عرب 48 أو عرب إسرائيل ...

[والله فلسطينيه]

ههههههههههههههههههه لك لك شو هالكلام يا ladyinred جوااهر يا بنت وليك يا مقصوفه الرقبه هاد طلعتي بنت جيرانااااااااااااااااااااااااااا من بااقه هلا بيكي بالموقع وبقول ماله منور بالاياام الاخير هههههههههههههه مش تصدقي حالك يا بقاويه ههههههههههههه عم بمزح
انا من العاصمه من جت المثلث افتحي الشبااك وطلي علي

وبالنسبه لتعليقاتك والله معاكي حق ويلي بيعرف بيعرف ويلي بيعرف ما بيعرف على العموم انا ما دخلني بغيري ان هو متمسك بارضه او لا انا كل ما بيهمني هو انا واعوذ بلله من كلمه انا الحمد لله متمسكه بأرضي وانا فلسطينيه . والمنطق بيحكي على انه بكل مجتمع فيه الزين وفيه الشين وبانه ما نحكم على شعب بأكمله نحمله كامل المسؤليه بسبب انحراف اكمن شب فيه



تحيــــــــــــاتــــــي للجميــــــــــــع

[LaDyInReD]

على كل حال اذا في حدا بحب يتعرف على عرب 48 اكتر (علينا) بقدر يفوت على هالموقع يللي بخصنا :

http://www.arabs48.com/

[Mesh Mohem]

حلو الموضوع يعني يا ريت كل العرب بعرفو عننا .. انو والله الواحد زهيئ يجاوب العرب على انت من وين !

انه الوضع الطبيعي الواحد بنسال من وين بقلو من سوريا من لبنان من الاردن من جنوب افريقيا .. احنا مجبورين كل معربي سألك من وين تقعد تشرحلو بحرب ال 48 وتهجر و طلع و ما بعرف شو .. فلتونا من هلقصة انا خلقت هون بالجليل .. جليل الامم و جليل المسيح ..

وانتو سموها متل ما بدكووووو اسرائيل فلسطين احنا ما عاد يفرق معنا ..

بس ازا بدكو الصراحة والواحد تيحكي عن حالو بس بصورة الجمع انو يعني انا بدي احكي باسم عرب ال 48 بس انا مش ازدي عن عرب ال 48 كلون انا ازدي عن حال بس ما بحب اقول انا من شان هيك بقول احنا

المهم منرجع لموضوعنا ازا بدكو الصراحة انا بحس انو احنا عن انفصام بالشخصية
يوم يتدب فينا الوطنية مرة وحدة و منصير بدنا نحرر فلسطين من النهر للبحر
ويوم "فخار يكسر بعضو"
يوم منكون كلنا العرب ايد وحدة مسيحية ومسلمين ومرات بيجوا الدروز معنا
ويوم منفلت على بعض

انو بتقدروا تقولو حسب الطقس

بس تالواحد يحكي جد انا بس اطلع من قريتي وين انا ترعرعت واروح على اي مدينة يهودية بحس بالغربة وقت بروح على قرية عربية تانية كمان بحس بالغربة .. انو لما قال صاحب الموضوع انو عنا فكرة الوطن صعبة ما غلط .. انو ما عنا وطن عنجد


يلا متاسفين على الازعاج

حاسة حالي متل كيس مي كان ماسكوا واحد على بناية عاليه وزتو للكيس من فوق لتحت .. اسا خلال وقوعي من فوق لتحت انفتح هدا الموضوع وشاركوا فيه الناس المحترمين اللي زيكو وخلصو منو و نسيو و بعد 3 اسابيع مضى وصل كييس المي اللي هوي انا

يلا استرو ما شفتو مننا

[Ahmatto]

والله مشكور كتير للتوضيح لانو جد في شباب مني وجر مابنعرف شي عن هالحكي هادا بنسمع عنو بس بدون تفاصيل وباركط الله فيك سيدنا

[نحولة]

يسلمو كتير على الموضوع الرائع أنا كمان من عرب ال 48 (شوفو الصدفه: )
النقاش إلي صار بخصوص الموضوع حلو ومحترم
والله ما إتوقعت يكون في نسبة عالية من عرب ال 48 بهلموقع شي حلو كتير و مُشرف
وانا بمـــــــــــــــــــــــــــوت بالمسلسلات الســــــورية و اللهجة السورية
بالتوفيق

[LaDyInReD]

ههههههههه...والله شي بضحّك!!

انا عم شوف انه نسبة كتيرة من العرب ما سامعين بأشي اسمه عرب 48!!

