|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
12/03/2005
|
#37 | ||||||||
|
عضو
-- زعيـــــــم --
  |
اقتباس:
أما منشان حزب البعث فهوي حزب يميني منذ انشقاق حزب العمال الثوري العربي عنه و الله يخليك يا أستاذ لا تحكي بشغلي ما بتفهم فيا
ΕΛΕΥΘΕΡΙΑ ΣΤΟΝ ΣΑΒΒΑ ΞΙΡΟ
|
||||||||
|
|
12/03/2005
|
#40 | |||||||||
|
عضو
-- زعيـــــــم --
|
اقتباس:
 |
|||||||||
|
|
|
12/03/2005
|
#41 | ||||||||
|
عضو
-- زعيـــــــم --
|
اقتباس:
يعني ما متل الرد تبع جوي |
||||||||
|
|
|
12/03/2005
|
#42 | |||||||
|
مشرف متقاعد
|
اقتباس:
J.S: Death is the solution to all problems. No man = No problem.
|
|||||||
|
|
|
13/03/2005
|
#44 | |||||||
|
مشرف متقاعد
|
للأخ حسون بدي قول:
اقتباس:
1- الشخص يلي عم تحكي معو ما بيفهم بالموضوع المناقش 2- إنت بتفهم بهاد الموضوع و بكرا بيجي يوم و بتكتشف إنك بشو بتفهم. بس يعني وقتا بعتقد إنك بتكون خسرت أغلب الناس يلي إنت كنت بتهمون و بالمناسبة يا ريت تخبرنا شو الإسم الكامل تبع حزب هتلر إذا بتعرفو على كل حال رح يعتبو عليي الشباب لأني رديت عليك بس يعني حكيي هون هو من باب إنو بري ذمتي منك أما بالنسبة لحديثك عن الأخ جو فبحب خبرك إنك مالك سلطة إدارة الحوار هون و إنو موإنت يلي بتحدد إذا حكيو مهم ولا لاء يعني لسا بالدنيي في مقامات طبعاً مو مقامات متوارثة، و إنما مقامات مكتسبة من الرصيد الفكري و النظري يلي قدمو كل واحد بهالموقع و بغير مجالات
لطالما قلت أن الإنسان هو إنسان ما لم يتخلى عن كونه إنسان
لكني الآن أقول أن الإنسان يبقى إنسان حتى لو تخلى عن كونه إنسان، إذا بقي على وجه الأرض إنسان لم يتخلى عن كونه إنسان |
|||||||
|
|
|
13/03/2005
|
#45 | |||||||
|
مشرف متقاعد
|
اقتباس:
..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت ..
|
|||||||
|
|
|
13/03/2005
|
#46 | ||||||||||
|
مشرف متقاعد
|
اقتباس:
تانياً: تفسير البراغماتية هو المفتاح لفهم ما ذكرتو عنها و أعتقد إنك تمتلك التفسير الخاطئ تالتاً: حديثك الأول عن الحزب السوري القومي الاجتماعي دعاني للاستفسار عن ما تعنيه، و نظراً لعدم امتلاكك ما تستند عليه لتكوين وجهة نظرك و إثباتها كما ظهر في حديثك التاني فبرأيي الأخوي عليك إنو تعتذر من أعضاء الحزب و مناصرينو و مؤيدي أفكارو عن تعرضك إلو بتهجم غير موضوعي لا يتناسب مع رصيدك الحواري السابق أما بالنسبة للمالكي فيلي قتلو هووي من أعضاء الحزب ولكن بعمل فردي استنكر من الحزب بجميع قياداتو و ما كان بمصلحة الحزب أو الوطن و هووي عمل مرفوض وقتها و حالياً أما بالنسبة لكل خائن حبيب فهاد خط مستمر باستمرار ظهور خونة و باستمرار وجود شعب حي بهالأمة و مانو مرتبط بالحزب السوري القومي الاجتماعي لحالو رابعاً: بالنسبة لحزب الله اللبناني أكيد إنت بتعرف إنو الحزب اللبناني مانو فرع أو امتداد لحزب الله الايراني و ما في أي رابطة تنظيمية بتجمعون و بالتالي ما فينك تسقط سياسات الأول على التاني وخاصة بالأمور غير المبدئية يعني وقتا بتكون متل يلي عم يقول أنو الحزب الشيوعي اللبناني هوي نفسو الحزب الشيوعي الروسي و تنيناتون ضد استقلال الشيشان مثلاً خامساً: انتهى زمن الأبطال يا بطل  و والله ما بدي تفهم ردي إلا بمودة  |
