ساركوزي: النقاب غير مرحب به

[Abu ToNi]

كاتب النص الأصلي : wile

لك معلم خليك من الحكي

الجهاد الي يعتبر من أفضل الأعمال التي يمكن أن يقوم به الرجل وهو أن يقاتل الأعداء
يعتبر يوميا عند المرأة وقد ذكر ذلك الرسول صلى الله عليه وسلم بس أن والله نسيان الحديث

وبعدين هي إيمتى عم تلبسوه؟؟
لما تكون بالشارع يعني مو 24 ساعة

أما مشان التعامل مع شخص بلا ملامح إيه ليش إنتا شو رح تساوي معها؟؟؟؟؟؟؟؟؟؟؟؟؟؟؟؟؟؟

يعني شو بدك فيها لحتى تتعامل معها؟

اذا مستسهلها كتير جرب انت تحجبلك شغلة اسبوعين ورا بعض
مانك خسران شي .. جربا .. بتقدر ؟

بس عنجد عم تحكي شو بدي لأتعامل معها ؟
انه انا بشر وهية بشر في بيناتنا شي اسمه علاقات انسانية ... واقف على دور الباص طلعت قدامي بقلها تفضلي .. مضيعة طريقها بدها تعرف فين الطريق الصح

انا كل اللي عملته اني فسرتلك قصده للشب لأن حسيتك ما فهمت شو قصده بالعالم النفسي .. المقصود انه الطفل بخاف وقت بيتعامل مع شخص غير واضح المعالم او مخفي بطريقة أو باخرى ..

[zen]

انا ما عم هين حدا وكل واحد ع دينو الله يعينو
بس حبيب قلبي
بدي تعطنا مفتيين مو حاطتهون الحكومة
بعدين انا وين سبيت مذهب السعودية

[wile]

كاتب النص الأصلي : Abu ToNi

اذا مستسهلها كتير جرب انت تحجبلك شغلة اسبوعين ورا بعض
مانك خسران شي .. جربا .. بتقدر ؟

بس عنجد عم تحكي شو بدي لأتعامل معها ؟
انه انا بشر وهية بشر في بيناتنا شي اسمه علاقات انسانية ... واقف على دور الباص طلعت قدامي بقلها تفضلي .. مضيعة طريقها بدها تعرف فين الطريق الصح

انا كل اللي عملته اني فسرتلك قصده للشب لأن حسيتك ما فهمت شو قصده بالعالم النفسي .. المقصود انه الطفل بخاف وقت بيتعامل مع شخص غير واضح المعالم او مخفي بطريقة أو باخرى ..

والله أنا محترم رأي الشب كتير وهو يمكن رأيك كمان وأكيد كمان بإحترم رأيك بس رأيي مختلف

هلأ حبيب الأولاد بخافو من المنقبات أكتر من غيرون؟؟

لاء وعم حاكيك عن تجربة شخصية بس الأولاد يمكن يخافو من المنقبات لأنه أول مرة بشوفوون متل ما بخاف الولد من أي شخص غريب أول ما يشوفو

وبعدين حبيب هي مو تجربة جديدة

هي القصة موجودة من زمن الرسول صلى الله عليه وسلم ولو كان في إلها شي أثر جانبي على الأطفال أكيد كان رح يبين خلال هي الفترة الطويلة



مشان الشوب أنا لها وهي شغلتي......الله وكيلك أنا لما بأفعد بالبيت لحالي بالرياض أو بسوريا بنص الصيف بإطفي المكيفات وبسكر الشبابيك وبقعد .... وصراحة أنا إكتشفت إنه الشوب عقدة نفسية مو مشكلة بالجو

لأنه لما تشوب بتضيق أخلاقك وبوجعك راسك بس بعد فترة بتصير القصة عادية كتير وبإنصحك تجربا بس مو هي قضيتنا

أما مشان تعامل الشب معها إنتا قلتها بنفسك الواحد بدو يحكي معها كلمتين وبس
فوين المشكلة؟؟صار ضرورري يتعرف على شكلها وملامحها؟؟

وهي أحلى وردة لأحلى أبو توني

[wile]

