المثلية الجنسية شيء طبيعي لأنها..

[yass]

انا ضد علانية الموضوع

هون الغلط يا معلمي...

[sezar]

المشكلة يا شباب انو المثلية ب الغرب عوامل وجودا عكس تماما عوامل وجودها في سوريا أو الدول العربية يعني:
بالغرب بتجي كنوع من الخروج عن المألوف او انو مسالة نفسية
بس عنا بصيرو شواذ من الأللة يعني ما بصحلون الجنس مع بنات فا الأسهل مع شي واحد خرمان متلو

بالنتيجة بالغرب بحسو بينبع عن نفسية طبيعية
أما عناا بينتج عن نفسية مريضة و معقدة

و سبب هل الاختلاف هوي عادات المجتمع و الديانات السائدة

و انا شخصيا ما عندي مشكلة بالمثليين
بس كمان ما بحب اتعاطا معون :P

[جينو]

يا شباب هدو شوي
يمكن أنا أول بنت رح تشارك بهيك موضوع !! نحنا لازم نحكي بشوية وعي و ناخد الموضوع ببساطة أكتر من هيك

أول شي شيل الدين برا لأنو الدين ما إلو دخل بهيك أمور و ما في داعي نعقدها أكتر
بعدين أنا بحكم وجودي بدبي بخالط كتير مثليين الجنس إن كان شباب أو بنات و لو كانت نسبة الشباب أكبر..
أنا أبداً ماني ضد الموضوع يعني هاي ميول شخصية و شخصية جداً مين أنا لأحكم على هالشخص إنو صح أو غلط ؟؟؟
مين عطاني الحق إتدخل بالحرية الشخصية لأي حدا شو ماكان رأيي باللي عم يعملو؟؟؟؟
بعدين سألتو حالكون سؤال صغير .. كلمة "Gay" اللي تستعمل لمثلي الجنس شو معناها بالإنكليزي ؟؟؟؟ فتاح أي قاموس بتعرف إنو معناها "مرح- مبتهج" !!! منين إجت هالتسمية؟؟ غير لأنو هالشخص حرر حالو من قيود كلنا مربطين حالنا فيها . هالشخص أو بالأحرى هالشخصين قرروا إنو كفاها الله نحنا هيك حاسين و هيك رح نعمل و ريحو راسون و ما عاد يهمون لا حكي الناس و لا غيرو!!

هلق بالنسبة للزواج الكنسي أنا مو معو أبداً لأنو فعلياً القصة متناقضة إنو إنتو ضد قوانين الكنيسة أو الشريعة الإسلامية و هاي أمور ما رح تتغير بما إنها بكتب ثابتة "منزلة" الها 2000 سنة بقا ليش بدكون مباركة الدين لأرتباطكون؟؟؟؟
الزواج المدني فكرة معقولة و بتعنيلهون معنوياً أكتر من قانونياً لأنو غالباً مثليي الجنس بيكونو كتير حساسين لأمور اعتراف المجتمع فيهون و بعدين عندون أحلامون متل كل الناس و بيحبو يحتفلو بارتباطون و يعملو عرس و الفكرة أبداً ما غلط

و مشان التبني في كتير كوبلات أنا بعرفهون مثليي الجنس مؤهلين ليربو ولد أكتر من كتير عيل رجال و مرأة !!
هلق شو تأثيرات الموضوع النفسية عالولد هاي الشغلة اللي مو متأكدة منها!!!