اذا حدا سألني منين انت؟؟.بجاوب وبقول عرب 48!!

بجاوبني هيك :

[فلسطيني للأبد]

وأول شي مشكور صاحب الموضوع والله يعطيه العافية
بجد انه ذكرني بمدينتي الأصلية يافا!!!
انشالله بنرجعلها بيوم من الأيام

[247]

شكرا لك على الموضوع الجميل


وانا من عرب 48 مين من عرب 48 بدي اتعرف

[بقـ انسان ـايا]

كاتب النص الأصلي : Mesh Mohem

حلو الموضوع يعني يا ريت كل العرب بعرفو عننا .. انو والله الواحد زهيئ يجاوب العرب على انت من وين !

انه الوضع الطبيعي الواحد بنسال من وين بقلو من سوريا من لبنان من الاردن من جنوب افريقيا .. احنا مجبورين كل معربي سألك من وين تقعد تشرحلو بحرب ال 48 وتهجر و طلع و ما بعرف شو .. فلتونا من هلقصة انا خلقت هون بالجليل .. جليل الامم و جليل المسيح ..

وانتو سموها متل ما بدكووووو اسرائيل فلسطين احنا ما عاد يفرق معنا ..

بس ازا بدكو الصراحة والواحد تيحكي عن حالو بس بصورة الجمع انو يعني انا بدي احكي باسم عرب ال 48 بس انا مش ازدي عن عرب ال 48 كلون انا ازدي عن حال بس ما بحب اقول انا من شان هيك بقول احنا

المهم منرجع لموضوعنا ازا بدكو الصراحة انا بحس انو احنا عن انفصام بالشخصية
يوم يتدب فينا الوطنية مرة وحدة و منصير بدنا نحرر فلسطين من النهر للبحر
ويوم "فخار يكسر بعضو"
يوم منكون كلنا العرب ايد وحدة مسيحية ومسلمين ومرات بيجوا الدروز معنا
ويوم منفلت على بعض

انو بتقدروا تقولو حسب الطقس

بس تالواحد يحكي جد انا بس اطلع من قريتي وين انا ترعرعت واروح على اي مدينة يهودية بحس بالغربة وقت بروح على قرية عربية تانية كمان بحس بالغربة .. انو لما قال صاحب الموضوع انو عنا فكرة الوطن صعبة ما غلط .. انو ما عنا وطن عنجد


يلا متاسفين على الازعاج

حاسة حالي متل كيس مي كان ماسكوا واحد على بناية عاليه وزتو للكيس من فوق لتحت .. اسا خلال وقوعي من فوق لتحت انفتح هدا الموضوع وشاركوا فيه الناس المحترمين اللي زيكو وخلصو منو و نسيو و بعد 3 اسابيع مضى وصل كييس المي اللي هوي انا

يلا استرو ما شفتو مننا

ما نتفق مع بعض نححنااا واسرائيل ونكون دولة واحدة نسمينهااااا اسراطين ههههههههههه


مين هي الي قالهااااا شباب

لك اسمعي يا خيتي متل ما بدهم يقولو يقولو نحنا فلسطينيين من عرب ال48 ول من الضفة ول من غزة نحنا عرب فلسطين والي عاجبو كلامي عاجبو مش عاجبو عمرينو اصلااا ما اوصلنا هاي الموصيل واتقطعت اوصال فلسطين الاااا منهم


شكراا علا الموضوع الحلوو

[زهور الامل]

على العموم يا جماعه الله يمسيكو بالخير على رايك يا جدي
كمان بتصور انه كلنا عرب وبنحمل نفس الدم وكلنا فلسطينيه وبشهد ترابنا
بس المشكله في الناس وتفكيرها الرجعي
وبحب قول شي كمان انه انا من سكان القدس يلي بيعانو نفس المشكله يلي بيعانيها عرب 48 بس بنسبه اقل شوي
يعني عنا سكان اسرائيل بينقسمو 3 اقسام
وهم اليهود نفسهم درجه اولى
وعرب 48 درجه تانيه
وسكان القدس درجه تالته
بس الحمد لله اكيد ما في شي رح يمنعني باني كون فلسطينيه وقولها بكل فخر

وتحياتي للجميع وكل عام وانتو بالف خير

[بقـ انسان ـايا]

لك وانا كمان يكونلي الشرف وكانلي الشرف انو انا فلسطيني


مشكورة

[RaNaA]

كتير حلو هايا الكل هون من عرب ال48 اهلين فيكون وانا ممكن انضم معكن انا من عرب ال48

[عابرة وطن]

