دعوه لايقاف الاستسخاف بارائنا

[Reemi]

كاتب النص الأصلي : أإأبو العبد

بس هاد الي عمنشوفو وبظن كلامك ياريمي فيو تجريح وياما اشخاص فاتو عالبريد والتعن اسلاف اسلافن بعد مايتكاترو المشرفين والمنسقين عليهن
الله وكيلك ماصار بريد صار فرع فلسطين

طيب هاد يلي عم تشوفو وللأسف مافيك تكتبو..

خليني وضحلك انت اخد فكرة عن فلان انو شخص تافه.. حريتك هي مابقدر اجبرك تفكر انو فلان مو تافه وبراحتك لاتتعامل معو.. بس تجي تكتب عنو انو تافه فهون بنجبر احذف ردك وخالفك

[LiOnHeArT.3LA2]

وإذا نحنا فعلا متل ماقال أحمد إني عمنتولدن فخليهن هنن كبار...ولا شو؟؟

زينة .. بتمنى ما تاخدي الحكي بشكل شخصي ..

احمد ما قال عن حدا انو عم يتولدن .. قال حاج ولدنة .. بالشكل العام .. وبس .. بتمنى تتفهمي هالموضوع ..


بس اللي بيحس انو عم يتولدن .. وحس انو هادا الحكي موجّه الو .. ابدا ما مشكلتو الزلمي .. وروح شايفلك .. خليا شوفي ورانا؟

[..AHMAD]

ماقال أحمد إني عمنتولدن فخليهن هنن كبار...ولا شو؟؟

اللي تفزلكو احمد بيك ... الله لا يصلحو .. ولا يعطيه العافية .. ويطلعلو عامود مدبب من رأسه ومبشّم ( حفاظاً عالمشاعر العامة يعني )

بالنهاية ... الادارة فيها غلط ... والاعضاء فيهن غلط ... وانا فيني غلط ... ولك الله الله ... بحد زاتو .. فيه غلط

يعني حكيت بالمجمل انا ... حكيت انو من الاعضاء بشكل عام يعني كـ تصرف اعضاء مش ك شخصيات اعضاء في ولدنة
من الادارة نفس الشي
مني انا نفس الشي

الله ما دخلو ترى .. حطيناه استشهاد يعني

فـ انو لا تواخزوه لهاد المضروب عقلبو اللي اسمو احمد ... انو ردو كلو عبعضو هوي فزلكة

لعما ضربني صحي

[Sarita]

يعني حكيت بالمجمل انا ... حكيت انو من الاعضاء بشكل عام يعني كـ تصرف اعضاء مش ك شخصيات اعضاء في ولدنة
من الادارة نفس الشي
مني انا نفس الشي

وحياة عيونك فهمانتك
ومع هيك لا حياة لمن تنادي

[saman]

كاتب النص الأصلي : Reemi

ابو العبد واممي:

مشان رد صن شاين فيه اهانة واضحة واتهام لشخص بالمتاجرة بقضايا معينة وهاد يعتبر تخوين نظامي يعني..

اي لكان بالمعية شوفيلنا ردنا .. يلي عم تدعي انو في اهانة متعمدة لعضصو آخر وين الاهانة بالموضوع

بس انو بتعرفي .. هالجملة ضحكتني كتير وفوق ما بتتصوري

Reason: الإهانة المتعمدة لعضو آخر.
-------
شخصنة الحوار والاستهزاء بالاعضاء والاستهزاء بقوانين اخوية مخالف..
-------

انو هي المخالفة اخترعتوها جديد يعني .. ما عاد لقيتو شو بدكن تخالفوا البشر فيه .. صرتوا تخترعوا مخالفات وتوزعوها
بتوقع اني ازا حكيت كلمتين زايدين معي .. فا حا تفرط معي الحكايا

انو ردودك بموضوع البريد من شي اسبوعين تلاتة هاد مو استهزاء واستحمار (حاشاني) ... للعضو يلي قدامك == انا

انو ازا قلت .. القوانين معفنة ... معناها مسيت بقدسية القوانين المنزلة !! وبستحق الاعدام شنقاً مثلاً !