بعرف كريت كتير :P :P بس شباب ما بدنا نعمل متل عصور النهضة لما غاليليو قال إنو الأرض بتدور حول الشمس مو هيك؟؟؟

[dimozi]

بالتالي الرغبة الجنسية و الجنس و المتعة الجنسية , هي خواص موجودة عند الكائن البشري بهدف الحفاظ على النوع و التكاثر ..و الشي الطبيعي هون انو يكون الانجذاب بين ذكر و انثى

هلاء ها العبارة صدمتني شوي .................... بصراحة شوي ( من وجهة نظري ) غلط . ليش؟؟؟ الجنس لا يهدف ( عند كل الأجناس ) الى الحفاظ على النوع و التكاثر .......... الجنس يهدف للمتعة .............. و للمتعة فقط , و قصة التكاثر بتجي بعدين ............. هلاء علم نفس الحيوان اساتوا على اول الطريق , و ما منعرف شو هيي توهات الحيوانات التانية , بس دراسات حديثة عم تتوجه لإرساء بعض المنطق على تصرفات الحيوانات .

بالطبيعة المثيلية الجنسية واقع, و ما بعرف اذا أرقام أخي جو مزبوطة . بس متل ما بعرف و أستنادا لكتاب قريتوا من فترة أسموا الجنس حياة , فالتوزيع الطبيعي للمثيلية الجنسية عند البشر بتجي بنسبة بتتراوح بين 3-6 % من الرجال و الادق انو قول الذكور و 2-3% عند الاناث , و ها التوزيع بيشمل معظم الكائنات الحية . يعني عند الاحصنة متل عند القرود متل عند الاسود .............................. هلاء كانت الصدمة للعلماء لما اكتشفوا المثيلية الجنسية عند الحيوانات و قادت الدراسات انو الجنس ما للتكاثر بل للمتعة ........... كان الاعتقاد انو الانسان ( و الدلفين ؟؟؟ ) هنن الجنسين الوحيدين اللي بيمارسوا الجنس للمتعة , و بعدين تأكد خطأ ها الشي , و في دلراسات عم تدرس الجنس للمتعة عند الحشرات , بس اسا الطريق طويل .

المثيلية الجنسية ممكن تنشأ عند الانسان لأسباب عضوية هرمونية وراثية , او نفسية , او مزيج من التنين , على كل أنا مع حصول المثيليين على حقوقن كلها ..................... ليش؟؟؟
برأيي أنا أنو المساواة هيي أصل العمل الديمقراطي , و أفتراض تساوي البشر بجميع لحقوق و الواجبات هو أصل التشريع العادل .
وين بيصير الاختلاف و انعدام تكافؤ الفرص بالقانون ........... هلاء ممكن تقولولي انو شو رح ينضروا المثيليين اذا ما تجوزوا , لانو هنن ممكن يعملوا وصية و يمكن ينفصلوا باي لحظة عند الاختلاف أو عند انعدام الحب او التفاهم ...... بس هون منكون عم ننسا انو القانون بيمنح في بعض الاحيان تسهيلات للمتزوجين ما بيمنحها للعزاب ............... متل تخفيضات ضريبية للأسرة , و معدلات عالية من انقاص الفواتير بدون ما ننسا العروض الخاصة اللي بتحصل عليها العائلات بالقطاعات غير الحكومية ................. أحياناً بتكون ترقية موظف أو متطلبات منصب معين محصور بالمتزوجين .................... عند كل ها الحالات بيوقع التمييز بين العازب و المتزوج و بالتالي بيوقع الخلاف بضرورة السماح للمثيليين بحقوق كاملة مع غير المثيليين .. المفاجئة مرة كانت عندي لما شفت حالة مثيلي متدين ................ الاخ كان عم يقول انو انا هيك و ما بقدر اتغير و ما بعرف ليش انا هيك بس انا هيك .............. و احترمت الزلمي كتير لما ما رفض حالو و لا رفض واقعوا ........... المهم الاخ يحب الله و يسوع و بيحب ابن الجيران .................... طيب شو ممكن يكون موقف المؤسسات الدينية من هيك شخص ................... اذا في شخص تقي كتير و بيراعي الدين بحياتو بس الاخ مثيلي .................. هلاء من وجهة نظر حيادية .............. و لو كنت انا البابا .............. كنت ببساطة قلتلوا ............... يا ابني المسيح مات منشان كل الناس .................... ايمانك بيخلصك و اهلا فيك بالكنيسة ........................ بس من ها النقطة منعرف انو ما في الله ............... لانو بينتفي العدل الإلهي اذا ما كان موقف الدين هيك .