كاتب النص الأصلي : zen

انا ما عم هين حدا وكل واحد ع دينو الله يعينو
بس حبيب قلبي
بدي تعطنا مفتيين مو حاطتهون الحكومة
بعدين انا وين سبيت مذهب السعودية

عائض القرني ( وهادا إنسجن بفترة الحرب على غزة لأنه إعترض على سياسة الحكومة السعودية الموقرة المنافية للإسلام )

هادا لحالوه بكفي وبوفي

ولعلمك من أول ما طلع الإسلام والشيوخ بيثبتو وجودون بعلمون لحتى إجا هادا الزمن التعيس وصار كل رئيس دولة يحطلو مفتي على كيفه

ومشان مذهب السعودية الحنبلي إنتا ما سبيتو بس إنتا عم تقول كأنه الإسلام شي ومذهب السعودية شي وهون الخطأ

[أإأبو العبد]

كاتب النص الأصلي : wile

عائض القرني ( وهادا إنسجن بفترة الحرب على غزة لأنه إعترض على سياسة الحكومة السعودية الموقرة المنافية للإسلام )

توضيح

عائض القرني مش مفتي لكن داعية مش اكتر المفتي يعين من دار الافتاء التابعة (للدولة) ياريت تتاكد من كلامك

[wile]

كاتب النص الأصلي : أإأبو العبد

توضيح

عائض القرني مش مفتي لكن داعية مش اكتر المفتي يعين من دار الافتاء التابعة (للدولة) ياريت تتاكد من كلامك

هاا ها ها ها

ما هادا حكيي أنا ... الدولة عم تحط الي بدها ياه وتقلع الي ما بيعجبها وهون تقع المشكلة

بس عائض القرني بالسعودية صار مفتي من زمان

وأنا قعدت مع شيوخ مجازين من دار الإقتاء ( مفتيين ) وآخدو برأيه يكتير أشياء , وإختلفو معوه كمان بدون ما يجي حدا يقول هادا مو مفتي!!!!

[zeenaa]

يعني صراحة شباب انتو غيرتو مسار الموضوع كلو فالقصة مو اني نناقش وجوب النقاب أو عدمه القصة هي النقاش حول موقف ساركوزي هل معه حق إنو يدخل بالناس ومعتقداتهم بهالطريقة؟ يعني انتو حددوا أول شي شو موضوع النقاش لحتى واحد يقدر يعلق؟؟؟

[mhsen77]

اسف اذا تأخرت بالرد بس مبارح تنح النت معي

كاتب النص الأصلي : wile

حبيب أنا بعتذر لأني تهجمت عليك بالمرة الماضية

حبيب اعتذارك مقبول بس يا ريت ما تكرر معي و مع غيري نفس الاسلوب

بس هيكي إنت عم تساوي دين جديد لحالاك!

يعني معقولة كل واحد بفسر الآية متل ما بدو!!!!!!!!!!!!!!!!!!!!!! لك هيك رح يجي واحد ويقول الشرك واجب ويفسرلو شي آية على كيفه
اكيد كل انسان عندو عقل يفكر فيه لازم يستخدمو مو بس يقتبس شو حكي فلان و غيرو بعدين يا خيو يلي بدو يأشرك مو انت يلي رح تحاسبو

حبيب إذا لم تكن من من يشهد له الناس بالعلم بالدين ومن من درس الدين وتعمق فيه فما بصير تتطلع تفسر الآية على كيفك وتقول والله أنا هيك فهمت!

حبيب فهمي بيخصني انا و بس اقتنعت فيه مليح ما اقتنعت فيه كمان مليح انا ما عزمت حدا ولا جبرت حدا يفهم متل ما بدي

الله يخليك بس إنت عندك يا أما خلل بالعقيدة أو إنك منتمي لمذهب جديد ( 2009 )

والله أنا ما بدي زعلك بس عم حاكيك عن جد

يعني معقولة إبن عباس ( إبن عم النبي وأحد الصحابة ) يكون مجرد شخص عادي عنده فكرة ؟؟؟؟؟؟؟؟؟؟؟؟ وطبعا كل الصحابة والتابعين إتفقو على وجوب الحجاب وهدول برأيك أشخاص عاديين عندون فكرة
مقولتك هي متل الي عم يقول الدكتور مجرد شخص عادي وأنا بإحسن فكر متلو وأحسن منو كمان ,, معناها خلي الدكتور يقحط وقوم عالجلنا العالم