انو كان في كلمة بتمي .. بس الها وقتها

[zeenaa]

كاتب النص الأصلي : LiOnHeArT.3LA2

زينة .. بتمنى ما تاخدي الحكي بشكل شخصي ..

احمد ما قال عن حدا انو عم يتولدن .. قال حاج ولدنة .. بالشكل العام .. وبس .. بتمنى تتفهمي هالموضوع ..


بس اللي بيحس انو عم يتولدن .. وحس انو هادا الحكي موجّه الو .. ابدا ما مشكلتو الزلمي .. وروح شايفلك .. خليا شوفي ورانا؟

ياعمي وحياتك ما أخدته شخصي ولا زعلت ليش شبها الولدنة ؟؟؟أنا قصدي يعني إذا واحد عصب وحب يفش خلقه والله مافيها شي يعني بتصير فليش بدل مانكبر القصة نحاول ناخده بالرواق بدون هالطريقة الجفصة وإتأكد لو كان غلطان رح يرجع عن غلطه بس بنفس الوقت مطلوب من المشرفين لما يغلطوا يعترفوا بغلطهن نحنا مو طالبين يكونوا منزهين بس الاعتذار أحيان بكبر الشخص مابصغره
يعني لهلا ماشفت حدا من المشرفين مرة فال والله سوري ياجماعة كان تقديري للموضوع غلط وبعتذر يعني ديما لازم يكون هنن اللي مهن الحق؟؟ولامرة ممكن يكونوا غلطانين

[zen]

الوضع صاير بيهوي
يعني انا طفشان من حالي ومن هالحالة اللي وصلنالها
يعني الواحد بيقول بدي انسى همي وشو فوت ع هالموقع اكتب كلميتن مناح ومفيدين او اقري شي منيح
وللاسف بيطلع وبيخبط راسو بالحبط
ما بعرف انو ليش نحنا حاطين هالمشرفين شماعة ونعلق عليهون كل غلطة بتصير
انو المشرف ما قلبت مع القصة وصار هيك الله نازل بعلبة ع اخوية
يعني الوضع اللي نحنا في بدو ايد من حديد
يعني ماحدا عم يفهم انو أخوية غير
أخوية بتختلف عن مليون موقع موجودين وبتشوفهون الناس
وكل واحد بيجي بيعمل كوبي بيت ليش موضوع بمنتدى خليجي خاص بالبنات
وبدو الموضوع ما بنحذف او بيفوت ببيلش بأيات من القران والانجيل وبيبلش يقول عن هاد كافر وعن هداك زنديق
ولازم يبقى الوضع متل ما هوي
يعني مع كل اللي عم بيصير أخوية فاقدة لمستوها نص المواضيع بدها حذف
صرت اخجل لما فوت ع الصالون وشوف هالقصص
نحنا مو هيك ومن البداية مقررين نكون مختلفين ولانو مختلفين صار معنا مليون مشكلة
مو هلق بعد ما وصلنا للمحل اللي وصلنالو بدا نجي بحجة حرية التعبير نقول شو ما كان وننزل شو ماكان
اغلب الاعضاؤ اللي اعترضوا غير فؤاد وكم واحد اذا بتشوفوا ملفاتهون ومشاركاتهون بتلاتقو انو الرد على اعتراضهون حرام
العالم مبلشة بريم على طريقتها
وهي مستلمة الصالون يعني مكان التخبيص النظامي
وما منشوف الناس التانية اللي مبلشة كتابة ورد بلا طعمة
قبل الواحد ما يكتب موضوع يكون عندو مسؤولية شو عم يكتب
ويكون عندو ادراك وفكر ومراعاة للمستوى اللي نحنا في
يعني مافي قسم متل العالم والخلق
انا كنت مشرف بالموسيقى وما اشتغلت بالموسيقى كتير بحكم ظروف معينة
وقديش قسم الموسيقا تمام بالنسبة للمواقع التانية مو بس تمام هوي الافضل ومستلموا سامر انا لو هلاء مستلموا نص الشغلات بشيلها
لانو انا مستحيل كنت خلي غنية لوحدة مدري مين هي بتجعر بقسم الموسيقا بقول عنها موسيقى
بيجوز كتار يقولوا انو هي ديكتورية
وانا بقلهون لاء
اللي بيحب نوع او نمط معين من الموسيقى بيلاقي محل متخصص والانترنت ما بيقطع حدا
وهلمثال خدووو على باقي المحلات باخوية
يعني لو الاعضاؤ\ء عم بيراعو خصوصيتنا ما كنا وصلنا لهون
بقا كل حدا فينا يظبط القلم تبعو ويكتب بمسؤولية راح تلاقوا انو المشرفين ماعادو موجودين
واختفوا لانو نحنا منكون المشرفين بوقتها
فاذا عم تطالبو بتغير المشرفين
انا بطالب بألغاء المشرفين ونكون كل حدا مشرف ع حالو
دمتم ودامت اخوية

