كائنات فضائية تثبت عدم وجود الله

[ma7aba]

أيضا أستطيع ان اجزم لك ان البوذيين في التيبت يعيشون اكثر طرق الحياة سعادة و صحة بعزلتهم و تنسكهم و قربهم من الطبيعة... ما دخل كل هذا بوجود خالق و مهندس للكون؟؟

البوذيين يؤمنون بالله والذي يعتقدون ان اسمه بوذا وهم لا ينكرون ان هناك حياة اخرى وان هناك مهندس للكون وبذلك نعود لنفس النقطة أن سبب السعادة هو مهندس الكون الذي لا يموت

العائلة التي تطور منها الانسان هي ال hominids و ظهرت من 3 ملايين سنة. و أحب أن أعرف اي مصدر علمي قدر ان تزايد اعداد السكان من ذلك الوقت حتى اليوم سيستهلك 5-6 كواكب؟ أم انه كلام من اجتهادك الشخصي؟

طبعا و ال homo sapiens الذين هم البشر الحاليون ظهروا من 150 ألف سنة.

شكرا

كلام جميل طب الفصيلة الأولى من اوجدها

[SABE]

كيب دائماً هالسؤال بيطرح نفسو ...
من الخلق هالشي ومين خلق هالشي .. ووصلنا مثلاً على الخلية ... وبعدها السؤال يلي المؤمنين بالله بيسألوه ... و هو مين خلق الخلية ؟؟
لأنو برأيون هو الجواب الله ...
طيب مين خلق الله ؟؟؟ هون عاد العالم بتعتبر سؤالي كفر ...
يعني كل نقطة و الواحد بيعرف الشي يلي ساواه لحتى يوصل على الننقطة قبل النهائية و بيقول إنو الله خلق هالنقطة .. لأنو ما بيعرف شو في بعدها ..

[حسون]

كاتب النص الأصلي : ma7aba

البوذيين يؤمنون بالله والذي يعتقدون ان اسمه بوذا وهم لا ينكرون ان هناك حياة اخرى وان هناك مهندس للكون وبذلك نعود لنفس النقطة أن سبب السعادة هو مهندس الكون الذي لا يموت

كلام جميل طب الفصيلة الأولى من اوجدها

أولا بوزا إنسان
ثانيا صرت قايل مليون مرة أنو إذا في شي ما توصلو العلم ما يعني أنو الله سببو

[HashtNasht]

طب انا اللي رح اثبتلك انه موجود الإنسان عندما يقع بأزمة خطيره جداً مهما كان ملحداً أو شيوعياً أو الخ مالذي يقوله بدون وعي
أنتظر الإجابة

بقول ...تحب احبك حبة حب حب احب من حب الاحباب ..ولا تحب احبك حب حب حبيب واحبا لاحباب ...
يعني ماني متأكد تماماً بس بتخيل انو هيك بقول الانسان الشنوعي الكافر ...المصاب بآفة الالحاد ....


عم امزح ....يعني عادةً البني ادم ..اذا كان شو ما كان بضل يجيب سيرة الله ...يعني تخيل اربع شباب عم يلعبو تركس مثلاً...اي ما بخلو الله ما بنزلو ع الطاولة...و طبعاً بكل مودة يعني....يعني هدول عم يلعبو اركس مانهن لا شيوعية ولا ملحدين.

بزمناتو كان عندي رفيق طلع من فحص بالجامعة مانو كاتب منيح و يعني كان مزعوج شوي..سألتو انو شو القصة ..قلي يا زلمي سفينة برغل كل حبة برغل فيها تقول يلعن الله مليار مرة ( يعني انا ما قدرت احسب الرقم بالضبط بس بتخيل انو بيطلعو اكتر من ستة :P ..علماً انو رفيقي غير مطلع على افكار كارل ماركس او فلاديمير لينين ..ولا حتى بوتين يعني )

اخ محبة...الانسان بطبيعه البداءية يميل نحو السهولة...و الأمل ...و الرجاء....و حب الحياة....و هاي غريزة بتساعد الانسان عالبقاء.لأنو مقارنة ببقية الحيوانات و الكائنات الحية الأخرى الانسان ما عندو تكوين مورفولوجي للدفاع ( مافي مخالب او انياب او سرعة فائقة ولا قدرة على الطيران و لا اشواك على الجلد ) .
من جهة تانية ..الانسان عندو الوسيلة الأقوى للبقاء...و الأميز...و الأكثر فعالية ..و اللي بتعمل تمايز حقيقي بين النسان و بقية الكائنات ...هي القدرة على التفكير ...القدرة على استخدام الادوات ...القدرة على ادراك البعد الرابع للكون .

