المصافحة بين الشباب والبنات .. وتنامي ظاهرة الامتناع

[Abu ToNi]

كاتب النص الأصلي : inodessa

لا نروح اذا سلم شب ع شب منعتبر فيها شهوي مثلية كمان!!!!؟؟

حلو هلسؤال
يا ريت لو حدا بجاوب عليه

[saman]

لا نروح اذا سلم شب ع شب منعتبر فيها شهوي مثلية كمان!!!!؟؟

بزمناتو قللي ابو صطيف (صافو )ة انو التبويس بين الشباب باوكرانيا يعبر انهن مثليين .. قصدي على نبويس الخدود الطبيعي .... يلي منعملو وقت نكون مشتاقين للشخص كتير .... ومنبوسوا على خدودو
اما عن المصافحة فا بتوقع انو قريباً رح تصير هيك .. بما انو مسكة الايد انمنعت عند الشباب بين بعضهن منشان ما حدا يقول عنهن مثليين (بس بين البنات حلال )

[..Jimy]

اي هلئ كتير الاجانب بس يجو لعنا بينصدمو اول شي..
بحركة السير..اي وتاني شي انو الشباب بيبوسو بعض..

هلئ انو انا بشوفها عاديية جدا.. والبوسي عالخد شباب وصبايا رفئة كمان عاديي جدا..
والبوسي عالخد موجودي بعادات الشعب السوري بالانكارتا .. (اي وسعدو)

[باشق مجروح]

طبعاً مع شديد الاستغراب لحدوث الشهوة من خلال السلام ولكن في حال حدوثها ( بالسعودية او باكستان مثلاً ) فهوي الحجة الوحيدة الممكن قبولها على الاقل منطقياً في حالة التمنع عن السلام .
وفي حالة المثلية الجنسية الي اساساً ما بتعترف الاديان بوجودها رغم ارتباطها بهيك مسألة ( يعني امكانية حدوث شهوة من المصافحة / دينياً ) بس الدين ما بيعترف بالمثليين اساساً لذلك فـ سامحلهون يسلمو ع بعض وهون التناقض بالغاية الحقيقية وراء التحريم .

و بالاخير متل ما قلنا مو الغاية اجبار حدا على تغيير قناعاتو بقدر مو محاولة لفهم الاسباب الحقيقية و مناقشتها منطقياً .

[ابو ريتا]

اي هلئ كتير الاجانب بس يجو لعنا بينصدمو اول شي..
بحركة السير..اي وتاني شي انو الشباب بيبوسو بعض..

بصراحة

تخيّل انو ببعض المجتمعات الأوربية وخاصة الشرقية منها
روسيا و الدول الي حد منها , في شي بيسموّه المجتمع المحافظ
بهاد المجتمع لما الأب يسلم على ابنو مهما كبر وصار كبير , لما يصافحو
لازم يبوسو عالخد متل عنا تماما بالمجتمع الشرقي , ,,, هلأ بين ولاد العمومة ما أظن
تصير , بس بين الاعمام و ولاد الأخ وهيك , تخيلو أنو كان عنا دكتور كيمياء هون ببولندا
طبعا من المحافظين جدا هو , يوميا كان يسلّم على ابنو , ويبوسو على خدو ( ابنو صمالله عليه,,,
,,,, دكتور بالجامعة كمان )

[zen]

كاتب النص الأصلي : inodessa

ي
لا نروح اذا سلم شب ع شب منعتبر فيها شهوي مثلية كمان!!!!؟؟

اي بتصير
انا تحديدا صارت معي مع حدا من الاخوية
قال مسكتلوا ايدو ف فقكرني انو انا مثلي
و سببلي أزمة لفترة

[Nay]

كاتب النص الأصلي : ..Jimy

هلئ معك ببائي الحكي بس هاي فوق..ما فهمت عليكي..كيف يعني؟

يعني بقصد جيمي.. انو العلاقات .. السلام والبوسة على الخد وقت السلام مو دايما هيي طبيعية وبرأيي فيها شكل من التصنع كتير كبير بالمجتمعات المفترض انها متحررة او منفتحة بسوريا ..
يعني لما بروح كل يوم على الجامعة ما في داعي بوس رفقاتي الشباب كل يوم.. يعني الاشواق مقتلة بعضها!!..
وانو هي التصرفات يلي بتزعج احيانا الاخرين لما بيشوفوها او بيستغربوها... الشباب والصبايا لما عم يمارسو هي التصرفات بحس انو شكل من اشكال الاستعراض مو أكتر,, ومانو تعبير عن المحبة الحقيقية..