منشان هيك انا بأيد حصول المثيليين على حقوقن كاملة ................... اما بالنسبة لموضوع التبني ............ فبتصور انو لازم يكون في دراسات نفسية اكتر بخصوص ها الموضوع .



تحياتي الخضراء لكم جميعا .......................... :P

[sezar]

مرسي سنيورة جينو
انا بأيد رأيك 100%

[HashtNasht]

هلاء ها العبارة صدمتني شوي .................... بصراحة شوي ( من وجهة نظري ) غلط . ليش؟؟؟ الجنس لا يهدف ( عند كل الأجناس ) الى الحفاظ على النوع و التكاثر .......... الجنس يهدف للمتعة .............. و للمتعة فقط , و قصة التكاثر بتجي بعدين ............. هلاء علم نفس الحيوان اساتوا على اول الطريق , و ما منعرف شو هيي توهات الحيوانات التانية , بس دراسات حديثة عم تتوجه لإرساء بعض المنطق على تصرفات الحيوانات

مرحبا يا حلو :P

خيو ... انا زلمي كلاسيكي شوي من حيث الأمور العلمية ...يعني بموضوع التكاثؤ بدي ارجع شوف شلون بتتكاثر وحيدات الخلية وصولاً لأفهم الجنس عند الحيوان ...و الانسان
التكاثر عند الانسان هو تكاثر جنسي...لحتى يحدث هالتكاثر لازم يكون في دافغ ....و هالدافع ما ممكن يكون عقلي أو من منطلق وطني أو من حيث الأيمان بالمستقبل ...هاد الدافع غريزي ..بيرتكز على واقع حدوث انجذاب هرموني بين 1كر و انثى و يستدرج الثنائي من خلال متعة الاتصال الى تنفيذ خطة الحفاظ على النوع ...بالتقاء نطفة مع بويضة ( شوف الصدف ما أحلاها )
هلق هالمتعة اللي بتحدث اثناء الاتصال الجنسي ...ما عندها آلية لتكشف الغشاشين...يعني ما رح تقفشك اذا انت قاصد تنفذ خطة الحفاظ ع النوع أو لاء ..و أكبر دليل هو العادة السرية مثلاً ... بس هاد الشي ما بيعني انو الهدف من المتعة هو العادة السرية
المتعة لم تكن هدفاً ضمن سياسة تطور النوع البشري..الهدف هو تعزيز آلية الحفاظ على النوع من حيث جعلها أكثر امتعاً و تشويقاً
هلق عاد هدول المثليين جنسياً ..اذا كانو حيوانا او بشر ...يعني ما بعرف ..بس هني اكيد شي غلطة بشي جين أو بش مورثة راكبة بالغلط ...يعني متل أي تشوه وراثي تاني ممكن يحدث ...و بنسب ثابتة كمان ....و قد يكون كمان السبب نفسي..او تربوي او ناتج عن البيئة أو نتيجة تداخل العوامل السابقة جميعاً .
و بغض النظر عن السبب ...المهم النتيجة أنو في مثليين جنسياً ....و أنو هالمثليين جنسياً يعني ما هني أكبر المصايب...خود مثلاً بلادنا العزيزة سوريا ....نظرياً ما بتقدر تمارس الجنس خارج نطاق الزواج ...بس هاد الحكي شوووووووووووووو؟ نظرياً حبيبي
يعني و المثليين جنسياً ما بظن انوهني أحسن من السوريين بكتير...بيقدرو يدبرو حالن متل ما الشعب السوري مدبر حالو ... و اذا بتريدو سكرولنا هالموضوع ..خلونا نحكي بشي مفيد ....خلونا نحكي عن المعكرونة مثلا :P

[Joe]