||||||||||
|
|
|
13/03/2005
|
#47 | ||||||||||
|
مشرف متقاعد
|
اقتباس:
اقتباس:
اقتباس:
حزب لا يخضع اعضاؤه للضوابط الحزبية ..و يحمل من ازدواجية التفكير ما يحمل ..و يتفاخر تحت الطاولة بما يدين للعلن ..ما فيني سمي حزب . القوميين يتغنون بمقتل المالكي ( شهادة شخصية ) و الحزب يدين .. الحزب اللي اتنكر متل ما عم تقول مقتل المالكي ..ضل منقسم لسنوات طويلة بسبب هالحادثة ..ممكن نفهم ليش؟ الحزب اللي تبنى عملية اغتيال بشير الجميل و اطلق الشعارات و الهتافات و التهليل بصحفه الرسمية و باوساطو الشعبية بعملية تفجير قتلت مع الجميل العشرات ....رجع تراجع و قال انو الحزب برئ ؟؟؟ الخط الوطني ما بيعطي الحق لحزب ( اي حزب كان و مهما كانت افكارو معتقداتو ) انو ينصب نفسو قاضي على ابناء الوطن ... الاغتيال و القتل و الترهيب مانها احد طرق العمل السياسي المتعارف عليها بين ( الأحزاب ) . اذ بدنا نحكي الواقع و لحتى تتصحح الصورة ...انا بنتظر الاعتذار من الحزب السوري القومي الاجتماعي ...الاعتذار من ابناء الحزب و من ابناء الوطن عن كل الأخطاء السابقة ....وقتها ممكن يستحق مني شخصياً اسم حزب اقتباس:
قد يكون حسن نصر الله الأمين العام للحزب...بس قيادة الحزب حقيقة موجودة بطهران ..و القرارات الكبرى بالحزب ما ممكن تتاخد الا بعد الرجوع لولاة الأمر في ايران... بالنسبة لأحزاب الشيوعية ...بدنا نميز شغلتين الأولى : الحديث عن الأحزاب الشيوعية مختلف قبل و بعد الاتحاد السوفيتي التانية : الحديث عن الاحزاب الشيوعية مختلف من مكان لمكان آخر يعني قبل انهيار النظومة الاشتراكية السوفيتية ..كان في نوع من محاولة فرض الهيمنة من قبل الحزب الشيوعي في موسكو على الأحزاب الشيوعية في العالم ( انو ع أساس نوع من المركزية ) و كان في احزاب خاضعة لهالمركزية و احزاب لاء. من الأحزاب القليلة جداً بالمنطقة اللي رفضت الخضوع للهيمنة السوفيتية هو الحزب الشيوعي اللبناني.....طبعاً بدون ما يقدر يفك ارتباطو نهائياً بموسكو و م المعروف انو الاتحاد السوفيتي كان يستخدم علاقاتو الاقتصادية مع حكومات الدول الحليفة للضغط علة الاحزاب اليشارية الغير خاضعة لموسكو ... فمثلاً خالد بكداش ...هو شخص كتير كوول بنظر ( الرفاق ) بموسكو ..و بالتالي يرخص له من قبل السلطة في سورية لحتى يكون امين عام ( ومورث ) للحزب في سورية . بينما منظمة العمل الشيوعي ( الغير موالية لموسكو ) هي منظمة ممنوعة و سجن اعضائها لعشرات السنين في سوريا . يعني مع انو الحزبين شيوعيين بس واحد بالجبهة و التاني بالسجن ..و طبعاً هون القرار لموسكو ..ما متل ما بيعتقد البعض انو قرار محلي مثال تاني مكتوب بالدم ....اغتيال الشهيد فرج الله الحلو ( جيفارا العرب كما يسميه البعض ) و اللي اشترك بهالجريمة كان النظام الناصري و على رأسه عبد الناصر شخصياً ...و ( الرفاق ) السوفييت ..و ادوات السوفييت البكداشيين في سوريا . فاذاً ...بتقدر تقول انو الحزب الشيوعي السوري هو نفسو الحزب الشيوعي السوفيتي ( وهاد الشي بفسر كونو حزب ميت حالياً و اكرام الميت الاسراع في دفنه ) ..اما الحزب الشيوعي اللبناني فهو وبحكم وضعو السابق عم يقدر يتجاوز المرحلة السوفيتية و ينطلق بصورة بتناسب العصر .من جهة تانية الاحزاب الشيوعية بتختلف من مكان لمكان ..و المثال هو الحزب الشيوعي الصيني ..و الكولومبي و الفيتنامي و السوفيتي ..نماذج مختلفة و متباينة بدرجات واضحة. و ما بعتقد في داعي للشرح اكتر من هيك |