انا بالبيت مو كل يوم بس فيق الصبح ببوس اخواتي رغم انو هنن اغلى الناس على قلبي كمان ما في داعي بوس رفقاتي كل يوم.. عفوا للخروج عن الموضوع ..كنا بالسلام صرنا بالبوس

[zen]

كاتب النص الأصلي : Nay

يعني بقصد جيمي.. انو العلاقات .. السلام والبوسة على الخد وقت السلام مو دايما هيي طبيعية وبرأيي فيها شكل من التصنع كتير كبير بالمجتمعات المفترض انها متحررة او منفتحة بسوريا ..
يعني لما بروح كل يوم على الجامعة ما في داعي بوس رفقاتي الشباب كل يوم.. يعني الاشواق مقتلة بعضها!!..
وانو هي التصرفات يلي بتزعج احيانا الاخرين لما بيشوفوها او بيستغربوها... الشباب والصبايا لما عم يمارسو هي التصرفات بحس انو شكل من اشكال الاستعراض مو أكتر,, ومانو تعبير عن المحبة الحقيقية..

انا بالبيت مو كل يوم بس فيق الصبح ببوس اخواتي رغم انو هنن اغلى الناس على قلبي كمان ما في داعي بوس رفقاتي كل يوم.. عفوا للخروج عن الموضوع ..كنا بالسلام صرنا بالبوس

انو صح في ناس بتعتبر الحرية مظاهر انو كل ما قصرت التنورة وكترت البوسات فهي حرية
هي القصة بتبقى عادة
ومانها مصطنعة يعني بتصير بدون ما تحسب انها بدها تصير
مو مد ايدي لسلم وانا عم فكر صح وغلط او مط راسي لبوس وفكر شو راح يصير انو راح اخد بوسة ولا انلطش كف

[firdaous]

ya3ni chi 3adi jidan ini ana asilim 3ala walad mo yahtaj dhaja kebiri li ino lazim yikon chi motajawaz w lazim n fakir fi 9adhaya akbar w akthar ta39idan min hik

w ma3rof inu haram fi dinana al hanif bas b ra2yikom hayda i chi l wahid ili haram w b ni3milo ya3ni mo haram nikdib w n nafi9 bass haram n salim

[firdaous]

bass ya3ni l boss ichi taniiiiiiiiiiiiiii ...

[sweetbaby]

هلا بصراحة ماقريت كل الردود...
بس بصراحة انصدمت انو عنا بسوريا في هيك
هلا بمجتمعي بسوريا بحياتي ماواجهت هالمشكل وبحياتي ماسلمت ع حدا وخجلني...انو ازا شفت حدا من رفقاتي بالطريق بسلم عليه عادي و بوسو كمان...هي ان كان شباب والبنات كيف ماشفتينا منبوس بعض (متل الكل يعني)
بينما هون بمجتمعي باميركا التبويس قليل كتير وحتى السلام قليل الا ازا شي حدا مابعرفو وتعرفت عليه بسلم عليه بالايد بس ازا اي حدا من رفقاتي بنات او شباب هون بيتم الاعتماد على ضمة (هغة=hug ع قولة ابن خالي) ويللي انا بفضلا اكتر شي...انو هيك بتعبر عن حبك او اشتياقك للشخص ومشان ازا حدا بيستثار من بوسة فالبوسة مو موجودة

[butterfly]

عفوا يعني ما بدو يسلم عليكن ؟! لأي كانت دوافعو " انت شو زاعجك ؟ ؟ "