و ابو لهب كمان عم الرسول اخو ابوه
يعني القرب الزمني و المكاني من الرسول ما بتجعل كل قريب منو شخص كبير لازم نقتدي فيه في ناس مؤمنة و ناس كانت خايفة من قوة الاسلام فاسلمت بس ما آمنت

يا حبيبي الدين مو فكرة! الدين مذهب وعلم كامل ومتكامل لحاله مو أي واحد بيجي بقول لاء هدول العلماء حمير وأنا أفهم منون!

الله يسامحك .. يا أخي المسلمين أجمعو على وجوب الحجاب وإجماع الأمة حجة فمن وين طلعتلي بهالشغلة؟؟؟

بعدين الدين الاسلامي شي سبعين تمانين مذهب و كلو بيفسر على كيفو و بيأمر و بينهي باسم الاسلام بس اي اسلام بتقصد منون ؟؟؟
السنة غير متفق عليها بين كل المسلمين


بالاخير انا عندي عقل بشوف فيه الصح و الغلط يمكن ما يتوفق معك بس هيك انا شايفو

[wile]

كاتب النص الأصلي : mhsen77

اسف اذا تأخرت بالرد بس مبارح تنح النت معي

بعدين الدين الاسلامي شي سبعين تمانين مذهب و كلو بيفسر على كيفو و بيأمر و بينهي باسم الاسلام بس اي اسلام بتقصد منون ؟؟؟
السنة غير متفق عليها بين كل المسلمين


بالاخير انا عندي عقل بشوف فيه الصح و الغلط يمكن ما يتوفق معك بس هيك انا شايفو

إيه حبيب لكا إنت شو مذهبك؟؟

ولعلمك أكبر المذاهب وأعظمون هنيه السنة والشيعة والصوفية وكلون متفقين على وجوب الحجاب ( بس ماني متأكد من إنوه كل الصوفية متفقين على هالشي لأنه بعض المذاهب الصوفية الصغيرة غيرت بالدين كتير فيمكن شالو الحجاب والله أعلم ) يعني ماضل غير هي المذاهب النادرة الي بيتبعها كم واحد بهالدنية ولا أنا ولا إنتا بنعرف أحكامون بهالشي

وفي حديث صحيح قال الرسول صلى الله عليه وسلم ( عليكم بسنتي وسنة الخلفاء الراشدين المهديين من بعدي عضو عليها بالنواجذ ) يعني تمسكو بها فشلون مادخلك فيون؟؟؟


ووالله بعرف إنك فهمان وعندك عقل بس العقيدة والتفسير و والفقه و الحديث وإسناداته و...إلخ هي كلها علوم بيدرسوها الناس وبيطلعو فيها بشهادات ماجستير ودكتوراه فمعقولة يجي واحد من الشارع يقول أنا عندي عقل بفكر فيه متلي متلون؟؟

كل العالم عندون عقول وبفكرو معناها بلا دين بلا بطيخ ... فكرو بتفهمو كل شي عن الدين؟؟ معقول هالحكي؟

[mhsen77]

كاتب النص الأصلي : wile

إيه حبيب لكا إنت شو مذهبك؟؟

ولعلمك أكبر المذاهب وأعظمون هنيه السنة والشيعة والصوفية وكلون متفقين على وجوب الحجاب ( بس ماني متأكد من إنوه كل الصوفية متفقين على هالشي لأنه بعض المذاهب الصوفية الصغيرة غيرت بالدين كتير فيمكن شالو الحجاب والله أعلم ) يعني ماضل غير هي المذاهب النادرة الي بيتبعها كم واحد بهالدنية ولا أنا ولا إنتا بنعرف أحكامون بهالشي

وفي حديث صحيح قال الرسول صلى الله عليه وسلم ( عليكم بسنتي وسنة الخلفاء الراشدين المهديين من بعدي عضو عليها بالنواجذ ) يعني تمسكو بها فشلون مادخلك فيون؟؟؟