||||||||||
|
|
|
13/03/2005
|
#48 | ||||||
|
عضو
-- زعيـــــــم --
|
أخي أستاذ أنا بعتذر لني قلتلك الشغلي يلي ما بتفهم فيا ماتحكي فيا بس إذا مابدك هيك قلك إنتا كمان ما تقلي هيك
و بعدين لساتني مقتنع أنو البعثيين و القوميين السوريين و النازيين هني يمينيين متطرفين فاشستيين و بعدين من شو بيشكي هشت ناشت لحتى تأسف على الزمن يلي فيو هاشت ناشت بطيب لحسون أما منشان حزب الله فهوي حزب ديني و كما يقول كارلماركس الدين أفيون الشعوب أي أن الدين يخدر الناس و يمنعهم عن النضال بخرافة الحياة الثانية التي سيأخذون فيها حقوقهم و هكذا فالأحزاب الدينية تكون مؤيدة للنظام العبودي في الأنظمة العبودية و الإقطاعي في الأنظمة الإقطاعية و الرأسمالي في الأنظمة الرأسمالية |
||||||
|
|
|
14/03/2005
|
#49 | |||||||||
|
مشرف متقاعد
|
اقتباس:
أما بالنسبة للحزب السوري فما حدا عم يقول إنو ما كان عندو أخطاء و حتى أعضاؤو ما بقولو هيك و شي طبيعي يكون عند البعض اعتراضات على بعض فكرو و ممارساتو و إلا لكان الجميع انتسبلو بس يعني إنك تتطلع على حوادث معينة بتاريخ الحزب و تلخص تاريخو فيها فهادا شيء أقال ما يقال عنو إنو ظالم فمساعي الحزب لتحقيق النهضة السورية ما لازم تختصرا بعملية اغتيال الحزب مختلف عليها متل ما عم تقول و إنما برصيد الحزب في عمل نهضوي بالمجالات الاجتماعية و الفكرية و الأدبية و أعلامو من الفنانين و الأدباء و السياسيين و الحقوقيين قدمو كتير للمنطقة و شاركو بتكوين وعي جماهيري سياسي و فكري و فني اقتباس:
بس يعني القصة يلي عم تحكي عنها كانت إذا ما نا منطقية فهي على الأقل أكثر منطقية من الوضع السائد بحينا و الوضع الامنطقي لما بيفرض حالو بيستوجب أحياناً التخلي عن المنطق بالتعاطي معو طبعاً هي حالة كتير متطرفة و لا يجوز تعميمها............ هه منشان لحق حالي  اقتباس:
لأنو ممكن إذا رطَّب يخلل و إذا خلل بضل فينك تستعملو بالفتوش......... إي طول بالك عم بمزح يا زلمي :P لاء الحقيقة هون وصلنا لنقطة الرأيين فيها واضحين و مختلفين و ما في أي مشكلة و تحياتي أخي حشنشت  |
|||||||||
|
|
|
14/03/2005
|
#50 | ||||||
|
القــــــــــــــــــائم
|
الحقيقة انا قرأت المقال بالصفحات الخمسة واستمتعت جدا بالنقاش الجميل الي دار .. (بغد النظر عن الإختلافات او النكشات)
وما حيتسنى الوقت لي للرد على كل نقطة منفردة من النقاط الي اراها بنظري لات توافق فكري .. بس حقول رأيي عامة .. بالنسبة للشيوعية وفكرها.. الدين افيون الشعوب .. والشيوعية افيون الكسالى و الفقراء.. هيك باختصار.. الدين بيوهمك بالحياة الأخرى .. وانو يا عمي ما تاكل هم بكرا جاييك ايام رهيبة (بالحياة الأخرى) بس اصبور.. الشيوعية بتوهمك انو يا خيو انت صحي شخص كسلان .. وشخص ما اجتهد بحياتو (سواء درس او اشتغل او اتثقف او او ..) بس ولا يهمك احنا اذا عملنا شيوعية ما رح بنميز حدى عن حدى والكل بدو ياكل (الكسلان الي متلك .. والفهمان الي تعب على حالو متل مديرك ولا رئيس مصنعك ولا جارك هذا الي عندو بي ام دبليو ولا هداك الي راح خطب البنت الي كنت بتحبها كرمال انو هوي دكتور جاي من اميركا ولا