[HashtNasht]

لك عسكور انت هون !!!

مطالعين عليك اشاعة انك تركت المنتديات و فاتح غربية بليلة بالقصاع ...انا اول شي صدقت ,,بس بيني و بين حالي قلت عسكور ما بيعملها .....مين بدو يحمي المنتدى اذا انت رحت ؟؟؟

احلا زين بشرفي

[Reemi]

كاتب النص الأصلي : HashtNasht

لك عسكور انت هون !!!

مطالعين عليك اشاعة انك تركت المنتديات و فاتح غربية بليلة بالقصاع ...انا اول شي صدقت ,,بس بيني و بين حالي قلت عسكور ما بيعملها .....مين بدو يحمي المنتدى اذا انت رحت ؟؟؟

احلا زين بشرفي

انا على شوي كنت بدي انزل اشتري فستان اسود لانو رح يقولو انو زين ارتحم بس طلع ليكو بعدو عايش



بعدين انت شو مشانك مابيكفي مقتبس نص مخالف؟؟ كمان سبام؟

[الحيرانة]

صدقوني ياجماعة الاحترام المتبادل مطلوب بين الطرفين ..
موضوع عجبك فوت واحكي لك كم كلمة حلوة ..
ماعجبك وحسيت انو بيخالف تفكيرك .. اطلع منو من دون ماتحكي ولا شي ..

وإزا بدك تناقش شي خلق قد حكيك .. والتزم بالاحترام للآخر ..

هدا رأيي .. [/center]

[المحارب العتيق]

ممكن اعرف من ريمي ليش سكرت موضوعي تبع النقاش بين الاعضاء والمشرفيين ؟

[المحارب العتيق]

كاتب النص الأصلي : zeenaa

يعني لهلا ماشفت حدا من المشرفين مرة فال والله سوري ياجماعة كان تقديري للموضوع غلط وبعتذر يعني ديما لازم يكون هنن اللي مهن الحق؟؟ولامرة ممكن يكونوا غلطانين

شو هاد . عم تكفري

سؤالين عاى الهامش مرة تاني لريمي

هلاء أي أهم . قانون بالتشريفات يعني موضوع بيضل يومين وبيروح . أو بالسقيفة . كمان مواضيع مو نقاش حاد . ولا أريحية للأعضاء بتزيد مشاركاتهم وتفاعلهم وعددهم

واي اهم نجاح المنتدى ولا القانون . يعني اذا لقينا القانون في غلط ما منعدلو . لأنو الأاهم أنتشار ونجاح أخوية . والنجاح مابيصير بالقوانين العصملية . النجاح بيجي من روح الموقع والاعضاء هنن يلي بينجحو الموقع . أفضل موقع بالدنية بدون اعضاء هو صفر . أفشل فكرة بعدد أعضاء هائل هو موقع ناجح . فلحنا بدنا نحاول نجمع بين التنين . بما أنو متفقين كلنا انو منحب أخوية

