مطلوب امرأة بين الـ 25 و 35 و لها أولاد و ذلك لتأجير رحمها

[Amo0o0orah]

كاتب النص الأصلي : zen

شو المسخر بالضبط و وين

قمة المسخرة انو يكون هالشي الغريب طبيعي!!!!
والله عم نشوف عجايب من الامهات يلي هنن حملوا وولدوا ورضعوا
كيف بقى اذا ما تعذبت فيه منووووب شو بده يطلع منها!!!

[whiterose]

انا كمان سمعت بهالشي مرة
وقالوا انو الشغلة سيئة جداً

مالها سيئة ابدا هي متل عمليات طفل الانبوب بس الفرق انو النطفة والبويضة مو من زوجها ولا البويضة الها

[whiterose]

كاتب النص الأصلي : kosayka2

إنساني على عيني و راسي

و لكن الشعور الأنساني لا يتدخل المال به

اما في حالتنا فهذا الشعور اصبح عبارة عن تجارة و هي مربحة

و كما قلت هي عملية تجارة أطفال

عملية تجارة الاطفال بتكون لما الناس بتبيع ولادها مو بتموت لتحصل على طفل

والموضوع بحت انساني مهم دخلت فيه المصاري

ولعلمك اول عملية تاجير رحم بالوطن العربي كانت بالأردن لما امرأة قبلت تأجير رحمها لأختها يلي بتعاني من مرض بالرحم ولا يستطيع رحمها حمل الجنين اكتر من شهر واحد

وما تلقيت ولا ليرة على هالشي؟؟
منقدر نقول انه مش انساني؟؟

[whiterose]

كاتب النص الأصلي : kosayka2

هل برأيك فيمة الأنسان صارت هالقد رخيصة لدرجة انو صار فينا نشتريه و نبيعو ؟؟؟؟؟

يعني هي عملية تجارة بنص مليون ليرة فيني اشتري ولد و خلصت القصة فهل هالشي صح ؟؟؟؟؟؟

اذا انت رافض هالموضوع من باب انو قيمة الانسان رخيصة؟؟

فبتخيل مو زابطة هيك

بهيك امور بتعلى قيمة الانسان وخاصة متل ماقلت انو المراة بتخاف على جمال جسدها مايضيع
ورغم ذلك بتعمل هيك


من وجهة نظري لو أمراة قبلت تأجر رحمها مقابل مليون دولار هية بالنهاية عم تعمل شيء إنساني

[whiterose]

كاتب النص الأصلي : zen

انو كيف يعني
ولد طالع من رحمها ما راح يكون ابنها وكيف ماراح تكون الها مشاعر تجاهو

أخ زين ...باعتبار أخي زين

مارح اعملك درس هلىء عن هالقصص

بس وظيفة الرحم حمل جنين لتسع اشهر فقط
هناك ارحام مريضة مشوها لاتستطيع ذلك

الحمل هو نطفة+بويضة + غرسهم بعضلة الرحم

لما امراة تحمل من نطفة وبويضة لاشخاص غريبين عنها رح يخلق المولود مش الها ولا الها علاقة فيه

بس انا بشاركك الراي انو رح يكون في عاطفة اتجاهو

واثبتت الدراسات انو الدم يلي بيتغذى منو الطفل بياثر على نموه وشخصيته والله اعلم

بس بالنهاية الطفل مابيمسها لامن قريب ولا من بعيد

[LiOnHeArT.3LA2]

من وجهة نظري لو أمراة قبلت تأجر رحمها مقابل مليون دولار هية بالنهاية عم تعمل شيء إنساني

لألأ ..
انساني وقت بيكون قرايبينا ..
لك وحتى وقت بيكونو قرايبينا ..

ليكي اللي بيفكر بالانسانية لهالدرجة ..
ما بيعمل هالحركة ..

المكسب .. اللي بيتبرر بالانسانية ..
او اللي فينو يقنع حالو .. ويسكت حالو .. انو لاء لاء انا ما عم بيع ابني .. انا عم بعمل شغلة انسانية

[LiOnHeArT.3LA2]

اي .. رغم هالشي ..
هيي حرّا ..
بما انو رضيانة

[إبريل]

بالتأكيد مو طبيعي
وهاد قدر الشخص انو ما يخلف

بس لو عرضًا الابن المولود حب البنت الحقيقية للحاضنة
بينفع يتجوزوا ؟؟؟؟

[sweetbaby]

