مقارنات عادلة بين الواقع السوري و المستقبل المرسوم ...

[krimbow]

بس بالنسبة لشعر،

يللي بعرفو انو لابو ريشة

و يللي بعرفو انو في بيت ناقص

" لو ادى البعث رسالته
لخسرنا الساحل و الاقرع" (نسبة لجبل الاقرع في كسب)

[كهربجي]

كاتب النص الأصلي : krimbow

بس بالنسبة لشعر،

يللي بعرفو انو لابو ريشة

و يللي بعرفو انو في بيت ناقص

" لو ادى البعث رسالته
لخسرنا الساحل و الاقرع" (نسبة لجبل الاقرع في كسب)

يا شباب هاد الشعر لمظفّر النوّاب...

[Danito]

كاتب النص الأصلي : krimbow

بس بالنسبة لشعر،

يللي بعرفو انو لابو ريشة

و يللي بعرفو انو في بيت ناقص

" لو ادى البعث رسالته
لخسرنا الساحل و الاقرع" (نسبة لجبل الاقرع في كسب)

و أنا هيك بالأصل بعرف أنو لأبو ريشة
و بالنسبة لنزار بمؤتمر القمة بتونس هو قال القصيدة تبع «أنا ياصديقة متعب بعروبتي» موجودة على الإنترنت كمان

[COSTA]

كاتب النص الأصلي : كهربجي مثقف

إذا بتحبّوا منردّ مو مشكلة

حدا بيعرف مين خالد العظم؟؟؟ اللي بيعرفو بيعرف شو سبب (التخبّط السياسي الذي سبق وصول حزب البعث إلى السلطة)

لأ الطبابة و التعليم عنّا وضعون أسوأ بكتير من اللي مكتوب بالمقال.. ألوووووووووووو يا عاااااالممم يا بشرررر... معقول ما حدا حسّ قدّيش الوضع المادّي للمواطن ساء؟؟ يعتي من وقت القانون الأعرج رقم 10 بلّشت نعم سياسات الحكومات الفاسدة الاقتصاديّة تهطل علينا من عالي سماه...

لأ الوضع الغير السياسي أسوأ من السيّء... حتّى طائفيّاً... نحنا طائفيين أكتر بكتير ما بتتخيّلوا..

بعدين ما حدا سمع بعقوبة الإعدام تبع الصحفيين اللي حكوا عالفساد بتهمة معاداة النظام الاشتراكي؟؟


جاوبوني على هي الأسئلة بس

في دولة بتحترم حالها بيضل عندها بالقانون شي اسمو جرائم شرف؟؟

في دولة بتحترم حالها بتعتمد على نسف الشي المنيح بالاشتراكيّة الفاشلة اللي حاولت تعملها كرمال ترفع دخول محدثي النعمة؟؟؟

في دولة بتحاكم بشر بتهمة معاداة النظام الاشتراكي؟؟ وإضعاف معنويات الجماهير؟؟ ومعاداة أهداف الثورة؟؟

عيب نحكي على شي مو واعينلو يا جماعة... الخصخصة دابحتنا... لك والعلّة أنو الشغلات اللي لازم تتخصخص ما حدا عم يخصخصها...

مبروك... مبروك عليكن اللبواني الحيوان وشلّتو و الغادري والأخوان.... خليكن نازلين باليسار الوطني اسمحوا للقبيسيّات بالعمل في الجوامع... تتهنّوا...

بس الشباب تارك هالبلد وماشي... وشوفو أرقام الهجرة

على ما اذكر المادة رقم 10 من قانون العقوبات الاقتصادية(مقاومة النظام الاشتراكي)

بس في مادة تانية هي رقم 21 اضعاف الثقة بالاقتصاد الوطني

وفي حالات كتير منها وبعرف ناس شخصيا عانو منهن

[oliver68]

أكيد ممراسات الحكم و طريقة توزع المكاسب و السلطة عم تعمق الطائفية ، بس ما بعتقد أنو الاستفادة محصورة بطائفة معينة و كذلك القمع مانو مرتبط بطائفة معينة و فينا نستعير الشعار اللي رفعوا الشباب المصريين بمظاهراتهن بإشارة إلى مماراسات النظام المصري:
الدين لله و التعذيب للجميع ..
سبق و تناقشنا بهي القضية بموضوع النعوات تبع ميشيل كيلو
يعني بالمختصر فينا نقول في أقلية مستفيدة (من مختلف الأطياف) و النتائج و المعاناة واقعة على الجميع (من كل الأطياف) بدجات مختلفة هني و حظون بهالحياة