[butterfly]

هي جيت بدي رد ، وفكرت كتير وما عرفت شو ناطرين مني رد
بعدين شرط لأي حوار يكون في طرف حابب يحكي و " يسمع" ، انا ما حاسة هون في حوار انا حاسة في ناس حابة تخانق ..
رح احكي عن الاشراف بأخوية متل ما بشوفو ، أنا بشوف انو الاشراف عندو شغلتين " يحافظ ع توجه قسمو ، + ينشطو "
نبدا من أول وحدة وهي سبب المشاكل كلها عموما ً بأخوية ، أنو الاقسام ألها توجه معين .. وإلها نظام معين وترتيب معين " بالمكتبة مثلا ً كتب الكاتب الواحد بتندمج بموضوع واحد " ، " بالخواطر اللي ملطوش ومانو إبداع العضو رح يطير " ، " اللي رح يسب رح يتخالف " ، المواضيع المسيئة للأديان بتنحزف ... وهيك
هالضوابط رح تمشي ، لما تتحول أخوية لسبيل ، لموقع دون توجه ودون هدف ، مافينا نلغي الضوابط كرمال عيون حدا .. لأنو ببساطة بنكون وقتا عم نسيء لأخوية
المشكلة بتصير أنو العضو بيخالف الضوابط " وهادا مسموح لأنو عضو ، وحر " ، والمشرف ما بيصير يخالفو " لأنو مشرف " وإزا خالفو " قمعي واستبدادي .. وإلخ إلخ "
الحرية مانا فوضى ، اللي هيك فهمان الحرية ما منقدر نقلو شي ، بس يعني بأخوية ما هيك الحرية وإلا كان ما في اعراف وضوابط لكل قسم ، ولك حتى ماكان رح يكون في مشرفين

تاني شي تنشيطو ( بعتقد واضحة )

أنا ك Butterfly ومعرفتي تماما ً بالعمل اللي عم اعملو بأخوية ، وبمدى الوسائل اللي معي
أكتر من راضية عن كل شي .. عملتو وعم اعملو ، ويمكن رح ضل اعملو لفترة كمان


بصراحة ، سألتزم بعدم مناقشة البعض - لا لشيء إلا لأنو أعتقد أنو لهجة الحوار ما بتناسبني
شكرا ً
( هادا السمايلي هو الشي الوحيد بأخوية اللي مطوب بأسمي .. )

[اممي]

كاتب النص الأصلي : اممي

تناقشيني ليش انحذف رد صوفي مثلا ؟
وهاد سبق كتبلك عنو فوق بنفس هالموضوع؟

كاتب النص الأصلي : Reemi

عيني اذا بتريد اذا حافظ شعاريين بدك تسمعنا ياهون مانون لازمينا.. عندك شي منطقي بدك تحكيه اهلا وسهلا عندك شوية مصطلحات فضفاضة وشوية اهانات وتجريح واتهام عن جد صعب نتناقش

كمان مرة في شي واضح حابب تحكي فيه ولا بس هيك؟؟ درس بالاخلاق والقيم والوطنية؟؟

بعتقد اكبر من هيك خط ماعاد بيمشي الحال
ان مره تانيه انا اكلت 25 نقطة مخالفات ولسا ما رديتي علي هالسوال
ليش انحذف موضوع ابو نجبو وليش انحذفت مشاركة صوفي تحديدا مرتين
الزعلات صدقا مو فارقة معي بس ان فسرولنا هالاختراع الي صار اكثر من عضو سائل عنو هون

[HashtNasht]

يا زلمي ردت عليك و الله ردت عليك...و حياة بنت الكبة انو ردت عليك , و جاوبتك من الضفحة الماضية يعني , رجاع للرد رقم 30 , حتى مسمايتك بالاسم ...كاتبة أممي ...انت أممي ما ؟ ولا شي حدا سارقلك حسابك ؟

