هل تؤمن بالحظ ؟

[mmafia]

أنا معك . بس هاد نتائجو بتكون جاية من عمل وتعب مو من حظ . بركدا وانا قاعد شافني احدهم قاعد وعطاني شي اشتغلو كان فرصة العمري يلي ممكن تنقلني لشغلات بعيدة بعدها

طيب الحدا هاد اعطاك الفرصه ما بدك تتعب عشان تشتغلها عشان يجيك الحظ

[mary belle]

كاتب النص الأصلي : mhsen77

هي القدر و المكتوب حجة الضعيف يلي بدو يوصلو كل شي عالجاهز الفشل و النجاح من الله

هلأ هيدا يلي شفتو

[mary belle]

ممم هاي

الحظ!
انو مش دايما ازا الواحد كان غني فيعني حظو بالحياة حلو والفقير حظو نحس!
اوكي :

حظ البني ادم بيجي من خلال ظروف عايش فيها (يعني الناس يللي حوليه مش غني او فقير)

طيب هلأ الحظ موجود ما اختلفنا بس المشكله انو كل انسان بيتطلع على غيره
( ليش يعني معاشه اكتر,ليش عنده هي السيارة ,يبعتلو على هالحظ اللي عليه ..اشمعنى متغرب لبرا ,,شو احسن مني ,يفدح حريشو عهالحظ .. الخ)
هي الاشيا فيها حظ اوكي بس كمان هو الشخص يللي بقرر يمشي مع هالامور او لأ
(يعني كان في يشتري سياره ارخص و يوفر ) صح او لأ بس الانسان دايما بفضل ا لاحسن (مش موضوعنا)..


يعني مثلا


انا ماشيه بالطريق و المنطقه ما بعرفها:
ولقيت مفرق يمين مفرق شمال و طريق دغري,,
يعني وين بدي روح .هون ما بيشتغل الحظ ,,هون بيشتغل الحدس
لأنو كل انسان عندو حاسه سادسه ما بحس فيها الا بلحظات معينه ( مثلا:لحظات الضياع عند امر معين)
لنقول حدسي قلي روح شمال اوكي بروح هلأ يمكن ضيع بس بالنهايه رح اوصل عمكان لاقي في حدا يدلني..هون انا ما بضطر ارجع المسافي الي مشيتها لحالي لأ بكون معي حدا يوجهني و هيك برجع علطريق المزبوط اسرع من انو كون لحالي..

طيب هون لما انا وصلت عند الشخص الي سألته هون بقا كان حظي حلو انو شفت حدا يدلني ( اشتغل الحظ)

و هيدا ازا بدل عشي بدل انو كل انسان قادر يتحكم بالحظ ..
يعني الواحد ازا كان مخير بين وظيفتين اكيد دايما بنقي الافضل من بيناتهن..(يعني بكون حظو حلو؟؟اكيد لأ لأنو هو الشخص تحكم بالاختيار ما نطر الحظ يختارلو)

تجربه شخصيه:واحد قاعد بلا شغل تلات شهور و عم يفتش عشغل,,وما حدا سئلان عنو,بس يلاقي الوظيفه فجأة بتلاقيهلن لقولو وظيفه و كل وحده بمحل احسن من الوظيفه يللي لقاها (تربيح جميله)..وما بينقبل ب ولا وحده (اماكن ما في) و اوقات المقابلات بكونو بنفس الوقت تقريبا و بكون راح وقت المقابله يلي لقاها و بيرجع الواحد بزور بالبيت كمان و بيرجع يفتش عن وظيفه
( الحظ هون بيفلق الصخر)
بس الحمدالله رجع مشي الحال و ما قلنا لحدا مكان التوظيف قبل الاستلام و الواحد توظف بلا جميلة العالم و مشي الحال ( هيدا هوي الحظ ..)


الحظ انو الانسان يتحكم بحياته مش يللي حوليه يتحكمو فيه..و بتمشي الحياة متل ما بيرتاح









ما بعرف ازا الحكي كتير صح ..بس هيدي وجهة نظري

[المحارب العتيق]

كاتب النص الأصلي : mmafia

طيب الحدا هاد اعطاك الفرصه ما بدك تتعب عشان تشتغلها عشان يجيك الحظ

معك أنو بس استلم الشغب بدي اتعب فيه . وأي شغل تاني بدو تعب . بس انو الفرصة بتكون أجت لألي عدا عن غيري . هاد هو الحظ . والألعن يلي الواحد كل مابيتعب بشغلة مابيستفيد منها ( متل مابيقولو بيضربها يمين بتجي شمال . يعني هو مو مقصر بس الحظ ماعم يساعدو

[المحارب العتيق]

