة لأنو عم إتعذب من جوا وهي مبسوطة بهالشي ومالا آكلة هم .. ومن يومها هي كمان بلشت تتجاهلني وما تعطيني وش .. وبالنهاية أنا يللي تدمرت بسببها.. لأنو كنت عم دور على بنت من هالتفكير يللي كان عندا .. كنت أنا وياها بنملك نفس الهوايات .. وبنحب نفس الأشياء بالحياة يللي نادراً ما شوف حدا بيحبها بين البنات .. صرلي إسبوعين ماعم إسمع صوتا وأنا قلبي موجوع لهالسبب .. بعرف أنو الأمر إنتهى خلص وأنو حظي زفت ..

[تالين]

كاتب النص الأصلي : romanista

اييييييييه جبتها عالجرح وربي يشهد .. وهادا يللي مخليني مكتئب ومتضايق من حياتي .. لأني حبيت وحدة من قلبي وصرت موت على ما إسمع صوتا .. كنت أنا وياها أصدقاء كتير وأنا كنت معجب فيها وهي كانت بتحترمني .. بس كنت خايف قلها إني معجب فيها مشان ما إخسرها .. كان تلفوني ما بيسكت لأنو كل يوم كانت تتصل فيني حتى وقت طلعت على لبنان ..

يوم ورا يوم .. والأمر إستمر 6 أشهر .. وأنا ما قدرت عبرلها عن حبي .. ولكني كنت دائماً بسئل عنها وهي بتعرف أديش كنت بعزها .. كنت دائماً قلها إني مكتئب وزعلان لأنو صار عمري 20 وبدي حدا يكون جنبي .. ولكن للأسف كانت متل كأنو عم تصدني وقت كانت تقللي (إنشالله تلاقي مين يكون جنبك قريباً) .. كانت دائماً متقلبة تصرفاتها معي .. يا بتلاقيها شايفة حالا عليي .. يا بتلاقيها مبسوطة وعم تحاكي الكل .. وقت صدتني آخر مرة وقت حاولت غازلا وقت قلتلها (أسعد يوم بحياتي لما تعرفت عليكي لأنو عم دور على بنت متلك ) .. قالتلي شكراً بتقالة وكأنو مالها متقبلة الكلام تبعي .. بالنهاية صرت قاطعها وفرجيها العين الحمرا وإني مالي آكل هما وصرت إتجاهل تلفونها وحاكيها بنشافة لأنو عم إتعذب من جوا وهي مبسوطة بهالشي ومالا آكلة هم .. ومن يومها هي كمان بلشت تتجاهلني وما تعطيني وش .. وبالنهاية أنا يللي تدمرت بسببها.. لأنو كنت عم دور على بنت من هالتفكير يللي كان عندا .. كنت أنا وياها بنملك نفس الهوايات .. وبنحب نفس الأشياء بالحياة يللي نادراً ما شوف حدا بيحبها بين البنات .. صرلي إسبوعين ماعم إسمع صوتا وأنا قلبي موجوع لهالسبب .. بعرف أنو الأمر إنتهى خلص وأنو حظي زفت ..

اي طول بالك العمر ما بيوقف عند بنت ولا عند قصة حب ..... الا اذا ناوي تنتحر كرمالها و بظن هيك شي كان على وقت روميو و جولييت
بعدين اذا انت فكرت شوي رح تلاقي انو مو هي الانسانة يلي بتناسبك لانو لانو قبل ما تحتاج لبنت هوايتها نفس هوايتاك او الاشياء يلي انت بتحبها نفس الاشياء..... المهم وقت تكون بحاجتها تلاقيها جنبك يعني لو كانت فعلا هي الصحيحة الك كانت هلا جنبك و عم تواسيك بمحنتك .... ماني عم قلك مانها منيحة .... بس كل طنجرة و الها غطاها يعني اذا الغطا كان صغير او كبير وقت يغلي المي رح يوقع و تضل الطنجرة بلا غطا
موفق و حاول بهيك حالات تفكر بعقلك و تحط مشاعرك على جنب

[Placebo]

شكراً على الكلمات اللطيفة .. يللي مضايقني مو بس أنو مجرد قصة حب أو مجرد بنت .. يللي بيضايقني أنو أنا شخص صعب لاقي حدا يتفق معي و على أمور الحياة ولهالسبب العالم بتنفر مني ولكن هي البنت بالعكس تماماً كانت دائماً تتوافق معي بكل شي .. كنت دائماً إنبسط لما إحكي معها لأنو أنا بفهم عليها وهي بتفهم عليي .. بتشوفوها متل كل البنات يعني مافيها شي خارجي ملفت للنظر .. بس من تاني مرة حاكيتها ماعد عرفت شو صار فيني .. المشكلة أنو هادا مو قرار أنو حبيتها لأنو متوافقة معي .. المشكلة أنو عم حس أني بحبها وهذا شعور من جوا قلبي ..

خليها لالله أحسن شي .. متل ما بتقول فيروز (مافي حدا لا تندهي مافي حدا) ..

[Nirvana]

ايه أنا وبهالمناسبة السعيدة .. وأنا حاليا لا أآخذ على كلامي لكن بعنيه من كل قلبي وبقول انو الصدق في الحب وفي العلاقات ومع النفس هوي احسن شي ..

أنا وحبيبي عشنا أحلى ست سنين وأكتر من حياتنا بعلاقة حب مشهودلها .. واضطرينا نفترق لظروف قاهرة وقدمنا هالتضحية لناس بتستاهل هني اهلنا .. والحلو انهم قدرو هالتضحية ..
بتعرفو شو قلي .. قلي "بعرف انو نحنا ناس كويسين وقدمنا تضحية كبيرة .. بعرف انو الله رح يقدملنا الأحسن واللي بريحنا وانو رح نلتقي انا وياكي كحبيبين مرة تانية بالسما .."
ومع اني متل ما بتعرفو ما كتير صحبة انا والله .. بس صدقتو .. وكان احلى شي سمعتو بحياتي .. وعلاقتنا بدت بصداقة وانتهت بصداقة .. بالرغم من الصعوبات .. بس عم نتجاوزها ..


وبالرغم من هالكلام اللي ممكن ما يعنيلكو شي .. بس حبيت قولو مشان اللي ما عندو امل يصير عندو أمل .. واللي عندو أمل ما يصدق الأمل كتير..

هي تجربتي وحبيت قولها ..

ونعم للتحشيش