خيو كاسك اجسن شي

[اممي]

كاتب النص الأصلي : HashtNasht

يا زلمي ردت عليك و الله ردت عليك...و حياة بنت الكبة انو ردت عليك , و جاوبتك من الضفحة الماضية يعني , رجاع للرد رقم 30 , حتى مسمايتك بالاسم ...كاتبة أممي ...انت أممي ما ؟ ولا شي حدا سارقلك حسابك ؟

خيو كاسك اجسن شي

صديقي وين الاهانيه بالرد؟
هاد يعتبر نقد وباعتبار الرفيق من دعاة الديمقراطيه يفترض يدافع عن حالو مو يلغي المقال من ارضو
ثم رفيقي بيناتنا ان اجتني مخالفة منو شخصيا مرفقة بفكرة ان هوه مو فاضي ليفسر ليش المقال مخالف
ان حبيبنا انزل من عرشك العاجي وووضح
هاد الاسلوب مابيليق بمشرف للاسف... ومتل ما اتفضلت الرفيقة ريمي ان انا حافظ شعارين وعم رددن
فبنضري من حقنا ومن حق صوفي ان تقول هالشي نفس علي ياس او غيرو

لو بتلاحضو معظم الي مشاركين بهالموضوع هنن من القدماء هون وبالتالي موضحيح فكرة ان الانزعاج صاير بس من الجداد(رغم ان الاعضاء الجداد يفترض ان يتوضحلن ليش عم يصير هيك معن)
عيب ان مشرف موجود هون ورفقاتو الموجودين معو من سنين عم ينتقدو ومابيكلف خاطرو يفوت يرد ....هاد الي اسمو استسخاف بردود الاعضاء وعدم اعارتها اهميه

[HashtNasht]

كاتب النص الأصلي : اممي

صديقي وين الاهانيه بالرد؟
هاد يعتبر نقد وباعتبار الرفيق من دعاة الديمقراطيه يفترض يدافع عن حالو مو يلغي المقال من ارضو
ثم رفيقي بيناتنا ان اجتني مخالفة منو شخصيا مرفقة بفكرة ان هوه مو فاضي ليفسر ليش المقال مخالف
ان حبيبنا انزل من عرشك العاجي وووضح
هاد الاسلوب مابيليق بمشرف للاسف... ومتل ما اتفضلت الرفيقة ريمي ان انا حافظ شعارين وعم رددن
فبنضري من حقنا ومن حق صوفي ان تقول هالشي نفس علي ياس او غيرو

لو بتلاحضو معظم الي مشاركين بهالموضوع هنن من القدماء هون وبالتالي موضحيح فكرة ان الانزعاج صاير بس من الجداد(رغم ان الاعضاء الجداد يفترض ان يتوضحلن ليش عم يصير هيك معن)
عيب ان مشرف موجود هون ورفقاتو الموجودين معو من سنين عم ينتقدو ومابيكلف خاطرو يفوت يرد ....هاد الي اسمو استسخاف بردود الاعضاء وعدم اعارتها اهميه

اي لاحظت انو من القدماء ...يعني ما قدماء قدماء بس يعني معتقين شوي

هلأ بالنسبة للي كانت كاتبتو الانسة انا شخصياً عملت فيه تقرير مشاركة عاطلة , و اكلنت مخالفة لاني اقتبستو , و رديت عليها و قلتلا اني رح اطبعو ع ورقة لغاية في نفس يعقوب
الشي اللي طلع منها بالرد ما بيندرج لا باطار نقد ولا غيرو , هو عبارة عن تجريح و اهانات و حكي من فوق الاساطيح ,و انا شخصيا كتير اتدايقت انو باخوية في نماذج بتفكر بهالطريقة , قشعر بدني الله وكيلك , بقى حاج تقلي مافيه اهانة مشان البيبسي يا زلمي .