أول قاعدة بينبهونا ألها بالشغل ما تبادر بتحية الدكتور إذا ما مد إيدو

انا شخصيا ً ما بشوف مشكلة إذا شخص ما حابب يصافحني لأي سبب كان
بالعكس بشوف المشكلة أني انا لأنو " شايفة انو لازم صافحو" أفترض أنو هو لازم يقبل المصافحة سواء هالشي عجبو أو لأ ..
في معتقدات ، في تقاليد بتعنيلو يمكن وما بتعنيلي ، بس مدام متعلقة بسلوكه الشخصي فأنا ما خصني فيها

[Raw]

أحياناً ممكن رجل يمتنع عن مصافحة النساء لأن زوجته بتغار ؛ أو العكس ؛؛ يعني المرأة ما بتصافح لأن زوجها بغار إنو تمسك ايد حدا غيرو ...
و اللمسة شئنا أم أبينا ممكن تولّد إثارة بجوز تتفاوت شدّة الإثارة بس موجودة ؛؛؛
و على قولة محمّد منير : من أوّل لمسة غيّرلي سنيني ....... إلى آخر الغنيّة.

بين قوسين هي الجملة اللي فيها كلمة مخيط هي حديث شريف مو آية قرآنية.



®

[محمد ابراهيم]

انا رئيي تقريبا من رأي ميمو وفي قليل من الاختلافات
لما كنت صغير بالسن تحت ال 15 كنت بسلم على كل العالم باليد وغالبا يعني بيكون مد اليد رد فعل مش فعل لانو عالاغلب بتصافح عالم اكبر منك بتكون المبادرة منهم ، لحد ما صار معي موقف كنت بسلم على احدى قريباتنا بالريف وعن جد حسيت انو ثقافة المصافحة بالنسبة الها معدومة وكاني هالشيئ جديد عليون حسيت بابتسامة وخجل ، من هالوقت صرت ما بمد يدي لمصافحة اي انثى لاول مرة الا اذا هي مدت يدها ، ومع الوقت باخر شهور بحياتي انتقل الوضع للذكور وللاناث ما عدت ابادر بمصافحة حدا ، صرت ردة الفعل

كاتب النص الأصلي : sweetbaby

هلا بصراحة ماقريت كل الردود...
بس بصراحة انصدمت انو عنا بسوريا في هيك
هلا بمجتمعي بسوريا بحياتي ماواجهت هالمشكل وبحياتي ماسلمت ع حدا وخجلني...انو ازا شفت حدا من رفقاتي بالطريق بسلم عليه عادي و بوسو كمان...هي ان كان شباب والبنات كيف ماشفتينا منبوس بعض (متل الكل يعني)

اروح اقتل حالي يعني بدنا خط سيرك بالطريق مشان كل يوم رح قابلك شي 7 او 8 مرات

[sweetbaby]

كاتب النص الأصلي : محمد ابراهيم

انا رئيي تقريبا من رأي ميمو وفي قليل من الاختلافات
لما كنت صغير بالسن تحت ال 15 كنت بسلم على كل العالم باليد وغالبا يعني بيكون مد اليد رد فعل مش فعل لانو عالاغلب بتصافح عالم اكبر منك بتكون المبادرة منهم ، لحد ما صار معي موقف كنت بسلم على احدى قريباتنا بالريف وعن جد حسيت انو ثقافة المصافحة بالنسبة الها معدومة وكاني هالشيئ جديد عليون حسيت بابتسامة وخجل ، من هالوقت صرت ما بمد يدي لمصافحة اي انثى لاول مرة الا اذا هي مدت يدها ، ومع الوقت باخر شهور بحياتي انتقل الوضع للذكور وللاناث ما عدت ابادر بمصافحة حدا ، صرت ردة الفعل

اروح اقتل حالي يعني بدنا خط سيرك بالطريق مشان كل يوم رح قابلك شي 7 او 8 مرات

يعدمني حالي اي مو لهالدرجة انت التاني

بس لحظة انو ازا شب سلم ع شب تاني ممكن يكون في امتناع؟؟

[محمد ابراهيم]

كاتب النص الأصلي : sweetbaby

يعدمني حالي اي مو لهالدرجة انت التاني

بس لحظة انو ازا شب سلم ع شب تاني ممكن يكون في امتناع؟؟

المصافحة الها مدارس واتجاهات فكرية وفلسفية ونفسية وكثير من النواحي .