موضوع شدني كتيررررررررر وحبيت احكي فيه ,,,,
اولا كاتب الموضوع الاصلي - لا اعلم اذا كان مؤرخا في علم الاجتماع تغلغل في اوساط مجتمع عرب ال48 وعايش ظروفهم عن كثب أم انه حلل وفسّر طبائعهم وتشبهمم باليهود وهو يستمع الى انغام موسيقى الروك التي يحبها ويعتبرها من هواياته - يبدو ان اخونا الكريم ابن الاكارم حكم على غابة كاملة من خلال بضعة اوراق وجدها صدفة خارج هذه الغابة .
عرب 48 هم عرب ابا عن جد بعض النظر عن الهوية الاسرائيلية التي يحملونها , اما بالنسبة الى تقسيمك ايانا الى نوعين لا ثالت لهم - مندل ابو الوراثة كان ارحم بنا منك لو كان موجود - اما متدين متطرف او منحل اخلاقيا فهو تقسيم يدل على انعدام المعلومات والبعد عن الشريحة المستهدفة , فعرب 48 مثل اي عرب فيهم كل اطياف اللون الديني والسياسي والاخلاقي وغيره , وليس فقط نوعين احدهما على اقصى اليمين والاخر على اقصى الشمال .

لسنا سذجاء حتى تنكر انت وسواك ان في الدول العربية ما يندى الجبين عن ذكره من اماكن الشرب والرقص والمواخير وانت تغيرت اسماؤها وكفانا ذلا - نعم كفانا جميعا كعرب على اختلاف الجنسيات - ان يضحك اليهود ويفرحوا وهم يقولون ارايتم متعة رؤية اجساد فتيات لبنان وسوريا ومصر وهي شبه عارية تعرض على التلفاز وهذا ما قراته بنفسي من اقوالهم -

عرب 48 وبكل فخر بقوا في ارضهم رغم كل شيء , تخيل بابسط عملية حسابية كم من مساحة الارض التي حافظنا عليها بثباتنا كانت ستحوزها اسرائيل لو هربنا الى الدول العربية المجاورة ؟؟؟
الا يكفي فخرا ان الاقصى مأهول بالمصلين من عرب ال48 وبفضل الله وبفضل احدى مؤسسات ال48 العربية الاسلامية التي تشجع عرب ال48 ان يملاوا مسجد الاقصى ومسجد قبة الصخرة بالعشرات العشرات كي تثبت لليهود ان لا زال هناك من يصلي في الاقصى فلا حجة لديهم من الاستيلاء عليه ؟؟
ليس من السليم ان تشرّح شعبا كاملا بمشرط طبيب لم يزاول الطب بعد !!!


وللحديث بقية

[عابرة وطن]

ملاحظة صغيرررررري كتيرررررررررر لاهلنا في الدول العربية <<
على سيرة مسجد الاقصى في ردي السابق حبيت اوجه ملحوظة يجهلها معظم المسلمين في الدول العربية ويعرفها - بكل اسف - كل اليهود في داخل كيانهم وخارجه وهي ان القبة الذهبية الصفراء التي ترونها على شاشات التلفاز ليست هي الاقصى وان مسجد الاقصى قريب منها جدا ولكن فضائياتنا العربية - هداها الله - تتعاون بشكل متعمد او عن جهل مع اليهود حيث تبرز فقط القبة الذهبية حين تتكلم عن الاقصى فيربط المشاهد ان مسجد قبة الصخرة هو نفسه الاقصى. ويعني لو راح المسجد الاقصى وهدموه , ساعتها الشعوب العربية ما راح تعرف لانها الفضائيات الميمونة بتنقل صورة القبة وهيك بيفكروا انه الاقصى لا زال موجود لم يمسه اذى

[SABE]

أهلين فيكي عابرة وطن ..

ما بدي إعتذر عن موضوعي .. و ما بدي حلل إسمك و إربطو بالموضوع اللي كاتب فيه عن كلمة وطن ..
القصة و ما فيها إنو قبل ما إجي على ألمانيا, كانت المعلومات اللي عندي كتير قليلة عن عرب 48 .. و بعد ما تعرفت أكتر على أشخاص من عرب 48 حبيت شارك إخواتي بالمعلومات اللي حصلت عليها.

بتمنى إنو تصلحي الأخطاء اللي وقعت فيها بدلاً من ذمي و لومي

أنا بعتذر من الكل إذا كان في أخطاء بهالمقال ... و بتمنى من يلي عندو معلومات إسا يضيفها هون مشان الكل كمان نستفيد ....

وهالجملة أنا كاتبها بالآخر ..