بعدين خيو انو ماسكيلي السلم بالعرض و عاملين مهرجان شعبي انو و الله الاعضاء عم تطفش , الاعضاء راجت ...ما بعرف شو .و عديتو بالاسماء ابو طوني , زين , قرصان , و اللامنتمي .

زين ليكو ..لا تارك ولا شي ..و مزعوج من الاعضاء اكتر من الاشراف .
قرصان متدايق كرمال مخالفة بس حالف يمين ما بيترك
اللامنتمي عم يخبرونا الشباب انو عندو اسباب شخصية
باقي ابو طوني ..و ماني حابب احكي شي باعتبارو غايب , لو انو حاضر كنت حكيت . بس هه خليني مسكر تمي احسن ما يقولو انو استغبناه للزلمي .

بقى يعني انو ماني فهمان ع شو هالشوشرة ؟؟؟ انت ملاحظ معي انو شوشرة ع الفاضي , و انكن عاملين من الحبة القبة , و انو زودتوها شي 5 حبات ؟

يا اخي شو بدكن المشرف يكون مبولة يعني ؟ او ممسحة مثلاً ؟

انو حي الله واحد مارق بالمنتدى بسب ع المشرف بحجة الديمقراطية ؟ بعدين منين جايبيلي هاي قصة الديمقراطية ..حبيبي باعتباركن قدماء هون المفروض بتعرفو انو مافي شي اسمو ديمقراطية بالمنتدى , شي مرة انتخبت مشرف انت ؟ او مثلا رشحت حالك للاشراف ؟؟

اخي المشرف بني ادم ...الله وكيلك رصاصة بتقتلو ...لك اي اي متل ما عم قلك ..و اذا شنقتو بيتوفى
انت عم تحكي عن اهانات فكرية بحذف المواضيع , على راسي يا معلم ...انت زلمي باينتك مثقف و مرهف الاحساس ,و بتقدر قيمة الكلمة , بس كمان يعني لو بتقدر قيمة شغلهن للشباب ,و كيف بكون شعورهن وقت بيجي واحد هيك عم يحكيهن من فوق مفكر حالو عند الله او فوقو بدرجة , و يتهمهم بقضايا بدو 100 سنة نقع بالشو اسمو ليفهم شو معناتها يعني .
في امور انطرحت بالموضوع و هي مزبوطة , و اللي طرحوها طرحوها باسلوب مزبوط و راكز , بس الغريب انو اللي عم يطرحو الطروحات اللي مانها راكزة اصلاً كمان عم يستخدمو اسلوب مانو راكز . اسلوب خرياطي اذا بدك .

اخي انت هلأ اذا صرت مشرف انشالله مفكر حالك بتخلص ؟ بزمناتو محسوبك كان مستلم شقفة قسم موسيقى , لا فيه حوار ولا بطيخ , و انا بدي مشي القسم باتجاه معين يا اخي , هيك مراقي ..بيجيني واحد عم يعاتبني ليش ما ثبتلو مثلا الموضوع تبع موسوعة ربيع حمدي اللي عاملها هو , منقلو معلش معلم حقك علينا , بقوم بياخد وجه ...ببلش يبهدلك و يعلمك كيف الشغل الصح ..بتسايرو كمان شوي بتفلو زرعها بدقني يا اخي , بصير بدو يعبيلك القسم ربيغ حمدي , بتخالفو... بقوم بيفتح عليك موضوع بالبريد , او بروح بصوت ضدك بموضوع المشرف الغير مثالي