ووالله بعرف إنك فهمان وعندك عقل بس العقيدة والتفسير و والفقه و الحديث وإسناداته و...إلخ هي كلها علوم بيدرسوها الناس وبيطلعو فيها بشهادات ماجستير ودكتوراه فمعقولة يجي واحد من الشارع يقول أنا عندي عقل بفكر فيه متلي متلون؟؟

كل العالم عندون عقول وبفكرو معناها بلا دين بلا بطيخ ... فكرو بتفهمو كل شي عن الدين؟؟ معقول هالحكي؟

يا خيو بظن انو مذهبي ما كتير الو علاقة بالنقاش
بعدين عظمة اي شي لا تقدر بالعدد

بعدين هي خيو

وفي حديث صحيح قال الرسول صلى الله عليه وسلم ( عليكم بسنتي وسنة الخلفاء الراشدين المهديين من بعدي عضو عليها بالنواجذ )

يلي بعرفو انو الرسول عليه الصلاة و السلام ما وصى بالخلافة من بعدو لحدى و ما سمى لا خلفاء راشدين ولا غيرون فا ياريت تقلنا مين يلي روى هالحديث واذا كنت انا غلطان صححلي

و بعدين رح اجي معك شوي لحتى بينلك شوي من قصدي
اذا كان عنا مفتيين كل واحد من بلد و اعطو فتاوى مختلفة حول موضوع واحد معين مين يلي رح نعتبرو رأي الدين؟
لاتقلي هالحكي ما بيصير
و التاريخ كتير بيتذكر فتاوي بتتنافى مع جوهر الدين الحنيف
هالشي بيأكد كلامي انو لازم نشغل عقلنا لنمييز الصح من الغلط

[zeenaa]

كاتب النص الأصلي : mhsen77

يا خيو بظن انو مذهبي ما كتير الو علاقة بالنقاش
بعدين عظمة اي شي لا تقدر بالعدد

بعدين هي خيو

يلي بعرفو انو الرسول عليه الصلاة و السلام ما وصى بالخلافة من بعدو لحدى و ما سمى لا خلفاء راشدين ولا غيرون فا ياريت تقلنا مين يلي روى هالحديث واذا كنت انا غلطان صححلي

و بعدين رح اجي معك شوي لحتى بينلك شوي من قصدي
اذا كان عنا مفتيين كل واحد من بلد و اعطو فتاوى مختلفة حول موضوع واحد معين مين يلي رح نعتبرو رأي الدين؟
لاتقلي هالحكي ما بيصير
و التاريخ كتير بيتذكر فتاوي بتتنافى مع جوهر الدين الحنيف
هالشي بيأكد كلامي انو لازم نشغل عقلنا لنمييز الصح من الغلط

يعني انا كنت بدي علق نفس الشي يعني انت بهالحالة ديما بتستفتي قلبك

وخصوصا مفتيي الازهر اللي كل يومين بنطوا بفتوة الله مولاها

[المحارب العتيق]

مابعرف وين صار الموضوع وليش !

بس أخي لحنا المسلمين متخلفين . من الاخير يعني . متل ماعم قلكم . ومقتنعين بقصة النقاب . لك حبيبي حرية شخصية . وعلى اساس بفرنسا بلد مواطنة ومتحضر وبيلعبو تركس كتير منيح . شو الهم عندهم . لما بأحدى الولايات أنمنع لبس الجينز الزاحط . كل الدنية هاجمت هالقرار . وكان ضد الحريات الشخصية . بس هون لأنو بيتعلق بالمسلمين صار مبرر . بالفعل أزدواجية معايير رهيبة . وشكلها بحياتو لا حيكون في تعايش ولا حيكون في حوار اديان وحضارات . لأنو أحد البلدان يلي منعتبرو مثال يحتذى بهالقصة كمان شوي . رح يصير متلو متل ألعن واحد

[yass]

بعد اذنكون.. بعتقد الموضوع (كـ خبر) أخد حقو من النقاش و صار النقاش فقهي- ديني بعتقد ماننا فيه في سياق نقاش الخبرية...


لذلك بشوف الأفضل انو نغلقو