كاتب النص الأصلي : krimbow

التبني مسموح بسوريا حسب الشريعة الإسلامية يعني بيضل الولد المتبنى على اسمو و اسم ابو و امو الحقيقيين (يعني ما بيعود في تبني بيصير اسمو تربية) بس هنين مسميينو تبني

أنا على حد علمي التبني محرم في الاسلام بسبب حادثة صارت مع محمد... اذا هو ممنوع حسب الشريعة الاسلامية و لكن مسموح بالقانون السوري بسبب التفاف حول الموضوع حسب ما تفضلت ... شكرا على كل حال و لعلنا ندخل في تفاصيل الموضوع مرة ثانية لأنه مهم جدا
تحياتي

[Joe]

كاتب النص الأصلي : جينو

و مشان التبني في كتير كوبلات أنا بعرفهون مثليي الجنس مؤهلين ليربو ولد أكتر من كتير عيل رجال و مرأة !!
هلق شو تأثيرات الموضوع النفسية عالولد هاي الشغلة اللي مو متأكدة منها!!!

فعلا هاي نقطة كتير كتير مهمة... و تخيلوا لو يصير في قانون يفرض مستوى معيشي معين و خواص معينة بالأهل قبل ما تسمحلون الدولة يجيبوا ولاد... على هل حالة 3 ارباع الناس بتطلع غير مؤهلة لا علميا و لا ماديا و لا اجتماعيا ليتحملوا مسؤولية انجاب طفل و تربيتو تربية صالحة!

[manawel]

بعدين أنا بحكم وجودي بدبي بخالط كتير مثليين الجنس إن كان شباب أو بنات و لو كانت نسبة الشباب أكبر..

lما بعرف اذا بيحقلي انو اسئل شو بتشتغلي

[krimbow]

أنا على حد علمي التبني محرم في الاسلام بسبب حادثة صارت مع محمد... اذا هو ممنوع حسب الشريعة الاسلامية و لكن مسموح بالقانون السوري بسبب التفاف حول الموضوع حسب ما تفضلت ... شكرا على كل حال و لعلنا ندخل في تفاصيل الموضوع مرة ثانية لأنه مهم جدا
تحياتي

معك حق
بسموا كفالة و ألو شروط
ع العموم الموضوع قعلا مهم و لازم اناقشو بشكل منفصل

تحياتي يا ملك

[krimbow]

فعلا هاي نقطة كتير كتير مهمة... و تخيلوا لو يصير في قانون يفرض مستوى معيشي معين و خواص معينة بالأهل قبل ما تسمحلون الدولة يجيبوا ولاد... على هل حالة 3 ارباع الناس بتطلع غير مؤهلة لا علميا و لا ماديا و لا اجتماعيا ليتحملوا مسؤولية انجاب طفل و تربيتو تربية صالحة

المشكلة انو مافينا نحط هي المستويات لانو الموضوع معقد كتير
في كتير ناس أميين ولادون صاروا اساتذة جامعات و بالعكس
في كتير ناس فقراء ولادون صاروا أغنى الأغنياء
يعني مو بالضرورة اذا أبي استاذ جامعة و أمي دكتورة سنان و حالتون المادية ممتازة و بعمرون ما عملوا مخالفة سير وحدة هاد ما بيعني انو انا أطلع آدمي
و العكس صحيح تماما

[قصي مجدي سليم]

هلاء ها العبارة صدمتني شوي .................... بصراحة شوي ( من وجهة نظري ) غلط . ليش؟؟؟ الجنس لا يهدف ( عند كل الأجناس ) الى الحفاظ على النوع و التكاثر .......... الجنس يهدف للمتعة .............. و للمتعة فقط , و قصة التكاثر بتجي بعدين ............. هلاء علم نفس الحيوان اساتوا على اول الطريق , و ما منعرف شو هيي توهات الحيوانات التانية , بس دراسات حديثة عم تتوجه لإرساء بعض المنطق على تصرفات الحيوانات .

يعني انا موافق على مجمل هذا الكلام ... بس راجع تاني