اي و الشغلة ما بتوقف ع عضو واحد , بتلاقي عندك شي 30 واحد من هالنمرة , و كل واحد معو رفقاتو 4 او 5 ع شاكلتو .و هيك يعني , هدول اذا فتحو موضوع ينتقدو المشرفين بدهن يعملولك المشرف ابن كلب لانو مانو ع كيفهن , او مثلا هواه غربي و هواهن شرقي , او مثلا لانو ما هضموه ..الخ
بقى انا شخصيا ما كتير بتعاطى بجدية تحاه هيك نوع مواضيع , يعني هي المواضيع اللي مفتوحة خص نص لنقد المشرفين , خبرتي بالجياة علمتني انو اسوأ أعضاء بالمنتدى و اقلهن انتاجية هني نوعية الاعضاء اللي بتستهويها هيك مواضيع , اما الاعضاء الفاعلين و المنتجين و اللي بيغنو احوية هني عادة الصامتين ..بجوز تكون ما سامع فيهن , او حتى يمكن المشرفين ما ملاحظينهن , بقى يعني مع احترامي الك انت كتير غلطان بطرحك بهالموضوع , و مقارباتك و مقارناتك شي بمزرعة الحيوان و شي ب 1984 كتير ظالمة و كتير متطرفة اذا بدك , و اذا في شوية هفوات هون ولا هون ما ضروري تطالبو باعتذار للمشرف و كانك مسكتو ع شغلة و بدك تذلو فيها , اي بيغلطو معك بفاتورة الكهربا 100 مرة ما بتطالب باعتذار , ياما و ياما طايرلك وحدات من موبايلك بالهوا و ما طالبت حدا يعتذرلك ..مع انك هنيك عم تدفع مصاري و المفروض انهن بخدمتك يعني , فما بالك انت بمنتدى الشبيبة اللي ماسكين الاشراف فيه عم يعطو من وقت راحتهن لتفوت تتسلى ؟ بقى ما بصير عليك شي ولا بتنقص كرامتك اذا عديتلو وحدة للمشرف بدون ما يعتذرلك يعني , بتكون كتير حركة شيك منك

متل ما عم قلك ..انت باينتك زلمي قبضاي ..و صدقني مكانك ما بهالخندق , لانو محل ما انت متخندق حاليا في زمرة ما بعرف كيف بدي اوصفلك ياها...بلا ما اوصفلك ياها و اتخالف هلأ ....بس يعني انو في زمرة ما بدك ياها منوب

و هاد اللي عندي و سامحونا

[التقرير الجوال]

مرحبا شباب..
أنا فكّرت كتير قبل ما احكي شي كلمتين هون.. مع اني متابع مواضيع الخلافات و المظالم يللي عم تنكتب بالبريد و خلافه .. قلت لحالي خليني احكيلي شي كلمتين بركي بتجمع طرفي النزاع بشي نقطة بيلتقو فيها و كل منهن بيعرف هوي هون بهالمنتدى ليش و شو في إلو و شو في عليه.

المخالفات واردة و مألوفة .. ما خلصت و لا رح تخلص "هي بشكلها الطبيعي " أما إذا حابب تاخدلك شي مخالفة بغير نكهة يعني .. ففيك تستفز مشرف القسم و ما ضروري المخالفة تكون لأسباب وجيهة .. رح تكون فعلياً لأسباب ما اجت على هوا المشرف, أو هيك بيجوز يا عمّي أنت اسلوبك مو عاجبو للمشرف و اشيا كتير .. لما بيصير في تمادي بالمشاركة هيك بتصير فرصة للمشرح ليستناولك .. ليش .. و يا ترى هيك عدل و إلا ظلم ..
إذا بدنا نناقشها لنعرف ليش و هل هي عادلة أو ظلمة. بدنا نعرف أحجامنا .. و منشان ما نكذّب على بعض
بدّي قول بأنو التمييز و الدرجات موجودين بكل مكان .. المشرف عندو صلاحيات أكتر من العضو .. وجهة نظره مسموعة أكتر من العض بل مأخوذ فيها بغض النظر عن انها وجهة نظر سليمة أو خاطئة أو متحيّزة أو خلافه ..
كمان الأحزاب واردة و قديمة قدم التاريخ و الانسان .. أنا من وجهة نظري الأعضاء بدل تضييع وقتهن " و خلوني استخدم هالمصطلح " باستجداء و استنهاض عزيمة و ناموس المشرفين .. خليهن يعملو شي يتجاوزو في المشرفين و ضمن الأصول.

