سوبر ستار - شهد برمدا او ابراهيم الحكمي ! - صفحة 3

Willi · 07/02/2006

على راسي على راسي
في شعر

(((الجنرال أبوجعفرالورد))) · 07/02/2006

اقتباس:

كاتب النص الأصلي : Willi

على راسي على راسي
في شعر

لك نيالك

القلب المنادي · 07/02/2006

والله انا ازعلت عليها موت
عنجد كان المفروض انها تفوز
عكل حال مافي عدل بهيك شغلات بنمرة

وردة شامية · 08/02/2006

بجد انا زعلت كتيررررر انه شهد ما حملت اللقب واظن مو حظها هو العسر العسر هو احنا السوريين اللي استهترنا نصوت الها اكتر واكتر ونحنا بنعرف انه كل الخليج رح تصوت لابراهيم مع احترامي اله
بس الحقيقة كانت شهد هي الاحق وقلها كانت رويدة عطية
ليش هيدا التقاعس عن التصويت
ما كل واحد كل يوم بيضبع ساعات على الموبايل بطق الحنك واما تجي على التصويت يقول في شي احق
والله شي بيزعل مع اني عملت اللي عليي وحاولت اجمعلها اصوات مو لانها بس بنت بلدي
لانها عن جد بتستاهل تكون سوبر
يمكن نظرية الفلوس بتحكي ظابطة
لانه فلوسهم حكت ونجحت ابراهيم
بس يا خسارة حتى بالفن ما لنا دور
ما بعرف شو منتظرين نحنا كلنا تابعنا وشفنا سوبر ستار واحد وكيف رويدة عطية خسرت بالتصويت
والله ما بعرف شو عم اكتب كل شي بعرفه اني زعلانة وعتبانة على كل واحد ما ساعد شهد
زعلاااااااااااانة من قلبي

shadi · 08/02/2006

اقتباس:

كاتب النص الأصلي : وردة شامية

العسر هو احنا السوريين اللي استهترنا نصوت الها اكتر واكتر ونحنا بنعرف انه كل الخليج رح تصوت لابراهيم مع احترامي اله
ما كل واحد كل يوم بيضبع ساعات على الموبايل بطق الحنك واما تجي على التصويت يقول في شي احق

والله انا صوتلها 25 صوت وحيات الله بس عدم المواخذة يعني مو كل هل شي يعني كانو يحلحلوها شوي من شركة أريبا بدل ال25 على الرسالة تكون 10 يأخي والله كمان هيدا ظلم منن هنن لشهد وألنا نحن يعني ما عاد الوضع بتحمل اكتر من هيك شو من وين عم نجيب المصاري
ماعندي نبع دوب بين التصويت والخطيبة وشوية شغل هل شهر راح الراتب على الفاتورة للموبايل
مشكور ياأمور

silin · 09/02/2006

لي صوت شهد كتير حلو

بس انو لي يعني البعض عم يوقل انو لازم تربح حتى لو عم تجعر نكاوة باللبناني لي هيي لولا اللبناني كانت دخلت من الاصل على هلبرنامج؟؟؟

shadi · 18/02/2006

اقتباس:

كاتب النص الأصلي : silin

لي صوت شهد كتير حلو

بس انو لي يعني البعض عم يوقل انو لازم تربح حتى لو عم تجعر نكاوة باللبناني لي هيي لولا اللبناني كانت دخلت من الاصل على هلبرنامج؟؟؟

معليش اذا ممكن انت اذا هيك رايك تحتفظ فيه لحالك
لانو معلمين الموسيقا بالبنان سفقولا وقالو هل شي
مشان هي انت حاج تجعر وتكر

(لاتواخذونا)
مشكور ياأمور