طيب رح احكيلك عن جاري البالغ من العمر 74 عاما مع المصافحة (بصفة عامة رجالا ونسائا)
هالرجل ضد المصافحة تماما ولفت انتباهي هالموضوع من سنوات وسألتو عن امتناعو عن المصافحة أجابني بالتالي :
هو انت تعرف اللي جاي يسلم عليك غسل ايدو ولا لاء ؟؟ وهي ايدو كانت في اي داهية مش يمكن كانت في انفو ولا كانت في طي*و ، انتهى الحكي على لسانو
وعنجد الرجل بيحكي بمنتهى الجدية وبدون مبالغة ، تحسيه مقتنع تماما بحكيو وهذا ينطبق على مصافحة الرجل والانثى على حد سواء (ممكن بيوم فتاة او شاب تقابل شخص من المدرسة الفكرية ) مش شرط عدم المصافحة يكون نابع من فكرة وحدة فقط
الي تعليق على عدم تقبل العالم لفكرة انو حدا مابدو يصافحك او مابدو يصافح بصفة عامة
انا بشوفها نوع من انواع الحرية ، كل واحد حر يصافح او مايصافح ، تصافح صبايا بس او تصافح شباب بس او العكس ، هي حرية شخصية

[مجنون يحكي وعاقل يسمع]

[quote=zen;1270312]انا بطالب بالاعتذار
سرقتلي فكرتي
وقلتها بون ما تاخد أذن مني


يا زلمة في حقوق فكرية ما سامع فيها
أهلين زين
سعدو يخليلنا ياك ذخراً للوطن
عن شو بتحب أعتذر خيو زين أنا جاهز بتحب أعتذر عن إشيا لسا ما عملتها وما مفكر أعملها أيضاً وأيضاً ما في مشكل كل عندي ماشي وكلو مخشخش من دون خشخاشي وبس ماشي
وبعدين النقاش عن وضع مد الإيد للسلام بيكون بمجتمع الأفكار ما إلها قيمة طالما حولنا الله لواحد رافع سيفو فوق الناس وعم يوزع عبسات ولا عنتر عبس , شو هالأمة غللي رجالها بيستثارو من وضع إيد أنثى أو رجل بإيدون وما بيستثارو من مناظر الدم بكل شبر من أرضون
سعدو يلعن هيك أمة هي مو أمّة هي أمة بعدم تشديد الميم
واعتذارات وبوسات دقن لإلك منّي خيي زيد ودير بالك لحالك من شي بوسة طايشة وياريت بتعملي زيارة لهون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ومنحكي بالموضوع سوا

[marioma alghzayala]

هلأ حسب المحل او المنطقة اللي ساكن فيا ...

يعني انا وحدي من العالم متل ما قالت ريتا ..بشوف رفقاتي بسلم عليهن وببوسن ... بس كمان مو متل ما قال محمد ابراهيم يعني انا شفت رفيقتي بالشارع او رفيقي سلمت عليه وبوستو ...بس يمرق مرة تانيي مابرجع بعيدا للاسطواني

بس الشي اللي كتير بدايقني هوي انو وقت مدّ ايدي مشان سلم ع حدا بيجي بحط ايدو ع صدرو انو ما بسلّم .. من فترة صارت بحمص .. اي وقتا قلتلا لماما يضرب هوي واللي سلمت عليه (يعني انا )

طيب معليش يعني شو بدو يصير ؟؟ ... انا لا بدي اخطبك ولا بدي اتجوزك ..السلام متل ما بقولوا ل الله .. وانا نيّتي سليمي تجاهك ..اكتر من انك رفيقي مافي شي ..اي بتجي ما بتسلم ؟؟.. يازلمي ..

حتى وقت بكون حدا متوضي .. صدفت مرة انو واحد كتير بصلّي بس كل ما بسلم ع حدا مشان ما يخجلو ... بيحمل منديل ..بحطّو ع ايدو مشان ما يروح الوضوء ... استغربت الحركي وما عرفت انو في هيك شي ...

...ف ما بعرف كتير بلاقيا عادي انو سلم ع حدا ...بس المو عادي ومو حلو وابدا ما بستظرفو انو مد ايدي مشان سلم ع حدا يجي هوي يرفض