ما بعرف شو .. ) رح بنحطكم مع بعض كلكم بنفس الشختورة .. ولا يهمك .. وهذا صاحب المعمل الي بيعكيك الXXXX ليرة بأخر الشهر وبيطلع هوي XXXXXXXX ليرة وانت طاقة عينك منو .. اي ولا يهمك .. اتركلنا ياه احنا .. هذا احنا حندقو خازوق وانأمملو مصنعو .. (شلون ضحكنا على بريطانية بعد ما كانت داقة عقد معنا استسمار قناة السويس 99 سنة كرمال تعملنا القناة .. هيك احنا طلعنا اذكيا اكتر منون .. هني عملولنا القناة ومفكرين قال حنعطيهم نسبة ل99 سنة .. ها .. على مين .. روحو العبو بعيد )اي هيك حبيب ولا يهمك احنا ازكى من الكل .. ومنأمم الله اذا بدك .. يعني انا لا أرى للاسف في الشيوعية اي قابلية للتطبيق على الواقع لا فكرا ولا تطبيقا (يعني حتى نظرياتها بحد ذاتها لو شلت التطبيق الخاطئ على جنب .. اي النظريات بأساسها خاطئة او خلينا نسطلح على انها ليست الأصح للتطبيق) انا بعتقد بان البشرية مرت سابقا بنظام اشتراكي واتطورت بعدها للنظام الرأس مالي .. (من الااااااااااف السنين .. وعلى ايام الأنسان الأول كان في اشتراكية ضمنية بالنظام الإجتماعي .. بس نتيجة انو البني قادم بطبعو طماع اتحولت او اتطورت لنظام رأس مالي .. ) ومشكلة الإشتراكية انها لو بدك اتطبقها اليوم على ارض الواقع بينفع .. اي بينفع وبتكون رهيبة جدا .. بس بشرط واحد.. تنزع الطمع من قلوب وعقول كل البني قادمين .. هيك عاد اي بتنفع .. وغير هيك لا كانت بتنفع ولا حتصير بتنفع .. اما عن الرأس مالية.. بدي افهم هلق انشاء الله مفكرين انو الحكومات هيي الي بتطعمي الشعوب !! بتاتا .. الحكومات ما بتطعمي الشعوب .. الحكومات لو بتقدر او بترغب وبدها اتطعمي الشعوب لك كاان طعمتون من زمان !!!!!!! شو الي مانعها اتطعمي الشعوب (لوكانت بتقدر او بترغب ..) ليس حكومة سوريا او امريكا او استراليا .. كل حكومات العالم ما بتطعمي الشعوب .. انما رجال الأعمال .. الرأس ماليين هني الي بيطعمو الشعب .. بس في دول العالم الرابع انو الحكومات ما عندها قدرة على اطعام الشعوب والحكومات ضد الأغنياء والرأس ماليين .. (غير الصعليك مهم ) بالتالي الشعوب ما عم تاكل لانو لا الحكومة بتطعمي الشعب .. ولا عم بتخلي الرأس مالي رجل الأعمال يطعمي الشعب.. بدول العالم التالت .. الحكومة ما بتطعمي الشعب .. ولا بتخلي الرأس مالي يطعمي الشعب ((( إلا ))) لو طعماها !! يعني بدو يضطر رجل الأعمال يطعمي الحكومة ... ويطعمي الشعب ! وهون بدو يشيل من كفة ويحط بكفة .. وعمليا حيشيل من كفة الشعب (الي عم بيطعميه) ويحط بكفة الحكومة منشان يطعميها .. وهيك بيكون الشعب عم بيعيش بتعاسة اقتصادية نتيجة لسبب وحيد انو رب نعمته او الي عم بيطعميه صار بدو يطعميه ويطعمي الحكومة معو .. مو اكتر .. هون الشعب لو بدو يتطور ويتحسن ببساطة بدو يوقف بصف الرأس مالي رجل الأعمال وضد الحكومة هاي .. * قصدت بانو رجل الأعمال عم بيطعمي الحكومة .. ابتدائا من الضرائب مرورا بالضرائب وانتهائا بالرشاوي والبراطيل (ان وجدت الأخيرة يعني ) الي حابب قولو .. انو ليتطور اي مجتمع لا بد من تحصين رجال الأعمال .. اي هيك بالظبط وكل ما عطيت حصانة اكبر لرجل الأعمال كل ما اتطور المجتمع اكتر .. بالنهاية الطبيعة هي القانون الأول والأصح والأشمل والطبيعة والدارونية بتقول الحياة للأصلح !! والأصلح هوي الي بيستمر