كاتب النص الأصلي : mary belle

يعني الواحد ازا كان مخير بين وظيفتين اكيد دايما بنقي الافضل من بيناتهن..(يعني بكون حظو حلو؟؟اكيد لأ لأنو هو الشخص تحكم بالاختيار ما نطر الحظ يختارلو)

مو شرط انو الافضل منطقيا . يكون الافضل بالمستقبل . يعني ممكن الواحد يشتغل بمواصفات أفضل كتير من مواصفات عمل بمكان تاني انطرحو عليه العملين سوا . بس مع الايام بيلاقي أنو مثيلو بالعمل يلي تركو صار أفضل منو بمراحل . بأشياء مو من صنع أيدو . متل أنو الشركة مثلا تحقق نجاح اقليمي . وتوسع نشاطها ووو الخ

[Abu Jnkez]

في شي أسمو صدفة
والحظ من صنع الانسان
لانو أذا الواحد بدو يعتمد على الحظ فاهي المصيبة
أو أذا حدا حابب يكون في حظ بهل الدنيا فايقول أنو حظو كتير حلو بغض النظر عن حياتو
بالطريقة هي بحس أنو عن جد حظو حلو
وأذا ماقتنعت جرب والتجربة خير برهان

[Ichigo]

انا لا اؤمن بالحظ بل اؤمن بالقدر والقضاء وكل انسان يواجه الخير والشر في حياته وليس هناك اناس محظوظون او منحوسون يعني غير منطقي نصبح متطيريين ونخاف نمر تحت السلم او نقوم بالنقر على الخشب فالانسان يقوم بما عليه والباقي على الله.

[Genifer]

أكثر مثل بقدر عرف عنه الحظ هو

في شخص غني .. وين ما بيستثمر أمواله وشو ما عمل بيربح (قاعد جنب التلة)
وشخص درويش حابب يضرب ضربة من تحويشة العمر بيقوم بيخسر( المنحوس منحوس لو علقوا ع بابه فانوس)

الحظ مانه كائن .. وقت بتعكس معنا منقول مافي حظ ووقت منتوفق منقول نحن محظوظين
وماشاطرين نقول غير فلان محظوظ امممممممممممم ونجرقه عين

ومثال مهم كمان ع الحظ : بطاقة اليانصيب



في شي كمان بيقولوله الحظ بس ممكن يكون شوي بعيد ع هالموضوع ..يلي هو الحظ مع الأبراج ..
بس كمان اسمه حظ

[سوا ربينا]

اي اكيد بأمن بالحظ ..ومالو علاقة لا بجهد ولا بتعب ولا شي ..

[مشلف من المدرسة]

الحظ هو دفعة معنوية للشخص أي مفهوم ملاصق ( للأمل ) الا انو يلي ما معو مليون ما بكون محظوظ بشراء سيارة فيراري يعني أن الحظ ملاصق أيضا للكد والتعب وبالتالي جميع وجهات النظر حول الحظ صحيحة ولكن بطرق مختلفة

[Miss Petals]

ما في قاعدة ممكن تتعمم هون بس اللي فيني قولو ازا بيجتمعوا الحظ و التعب رح تكون النتيجة كتير حلوة ,,,,و ازا اي وحدة منن بتكون النتيجة رضا,,, مو اكتر بس انا للأسف ما في عندي حظ و كتيير دلائل بتدل على هيك ...بس هيك احسن مشان لما تتطلع لورى تقول هاد تعبي انا مو حظي اللي وصلني لهون ,,,,بس بالنسبة للوقت الحالي عن جد بدي اياه لهادا الحظ وينووووووووووو "حظ عطيني وبالبحر ارميني".

[مشلف من المدرسة]

كاتب النص الأصلي : Miss Petals

ما في قاعدة ممكن تتعمم هون بس اللي فيني قولو ازا بيجتمعوا الحظ و التعب رح تكون النتيجة كتير حلوة ,,,,و ازا اي وحدة منن بتكون النتيجة رضا,,, مو اكتر بس انا للأسف ما في عندي حظ و كتيير دلائل بتدل على هيك ...بس هيك احسن مشان لما تتطلع لورى تقول هاد تعبي انا مو حظي اللي وصلني لهون ,,,,بس بالنسبة للوقت الحالي عن جد بدي اياه لهادا الحظ وينووووووووووو "حظ عطيني وبالبحر ارميني".

بغض النظر عن وجود قاعدة برأيي يمكن صنع الحظ يعني بكرر الحكي انو مع التعب ممكن جدا تكون النتيجة حلوة ونستنتج أننا صنعنا الحظ بأيدينا

[boozy]

والله انا دايما اقول الحظ للفاشلين
الي يعلقو فشلهم وعجزهم على شماعته
بس الحياة علمتني اني ما عندي حظ فعلا
رغم اني اركض والهث واتعب