ومدري ليش متأكد إنو كتبتي ردك قبل ما تقري بقية الردود بالموضوع

بتمنا إنو تقري جميع الردود قبل التعليق ..

و ميت أهلا و سهلا بين إخواتك هون .. و الإختلاف بوجهات النظر لا يفسد الود للقضية بتمنا هالشي

أنا ناطر إغناء الموضوع

[عابرة وطن]

ومدري ليش متأكد إنو كتبتي ردك قبل ما تقري بقية الردود بالموضوع

مرحبا صبي .. بحب احكيلك انه اعتقادك مو في محله , لاني قرات كافة الردود من الالف الى الياء ,
لدرجة اني لم اعرف فائدة رد الاخ / الاخت نونو 77 (يا رب النونو يكبر ويكون قرة عين اهله واحبابه) بالمساهمة في إثراء الموضوع حين قال / ت

من اطلاعي على الموضوع اريد ان اضيف مايلي

1- ان عرب 48 نسميهم عرب الشمينت (والشمينت هو لبن اسرائيلي ) على سبيل المزح ودون زعل 
2- سكان غزة ولا في بعدهم ويكفي انه بتلف غزة كلها ما بتجد محل بيع خمور او غيرة 

نقطة اخرى كان العتب فيها عليك انك كتبت موضوعك وكأنه معلومات مؤكدة وفي حالة اي واحد قراه ولا يعرف التكلم عنهم سيحكم على الكل حسب ما جاء في موضوعك .
على كل حال المتل بيحكي "ان كان بيتك من زجاج فلا ترمي الناس بحجارة "
<؛

[yass]

على كل حال المتل بيحكي "ان كان بيتك من زجاج فلا ترمي الناس بحجارة "

بالضبط, و لهالسبب لا تشخطي بالعالم لأنو "حسب رأيك" عم يكحو عن عرب اسرائيل بنظرة سطحية و بدونمعرفة لما انت عمبتقولي

لسنا سذجاء حتى تنكر انت وسواك ان في الدول العربية ما يندى الجبين عن ذكره من اماكن الشرب والرقص والمواخير وانت تغيرت اسماؤها وكفانا ذلا - نعم كفانا جميعا كعرب على اختلاف الجنسيات - ان يضحك اليهود ويفرحوا وهم يقولون ارايتم متعة رؤية اجساد فتيات لبنان وسوريا ومصر وهي شبه عارية تعرض على التلفاز وهذا ما قراته بنفسي من اقوالهم -

من كلامك نستدل أنو كل معرفتك عن العرب "نظريا" جاية من نظرة اليهود....معناتو عم تعملي نفس الشي اللي انت عم تشتكي منو

[عابرة وطن]

مرحبا اخ يـــــــاس

 كلامك نستدل أنو كل معرفتك عن العرب "نظريا" جاية من نظرة اليهود....معناتو عم تعملي نفس الشي اللي انت عم تشتكي منو

واضح تماما انك فهمت جملتي التي كتبتها بشكل خاطيء , انا لم اقل ان كل الفتيات جميعا يفعلن نفس الشيء وانا اعلم تمام العلم ان منهن نبراس للاخلاق والشرف , ولكن يا ريت تقرا جملتي مرة ثانية بشكل صحيح وكان قصدي منها اني اتألم جدا حين اعلم ان اليهود يتتبعون عورات فتيات المسلمين على شاشات التلفاز ويبداوا يتلمزوا عليهن هذا ما قصدته وما عرفته انهم وصلوا اليه من قول , وليس بغريب عليهم فـأهم هدف لديهم ان يروا فتيات الاسلام في حضيض الفتنة والانكباب على العري منذ زمن الرسول الكريم يوم ان عرقل احدهم احدى نساء المسلمين كي تقع ويبدو منها ما امر الله بستره .
ثانيا يا اخي انا لا ارى احوال الدول العربية وشعوبها من خلال نظرة اليهود . لا سيما ان لي في كل دولة عربية اقرباء من الدرجة الاولى , فالاحرى ان اعتمد نظرتهم هم وليس نظرةاليهود
خلاصة للامر , كل الردود كانت بدافع الاستياء من الحكم على شعب من خلال بضعة طلبة يدرسون في دولة اوروبية .
فكل بلد وشعب مليء بكل الالوان والنسب المختلفة والدرجات المتنوعة على سلم طويل من ناحية الاخلاق والالتزام الدين بدون استثناء , فليس من المنطق ان نعمم , وسيكون التعميم اسوأ في حالة صدوره ممن يحمل شهادات علمية او على وشك حملها !!