يعني الحقيقة و ما تزعلو منّي و خلينا نحكي بصراحة .. شي بيضحّك .. المفروض الأعضاء عم يُمارس عليهن قمع من المشرفين يللي مشكلين عصابة هون ضدهن .. بعضهن عم يعرف كيف يحاور و البعض و للأسف عم يخلط الجد بالمزح على شوية تنكيت و أحياناص مساخر " أنا بدّي تستثنوني من هالدائرة لأنو بيجوز بتعرفوا أنا مش من المكثّرين بهالمنتدى .. بس حلكن تفهمو الدرس يللي هوي أول درس بيتعلّمو الانسان بالحياة " الملتقيات الاجتماعية أو السكانية أو أي عُصبة .. بدها ادارة .. و العضو و هوي داخل ما بظن داخل لحتى يدير الموقع أو قسم منّو .. في ناس داخلة لتقرأ و تتعلم .. ناس لتمرير شوية وقت .. و ناس يللي أنا لساتني عم إتأمّل بقصتهن .. أي ناس عاملين الموقع حياة لإلهن .. الانترنت أو الموقع هاد بالتحديد بياكل و يشرب معهن .. و ما بتستغرب إذا الأحداث يللي بتصير هون .. أحياناً تجيهن بأحلامهن .. يعني بصراحة بدي قول كلمة و بس غلهن إنو Go and get live ..

منرجع للقمع يللي عم يحو عنّو الأعضاء .. طيب مادام المشكلة بينكن و بين ادارة الموقع يللي بايدها الـ Access لكل شي بهالسايت و موقفهن معزز بكتير من موقفكن فكيف هي راكبة بأنو عم تشتكو لقاضي هوي عضو بالخصام؟ هي ما بتزبط .. جد من دون مضيعة لوقتكن و أنا هون ما عم حرّض الاعضاء عالمشرفين أو غيرو .. للأعضاء أنتو فيكن تهمشو المشرفين بالمطلق إذا عرفتو تختارو مواضيعكمن و تدرسوها .. طبعاً بدكن تراعو شروط أو أعراف المنتدى .. يعني لحد ما الاشراف حاطط فجوة بينو و بين الأعضاء ما بعرف ليش .. بيجوز تميّز .. أو شغلهن هيك بيطللب منهن؟ الله أعلم.

في نقطة أخيرة بدي احكيها بخصوص الاستخفاف يللي هوي عنوان الموضوع .. في استخفاف من بعض المشرفين
كمان من بعض الأعضاء يللي إلهن Bond مع المشرفين و أكيد هالاعضاء و مارح سميهن بأسماءهن الفعلية أكيد رح يعرفو مين هنّ .. يعني كيف بدّي سميها هي متل الـ Common Courtesy لما بترودو بأسلوب مهذب و لطيف باعتبار الكلمة الحلوة طالعة و السيئه طالعة فبظن اختيار الجميل واجب .. فإذا حدى حابب يكون Icon فأكيد بدو يتبع أسلوب الكياسة و الحوار الجدّي .. كملان لاحظت أسلوب الـ Showing off من الطرفين المتنازعين .. طبعا من دون تعمميم .. أي يا عمي فيك تستعرض مواهبك قد ما بدذك بس بأسلوب بيلاقي القبول .. هيم بينطلب منّك المزيد.
و آخرتها الموضوع ما بيستاهل و إذا حابين تاخدوها بشرع الغاب -و هاد بظن ضد كل فكر و معتقد بتىمنوا في - فأكيد رح تّمو طرفين نقيض أما إذا حابين بشكل جدّي تنفذي أفكاركن و تستخدموها فعلياً فأكيد لازم تقعدو مع بعض بجدية لحل خلافاتكن.