كاتب النص الأصلي : kosayka2

فكان هناك عائلة لا يملكون أولاد و السبب من المرأة و بالتحديد من رحمها فكان أتفاق بين ****** و العائلة على هذا الأساس . هذه هي الظاهرة التي تعرف بتأجير الأرحام
بالنسبة لي لا أعرف أي شيء عن هذه الظاهرة و لا عن نسب انتشارها و لا عن طريقة التعامل بها فكل ما أعرفه هو أنها موجودة و أنا متأكد من هذا الكلام
و بدافع الفضول سألت أحد الأقرباء لنا و الذي هو خريج حديث من كلية الحقوق عن هذه الظاهرة فتفاجأت أنه لا يعرف شيئا عنها و لكنه قال لي انه في القانون لا يجب أن يحدث أي تقنية من تقنيات الحمل الاصطناعي أو طفل الأنبوب إلا داخل إطار العلاقة الزوجية أي ضمن الزوجين و بالتالي إن هذا الكلام يجعل عملية تأجير الأرحام هي عملية منافية للقانون و بالتالي فهل هي جريمة ؟؟؟؟؟
فنحن لا ننسى أنها عبارة عن تجارة و لكنها تجارة تفتح علينا باب كبير من المشكلات الأخلاقية و الاجتماعية و الأسرية

مالقيت فيا شي غلط عالخالص..
بالعكس انو خدمة انسانية..
وبحتة كمان..بغض النظر ازا كانو عم ياخدو مصاري..الدكتور عم بيقوم بعملية انسانية بس كمان بياخد مصاري مقابل تعبو..فانو ازا اخدت مصاري مقابل تعب تسع شهور مالقيت في مشكل بالموضوع...


موضوع مهم شكرا قصي

[LiOnHeArT.3LA2]

بس لو عرضًا الابن المولود حب البنت الحقيقية للحاضنة
بينفع يتجوزوا ؟؟؟؟

ام بي سي 4

الدراما في بيتك

[إبريل]

الأولى ما رح تكون بعطف وحنان الأم الحقيقية
صح الأم مو يلي بتخلف بس هاد مو وضع طبيعي
والتانية ما رح تكون هالحادثة بحياتها أمر وراح وعدّى وخلص

بس أنا بدي جواب عالسؤال بينفع ولا لا؟

[zen]

انا ما بختلف معكون انو الخدمة أنسانية
بس كمان
ما بتخيل انو وحدة جابت الوالد وحملتوا 9 شهور
تقلولي ماراح يكون في بيناتهون عواطف
صعبة افهمها

[zen]

كاتب النص الأصلي : whiterose

أخ زين ...باعتبار أخي زين

مارح اعملك درس هلىء عن هالقصص

بس وظيفة الرحم حمل جنين لتسع اشهر فقط
هناك ارحام مريضة مشوها لاتستطيع ذلك

الحمل هو نطفة+بويضة + غرسهم بعضلة الرحم

لما امراة تحمل من نطفة وبويضة لاشخاص غريبين عنها رح يخلق المولود مش الها ولا الها علاقة فيه

بس انا بشاركك الراي انو رح يكون في عاطفة اتجاهو

واثبتت الدراسات انو الدم يلي بيتغذى منو الطفل بياثر على نموه وشخصيته والله اعلم

بس بالنهاية الطفل مابيمسها لامن قريب ولا من بعيد

الله يصلحك روحتي علينا مشروع الخطبة والزواززز بكلمة اخي

ليكي نسرين بوكرة بس تتجوزي وتجيبي ولد بتعرفي انو حكيك مانو صح
يعني الوحدة لما حدا بيغتصبها و بتحبل (عجبتني بتحبل)
بيكون الولد من واحد بتكرهوو كره العما بس بالنهاية ابنها
وكمان البنت اللي بيجوزوها لواحد ما بتطيقو واجباري كمان الولد ما راح يكون بيمسها
وبهالحالة كتار من الناس عنا راح تكون امون مالها علاقة فيون

الرابط الانساني الللي بينتج عن عملية الحمل والولادة ما ممكن نفسر طبيا

[أم الجود]

كاتب النص الأصلي : whiterose

بس وظيفة الرحم حمل جنين لتسع اشهر فقط

هناك ارحام مريضة مشوها لاتستطيع ذلك

الحمل هو نطفة+بويضة + غرسهم بعضلة الرحم

لما امراة تحمل من نطفة وبويضة لاشخاص غريبين عنها رح يخلق المولود مش الها ولا الها علاقة فيه