و الله أنا معك دانيتو، بس ولا مرة فتت على دوائر حكومية؟؟؟ و الله أنا ما بفوت على دائرة حكومية سواء النفوس ولا الهجرة و الجوازات ولا شعبة التجنيد لك حتى وزارة التعليم العالي....الخ إلا و بتلاقي الموظفين عمبيقاقو، ما شرط علويين يمكن قرويين، بس بالأغلب علويين، و كلن حزبيين و بالواسطة، دانيتو، لو عميشتغلوا صح و الله ما بزعل بالعكس بفتخر و برفع راسي فين، بس يا أخي هني و قلتهن، ماعمبساووا شي إلا طق الحنك و القفلة عالعالم!!!!!!! أصلن من يوم ما تولى النظام الحاكم البعثي السلطة ظهرت الطائفية بيناتنا، و على فكرة من طرف واحد بس، قلي إنتي مانك شايف شبابنا قاعدين و ما عميشتغلوا، و بالعكس عمينحبسوا فوق اللي هني فيه، و بعرف في منن علويين بس الأغلب أهل مدن، و العلوي بينخاف منو، هلأ إذا رحت عشي دائرة و صفيت بالدور-هي إذا كان موجود- مو العلوي غصبلعنك بيتعداك، و الله صارت معي لما رحت عالنفوس مشان شوف الهوية طلعت و لا لأ، وقفت صرلي شي ساعة عالدور، ما بلاقيلك إلا واحد علوي صار يحكي مع الموظف و قلوا شفلي هالوراق، و باللهجة العلوية بتصدق أنا جنيت وقتا و ما سكتت، رحت شكيت لعسكري كان بالمهجع جوا النفوس-آل يعني مشان ضبط النظام- بتعرف خوزقني و مشاه و طلعت أنا بسواد الوش، ليش لمجرد إنو من جماعتو، أنا ماني طائفي، بس يا أخي الظلم بشع، و الله بشع، و أنا ما بكره أي طائفة شو ما كانت، بس أغلب الجيش و المسؤولين و المخابرات من جماعتن، حدا بينكر هالشي، و اللي بينكر خلي يفوت عالدوائر الحكومية و يشوف الذل و الإهانة، و أنا كمان عرفان إنو الأوضاع اللي بتخ*ي نازلة عالشعب كلو بكل طوائفو و ناسو، و الله يا شباب سمعتا بإدني من واحد صاحبي من جماعتن قللي ياها بالتم المليان و على عينك يا تاجر، قللي "حررنا الشام" بقى قللي شو رأيك؟؟؟؟؟؟؟؟؟؟؟؟؟؟؟؟؟؟؟!!!! !!!!!!!!!!!!!!!!!!!!!!!!ولسا صارت مواقف كتيييييييييييييير على نفس النمط، بس مابدي احكي شي تاني مشان ما يقولوا عني طائفي و عنصري، والله في ناس من إخوانا العلويين مظلومين و مو راضين عاللي عمبصير، بس هدول قلة و ما قلن كلمة و مو طالعن بإيدن شي، بس هاي النقطة بالذات من منجزات الحركة التصحيحية و النظام الحالي.

أما بالنسبة للشعر فهوي لنزار قباني، و طلعت كتييير إشاعات عهالموضوع، بس 100% لنزار، و أخي كريمبو البيت اللي حكيتو إنتي مو هيك و هوي" لو أدى البعث رسالته...لجعلنا الصهيوني يركع" بس مو مصلحة نظامنا يطبق رسالة البعث صح، لأنو إذا طبق صح منصير دولة ديمقراطية و عادلة، و هاي مو من أهداف الحركة التصحيحية!!!!!!!!!!!!!!!!!!!!

[COSTA]

يعني هاد الحكي فيك تحكي بالشارع ؟؟؟؟؟؟؟؟؟؟
بتصير ببيت خالتك والدبان الازرق ما بيعرف وينك!!!!!!!!!!!!
شو العمل برأيك تعمل ثورة
ما بيطلع بأيدك لانو يلي بدو يوقف معك بكون مخابرات ويلي بدو يساعدك بيكتب تقارير (خطو حلو)
بعدين حررنا الشام اي تركو يحكي يلي بدو يا الشام بضل الشام شامة وشوكة بحلق الكل
في متل بدي قولو (اذا قلبت المنقلة بيتخبو ببخش الفارة)

[oliver68]

مفكرة يعني ماني حاسب هالحساب، شمس بلادي و بعرفا، بس شبدي أعمل رح انفجر، ما صدقت إيمتا بقيت هالبحصة، العمى بقلبا شو كبيري.
بعدين شو ثورة و ما ثورة... استري علينا الله يستر عليكي، لساتني شب و المستقبل قدامي، ما هيك هني بدن؟؟؟؟!!!!!!!!!!!!!!!
بس متل ماقلتي، الشام شوكة بحلق الكل، الله يحفظها و يعافيها، و شكرا عالمتل اللي حكيتي.