وبشكل اوتوماتيكي كلشي معو بيستمر .. (هذا من مصلحتو ببساطة طبعا .. يعني من مصلحة رجل الأعمال السوري يتحسن الإقتصار وتنتعش البلد لانو بيتحس شغلو .. واذا اتحسن شغلو وزادو موظفينو .. او زاد مدخولات موظفينو بيتحسن البلد .. وهلم جر...............) وتوصياتي بهال الخصوص (يعني الي بعتقد بتكون خطوات حكيمة نحو نمو واذدهار اجتماعي في اي دولة كانت ) -1 الغاء الضرائب (كل اشكال وانواع الضرائب) 2- تحصين رجال الأعمال (حصانة يعني) يعني سوق حر..(قال بيعطو اعضاء البرلمان حصانة .. لك هدول يا عمي محصنين هيك ولا هيك محصنيني .. ومانهم بحاجة لهال الحصانة الموهوبة .. الي بحاجة للحصانة هذاك المعتر رجل الأعمال الي خايف بأي لحظة اتطب عليه الدولة ولا اي من اياديها .. الي خايف بكل لحظة وبأي لحظة يعملولو حجر على املاكو واموالو المنقولة وغير المنقولة .. هذا الي بدو حصانة مو هدااااااك.. هذا نفسو الي كنا عم نحكي من شوي انو هوي الي بيطعمي الشعب مو الحكومة .. ) 3- خصخصة كل المرافق والموارد الطبيعية للدولة من آبار النفط انتهائا بماء الشرب والمجاري .. 4- قانون الزامي لكل البنوك 0% فائدة (وحاجي كسل .. ) هدول طبقهم لو بجهنم وعلى مسوليتي بتصير جنة .. ولا مو اي جنة .. جنة عدن كمان ولما بيموت مليون واحد من الجوع بأي بلد يا ريت ما حدى يزعل عليهم .. بالعكس انبسطو للهال الشعب الزكي .. انو يموت مليون واحد من الجوع يعني عطو مليون شاغر بالوظائف والمرافق والمستشفيات وال وال .. يعني صار في نقص بالأيدي العاملة يعني الموظف صار بدو يشترط على صاحب العمل مو العكس .. يعني صار بدو ياخد دوبل .. يعني صار بدو يصرف دبل .. يعني صار البلد نعنشة وبحبوحة .. اي انو يموت مليون من الجوع افضل بليون مرة من انو يعيش 100 مليون على الحفة ما بين الحياة والموت .. هدول العايشين ومييتين .. هدول الي بيطلعو اقل من ما عم يصرفو (وحق اكل بس ).. اي بلاهم هدول ... وبلا شفقة ورحمة على كام سنة .. خلي الي ما بيستح الحياة يتركها ليلي بيستحق الحياة .. وخلو الطبيعة تاخد مجراها بتنفيز قوانينها .. وخلو قانون الحياة للأصلح يكون فعلا الحياة للأصلح .. ودمتم
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|
||||||
|
|
|
14/03/2005
|
#51 | |||||||
|
عضو
-- زعيـــــــم --
|
اقتباس:
يعني لا تناقش بالماركسيي إذا مانك قريان عنها |
|||||||
|
|
|
14/03/2005
|
#52 | |||||||
|
القــــــــــــــــــائم
|
اقتباس:
لانو انا اساسا ما بناقش بنظريات نظريّة.؟؟ انا انسان واقعي !! بدي اعرف بس .. ليش بقالو اليسار من لما اخترعو اليسار كل ما وصلت الدفة لعندو بيقعد بيجرب بالنظريات الروبسپيرارية والماركسية والنظريات الإشتراكية والنظريات النظرية وبيجرررررررر معو الشعوب نحو الفقر والهلاك ..كل مرة اكتر من المرة الي قبلها .. الي عم بحكيه مانو نظرية جديدة .. الي عم بحكيه هوي واقع .. وواقع من غير ما اتفنجر عيونك بتشوفو .. |
|||||||
|
|
|
14/03/2005
|
#53 | ||||||||
|
عضو
-- زعيـــــــم --
|
اقتباس:
الثورة المسلحة هو الطريق الوحيد لإيصال البلورتاريا إلى الحكم و لكننا اكتشفنا أن العنف لم يوصل سوى إلى الاستبداد و الفقر |
||||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 23:41 (بحسب عمك غرينتش الكبير +3)