بس انا بشاركك الراي انو رح يكون في عاطفة اتجاهو

واثبتت الدراسات انو الدم يلي بيتغذى منو الطفل بياثر على نموه وشخصيته والله اعلم

بس بالنهاية الطفل مابيمسها لامن قريب ولا من بعيد

كيف ما بيمسها لا من قريب ولا من بعيد ؟؟؟
الأمومة و الأبوة مو مجرد بويضة و نطفة ..
الأم و الجنين على مدى 9 شهور بيصير في تعايش حميم بيناتون .. هالشي فيزيولوجي شئنا أم أبينا ..
- الجنين من هو و برحم أمه بيبدى يتعرف على عالمها الخارجي : بيسمع صوتها و كل الأصوات اللي بتسمعها ، بيتآلف مع موسيقتها .. بيتعوّد على ذوقها بالأكل (السائل الأمينوسي للرحم بينقل للجنين مذاقات الأكل اللي عم تتناوله الأم تماماً مثل حليب الرضاعة الطبيعية) ..
- و الأم كمان بتبدى تتعرف على هالمخلوق من قبل ما تشوفه من خلال كتير ظواهر بتصير خلال الحمل و بيكون الها تفسيرات بتتعلق بشكل الطفل أو خصال فيه .. و لا تنسوا كمان انها مجبورة تراعي صحته اللي بترتبط بصحتها (متل الامتناع عن تعاطي الكحول و التدخين و حتى شرب الشاي في حال كان عندها نقص بالحديد و الفيتامينات) و أهم شي آلام المخاض و الولادة و المشاعر اللي بتحس فيها المرأة أول ما بينسلخ هالكائن عن جسمها ..
برأيكون هاد كله عادي و ما بيولد مشاعر خاصة بين الحاضنة و الجنين ؟ برأيكون فيها الحاضنة تقوم من الولادة و تروح على بيتها تاني يوم و كأنها كانت بالمستشفى عم تعمل عملية الزايدة أو المرارة ؟!!
و حتى لو هي عملت هيك بإرادتها و اختيارها (مع انو برأيي طالما الدافع هو الحاجة و الفقر فهون ما ضل الاختيار حر .. يعني متل اللي بيبيعوا أعضاؤن بفرد شكل) ما فينا نمرق من جنب هيك ظاهرة بلا مبالاة و نقول ما فيها شي و عادي و كل واحد عرفان شو عم يساوي ..!

[Abu ToNi]

يا لطيف الطف
جريمة ومتاجرة بالانسانية ومدري شو

شو عم يصير هون ؟
عم استغرب من الموقف السلبي للأغلبية المستنكرة
انه خلينا حبة حبة .. الاعتراض على وجود مبلغ مالي ؟ ولا على اعراض الحمل ؟ ولا على فكرة الحضانة المؤقتة للطفل من اساسها؟
فهمونا شو الطرنيب يعني

هاموش :

برأيكون فيها الحاضنة تقوم من الولادة و تروح على بيتها تاني يوم و كأنها كانت بالمستشفى عم تعمل عملية الزايدة أو المرارة ؟!!

والله ما بعرف شعور العامل عملية زايدة .. بسألك ابو الزوز الزلمة ما صرله زمان
ومع هلشي ما عم اقدر افهم شو الفكرة بالضبط من الاعتراض

[sandra]

بعتقد موضوع تأجير الأرحام رح يتم تقبلو شوي شوي
موضوع طفل الأنبوب أول ما طلع أثار كتير انتقادات اخلاقية وهلا صار الموضوع عادي

كاتب النص الأصلي : kosayka2

فببريطانيا عم تصير هي العمليات بشكل عادي و حتى السبب الأساسي انو النساء يردن المحافظة على اشكالهن

يا قصي نفس الشي بينطبق عطفل الأنبوب
في بنات بترغب بالأمومة وبيلجأوا لطفل الأنبوب عن طريق بنك النطاف وهيك هي بتحصل على طفل بدون أي صلة مع الأب .. ما منعرف شو الدافع يلي بيدفع المرأة لهيك حل بس بس متل هيك دوافع ما بتعني أبداً بأن عملية طفل الأنبوب هي دايماً بتصب بهالمنحى
بالعكس هو حل لمشكلة الإنجاب واستخدامو إن كان بطريقة جيدة أو لا تابع للإنسان نفسو

[Genifer]

كاتب النص الأصلي : kosayka2

في أوروبا ارتفعت نسبة الاستئجار و ذلك لان السيدات يردن المحافظة على أجسادهن و خوفاً من ترهلها
و في الهند أصبحت التجارة مزدهرة نتيجة للفقر

انا شفت بالموضوع شي قريب كتير لقصة التبني (يعني المرأة بتكون حامل وبيتبنوا الولد وبس ما بتخلف بياخدوه.. بس هون من نفس الأب والأم)

ومن الملاحظ انه في تكرار للعبودية والاقطاع من زمان ..وقت الرجل يشوف مرته مابتجيب أولاد بيجيب ولاد من عبيدته

ويعني اذا السيدات يردن المحافظة على اجسادهن من ترهلها هالشي مو معناتها يستغلوا الفقر ويستعملوا رحم غيرهن منشان يخلفوا..مابدهن ..بلا

[HashtNasht]

كاتب النص الأصلي : kosayka2

هل برأيك فيمة الأنسان صارت هالقد رخيصة لدرجة انو صار فينا نشتريه و نبيعو ؟؟؟؟؟

يعني هي عملية تجارة بنص مليون ليرة فيني اشتري ولد و خلصت القصة فهل هالشي صح ؟؟؟؟؟؟

ما حدا جاب سيرة انك تشتري ولد , و انا بشوف انو هاد الموضوع فيه كتير انسانية , شو بدك انسانية امتر من انو انسان يساعد انسان تاني ليكون عندو ولد ؟