[COSTA]

كاتب النص الأصلي : أبو طريق

مفكرة يعني ماني حاسب هالحساب، شمس بلادي و بعرفا، بس شبدي أعمل رح انفجر، ما صدقت إيمتا بقيت هالبحصة، العمى بقلبا شو كبيري.
بعدين شو ثورة و ما ثورة... استري علينا الله يستر عليكي، لساتني شب و المستقبل قدامي، ما هيك هني بدن؟؟؟؟!!!!!!!!!!!!!!!
بس متل ماقلتي، الشام شوكة بحلق الكل، الله يحفظها و يعافيها، و شكرا عالمتل اللي حكيتي.

تكرم شواربك ورح الك شغلة
خليهن احسن ما يجي حدا تاني ويصير بدو يعبي الجرة من اول وجديد


ملاحظة : انا شب مو بنت

[oliver68]

عفوا أبو شريك العتب عالنظر
بس يا زلمي شو يعبو ما يعبو؟؟؟؟؟؟ خلي جرتي فاضي يستر عرضك، مو ناقصني، و ما دبي شي من هالدنيا، خليني اتوكل و جرتي فاضية، ما عندي مشكلة.

[COSTA]

عفوا فيروز و معذرة.. أجراس العودة لن تقرع
خازوق دق بأسفلنا .. من شرم الشيخ إلى سعسع
من أين العودة والعودة تحتاج لمدفع
و المدفع يلزمه كف
و الكف يحتاج لإصبع
و الإصبع ملتذ لاهٍ .. في دبر الشعب له مرتع....

عفوا فيروز و معذرة.. أجراس العودة لن تقرع
خازوق دق بأسفلنا .. من شرم الشيخ إلى سعسع
خازوق واحد ..... نحن نجلس فوق حقل خوازيق .... وكلما نزعنا خازوقا دقوا لنا عشرة خوازيق .
وكيف نسمع أجراس العودة ... وكيف نسمع اجراس العوده بين أزيز الطائرات ودوى وقصف القنابل
والخازوق ليس من شرم الشيخ الى سعسع ..... وانما من المحيط الى الخليج .
وعفوا ايتها القومية العربية .... رحمك الله .

[oliver68]

يسلمو إيديك معلم، بس يا ريت يكون عندي القصيدة الأصلية كاملة

[COSTA]

كاتب النص الأصلي : أبو طريق

يسلمو إيديك معلم، بس يا ريت يكون عندي القصيدة الأصلية كاملة

عم بحبش عليها

[oliver68]

عم بحبش عليها

هي هي، سبقتك من زمان، لفيت الانترنت لف، من أولو لآخرو و ما طلعت القصيدة كاملة، بس مو غلط، حاول، بركي إيدك مباركة؟؟؟؟؟؟؟؟

[كهربجي]

شو الشباب المؤيدين ما حدا ردّ... هه

[Reemi]

شو صاير هون؟؟!؟ ؟!؟!

ليش هيك الردود طويلة ارحموني ..كيف بدي اقراهن.....

[Reemi]

هههههههههههه ضيعت وقتي للاسف بقراءة ردود بعض العالم...

وردود طويله وانا بلى واسطة ديقه خلاقي ...!

ما علينا...
الظاهر في عالم..خارج حدود بيتها ما لازم تفتي...
وفي عالم بضل تحكي..انا مو هيك انا مو هيك..بس لو مانها هيك..ما كانت كتبت هيك..
وفي عالم : عم تحكي عن اشياء من عهد جدي وجدها..
وفي عالم: لو ما الحقد الاسود ع كل شي مالي قلبوها ما بتحكي هيك
وفي عالم: ما بتعرف شو يعني انو احمد ربك لسا عايش ببلدك..مو ملعون ربك بالغربة..!
وفي عالم: بدها بس تحكي..مشان انا هون انا هون..
وفي عالم: بتعمم شي واحد صار معها..ع كل شي...
وفي وفي وفي....!
وكمان شوي بكمل
لاني مشغولة........
وما فاضيه...

[Majood]

كاتب النص الأصلي : Reemi

وفي عالم: ما بتعرف شو يعني انو احمد ربك لسا عايش ببلدك..مو ملعون ربك بالغربة..!

الف سنة غربة و لا عيش دقيقة ذل ببلدي ( بلدي )

[oliver68]

الف سنة غربة و لا عيش دقيقة ذل ببلدي ( بلدي )

يسعدلي ربك مجود، و الله إنك عراسي من فوق و بتفهمي.