هلق من خلال هالميزتين للانسان ...كان سلوك الانسان غبي نوعاً ما ببعض الاحيان ....بمعنى انو هو بدل ما يستخدم قدراتو العقلانية لمواجهة مخاطر الحياة و الصعوبات اليومية و غير اليومية ...منطلقاً من الامل و الرجاء..كانت تتغلب غريزة حب السهولة بحيث انو استخدم قدراتو على التفكير و التكوين لخلق الأمل و الرجاء (الله ) حتى في حال عدم وجودهما اساساً ...و شوي شوي صار ( الله ) شماعة ...بعلق عليها الانسان شو ما بدو ...يعني بنظرة سريعة للبشر منشوف انو كل انسان بيستخدم الله استخدام مختلف عن الاخر...ناس بتستخدمو لتعمل مصاري ..و ناس مشان تقدر تنام بالليل ... ناس مشان تعمل حروب..و ناس مشان يتجوزو نسوان اكتر...و ناس مشان ينظمو الحياة اكتر......الخ

محبة...الله موجود...ولكن وجود الله مرتبط بوجود الانسان...يعني لا وجود لله قبل ان يخلقه الانسان و فكرة الله تزول نهائياً بزوال الانسان .....الا اذا صار الشجر يفكر مثلاً ..و انا بستبعد هالشي.
طول ما في ناس عم تقول انو الله موجود ..ما رح نقدر ننفي وجود الله ( نسبياً )
هاد بخصوص الله ...اما الاديان فهي حديث تاني ..وبصراحة ما بحب احكي كتير بالاديان لأنو بشمئز من الديانات على مختلف انواعها...الدين هو اسوأ الطرق اللي ابتكرها الانسان لتنظيم الحياة ..و من ابشع الوسائل اللي استخدمها الانسان للسيطرة و الوصول الى السلطة...و وقت بحكي عن الاديان ما بقصد اي اهانة لمتبعي هالاديان ..لأنو بعتقد انو اي انسان هو حر يتدين بقدر ما انا حر اني الحد. وهاد الشي لازم يكون واضح تماماً ....يعني خلص ..ما بقا بدنا نسمع و لا نقرا ولا نشوف حكي من نوع ( هداية وتبشير و فتوحات و كرازة ) اخي اللي بدو يصلي يصلي ..و اللي بدو يصوم يصوم..و اللي بدو يترهبن يترهبن ..و اللي بدو يستشهد يستشهد ...بس ما حدا الو علاقة بربي

اذا انت شخص مؤمن ...بعتقد انو وقتك دوبو يكفيك لتقوم بواجباتك تجاه ربك ..و تجاه كنيستك ..و تجاه اخوتك بالدين ...يعني انا بستغرب كيف واحد ( مسيحي ) بلحق يقعد ع الانترنت و الكرة الارضية بهالحالة ؟؟؟ شي غريب

تستطيع أن تسخر من المسيحية أو تهزأ بها. لكنها فعّالة لأنها تغير الحياة. وإذا آمنت بالمسيح، فابدأ بمراقبة مواقفك وأعمالك لأن يسوع المسيح نشط في تغيير حياة الناس. لكن المسيحية ليست شيئاً يمكنك أن تجبر شخصـاً عليه وتدسّـه في حلقهِ. فلديك حياتك الخاصة كما أن لدي حياتي الخاصة. وكل ما أستطيع أن أقوله لك هو أن أخبرك بما تعلمته واختبرته. ويظل القرار بعد ذلك قرارك وحدك

هاد مقتطف من مقالة لقيتها بموقع مسيحي...ليك ما احلاها ...يعني انا بعتقد انو الحكي هون ما بجيب نتيجة...اللي ممكن يغير قناعاتي هو الشي اللي بشوفو ع ارض الواقع ...و اللي ع ارض الواقع ..انو كل المتدينين من كل الاديان ..و انو كل اللي بامنو بالله و اللي ما بامنو بالله ..عايشين متل بعض (بالمطلق ) ..و اذا كانت الحكمة هي بالحياة بعد الموت ...اي ما زابطة منوب ...يعني كيف ما حسبتها رح يطلع اكترية العالم اكلين هوا بهالحياة التانية

اذا كان الله موجود فهو معنا ( نحنا الملحدين ) لأنو .و اذا كان موجود طبعاً رح يكون منطقي و عقلاني ( لأنو الله ) ..و ما رح يقعد ينكشلنا شو مكتوب بالكتب ...و شو مرسوم ع الحيطان ...رح يقلنا اخواتي انتو كنتو مناح ...و منيح انكن كنتو هيك.

بالختام بقول

...يا ملحدي العالم ....الله معكم ...الله ملحد

[to live is to die]

أولا بوزا إنسان
ثانيا صرت قايل مليون مرة أنو إذا في شي ما توصلو العلم ما يعني أنو الله سببو